حياك الله اخوي الرجال العنزي ولاعليك زود وشكرا لك لمرورك وتعقيبك ،،،،

ماكتبنا الا غيره على هذه القبيله وتاريخها ونسبها ، وبالنسبه للاختلاف لايوجد اختلاف ان شاء الله ان كنت تقصد مادار بيني وبين الاخ محمد

لكن بما انك اثرت الموضوع ، فاني اود ان اعقب وخلنا نعيد الصياغه باسلوب اخر وبدون تكلف

مثلا البيت اللي ورده الاخ ابن دوهان (حتى الامير الضيغمي جاء يجاملك ) ندري ان كلمة جاء يجاملك ماهي من اساس القصيده ، لان قولة يجامل مايقولونها الاولين وواضح انها ركيكه بالبيت ، المعتقد في اصل البيت اما ان الشاعر غلط بالقاف وجاب له قاف ماهو على القاف او انه كرر قاف قبله لذلك ابومشعل غيّره رغم ان كثير من الشعراء القدامى ماهم على نفس المستوى ، فنجد الشاعر يخطي بالقاف في كثير من الاحيان وهو لايعد شاعر بارز ولو كان يقول الشعر ، فهذه حقيقة لانستطيع ان نغيرها ونضبط الاوزان والقوافي لشعراء فنوا ، فبقاء الاصل حتى مع الاخطاء بالوزن والقافيه هو الافضل ،او قد يكون النقل خطا من الراوي اللي غالبا مايكون شاعر لذلك يحصل التحريف سهوا
ومثلها وذنان خلا صابرك ينهز القاع
وذنان هذا اما ان اسمه وذنان الرجال والا محرف عن اسمه الحقيقي والا لقب بما ان هذا الفارس له اذان وهو مايخالف صياغة البيت ، ولعلك تحذف حرف واحد او حتى نقطه ماهو حرف ويعطيك اسم الفارس الحقيقي ،
وكم واحد داجن عليه العوادي
كلمة كم واحد حنا نقولها يالشعار المتأخرين لانا ماحضرنا فعول ، مانحدد احد ، وهنيا الرجل يذكر فعول ويوصف توصيف محدد مطلوب منه ، مما يدل ان كم واحد مبدله باسم شخص من طرف القتلى في المعركه ،هذا على سبيل الاشاره والا القصيده وش استفيد منها لاصار لاعرفت الخبر الحقيقي ولادريت وش السالفه وش المغزى منها ؟
الاخ محمد اورد الاسئله وقال ارجع لها وهو بذلك يبي الامور تمشي كما يريد ، وانا لايعجبني ذلك اذا كان عند الاخ محمد استفسار فليضعها في موضوع مستقل ونعطيه مانقدر من معلوماتنا المتواضعه حسب استطاعتنا اما اخذ الموضوع كله وجره بهذا السياق واسئلك اسئله جاوبني عليها وارجع لك ، ماني طالب باختبار يفرض علي اسئله واجاوبها ثم اتنى تعقيب احد علي، اللي عنده شين يورّده بموضوع مستقل ويسالني ويسال غيري ،