انصحـك يالـلي عـزوتـك تشتكي منـك *** وصـاتـك بـتـرك الـمـجـادل وصـاتـك
انظر على يسراك واشبح عـلى أيمنـك *** كـمـا تـقـول الـنـاس عـيـنـك مـراتـك
افـطـن تــرى رب الـخـلايـق يـعـايـنـك *** افـهـم وخــذ مـن الـتـجـارب كــفـاتـك
لا تهـمـل حقـوق البشـر فـي تهـاونـك *** أيـقـض ضـمـيـرك لا يـطـوّل سبـاتـك
بـعـدك عـن الـواقـع يـهـينـك ويـمهنـك *** عـن الحـقيـقـه مـا يـجـوز افـتخـاتـك
اسمـع كـلام الصّـدق مانـي مـداهـنـك *** لا تحسب أن النـاس تخـشى قــنـاتـك
يـمنعـك عـن ذم البشـر طيـب معـدنـك *** وتنهـاك عـن قـول المخازي صلاتـك
كـان أخـو مـرّه مغـوي النـاس خادنـك *** يـسيـر مـع دربـك ويـمـشي مـشاتـك
كـانـه تغـلـك الـلي يحنـك البشـر حنـك *** مـن شـد غـولـه مـا تـطيـق التـفـاتـك
ربـط عـلبـاك بقـاسي الحبـل وارسنـك *** وقـاودت لـه واحجمـت عـن واجباتك
احـذر مـن الشيطـان وايـاك يـشحـنـك *** تـزعـل وتـوصـل بالغضـب منتهـاتـك
قـل لـلـعـّيـن إبـلـيـس مـولاي يـلـعـنـك *** تــعــّوذه لا يــقــتــرب مــن تــلاتــك
وأحـذر مـن العـفـريـت بـالـك يـقارنـك *** الـلي يوسوس لـك بهـجـعـت مبـاتـك
واحـرص مـن الـلي في مهاجيه يفتنك *** ابعـد عـنـه كـان أنـت ترغـب نجاتـك
لا تطـاوع الـلي بمنهـج الظلـم عاونـك *** كـف اللـّغى واحشم عن الشتـم ذاتـك
هـافي بـخــت بالهـيـف والكـذب لغـّـنـك *** طـعــن بـجـدك ثــم عيّـب امــواتــك
وأن كـان جسّـرت البغيـض وتـلايـنـك *** جسـر عليك وباخمس الرجـل شاتـك
وافهـم تـرى شقواك بالنـاس تشطنـك *** تـكـره وعـنـد الخـلـق يـكثـر شمـاتـك
حـكي الخطـأ والمنطق العـفن يعـفنـك *** اخـيـر مـن منطـوق هرجـك اسكاتـك
مـن تـطـعنـه لابـد بـالـمـثـل يـطـعـنـك *** أن كـان سـبـيـته يـســوّي ســواتــك
الـهـرج بالبـاطـل كـمـا قـرقـعـت زنـك *** والـلي ظـلـمتـه مـا تصيـبـه دعـاتـك
ان طعتـني امسك عن السـب ملسنك *** خـلــه يـريـض ويـسـتـكـن بـلـهـاتـك
مـن الـذي فـي سـب الأجـواد مـونّــك *** مـرتـعـك بـاعـراض العـبـاد وفـلاتـك
وأن كان صار السـب والشتم ديـدنـك *** خاسـر وتدفـع مـن رصيـد احسناتـك
ولا نلت طايل كـان لـك صاحب ترنـك *** تعيش بأسوى حالتـك ما أنـت عاتـك
هيهات في سـب البشر ما تغدي كنـك *** ما نلـت خـيـر ولا حصـل لـك منـاتـك
تـسـب قصـدك تـرصـد الـمـال بالبـنـك *** وتـرجي مـن الـلي يتابعـونـك غناتـك
مهـمـا بكسـب السحـت تمـلأ خـزايـنـك *** لـو تـنـفـقـه مـا أظـن تـقـبـل زكـاتـك
وكـانـك تـبـي شـهــره ثــلاثـة تـزيـنـك *** الـديــن والـعــدل الـقـويــم وثـبــاتـك
تـشهـرك بـعـلـوم الفضيـلـه محـاسـنـك *** وتـزداد بـقـلـوب الـحـمـايـل غـلاتـك
تـطـمـع بشـهـره لكـن النـاس تبـخـنـك *** الـنـاس مـا تخـفى عـليهـم صفـاتـك
أهـل الفـهـم والـعـرف بالهـرج تـازنـك *** تـوزن بعـقـلـك لا بـطـول اشـعـراتـك
كـان الحسـد شـارك بـعـقـلـك وجـنـنـك *** تكشـف وتعـرف مـن خـلال احركاتـك
نـلـت الكـدر والهـم والضيق والضنـك *** ولا تـرتفـع مـقـدار حـذفـت حـصـاتـك
بــقـت الـذي صـانـك وعّــزك وامــنـك *** وعقـب الجـفا مـن وافـر الـرزق قاتك
ولـي أمــرك مـعــتـنـي بـك وصـايـنـك *** وخـلاّك تـمـشي مستـخـيـل بـعـبـاتـك
خنت العهـد وانكـرت اصلـك وموطنـك *** وحصلت الـلي صحّاك واقعـد صغاتك
مـع زمــرة الأجـرام تـعـلـن تـضـامنـك *** وقـربـك لعـدوان الوطـن هـو شفاتـك
أحـذر تـمـادا حـاكـم الـعـدل يـسـجـنـك *** كـانــه أمـر مــا تـنـفـعـك واسـطـاتـك
لولا الزعيـم الـلي عـلى الخشم عارنـك *** تـطـعـن جـمـيـع المسلـميـن بـقـنـاتـك
فـيـما مـضى الصنـديـد بالـدرس لغنـك *** ومن لوعة الحـسـرة تـجـر انهـتـاتـك
يـا محـرّف انـسـاب القبـيـلـه اراهـنـك *** ان الــذي قــلــتــه مــن مـخــيـلاتــك
أخبـرك فـي قـول الصراحـه وافـطـنـك *** أقــر الـمـصــادر لا تــغـّـرك رواتــك
وأن كـان مـجـهـودي لـعـنـاز غـابـنـك *** مهـمـا تـبـوح وتشتمـت مـن عـناتـك
جـمـع العـلـوم المسمـلـه خـلهـا عـنـك *** كـل الــذي تــرغــب تـسـويـه فـاتــك
والـلـي نـفــيـتـه مـا لـجـأ يـوم زابـنـك *** ولا جـاك يطلـب تنصـره في هـواتـك
قـبـل يـجـيـك الـلي الـيـا قـمـت وهـنـك *** اقــلـع عـن ذنـوبــك واعـلـن بـراتــك
لابــد مـن ســاعــه يـحـاسـبـك دايـنـك *** والظـلـم تـلـقى عـقـوبتـه فـي ممـاتـك
يـوم المحاسب شيـن الأعمال يحـزنـك *** تـب لـلـولـي قـبـل تـصـيـحـك خـواتـك
أذكـر تـرى لازم رحى المـوت تطحنـك *** ويـنـداث مـع رمـل البـسيـطـه فتـاتـك
كـان المـكـفـن بـأبـيـض الـخـام كـفـنـك *** مـا يـنـفـعـك مـالـك وغـرس نخـلاتـه
بـالـمـقــبـره أدنــا دوانــيــك يــدفــنــك *** وسـط الـلحـود الـدود يـنهـش رفاتـك
رمـس الجـدث آخـر مـقـرك ومسكـنـك *** ويـجـيـك كـل الـلي عـمـلـت بـحـيـاتـك