قال عبدالله بن دهيمش بن عبار هذه القصيدة حيث ترفع عن المهاترات من
الذين ينشرون الزور والبهتان وتلفيق الأكاذيب فقلت :
ما عـلى منطـق صاحب الظّلم تعقيـب *** حيث أنه اسلـوبـه يخالـف اسلـوبـي
مـا اجادل الـلي مـا يعـرف المواجيب *** عـن ملمس المدنـوس عذيـت ثـوبي
الحـاسـد الفـاسـد مجـاراه مـا يـثـيـب *** فـي منهجـه يسلـك عـواج الدروبـي
قلبـه عـلى الناجح جروحـه معـاطيب *** ومـن السـواد بـوسط جوفـه نـدوبي
يـبـي الصـعـود بـعـالـيـات المـراقـيـب *** واصـبـح بـسـرداب الهبـايـا يحـوبي
ومن خـان عهـد الله وبـاق المعازيـب *** مـا ظنـتي عـقـب الخـيـانـه يـتـوبـي
وش عاد لو يعرب عن الكذب تعريب *** مـا عـنـده الا الـثـرثـره بـالـقـروبـي
ثـرثـار ما يخشى الملامـه ولا العيـب *** هـرجـه يـشـادي ذاريـات الـهـبـوبـي
هـايـف هـذور وكـل قـولـه طـبـاطيـب *** مـثـل الطبـل تجويف راسـه يهـوبي
يطعن وسهم الكذب هيهات ما يصيب *** مهـما كلامـه راج مـا هـو محسوبي
الـمـفـتـري مـالــه عـلـيــه مـطـالـيـب *** ولا هـمني لـو وجـّه الهرج صوبـي
الـلـي يـعــذربـنـي ولابـي عــذاريــب *** آخـــذ حـسـنـاتــه ويــاخــذ ذنــوبــي
ويـوم الحشـر يـجـزاه ربـه بـتعـذيـب *** بـالـمـوقــده يـصـلاه حـر الـلـهـوبـي
الـلي يسـب النـاس ما ينفض الجيـب *** حـظّـه ردي عـن كـل ظـالـم ينـوبـي
قـولـه يرغّـب حامـل الحقـد تـرغـيـب *** الـلي عـلى سـب القـرابـه طـروبـي
قصده يخرب بين الأصحاب تخـريـب *** يـزمـر كمـا الـلي يلهمـون الحبـوبي
من ينصح الغلطـان يمشي مع السيب *** كـي يـقـتـدي قـبـل يعـود مغـلـوبـي
يـشـمـت نـوادر عـزوتـه والأجـانيـب *** خـاب وخسـر حيثـه هـريـد وكذوبـي
طـعـن بخـطـلان الأيـادي هـل الطيـب *** ومن شين وفـقه حـط فيهم عيـوبي
مـن ضـافهـم يلقى حـفـاوه وترحيـب *** نسمـع بطـاريهـم وهـم بالجـنـوبـي
تاريخهـم يـبـعـد عـن الشـك والريـب *** ولا منهـم الـلي بالأصـول مهزوبي