قصائد جديدة أشادة وثناء من رجال أوفياء ومنصفين

قال الشيخ الشاعر مشعل بن هدوان بن رشيد المصرب هذه القصيدة يثني على عبدالله بن دهيمش بن عبار :

ترفع لـك البيضا عـلى راس ما طال *** في راس رجم الطيب يركز عصاها
نـعـم بابـن عـبـار تـشهـد لـك رجـال *** عـلى الشّرف والطيـب نبتت لحاها
انـت الـوكـاد الـلـي مـثـبـت ولا مـال *** حـيــدٍ مـنـيـع وصـادق مـحـتـواهـا
عـبـدالـلـه المنجوب مـن عـمٍ وخـال *** حـمـر النـواظـر شـامـخ مستـواهـا
فـدعـان والفـدعـان بهـم المثـل قـال *** حـربـة عـنـزة الطيـب ترفـع نبـاهـا
يا شـاعـر الـويـلان يا طـيّـب الـفـال *** بمثـلـك يا ابـن عـبـار حـنـا نتبـاهـا
دونـت لـلـويـلان تـاريــخ الأجـيـــال *** وحفظـت مـوروث الرجـال ونماهـا
وسجـلـت للتاريـخ وقـفـات الأبطـال *** وعـلمـت نـاس عـلـم كـان يخفـاهـا
فيك انتفاخر وانت عـزّك على اقبال *** لا قـلـت كـلمـه بالصحيـح تحـمـاهـا
واقبل كلامي وانت تاج عـلى عقـال *** يحفـظـك رب الكـون رافـع سمـاهـا

قال عبدالله بن دهيمش بن عبار هذه القصيدة جواب لقصيدة الشيخ مشعل بن هدوان بن رشيد
المصرب حيث وجه لي قصيدة في تسجيلة صوتيه يثني على جهدي لقبيلة عنزة مشكورا فقلت :

يـا مشـعـل الهـدوان تـفـداك الأنـذال *** قـلـت البـيـوت الـلي تـردد صـداهـا
يا مشعـل بـيـوتـك بديعـات واجـزال *** تـرفـع لـي الـرايـات فـي مـبـتـداهـا
وأنـا رفـعـت بـقـمّـة حـيـود وجـبـال *** رايـه تـرفـرف كـل طـرقـي يـراهــا
وأطـلب لعـل وجيـه زينيـن الأعمـال *** بـيـاض يـا سـفـر المحـيـا يغـشاهـا
يا مشعـل الهـدوان يا ضـد من عـال *** سـود الضمايـر مـا تحـمّـل خطـاهـا
يا تـرثـت الشجعـان ذربيـن الأفعـال *** أهــل الـقــودا الـلـي تـذلـل عـداهــا
كـلـن خـبـر جـمع النـهـابـه الياصال *** عـدوانـهـا بـالـكـون تـكـره لـقـاهــا
صقـر النهابـه بالجـمـل كـز مرسـال *** وعاد الجمل والبل من اللي غـزاها
ورشيـد المصرب لا حـدا كـل خـيّـال *** اليا هـابـوا الشردان يـثـنـي وراهـا
بـكـم الشجـاعـه والـحـمـيـه ولا زال *** عين الخصيم أنتم رمدهـا وعماهـا

قال الشاعر عبدالله بن سويلم الرميثي هذه القصيدة يسند على عبدالله بن دهيمش بن
عبار وضامن عبيد الدوامي بمناسبة التقاط صورة تذكارية ويشيد بجهدي للقبيلة :

انـا وابـو مشعـل مـع ضامن عـبـيـد *** في صورة تحكي بهـا جيال وجيـال
رمزيـن ماهـم مـن عموم القواصيـد *** وغيرالقصيد الجزل وقفات وافعال
ان قـلـت ابـو مشعـل بـلـيـا تـنـاشيـد *** شاعـر بـني وايـل من الجال للجال
عـبـدالـلـه الـعـبـار يـوم الـمـقـاريــد *** عـلى بـنـي وايـل يـحـطـون شـيّـال
نـظـام بـاتـريـوت دقّـه وتــحــديــــد *** بـالـرصـد والأرسـال لا عـال عـيّـال
مـا هـو بـرعـديـدٍ فـدوه الـرعـاديــد *** هـو فـارس الميدان صايـل وجـوال
وضامن عبيـد الـلي بيوتـه عباريـد *** من دون ربعـه يـبـذل الحال والمـال
شاعـر هـل العـرفـا مطاليعـه بعـيـد *** مبـطي ولـه في قمـة الشعـر منـزال
في مدحهم وش عاد ابا اقول وازيد *** لاشـك لـلـرمـزيـن تـقـديـر واجــلال

قال عبدالله بن دهيمش بن عبار هذه القصيدة جواب لقصيدة الشاعر عبدالله بن
سويلم الرميثي حيث ارسل لي قصيدة في تسجيله صوتيه :

يا مـرحـبـا حيـيـت يالـلي بـنـا تشيـد *** نقـول لـك مشكور يا شبل الأشبـال
يا أبـن سويلـم شـوفتـك كـنهـا عـيـد *** يفـداك الـلي طبعـه مخـادع ودجّـال
ساسك مـن قـروم الـرجـال الأوالـيـد *** أدنـاهـم الـلـي لـمـن تـنـصّـاه بـذّال
أنـت الـرميثي مـن سـلايـل أجـاويـد *** أبـوك باعـه في مجـال الفخـر طـال
ابـوك حـر الـيـا هـوا يعطـب الصيـد *** مـضـراب كـفّـه يـودع الــدّم شــلال
منشاه من عـزوة حمايل ضنا عبيـد *** خـلايـف مـعـلا ومـن نـقــوة رجـال
من سـاس عـزوة بالحرايب صناديـد *** من مارثة حمدان شجعان وابطـال
مبـطي لهـم بالطيـب والفعـل تـعـويـد *** يـوم الحـوافـر وقعهـا تقـل زلـزال
يـوم السيوف ويـوم عـصر البواريـد *** ضد الحريب ومزبن الخايف الذال

قال مخلف بن رمضان السحيم هذه الأبيات بمناسبة زيارة عبدالله بن دهيمش بن عبار لمنطقة تخاييل :

شـرفـتـنـا بــزيــارك يـا أبـن عــبــار *** حـي الـذي نفخـر بشوفـه وطاريـه
تـبـاشـروا بـك ربعـنـا سـر واجـهـار *** ومـن الـغــلا كـلـن يـبـيــك تـأتـيــه
يـا الـنـادر الـلي للـتـمـاثـيـل بـيـطـار *** أديـب ومـؤرخ والأنسـاب حـامـيـه
الـلـه يـفـكـك مـن صواديـف الأقـدار *** يا الـلـه يالمعبـود تـجـزل حسانـيـه
ماني بشاعر والتمس منـك الأعـذار *** يا اللي بحور الشّعر عندك مراسيه

قال عبدالله بن دهيمش بن عبار هذه الأبيات جواب لأبيات مخلف بن رمضان السحيم :

جتني رسالـه مـن سلايـل هـل الكـار *** منظوم من مخلف عسى الله يحييه
الحـر الأشقـر مـن صواريـم سنجـار *** الـيـا عـثـا بالخـرب يـدمي ثـنـاديـه
مخلف يرحّـب بـي وأنـا مـنـه شكّـار *** أنـا اشهد أنـه يبتهج صـدر ناصيه
عـنـد الـرفـاقـه لـه حشيمـه ومـقـدار *** وفي ديـرة الأجنـاب نومس بنيخه
حيثـه كريـم ولأبيض الصوف جـزّار *** تفخر به العزوة عسى الرّب يبقيه

يا شـاعـر الـويـلان يا طـيّـب الـفـال *** بمثـلـك يا ابـن عـبـار حـنـا نتبـاهـا
دونـت لـلـويـلان تـاريــخ الأجـيـــال *** وحفظـت مـوروث الرجـال ونماهـا
وسجـلـت للتاريـخ وقـفـات الأبطـال *** وعـلمـت نـاس عـلـم كـان يخفـاهـا
فيك انتفاخر وانت عـزّك على اقبال *** لا قـلـت كـلمـه بالصحيـح تحـمـاهـا

عز الله اني اوافقه بما قال

صح لسان الشاعر مشعل هدوان المصرب
شاعر جزل ، وأنت تستاهل يا ابو مشعل

وتستاهل ماقيل فيك من بقية الشعراء
وصح لسانهم ولسانك على ردك عليهم