قال الشاعر شاقي بن سالم بن حمود الصلعا الشمري يسند على عبدالله بن دهيمش بن عبار الفدعاني العنزي :
الشمري يقرض من الشعـر مـا جـاز *** وبضـاعـتـه بالشـعـر مـا هـزلـوهـا
يـاخـذ ويعـطي والقـوافي لهـا اجتـاز *** ويساجـل الشـعـار بالـلي عـرفـوهـا
يسند على كبار الشواعير مـا انجـاز *** الـلي بفـتـل الـقـاف مـالـه شـبـوهـا
يسنـد عـلى عبدالـله الفـذ يـا اعـتـاز *** يشكي وياخـذ عبـرتـن مـا خـذوهـا
ناشي على الأغـمـاز وعلوم الألمـاز *** والمشتـكي شـكـواه مـا حـسـبـوهـا
وارسل المعنا لأبو مشعـل اليـا جـاز *** عـلى رضـاه ذاتـي ولا فـيـه اتـوهـا
سـلام يـا شـاعـر عـلى غيـره امتـاز *** شــهـادة الأجــواد مــا زيــفــوهـــا
عـبـدالـلـه العـبـار مـا عـنـدي الغـاز *** ولالي غـرض مع نيتـن حـورفوهـا
قصـدي مواصـل بيننـا مابـه اعجـاز *** وسـايـل الـجـوال مـا صـعـبـوهـــــا
وابـي اعـزمك يمنـا وربـعـك اعـزاز *** حايـل تـرحـب كـان ربـعـك لـفـوهـا
موعـد وعطنا فيـه قولـن لـه ايجـاز *** تشـرّف الـديـره ونـاس سـكـنـوهـا
شوفك يا ابو مشعل شرف كل عنـاز *** شاعـر قبيلـة وايـل الـلي عرفوهـا
ومعـك لعبنـا من الطواريق مـا جـاز *** كـبـيـر شـعـار الـعـرب كـل ابـوهـا
نـبي مـنـك مسـيـار بـدري وانـا فـاز *** فـي جـيـتـك لـديـارنـا واحـتـروهـا
ربـعـي ومـنـك شـوفـتـه عـز لـعـزاز *** واليـوم شـفـه بالعـزيـمـه بـغـوهـا
ربـعـي انـا الصلـعـان بـزمـيـل ركـاز *** وسنجار من هـي لابـتي لاقروهـا
غي كتب بهن قصاص شمر وعـنـاز *** وكـل القبايل لهم قصوص حكوها
وعن زبدت الموضوع ماني بمنحاز *** الـلي بنيت ابـه القصيدة على اوها
عزيمتك هي ساس معـزاه ما اعتـاز *** عـقـل الفهيـم مراجـعـه لا يـتـوهـا
والخاتمه صلـوا عـلى خيـر مـن فـاز *** برسالـة المعبـود لـو عـارضوهـا
الـلـي لـهـم بـالـنـار مـاقـع ومـهـمـاز *** نعـوذ بالـلـه مـن جـحيـ م صلوهـا

قال عبدالله بن دهيمش بن عبار العنزي هذه القصيدة جواب لقصيدة الشاعر شاقي بن سالم بن حمود الصلعا الشمري :
حـيـيـت يـالـلـي بـالـشبـه كـنّـه الـبـاز *** من قـو سطـوه بـرقعـه مـا رمـوهـا
الحـر الأشـقـر مـنـزلـه فـوق مـركـاز *** يرمي الشبب كان السبّوق اطلقوها
فـرخ القطامي مـن صـواريـم شيـراز *** مـواكــره بـجـبـال فـارس لـقــوهــا
معناي شاقـي فـوق صـرح العـلا نـاز *** من سالـم بن حمـود ساسه جنوهـا
سـلايـل الـلي بـلـفـوة الـضـيـف فـزّاز *** مـن عـزوةٍ جـيـرانـهـا مـا شكوهـا
العـزوة يالـلي بعيـن الأضـداد مخـراز *** افعـالـهـم كـل الخصـوم اعـرفـوهـا
دعـوتـك جتني يا ابن الأجواد بجهـاز *** اشكرك واشكر ربعك اللي ارسلوها
اوصـلـك يا شاقـي لـو أنـك بالأهـواز *** لـولا ظـروف المـجـتـمـع جـربـوهـا
الـمـعـذره يـا ريـف مـن جـاه مـعـتـاز *** مضمون عـذري للطنايا اوصلـوهـا
يكفـون الـلي للجـود عـنـوان وارمـاز *** أبـن حـجـاج العـيـت لـي قـلـطـوهـا
ومنصـور ابن عـلـيـان للحـيـل جـزّاز *** الـحـشـو لـيـه والخـراف ذبـحـوهـا
شمر ذخـر كـان الـزمن صابـه غـراز *** كـم سـابـق لـلي نصـاهـم عـطـوهـا
فـرسـان يـوم الخـيـل بـطـراد والـزاز *** يـامـا ويـامـا مـن قـحـوم اتـعـبوهـا
يـوم أن كـلـن يـنـدب الغـوش بالـعـاز *** فـكـوّا حـديـد الخـيـل ثـم اعتـلـوهـا
تــقــلــدوا بــالـلـي لـلأعــنـاق حــزّاز *** كـم جـادلـن بـسـيـوفـهـم رمّـلـوهـا
شــمّــر هـل الـرده ثـقـيـلـيـن الأرواز *** ويـا كـم ثـكـلا بـالجـنيـن افجعـوهـا
ويـا كثـر الـلي خلـوه يمشـي بـعـكـّاز *** رجـلـه بلـدنـات الشلافـي شظـوهـا
قـطعـانـهـم تـرعـى زمـالـيـق وافـراز *** تفـلا القـفـر من كـل غـازي حموها
يا ما أخـذوا من ذودنا افـراد واجـواز *** ويا مـا الطلـب من ربعنـا رجعوهـا
من عصـر أبن بقـار والشيـخ طهمـاز *** في حـرب واليـوم العـداوه نسوهـا
واليوم حنا اخوان نمشي عـلى طـراز *** الـلي سـلـوم اهـل التـقى طبـقـوهـا
بأمـر الزعيم الـلي حكم نجـد واحجـاز *** نسل الملوك الـلي البـلاد احكموها
مثل الجبل من عاصف الريح ما ايهاز *** سـور الوطـن وشعوبهـم وحدوهـا
الهوامش :
الشيخ أبن بقار من اقدم مشايخ شمّر .
الشيخ طهماز هو الشيخ مسلط بن مطلق الجربا ويلقب بطهماز بسبب طوله
أشرت للرجل الكريم المشهور الشيخ محمد الحجاج الشمري محافظ عيون الجواء سابقاً والمستشار لصاحب السمو الملكي أمير القصيم حاليا .
كما أشرت للرجل الكريم المشهور منصور بن ابراهيم العليان الشمري حيث أن الشاعر شاقي وجه لي دعوة وأخبرته أن الرجلين سووا لي كرامات تكفي عن جميع شمّر

قال الشاعر عبدالله العطيش العريفي هذه الأبيات يثني على عبدالله بن دهيمش العبار :
هـذا ابـن عـبـار شـامـخ ودمـدمـون *** يستـاهـل الكيـف الحـمـر والهـديـه
شاعر واديـب وحـر ما هـو بغـزون *** لكـن حسدهـم جـات فـيـه القـضيـه
وجيـه شـر وصابهم عـرق فرعـون *** شـبـعـوا خبـز بـديـار نجـد العـذيـه
صالـوا عـلى عـود القبيلـه بلاهـون *** ولا قـدمـوا كــود الـبــلا والـبـلـيــه
مرجوعهـم تنبـاك فـي وسط غليـون *** دخـان فـتـنــه عـلــتــه فـي خـويـه
قال : عبدالله بن دهيمش بن عبار هذه الأبيات جواب لأبيات عبدالله بن عطيش
مشكور يابن عطيش شرواك مبخون *** حـيثـك سليـل أهـل الفخـر والحـميـه
انـت الذي مثلك عـلى الجهـد يثـنـون *** عـسى الـولـي يحميـك مـن كـل سيـه
حـمـايـل العـزوة بـجـهـدي يـشيـدون *** وتـشهـد عـلى ذلـك جـميـع السميتـه
ولا هـمـني الـلـي للضغـايـن يكـنـون *** الـتـايـهـيـن أهــل الـنـفـوس الـدنـيـه
سـود الضمـايـر دون داعـي يسبـون *** والـشـكـر لـلـه مـا جـنـيـت الخـطيـه
قال الشاعر عايد بن حواس الحازمي هذه القصيدة يقول :
اذا تـسـأل عـن الحـازم تـفـضـل قـولـي الـمـاثـور *** عشيره ساسها الفدعان إذا انك ما انت عارفها
كـلام النـوري ومـقـحـم كـلام الحـاكـم المشـهـور *** هـذولا سـاده وقــاده مـوريـت مـن يـخـالـفـهــا
زعـامـة وايـل الكبـرى لهـم بالمجـد خـيـر جـذور *** سـوالـفهـم بـساتـيـن مـا احـد بالكـذب ينسفـهـا
مواقـفـنـا معـاهـم مـا حـجـدوهـا قـبـل بـني الـدور *** حقايـق ما هـي عـلـوم هـزيـل القـول غـلفهـا
ترى بعض الشجر محـد قبل في جذعـه المكسور *** تحـط العـالـم شـجـرة سقـاهـا الصـدق والفـهـا
زرعهـا الباحـث الـلي ما قبـل يشهـد شهـادة زور *** ثبـت في موقـفـه يـوم العرب ضاعت مواقفها
هـذا عـبـدالـلـه الـعـبـار لـلـتـاريـخ مـثـل الـســـور *** ياكـم فـي مـوقـف لـوايـل تـقـدمـهـا وشـرفـهـا
قال : عبدالله بن دهيمش بن عبار هذه القصيدة جواب لقصيدة الشاعر عايد حواس الحازمي
هـلا حـيـيـت يـا عـايـد وصـلـنـي قـافـك ومـشـكـور *** عـبـاد الـلـه يا أبـن حـواس مثـل ما أنـت شايفهـا
كـلام الـظـالـم مـحـرم بـحـكـم الـشـرع والـدسـتــور *** قـمـح من يطعـن الأجـواد لـكي يجـرح عـواطفهـا
تـرى الـطـعـان والـلـعـان بـفعلـه لـيس هـو مـاجـور *** لاشـك الـعـاقـل المـدرك كـل الأجـواد يـنـصـفـهـا
الـحـازم عـلـمـهـم غـانـم ولا فـيـهـم ردى وقـصـــور *** وأهـل النمـات والغيبـه ما تشكـل في سوالفهـا
قـبـيلـه جـدهـم حـازم قـبـل عـشـرة وخـمـس ظـهـور *** وهـم يعـزون من عـزوة فريض العـود خلفهـا
نسبـهـم مـن عـيـال العـود الـيـا ركـبـوا شـداد الـكـور *** لهـم تشهـد سروج الخيل الـلي تنفض معارفها
قـبـيـلـة مـن جـمـوع الـولـد بـحـزت يـزبـر الصـابـور *** عـيـال الـعـود نـخـوتـهـم أعـاديـهـم تـخــوفــهـا
زمـان الحـرب جـو فـزعـه عـبـروا الـشـط والخـابـور *** الكـل يـفـادي بـروحـه عـلى العـدوان حـاذفهـا