 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
06-22-2022, 08:10 PM
|
#1 |
|
صاحب الموقع
تاريخ التسجيل: Mar 2008
المشاركات: 10,350
|
قصائد من شعر المساجلات - من الديوان المطبوع وغير المطبوع
قصائد من شعر المساجلات
*- وهذه القصيدة قالها خلف بن ثاني الضبيب رحمه الله يتوجد على الحل والترحال وحيات البادية يسند على عبدالله بن دهيمش بن عبار : 1 يا الـلـه يـا الـلي خـالـق بـر وابحـور *** ومـقـسـمـه مـا بـيـن بـرد وحـرارة يا الـلي خلقت أيام وسنين واشهـور *** وكـلــن يـدور مـحـددن لـه مـسـاره تفرج لقلب من غـثـا الوقـت مقهـور *** يــبـي الـبـداوة مـا يـريـد الحـضارة يـوم السلف يمشي ويتلـيـه مظهـور *** وبيت الشعـر بالبـر يسوى العـمارة غـصب عـلينـا نسكـن الدار والـدور *** الـدور دار وسـامـك الـعــرش اداره من عـقب ما كنا عـلى شمخ الخـور *** وكـلـن عـلى كـيفـه يعـسف امهـاره قلبي ياأبو مشعل مع البدو مسحـور *** وعـزي لمن مثـلي سكن لـه بحـاره القلب ما هو يا أبـن الأجواد مسرور *** تـقــل جـهــل قـلـبـي يـدّور دمـــاره ماحب أنا الـلي لا مشى مشيه حدور *** قـلـبي يـحـب الـلي صعـوداً مسـاره حيث الردي دايم عن الطيب مقصور *** بـالـمـرجـله دايـم قـصيرة أشـبـاره إلى هـرج كنه من الغـوش مسطـور *** وكـل العـرب تعرف خوافي أسراره أعرف ترى يامسندي شاهـد الـزور *** مثـل الحنيش الـلي بوسـط الخبـاره وأحذر ترى مـن عـال يـأتيه ممرور *** والـنـار تـقــدح بـالـبـدايـة شـــرارة ولا كـل رجـل يـفتهـم يعـطي الشـور *** بعـض العـرب حذراك تأخذ أشواره خطو الرجل علمه مثل ساطع النـور *** يـرشـدك للمعـروف بأحسن عـبارة وخطوالرجل دايم من الكبـر مغـرور *** مـره يصـيب ونـوب يخطي الإشارة وخطوالرجـل يالقـرم خايب ومثبـور *** مــا عــنـده حـمـيـا ولا بـه نـغـــاره وخطو الرجـل حاضر وعـده بلاهور *** لــو تـلـتـزم لـه مــا بـكـبـده مـرارة واللي يحقـر الناس بـالناس محقـور *** وكـلـن عـلى مـعـنـاه يصـدر قـراره * قال عبدالله بن دهيمش بن عبار هذه القصيدة رداً على قصيدة خلف بن ثاني الضبيب رحمه الله وبها يرى أن عصر الحضارة أفضل من عصر البداوة : 2 يا أبـو عزيـز الـقاف جاني ومشكور *** وأفـهـم هـدف معـناك يا ريف جاره رحـبـت بالمكتوب بحساس وشعـور *** مرسل من الـلي سلـم الأجواد كـاره يا أبـو عـزيـز العبـد منهـي ومأمور *** والـلي مضى هيهـات تلحـق قـراره كانه طرأ لـك يا خلف دور وعـصور *** عـصر بـه الفارس يـنول الصـدارة تذكـر زمان السيف والسرج والكور *** ومـن زعـل يبـزع ما يطب النظـارة عصرالنضى والخيل والقود والخور *** يـوم تـغـيـر ويــوم تـاتـيـك غــــاره يـوم تعود مـن الطلب وأنـت منصور *** ويـوم عـلى ما قيـل صيحة عـزارة وش عاد لـو بالروض نـوار وزهور *** وقـت الـربـيع وثـم يـذبـل خـضـاره وش عاد لو تصعد على نايف القـور *** وتـمشي طليـق بكل سـوح وفقـاره الـدور الأول يـا خلف شـر واشـرور *** دايـم تحـفـظ مـثـل راعـي الخـفـارة مـن فضل ربي دورنا بأحسن الـدور *** الـيـوم عـصـر الهنـدسة والـمهـارة حـنـا سكـنـا فـي بـنـايـات واقـصـور *** والـليـل يـشبـه يـا السنـافـي نهـاره الكابرس والجمس والفـورد والمور *** الـلـي ركـبـهـن يـوصـلـنـه ديــــاره والما القراح اللي يجي لك بماصـور *** أخيـر مـن غـرف العـدود بغـضـارة وإلـى أشتكيت الباس يـأتيـك دكتـور *** أطـيـب مـن العـطـبـه تـغـثـك بـنـاره صيف البراري يـا خلـف تـقل تـنّـور *** مـن حـرهـــا عـدك عـلـى نـار واره وصيف المدن تكييف كنه هوا صور *** يـنعـشـك نـسنـاسـه يـهـب بـغـزارة والـلي تبـيهـم كلهـم عـندك أحضـور *** أمـا تـجـيـهـم أو يـجـــونـك زيــاره ولـو لـك صديـق صار بكـوالا لمبور *** عــده مـعـك دايـم تـجي لـك أخبـاره هنيـت الـلي مـرتـاح والحـال مستـور *** والمسعـد الـلي يصـلح الـلـه بـذاره وأفطن ترى بالناس سمقان وصقور *** ولا كـل طـيــر تـنـجـبـه لـلـصـقـاره والخلق فيهـا بساس وفهود وانمور *** لكـن طـوال الخيـل تحـمي اقـصـاره والناس مبطي بيـن خامل ومشهـور *** ومـن لا حـفـظ دينـه حياتـه خساره لا تواخـذ الهـلبـاج يـا القـرم معـذور *** لـولا شـعـر دقــنـه تـعــده سـمــاره عـليك بـاللي مـن الـرجاجيـل منعـور *** إلـى قـلـت الحـيلات حـطـه أذخـاره وصلوا على اللي باسمه الدين منشور *** المصطـفى بالحـق جـاب البـشـاره * قال عبدالله بن دهيمش بن عبار هذه القصيدة يسند على خلف بن ثاني الضبيب رحمه الله وبها وصف الجمس وقد جارى هذه القصيدة الشاعرين فهد بن سلطان الجروان وسلامه بن محارب اللّعاق : 3 يـا راكب الـلي عـارف مـبلغـه بيـش *** عـزاه للـمـفـلس يـمـره عـلـى مـاش مـا يشتـريـه الـلي أمـوره تــناويـش *** مــتعـنـدٍ راعـيـه يـبي الـثـمـن كـاش مـا زاودوا بـه بالحراج المغــاشيش *** مشحـون من ميناه ما طب الأوراش مـا صـار فـي تلميع بـديـه نـقـاريش *** ولا خربشه حمل التريله والأونـاش تـوه وصـل بـالبـاخـره مـا بعـد نيش *** تـو البواخر حولـت بـه مـن الطـاش الجمس مـا تـرهـم عـليـه الدراويش *** يـزهـا الـغـلام الـلي مغـامـر وبـناش بالسير ما يـدرا على الجمس حتيش *** لـو كـان قـدامـه بـطـانـيج وأحـراش كنـه غريـق بلـج يبحث عـن القيـش *** ولا سكيـر بـمعـدتـه خمسة أغـراش ولا مثـل وصـف المهـرب إلى حيش *** فـوقـه حشيش وسايقـه تقل حشاش حـدوه مـن لبنـان حـمـر الطـرابيـش *** ناض وسمع عبرود بلجيك وأكلاش عشرة مفـارز بيـن ضابط وشاويش *** والـكـل منـهـم قــام يـصـلاه رشـاش طـوق وصكوا بـه سـوات الكماميش *** لكن رفض ينصاع وأربشهم أرباش أعذر بحمله هاب من سلطة الجـيش *** يـبي السلامـة صـار فقـري وبـلاش أقـفـا معـيـف ولا تـفـيـد البخـاشـيش **** روّح يريـد أخـوان شيـمة بالأرياش ما ألـوم عقله لـو دخـل فيه تشويش *** من شد خوفه صايبه خف وأخراش وقـام أيتقمز بـه مع القشع والهيـش *** أصبح كـما المذهول بالعمر منحاش يوطى الشجر لو كان كبر الخرابيش *** مثـل العزوم إلى عزم بالسبق شاش يهوي مع البيدا سوات أشقر الريش *** شـاف الحباري جايله ورد وعطاش يهــوم عسرات الطعـوس المهاليش *** أسـرع من غضاي النواظر بلرماش وأسرع من التيار يجـري مع الفيش *** كــنــه طـلــق بـنــدق تــولاه نـتـاش يـلمع كما بـرق المـزون المـراهيش *** ولا كـمـا لـمع الـمـصـّور بـالأفـلاش جـاهـز مجـهـز لـلسفـر والمطاريش *** يـا سـرع مشـواره إلـى راح طّـراش قم حركه يا صاح وأحذر من الطيش *** وخـذ الحذر عـن البهايـم والأبـواش وأوصيـك لـو صابـك مملـه وتـلييش *** ريّح تـرى مـن واصل السفر ينداش عـلى مهـلـك وهـد ممشاك بشويـش *** لاتأمن السرعة ترى الدرب غشاش عـليـك بـالـمجهـام قـبـل الغـطـاريش *** تجـتـاز حـد السالـمي بعـد الأغبـاش دونـك عـذي القـاف مـا فيه تحريش *** ود الخـطاب الـلي تهيض به الجاش وصل كتابي شوق ضافي العكاريش *** أبـو عـزيـز اللي ضميره تقـل شاش زبـن الـدخـيـل إلـى حـداه التبـالـيش *** خـلف عريب الساس للطيب حـواش وبــلـغ تحـيـاتـي جـمـيـع الحنـاتيـش *** سقـم الحريب إلى بدا خاش خرباش الـلابــة الـلي بـالـلـوازم مــداغـيـش *** وقـت اللقاء ما راعهم كثـر الأوباش عاداتهم حـط الهـرافي عـلى العـيش *** يقرون بـه مـن كـان هاشل وهـتاش بربـاعهـم يجـذبـك حـس المهـابـيش *** تسمع صليـل الـمـاو للبـن مجـراش ملفـاك سمحيـن الـوجـيه المباشيش *** وجنب عـن الهلباج والـنذل والـلاش الهيس والمذموم والدحش والديـش *** خـلـه يـولـي بـارد الـوجــه لا عـاش الـلي ينخش مسمل الهـرج تنخيـش *** ولو تنصحه عن مسلكه جاك هواش مغـتـر بالـكشخـه ولـبس الدشاديش *** يفخر إلـى فصل عـلى جسمه أقماش وختامها صلوا على صفوة أقريـش *** سيد العجم سيد العرب سيد الأحباش *- وقال الأستاذ فهد بن جروان بن سلطان الجروان عندما سمع أحد الرجال يتغني بهذه القصيدة في حفل بمزرعة السكران بالزلفي وقد نسب القصيدة لغير صاحبها مما أثار غيرة الأستاذ فهد وعندما تأكد من نسبة القصيدة قال فهد يسند على السكران : 4 يا راكب الـلي ما شروه المخـاريـش *** ولا شغـله مـن جدته خطو الأدفـاش بـديـه جـديـد ولا هــوتـه الشواكيش *** ولا عدلـوا في رفرفه عوج الأدقاش وارد تـويـوتـا لـلـرجـال المـداغـيش *** من مصنعه يـرد محصن عن اللاش جـيـب جـديـد وغـالـي مـار هـمـيـش *** لـو زاد سعـره يـاعـرب كنه أبـلاش يطـوي قـفـور البعـد لوهي تهـالـيش *** منوت غـريب من عنا البعـد منداش في أكس تصميمه ومشيـه نشانـيش *** جيب على قطع الفلا يرهش أرهاش فـوقـه صبي ما ضلـوعـه هشاهيش *** حـال المهـمـة مـا تـعـذر ولا أنحاش يلفي على السكران زبن المطاريـش *** فـي مجلس ما طبـه النـذل والـواش حـيـث الـدلال مـبـهــرات جـواهـيش *** يـا زينهن ومزعـفـر الهيـل لا طاش فـنجالهـن يـبعـد عـماس المـداويـش *** اللي لهـم فـي هجعة الناس مطراش وساعـة تشوفـه يا نديـب المغابـيش *** عـط العلوم اللي على القلب تجتاش قله ترى علوم العرب جـت تحاويش *** متجمعـه ما بيـن مطحـون وأجراش القـيـل جبـنا مـصـدره دون تشويـش *** ذا قيـل ابـن عـبار مـاهـوب غشّاش قـالـه يـمـجـد بـه فـعـول الحـنـاتيـش *** مـن نسل وايـل رجلهـم دوم شواش حريبهم عقـب الغـوى يزبـن الهـيش *** غيـرالهزيمة حزت الكون ما حـاش قلتـه وانـا ما جبت خـرط وخرابيـش *** قلت الصحيح اللي به الناس تعتاش هـذا وتـمـت يا الـوجـيـه المباشـيش *** وكـلن يـفسر مـا بـهـا جـل والـقـاش * وقال عبدالله بن دهيمش بن عبار هذه القصيدة الجوابية يثني على الأستاذ فهد الجروان على موقفة وقد شديت شبح : 5 يا راكب الـلي ما حصل فـيه تبويـش *** ولا دار يبـرم تايـره عـقـب مهـلاش ما غير صوت المروحه لـه لـواليش *** ولا المكينـه لـو تـبي حـس مهنـاش زرع الكـفـر كـنـه أعـواد المنـاقـيش *** من حين ورد وسط بيكات وأحواش مـا ساقـهـا الهـنـدي ولا بنـقلاديـش *** بنز الشبح مخصوص للبيك والباش سعـره ثمين وطفش الناس تطـفيش *** يـا كثراللي من سومته هج وأنحاش إلى شافه المفلس تقـل عضه حنيش *** ولا تقـل مطعـون في شلف وأنماش الـراس بـه دوخـه وبالكبـد تطـريش *** لـو ما عزاه الياس يلـزم لـه أنعـاش لكـن بجوفـه عشش الغـلـب تعشيش *** كن السعير بمهجته توحش أوحاش وده يـنـال الـبـنـز والـمـال ما فـيـش *** لـو كان تصرف قيمته عبـت أخياش صـنع الـذي مـالـه تـقـاعـد وتـفنيش *** حيثـه خبير وصامل العقـل ما طاش عن حوف شغله ما عيونه مطـانيش *** يحوف أدارة مصنعـه تـقـل مهـتاش ضبط أسلاك الكهـرباء والخـراطيش *** حـتـى تـأكـد مـن مواسـيـر وأفيـاش قـم يـا نديبي شـل جميـع القـرامـيش *** لأجـل السفر جهـز بطاطين وأفـراش سـافـر عـليـه ولا تـوقـف لـتـفـتـيش **** خـطك سريع ولا تهوجس بالأدباش تلفـي فهـد ريـف الـبـداة الـهـواتيش **** تـقـلط بـديـوانـه عـلى عيت وأكباش ما هو عشير الـلي سوات الخفافيش *** ولا عـادتـه لوجـيه الأجـواد خمـاش حـيـثـه غيـور ولا يـدور الشوابـيش *** حـرص على ردالخطأ مسندي عاش سلم عـلى السكـران ثـم أنشده ليـش *** مـا رد اللي حطوا على قيلنا أغباش صـك القصيـدة ما يـبي زود تهميش *** مثـل الشرف مـا يخدشه كـل خـداش والذيب اللي قصده يـدور العراميش *** يـبات مقـوي ما يجـد قوت وأعراش *- وقال الشاعر سلامه بن محارب اللعاق الدهمشي هذه القصيدة مجاراة لقصيدة الجمس والبنز : 6 يـا راكب هوجـا نقـوهـا مـن الجيش *** بـنت اشعل جابوه من زمل الأحباش هـوجـا إلـى مـدت تبـوج النشـانـيش *** مـن كثـر عبـات الفـلا بـطنهـا نـاش يـا رسـل شـد شـدادهـا والقـراميـش *** خـذ الـوصاه ومد مع وقت الأغباش ملـفـاك ابـن عبـار ريـف الهـواتيش *** حلال عقـد اللي أشتكى كثر الأبلاش أهـده سلامـي عـد وبـل المـراهيـش *** وألـذ وأحـلا مـن لـبـن نـوق هـتـاش سلام صدق مـن القـلـوب المعاطيش *** يهـدا لشهـم مـا نـهـج منهـج اللاش من لابـة الفدعـان زبـن المخـاريـش *** ما يذخرون الروح يا صـار شوباش وأن حـل توريـد الـرمـاح المرايـيش *** عدوهم من باسهم يـرعش أرعـاش أقـولـهـا مـا هـو تـكـلـف ولا طـيـش *** قلت الوكاد اللي كمن داخـل الجـاش يالقـرم لـو عادوك بعـض الخفافيش *** الرس ما أيغطي على ساحل الطاش والذيب مـا يخشى فعـول الـدراويش *** والـلـيـث بـطـشـه فـايـق كـل بطـاش قـلته وانـا فـي عيشة الذل ما عـيش *** ولاجي بلا داعي ولا أقعد بلا فراش ولا صن لهـروج العفون المغاشيش *** ولانـي عـميل لكـل خـايـب وغشاش أرافـق الـلـي لهـم بالـمعــرفـة قيـش *** يرسون بالشدات فـي وقـت الأبلاش هـذا مـقـالـي يـا نـديـم الـمـبـاشيـش *** من فيض بحـرٍ ما تلاشى ولا أيقاش عنـد الطلـب تـرد المثايل جـواهـيش *** فاض القصيد بداخـل الصدر يجتاش وختـامهـا بعـداد مـا يخضـر الهيـش *** سلام يـهــدا لـك مـن عـيـال عـيـاش وقال عبدالله بن دهيمش بن عبار هذه القصيدة رداً على قصيدة الشاعر سلامه بن محارب اللعاق الدهمشي وقد شديت ذلول : 7 يـا راكب الـلي مـا تـداني القـراقـيش *** حمـرا عمانيـه من الهجن مرعـاش من هجن ابن تيمور ما جدها طميش *** ومسلوعه ما هي ضخيمة ومكراش حمـرا شعرهـا بـه سحام ونـقـاريش *** لـكـن وبـرهـا مـا تـطـولـه بمنـقـاش عوصى نجيبه ما ركبها الحواشيش *** ولا كـدنـت بـالـبـيـر تـسنـا للأدبـاش مـا دوجـت بالشبك بيـن الغـواويـش *** ولا رددوهـا فـي جواخيـر وأعشاش ولا قيدت بالهور ترعى الخشاخيش *** مربـاعهـا ما بين طعموس ومشاش حمـرا إلى شدت عصبها تقـل شـيش *** تـلقـا لهـا مع جـرهـد البيـد مجماش محذاف مـوطـأ خفهـا لـه مطـاويـش *** حـذف الحصى كنـه عباريد الأقفاش لو مسها من لمست العـقـب تلكيـش *** كـنـه نـهـشهـا بـالـعـراقـيـب نـهـّاش قــم يـا نـديــبي زهـهـا بـالـدنـاديـش *** سافـر بحفظ اللـه ولا تمشي أعفاش أمش الفجـر قبـل تـطيـر الفـراريـش *** عجـل ترى عرعر مسافه ومطراش عـقـب ثـمـان أيـام سـروه وتغـبـيش *** ملـفـاك شوق الـلي للأجياب نقـاش ابـن مـحـارب يسلم الـقـرم وأيعيـش *** الـلـي كـتـب رد الـقـوافـي عـلى آش شاعـر ولا شعـره تخـبـط وتـطبيـش *** مـا يلفـظ المنطوق من طل ورشاش من روس لابه يـوم لطـم النخاشيش *** أولاد عـلـي مـن صمـاصيـم عـيـاش من هـازهـم يصيب عـقـله ختاريـش *** لـو شفت جـوفه بس كلـوه وفرفاش ريف الوحوش اللي تدورالطعـاميش *** لا جـالـت الخيلين يجـدع لها لشاش ولا أريـد أنبش ماضي الفعـل تنبيش *** ولا قـلتـهـا لأسـرار الأجـواد فـتـّاش شف البغـول اليـوم نسـل الأكـاديـش *** تبغي تفوق الخيل وجدودها جحاش يتبع التعديل الأخير تم بواسطة عبدالله بن عبار ; 06-24-2022 الساعة 12:30 PM |
|
|
|
06-23-2022, 06:00 AM
|
#2 |
|
صاحب الموقع
تاريخ التسجيل: Mar 2008
المشاركات: 10,350
|
تابع *- ومن شعر المساجلات قال الشيخ راضي بن عبدالرحمن الراضي الحبلاني العنزي أمير قصيبا سابقاً رحمه الله هذه القصيدة يذكر الأيام السابقة واعماله لبلدته قصيبا ويسند على عبدالله بن دهيمش بن عبار العنزي : 8 مبـداي بذكـر الـلـه يقيـن بـلا ريـب *** الـواحـد المعبـود هـو رب الأربـاب يـرى ويسمـع بالبـحـور الدغـاليـب *** ومكّـون آدم من حـما طين وتـراب داري قصيبا فـوق جـالـه مراقـيـب *** فيها رجال من اهل العرف وأحباب يـوم السنيـن المـاضيات المكـاليـب *** والضيف يكرم في تهـلي وترحـاب فيـهـم رجـالٍ تـاخـذ العـلم وأتجيـب *** كرام النفوس وبالمواجيب حضّـاب عـقـبـت غـرس مشكلاتٍ مهـاديـب *** حلـو نماهن لا ثمرن وقت مرطـاب أول شبـابي راح شـرق وتـغـاريـب *** على النضى في وقتها زين مركاب وأفنيت من عمـري بحـل المناشيب *** واللي بقـا نرتاح من شد الأعصاب أديت واجـب نصرة الحـق تصويـب *** خدمة وطـن والـلـه شهيـدِ ورقّـاب نمشي بـرأي الله وبأمر المعـازيـب *** تمسكـوا بالديـن والشـرع مقضـاب ومن ينكر المعروف راس الزلاليب *** مثل الصبخ ما ينبت بذور الأعشاب أقـفيت منهـا يـوم لوح بـي الشيـب *** حيـث العمل يطلب مفاهيم وأشبـاب اثـنـا عـشـر عـام وثلاثيـن تـرتيـب *** أمـيـر بـبـلادي كمـل عـد وأحسـاب وأفـعـالـنـا تـعـرف بـلـيـا مـكـاتـيـب *** تلقـا خبرنـا عـنـد الأدنين وأجنـاب أظهـرتهـم مـن نـقـرة بـه شخانيـب *** لأعلى مكان مخطط الكيف به طاب قـامـت مسـاجـد بـينـات المحـاريـب *** وكـل الدوائر جابها الـرب بأسبـاب ونـقـول لـلـسـكـان كـلـه تـراحـيــب *** جـماعـةٍ ما منهم اجنـاب وأغـراب ونعـدل الظالم عـلى الحـق ترغـيب *** والـلي عصـا نطـق راسه بمصلاب ونفـزع لمضهود قهر جبر تغصيب *** والظـلم ما نرضـاه ونعيـن منصاب ومـن لا يخـاف الـرب يبلا بتعـذيـب *** الا أن رحمه الـلي للأرزاق وهـاب رجـواك للمخلوق يالعـبـد ما أيثيب *** أعنـز على اللي من تنصاه ما خاب وعط الحقوق أصحابها والمطاليب *** لا بد وراك الموت وحساب وعقاب أنـشـد خـبيـر مـاضي لـه تجـاريـب *** شـاف وتبيّن من هل الوقت مرتاب نوبٍ صديق ونوب أعدا من الذيـب *** خطـو الرجل يقلب كما يقلب الـداب من حاك ظلم ويرجم الناس بالغيب *** خسـران بأفعالـه تعـرض للأنشـاب والـزور حـبـلـه مفـلتـاتـه كوالـيـب *** يـاقـع بـنـشبـاتٍ تـواتـيـه وأعـتـاب والحاسديـن قـلـوبهـم بـه لواهـيـب *** متعـوديـن بـنـبـز الأجـواد بـالـقـاب والخـامـليـن مشـذبـيـن العـراقـيـب *** مداحت الحاضر والياغـاب مشذاب ومن لا يهاب الخلق بالحق ما هيب *** لـو يدعي أنه مثل أبـو زيد وذيـاب يشرب مـن الكـدر ردي المشـاريـب *** غلطان ما يلقـا ورا الزور مقضاب من عجز يبلغ ما وصلته من الطيب *** مالـه جـدا كـود الظلايـم والأكـذاب من صار قصره من زجاج وتركيب *** هو كيف يرمي الناس بحجار لعّاب يرمي بحيف مشخرب لـه دحاريـب *** يـودع طشاشه بالوطا نثر سكـراب لـو عضني كلـب عيـونـه مشاهيـب *** مـاني بعض الكلب لو غرس الناب وأحـقوقـنـا مـا نـتـركـه للـزواريـب *** وخصيمنـا نلقـاه لـو هـو بسـرداب وأن كان ولد اللاش شـم المغـاريب *** بارادة الـله نفتخـر بيـن الأصحـاب أيضاً ولا نقرب هـل الشين والعيـب *** نـمشي بـعـز ونجتـنـب كـل نصـّاب وبـعـدي تـعـيـّن نـادرٍ لـه مضاريـب *** يستر مقامـه دايـم الوقت ما غـاب فـهـد فـهـيـم وحـافـظٍ لـلـمـواجـيـب *** والـفعـل يظهـر لـو تخفيـه بحجـاب أوصيك بالأنصـاف للحـق وأتصيب *** والعـدل بيـن الناس والحـق غـلاب وأختر جليسٍ وافي العـقـل لا جيـب *** يـحـل قـالات عـويصات وأصـعـاب وأحـذر خبيثٍ ما لهـرجـه مقاضيب *** مهـما يخفي ينكشف منـه لـو تـاب ولا تكـره الشـدات لـوهـن مكاريـب *** يضهـر لك المكنون من غير جذاب لا صرت واثـق ما بنفسك تعاصيب *** تـنـال كسـبٍ مـا تحسب لـه حسـاب من ضيّع أصله ما عرف له تناتيب *** وتـاريخـنـا تلقـاه فـي كـتـب الآداب من نسل وايـل ناطحيـن الأصاعيب *** أفـعـالهـم تعـرف كثيريـن وأقـطـاب شيـوخ الشيوخ وبالملاقـا معاطيب *** تنسب لهـم كان أختلـف كـل نسـّاب فـنـدهـم الفـاهـم بـعـرف وتحاسيب *** عـبـداللـه الـعـبـار باشعـار وكـتـاب ونشكر إلـه مـن ترجـاه مـا أيخيـب *** هو ناصر المظلوم من كل ما صاب وصـلاة ربـي عـد هـل الـسواكـيـب *** عـلـى نـبـي رسـّخ الـديـن بـحـراب * وقال عبدالله بن دهيمش بن عبار هذه القصيدة رداً على الشيخ راضي بن عبدالرحمن الراضي أمير قصيبا سابقاً رحمه الله: 9 بديـت بالـلي مطلع فـي خـفـا الغيب *** رب الخـلايـق يـقـصـده كـل طـّلاب بالمـد مـا تحصي عطـاه الحواسيب *** كـريم ما يقفـل عـن السائـل البـاب غـيـره إلى كثـروا عـليـه الطلاليـب *** يحـط من دونـه حـوارس وحجّـاب طلاب غيـره مـا يحـوش المكاسيب *** لا شك طالب سامك العرش ماخاب ومن كان ماله عـنـد ربـه مقـاضيب *** يـفـتح مجـال لـكـل مـادح وسبـاب طلبت مـن شـاد الـرواسي مناسيب *** شم الجبال الشامخة فوق الأهضاب الـلـه يعـوق مدورين ن الشواذيـب *** نـعـوذ بـه مـن كـل فـاسـد وهــّزاب ومـن بـعـد ذكـر الله نكـز المنـاديـب *** للـوايـلي نـرسـل بـالأشعـار نجـّاب يا راكب الـلي يطرب البـال تطريـب *** من مصنع اللي عادته يلبس الكاب يطـوي الفيافـي والتلاع الضنابيـب *** أسـرع مـن العبـرود والملح لهـاب وأسرع من اللي شايلٍ حمل تهريب *** شـاف السواحـل ملبديـن بجبجـاب يقـطع مهامـيـه الـديـار العـبـاعيـب *** ويوصل هدف ميده إلى فـر دولاب جمس جديد وتو من معرضه جيـب *** سـافـر نـديـب ولا يـوقـف لـركــاب تـغـشلـه ودربـك شمـالٍ ابـتـغـريـب *** ممشاك مـا بـيـن الثمامـة وديـراب على القصيم أقـده ولا عنـه تجنيـب *** ولفه يسارك حين تقبل على جراب دربك عـلى قصيبا وفيها المعازيـب *** تلفي عـلى اللي دوم للحيل قصّـاب تلفي على راضي عريب المجاذيـب *** أبـو دحـيــم الـلـي للأمجـاد كسـّاب الوايلي ساس الفخـر ماكـر الطيـب *** ريف النضا ماله عن الطيب مجناب اللي على قصيبا شيوخ ومناصيـب *** شادوا مفاخرهم على عماد وطناب يا بعدهم عن طاري الشك والريـب *** حبلان من حبلان زاكيـن الاصـلاب مـن مارثـة هـدلان مابـه عـذرايـب *** والطيب ما هو بالأسامي والألغـاب حيث اللغب يالقرم ما عـذرب كليـب *** الـلي تهابـه باللقـا عصم الأشنـاب أولاد بـسي لا بـتـك مـا بهـم عـيـب *** حـبلان عـادتهـم يهـدون الأصعـاب يا شيخ قـلتـه فـي لطافـه وتهـذيـب *** وضحتها لأهـل الضمايـر والألبـاب حيث القصص يا شيخ مابه تلاعيب *** ومن قال ما نتم عقب هدلان كذاب قـلـت الصحيح ولا بـقولي أكـاذيـب *** أنـشـد وتلقـا العـلـم بصدور شيـاب سامح للي عنده على القص تعقيب *** من يبدي التصحيح عن لابته نـاب ولا قلت أزكي كل قولي على صيب *** كلامـنـا ما هـو حـديـث ابن خطـاب عندك خبربعض السوالف طباطيب *** ما تنمسك يا شيخ مثل الهوا الهاب نعرض عن اللي للخلايق قصاصيب *** لاشـك مـا هـد الجـبـل نـبـل نشـاب الـحـر يـصعـد عـالـيـات الشنـاخيـب *** والبـوم ينغط باسفـل الجـال نعـاب الـحـر يـعـطـب صيـدتـه بالمخـاليـب *** ولا الغراب غراب من ماكر غراب ربعك يا أبن راضي سطام الأجانيب *** يتلون أخو بتلا من الضـد ما هـاب أولاد وايــل مـن خـيـارالأعــاريـــب *** أفعالهـم يـوم أنهـا بشلف وحـراب يـوم الـزمان الـلي مضاله حـراديـب *** بهم الضفر لا شب للحـرب شبّـاب عـوق الخصيم مدلهت شمّـخ النيـب *** ويلان ترعى بضلهم علط الأرقاب ويـلان لـلـروح الـعــزيـزة جـلالـيب *** يشرون غـال الروح من كل جلاب وايلان ستر البيض سـود الجلابيـب *** خفـراتهـم تـلبس من العـز جلبـاب لا أشـتـد بالأزمـات حـزم الكـلالـيـب *** رجالهم ما هـاب مـن طـوب ثـلاب يثـنـون دون الـلي زهـت بالدباديـب *** ويخشاهم الصنديد والنمر بالغـاب من غوطة الفيحـاء لحـد المزيريـب *** ومن ديرة الحلة إلى شعبة انصاب ومن خيبر الحرة لغـرب النويصيب *** لعيون عيسى للرمادي إلى صواب ومن ديرة البصرة لوادي سلاحيب *** من غربي العقلة إلى راس مشعاب قطعانهم ترعى القـفـور المخاصيب *** تقطف زماليق الخـزاما والأعشاب يـوم الـزمـان يقـلب النـاس تـقـليـب *** كـل العرب بالحق يـدون للأوجـاب واليوم صارالنيص والنمر والشيب *** الحمـد لـلـه كلهـا صـارت أصحـاب زالـت عسيرات السنيـن الشلاهيـب *** من فضل خلاق الملأ رب الأربـاب كلـن بـنـا فـلـه عـلى خيـر تشـطيـب *** عقب البيوت السود نسكن بطبطاب والمـاء القـراح اللي تضخه أنابيـب *** ونـور الكهارب والعة تقل مشهاب والمركب الصالون والبنـز والجيـب *** والزرع يسقونه من البرج سحّاب ومن يشتكي من باس عنده تطابيب *** ما فيـه لا عـطبـه ولا كـي منسـاب قـلتـه وصلـوا عـد فيض الجراجيب *** عـلى الـذي لـه الـولي نـّزل كـتـاب * وقال الشيخ راضي بن عبدالرحمن الراضي رحمه الله هذه القصيدة تبلغ مائة بيت رداً على قصيدة عبدالله بن دهيمش بن عبار العنزي ويعدد بها رحلاته في مطلع شبابه عندما كان مع العقيلات : 10 مـبـدأ كـلامـي بـسـم الإلـه سمـيــت *** الـواحـد الـمـعـبـود رب السـمـوات خلاق ما بالكـون وأحصى بتوقيـت *** وقّـدر معايشها وهي حفاة وعـرات ومن بعـدها ياللي من البعـد كزيـت *** رسـايـلٍ فـيـهـا الـمـعـانـي مـنـّقـات يـا مـرحبـابـه عـد مـن حـج للبـيـت *** يـبـدأ ويثـني بالحجـر سـبع مـرات يالـوافـي الـمبـدع بقـولـك تمعنيـت *** حيثـك حكيـم وتفتهـم صنع الأبيـات عـبـدالله الـعـبـار يـا ذايـع الصـيـت *** براعـتـك معهـا الصخى والمـروات مـن لابـةٍ يـوم الـمـبـارز عـنـاتـيـت *** أولاد وايـل يــوم الأدوار صــولات يالوايلي وضحت في كل ما أطريت *** ماهوعاسرك وماضيه منك جولات والـلي ذكرتـه فـي جـوابـك تـمليـت *** مشكور ترفع روس كـل القـرابـات كـلن عـلى فعــلـه يـواتـيـه تـثبـيـت *** ترى الجزأ جنس العمل عد خطوات نغضي عن البهلول ما كني أوحيت *** وأطـالع المقبـل وتركـت الـلي فـات ولانب بواخـذ من بـرع بالتشاميـت *** أرفـع مـقـامي عـن تجـاريح قـالات وأشوف بالمخلـوق نـاسٍ سرابيـت *** دايـم تـنـقـب عـن عـوايـز وغـرات كلن يعـرف الطيب لـو أنـك أخفـيت *** والخيـر يذكر والردى فيـه مدعـات والمرجـلـة ما تحصلـه لـو تـدانيـت *** كـود الـذي يـبذل جهـود صعيـبـات يــقــل قــدرك بـالـمـلأ لا تــرديـــت *** تبقـا بـذل أن كان علم الفخـر مـات وأن سـانـعـت دنيـاك فـيهـا تعـليـت *** ولا دامـت الدنيـا لشخصٍ مصفـات غــرارة تـوهــم وتـدفــن دنـامــيـت *** يمكن سريع تموج في عـدد قـلبات يـومٍ تـذوقـك الحـلا كـل مـا ألـفيـت *** وبعد الحلا تسقي من المر شربـات وإلـى حصـل لـك غلطـةٍ ثـم لاقيـت *** اصبر على المقسوم لو جاك نكبات يـأتي الفـرج من بعـدها لا تحريـت *** والعسر عقبه يسر في شرح الآيات وكم هـرجةٍ بالصدر يالقـرم كنيـت *** من خوف لا تنشر صحافه وأذاعات واللي يبي لـه حـق ما عنه صديـت *** أبذل لـه المجهود من غير توصات واللي عنو لي لأقبلـوا قـمت حييـت *** وأفرح بشوفة غالي عقـب غيبـات وأحب جلسة مع هـل الخير وأبيـت *** الـلي مجالسهم عـلـومـه شريـفـات ما يشهرون بعرض الأجواد تنكيت *** أهـل المكـارم والمـذاهـب نـزيهـات وإلـى بـدالـي لازم قـبـل تـصـويــت *** تسـابـقـوا للـطيـب يـأتـون جمعـات وأكـره مجـالس كهكهـان المفاليـت *** أهـل النمـايـم والسبـايـب وكـذبـات اللي بعرض الخلـق مثـل العفاريـت *** مهنـة خساسة والمـراجـل بعيـدات الـلي إلـى سـولـف كـثيـر التلافيـت *** تظهـر أشـارة كـذبتـه لـه عـلامـات وإلـى طـلـبتـه حاجـة قـال يـا لـيـت *** لو هي بـجيبـه عدهـا مع عربسات عـود عـلى ذكرك هل المجد عديـت *** يالـوايـلي دونـت شجـرة بصفحـات قمت بعمل وأحسنت عملك وأوفيت *** بالـدوحـة الـلي ركـزتـهـم لـفـنـدات تشكـر بفعـلـك يـوم للواجـب أديـت *** بـذلـت جهـدك بالقـصى والكـلافـات وفي عـدك أنساب القبيلـة تقصيـت *** وبـيـنـت للغـافـل تـواريـخ وأثـبـات وجمعـت بكتـابـك قـبـايـل تشـاتيـت *** وعـرفت من ضيّع مناسيبه أوقـات ما أحد سبقك بما فعلته وماحصيت *** تمضي لـك البيضا بعشر البصمـات وأبي أتذكر ما مضى كل ما أطريت *** يـوم السنيـن الخـالـيـات القـديمـات بـاول شبابي فـوق الأكـوار حجيـت *** على النجايب تدلج المشي عجلات حال القدوم ويوم طفنا عـلى البيـت *** أشـواط سـبعـة كملـن سبـع مّـرات وبين الصفا والمروة أقبلت وأقفيت *** ومن بير زمزم نظهر الدلو متحات وفي داخل الكعبة مع الناس خشيت *** وطلبت الـلي يعـلم بغيـب الخفيـات وأذكر نزوحي عن هوا نجد شديـت *** يوم السنين اللي على الناس عجفات من الريـاض بطلعـة الفجـر مـديـت *** نمـشي بليـل ونقـتحـم كـل مظمـات صدفه أنـا وعيـد الخياري تخاويـت *** نمشي بقطـر نجوم والصبح كّـنات حـتى وصلنـا ديـرة عـراق وكويـت *** الـوقـت جـايـر والمصـالح قـلـيلات وعـيـد جـلس بكويـت وأنـا تعـديـت *** لـزبـيـر والبصـرة وبـغـداد منهـات ثـم وجـدت عـقيـل ومعـهـم تبـديـت *** بيع وشرا ما بين كسب وخسـارات جبت الزمل من جو صفوان ونهيت *** متنحرين أسـواق مصـر البعيـدات تسعـيـن لـيـلـة مـشينـا مـا تـونيـت *** بالسيف نمشي والأخيضـر ومـرّات مرّن شثاثـا والرمادي عـلى هـيـت *** من بعد خمس أيام جيناعلى المات وإلى أعتلينا فـوق الأكـوار غـنيـت *** محلا المضحى عقب مجهام مسرات وعـلى الأجفور وبالرويشد تونيـت *** وبالأزرق الميراد مضحين وروات وبحد الرصيفة شرق عمان حطيت *** ثـم عبـرنـا باوسـط الغـور قـرهـات ويـوم عـبـرنـا مع فلسطين مـريـّت *** وقت بها ثـورات حـرب العصابـات وبـالـلـد والـرمـلة وحـيفـا تمشيـت *** وفي تل أبيب وغـور غـزة منيخات وديـر البـلح جيتـه ولـرفح تعـديـت *** في خان يونس والعريش الممرات وبالقـنطـرة بـتـنـا ليـالي حـتـاحيـت *** عـند الرميح مكـرمة كـل مـن فـات كـسـابـة للـطـيـب نـاس مـبـاخـيـت *** حطوا مضيف لمن لفـا من عقيلات ثـم عـبـرنا وفـوق الأمـواج عـليـت *** بسواق مصر وصار بيعة وشروات وفي عودتي بمسجد القدس صليت *** وشاهدت أنا الصخرة مرارٍ عديدات وفي رحـلتي للشرق للـزور مريـت *** تـدمـر بهـا جـمع العساكـر وقـوات وعند الذي من عصبتي يوم حليـت *** عند المغرنق حالف كـود أنـا أبـات ويـوم ركبنـا الـريـل بتـنـا بتكـريـت *** ومنها عـلى كركوك وديـار باشـات أربع سنين بهـاك الأمصار مضيـت *** بيع وشـراء مـابـه تدلس وغشّـات في عامي الخامس تذكرت وأشفيت *** لـدارٍ بـهـا عـشنـا وفـيهـا قـرابـات ومن النجف شلنا على الزمل قـليت *** تـمـن وبـر ومـا لـزم مـن كـلافـات وبعـده رجعـت لديرتي وأستقـريـت *** وأخذت مع ربعي طرايف وسجّـات وفي عـام سبعين تعـينت وأمضيـت *** أمـيـر بـبـلادي بــعـــز وكــرامــات راح الشباب وزهرة العمر وأفـنيت *** خدمة وطن وأمرالمعازيب مشهات ومـن بعـد هـذا عـن مكاني تخليـت *** وعـيـّن بـهـا الـلي يفتهـم للمهمـات فهـد يقـوم بواجبـه مـثـل مـا أديـت *** ياخـذ بتـوجيـه المعـازيـب ساعـات ولا همنـا مـن ولـّع الـنـار بالـزيـت *** نحمد ولـي الكون صارت سلامـات وصلن كتابك وأعجبن زين سويـت *** فيـضٍ غـزيـر ولا يسمى بقـطـرات ساعة كشفته سرني منه ما أبديـت *** أمثـال مـن زيـن المعـاني مصفـّات مشكـور يالـلي للقـرايب تحـمـويـت *** هديـت لـك مـن منبع الجـود هـدات عساي أشوفك عن قريبٍ إلى جيت *** نشـوفـهـا منكـم تلطـف وشـرهـات في حي سلطانة ترى القصرحطيت *** وأمشرفٍ من فـوق الأسوار لنبـات ومقـلـديـن قصـور الأجـواد عـليـّت *** اللي أسبقونا بالصخى دورهم فـات والمعذرة وأن كان بالرد أنا أبطيت *** شـهـر الصـيـام وعـقـبـنـه زيـارات واليوم أنـا تركت بـاقي المشاخيـت *** ولا لي على ما فات قولت حسافات وعنها يحول أبـدع الأمثال صفيـت *** ومن صار مثلي يطلب الرب مّـرات الـلـه يوفقـنـا عـلى الخيـر وأنهيـت *** بلطفـه يبدل مجمـل السـؤ حسنـات ويتـوب عـنـا كـل مـا قـلت وأمليـت *** والمعذرة وأن كان بالشعر هفـوات وصـلاة ربـي عـدد بـذر المنـابـيـت *** عـــلـى نـبـيٍ خــاتــمٍ لــلــرســالات * قال عبدالله بن دهيمش بن عبار العنزي هذه القصيدة رداً على الشيخ راضي بن عبدالرحمن الراضي أمير قصيباء سابقاً رحمه الله : 11 يا الله يالـلي فـوق عـرشك تعـاليـت *** ندعوك يالمولى بخمس الصلاوات رب العباد من الجدث يبعـث الميـت *** محيي الجـذوع الباليـات المحيلات يا خالـق المخلوق كونـت وأنشيـت *** الكـون وأحصيـت الملأ بالحسابات يا من بسطت القاع يارب وأرسيـت *** شـم الجـبـال العـاليـات الـرفـيعـات يا ذا الجلال لكوكب الأرض وطيّـت *** ورفعت مسموك السما بغير دنقات والشمس تسبح بالفضا والقمر ليت *** يجلي عن المخلوق داجور ظلمات والكـل سـار بـقـدرتـك لـه مـواقيـت *** حـدد مسـاره فـي ثـواني ولحظـات يا من ذعاذيع الهبايب لهـا أجريـت *** والفلك يجري بالبحـور المحيطـات ناجـاك موسى وقـال يـا رب ذلـيـت *** خيّـل لـه أن عـصي الأضداد حيّـات وأنـت الـذي يا رب لأيـوب عـافيـت *** وفرجت كرب المبتلي عقب شـدات وذا النـون أنجيته بقدرتك وأنجيـت *** نـوح أنتشلتـه من غياهـب وغبّـات يـا رازق صغـار الـدبـا والكتـاكيـت *** عاشن وهـن بعشاشهـن مستكنـات أنـت الـكـريـم ولا لغيـرك تشكويـت *** من مد جودك ساير الخلـق تقـتـات أنـت الـذي يا خـالـقي لـك تـرجيـت *** وأنت الذي تعطي العطايا الجزيلات وأنـت الحجـا والملتجـأ لا تـوازيـت *** أطلبك والمخلوق ما قـلت لـه هـات وأنـت الـذي يارب باسمـاك نـاديـت *** لا تجعـل أعمالي ندامـة وحسـرات أنـت العظيـم الـلي بنصرك تقـويـت *** من تنصره تجعـل عضوده قـويـات بـك أستغيث ومن جهـودي تبـريـت *** يا رب مـا عـنـدي وسايـل وحيلات ألطـف بحالي وأهـدني كـان ضليـت *** بحسناك جـنبني طريـق المتـاهـات ومن بعد ذكـر مكون الكـون أدنيـت *** صالون مختـاره مـن السبـرمانـات الجـمس لـه مـن بـد غيـره تـنـقيـت *** لا دوج مثـلـه بالمماشي ولا فيـات جمس حمر يمتـاز عـن كـل وانيـت *** ولا صـار مثله في تكاسي وهافـات هـو مطلبي نوهـت باسمـه ونبـيـت *** ظمن المواتر ناجب الجمس بالذات من معـرض الهافات للجمس تليـت *** تـو المعارض ركبـوا فـيه لـوحـات وأنـا أذكر اللـه كـان للبنص رصيت *** كنـه كروز إلى أنطلق من منصات يا كثر اللي من سومته قـال هجيـت *** يطـلـب عـليـه من المبالـغ ألوفـات لا شـافـه المفـلس غـدالـه تـنـاهيـت *** وده ينال الجمس لو هو قصودات يبهج ضمير الـلي يحب المكاشيـت *** آخـر مـديـل ودخـلـوا فيـه إضافـات مراتب المحروس مخمل وموكيـت *** وأسفل من المخمل سفنجه ويايـات ما ظـنتي من مركب الجمس مليـت *** حـيـثـه مكيّـف والمراتـب مريحـات لـو كنـت مرهـق لا ركبتـه تعـفيّـت *** والـدرب سـمح ولا بـدربـه مطبّـات وإلـى سلـكـت القـار لـه ما تماليـت *** وأفطن ترى بالدرب تاجد أرشادات أشرت للسايـق بالأصباع وأومـيـت *** وقـلت أخرجه من بيكته والمظلات كزيت مندوبي على السفر وأنويـت *** أكتـب مكاتيـبي لـراضي سـريعـات قـل سـم يالمنـدوب كـان أستعـديـت *** ثـم أمـل خزانـه من أدنـا المحطـّات وأن جيت مع درب الكباري ولفيـت *** الخـط سمح وفـيـه ستـة مسـارات أقـصـد بـريـده دونهـا مـا تـلـهـيـت *** وصـل لأبن راضي جـزيل التحيـات قـلـه وصـل خطـك وبالقـاف هـليـت *** قافـك كما التـريـاق مع در خلـفـات قولك صحيح ولا بهرجـك هتاهيـت *** محشوم عن لفظ الردى والخرافات قـريـت قـافـك ثـم عـدت وتهـجـيـت *** تكرار من حيث المعـاني غـزيـرات عـديـت منـظـوم القـوافـي وكـلـيـت *** ما تنحـصي كنـه صحايـف مجـلات بدعـت مايـة بيـت وش عـاد خليـت *** أخـذت نـقـوات البيـوت الجـزيـلات ما ضل لي يالقـرم غـيـر الحتاويـت *** قولـك مثـل مسبوك نقـد الجنيهـات لو كان عن ردي تكرمت وأعـفيـت *** وسامحتني عـن كـل رد الجـوابـات لا شك من قدرك على القاف رديـت *** وأشكـر جنابـك يا زبـون الـونيـات يـا شيخ قـافـك فـي ردوده أهتميـت *** شرواك ما كفـوه مزاليـه واسكـات مـا هـو تـحـدي بـس لـلـرد حـبـيّـت *** العـفـو ما قـصدي تجـاوز وزودات مـا قصـدي لمـردود قـافـك تحـديـت *** القـلب ناصح والضمايـر نظيـفـات وأسمح وسامح كان بالقـاف زليـت *** وأستر إلى لاحظت بالقول غلطـات قـريـت صـافي قـافـكـم وأستـلـذيـت *** وبديت أسجـل بالصحايف بروفـات وللبـاركـر مـن جـرة الحبـر عـبيّـت *** ودونت مافي خـاطـري بالسجـلات مـن جـد نلهج بالثنـاء مـا تمهزيـت *** مجـدتكـم مـالـي مقـاصـد وغـايـات مـن طيـب فعـلك للمـديح أستحقيـت *** عـلمك تبيّـن وأشتهـر مثـل ابانـات حـيثـك لـنا من كـل جاحـد تـثـاريـت *** ولا طعت قول مروجين الأشاعـات من جـل قـدرك صوب دارك تعنيـت *** مـا ردنـي يـا شيخ بـعـد المسافـات ومن عـزتك عـندي لدعـوتك لبيّـت *** حـيثـك عزيز ومن صناديد سـادات يـوم أنـت لإبراهيم يا شيخ وصّيـت *** قـررت أزورك لـو عـلي التـزامـات وزرتك بصحب اللي برفقـه تهنيت *** شيخ وخطيب ومن رجال الشكالات من صار ما شب القريفـن بكبريـت *** ولا دخـن الشيشة ولا شال الأبكات والربع اللي لهم هاك اليوم بـاريـت *** سلقا وهل الحردا قروم الجميشات معـهـم تـبـدد هـاجسي وأرجهـنيـت *** مطاوعـة مـا يشـربـون الـزقـارات مـا منهـم الـلي فيـه بالشين ظنيـت *** الـكـل مـنـهـم حـافـظـيـن الأمـانـات وجيت الرجال الـلي عليهم تشافيت *** عـزوة حقيـل أهـل الدلال العـذيـات قــلطـت فـي ديـوانـهـم وأستعـزيـت *** النـافـليـن أهـل الـربـاع الفـضيـات فنجـال بـه من صافي الهيـل شفيت *** ومن بعـده الشاهي بعذي البيالات وحلو الرطب ومفتت القرص تفتيت *** وسمن الغنم حوله دواير وزافـات وعلى الذبايح لـو تريضت وأبطيت *** لـكـن عـليـنـا بالقصيـم أرتـبـاطـات دوجـت بالحـايـر وللقصـر راعـيـت *** بالـوادي اللي به مشاتل وغرسات وعلى النخل والقصر والسد سجيت *** يبهج ضمير اللي على البر كشّات ورد الخمـايـل فـي عبيـره تـداويـت *** والروض للقلب المشقـى علاجـات يشفي العليل بدون وصفه وراشيت *** من شم ريحه مـا وصـل صيدليـات ما غـيـر تسمع لأم سالـم زغـاريـت *** الورق تسجع والقنابر لها أصوات وقلت أسمحولي يالرفاقه تضاحيـت *** العـذر منكـم يـا حمـات القصيـرات ومشيت للزلفي على وصف توهيت *** قالوا قصر سمنان بعـد الأشـارات عـبـدالله المزيـد لـه الظهـر فـاجيـت *** حيث ابن مزيـد من كبار البطينات قال الوعد ما جيت له قلت ماخطيت *** عن الوعد خله على الفال صدفات القصد عـن تكاليف الأجـواد فضّيت *** ولا أنت ياأبن خليف ما فيك شكات ماني بحالي يا أبن الأجـواد شكيّـت *** ولاني لخلق الله شنـاوي و شمّـات والظهر مع خـط القصيم أستمريـت *** ولفيت عوده به شهامة وشومـات وبعـد الظهيرة عـنـد عـودة تغـديـت *** موايده تشبع مـن الغـوش قلطـات المكـرم الـلي عـادتـه يـذبح العـيـت *** ذبح الهـرافي ما تسده عن الشـات والخـمج ورويضان عنـده تقهويـت *** صيد الرجال أهل الكفوف النديـات وقت المسا عند أبن راضي تمسيت *** ستـر البـني المحصنـات العفيفـات عنـد أبو دحيم من الهرافي تعشيـت *** والطيب مبطي لـه طبايع وعـادات عـنـده لـقيـت الـلي لشـوفـه تمنيـت *** نقوة رجـال قـروم وأبعـاد شوفـات ربـعٍ دعــونـي لـلـكـرامـة وعـيـيـت *** عيـّت ظروفي والمشاغـل كثيـرات وحلفت بالله سامك العرش وألويـت *** لو صح فرصة كود أزور المحلات وأشكرك يا الـلي بالمكـارم تحلـيـت *** مجدك عريق ولـه قواعـد وصبـات أنـت الـذي بصرح الشهامة تربيـت *** من لابـة الحبلان روس العمـارات أنت الذي عن كايد الحمل ماازريت *** شـلـت الحمـول الكايـدات الثقيـلات جـدك حمـد يـوم الطـراقي مباحيـت *** يفـرح إلى جـوله هواشل وحـولات وقصـرك بسلطانه بـني بالقـرانيـت *** يـزهـى بشنـاكيـره جـديـد الثـريـات وملاحـق الـديـوان مثـل الحوانيـت *** وبيت الشعر وسطه بنيته مضافات يـالـوايـلي عنـدك دلـهـت وتسلـيـت *** وشفت العلـوم الغانمة والـوناسات ما طب ديوانك هـل الكـذب والهيـت *** مجلس شرف مابـه مغالط ولجـّات تجمع بـه الـلي للمسولف مصانيـت *** لو جاه راعي الثرثرة صار سمّات يسكت به الثرثار من غيـر تسكيـت *** يسمع سوالف تبهج البـال دسمات يا شيخ كان لماضي العصر حـنيّـت *** وذكـرت رحـلات السنين العتيقـات وذكـرت يـوم أنـك مع عقيـل هفيّـت *** جربّت بالرحلة مصاعب وحرجات يـوم الشـديـد ويـوم بـلع الحلاتـيـت *** ويـوم التعـوس ويـوم الأيام مـّرات يا ما على ابهامك من الكيد عضيت *** في رحلتك جرّبـت والـدور عـبّـات ويا ما عـن بلادك نزحـت وتنحيـت *** وياما مضالك من مساري ونوهات تعـبـت مـن شـد الـرحـال وتـوذيـت *** واليوم خذ من بعد الأسفار راحـات ومن فضل رب الكون للشمل لميت *** والمملكة صارت مرازق وخـيـرات لا عدت يا عصر الجهل يـوم وليـت *** دور المعـابـك بالسيوف الرهيفـات وأنصحـك يالـلي بالمخاليـق نـميـّت *** تـراك لـك غــرة ولـلـنـاس غــرات واختـام مـا أبديـت بالقـول وأنهيـت *** صلواعلى المختار في كل الأوقات *- وقال الشاعر الأديب الشيخ إبراهيم بن سعد بن إبراهيم الحقيل من أهل حاير سدير هذه القصيدة تفاعلاً مع قصيدة الشيخ راضي بن عبدالرحمن الراضي رحمه الله وقصيدة عبدالله بن دهيمش بن عبار : 12 بديت بسم اللي حما الركن والبيـت *** وبـلا عمد رافع صروح السمـاوات رب الـخـلايـق ثـبّـت الأرض تثبيت *** وخلق جميع الخلق لأجل العبـادات يـا مـنـزل الأمطـار للـريح أجـريـت *** وبين الكواكب ما يصير أصتدامات أمرك على كل الملأ لقـدره أمضيـت *** وقـّدرت دنـيا مـا تجـي بالحسابات أطـلـبـك يـامـن دوم لأمـره تعـنـيـّت *** للمسجـد الجـامع أصـلـي ابـحّـزات تفرج همومي ما لغيرك بهـا أبديـت *** باقصى الضماير بالحشا مستكنات ومن بعـدها سجلت بالشعـر عديـت *** سـتـيـن بـيـت مـا تجـيهـا بـروفـات تـرسـل لقـرم دوم مـا فـيـه شـكيّـت *** يظهـر نسب عـناز راعي المعـّزات سجـل نسـب عنـاز حيـه مع الميـت *** وثبّت فروع أصل الجدود القديمات غـيـره عجـز ماني عليهـم تـّزريـت *** حيث أن أبو مشعل يشيل الثقـيلات يـا مـا عـن الأنسـاب دايـم تحـريّـت *** حريت خبيـر ولا يحـب الوساطـات تكشف حقـايـق زيفهـا مـا تعـاميـت *** حيث الذهب ماهو كما لمع صفرات فيك الشهامة ماعن الضيف هجيت *** وجهـك بشوش وكل وقتك مسرات عـبـدالـلـه الـعـبـار يـا مـا تـمـنيـّـت *** أنـي أرد الشـعـر وأسـمح بغـلطـات ولاني عـلى مردود شعـرك تحديـت *** حبيت أسجـل من ضميري كتابـات مار السموحة منك كان أني أخطيت *** أنت الـذي ترفى الـزلـل والمـزلات تـوي بـبحـر الشعـر يـالقـرم طبيـت *** والشعـر بحوره يالسنافي عميقات وقـافـك نصفـتـه بالعـدد مـا تعـديت *** خوفي يطول القول وأسبح بغلطات حيث أنت شاعـر وأنـا توي تبديّـت *** والشعـر مـا هـو مسـرح للدعايـات ويا مـرحبـا بـك يـوم للربع سجيّـت *** دار الحقيـل ومـن صميم العمـارات ود الجماعـة يـوم شرفـت وأبطيـت *** مـع لابـة السلقـا وربع الجميشـات ليـتـك عـلى ماجـوب حـقـك تمليـت *** وأرضيتـنـا يـامـن يشيـل الأمـانـات ليتك قلطت وفي مجيّك لنا أرضيـت *** مسيـار للحـايـر بـبعـض الأجـازات وليتك على الحايـر وحوله تمشيّـت *** حـتى تشوف ديـار أهـل الكرامـات من روضة عطينـة منـاة الكواشيت *** الـلي سكنهـا الـوايلي مابهـا آفـات حـمـد بـزمـان السيـوف المصاليـت *** يا ما جمـر كبـد العنيد برصاصـات شبـيـه أبـوه الـلي بـمـجـده تغـنيـّت *** حيثـه عرف بالطيب في كل الأوقات حيثـه حماها بالقـنا من الطواغيـت *** بالغـدر ما سـوّد وبالغـزو هـومـات ورث مـحـمـد بـالـطـبايـع تـوريـت *** مجنـاه من وكـر الحـرار العريبـات مـا رد يـومٍ لـلـمـكـارم بـتـصـويــت *** سيفـه كما لمع البروق المضيحات وعبدالله الضرغام عوق العفـاريت *** عـنـد الـملاقـا مـا يـهـاب الـمـنيّـات ومـنهـم أبـو عثمان يـوم الحلاتيـت *** مكرم ضيوفه لو يجـونـه جماعـات يا ما ذبح من حـايـلٍ تـقـل خـرتيـت *** الـلي قـضا عمـره عبادة وطاعـات وعبدالعزيـز القـرم يـوم المبـاغيت *** يـوم الـطـراقـي شـادين الحـزامـات يـا مـا تـعـهـد بـالـلـوازم بـتسكـيـت *** قـلـب الشجاع اللي يدور الحرابات وعيالهم شجعان يا نعم مـا أطريـت *** أهـل الشهامة والصخى والمروات مـن لابـة مـا يـرافـقـون السرابيـت *** مثـل النجـوم إلى بدأ الكون ظلمات من نسل هدلانٍ هل الفعـل والصيت *** حـمـايـة الـبـيـرق نـهـار الملاقـات اللي عـلى وقـت القصى والمفـاليت *** لـهـم مـواقـف بالفضـايـل كـثيـرات مثـل البحـر يبلع صميدع وعـنتيـت *** غير الخطروسطه مرازق وخيرات ما امدح هـلي لا شك للحق عـديـت *** ومـن يذكـر الله مـا يكن الشهـادات أدعـوك يـا رحمن باسمـك ترجيـت *** تجعـل لهـم في جنـة الخـلـد ميقـات ما هوب أنا لحالي تكلمت وأبـديـت *** تاريخهم سجـل من المجد صفحـات يـا مـا عـلى ذكـر الجدود أرجهنيت *** ذكـر الـفعـول بـدون غـلطة وزلات وحدّر عـلى دربـك إلـى منك اقـفيت *** صـوب الحوير قبل درب الشقيقات تاصـل إلـى الحايـر أن كانـك تمليت *** مـنـاظـره تـبـهـج صـدورٍ سليمـات النخـل فـارع بالسماء ما تهـقويـت *** تـرقـاه حـيـثـه لـه ركـوزٍ قـديـمـات وحـولـه صغـاره كنهـن الـيـواقيـت *** مثـل الحواري يـوم تـومي بلفـتـات بـه الـرطب مـا تكرهـه لـو تغـّديـت *** مثـل العسل ماله وصايف وصيفات يشفي العليل الـلي بصدره تـزانيـت *** مـن ذاق طلعه ما يـزور العـيـادات وبـلابـلٍ تصـدح بلحـن الـزغـاريـت *** دايـم يجاوبها القمـاري بالأصـوات تسمع مثـل لحـن الهجيني بتوهيـت *** قـصـايـده يـطـرب لـهـا كـل كشـّات تجـلي عـن المحزون هـم وتناهيـت *** تجعـل بصدره دوم بهجة وفرحات يـا مـا عـليها بتـالي الوقت سجيّـت *** نـذكـر زمـان فـات مـابـه نحاسـات وصلاة ربـي خير ما قـلت وأنهيـت *** عــلـى رســولٍ خــاتــم لـلـرسـالات *- وقال الشاعر بدر بن سليمان بن عبدالله الحقيل هذه القصيدة مجاراة لقصيدة الشيخ راضي بن عبدالرحمن الراضي رحمه الله وعبدالله بن دهيمش بن عبار وإبراهيم بن سعد الحقيل : 13 يا الـلـه يـا رحمـن يا باعـث الميـت *** يا خالـق المخلوق نطلبـك رحمـات أعرض مجال القاف لو كان طويّـت *** نظم البيوت من السنين القـديمـات رديـت عـلى الـوايلي ذايـع الصيـت *** عـبدالله الـلي مـا حـكى قـول زلات حاولت أرد وجبت بيـتٍ عـلى بـيـت *** والعذر كان بقـولنا صـار غـلطـات مـانيـب شاعـر بـس بالقـاف رديـت *** قلت الشعر من بعد سمعي للأبيات يا الوايلي مشكور يوم أنـك أبـديـت *** حبـك لنـا وأهـديـت جـزل التحيّـات أنت الـذي بالفهـم والعـرف عـلـيّـت *** تذكر نسب عنـاز في كـل الأوقـات يـا مـا سمعنـا عنـك وأقـول يـا ليـت *** تجمع بـك الأيـام لـو كـان ساعـات عـافـاك ربـك مـثـل مـانـي تعـافـيـت *** زال الألم من عقب جرع المرارات قـصة طـويـلة مـن سببهـا تبلـويـت *** والله فرجها ولا لـنـا بذكـر ما فـات مـا دام لإبـراهيـم بـالـدرب خـاويـت *** يخبـرك عـنـا بـالعـلـوم الطـويـلات ومن شفت منظوم القبيلـة تشافيـت *** شفت المشجر بان بحسن طباعات تكفا يا أبو مشعل ولو كانت أبطيـت *** أكتـب أوضـح من حقـايـق دفينـات حاولت أقـول وفي طريقـك تمشيّـت *** ولا ودي أدخـل بالدروب المتاهات حـنـا شبـاب اليـوم والهـرج تـثبيـت *** مـا عـندنـا روحـات مثلـك وجيّـات نطلـب مجـال العـلم ما عنـك خفيّـت *** لا شـك تنقصنـا مـن العـلم حاجـات والعـلم يبغي لـه من الوقـت توقيـت *** ولا نذخره لو كان دونـه صعوبات وحيث النسب ماهو هقاوي وظنيت *** علم النسب يحتاج صوله وجولات عـلمتنـا بقـصـة جـمـيـلـة وصـديـت *** وضحت قول الصدق ماهوحكايات لزوم نرجع لك أن كان اني أخطيت *** وعـلومنـا عنـدك تفصل قصاصات دربـك كـلـيـف ولـلكـلافـة تـصبـيّـت *** يا الله في عونـك تهـون الشديـدات وأنـت الـذي بالقـاف للسيف سليـت *** وحاربت من قصده يدور النمامات وللصدق في كـل المواقف تحـريـت *** ونـطـقـت بـالـواقع بـلـيـا إضـافـات والخاتمة سجلت بالشعـر ما أمليت *** حـول الشعـر يبقى أمامي مسافـات وعـلى محمـد خاتـم الـرسل صليّـت *** صلوا على المختارأزكى الصلوات يتبع
التعديل الأخير تم بواسطة عبدالله بن عبار ; 06-23-2022 الساعة 06:38 AM |
|
|
|
|
06-23-2022, 06:06 AM
|
#3 |
|
صاحب الموقع
تاريخ التسجيل: Mar 2008
المشاركات: 10,350
|
تابع وقال عبدالله بن دهيمش بن عبار هذه الأبيات قالها عندما مر بقصر المشقوق في قصيبا وهو قصر أثري قديم وكان يزوره قبل أعوام بصحبة صاحبه الشيخ راضي بن عبدالرحمن الراضي الحبلاني أمير قصيبا سابقاً رحمه الله وكان هذا الرجل من الرجال الذين لي معزه عندهم فتذكرت فقلت أسند على الشيخ فهد بن عبدالرحمن الراضي أمير قصيبا سابقاً ومحافظ الشماسية حالياً قلت : 14 يـا فـهـد ويـن معــزبـي ذيـك الأيـام *** عـينت راضي مـا بقي غـيـر ذكـراه لا جـيـت لبـريـدة أجـي يـمـه شـمام *** هـو الوحيد اللي من العـزوة أنصاه والـلـه مـا جيتـه عـلى الـزاد معتـام *** ولا جيت له قصدي حراوي لمخباه لاشـك أجـد في مجلسه عـز واكـرام *** الشيخ لـي عـنـده معـّزه ولـي جـاه لـو راضي أبو دحيم تحت الثرى نام *** ذكـراه تـبقى دايـم الـدوم مـا أنساه الـلي أعـني لمشاهده عبـر الأعـوام *** عـزالـلـه إنا يـا أبـو فيصل فـقـدنـاه وأنت العوض بالليث يانسل ضرغام *** حيثك كـريـم وعـادتـك تـذبح الشاه وقال الشيخ فهد بن راضي الراضي هذه القصيدة جواب لأبيات عبدالله بن دهيمش بن عبار يقول : 15 مبـداي بالـلـي دايـم الـدوم مـا نــام *** الـواحـد المعـبـود فـضلـه رجيـنـاه الـواحـد الـمـعـبـود خــّلاق الآنـــــام *** محـيي عـظـام بالـصفـايـح مـغّـطاه ومـن بعـد ذكـر الـلـه أسجل بالأقلام *** أبـيـات مـن صميـم فـكـري مـنـقّـاه يـا مـرحـبـا حيـيت يـا نـسل الأكـرام *** يا أبـن الـرجـال الطيبـيـن المسّمـاه ونـعـم بـأبـن عبّـار لـه عشرة أنعـام *** الـوايـلي يـا طـيّـب الـذكـّر والـجـاه جتـني بـيـوتـك وأبـي أوقع بالأبهام *** أنـي مقـصـر والـعـذر مـنـك نـبـغـاه لـنـك رفـيـق أبـوي فـي ذيـك الأيـام *** رفـقت وفـاء مـابـه مصالح وغايـاه ولنـك عـزيـز ومـن رجاجيل احشام *** ومعـزتـك مـا تـنحصي لـو كـتـبـنـاه وذكرك لأبوي وسيرته عندي وسام *** يالـلـه عسى الجنـه مـقّـره ومثـواه وأبـوي خـلّـف لـه أوالـيـد وأقـــرام *** فـي ديـرتـه محيـيـن ذكـره وذكـراه ومن غير قاصرفي بني عم وأعمام *** ناس عـلى فـعـل المـراجـل مضّـراه مـاني بشاعـر بس تـقـديـر وأكـرام *** نـيـابـة عـن لابـتـي جـتـك مـهــــداه وصلوا على من سن للخلق الأحكام *** رسولـنـا المبعـوث رحـمـه ومنجاه وقال عبدالله بن دهيمش بن عبار هذه القصيدة أيضاً جواب لقصيدة الشيخ فهد الراضي يقول : 16 مشكور يا فهـد عسى العـز لـك دام *** مظمون قـافـك يا أبـو فيصل فهمناه لا لا تـعـذّر وأنـت لـي دوم عـّـــزام *** يـا مـا ذبـحت مـن الكبـاش المـربّـاه والنعـم قـمـت بواجـبي كـامل وتـام *** حاشى يخيب الـلي من دحيـم مجنـاه ولـو شفت منك قصور مـاني بلوام *** ولاني بالـلي يشمت رفيقـه ويشنـاه أبـيات شعـري مـابهـا لبس وأدغام *** تـدرك مـرامـي كـان حـلـلـت معـنـاه شاهدت القصر وصابني وجد وهيام *** وذكـرنـي الـلي بـه تـمشـيـت وأيـاه وفطـن عـليـه طـيـف يشبـه للأحلام *** ودلـيـت أردد كـلـمـتـي يـا حـلــولاه وطـرا عـلى بـالـي فـزع كـل منظـام *** الـنـادر الـلـي مـا تـوصـف حـلايـاه وهلت عبايـر ناظـري تـقـل مـرزام *** وأصبح عـزاي أنك شبيهه وشرواه مـرحـوم يـالـلي دوم مـمشـاه قـّدام *** منعـور ما دنـق عـلى الهـون علبـاه دوّج بـرجـلـه فـي فلسطين والشام *** وبغـداد والبصره وحتى النجف جـاه لاشـك دورات الفلـك تـرغـم أرغام *** ولا حــي ألا أيـروعــه جـور دنـيــاه والحتف لـرقـاب البشر كنـّه حسام *** لابـد يـورد كـل حـي لـمـنـايـــــــــــاه لـولا أعمال الخير في دين الإسلام *** تـفٍ عـلى الدنيـا ومن عزهـا أغـراه يـا مـا هـفـابـه مـن مشايخ وحكّـام *** وكـم مـن خليـفـه زال والملـك خـلاه مـا خـلـّدت فيصل وحافـظ وصـّدام *** مع الحسن وحسين وادريس والشاه ومن قبلهم جدعان وجديع ودهـام *** ومشعان الـلي هنـف الغناديـر تـنعـاه من عاش صيوره لفايف من الخام *** والـلي عـمل مـن خيـر أو شـر يلقـا وأضاف عبدالله بن دهيمش بن عبار قصيدة ثانية جواب لقصيدة الشيخ فهد بن راضي الراضي : 17 مبـداي بالـلـه منشي المـزن بغـمـام *** رب الـخـلايــق كــل مـا راد ســوّاه بسمه بدعـت من القوافي والأنـغـام *** وسجلت من نظـم القريض المغنّـاه جـتـني بـجـوّالـي رسالـه مـن غـلام *** غـلام شـيـخ بـالـفـخـر كـنـه أيــــاه الشيخ أبـو فيصل جمع فهم والهـام *** وكـل الخصال الطيـبـه مـن مـزايـاه قـرم العيـال الـلي لـرقي العـلا شـام *** عاف الطمان وشامخ الحيـد يـرقـاه فـهـد مفـاعـيـلـه شريـفات وأعظـام *** صبـر عـلى ظـرف الـزمان وتحـدّاه جده حمى ملك الجدود من الأخصام *** الباسل الـلي باللقـاء يـقـهـر اعـداه يوم الزمان اللي به حروب وأجـرام *** والكـل يبطش حـزت الخصم يقـواه مـن لا تحـامى ديـرته راحـت أقسام *** يطـرد ويحرم من طعامه ومـن مـاه مـن عـزوة مـا راعـهـم كـل هـجّــام *** رجـالـهـم يـطـعـن خصيمـه بشلفـاه ضد الحريب وللعـدو عـوق وأكعـام *** حمـوا بلدهـم ما أحـد يقـرب احمـاه ويوم الجزيرة صار به خير وأنعـام *** وحكم بها اللي أمن الشعب وأغـناه حـكـم بـرأي الشرع وأزال الأوهـام *** والكـل طـاع الـرب والفـرض صّلاه أخلص لهـم والـدك وأسرع بالأولام *** والأمـر فـي نـيـل المناصـب تـلـقـاه وعين بها منصوب وأمر الفخر هام *** منصب فخـر مـا كـل رجـل ايتـولاه عـنـده مـن العـاهـل تواقيع وأختـام *** مجـد وفـخـر مكتـوب ماشي يمحـاه بأمر الولي جتله على خير ما أيرام *** طـوّر قصيـبـا والـولي سـدد اخطـاه من عـقب مـا كانت عـرازيل وخيام *** تطـاولـت فـيـهـا القـصـور الـمبـنّـاه وأنت بطريق الطايله تحـفى الأقـدام *** شرواك مايقصر عن المجد ممشاه اسست بـقصيبـا مـن الـعـز مـرسام *** مـاهـو خـفي بمجـرد العـيـن شفنـاه وأنت الذي من قال بك مدح ما يلام *** ولاهي غـريبـه كـان طاريـك جبنـاه وأنت الذي تعتـز في وصل الأرحام *** والـلي غـلـط تـدمح خمالـه وتـرفـاه الـلي بحزات الحـرج عضد واحـزام *** شعـر الثنـاء والمـدح مـاقيـل لـولاه ولا الردي ماهو عـلى الطيب جـزّام *** سـاس الـردى خـلـه يـولـي بـلـيــاه قال حمود بن عنيزان بن ناجم يسند على عبدالله بن دهيمش بن عبار : 18
الـلـيـل غـطلـس ظـلامـه واسـدل وخيّـم وأنـا مـع الـهـم ساري والعـرب نامـت اكـتـب حـروف الـقـوافـي كـنـي مـتـيّــم واخـتـار مـا جـاز لـيـن القـافيـه قامـت وارسل على الـلي يعـرف القيل وايقيّـم الشاعـر الـلي بيوت الشعـر لـه شامت يصرف ذهب عنـد صرفـه بالثمن قـيّـم ونفسه عـزيـزه لفـعـل المرجـله رامـت سجّـل سـلامـي لأبـن عـبـار يـا غـلـيّـم لـعـل يـفـدى جـنـابـه حـاسـد وشـامـت سحايـب الـصيـف تـردم غـيـم وتـغـيّـم لوتاصل الأرض سحب الصيف مادامت ولـو راعـي الكذب يجـمع كذب وايليّـم الـحـق يـلـجـم هـل الـتـزويـر لا زامـت وش فـاد سـالـم ورايـه ضـيّـع سـلـيّـم وسليّم اليـوم بالمجلس عـلى الصامت لـو كـان يفهـم عـن الـلي صار متشيّم مـا كـان فـوقـه حوايـم حـومها حامت ابـداع فـكـري خـيـالـه خـيّـل وديّـــــم الـصــدر أيـم عـجـز والـقـافـيـه آمـت وقال عبدالله بن دهيمش بن عبار رداً على حمود بن عنيزان بن ناجم العريفي : 19 يـا فـكّـر سـجـل بـديـع الـقـاف لا تـجـيّـم وافصح عن اللي بصدري كنت له كامت هيضـني الـلي يصـوغ الـقـاف مـتهـيّـم هــام وخـيـالاتـه بـجـو السمـاء هـامـت أن كـان هــمـك يـا أبـو طـلال مـتـلـيّـم دنياك ضامت سواك وأنـت لـك ضامت دنــيــاك مــا دامــت لــراكـان ودغـيّـم وعـقـاب ناطـح جموع القـوم لا زامـت ودنيـاك مـا ساعفت مشعـان وخـزيّـم يا حظ اللي نفسه عن الموبغه صامت يا حمود من يقـدم عـلى الظلّم وايكيّـم بطش بـه الـلي يحل محقرص العامت هـو يحسب أني ضعيف رجال وايـتيّـم ما يرعوي حتّى غـمت راسـه الغامـت مـا فـاد لــو يـدفـع التـأمـيـن وايــبـيّــم يتجـر بسلعـه ثمنهـا بخس مـا انسامت مـن كـان غـافي عن أخـذ الحق ونويّـم يأتيـه مـن يسلب حـقـوقـه وهـو سامت يـشهـد لجـهـدي سـمي الذيـب وكـريّـم ولا أشكل عليه رعـاع الناس لـو لامت ومن القصائد التي قيلت بسبب الحملة المغرضة قال عبدالله بن دهيمش العبار يسند على حمود بن ناجم العريفي السبيعي : 20 يا أبـو طلال أهـل الحسد ما تفـاهـم *** لا جيت تـقـل أنـي جـريـم لحديهـم مـا أبـغـي مجالسهـم ولا منـتـداهـم *** مـا أريـد اقابلهـم ولا أريـد اجـيهـم يا حمود قامـوا ضدنـا مـن عـناهـم *** فشلـت مساعـيهـم وكـلّـت أيـديهـم وش قصدهم يا مسندي وش بلاهم *** وش حدهـم وشـو خطايـه عـليهـم كان أنهـم ضـدي تـواصل خطـاهـم *** أعـرضت مابي بـالـكـلام أطـبـيـهـم الـلي ظـلموني عـنـد ربـي جزاهـم *** مـا أريـد بالقـول الصريح أهجـيهـم الـلي يـبـيعـون الـبخـت بـالـدراهـم *** خـابـوا وكـل المجـتـمـع يـزدريـهـم يغضون بعيون الخجل عن أعداهم *** وعـلى القـرابـه كـل منهـم تـهيهـم خاب وخسر وقت اللزّم من نصاهم *** وقـريـبـهـم مـن شـرهـم يـتـقـيهـم ويـن الـرجـال الـلـي كـرام لـحـاهـم *** الـلـي سجـّل كـتـابـنـا مـا نـسيـهـم وقال حمود بن عنيزان بن ناجم هذه الأبيات رداً على عبدالله بن عبار : 21 قـالـوا تساهـم قـلـت مـاني مساهـم *** مـن طبعنـا أهـل البلبله مـا نبـيهـم ما جي مجالسهم ولا أمشي معاهـم *** واليا اتبعوني بالخطى ما احتريهم والـلـه لـو أنـه لـلـقـبـيـلـه ولاهــــم *** مـا يشمتـونك وأنت منهـم وفيهـم أجهدت نفسك وأنـت تـرفـع لـواهـم *** مـا جـيـت تطـلبهـم ولا تـرتجيـهـم سـجـلـت تـاريـخ يـعـلـّم ضـنـاهــــم *** تـفـخـر بـه الأحفـاد والـلي يـليهـم والـلي يسبـونـك عـساهـم عسـاهـم *** عسى الـولـي بنفـوسهم يـبتـليهـم ولا أنـت نـجـم معـتـلي فـي سماهـم *** مـهـمـا تعـلـوا فـوقـهـم معـتـليهـم وقال خلف المحدى الغبيني هذه الأبيات رداً على عبدالله بن عبار : 22 اعرف يا أبو مشعل خصومك تراهم *** لعـيـال وايـل موقـفـك مـا خفيهـم لا شـك يـالـمـنعـور ربـك عـطـاهــم *** طبع الجحود وكيـف تشره عليهـم لا تكـتـرث بأهـل الحسـد وزمـلاهـم *** مـا يشتهـونـك وأنـت ما تشتهيهم كـل الـحـمـايـل بـيـنـوا لـك غـلاهــم *** حـيـثـك بجـهـدك دايـم محتسيـهـم وأهـل الـردى يرجع عليهـم رداهـم *** الحـقـد الأسـود بالضماير غشيهـم قال عبدالله بن دهيمش بن عبار العنزي هذه الأبيات : 23 لـو وضع في جبهـت النـذل استكـر *** يكشـفـه مـن كـان غـرّه وخـدعـه ينكشف سـتـر الجـحـود الـيـا نـكـر *** مـن جلـب حـظّه عـلى شان طمعه الـبـشـر مـنـشـاه مـن أنـثـى وذكـر *** مـا تـلصّـق بالنسب تـقـل طـبـعـه أصـلـنـا مـعـروف مـا حـنـا هـكـــر *** حـنـا عـنـزة مـابنا ضعف وضعه كـل مـنـا الـيـا سـمـع نـاخـي سكـر *** ومـن لـجـأ مظـيـوم يـبشر بسنعه كم بنـا فـارس عـلى السربـه يـكـر *** لـو تلاقى مـع هـاك الزيـر جضعه الـصـقـور الـجـارحـه لـهـا وكــــر *** وماكـر الصيرم عن القـاع رفـعـه والفـخـر والمرجـلـه ماهـي حـكـر *** كم خـايـب طيـب جـدّه مـا انـفـعـه لـو نـشـدنـا رجـال تغـلـب أو بـكـر *** كـان قـالـوا لـيـت لـوكـنـا سبـعـه حـيـث فـازوا بالـمـدايـح والشـكـر *** ومن يحـوش الطايـلـه حـنـا معـه مـابـهـم الـلـي عـادته كـيـد ومـكـر *** عن طواريـق الـردى معهم سعـه ولا بـهـم الـلي شـذ بعـنـاد وجـكـر *** كـل مـنهـم طـاب والشمـل جـمعـه قال الشاعر حمود بن عنيزان العريفي هذه القصيدة مجاره لقصيدة زميله عبدالله بن دهيمش بن عبار : 24 الـقـوافـي ودهـا سـبـك وحــكــر *** تـبي حبكن مع صدور مشرّعه المعـاني نـظـم هـاجـوس وفـكـر *** عرف نظم وفكر شاعر يصنعه وفكـر أبـو مشعـل يجيـد ويبتكـر *** نظـم عسرات المعـاني يـبدعـه شاعـر الحكـمه أديـب ولـه ذكـر *** وطـيب ساسه للمكـارم يـدفعـه بالنيـابـه عـن هـل العـرفا شـكـر *** لأبـو مشعل بسم ربـعي ارفعـه شاعـر واسلوب نهجـه محتـكـر *** نـادر الـجـزلات كـفّـه يـشبـعـه صافي المـاء مـا يشابـه للعـكـر *** ومن ورد هـداج يعـرف منبعـه وأنـت صافي الجم تارد به بكـر *** والشعـر تعـرف سياقه وسنعه وأنـت من يسمع كـلامك يفتكـر *** يفتـكـر بـك كيف تقـدر تجـمعه وأنـت جـهـدك للقبـيلـه يـنـذكـر *** وكـل عـايـل دون ربعك تردعه سـدنـا عـن كـل فيروس وهـكـر *** ومـن بغـانا مـا يحـقق مطمعه والـخـتـام أقـول هـل مـن مـدكـر *** ثـمّـن جـهـود الأديـب وشجعه قال عبدالله بن دهيمش بن عبار هذه الأبيات مجاراه لقصيدة الشاعر حمود بن عنيزان بن ناجم : 25 دام منـظـومـي هـبـوبـه مـا سـكـر *** وصل من يرسل جوابه ما اقطعه يـوم أبــو طـلال وجـه لـي شـكــر *** قـاف أبـن نـاجــم مـرده نـرجـعـه له رفعت الصوت في وضع سبكر *** واشـكـره بـعـداد رمـل الـمجـمعه أنشـد التاريخ واعـرف وش ذكـر *** عـن هـل العـرفـا حـديـثـه تسمعه بالـزمـن يـا حـمـود يحتـار الفـكـر *** مـن يـفـكّـر فـي زمـانـه يـسبـعـه الـصـقـور الـلـي تـوكـر بـالـوكــر *** وكـرهـا وكّـر عـلـيـه الـقـوبـعـــه ويـن مـن يـفعـل فعـول أبـن بـكـر *** أخـو جـحـله كـم صنديد صـرعـه ويـن الـلـي لـلّشـر صـمـام وسكـر *** الـلـي الـيـا شـاهـد الشـق رقـعـه ومن يـبي يبعـد عن سلوم الخكـر *** يـرفـع شـبـوحـه ويـبـعـد مرمعـه مـن بـدأ يوقد على الـنـار ويـكــر *** شـب نـار الـشـر لأجــل يـولّـعــه ومـن بـغى يصطاد بالمـاء العـكـر *** كف أبن مقرن على الخشم قمعه والـذي يـا حـمـود لـجــدوده نـكـر *** بالنصيـحـه قـلـت لـلـعـاقـل دعـه قال عبدالله بن دهيمش بن عبار هذه الأبيات يسند على زميله حمود بن عنيزان بن ناجم العريفي أبو طلال : 26 يا أبـو طـلال بـحـور شـعـري تطامـا *** وعليك أبي اسند ياحمود أبن ناجم أشـوف الـلي عـن الحقـيقـه تعـامـا *** كلـن عـنـه يا حمـود صامت وباجـم عنـد الـذي شـرواك جهـدي تـنـاما *** لـكـن صديـع الـراس يحتـاج حـاجـم فـيمـا مضى يـا حمـود يـامـا ويـامـا *** أبحث وأفـتش فـي سطـور المعاجم سـجـلـت تـاريـخ الـجـدود الـقـدامـا *** الـلي لـهـم فـي كـل مـصـدر تـراجـم صـيـد الـرجـال الـنـافـليـن العـدامـا *** يـوم الحروب ويـوم غـزو الأعـاجـم يـوم العـرب والفرس صارت تراما *** بـالـنـبـل والـنـشّـاب هـامـرز هـاجـم تـنـاخـوا الـشجعـان ويـن الـنشامـا *** والـريـق نـاشف مـا يـبـل الـبــلاجـم بـكـر وضـنـا عــنّــاز دايـم تـحـامـا *** أدناهـم الـلي لخشم الأضـداد خـاجـم عـزوة فـخـر دخيلـهـم مـا يـضـامـا *** صـال الخصيـم وعـاد للـغـوج لاجـم خلـوا عـيـال احـرار فـارس يـتـامـا *** وصار بحنو ذي قار حذف الجماجم القـشـع بالعـاصف غـصونـه تـواما *** وحـيـد الجبل مـا حـرّكـه كـل راجـم قال الشاعر حمود بن عنيزان بن ناجم هذه القصيدة مجاراة لقصيدة زميله عبدالله بن دهيمش بن عبار : 27 يـا مـرحبـا وأهــلا هــلا واحـتـرامـا *** يا شاعـراً هـرجـه وخـرجي تساجم تـجـي لأبـو مـشعـل ردودي شمامـا *** يـوم الـنـوابـغ يـبـهـرون الـنـواجـم قـبـلي يـقـولـون الـرجـال الـفـهـامـا *** لـلـقـيـل نـبـع ولـلـمـعـادن مـنـاجــم يـا شاعـراً عـن هـزل الأنذال شامـا *** وشيّـد شمـوخ المعـرفـه بـالتـراجـم تستـاهـل الـتـكـريـم وأعـلا وسـامـا *** يالـلي عـن دروب الهزيلات حـاجـم جـهـدك مـثـمّـن يـا رفـيـع الـمقـامـا *** ماهـو خـفي عـند العـرب والعواجم دايـم مـعـانـيـك الـجـزيـلـه تـسـامـا *** ونـوادر افـكــارك تــرازم عــلاجـــم وأنـت الـذي لفـظـك حسين الكـلاما *** وعندك عـلى قصف المعادي رواجم تـتـرك خصيمـك سـاهـراً مـا ينـامـا *** عـلـيـه لـوعـات الـلـيـالـي تــهـاجـم وقـل للهـلامـه والضعيـّف وسـلامـا *** وروس الأفـاعـي دقّـهـا بـالـمناجـم خـل الهـلامـه يـا أبـو مشعـل هـلاما *** مابـه حيـاه أن جـاه خصمه مهاجم بعـض العـرب طبعـه يعيـب النشاما *** ومـن الحسد قلبـه عـن الحق واجم وأقـبــل تـحـيـاتـي بـكـل احـتـرامــا *** والـخـاتـمـه أقـبـل سـلام أبـن نـاجـم قال الشاعر حمود بن عنيزان بن ناجم هذه الأبيات يسند على عبدالله بن دهيمش بن عبار : 28 يابن عمي دام شعري كما السيف الشطير مهما كان العضم قاسي يقصّه ما انثـلـم كـان جـردتـه من غـماده فـي يـوم خطيـر اشـهـد أنـه يـشـفي الكـبـد ويـسـبـب ألـم كـان قـدّر والـي الـعـرش مـلانـا الـقـديــر كـل طاغي يمسك الدرب كـان أنـه سـلـم لا يهمـك هـرج ضايع ولا هرجت حـقـيـر ولا تفكّر يا أبـو مشعـل بظلـم الـلي ظـلـم عند كـل الناس قدرك يا أبـو مشعل كبيـر ويشهـد لجـهـدك كتـابـك وربعـك والقـلـم والـقـبـيـلـه كـلـهـا مـن كـتـابـك تستـنـيـر يشهدون أنـك مـن اعـلام وقـتـك يا عـلـم وأنـت بحـراً من قرب لطم موجه يستخير هـوّن الـهـدّات وأن صـرت قـدامـه بـلــم كـان قـدّر والـي الـعـرش مـلانـا الـقـديــر كـل طاغي يمسك الدرب كـان أنـه سـلـم قال عبدالله بن دهيمش بن عبار هذه الأبيات جزاب لأبيات الشاعر حمود بن عنيزان بن ناجم : 29 يا هلا ويا مرحبابك يا عساك بألف خيـر يا أبن ناجم دام عـزّك بالعجل ردك ولم ياصديق ويازميل عشت يا نـقي الضمير أنت من رجال الحميه دوم للعزوه تـلـم عادتك ما تخاوي اللي خوته شر وشرير شاربـه ودك تقصه يا أبـو طـلال بجلم والله أنـي دوم أعدك كنّك أخـوي الصغير من جحد جهدي نهيته كانه لحقي شلم كل من عـال وتعدّى ينخـزم خـزم البعيـر تاجـده مـثـل المبلّم ما قدر ينطـق كـلـم من تعاوج تاه بصره والبصر كنّه ضرير مـا يـدل الـدرب ضايع طريقه ما عـلم ومن هكع لابـد ينزل لـو يكن جدّه شهيـر مسح أمجاد الجدود وللفخر بت وصلم يتبع التعديل الأخير تم بواسطة عبدالله بن عبار ; 06-23-2022 الساعة 06:46 AM |
|
|
|
|
06-23-2022, 09:41 PM
|
#4 |
|
صاحب الموقع
تاريخ التسجيل: Mar 2008
المشاركات: 10,350
|
تابع
ومن المساجلات التي جرت بيني وبين الرجل الوقور الدكتور حسين بن علي العطالله الطويلعي عدد من القصائد وقد نشرت مجموعة من قصائد الشكر والثناء في باب الشكر والثناء : *- وهذه الملحمة الشعبية من شعر عبـد اللـه بن دهيمش بن عبار يسند على الفاضل حسين بن علي بن عطـاالـلـه الطويلعي العنـزي : 30 سميت بسـم مكّـون الـكـون تكـويـن *** رب العـباد اللي على العرش متعـال شـاد السماء وثبـّت مـقـرّه أبتمكيـن *** والأرض مهـدهـا سمـاهيـد وجـبـال خلـق أبــونـا آدم وسـواه مـن طيـن *** ونفخ حياة الروح في جسم صلصال محيي رميـم الـلي بـالأجـداث فانيـن *** تحت الرموس الباليه وسط الأطلال أنبت على يونس من الغرس يقطين *** بأمره وعـاد الـروع لـلخائـف الـذّال موسى فرج له من زعيم الفراعيـن *** ويوسف وقاه الرب من بعد الأغلال سبحـان خلاق البشـر نـاصر الديـن *** الــواحـد الـلـي لـلـصعـيـبـات حــلاّل يا رب عفـوك يـوم نصـب الموازيـن *** ثقّـل عـملنـا عـند تـوزيـن الأعـمال يـا لـله يـا منـزل تـبـارك ويــا سـين *** بحسناك يـا رب الملأ ترحـم الحـال نعـوذ بـك مـن كيـد غـلب الـملاعـين *** ونلوذ بـك عـن كـل خائـن ومحتـال أنـت الـمعيـن أتـدبّر الخـلق وأتـعيـن *** عـندك مصير أرزاق خلقك والآجال يا مـن لـوجـهـه يـسجدون المصلين *** يا راحم اللي بقوته ضعف وهـزال من لا رحمته يـا الـولي لاعـه البيـن *** كـل ما تـنهض نوخـه ثقـل الأحمـال يا رب لطـفـك يـا مـغـيـث المساكيـن *** يا مـربع بالقـاع من عقـب الـمحـال ومن بعد ذكر اللي له الخلـق راجين *** عبر ضميري من تصانيف الأقـوال نظمّت عذب القاف ما مقصدي شين *** ولا قـلت شعـري للأجاويـد غـربـال فاض القريض وفطّـن البال تـفـطين *** يملي وحبر الزاج فوق الورق سال تـفـجـرت نـفـحات صـدري بـراكيـن *** وتـواصلت موجات فكـري بالإرسال وبديت أفكر وين صوب الهدف وين *** لكن نـويت أسند على ذرب الأفعـال أسندت منظوم القوافي عـلى حسين *** نسـل الحمايـل زاكي الـجـد والخـال الـوائـلي يـفـهـم جـميـع المـضامـين *** والقصـد ما يخـفـاه لـو ربـع مثقـال أبــو عـلي لـه حـق نـأتـيـه عـانـيـن *** حيثه من أصحاب الفضائل والأنفال وحنا على عرف المصّيت حريصين *** نشفـق على الطيّـب إلى جابنا الفال صيته مـع الأجـناب والـربع الأدنيـن *** نسـمع عـلومه بالفخـر كلهـا جـزال عـنه الـرفـاقـة والأجـانـيب راضيـن *** تسلم يمينـه شـوق منقوض الأقـذال رام العـلاء مـا طمن الراس تطمين *** شـامت به العـليا على المنزل العـال قـرم العـيـال اللـي لطيـبـه بـراهـيـن *** لـلعــز والـطـولات والمـرجـلـه نــال يتبع سلوم الي على الطيب ماشيـن *** حيث ا لرداماله على حسين مدخال ما حـاد عـن سلم العـرب والقوانيـن *** ولا عوقه عن واجبه كثـر الأشغـال عـز الرفيق وريف من جـوه ناصين *** دايـم مـضيـفـه للشغـامـيـم مـدهــال من عـرفـتي لـه مـدة أعـوام وسنين *** ما مـل ممدوح السجايـا والأخصـال يلقى الهواشـل مسفهـل الحجـاجيـن *** ما هـو مـن اللـي ناظره كـنه عـقـال يـنطـح قـبـال مسيـره بـالنبـا الزيـن *** بالقـدر والحشمة وحسن الإستقبـال وإلى لفـوه اللي عـلى البن شفـقيـن *** قـلـّط لـهـم مـن رايـب الهيـل فنجـال وحيلٍ تغّرس في شحمهـا السكاكين *** يـفــرح بـغــالـي سـومـهــا كـل دّلال شــاد وشـمـخ بـالـوائـلـيـة ديـاويـن *** يـجـذبـك ديـوانـه مثـل نايـف الجـال بـيتـه مـلـم الأصدقــاء والـمـوالـيـن *** مـا صـك بـابـه دون ربعـه بـالأقفـال تـلقـى مشـاكيـل الـقـروم الحشيمين *** بالمجلس الـلي جلسته تشرح البال بيت الشرف ضم الرجال الشريفيـن *** بـيـت الـفخـر ما فـيه لجة ولا جـدال بيت الصخى بيت الرجال العزيزيــن *** بيـت اللنـقـا ضلـه للأجـواد مـقـيـال نـفخـر بنسل عـطيـل شـم العـرانيـن *** الـلي فخرهـم صار مضـرب للأمثال موروث من عقب الجدود القـديميـن *** مبطي مـراجلهـم جـديـدات وسمـال مـن صلب لابـة يلحـقـون المخـلـيـن *** رجـالـهــم بـالـكـون لـلـروح بـــّذال عـزوة ضـنـا عـنـاز زبـن المجـليـن *** أولاد وائــــل مـلــتـجــأ كــل دخـــّال ويـلان بـالـلـقـوات سقـم الـمعـاديـن *** أفـعــال ماضيهـم مـفـاخـر للأنـجـال وإلى أعتلوا من فوق مثل الذوانيـن *** عـوص النجايب للخطر تهذل أهذال حـمـايـة السـاقـة سطـام الحـريـبيـن *** أدنــاهـم الـلـي كـان لـلـقـفــر نــّزال أولاد وائـل كـان صـار الـلّغـى شيـن *** كانوأ مدابيس الوغـى ضد من عال شجعـان وبـوقـت الملاقـا عـنـيـديـن *** يـوم المـنـاحـر وأحـمـر الـدم شـّلال وأن جالـت الخيلـيـن يـوم الأكـاويـن *** عـنـد الملاقـا مـا يهـابـون الأهـوال شجعان في عصر المراجل وصلفين *** فـرسان بـالهيجـاء صناديد وأبطـال كـل العـرب تشهـد لفعــل العـنـزتيـن *** يـا ما بهـم مـن كـل فـارس وخـيّـال يـا مـا بـوائـل مـن حمـائـل أمسـمين *** وياما بهم من لابس الجوخ والشال ولا أقدر أعد شخوص وائـل كثيرين *** راس القـرابه لا سمع مدحهـم طـال عـاداتـهــم ذبـح الـغـنم والـبـعـاريـن *** وذبح العـديـم إلى بطـل كــل عـّـذال دائـم لـفعــل الـمـرجـلـة مستعـديـن *** ضـد الخصيم اللي من الزوم يختـال وأن صارت أرواح النشاما نياشيـن *** رجـالهـم هـوشـه إلـى هـاش بخبـال جـهـالهـم بـالـكون مـثـل المجانـيـن *** وعـقالهـم في ساعـة الغيض جهّـال وإلى أختلط عج الرمّك بالـدخاخيـن *** نطيحهـم حـاش الهبا وأشهب الّـلال مـركاضهـم يشبع جياع السراحـيـن *** مثل النمور الضاريه تحمي الأدغال حمـوا أسباط المصطفـى يوم صفين *** وروس الرجال مرجمـه كنهـا تـلال صفـوة ربيعـه مـا بهـم قـول تخمين *** رجـالـهــم عـنــده حــمـيـه وزعــال يـوم الزعيم كليـب قـاد الـمضاعـيـن *** حرر بني عدنان من جـور الأغـيال أوقـد عـلى خــزاز بـالـلـيـل نـاريــن *** مثـل السعايـرضوحها يشعـل أشعال ويـوم المناذر جـو على بكـر لاجيـن *** جـوهـم صناديد العجم فـوق الأفيـال ذي قـار تشهـد بـانتصار الشيابـيــن *** وجـمع اللهازم سار للفرس صّـوال حاموا على الحرقـا هنوف المزايين *** هـاني ذراهـا سـتـر ربـات الأحجـال صالـوا وبـالروح العـزيـزة أمفاديـن *** مـا رابهم يـوم اللقـاء كثـر الأزوال مـفـاخـر الـويـلان مـبـطي وهـلحيـن *** معـروف بـالتـاريـخ والـمجـد لازال أفـخـر بـتمجيـد الـرجـال العـريـبـيـن *** حيث الضراغـم مثلها تنجب أشبـال أفخـر بـهـم والنـاس بـالفعـل داريـن *** مـا ينجحـد تاريخهـم عـبـر الأجيـال عـنـاز مـن خيبـر إلـى حـدود حطين *** الجـمع واحـد والمعــادي بـه أخلال وش عـاد لـوهـم بـالمنـازل بعـيـدين *** مـن صلب وائـل كلهـم عقـب رجـال مـن لا أعـتـزا كنه كسير الجنـاحيـن *** كوبان مثـل العوشـزة ما لهـا ضلال وحنـا بفعـل أهـل الفخـر مستعـزيـن *** ولا هـمـنـا مـن كـان لـلـهـرج نـقـال ما نطاوع اللي يقسم الجـمع جمعين *** ولا نـستـمـع لأقـوال حـاقــد ودجال سـود الضمايـر بالمـراميع مخـطيـن *** يسعـون بيـن الربـع بالقـيـل والقـال الـمحـرشيـن الـمخبثيـن البغـيضيـن *** اللي على الصاحب مناحيس ورزال عـوج المشاور والعفـون الـرديـيـن *** قـشـر الـنـوايـا والـهـلابـيـج الأنـذال يا للـه عساهـم للمرض والطواعين *** مـا هـم فـقـايـد جعـلهـم بألـف سلال والناس مـن خلقت أشكـال وتلاوين *** فـيـهـا تـفـاوت بـالطبائـع والأشكـال مار البلا اليا صارت الروس رجلين *** وتعـانـقـت هـام الجـماجـم والأذيـال والـذيـب الأمـعـط ذلـلتـه السعـاديـن *** والليث الأروع صار يخضع للأثعال وأضحت صواريم الهدد والشياهيـن *** تلبد ومن طيـر الرخم صابها أجفال واليوم أشوف الـلي رصيده ملايـين *** مـا يـقـتـنع بالـمـال لـو يكنـز الـمـال يجـض مثـل اللي تضجـر مـن الدين *** كـنـه فـقـيـر ولا بـجـيـبـه ولا ريــال وأشـوف كـل الناس يا حول شاقيـن *** الشـيـب والشبّـان وكـهـول وعـيـال يـا الـلي بدنياكم عـلى الـدوم لاهيـن *** حاذورمـن كثـر التهـاون والإهمـال يـا الآدمي حذراك مـن قـول بعـديـن *** أغـنم شباب صباك قبـل الأضمحلال مـا يشبـع الجائـع لحاس المواعيـن *** والـرس مـا يملأ مغاريـف وأسحـال دنيـاك يـا مـا فـرقـت مـن مـقـاطيـن *** لا تـأمـن الدنـيا تـرى الـوقـت مـيّـال وش قال عنها نوح من بعد الألـفين *** دار الـفـناء مـن طـبهــا شـد رحــال وآخـر مصير العبـد لو عاش قرنين *** لا بـد يـذرع لـه مـن الخـام تـفصـال والـعـبـد فـي دنـيـاه مـالـه حيـاتـيـن *** ولا يـرجع الـلي فوقـه الرمل ينهـال حيث القمر لـو غـاب عقـب الثلاثين *** يعـود فـي جـو السماء بـدر وأهـلال والـلي اخطاهـم طولـت بـالمحاجيـن *** مـا ظـنتي عقب الهرم عادوا أطفـال يـفــتـر عــداد الـزمـن بـالـطـبـالـيـن *** بـالثـانـية يـأخـذ مـن العـمـر مكيـال تمضي الثواني كنهـا رمشت العـيـن *** أسـرع من اللحظة سريعات واعجال نـعـوذ بـالـلـه مـن رجيـم الشياطيـن *** مـولاي يـرشدنـا على خيـر الأعمال هــذا وتــم الـقــاف مـائـة وبـيـتـيـن *** ونبـع القوافي صافيه ما بها أحثـال وصلوا عـلى الهـادي ختام النبيـيـن *** اللي على درب الهدى يهدي الضال * قال الأستاذ حسين بن علي العطيل هذه القصيدة جواب لقصيدة عبدالله ابن دهيمش بن عبار : 31 بـسـم الـذي نـزل تـبـارك ويـاسـيـن *** وأنـزل كـتـاب فـيـه عــمـا والأنـفـال محصي عـدد خلقه ألـوف وملايـين *** مـا أحـد على عرشه تمكن ولا حتال أمـره ما بين الكاف والنون حرفيـن *** فـرد صمـد يـعـلـو بـتـكبيـر وأجـلال يرجى ويخشى ولـه عباده مطيعيـن *** محـيي الـبلاد الـميتـة بـعـد الامحـال الـلي لحـكـمه يخـضعـون السلاطين *** فـي ساعـة مـا يلبس بشت وعـقـال ولـطـاعـتـه ورضـاه خـلـقـه مـلبيـن *** وأنــبـأ نـبـيـه بـالمشـاعـر والأميـال تـلـوذ بـه فـي الحشـر كـل الثـقـليـن *** ولا فـيـه نـفس تـتـبع الـواو والـدال كـلـن ومـا قـدم وخـلـد إلـى حـيــــن *** والـلـه هـو الـلـي بـالمخـاليـق فعـّال أحـد يـفـوز بـجنـة الحـور والعـيـن *** وأحـد يجـي لـه باوسط النـار منـزال والـلي حمـل مثقـال ذره مـن الديـن *** يقرن مع الـلي يسحب الثوب مختال والـرابحيـن المخـلصيـن المقيـميـن *** مـا طـالعــوا بأنظـارهـم كـل سربـال التابعيـن لـمـن حـضـر بـدر وحنيـن *** السـاجـديـن لـربـنـا الــواحـد الـعـال ناصر صلاح الديـن فـوق الصليبين *** وخلا أبرهه والفيل ما عـاد لـه فـال وعن النبي موسى غدا البحر فلقين *** الـلـه ولا حيـلـت حـيـل كـل محـتـال ولا شجرت الزقوم من شجرة التين *** الـلـه موضحها عـلى راس مـا طـال الـدرب الأيـمـن لـه عـبـاد مـبـديـــن *** والـدرب الأيسر حـطـه الـلـه للضال الـلـه يـثـبـتـنـا عـلى كـلـمـة آمـيـــن *** آميـن يا معطي العطاء كـل من سال فـي ساعـة فيهـا مـن اللبس عـارين *** ظـلـه عـلى خـلقـه ولا غيـره ظـلال هـذا وحـنـا يـا أبيض الوجـه ماشين *** وعن الطريق المعتدل ما أحـد مـال عـلى طـريـق المصطـفى مستمـرين *** وكـلن يـزول وخالـق الكـون مـازال تـرى الـزمـان أيحـط قـدمـه نياشين *** مـن عصر نوح يدور بـه كل محتال يا أبن دهيمش خلـق للـراس عينين *** والناس مـا ترضى سفيه إلـى صـال ولا يكفـي المخلـوق عـمـر الثمانين *** فـي خـاطـره مـبـدأ طويلات الأقـذال لــو ذاق مــن دنــيــاه مـر الأمـريـن *** وده تـطـول ووابــل الـغـيـث هـمـال عـينـت سمحيـن الـوجيـه الـرضيين *** الـلـي تعــذب بـالسـرى كـل مـرمـال الـلي لهـم مـيقـاف بـيـن الحـفيفـيـن *** أمـسى عـليهـم كاثـح الـرمـل ينهـال والشرع واحد ما بعـد صار شرعين *** والآدمي يصبـر عـلى دبـرت الـوال وأنـا بـعـد مـا شفـت رسـم بـتـقـنيـن *** رسم على بيض الورق منـه مهتال مـن شـاعـر لـه بـالمثـايـل عـناويـن *** مـاأعطأ الجمل في طرقته كل جمال على الغرايب حط لـه فـرق وسميـن *** وبـيـديـنهـنـه لأبـن عــبـار مـرسـال اصحي لهـن إلـى غـدا الليـل ثلـثيـن *** معـجـب وتعجبني حسينـات الأمثـال دنيت لي مـن ناصع الطرس فرخين *** ماهو من اللي طرسهم خمسة أقفال وأحضرت لي من صنع بغداد ثنتيـن *** يعـبأ لهـن يا مسندي خمسة أشكـال كيف الرجـال الـلي مـن البعـد لافيـن *** فـي لـيـلة فـيـهـا مـن الـمـزن وبّـال مع المعـارف والـربـوع الكـريـميـن *** روس الرجـال اللي يشيلون الأثقـال ريحـت بـهـاره يـوم ينـدار بالصـين *** يجـلي عـماس مطوعـت كل مشوال لا ثـلـث الـفـنجـال لأحـد الـرفـيعـيـن *** يـرتاح بـالـه والتـعـب عـنـه يـنجـال ومنادم شخوص الرجـال الحكيميـن *** فـي حـال عـيـّال وفـي حـال عــقــّال ومن بعـد هـذا يا الرجـال العـطيبين *** عـذب المـثـايـل عانـقـت كـل منـوال أنـبي بـهـا روس الـربـوع المنيبيـن *** الـلي لهـم فـي قـمـت الشـعـر مـوّال قـم يـا نـديـبي جهـز الـبنـز عجـليـن *** وأحـذر تعـلّـم بالخبـر كـل مـن سـال شّيـك عـلـيـه وفـّول البـنـز بـنـزيـن *** خــلـه يـقــّرب لـك بـعـيـدات الأميـال حاسيـه لـلي يـفـرقـون الخـصيميـن *** إلـى بـدت من دونهم جـرد الأسهـال مـا صلحوا عـنده خلل في الذراعين *** تـوه ورد مضمون عن كـل الأعطال وأمصمميـن بمـقـدم البـدي كشنين *** وحـطـوا عـلى كبـوتـه النجـم تمثـال ومراوحـه مـن مصنع البنـز ثـنتيـن *** وشمعـات غـازيـه عـليهـا كـرستـال وإلى أشتغـل يشدى رنين الجنيهيـن *** تطـرب لشوفـه زاهيـت كـل خلخـال هـيفـاء تـدق الـنيـل تحـت الشفاتيـن *** والـمحجـر اللي فوقـه الرمش قتـال والعنـق عنـق الـلي ربـت يـم يبرين *** ريــمــيــةٍ مـا صـادهـا كــل بـغــــال والعين عين الـلي شبكهـا صعـينيـن *** شـيـهـانـةٍ مـيـكـارهـا قـمـت الـجـال والقـد تطـرب لـه قـلـوب المهـاويـن *** يشـدى لغـصـنٍ فـوقـه الـجـم دجـال يطرب لمشيه من سروا عنه مقفين *** ما حسبوا في قيمة الرخص والغـال هو منوت اللي عـن هل الدار ناحين *** غـّـيـر عـلـيـهـم بـارق فـيـه هـطـال عـليـه مـن يقـضي لـزوم العـديـمين *** قـرم خفيـف النفس صاحي وبهـلال إلى سرح مـن ساحـل الشرق ناوين *** للعاصمـة ومطوعـت كـل مـن عـال يـلفـي الـرجـال مكمـليـن الصفـاتيـن *** موفيـن ميـزان الوفى عـزوة رجـال وأخص مـن يـوفي الرجال الوفييـن *** مـن يـوفي الأول ومـن يـوفي التـال عبـدالـلـه الـعـبـار ملـفـا القـريـبـيـن *** وملفى لمن جاء تالـي الليـل هشـال لـه مجلـس فيـه الـرجـال الحشيمين *** مجـلـس مـعــزه للشغـاميم مهضـال وافـي النسـب نسل الرجال العريبين *** طـريحهـم بالقـاع مـا هـوب ينشـال فـي حـال عـراف وفـي حـال صلفين *** الـلي لهـم فـي تالي الجيش محـوال ويـلان خـطـلان اليـمـانـي وذرفـيـن *** وكم انحروا وقـت القسا كـل مهجال ونـار سـنـاهـا يـنـحـره كـل سـاريـن *** دايـم عـليـهـا حامـس الـبـن عـمـال كـل القـبـايـل يـا أبـن وايـل مـقـريـن *** لعـنـاز يـا نـزه الشـوارب والأسبـال لا تستمع في حكي بعض الضعيفيـن *** اللي سوالفهم عـلى الفاضي الخـال لا تستمـع قـول السفـاه الخـفـيفـيـن *** الـلي تـلـفـّظ قـول مـا هـوب يـنـقـال لـه منظر طيّـب مثـل شجـرة الـكيـن *** الـلي طعمهـا يضرب الكبـد بـوجـال قـليـل مـيـز وعـايـش لـه بـوجـهـين *** أيضـاً ومـع هـذا بـلا كبـد وأطـحـال لا يحـتـم المـاقـف ولا يـوفي الـديـن *** مـثـل الشرود اللي تـرادي بالأطبـال وحـنـا عـن الـلي مـثـل هـذا غنـييـن *** الـلي يسوي له عـلى الـدرب محبال مـع الـلـيـالـي مـا خـذا لـه تـمـاريـن *** تـمضي حـيـاتـه بـيـن الأجـواد دلال ما يـدري أن الناس للناس صاحيـن *** تشوف مـن لعـروض الأجواد نشال ماهوب عارف وين صوب المنادين *** غـافـل وقال أن أكثـر النـاس غـفـّال حاشاك ماأنت من الضعوف الدنيين *** لكن لبست من الشرف ثوب دسمال سطـرت تـاريخٍ لـه النـاس مصغـين *** الـكل يعـرفـه مثـل مـا يـعـرف بـلال وحنا لفعلك يـا أبيض الوجـه مثنين *** ولا تستمع لـلي سـرى يهذل أهـذال وأنـا بصفك وأن غدا الجمع صفيـن *** وحـنـا نعـدل مـايـل الحـمـل لـو مـال من زعـل يعباله على القلب رمحين *** وإلـى بـرق وأرعــد تـدلـن الأثـعـال وحـنـا تحـت رايـة حـماة الحـرميـن *** اللي لهـم كـل الـمـواقـف والأفـضال ومن عام خمس أمية واحد وسبعين *** الله حـمى الكعبة مـن الناس الأرذال نسمـع ونسفـه مـن كلام المضاهـين *** ويمشي عـلى درب الجمل كل زمال ولا ينقل الحمله جمـل معـه ضلعـين *** الحمـل تعـرف لـه إلـى قـرب جمـال والـوقـت يمضي بالثلاثـاء والأثـنين *** مـا يـنـتجـاهـد وقــت حـلٍ وتـرحـال للصابرين يضاعـف الأجـر باجـرين *** ولا يستوي معدال مع نصف معـدال هـذا وكـافـيـنـا عـن الجـيـم والسيـن *** أبـيات شعـرٍ ما بهـا سلـب ووصـال تشبـه جنيـه الجـرج ما فيـه لـونيـن *** صبـه وصاغـه وأجتهـد فيـه فصـال قـرايـضٍ منهـا الشواعيـر طـربـيـن *** بالغـرب والمشرق وجنوب وأشمال لـو كـان بـه شعـار حضـر وبداويـن *** الـغــرب يـلقـا لـه عـلى الـعـد صلال وهـداج لـو تـورد عـليـه المحيـميـن *** كـل الورود مـن أزرق الجـم تـكتـال صحيح مـا كـل الـرجـال أمتسـاويـن *** هـذا مـقـيـم وذا مـع الــدرب حــوّال ولحدٍ يصلي الفرض بين الصلاتـيـن *** الـخـلـق خــلاقـــه لــلأرزاق كـفـّـال وأسلـم ودم حـنـا لشـرواك شفـقـيـن *** يـا صـايـغ الـقـيـفـان بـالأيـن والآل فارس غرايب تفهـم الشعـر وذهـين *** والشعـروهـبـة مـا تـغـطـيـه بـحلال صـفيـت عـذبـات القـرايـح بـتـثمـين *** مثـل القراح إلى شخـل لـه بمشخال وحنـا عـلى مردود قافـك حريصيـن *** لوهي يا أبن عبـار أطـوان وأرطـال لـو أنـكـم فـي بـدع الأمثـال مرهيـن *** الـرد مـا أجـلـتـه إلـى شهــر شــوال أرسلت عصما خلت الشغـل شغـلين *** وعـن القصايـد تعـتلي روس الأتلال أشتـقـت لـلمـعــنـا ورسـم المحبـين *** من شاعـر معـنـاه ماهـوب بمخيـال يصوغ فيـه الكـف والخـف والـقـين *** هيضن مـن العـراف ماهيـب جـهـال واليـوم يا نسـل الرجـال الشريـفيـن *** عسى المثـل لرضاك يا مسندي نـال تمـت بذكـر الـلـه وخـيـر الشفيعيـن *** فـي ساعة يندم بهـا راعـي الإهمـال * قال عبدالله بن عبار يسند على حسين بن علي العطيّل الطويلعي : 32 يا أبـو عـلي خاطـري يالـقـرم ضـاق *** مـا دلـه قـلـبي مع المخلـوق ليـش صـار مـطـعـوم الـعـسـل مـر المـذاق *** وأصبح التريـاق بـه سـم الحـنيش الزمـن يا حسين وضـعـه مـا يـطـاق *** والليـالـي خـلـت الـعـاقـل خـريـش هـكـذا الـدنـيـا تــقـلـّب بـاصـطـفــاق *** لووطت صم الحجر يصبح جريش صار جرو الذيب يخشى من العنـاق *** والأسود مـن الثعـل هجـت طـفيش والأصيـل الـلي معـامـيـقـة أعــراق *** أنـهـلـب مـهــمـا تـبـره بـالـهـبـيـش أرتـخـا جـري الصـويـتـي بالسبـاق *** حيث صـار الكاس من حظ الكـديش قـاصر الشوفـة غـدت نـفسه نـزاق *** والـذلـيـل يـعـانـد الـبـطـل الهـويـش والـوضيع اصبح يحملـق بالحـداق *** صـار يـزمـر مثـل شـراب الحشـيش الـنـذل والـهـيس لـه ربـع ورفــاق *** والـمـخـمـة صـار لـه شـلـة وجـيش حـتى ولـد الّـلاش يـا مـال الـفـراق *** يـفـتخـر كـنـه مـن عـيـال الـدويـش أسـتـوت لأهـل الـتـمـلـق والـنـفـاق *** والكذوب وصاحـب القـلب الغشيش والصـدوق اليـوم فـيـه الوقـت بـاق *** مـا خــذا حــقــه ولا يـقـدر يـعـيش مـنـطـوي بالمجتـمع مـثـل الـمعـاق *** والقطـامي مـا يـطـيـر بـدون ريـش أن حصل ياحسين بالقصر أنشقـاق *** يعـتـبـر مـثـل الصنـادق والعشـيش وكان طـاح البيـت ما يفيـد الـرواق *** ما يكـن مـن العـواصف بيـت خيش ولا نـبي يـا حسين تـوسيع النطـاق *** من دخـل عمق البحـر ما طال قيش قال حسين بن علي العطيّل الطويلعي رداً على عبدالله بن عبار : 33 يا أبو مشعل كان شفت الوقـت بـاق *** لا تستغـرب وأنشـد الشيخ الربيش أن حصـل يا الـقـرم بالـدور أنـزلاق *** لـو بـغـيـت تـعـدلـه تـبـلـش بـليـش الــولــد لأبـوه صــار الـيـوم عـــاق *** لـو حصـل لـه والـده رشـه رشيش ولـو حصـل بيـن المخـاليـق إتـفـاق *** ما لقيت الـلي سكن لـه في حـويش والـلـه الـلي كـون الـسـبع الـطـبـاق *** وأنـزل الفـرقـان في صفـوة قريش ودي الـدنـيـا عـلـى كـيـفـك اتـسـاق *** تشـرب الصافي وخصمك ما يعيش وش تـبي مـني وأنـا راعـي النيـاق *** مـسـتـعــد مـن الـدمـام لـحـد بـيـش نحضـر المطلـوب لـو هـو بالعــراق *** ونوجـده لـو كان في جـزرة حنيش أحـتـزم بـي كـل مـا ضـاق الـخـنـاق *** وقـت عـيـلات الغـشيـم المستهيش ومـن يـبـي يـحـط بالشـمـل أفـتـراق *** ما نطاوع صاحب العضم الهشيش والـعـلــوم تـريــد طـاروق وسـيــاق *** يـدرك الـفـاهـم ويخطيهـا عـمـيش ومـن تجـود فـي ضعـيفـات الـحـلاق *** تـنفـصم بـه ثـم يقـول العـلم ويـش مـا عـلى الـراس السليم مـن الفـلاق *** والجمـل مـا يلـتـفـت يـم الـوشيش ولا عـلينـا مـن أهـل السلـك الـدقـاق *** جعـلهـا مـا تجـتـمع دايـم طـشـيش خـل مشيـك صـوب مطلوبـك حقـاق *** ولا تحسب حساب نخل صار هيش والكبـينـة لا حـصـل فـيهـا أحـتـراق *** السـبـب فـي كـل هـذا سـلـك فـيـش وكـان تـبـغـي لـلـعـبـاريـد أنـطــلاق *** يا عساهـا عـن هـدفـهـا مـا تطيش وقال عبدالله بن عبار رداً على حسين بن علي للمره الثانيه يقول : 34 راكـب الـلي مـا صـوامـيلـه أعـتـاق *** مـن حـفـيـزه نـاجـبـه مـا قـط نـيش مـا بـعـد كـربـن ولا صـابـه صـنـاق *** صـوت بلفـه كـان شغـل لـه نشيش سـتـمــايــه قـيــمـتـه تـمـت غـــلاق *** كـان تنشـد مبلـغ المحـروس بـيش الشـبح مـبـطي عـلى الـبنـزات فـاق *** مـا صـنـع مـثـلـه ولا جـالـه دقـيش الـشبـح عـسـى طـريـقـه مـا ايعـاق *** يسبق الـلي هـج من خوفـه نحيش يعلـم الـلـه يـوم فـوق الـضلـع واق *** كنـه الـلي مـن رمـي قـناص حـيش سافـر مـن العاصمـة قـبـل الشفـاق *** قـصـده الـدمـام هـو مـيـد الطـريش سـار لـلي فـاز فـي حسـن الـخـلاق *** أبـو عـلـي مـا يـعـاشـر كـل ديـــش كـن قـصـر الـوايـلـيـه ضلـع ســاق *** شـيـده لـلـمـرجـلـه جـعـلـه يـعـيش حـيـن مـا تـلـفـي تـلـفـظ بـالـطـلاق *** وعـلـق العـيتـا عـلى شنكار شيـش يـلـتـقـي ضيـفـه بلهـفـه وأشـتيـاق *** عـادتـه حـط الهـرافـي فـوق عـيش لا تــرده خـاطــره لـلـطيــب تـــاق *** يفتكـر فـي قـول محـدى والخـميش الـصـخـى بـالـوايـلي مـالـه اقـنـاق *** حيـث نبـع الجـود مـن كـفـه يجيش والمـراجـل دربهـا يـا حسين شـاق *** ما فـرق فيها النحيـف من اللشيش ولا صبر يا حسين من جلده ارقـاق *** والـليـالـي فـرقـت بـنـي الـحـريـش بالبشر يا حسين من يشكي الغراق *** وبالبشر يا حسين من كبـده عطيش فـيـه مـن صـّدر مـن النعمـة ومـاق *** وفيهـم اللي ما حصل لـه سندويش قال عبدالله بن بن دهيمش عبار العنزي هذه القصيدة يسند على الشيخ حسين ابن علي العطيل الطويلعي من أفاضل رجال عنزة في هذا العصر : 34 يـا حسيـن راجـت بـالمجالس دعايـه *** مضمـونهـا مفهـوم قـصده ومعـنـاه فـاهـت مـن الـلي يفـوهـون الفـوايـه *** وقامـت تـنـاقـلها الملاسن والأفـواه وأحجـمـت عـن مـن بـثهـا بـالبـدايـه *** عسى يجي ناصح عـن الظلم ينهـاه ولاحـظـت كـلـن يـسـتـمـع للـوشايـه *** ويصن لهـروج النمـايـم اليـا أوحـاه ومـن لا يـعـد الـحـق مخـطي وتـايـه *** ولا كـل مـن سولـف تـصّدق حكايـاه الـثـرثـري يـلـزم لـســانـه وكــايــــه *** لازم نـقـول لصاحـب البـلـبـلـه صـاه قـالـوا رعـاع القـوم ويـش احكـايـه *** وش علم أبن عبار بالقص وش جاه قـلـت افـقهـوا يا ناس وشو خـطايـه *** مـن حاك هـرج الـزور بانت نـوايـاه يـا نـاس تـرديـد الـسـوالـف كـفـايــه *** الهـرج الأجوف مـا نـقـره ونرضـاه يـا نـاس حـطـوا لـلـتـكـهـن نـهـايــه *** بعـض العـلـوم المحدثـه مـا سمعنـاه مـن حيـث تـزويـر الحـقـايـق جنايـه *** وتحـريـف واقـعـنـا مهـازل ومـزراه مـن خـط مشهد يـجـدعـه بـالنـفـايـه *** مـا يغيّـر التاريخ ختمـه ولا امضـاه السـاس ثـابـت مـثـل ساس البـنـايـه *** هوج العواصف مـا تـزيلـه وتـمحـاه عـلـيـه مـن كـل الـجـوانـب حـمـايـه *** صرحـه منيع ولا أحـد يقـرب احمـاه والـلي يخوض بـدون علـم و درايـه *** مـا يـتقـن التـاريـخ مـثـلـه وشـرواه أسـندت فـي قـولي صحيح الـروايـه *** سند عـلى مـن وضّح القـول وأمـلاه نـبـراس لـلـي مـن صـلايـب ضنـايـه *** يـبقـى دلـيـل لسـايـر الـنـاس تـقـراه ولا اقـول أنـا قـولـي مـنـّزل بــآيــــه *** أنـا بشـر والخـلـق يـا مكـثـر أخطـاه ولـو بـه نـقيصه لـدعسه فـي حذايـه *** الـمبـحـث الـلـي مـا يـشّـرف بـلـيـاه تدويـن مجـد أهـل الفخر لـي هـوايـه *** اكتب عـلوم الصـدق والباطـل أنفـاه ذكـر الشخوص الصيـد غايـة منـايـه *** ولا خـيـر فـي رجـل قـليـلـه احميـاه أبـعـدت عـن عـوج المقاصـد مـدايـه *** ولاني مـن الـلي مقصده ملي مخباه ولانـي مـن أهـل الـدلبحـه والحبايـه *** أهـل الخـديـعـة والـدجـل والمحـابـاه مـن عـز نـفسه مـا خضع بـنحنـايـه *** لا عـاش مـن طمّن مـن الـذل عـلبـاه ومـن فـكـر أنـه لـه عـلـيـه وصـايـه *** غـره شويـره تـايـه الـرأي وأغــراه فـي ظـل حـكـم الـلـي أشـاد الـولايـه *** الحـاكـم الـلـي كـلـنــا مـن رعــايـــاه والـلي مـرامـه بـس يـبحث خـفـايـه *** خـاب وخسـر مـا صح لـه مـا تـمنـاه وكـان الجحـود بـمـا عـملته جزايـه *** عـنـد الذي ربـه عـن الصايب اعمـاه عـنـدي شهايـد مـن قـروم زمـلايـه *** أشعـار لـي مـن بيض الألبـاب مهـداه تـشـهـد نــوادر لابـتـي وأخـويـايـه *** بـالجـهـد الـلـي لـعـيـال وايـل بـذلـنـاه يـا كـثـر الـلي لهـم مواقـف معـايـه *** ومـن يـصنـع المـعـروف لابـد يـلـقـاه وقــف بـجنبي مـن أعــز أصدقايـه *** مـن كـان لـي عـنـده معـزه ولـي جـاه صـديقي الـلي فـي ضميـره غـلايـه *** مـواقـفـه بـالـطـيـب مـا يـمكـن أنـساه يغتاض من غيضي ويرضى لرضايه *** ويـفـخـر بعـلمي كـل ما جيب طرياه مـنـهـم جنـاب حسين ذخري ذرايـه *** عون الرفيق اللي اشتكا جـور دنـيـاه لا قـلـت ويـن حسين يسمـع نـدايـه *** منصاي عـز الـلي مـن الظـيم يـنصاه ضميـره أصفى مـن قـزاز المـرايـه *** ترياق للصاحب وحنضل عـلى اعـداه الـفـاهـم الـلـي يــفـتـهـم كـل غـايـه *** أبـو عـلـي ربــه عـن الـعـيـب عـــذاه مـا سار بـدروب الـدنس والغـوايـه *** ولا عـاشـر الخـايـب ولا يـوم خــاواه شهـم وشجاع وبـالصخى لـه كنايـه *** حـاش الفـضيـلـه والنفـيـلـه بـيـمنـاه وأن صـار بـمنيـب الـزوامـل خلايـه *** جـض وثقيـل الشيـل مـا عـاد يـقـواه بـرك تـقـل بـالـقـاع لـه طـق شـايــه *** عجز ينوض وجـاوب الحشو برغـاه حـطـوا عـلـى متـن البليهي حـوايـه *** الحيص يحمل كايـد الحمل مـا اعيـاه لـو كـان غـط الضلف حـدر الوقايه *** يصبر لـو أنـه غـاص بالمتن وأدمـاه هـذا شـبـيـه حسـيـن لا جـتـه سايـه *** أطلب عسى المولى يحفظه ويـرعـاه يـفـعـل وعـن فعـلـه يـريـد الكمـايـه *** مـا تـاق للـتـمـجـيـد لـو كـان يـزهــاه هـو الصديـق الـلي يـعـادي اعدايـه *** عسى الـردي واللاش والنـذل يـفـداه ويـفـدا جـنـاب الـوايـلـي كـل بـايـــه *** العـفـن اللي يـشمت قـريـبـه ويـشناه ويـفـداه الـلـي يـنكـر بـربـعـه نكايـه *** حـاقــد حســود ولا يـدانــي دنــايــاه ويفـداه الـلي قـلبـه ضهـر قيح دايـه *** المفسد الـلي شمل الأقـراب يـشظـاه الـطـيّب أرفـع لـه مـن الـشكـر رايـه *** والـلاش شـف البـال بـعـده وفـرقـاه وقال حسين بن علي الطويلعي هذه القصيدة مجاراة لقصيدة عبدالله بن دهيمش ابن عبار العنزي : 35 لأهل الثـناء والمجـد أسطـر ثـنايـه *** عبـر السطور وكـل مقصد فهمنـاه يــوم أن أبـن عـبـار وفـّق بـرايـــه *** راعي الحسد أقـفت تـواما مطايـاه عـرفـي ومـفهـومي وبـالـغ ذكـايـه *** ما منهم الـلي بعلم الأنساب جاراه قـام يـعــبـث بـأنـسـابـنـا كـل ذايـه *** يشمت ويطعن بالذي مجدنا أحصاه عـبـدالـلـه الـعـبـار فـيـه الكـفـايــه *** الـوايـلـي لا خـيّـب الـلـه مـسـعــــاه يوم الوحوش الضاريه لهاعـوايـه *** وقـف وحـنـا بـوقـفتـه مـا نخـيـنـاه لبس الحـميـه مثـل لـبس العـبـايـه *** ويشكـر عـلى الـلي للعنزتين سواه تـاريـخ وايـل بـاقـي ولـه بــقـايــه *** وثـقـه أبن عبـّار وأسند عـلى رواه يكتـب وجهـده عنـدنـا لـه عـنـايـه *** مـن واقـع التاريخ والصدق منجـاه والمجتهـد حـقـه عـليـنـا الـرعايـه *** لـه حـق مجهـوده نصونه ونرعـاه والـلي يـبي يـرد العـدود الصرايـه *** لا واردٍ ورده ولا شـــاربٍ مـــــــاه ولا أهز أنا مع كـل مومي عصايـه *** للمخلص أخـلص والمعامي بعمياه ولا أوقع بختمي ولا أكتب أمضايه *** ألا مـع الـلي لـلهـدى سـار ممشـاه ومن لا قدى ممشاه مالـه حضايـه *** تـرمـيـه بأمـواج الحقـايـق خطايـاه ولا أحـب الـلي للتـفـرقـه دق نايـه *** مـراجلـه حسد الـذي طالـت اخـطاه والـلـي جـداه الـبـلـبـلـه والـزرايـه *** هـذاك مـالـه عـنـد الأجـواد مشهاه عـزي لـنـعـاي الـعـقـول وعـزايــه *** لـلـي ذبـحهـم غـيـضهـم لا وعـّزاه نـبغي قـلـوب كالـزجاجـه صـفـايـه *** وهـرج المغـالط والغـلط مـا قبلنـاه والحق يطوّع مـن براسه عصايـه *** ومـن يلتـزم بالحـق مـا حـي يقـواه والمصطفى اللي قاد درب الهدايـه *** أقـرب قـريـب لـه من الناس عاداه والـلي عـلـومـه يـنتحـلهـا سبـايـه *** خـلـه يـعـلـه هـفـت مقـيـط ورأشاه هـذا جـوابـي وأنـت تـفـهـم لغـايـه *** لا تـلـتـفـت للـطهـبـلـه والمـخـاقـاه قال عبدالله بن دهيمش بن عبار هذه الأبيات مسنده على سعادة الدكتور حسين أبن علي الطويلعي : 36 ارهـقني الشعر ليت اجـوز مـن نظمه يكـفي نظمت اكثر من الفين منظومه الغيض ياحسين كيف اقدرعلى كظمه وش حيلة اللي شعر بالظلم من قومه بعـض الرجاجيل لـو جاملت ماهظـمه ومـن يكـره الجلف والمنكود مالومه ياحسين من عال يسعدني كسر عظمه خـلّـه يـعـلّـه مـا أيتمكـن مـن القومه ورد الدكتور حسين بهذه الأبيات : الشـعـر يالـقـرم ابـن عـبار لـه عـظـمـه وانـتـه لـك الشّعـر سـلّم كـامـل عـلومه لا تكظم الغيض طق الجلف في جـظـمه وأدعس على النّذل والمغرور والبومه ومـن لا يـقـدّرك حـقّـه تـرظـمـه رظـمـه مـالـك ومـالـه ومـال الـخـبـل وسـلـومـه اشرب من الجـم صافي والحقيـر اظـمـه الـفـيـل مـا يـنفـعـه جسمـه وخـرطـومـه وقال هذه الأبيات تهنئة بمناسبة نجاتي من الحادث وتحتوي على دعوة لكي يعمل لي تكريم في قصر الوائلية بالدمام مشكور : 37 أنـا البـارحـه مـانمت وتابع الاخـبـار *** أتـابع أمـور والي العـرش مجـريهـا مغـير أتقلب كـن بالصـدر شبـت نـار *** وراقب نجوم اليل وأسري مساريها هنتـك السلامه والعوافي يابن عـبـار *** هنتك السلامه كـل مـاحـل طـاريهــا يجيرك الـلـه من هـل الشر والاشرار *** ويكتب لـك الصحه بكامـل معـانيهـا لانك من أهل الخير وترافق الاخيـار *** تـحـب العلـوم الطيبـه وأنـت راعيها تعز الرفيق وتكرم الضيف ويا الجـار *** ولك كلمة مع باقي النـاس تـوفيهـا وأبا أستاذنك وأطلب تجي يمنا مسيار *** أبـي حـفـلتـك بـالـوايـلـيـه تـلبيـهـا جواب عبدالله بن دهيمش بن عبار على حسين بن علي : 38 سلام وتحيه عـدد مـا تورق الأشجار *** اليا علّها من هاشل المـزن يسقيهـا سلامي لمن هـو بالتهاني يكز أشعار *** جزيل البيوت بصفحة النت قـاريهـا لك الشكر والتقدير يامسجّل الأسطار *** مشاعـرك أقـدرهـا ووقـفتك أحييهـا سلمنا بلطـف الخالق الـوالي القهـار *** وجميع العـباد رواحها عـنـد باريهـا أنجاني ولي الكون من مقلب الفكسار *** بقـاع النفـود الـلي تـزاوم روابيهـا دعولي رجال العلم والصفوة الأبـرار *** وكل الرجال الصيد أشكر مساعيها تطمّن جـزيـت بخيـر أرقـد ولا تحتار *** وأنـا وقـفت ألأحباب مـاني بناسيها قال عبدالله بن دهيمش بن عبار هذه القصيدة توضّح بعض المعاني : 39 يـا مستمع أفـهـم كـلامـي ومشكـور *** أخـبـرك والمكنون نكشف اسراره الـلي برز علمه ولـه صيت مشهور *** مـا شهرتـه منصب ولاهي تجـاره شعـر وأدب وتـراث بالكتب منشور *** هـذي سبـايـب سمعتـه واشتـهـاره روابـعـه فاضـت أحاسيس وشعـور *** ولفظ العلوم الصادقه هي اشعـاره يعجب بنظمه صايب الراي والشور *** حـكـر المعـاني صنعتـه وابـتـكـاره وأن كان علمه فـاه مع كـل جمهور *** الـنـاس تـدرك قـيـمتـه واعـتـبـاره مجهد ومع جمع القبيله لـه حضور *** وحافظ عـلى علمه وسلمه وكـاره ومن يفعـل الأحسان والخير ماجور *** ومن حصّل الطوله يجوز افتخاره لاشك الـلي ماله عـلى الفعل مقدور *** كـان أعتـذر ياجـب قبول اعتـذاره ومن لا تمكن يلـزم الصمت مجبـور *** محـرج وتفويـت الجـماله خسـاره عـن لازمـه مابـه تهاون ولا قصور *** يـدري بـه الـلي يـفتهـم بالأشـاره الحـر الـلي معطب جناحه ومكسور *** يفـتـر نشاطـه مـا يجـيـد الصقـاره أطلب عساني عند الأجـواد مستور *** والمـرجلـه تحتـاج صبـر وجساره والحـمـد لـلـه تـابـع الحـق منصور *** ومن سـار بالباطـل تعـرقـل مساره من خـاف ربّـه جنّب الكيد والجـور *** ولا ينجح الـلي فيـه خبـث وقشاره من يشمت المخلوق خايب ومثبور *** والـلي يحقر الناس جـاز احتقـاره مـا دام جهدي شاد بـه كـل منعـور *** الـلي انكـره ما اشكل عليـه انكـاره أهـل القلـوب الطـاهـرة تطلع النـور *** ومن لـه فضايل تحتفظ فـي وقاره نعوذ بالـلـه من هـل الظلـم والـزور *** أهـل الضغـايـن والحسـد والنغـاره والعـبـد مـهـمـا عـاش لابـد مقبـور *** وخسران من شـال الكتاب بيساره قال الدكتور حسين بن علي العطالله الطويلعي هذه الأبيات مجاراة لقصيدة عبدالله بن دهيمش بن عبار : 40 نـا أشهد أنـك يا ابـن عـبـار دكتور *** أخـذت فـي كـل المعـانـي شـطـاره اللي تقوله يا أبيض الوجه مخبـور *** حيثك عـلم مـركـوز فـوق المنـاره مالك ومـال الصّـم والعـرج والعـور *** خـل الضعيف الـلي عـماره دمـاره الـلي وراك مـن الجمـاهـيـر طابـور *** والجاهـل المغـرور يخطي عـيـاره عـزالـلـه نـك صـار لـك فـالبلـد دور *** وجمعـت بيـن الباديـه والحضـاره وأنـا تـراني منـك معجـب ومسـرور *** اقـولـهـا مـنـي صـريـح الـعـبــاره قال عبدالله بن دهيمش بن عبار هذه الأبيات جواب لأبيات الدكتور حسين بن علي بن عطالله الطويلعي : جتـني معـاني كـنّهـا الـورد منـثـور *** عـطـره مـركّـز من محـل العطـاره صاغ القوافي مابهـا شطـر مكسور *** مـعـه عـلى صوغ القـوافي جـداره أبـو على ريـف الـذي جـاه مضرور *** طالت عـلى فعـل المـراجل اشباره شهـم وكريـم وللـرفاقـه تـقـل سـور *** دكتور عـلـم ومـن يـتيـه استشاره وأن صار بأيام الزمن قحط ودهـور *** شــرواه بـالـلاّزم نـحـطّـه ذخــاره بـنـا مـضـايـف كـنهـا نـايـف الـقـور *** الـوايـلـيـه مـن حـديـث الـعـمــاره قال الشاعر احمد الصمعي الخريصي هذين البيتين مجاراة لقصيدة عبدالله بن دهيمش بن عبار : انـت الهـرم والـلي يعاديـك مذعـور *** صنعـت مجـدك بالكتـاب بجـسـاره ملكـت الأدب وثم سـويت لـه سـور *** وبنيـت بحـروف الـبـداوه حـضاره وهذه رد بيتين الأخ أحمد الصمعي : يا أحمد الصمعي ترى الضد مدحور *** أقــولـهـا لـكـل الـرفـاقــه بـشـاره حـاول يـبيـن الـلي مهمّش ومغمور *** حيثه على الباطل يحرّض انصاره يعـوث بأعراض البشر تقـل مخمور *** ولّـع شـراره واحـرقـتـه الشـراره وقال أحمد الصمعي هذه الأبيات أبو زياد : رجل على الجزلات يتعب على الصيد *** ورجـل يهيم ويصنع المجد بيـده في معجم التاريخ أبـي اعطيك نحديـد *** شف برج ابن عبار عالي مديده قال عبدالله بن عبار جواب للأخ أحمد الصمعي : تعـيش يامـن تـبـدي المـدح وتـشيـد *** عـسـاك تـرفـل بالـحـيـاه السعيـده تسلم يا أبن صمعي سليل الأجاويـد *** تـنسب لعـزوة مـن خـيـار البديده قال عبدالله بن دهيمش بن عبار هذه القصيدة يسند على سعادة الشيخ الدكتور حسين بن علي الطويلعي : 41 أكـتـب رسـالــه بـالـوسـايـل تــودّى *** للفاضل الـلي بالفخر بان له صيـت حـسـيـن أبـو عـلـي مـديـحـه يـبـدّى *** لا جيب علمه قيل يا نعم ما أطريت مـن جـود كـفّـه بالصخّـى دوم نـدّى *** عـلى الفضيله والكرم يشمخ البيت يـا مـا تـعـشّـى مـن لـفــاه وتـغــدّى *** وياما قلّط ضيفه عـلى مفطّح العيت مـا يـوم مـمـدوح الـسـجـايـا تــردّى *** ينفـق ولكـن مـا لفـظ كلمة اعطيت كـم جـاه مـغـرم يـلـزمـه دفـع مــدّى *** مـن جـاه قـال ابشـر هلابك وحييت حـيـث الشبيـه الـلي بوصفه يشـدّى *** حـيـد الجبـال الـلي بضلعه تـذريـت كـم مـرّه لـمـن غـّره إبلـيـس هــدّى *** وكم قيل لـه مشكور للخيـر سويـت تـعـــيـش يـالـلـي لـلـمـواجـيـب أدى *** بي يحتفي وجه السعد كل ما جيـت يالمنصف الـلي لكـل عـايـل تصـدّى *** وفـّيـت يـا فـخـر القـبـيلـه وكـفّـيـت يفداك الـلي قـلبـه مـن الـرّان صدّى *** بالكيـد بـاح وشتـت الشمـل تشتيت مـن عـال واجـتـاز الحـدود وتـعـدّى *** ياجـب عـلـيـه يـثبـت القـول تثبيـت وأن كـان مـا دل الـطـريـق وتـقـدّى *** غـرّه كـلام الـقـادحيـن الشـوامـيـت أجـهـر بصـوتي وأعـتـزي واتحـدّى *** وأريـد تفنيـد الخـطأ كـاني اخطيـت فـي ضـل عاهـلنا المـلـيـك المـفـدّى *** الـحـمـد لـلـه جـت عـلى مـا تمنيـت ورد الشيخ حسين بن علي بهذه الأبيات : 42 يـا مــرحـبــا مـــنـي ســلام يــردّى *** عبر الوسايل كل مصبحت وامسيت لـلـشـاعـر الـلـي وافـي ولا تـــردّى *** بـيته يـوازي عنـد غـيـره ميت بيت عـسـاه يـسـلـم لـلـقـبـيــلــة مــردّى *** نطيـب مـن طيـب الرجـال العنـاتيت قـلـيـل الـلي مـثـلـه لـفـعـلـه يـعـدّى *** يـفـرح الـيـا منـك عـلى بيتـه الفيـت لـعـل بـيــتـه عــامــراً مــا يــهــدّى ** راعي الكرم والحود يفرح اليا جيت مــا كــنّـــك الا وارد لــجــم عـــدّى *** هـــدّاج تـيــمــا لا وردتــه تـرويــت التعديل الأخير تم بواسطة عبدالله بن عبار ; 06-24-2022 الساعة 05:38 PM |
|
|
|
|
06-24-2022, 06:14 PM
|
#5 |
|
صاحب الموقع
تاريخ التسجيل: Mar 2008
المشاركات: 10,350
|
ومن أقدم شعري بالمساجلات هذه القصيدة :
* قال عبدالله بن دهيمش بن عبار هذه القصيدة التي تبلغ مائة بيت وهو في شرورة عام 1389 هـ وقد ارسلها للزميل الشاعر مناور بن جمعان الشملاني رحمه الله وتحتوي على بعض الألغاز : 43 سميت بسم اللي على الخلـق ديـّان *** المعـتـلي رب المـلأ مـبـدع الكـون عـّلام في غيـب الخـوافي وما بـان *** ربـي لـبـيـتـه كـل خـلـقـه يحجـون سبحان رفاع السماء دون عمدان *** يـبـقـا جـلالـه والمخـاليـق يفـنـون يا من نصر عبده على جند هامـان *** نصرت دين الحق وأهلكت فرعون يا الـلـه يا الـلي للمخـاليـق رحمـن *** يا مخرج من باطن الحوت ذالنون يـا رب يـا رحمـن نطـلبـك غـفـران *** الحـلم واسع والمخـاليـق يخطـون ومن بعـد ذكر الـلـه نظمـت قيفـان *** وعبرت بالقرطاس عن كل مكنـون أمثـال مـن فكـري وزنتـه بمـيـزان *** وبديـت قافي كامـل اللفـظ مـوزون والهرج له معـنا ومقصد وعنـوان *** ولا نلفظ المنطوق من غير قانـون سار القلم بالطرس والفكـر مليـان *** مثـل القراح اللي تحدر من امـزون والقاف له في داخل الصدر خـزان *** من عيلم النقروح بالجوف مخزون قام ايتجارى بخاطري تقل خلجـان *** ألـذ وأعـذب مـن شهاليـل سيحـون لـو تغـني الـقـيفـان عمـرت بـلـدان *** وأن جانـي العانـي أعـينه بمليـون ولو تغـني القيفـان عيشت عـربـان *** وابذل وأجود لكل معسر ومديـون لكـن زوايـد مـربح الشعـر نقصـان *** ولاني مـن الـلي للقصايـد يبيعـون مبطي سبقنا بغايـة الشعـر عـدوان *** حزت هجاه سعيد وأصيب مطعون ما عـذرب عبيد بن عـلي ومشعان *** ولا عيّب عقاب العواجي وسعدون ولا عاب ساجر والذويبي وراكـان *** ومحدى وساكر والشهيربن لعبون والعرفجي والحثربي وابن هـدلان *** وخلف ونمر والمهادي وابن عون وهايس ومشاري وتركي وكنعـان *** وأبـن دعيجـا والـزنـاتـي يقـولـون عند العـرب لهـم وجاهـه وسلطـان *** شعّـار لكن حـزت الـكـون يـثـنـون والشعـر مبطي ننظمه سر وأعلان *** نتبع أهـل الأمجاد وإبليس ملعـون شـفي إلـى تـقـابـلـوا تـقـل عـقبـان *** في مجلس فـيه النشامى ايتسلـون فـي ربـعـة تلـقـابهـا رمس شيبـان *** تـلـقـا المسولف واحـد ولا يلجـون تلقـا سـوالفهـم تـقـل نظـم مرجـان *** ماهم من اللي بالنـقيلي أيتحاكـون في مجلس مابه سوى فلان وفلان *** الـلابـة الـلي عـن سواهـم يعـزون أهـل النفايل والفضايـل والإحسـان *** والكـل فعـله بالمـخـالـيـق مبخـون أفـعـالـهـم لـهـا دلايــل وبــرهــــان *** شجعـان ما فيهم تشاكيك وأظنـون مضى لهـم في سابق الـدور عبّـان *** وكـل القبايـل في فخـرهم يخبـرون الـلابـة الـلـي بـالـمـلازيـم مـزبــان *** مثل الحيود اللي عن الظيم يذرون لا قيل منهم قلت ربعي هـل الشـان *** صـوارمٍ عــنــد الـلــوازم يـسـدون ويلان من ويلان مـن نسـل ويـلان *** تاريخهم يشهـد عـليه أبن خلـدون لا شك كـان ولا نبـاهي بالـلي كـان *** وش عاد كان أحفادهم فعلهم دون حيث الفخر والعز في فعل الإنسان *** ما فاد فعـل اللي بالأجداث مدفـون قـلتـه وأنـا بيـن البـريمي ونجـران *** أسهـر وأطالع بالقمر تقل عرجون أسهـر طويل اليل والـقـلب ولهـان *** يضيق بالي كـل مـا الربع يطـرون يا بـعـد ديـرتهـم ويـا قـرب بيحـان *** عزاه من طول المدى يا الله العون وجدي على اللي من الغنادير فتان *** رب الملأ حـلاه برمـوش وعـيـون سـودٍ هدبهن كنهن ريـش غـربـان *** نجـلٍ عيونـه والحواجب تقل نـون زولـه طـري كنـه نـواويـر ريحـان *** عـليه قـلبي يابـسٍ يبسـت اشنـون لـوهـني مـن لايـمـه قـبـل الأكـفـان *** ويا سعد حظي كان للزين يعطون ويشف من اللي كنه الشهد بدهـان *** من شفتـه حـتى المعاليـل يشفـون لـكـن أمـانـي والمنـا رمـي نيشـان *** ولا كل من يرمون صوبه يصيبون لـو التـمني صـاحـبـه دوم خسـران *** مثـل الـذي يـزرع بـذاره بصعنون وخلاف ذا شديـت صنـع المريكـان *** يـقـداه سـواقـه بـلـف الـدرقـسـون يروج مع راس الشفا تقـل شيهـان *** خطرٍ على ركاب حوضه يطيـرون يلفي عـلى قـرم العيال أبن جمعـان *** الباسل اللي ما سلك مسلك الهـون من عزوة السلقـا ودوانيـه شملان *** اللابـة الـلي تلطـم الخـصم بالكـون أقصد مناور ريف من جوه ضيفان *** القرم عز اللي من السفر مشحون تلفـون بيـت الـوايلي ذرب الأيمـان *** يـفـرح بهـتـاش الخلا يـوم يلفـون هلا بهـم وأحضـر معـاميل رسـلان *** في مجلسه دوم الرجال ايتقهوون وعقب المهيّل فالهم جزلت الضان *** فـوق الموايد قـلط العيت بصحـون وبعـد الكرامة والعشا خاطـره زان *** عطوه خـطي وأرجعـوا لا تـونـون حيثه لبيب وصاحي الذهن فهمـان *** يقـرا الكتاب الـلي نسخته بكربـون أرسلت له قيفان جـزلات وأسمـان *** القـيـل والـم والقـلـم دون مرهـون نـبغـي مـرده عسى يـفـداك كوبـان *** يفـدا جنـابـك كـل خـايـب وملسون سجلـت منظومي ولا كنـت غلطـان *** يا الـلي لعسرات المعـاني تحـلـون أنشدك عن اللي يسولف بلا لسـان *** وسـط المجالس ما يعابيك مصيون يـرقـع طـبـولـه بـالـديـاويـن فـنـان *** أحيـان صاحي ثـم نوبـات مجنـون أحيان يضحك بالعجب تقل طربـان *** وأحيان يبكي ينتحب تقـل محـزون يقـرأ الحديث ويتلـوا أحيـان قـرآن *** لا شك ما ايصلي مع اللي يصلـون وأنشد عن الـلي جرتـه تقـل فـدان *** غصن ولكن ما نباته من اغصـون لا شفت زوله يرتقص تقل سكران *** جسمه طري والناس له ما يدانون فصيلتـه مـا عنـدهـم ديـن وأيمـان *** فجّـار مثـل اللي على دين صهيون وأنشدك عن بكره تقاود بالأرسـان *** في حبهـا بعض المخاليـق مفتـون وضحا بهول وراسها تقـل محقـان *** نـاسٍ لـهـا تمـدح ونـاسٍ يـسـبـون وأنشدك عن عذراء تقدم بالأكـوان *** الـلي إلـى ضاعـوا بـهـا يستدلـون صلجا وأظن جدودها قبـل صلجـان *** يلمص قراهـا كنها وسـط صالـون يرقص بداخــل جوفهـا تقـل غيلان *** بالوصـف ولا تـمثلـه فـلـم كرتـون وأنشدك عـن هنوف تحمل بغلمان *** خمس التوايـم في حشاها ينامـون في ما مضى يدفع بها غال الأثمان *** واليوم هم عن سومها يستعـفون وأنشدك عن دار لها خمس جدران *** نـاس لـهـا تبـني ونـاس يهـدمـون يتجـر بـهـا بعـض الملأ تقـل دكـان *** تربح بهـا نـاس ونـاس يخسـرون يدخل بهـا الزوّار من غـيـر بـيبـان *** لا شك بعض الناس عنها ايتوبون وأنشدك عن رجلٍ معـذب ومنهـان *** عزي لحاله شاف لوعات واغبون تلـقـاه موبـز بالمجالس تـقـل جـان *** ما يحتـرك كنـه موقـف ومسجـون الـنـار فـي جـوفــه تـولـع بـكــتـان *** يا بيـض خـده كـنـه البـدر مزيـون وأنشدك عن اللي تقـل زول ثعبـان *** كـل الخـلايـق مـن لسـانـه يـذلـون تفـهـم لغـاه ولا يسولـف ولـو كـان *** لـو كان تدفع لـه كثـر مـال قـارون ضـمـيـره أسـود مـا يـدانـيـه ديّـان *** سوه على من عال أو هرّب افيون وأنشدك عـن اللي يقولـون جابـان *** يجفل إلى شاف الملأ جوه يمشون اظن ما يروي من الناس عطشـان *** وحتى ضيوفه ما هقيـت ايتعشـون لـو كان عـود ومظهـرة تقـل كثـان *** شايب ولكن ما مشى لمثله الشون وأنشدك عن رجال يجوب الأوطان *** ومن جالهم حال العجل له يسالون أحيان يحضر صامل العلم وأحيـان *** يأتي عـلومه ساكنه كلهـا اسكـون وأحيان يلفي مثل طير ابـن برمـان *** يجيـب خطو العـلم بالشـر مقـرون وأنشدك عن رجال في قدم الأزمان *** من قو باسه يملك قلاع واحصون يـا قـرد حـظ الـلي يعـضـه بـنيـبـان *** سنـه شطير وقاطع الحـد مسنـون يا ويل مـن يرداه كان الوعـد حـان *** يا أهل العناد لشوفته كيف تنسون حكمـه بحكم مكوّن الكـون سبحـان *** مـن صافحه يصبح مذلل وممهون واختامها يا مستمع عـذب الألحان *** على رسول الخلق واجب تصلـّون * وقال مناور بن جمعان هذه القصيدة رداً على عبدالله بن عبار مع تغيير الشطر الآخير من البيت مع حل الألغاز ووضع ألغاز : 44 سميـت بسـم الـلـه خـلاق الأكـوان *** الواحـد الماحـود منشي المـزونـي الـواحـد المـاحـود خـلاق الإنسـان *** هـو الغـني والنـاس لـه يرتجـونـي رب الـخـلايـق عـالـم بكـل ما كـان *** الـوامـر الـنـاهـي عـلـى كـل لـونـي رفـّاع سـبـع كـونـت دون عـمـدان *** لـه الـخـلايـــق دايــم يـسـجـدونــي ثم أستوى من فوقها الرب سبحان *** محيـي بغـيثـه هـامـدات الغصونـي بيّـن طريق الخيـر واضح بوكـدان *** الـلـي يـبـون الخـيـر بـه يقـتـدونـي وخـلا طـريـق الشـر شـراً ونيـران *** مـن غـرتـه دنيـاه شـاف الغبـونـي من يقتدي قلبه على حسن الأيمان *** هذاك يرقـا فـوق عالـي الغصونـي يوم الحساب ويوم تشليد الأعيـان *** اهـل الـخـزا يـا ويـلهـم يحشرونـي اهل الوفا والصدق في برد وجنان *** يا سعـدهـم عنـد الـولـي ينجحونـي سميت باسمك يالولي عالي الشان *** ومن بعـد ذكـرك نبتـدي باللحونـي بنيت قافي مـن ضميـري عـلى آن *** الـنـون يـا نـاوي عـلـى كـل نـونـي قـاف بنيتـه صـاحي الفكـر طربـان *** ناديـت فـي بنيـه جنـوني وجـونـي قالوا حضرنا وش تبي يبن جمعان *** قـلـت أجلسـوا للمـايلـه تعـدلـونـي وتحـاضبـوا مثـل العساكـر بميـدان *** وقـالـوا تخيـّر من جميع الفنـونـي وأخـذت روس أقـلام ماني ابلشـان *** حـيـث أنهـم بـانـتـاجهـم خيـرونـي والبيت ما يبنا عـلى غيـر سيسـان *** ومن عـمي قـلبه ما تفيد العيـونـي واللي بناله بيـت والساس خـربـان *** يطيح لو زخـرف جميع الركـونـي المشتري يشري من الطيب مازان *** يشـري ويربح ما حسب للثمـونـي من لا شرى الطيّب فلا بد خسـران *** يلقـا الخسارة بـاع بالـلي تـكـونـي هـذا مـثـل مـابـيـن حضـرٍ وبـدوان *** والنـاس بـأحـلا امثالهـم يقـتدونـي والقـلب هـايـم بيـن كـاتـم وشطّـان *** تـواردن بالقـلـب مثـل الشـطـونـي أسبـاب هـاف مـرني راح عـجـلان *** عيوا هـلـه فـي وقـفـتـه ينـزلـوني جـابـوا لـنـا خـط مـزرف بـعـنـوان *** جـابــوه لـي اودهـم يـرجـعــونـــي قلت أجسلوا فنجال قهوه يالأخوان *** اليا ما نشـوف الخـط لا تـزعلونـي قالوا مشينا وأكشف الخط يا فـلان *** خـافـوا عـلي بكبشـهـم يفـقـرونـي وراحـوا واقفـوا ثـم عـدنا لديـوان *** وكشـفـت خـط كـاتـبـه مـا يـهـونـي خـط لأبـن عـبـار بـالـشـعـر فـنــان *** شوق الهنوف اللي تقض القروني يذكـر بخـطه هـايـم يـبـي الأوطـان *** دار بـعـيـده وأهـلـهـا يـمـدحـونــي يا القرم وقـتك ما عـرفنا له ألـوان *** أنظر على الشاشه ترى كـل لـوني وين أنت رايح وين راحـل وقطّـان *** النـاس في وسـط الفلـل يسكنونـي دور الـبــداوه راح تـمـن بـسـتــان *** الـلي بحـزت مـوسمـه يـكسبـونـي لـو الـمـنـا كـنـه سـراب بـقــيـعــان *** ما يسـقـي الـلي ودهـم يشـربـوني إلى لمع يفرح على البعـد عطشـان *** وإلى قـرب لـه ما لـقـا فيـه لـونـي وخـلاف ذا يا راكـب جيـب نيسـان *** من صنعـت الـلي للقمـر ياصلونـي جديد ما قالوا على الـدرب عطلان *** هـو منـوت الـلي للسفـر يهتـووني لولا الفرامل طار من غير جنحـان *** مـن يـركبـه مالاف قـلبـه اطعـونـي جيب جميل وسايـق الجيب فهمـان *** ما هـو من الـلي بالسفـر يكسلوني يـحـمـل جـواب وازنـيـنـه بـميـزان *** ومن عـال كل الناس لـه ينقـدونـي وده لـقـرم مـن صمـاصيم فـدعـان *** مـن عـزوة يـوم اللـقـاء يمدحـوني وده كـتـاب نـاظـمـه نـظـم مرجـان *** لـو كاد ملـوا القاف عنـدي يهونـي مـا دام قـلـبـي للـتـمـاثـيـل عجبـان *** أبــيـّد الـنـسـاخ لــو يـطـبـعـــونــي أكتب قدر ما ختار من غير حسبان *** وهـذا القـلم والبوك لي يشهـدوني أكتب عـلى ماريـد والهـرج نيشـان *** وأرسـل بهـا لـلي لـنـا يـرسلـونـي ودك تـعـجـزنـي ولانـي بـعـجــزان *** لـو كان مقصد جبت من يقصدوني دام الـمـثـايـل مـا خـذيـنـاه باثمـان *** ولانـي عـلى بـدع المثايـل مهونـي لو كان راعي القيل ما قيل ربحـان *** ربـحـه قـلـيـل ولا يخـلص ديـونـي كـم مـرة جـتـنـا مكـاتـيـب صدقـان *** ونسعـد بـهـا حيث أنهـم يسعـدوني ويـا مـا نظمنـا بالقـراطيس قيفـان *** قـيفـان تعجـب من لهـا يسمعـونـي القاف به ونسه عـلى دور عـدنـان *** هـو صحفهم قبل الصحافة تكونـي لاشك شفت القاف خفض بنقصـان *** كـل أغـلب المخلـوق لـه ينتسونـي يـهـوون أبـو مـداح والعـود رنـان *** مـا كـنـهـم لأشـعـارنـا يـعـرفــونـي لـلأسطـوانـة مـيـلـوا كـل الأحـيـان *** وأن غـنت أم كلثوم لـه يرغبـونـي يشرون من شانه مسجل وشرطان *** عـن لحنهـم في صوتها يدلهـونـي أمـا الـغـازك حـلـهـا جـاك باعـلان *** رادوا وأرقيلـه والنجـر هو ظنوني والبـوصلـة يمشي بهـا كـل تيهـان *** والبنـدق الـلي خـمسها يعـرفـونـي ثـم الـسـراب وكـل خـافي لـنـا بـان *** والسيف ظني عـند من يحكمـونـي ثـم البريد أن كـان ما كنت غلطـان *** والغـصن هو الداب شبه الغصوني والدار اللي تذكر لها خمس جدران *** هـي الصـلاة وبالخـطـأ عـلمـونـي ومن بعـد ذلك حضر الفكر باتـقـان *** جـتـك اللغـوز بصعبهـا سامحونـي كهـنـتـهـا لـو كنــت مـانـي بـكهـان *** لـعــلـكـم لـحـلـولـهـا تـعــرفــونــي أنـشـدك عـن بـنـت تــورد بــدكـان *** الـلـي لهـا بعـض الملأ يشتـرونـي خـلا خـيـالـه تـسـتـوي يـم جـيـزان *** ومن صخف زوله ما ترد العيوني ولا دوجـت يـا مسندي يـم حـبـران *** ولا تـاقـف الا بـردنهـا يـربطـونـي ايحللـون اردونـهـا بعـض الأحيـان *** وعشـاقهـا فـي بطـنهـا يدخلـونـي وأنشدك عن هنوف تحمـل بشيبان *** بـنـاتـهـا وعــيـالـهـا يـضـربــونـي عيالها في بعـض الأحيان شجعـان *** وعـيـونـهـم فـتـيح مـا يرمشـونـي أحـيـان منهـم واحـدٍ صار سلطـان *** وأحيان يسفـل وأخوتـه يسفلـونـي متحيـزيـن ولا دخـلـوا كـل الأديـان *** يـا فكـرتي مـن شوفهـم هـولـونـي وأنشدك عن عذرا لها جملة أعيان *** عشـر وثـمـان عيـونهـا تاجـدوني بـنـت خبـيـثـة حـاربـت كـل ديـقـان *** خـبـيـثـة الشكـلـيـن لازم تـخـونـي يا شين شوفه كنها شوف عـزران *** قصيـرت الرجلين جسمه اخشوني وأنشدك عن رجـال راكب وسكـان *** ما هـو من الـلي بالوطـا يسكنونـي متجود ولا طـاح من فـوق الأمتـان *** مـن فـوق عـذرا ما يفـك المتونـي لو طاح عنها ما سوت قطف دخان *** ومـا دام فـوقـه زودت بالثـمـونـي وأنشدك عن رجال من غربته بـان *** تـفـرح بشوفـه هايفات الغصـونـي رجـل جميـل ودايـم الـدوم ما شـان *** وإلى بـدأ نصف العرب يفـرحونـي وأنشدك عن رجل له الناس عدوان *** رغـم المصالح فيه لـه يكرهونـي صابر على الشدات ما قـال جيعـان *** يـا قـرد حظـه شـاف مـر الغبونـي رجـلٍ جميـل وكـنـه الذيب سرحـان *** فـدنـي بـحـلـه يـا وسيـع البـدونـي وأنشدك عن شي على صاحبه كان *** لـه هـدة منـهـا العـرب يـزمـلـوني أن جته الأرنب راح شارد وخجلان *** يخـاف منها خـوف لـه تعـرفـوني وإلى خمش لـه واحدٍ راح دوخـان *** واسمـه ثلاث حروف ماله سنوني وأنشدك عن عذرا لها الناس خلان *** أهـل الصخى لـولاه وش يعملوني لا شافها المشتاق لـو كان عمسان *** راح العمس من حاجرات الجفوني عـذراء لهـا تـاريخ فـي كل ديـوان *** وضحتهـا مـن شـان مـا تبلشـونـي وأنشدك عن عذرا لها جملة سنان *** لا تأكـل المـرعى ولا لهـا عيـونـي اسـنـونـهـا متسـاويـه دون نيـبـان *** وأن شـدها الشداد ما هـي حنـوني الراس كراس الحنش ليس حيوان *** تـوجـد مع الـلي يركبون الطنونـي وأنشدك عن وضحا لهاعشرحيران *** تبقـا طـريحـه عـنـد مـا يفـردوني عجما صموت عيالها تقـل طرمـان *** تفلا المـراعي ولا بهـا يسرحونـي ما هـي حلـوب ولا تسرح برعيـان *** ولا ظـنـتي من فـوقـهـا يعـتـلـونـي يوجد لها ضلعين في جنبها أمتـان *** ووسومهـا في بطنها وش تكـونـي هـذا وتـم الـقـيـل والقـلـب حـرقـان *** ودي نـجـاوبـكـم عـلى مـا تبـونـي وصلاة ربـي عـد هـطــال الأمـزان *** عـلى نـبـي الخـلـق بـه يـقـتـدونـي * وقال عبدالله بن دهيمش بن عبار هذه القصيدة جواب لقصيدة الشاعر مناور بن جمعان رحمه الله للمرة الثانية وهي تبلغ 100 بيت : 45 سمـيـت بـسـم الـلـه خـلاق الأبـدان *** من طيـن خـلا الروح فيها تكونـي مـن طـيـن آدم كـونـه ربـنــا وكـان *** وأمـر لـه الـمـلائـكـة يـسـجـدونـي الا إبليس الـلي مـن الكبـر غـويـان *** ما طـاع يسجـد لـه وقـال العنونـي يا رازق الـدود العـمى بيـن غيـران *** عـلام مـا يـخـفـا ومـا يجـهـرونـي يا مجـري الـدم الحمـر بيـن شريان *** وخـلقـت أعيون للبشر يبصروني يامـن وهبت الملـك عبدك سليمـان *** كـل البشر والجـن لـه يخضعـونـي وأجبت دعـوة نـوح بنزول طوفـان *** لمـا دعـاك وقـال قـومي عصونـي ويوسف دعاك بظلمة البير حيران *** عـدته على يعقوب عقب الحزوني يا مجري الحكمة على لسان لقمان *** وأيـوب شـافـيـتـه بـلـيـا دهـونـــي يا الـلـه يالمعبـود فـي كـل الأديـان *** أربع كـتب نـزلـت بأربـع أركـونـي تـورات وأنجـيـل وزبـور وفـرقـان *** شـرايـع فـيـهـا الـمـلأ يــقـتــدونـي يا مـرسـل الهـادي يبشر بالأيمـان *** يـرشـد لـعـل أن الـمـلأ يـهـتـدونـي وآمن كثير الناس من عقب طغيان *** مـن عقـب ماهـم بالجهل يعمهوني مشوا مع التوحيد وأنكروا الأوثان *** أوثـان بـالـشـدات مـا يـنـفـعــونـي بـالآخرة يـرجون عـفـواً وغـفـران *** الـكـل يـرجـي رحـمتـك يا حنـونـي يا الـلـه يا رحمـن يا رب الإحسـان *** يا رب ما غيـرك سنـادي وعـونـي ومـن بـعـد ذكـر الله نظمت قيـفـان *** قافـي بـدعتـه من روابع اشجـوني جاني جـواب الوايلي نسل جمعـان *** نـادى جنونـه بالعجـل يحضـرونـي أن كان هو حضر من الجن غيلان *** يحضر جنونـه وأنا احضر جنونـي ناديتهم قـلت أحضروا عـندي الآن *** صكـوا عـلـيـه بالعجـل وأدركونـي من خوف يدخل غاية الفكر نسيان *** وإلـى نـسيـت القـاف بـه ذكـرونـي وتـزاحمـوا مثـل المساطر بجيـوان *** متعـطـليـن وقـصـدهـم يـكـتبـونـي والـكـل يـبغي فـايلـه عـنـد الأركـان *** صفـوا وقامـوا بالجهـر يزهموني قلت احضروا بالحال يوم اللغا شان *** من حين ما ناديتهـم مـا عصونـي لو قلت هاتوا لي كثر رمل ظهـران *** قـالـوا قـلـيـل ولا ملـينـا الحفـونـي ولو قلت هاتوا لي كثر حجر بنبـان *** جابـوه لـي ومـا طـلـبتـه عطـونـي نـرسي كما تـرسي شواميخ بنيـان *** مـثـل القـلاع الراسيـة بالحصونـي وخـلاف ذا نرسل منـاديـب ركبـان *** فـوق العـمـانيات هـيـف البطـونـي زرفات منجوبات مـن عشر قطعان *** نقيتهـن من هجـن حامي الظعوني عـيـرات الأنضى من ركايب نهيان *** خـطـرٍ عـلى ركـابـهـن يـرتـمـونـي هوج النجايب من سلايل وضيحان *** عـوص يجفلهـن أومـاي الـردوني عن الجـرب ما يـوم طلين بقطـران *** ولا يـوم جـلبـن للـذي يشتـرونـي مـربـاعهـن بـيـن البريـمي وريـان *** يـتـلـن مصـالـيح بهـن يسرحـونـي تبـارك الـلـه وصفهـن تقل غـزلان *** مـثـل الـمهـا ولا قـطـيـع الـبـدونـي سحـمٍ اخطوط لحيهـن تقـل قيطـان *** هـن منـوت الـلي فوقهـن يعتلـوني لاحـوا عليهـن مـن الأواليد غلمان *** شجعـان ما فيهـم خطات المهونـي وأسلاحهم من عايز الرنق كرخان *** والـكـل عـفشـه جـبـتـه والزبـونـي سلاحهم مجيوب من صنع الألمان *** ومصقـل الهنـدي شطيـر السنونـي تـحـركـوا مـن عنـدنـا قـبـل الآذان *** والعصر مع ستر الـولي ياصلونـي وأن جـو منـاور يبتهج كـل هجـان *** معـهـم ثلاثـة عـنـدهـم يـمرحـونـي تـقـهــووا الـدلـة وبـراد سـيــــلان *** وعـلى المفطح بالمساء تفلحـونـي قولـوا وفيت ولا بـدأ منـك نقصـان *** وتـعـذروا لـلـقــرم لا تـسـتـحـونـي حـيـثـه عـلى مندوبنا كـان زعـلان *** من حيث عيـوا عندهـم يجلسونـي ما القصد والله يوم أوصيه حقـران *** مـار العـفـو يا مقلطيـن الصحوني لاشك قلت أسرع على الرد شفقـان *** من كثـر اللي عـن ردكم يسألونـي وأخـذ ثمـان أيـام يالـقـرم مـا جـان *** وش عوّق المندوب يالقـرم دونـي ما أدري قطاه البرد راعيـه بـردان *** أو بنشـر الـدولاب مشيـه بهـونـي ومن بعدها جاني جـوابـك بنيسـان *** مـندوب مـنـك وبالخـبـر علمـونـي وقـلنا هلا باللي لفـوا منك ضيفـان *** وقدمت أنا الميسور حـزت لفـوني وجابولي المكتوب بحضور ويـلان *** لا شـك عـادوا حـيـث مـا كـلفـوني قالـوا رسولك سابـق كـان عجـلان *** وحـنـا عـلى رد الـنـقـا لا تـهـونـي والظاهر أنك مانت يالقرم رضيـان *** وتقول أريـد أجيـب من يقصدونـي مالقصد تعجيزك ولا هـو أستمحان *** لكني أبـي عـلـوم مـن يـبـدعـونـي ثوب العواري صاحبه دوم عريـان *** وأنـت الـذي منـك المـلأ يعـتـروني أرجوك تسمح لي إذا كنـت غلطـان *** وأن كان جتكـم زلـتي سامحـونـي هذا جوابي والرجـل سمي احصـان *** يصهل إلى سمع الحصن يصهلوني لـو الحصـان اليـوم شـدوه ببـطـان *** عقـب الغلا شفته رخيص الثموني هيهات راحت وين صولت كحيلان *** وين الرجال الـلي عـليه ايحـدونـي وأشـوف شيـال المحـامـل بليـهـان *** عـليـه حشـوان الـزلـق يهـدرونـي دنـيـاك مـثـل الـبـاخـرة دون ربـان *** خـطـرٍ عـلـى ركـابـهـا يـغـرقـونـي ولا كـل زيـلان تعـيـضـك بـزيــلان *** ولا أريـد بعض الناس لوهم يبوني نـاس اتمناهـم عـلى الـدوم جيـران *** وبعض الملأ ما أريدهـم يقربونـي أن كان يا مناور شنيع الزمن خان *** ربعي إلى شـان الزمـن ما نسونـي من لا أعتزا يالقرم لو كان ما كـان *** ما يندري عن عزوته وش تكوني وتـذكـر لـنا نـاس يحبـون الألحـان *** قوم عـلى صوت الغنـاء يطربونـي نسمع لأبو مداح مع صوت بنـدان *** ولتـراث أهلـنـا يالسنافي نصـونـي بالناس يا منـاور شغاميم وأذهـان *** الـلي الـيـا نصحـتهـم يـسـمـعـونـي مار البلأ يالقـرم من فـود عوجـان *** أهـل الـرذايـل جعـلـهـم يختـفـونـي ولا أنت حر ومن صواريم حوران *** مـن روس لابـة بالـقـاء يبخنـونـي والغوزكم يالقرم نبـدي بهـم شـان *** بـالـحـل ربـي مـا يخـّيـب اظـنـونـي مـاني من حـلول الفـوازيـرعـيّـان *** ولاني من الـلي يا فـتى يزعـلـونـي نشـدت عـن عـذراء تـورد بـدكـان *** ذيـك الـنـامـوسيـة بـهـا تـرقـدونـي ونشدت عن هنوف تحمل بشيبـان *** هـي البـالـوت الـلي بـهـا يلعبـونـي يصيـر ولـدهـا مع الحـكـم سلطـان *** لا شـك يبطـل عنـد لعـب الصنونـي ونشدت عن عذرا لها جملة أعيان *** وأن كان ما هي العقربه تعـذروني ونشدت عن رجـال راكـب وسكـان *** ذاك أصبع البنـدق أو الـدرقسونـي ونشدت عن رجال من غربته بـان *** سهيـل الـلي لـه العـرب يرتجـونـي ونشدت عن رجل له الناس عدوان *** هـذاك هـو سـرحـان لا اتـيهـونـي ونشدت عن شي على صاحبه كان *** ذاك الظـمـأ مـنـه المـلأ يعطشونـي ونشدت عن عذرا لها الناس خلان *** هـذيـك مـن فـنـجـالـهـا تشربـونـي ونشدت عن عذرا لها جملة اسنان *** ذيـك الـزراديـة لـهـا تـحـمـلـونــي الوضحا اللي تقول له عشر حيران *** الخـيمـة الـلي بضلـهـا تسكنـونـي والخاتمه صلوا عـلى نبي الإيمـان *** هـو خـاتـم الـلي للهدى يرسلـونـي الـلي غـلب دينـه عـلى كـل الأديـان *** شفيعـنـا والخـلـق بـه يشفـعــوني يتبع التعديل الأخير تم بواسطة عبدالله بن عبار ; 07-02-2022 الساعة 10:33 AM |
|
|
|
|
06-24-2022, 07:34 PM
|
#6 |
|
صاحب الموقع
تاريخ التسجيل: Mar 2008
المشاركات: 10,350
|
تابع يتبع*- قال الشيخ سلطان بن راكان المرشد رحمه الله هذه القصيدة وهي عبارة عن محاورة بينه وبين قـلبه ويسند على عبدالله بن دهيمش بن عبار : 46 يـا مـل قـلـبٍ كــل مـا قــلــت دالــه *** كـل مـا دلـه يـأتـيـه هـم يـشـيـلـــه يا قـلـب أصبـر حـط عـندي جمالـه *** طلبـك صعـب ولا لـنـا فـيـه حـيلـه نبغـي جنـوب الـدار وتـبي شمـالـه *** الهـيـل تـبغـي شـوفـتـه والتـلـيـلـه شعبـانهـا وأجبـالهـا مـع اسـهـالـه *** فـارقـتـهـا مـا أظـن عـينـك تخـيلـه تبغـي زمـانـك يـوم دور الجـهـالـه *** صـارت حـلـوم الـيـوم دوّر بـديـلـه شـرقـي شعـيـب الفـاو ولا حـوالـه *** هـذا نصيـبك وأنـثـبـر بـه طـويـلـه مطـلبـك صعـب وظنـتي مـا تـنـالـه *** والـلي يخـالـف دوم يحضـر كفيلـه عنك أختلفت وصرت لأريـاك زالـه *** سميـت حـالـي مـنـك حـالي نحيلـه زلـيـت عـنـك وسـو دربـك لـحـالـه *** أغـدي بـعـد فـرقـاك هـمـك تـزيلـه قلبي يا أبـو مشعـل فـتني أعـمالـه *** مدري وش اللي زاد واهس غليله كـانـه يـريـد المـال مـا عـنـدنـا لـه *** ما أريـد غـيـر الحـال يطلق سبيلـه بـيني وبـيـن الـقـلب يالـقـرم قـالـه *** أبـي النـتيجـة منـك بـأيـة وسـيـلـه أدريبـك قصـده عارفـه فـي كمـالـه *** غـيـرك أنـا والقـلـب ما نشتكي لـه حيثـك فهيـم ومـن رجـال الشكـالـه *** مـا بــيـنـنـا قـالـه ويـمـك نـحـيـلـه * وقال عبدالله بن دهيمش بن عبار هذه القصيدة رداً على الشيخ سلطان بن راكان المرشد رحمه الله : 47 سـر يا قلم وأكتب جـواب الرسالـه *** رداً عـلى سلـطـان شيـخ الـقبـيـلـه قـرم العـيـال الـلي كريمـه أسبـالـه *** مـن يزبنـه وقـت اللـزم ينتخـي لـه الـوايـلي نـسـل الـذي طـاب فـالــه *** راكان أخـو عشوى سطـام الدبيلـه يـذكـر زمـانـه بـار بـه مـا صفـالـه *** ويسنـد عـلينا خصومته مع دليلـه يـا شـيـخ قـلـبــك لا تـدوّر بــدالــه *** خـلـه يـا أبـو فيصـل يلايـع خـليلـه أن طعـتـني يالـقـرم فـلـّت أحـبـالـه *** هـده عـلى صيـد السمـان الجزيلـه وتـرى الـديـار الـلي تـمنى جـبـالـه *** ما فـاد عـن لفـح السمايـم مقـيـلـه ودور الجهـل فيـه النـكـد والرزالـه *** أدبـر وجـت عـقـبـه ليالـي جميـلـه دور الجـهـل يا شيخ نبـغـي زوالـه *** مـن فضـل مـولانـا تـغـيّـر مديـلـه عصـر البـداوه يـوم شـدت أرحالـه *** منزالهـم بالروض وسـط الخميلـه والـدك مـا قـصّـر بعـصـرٍ مـضـالـه *** يـوم المراجـل بالسيوف الصقيلـه واليـوم سـادوهـا أصحـاب الجلالـه *** العـاهـل الـلي كـل شيـخ يـجـي لـه زالـوا خـواريـف البـدع والضـلالـه *** حـكـام عـدل ويـدركـون النـفـيـلــه مـن فـضلـهـم كـلـن تحـقــق أمـالـه *** نشكـر ولـي الكون فـي كـل ليـلـه قـلـتـه وجـاوبـتـك عـلى كـل حـالـه *** وصلوا على اللي كل طرقه فضيله * وقال عبدالله بن دهيمش بن عبار العنزي هذه القصيدة تبلغ سبعون بيتاً يسند على الشيخ سلطان بن راكان المرشد رحمه الله وتحتوي على أربعة الغـاز لها مدلولات معروفة بما يخص قبيلة عنزة : 48 ابتـدي بسـم الـولي مـنشي الغمـام *** من سحاب الغـيث مـزنه سال مـاه جـل خـلاقٍ الـوجــود مـن الـعــدام *** مطــلّع بـالغـيـب يـعـلـم فـي خـفـاه الـكـريـم الـمـعــتـلـي رب الأنـــــام *** مـوحي الـذره عـلى صـم الصـفـاه خـالـقـي قـدمـت فـي ذكـره شـمـام *** جــل قـدره مـا يـخـيـّب مـن رجـاه فـاض قـافـي مـن ينـابـيع الجـمـام *** مـن مشاعر خاطـري فكـري نقـاه عـيـلـمٍ مـا كـيـل لـتـره بـالـغــــرام *** صافـي القـراح مـن عـذب الـفـراه مـن سميـن القـاف نخـتـار السنـام *** وأن كتبنا القيـل يعجـب مـن قـراه والمـعـانـي تحتشـم عـنـد الحشـام *** جـزلهـا بيـن العـرب يظهـر صـداه يـفهمـه مـن يفـتهـم قـصـد المـرام *** والغـبي هـيهـات مـا يـفـهـم لـغـاه طـاب نظـم القيـل وأبـدي بـالسـلام *** والــقــوافـي بـالـتـحــيـة مـبـتــداه أرسـلـه للصيـرمـي نـسـل الـكـرام *** قـيـلـنـا سـلـطـان يـفـهـم مـحـتـواه أبـو فيصل شـوق مردوع الوشـام *** بالكـرم والطـيـب يـعـرف مستـواه نسـل شـيـخٍ بـالـمـكـارم لـه مـقـام *** أخـو عـشـوى قـمـة الـعـلـيـا رقـاه ضد خصمه كان عـال ولا أستـقـام *** وعـز ربـعـه والقصايـر وأصدقـاه أنشـدك يا شيخ عـن قـصـد الكـلام *** مـعـنـا أبـن عـّبـار بـلغــوز خــبـاه حيث لك يا شيخ بالـوضع اهـتمـام *** مبهـم الـمضمـون ملـزوم اتهـقـاه يا أبـو فيصـل شفت لي ذودٍ جهـام *** كـل مـن شافـه عـن المـورد نحـاه يجـتـلد مـا بـيـن نـجـد وبـيـن شـام *** تـاه بالـبـيـداء ويـرزم مـن ظـمـاه جاء يدور الحمض وأعياه الوخـام *** وانصمع مردود مـن راس الفـلاه ما حصل له قوت حتى من الرمـام *** بـس تـوحـي بـالـفـلا لـجـت رغـاه مـا بـقـابـه غـيـر جـلـده والـعـظـام *** وأن بـقـي فـي حـالتـه قـرب فـنـاه الـثـقـل مـرسـون جـوّد بـالخـطــام *** يصكـع بـقـيـده ويـضلع مـن حفـاه جـاذبـه حـس الـمــدّوه بـالـظـــلام *** سـيـبـه راعـيـه ويـلـه مـن خـطـاه مـن يـضـم الـذود يـغـشـاه الـمـلام *** مـا سـقـاه مـن الـعـدود ولا رعــاه مغـتـر ولـونـه مـثـل لـون الرخـام *** يا عجـب راعـيـه وش عـلمه نفـاه كـب ذودٍ مـا طــلاه بـنـفــط خــــام *** وضـم ذودٍ كـل مـا يـجــرب طــلاه وأنشدك يا شيخ قل لي وش عـلام *** الهـنـوف الـلي تـبـرت مـن ضنـاه كـبـهـا هـارون وأخـلاهـا إبــرهـام *** وحازهـا حـيـدر وصـارت لحـلفـاه ومـاط جعفـر عـن ملاثمهـا الـلثـام *** وانـتحـى عـنها وزوجهـا بـرضـاه وأحتماها زوجهـا حـول ألـف عـام *** حـظـوتـه خـزيـزتـه بـأول صـبــاه مـن قـربـهـا دوم يـرجـع بـانهـزام *** وكم حرب مـن أجلهـا دارت رحـاه طـوقـت وأستيسروهـا عيـال حـام *** زوجـت يـا شيـخ لعـراض الشـفـاه يـوم غـاب الزوج فيهـا العبـد هـام *** كـيـف يـا سلـطـان بـالـقــوة خـذاه عبـدها المملـوك صـارت لـه مـدام *** كـيـف طـاع السيـد للخـادم عـطـاه كيـف يا سلـطـان جـاهـا بـالـحـرام *** يـوم غـاب السـيـد شـرفـهـا وطـاه كيـف يا سلطـان مـا هـاب العـمـام *** شـوف عـيني صـار وريـث أوليـاه بـاق عـمـه عـقـب ملحـه والطعـام *** فعـلـتـه فـي سـيـده مـا أحـد سـداه كـيـف مـن كثـر الـنـدم عـظ البهـام *** مـا يـنـام الـلـيـل مـن زايــد غــلاه لا تـلـومـه لـو عـلـيــه الـمـــر زام *** لـو يطـول الطـيـل حـقـه مـا نسـاه وأنشـدك عـن غـايـة فـيهـا ألتـزام *** لا يــذه مــا كــل مـن داره لــقــــاه بـالـمـلأ تـاريـخـهـا مـن دور سـام *** نـوح بـابـنـه لـلـولـي يـرفـع رجـاه شفتهـا يا القـرم فـي وقـت الـدوام *** مع خطـو مسئول كـان الـلـه هـداه لـذت فيهـا ولذت عنهـا باعـتصـام *** وانـتـحيـت وقـلـت يـا رب الـنجـاه مـن وجـدها نـال حشمـه واحتـرام *** يـرتـفـع قـدره ويـنـفـع مـن نخــاه مـن فـقـدهـا دوم يـوقـع بـاتـهـــام *** وأن وجـدهـا جـاه لـو يـتهـم بــراه تـنـفـع وفـيـهـا مـكـايـد وانـتــقــام *** وشغـلهـا يحـتـاج فـطـنـه وانـتبـاه قـدمـت بـعـض الخـلايـق لـلأمـــام *** ومـن تـعـزه بـالـعـرب ذلـت سـواه فـعـلهـا يـغـلـب عـلى فـعـل النظـام *** صـارم الـقـانـون حـكمـه مـا قـواه وأنشـدك عـن لـغـز حـلـه بـالتمـام *** واضـحٍ مـعـنـاه لـو نـبـعــد شحــاه عـادةٍ بـالـنـاس مـن سـن الـفـطـام *** راسخـة بالخلـق مـن طبـع الحيـاه كيـف حطـم ساسها وأصبح هـدام *** وأن تـحـطـم سـاسـهـا يـهـدم بـنـاه وأن تلاشت صـار بالناس انـقسام *** والـرجـل مـا عـاد يـفـزع لقـربـاه وأغـلب المخلوق سلمهـا استـلام *** يـدعـي أن الـعـلـم واقـعـهـا مـحـاه وأن رماهـا بالعـرب خطـو الغـلام *** صـار مفـعـول الـفـتى مـثـل الفـتـاه دورهـا مـع دور مصقـول الحسام *** الـتـريـشـه نـالـهـا وأظـهــر ثـنــاه روحـت بـغـنـيـم إلـى نـقـرت ردام *** وحولـت بـدهـام مـن رجـم الهـبـاه والـدريـعـي لأجلهـا خـاض الكتـام *** وأقبلت بورنس من حمص وحماه عـصرهـا بعصـور تطييـر العسـام *** وأن تـلاشـت كـل شـي لـه طــــراه دونـهـا سـم الأفـاعـي والـهــــوام *** كـيـدهـا يـا الـقـرم بـيـدنـي غــثــاه لأجـلـهـا عـرضـت حـالـي كـل فـام *** فـي كـلام بـيـن كـل الـنـاس فــــاه يشـهـد الـلـه يـوم شـديـت الحـزام *** محـرج لـلـرد مـا قـصـدي سـفـــاه دون قـومٍ مـجـدهـم مـثـل الـحــلام *** نبـذل المجهـود والمـكسـب شـنـاه مـن تـنيـوم مـا يفـيـق مـن المـنـام *** يـزلـه الـنـاده وهـو يـسـمـع نــداه من كسل ما حط في صـدره وسـام *** والـمهـونـة تـورث الأمـه خــــزاه لـو يكون المجـد فـي كبـر الجسـام *** كـان تشـوف الـفيل مـا حـي قـواه وكان تشوف الباز هاب من النعام *** لـو يـرف الريـش يلبـد عـن هـواه يفـرق الشيهان عـن طيـر الحمـام *** والـقـطـامـي مـا يـشـّبـه لـلـقـطــاه والرخـم لـو طـار فـوق الجو حـام *** من سمين الصيـد ما يـدرك عشـاه والـردي يـا مسنـدي مـثـل الخمـام *** لـو ركـب بـنـزه وشخص بالعـبـاه الـردي مـذمـوم لــو جـده هـشـــام *** مـا يـفـيـد الجــد مـن عــزه محـاه لـو يكـن مـن الذهـب مـلـي الـدرام *** مــا رفــع قــدره ولا فــاده غــنـاه قـلـتـهـا يـا شيـخ والـدنـيـا حـطـام *** عـزهـا المزعـوم مـا يعـادل شقـاه وأطـلـب الخـلاق فـي يـوم الزحـام *** غـافـرٍ للعـبـد عـن مـاضـي غــواه وأذكـر الـلـه بـالـبـدايـة والـخـتــام *** فـي بـدايـة قـافـنـا وفـي منـتـهــاه ثـم صـلـوا عـلى مـن سـن الصيـام *** وثـبّـت الإسلام بـفـروض الصـلاة * وقال الشيخ سلطان بن راكان المرشد رحمه الله هذه القصيدة رداً على عبدالله بن دهيمش العبار : 49 فاض نبع القـاف وأحضرت القـلام *** واحضرت البوك المسطر والدواه أرسـل المكـتـوب فـي كـل أهـتمـام *** صـوب ابـن عـبـار مكتوبي نصـاه نختـصر بالـقـيـل عـن كثـر الكلام *** ونفهـم المقصود من دون أشتبـاه مـا ذكـرتــه عــارفـه لـيـه أعــوام *** نـدرك الـمـعـنـا ونـفـهـم مـا عـنـاه كـان تـنشـد شفـت لـك ذود جـهـام *** لـغـزكـم مـعـروف مـن داره لـقــاه وكـل قـولك عـارفـه يا أبـن الكرام *** ومـن سعـى يا مسنـدي للعـز جـاه لو تجي بالهوش جيته مـن اشمام *** عارضين الـروح كـان أحـدٍ شـراه والـزمـن مـلـزوم تـاخـذ لـه سـلام *** كـان لـك ما طاع تمشي فـي هـواه وأنت مبطي مـا تـجي درب الملام *** ظـالـم ودجـال مـن جــاك بـشـنـــاه مـا يسبـك غـيـر مـلعـون الـرسـام *** ومـن تـكـلـّم ضـدكـم نـلـعــن ثـواه ومـن شنـاكـم عـنـدنـا مالـه مـقـام *** والـردي مـا هـمـنـا قـرب أمـعــداه يمتـدح بالطيب وهـو عـنـد المـدام *** مـا يـهــمـه غـيـر بـطـنـه لا مــلاه ومن مشى بالحـق دايـم ما أيضـام *** ومـن تـعـاوج بالبشـر يلـقـا جـزاه *- وقال الشاعر فياض بن زرم رحمه الله العنزي هذه الأبيات مجاراة لقصيدة عبدالله بن دهيمش بن عبار والشيخ سلطان بن راكان المرشد : 50 يـا الـلـه الـلي لـك عيـون ما تـنـام *** وعبـدك إلـى تاب تغـفـر لـه خطـاه جـل شـانـه خـالـق الـنـور وظــلام *** وبعـد ذكـره قـلـت يـوم العـلـم فـاه يا أبو مشعـل جـاز لي نظـم الكـلام *** ولغـزك الـلـي وارداً عـلى امعـنـاه ذودك الـلي قـلـت مخـطـر بالـعـدام *** عـزتي لـه من جفـاء وقـت وطـاه كيـف مـالـه ذنـب ويـتهـم بـاتـهـام *** ولـو يـنـادي مـا أحـد يـسـمع نـداه والحـمـيـا وأنـت لابـس لـه أوسـام *** مثلـك وشرواك فـرحت مـن نخـاه ومـن يسبـك يا أبو مشعل له ابـلام *** مـا تـدرى وداس حظـه فـي حـذاه وأن ذكـرت الواسطة فـوق النظـام *** المـثـل معـروف مـن سـبع اللغـاه والعذراء اللي بين عطوه والخطام *** كـبــهــا ولـيـهــا مــن هـالـغــنــاه ما يجيهـا حتى فـي وقـت الصـرام *** والتـغـاضي والـتـكـاسـل هـو بـلاه ومـن هجـر بيـتـه مصيـره للهـدام *** والـمـرمـم لــه نـصـيـب مــن ذراه ولـك تحـيـة عـد مـا لبـس الـحـرام *** وعـدد مـا نـادى المنـادي للصـلاه * وقال فياض بن زرم العنزي أيضاً هذه القصيدة تحتوي على بعض الألغاز يسند على عبدالله بن عبار : 51 سميت بسم الـلـه فـي مبتـدا العـاز *** فـرد صمـد يعـلـم بخـافي السرايـر أهدي لأبو مشعل سلامي والألغـاز *** عسى فـداه اللي عـن الطيب بايـر أنشدك عن أربع رجال على طـراز *** بهـم أختلاف وفيهـم الفكـر حـايـر عـرفـت مـنهـم واحـدٍ حيـل ممتـاز *** معـزتـه عـنـدي لجـت بالضـمـايـر وش الثلاث اللي بهن هـم وأنجـاز *** يا ما بسببهن صـار هـم وجـرايـر كـم واحـدٍ بأسبابهن ضاع مـا فـاز *** محتـار فكـره بـيـن عـاذل وشـايـر وش الثنين اللي شريفين وأعـزاز *** والثالث المسجون والسجن جايـر وانشدك عن بنت تزوج بلا اجهاز *** عـرسـهـا يـخـلي راكـد الـدم فـايـر يمكن عقوق عيالها صـار مهمـاز *** عسى يجي لـه ما حصل بالجزايـر وصـلاة ربـي عـدد رمـل بالأهـواز *** عـلى الرسول الـلي لفـا بالبشايـر * وقال عبدالله بن دهيمش بن عبار هذه الأبيات رداً على فياض بن زرم وبها حلول الألغاز و أضافة لغـز : 52 حي الكتـاب وحـي من كـز الألغـاز *** مـن قـاف قـرم ما يهـاب الخسايـر فيـاض مـن لابـة ثـقـيليـن الأرواز *** ريـف القـصيـر مـدلهـت كـل زايـر سلقـا السلامة مـن شغاميم عـنـاز *** عـاداتـهـم يـثـنـون دون العـشـايـر يالقـرم حـل الغـازكم جـاك بأيجـاز *** الحـل لـه مرماع لـو هـن عسـايـر الأربـعـة يـا مسـنـدي حلهـن جـاز *** الكتـب الأربـع مـن تمـام الشعـايـر ولا الثلاثـة حلهـا فتـوى ابـن بـاز *** هـن الـطـلاق مفـرقـات الـضـرايـر والحرمين الـلي شريفين وأعـزاز *** والقدس بـه صهيون شب السعاير والبنت وضعه دوم يعرض بتلفاز *** ذي فـلسطيـن الـلي تـهـل العـبـايـر أسألك عن عذرا على سلم شيراز *** تـمشي بدرب فـيه شـوك وحـفـايـر عافـت رجلهـا ولايعـت كـل غـمـاز *** ومـن رامتـه ينحاش بالعمـر نايـر للغرب نوب ونـوب للشرق تنحـاز *** وقامـت عـلى الأمـة تشكل حظايـر مار العـرب تـدرك مباهيم الأرمـاز *** ولا بد عـلى الجاني تدور الدوايـر * وقال الشاعر فياض بن زرم العنزي للمرة الثانية يسند على عبدالله بن دهيمش بن عبار وقد حل اللغز وأردف ألغاز : 53 يا راكـب الـلي يقـطع البعـد ممتـاز *** من مصنع مريكان ما هو عراوي أربع على خمسين وأربع له طراز *** حجـم المحـرك والمـورد غـنـاوي أسمه ثلاث حروف تكتب بالأرمـاز *** الجيـم قبـل الميـم شـف الهـواوي مـا فـيـه مسمـار تـبـرشـم ولا بـاز *** أدهـم على قطع المسافـة رهـاوي يـم الـريـاض مكـلفـينـه بـالأنـجـاز *** يلفـي لأبـن عـبـار شبـه الـنـداوي يا فزعت اللي حده الوقت وأعتـاز *** مـن لابـة تحجي وتذري الجـلاوي فـدعان لا حصل على العظم حـزاز *** عـدوهـم تـكـثـر عـلـيـه الـنـعـاوي أحييت ذكـر اجدودنـا عقـب عـنـاز *** لـولاك مـا يـوجـد لـه اليـوم راوي يـفـداك مـذمـوم كـلامـه أسـتـفـزاز *** اللي على الصاحب كثير الشناوي تنشد عن اللي سلمها سلم شيـراز *** هـذيـك مـصـدر للـفـتـن والبـلاوي عـلى الخليج بحـربهـا تـبي تجتـاز *** يـقـودها مـن هـو للأجـرام هـاوي لاشك من دون الحرم جيش حـراز *** دايم يطوع من عن الدرب غـاوي هي تخبر فعل العـرب يوم الأهواز *** بالفـاو والبصـره وهـاك النحـاوي والمعتدي يجزأ على العين مخراز *** شبل الفهد ما جفلـه صـوت واوي لغزين ضمن قصيدة للشاعر فياض بن زرم رحمه الله : 54 وش الفتـاه اللي تـرى ذبحها جـاز *** لـو كنت محـرم تذبحـه ما تـراوي عقب الوفاه اعيالها افراد وأجـواز *** يجي ضناها بالأجسـام أمتساوي مـا ينتـقـم مـن قـاتـل أمـه ولا فـاز *** ولا همه هروج العـرب والزراوي وأنشدك عن شي يشبه على الغاز *** ولا هوب يشرى بالثمن والهداوي بالنوم والصحوة فلا أحد عنه جاز *** حتى الشجر لولاه قـد صـار ذاوي مـا قـل دل وزبدت الهـرج الأيجـاز *** وشكراً لأبو مشعل بعيـد الهقـاوي * وقال فياض بن زرم العنزي يسند على عبدالله بن دهيمش بن عبار : 55 يا الـلـه يا قـابـل صـلاة المصلـيـن *** يا منزل دينـك عـلى خمسة أركـان أرسلـت نـوح لعالـم تجهـل الـديـن *** لكن مع الـدعـوة تمـادوا بعصيـان ونـوح دعاهم تسعمائـة وخمسيـن *** وأنجاه ربـه وأهلك القـوم طوفـان واعطيت ابن داوود ملك الملاييـن *** لأمره يطيع الطير والريح والجان ومن بعـد ذكـر الله نبـدي تلاحـيـن *** وأهدي لأبو مشعل سلامي بقيفان أنشـدك عـن رجـل عـيالـه ثلاثـيـن *** وأيضاً بناته كثرهـن دون نقصان منهـم ثـلاث عـيـال مـا هـم خفييـن *** وعشره من البنات يبدولهن شان وأنشدك عن عذرا ضناها غلامين *** عند المدير تجالسه بعض الأحيان والنـاس بفعـل عيـالهـا مستفيديـن *** تحمل سفاح وتنجب الحمل ذكران وأنشدك عن رجل نزل منزل شين *** صابر على أمواج تقل فوح بركان ينذرك في علم الخطر عبر حرفين *** يخبرك في علمه وهو ماله السان ويش البنات اللي لنـا قربهن زيـن *** تسع وثلاث وخمس في كل الأزمان نـاس لـهـن تـكـره ونـاس محبيـن *** من حبهن رابح ومن عافهن خـان وأنشـدك ويـش غـليّم له عناويـن *** عـمـره يبين إلـى نظرته بالأعيـان خـمسه بنـاتـه هـن ثلاثـة وثـنتيـن *** مشهور باسمه كـل الأيام عـريـان مظمون حل اللغز من دون تخمين *** لوهن أصعاب بحلهن مانت بحلان حيثـك فهيـم وماضي لـك بـراهيـن *** وأنا اللغوز هوايتي يا أبو عدنـان وصلوا عـلى محمـد ختـام النبييـن *** شفـيعـنـا فـي مـاقـف فـيـه ميـزان * قال عبدالله بن دهيمش بن عبار هذه القصيدة رداً على الشاعر فياض بن زرم العنزي وقد حل الألغاز المنشورة في القصيدتين : 56 مبداي بالله خالق الناس مـن طيـن *** مولاي رفاع السماء دون عمـدان رب الـمـلأ خـلاق كــل الأكــاويــن *** لا قـال كن في قدرتـه ما يبي كـان بسم الكريم اللي لـه الناس داعيـن *** بديت من قـاف تقـل نظـم مرجـان رداً عـلى نسـل الـقـروم المسميـن *** فـيـاض ابـن زرم سلايـل كحيـلان لا هـنـت يا مـادح شغاميم الأدنيـن *** والنعـم في ربعـك صناديد شمـلان جـاني جـوابـك والمـرامع نياشيـن *** هـرج عـلى معـنـاه ما فـيه بهتـان فهمـت حـل ألغـازكـم والمضـاميـن *** الأولـة والـثـانـيـة دون خـصـران العقرب اللي توجب الذبح بالحيـن *** ذبحـه حـلال وحكمهـا حكـم ثعبـان واللي شبه للغاز ما هـي تضانيـن *** ذعذاع ينفح مع شذا الورد ريحان والرجـل الـلي تذكر عيالـه ثلاثيـن *** هذاك شهر الصوم من بعد شعبان والعـذرا اللي تذكر ضناها غلامين *** وسط المناحل كان ما كنت غلطان واللي نزل يالقرم بالمنـزل الشيـن *** هـذا هـو الـرادار والهـرج وكـدان وترى البنات اللي لنا قربهن زيـن *** خمس الفرايض بالأقامـة والآذان وترى الغلام اللي لعمـره عناويـن *** بدر الدجا يسفر على الناس ضيان أنشدك عن رجل له الناس شفقين *** وأكثر محبينه هـل النوق والضـان أربع حروف أسمه وتبداه بالسين *** تلـقـاه فـي شعـر الخلاوي بديـوان وأنشدك عن رجـل تراعيه بالعيـن *** لـولاه ما نـدري متى يجي نيسـان نوب تشوفه مثـل لـون العـراجيـن *** ونـوب تشوفـه بين كـل الملأ بـان وأنشدك عن خفرة تفوق المزايين *** تطلع وحدها مفرده ما لها أخـوان نـوب تـذرى بشم حيـد الضلاعيـن *** وأحيان تضهر تجهر العين لمعان وصلوا على المختار سيد الملبيـن *** أعداد ما حجوا على البيت ركبـان التعديل الأخير تم بواسطة عبدالله بن عبار ; 07-02-2022 الساعة 10:52 AM |
|
|
|
|
07-02-2022, 05:32 AM
|
#7 |
|
صاحب الموقع
تاريخ التسجيل: Mar 2008
المشاركات: 10,350
|
تابع * وهذه القصيدة صاحب السمو الملكي الأمير خالد الفيصل بن عبدالعزيز آل سعود أمير منطقة مكة المكرمة حفظه الله وقد القاها في مهرجان بالكويت بمناسبة أسترجاع الكويت : 57 من رياض المجـد لامجـاد الكويـت *** مــن ثـبـات العـلـم للعـلـم الـثـبـات جيـت أصافـح بالتّهانـي كــل بـيـت *** للشّهـيـد الـخـلـد والـحــي الـحـيـاه فوق غيمة شوق مـن أبهـا مشيت *** مـن نـداهـا فــزّت الصّـحـرا نـبـات سيّرتـنـي نـشـوة الـحـب وسـريـت *** للكويـت الّلـي هويـت أكتـب غـنـاة في غناتي للشّرف صـوت وصيـت *** ومـن غناتـي يرفـع الفـارس حـداة وللكرامـة عـرضـة فــي كــل بـيـت *** والـسـجـايـا بالـشـهـامـه نـايـفــات ياالكويت الّلي على الباغي عصيت *** يوم بعض الرّبع ينسـى المكرمـات يـوم بـان الغـدر قلـنـا لــه خسـيـت *** كـــل شـيـطـان رجـمـنـاه بـحـصـاه دارت الـدنـيـا علـيـهـم واعـتـلـيـت *** وانهـزم جيـش النّفـوس الخاينـات يالفهـد عنـد الوعـد قـلـت ووفـيـت *** طاغيات الـرّوس عـادت صاغـرات مااختلـفـت ولاذخــرت ولاشـكـيـت *** شـامـخ مـثـل الـجـبـال الـراسـيـات دلّــــك الله يالـسـنـافـي واهـتـديــت *** والنّصـر مــن عـنـد رب الكايـنـات مـايـغـط الــحــق رجــــال بـخـيــت *** مانـسـيـنـا يـالـكـويـت الـسـابـقـات يــوم عــز بـدارنـا حـلــو المـبـيـت *** إستضـفـتـونـا زمــــان الـنّـايـبــات لين ابو تركي ظهر من فوق هيـت *** واصطفق مـن نجـد لجبـال السّـراه يرفـع الـقـرآن والسـيـف الصلـيـت *** واستـرد الحكـم مـن عقـب الفـوات ياالصّباح وياالسعودي لى انتخيـت *** عـزوتـك عـنّـاز راعــي الـطّـايـلات ويالاميـر الّلـي علـى العليـا نشيـت *** جابـر العـثـرات محـمـود الصـفـات فـــي بـــلادك كـــل تـكـريـم لـقـيـت *** والنشـامـى ماكـتـفـوا بالـواجـبـات بالكويت أعطانـي الشعـر وعطيـت *** وبالكويـت الشعـر لـه طعـم وحـلاة ومجاراة لقصيدة سمو الأمير خالد الفيصل قال عبدالله بن دهيمش بن عبار العنزي هذه القصيدة : 58 قبـل نظـم القـاف بسـم الـلـه بديــت *** محـيي المخلـوق مـن بعـد الممـات هـيـّض الـخـاطـر كـلام لـه قـريــت *** لـلأمـيـر الـلـي بـيــوتـه واضـحـات وافـتخـر بالـلي عـلى قـافـه بـنـيـت *** خـالـد الـفـيـصـل زبـون الـوانـيـات يـا سـلـيـل المجـد نـقـحـت ونـقـيـت *** صـافـي القـيفـان مـاهـن مكسـرات يـاعـريـب الساس بالعلـيا اعـتليـت *** دون مشـمـوخ العـلا مـالـك مـبـات يا الأميـر الـلي عـلى العـليـا رقيـت *** تعـتـلي فـوق العـلا عشـر ادرجـات يـا الأميـر الـلي من العـز أكتسيـت *** يـا فـخـر عـنـاز راعـي الـطـايـلات عـشـت يـالـلي للمناسب مـا نسيـت *** شـاقـني ذكـر الـفـعـول الماضـيـات يـالأمـيـر الـلـي بـعـنـاز اعــتــزيـت *** مـن تعـزوى بعـز ما لحـقـه شمات وانت أبـن فيصل عـلى عـزه ربيـت *** حـامـي الـزلبـات ستـر المحصنات وجـدك الـلي إلى ركب فوق الكميت *** عـلـى عـدوانـه تـنـوح الـنـايـحـات كـم فـارس بـالــلـقــا خــلاه مــيــت *** طـاح بـنـحـور الجـيـاد السـابـحـات ضـرب سيفـه يـودع القاسي فـتيت *** كـم عـشى من الوحـوش الجايعـات لـو شويـره قـال لـه لـيـه اعـتـديـت *** ما تـعـشـتـه الـنـسـور الـحـايـمـات ويـوم قـالـت نجـد بـالظـلـم ابتلـيـت *** بـات سـاهـر مـا غفـت عـينه بـتات قـال مدبـاس الـوغى يـا نجـد جيـت *** ثـم جـاهـا الـوايـلي سـتـر الـبـنـات ويـوم جاهـا قالـت الـيـوم اكتـفـيـت *** عـاد مـلكـه بالسيـوف المـرهـفـات بـالـجـزيـرة جـمـّع الشـمـل الفـليـت *** وحـّد شعـوبه عـقب ما هـو شتـات والسـمـوحـة للفعـايـل مـا حـصـيـت *** مـجـدكـم مـا يـنحـصي بـمـجـلـدات بالوصايـف مـا كـذبـت ولا أفتـريـت *** حيـث أبـو تـركي فعـوله معجـزات *- هذه القصيدة للشيخ سلطان بن محمد بن سلطان الطيار يسند على عبدالله بن دهيمش بن عبار : 59 أبـي أشتكي لك ليـلتي يا ابـن عـبـار *** حـيـثـك غـيـور ونخـوتـك وايـلـيـه وأهـدي لبو مشعـل تماثيـل وأشعـار *** وأنـت أن بغيت الروح خذها هديـه حيثـك مـن الـلي بالمراجل لهـم كـار *** راعي وفـاء وأخلاص راعي حميه البارحـة ما صـار لـي مثـل ما صـار *** دنـيـاي يـا مـشكاي ضاقـت عـليـه ليلي سـرا وأسترسلت بعض الأفكار *** وساجـت هواجيسي على غير نيـه وغّـربـت مـبحـر بالـليـالـي والأدوار *** واشراعـي الـلي زاع وأبعـد مديـه يا شـراع لاتـبعـد مع الوقـت مشـوار *** مجـداف وقـتـك بين اصابع ايـديـه غصبٍ عـلى اللي ينكر الفعـل والكـار *** أن طاب وأن مـا طـاب حـنا هنيـه لـلـدار قـفـل وقـفـلهـا صلـب الأشـوار *** فـهـد سـلـيـل الـدوحـة الـوايـلـيـه وبـلـغ تـحـيـة صـاغـهـا نـسـل طـيـار *** لجميـع مـن هـو ينـتخـي بعنـزيـه * قال عبدالله بن دهيمش بن عبار رداً على الشيخ سلطان بن محمد الطيار : 60 مـبـداي بالـلي بأمـره الفـلـك يـنـدار *** يجـري بقـدره بيـن صبح وعشيـه جانـي كتاب الوايـلي نسـل الأخـيـار *** سـلـطـان ابـو نـواف زبـن الـونـيـه سلطان اللي جـده تسلسل من أمـار *** مـن صلب ابـو عنـاز شيخ السميه قـريـت خـط الشيـخ محمـود الأذكـار *** وأرسـلـت لــه رده سـلام وتـحـيـه مثـل الشذا الفواح من ريح الأزهـار *** جــواب مــنـي لـلـبـيــوت الـعـذيــه سلطان يشكي لي من الوضع محتار *** يشكي عـلينـا وهـو زبـون الشكيـه هـو الـذي حـملـه ثـمـانـيـن قـنـطـار *** وانـا ومـثـلـي مـا نـشـيـل الـوقـيـه يـذكـر لـي أنــه بـايـت اللـيـل سهـار *** وبـديـت أفـكـر كيـف حـل القـضيـه ليـتـه يـوضح لـي مباهـيـم الأسـرار *** ويشـرح لـنـا كـل العـلـوم الخـفـيـه ما يشتكي مـن نقص درهم وديـنـار *** لـو مـا تـجـر بالـمال نفسـه غــنيـه وكـان الغـرام ملـوعـه مـالـه أعـذار *** يـأخـذ هـوا شـفــه بـسـنـة نــبـيـــه كـنعـان جـده بـالهـوا شـاف الأكـدار *** هـام وتـولـع خـاطـره بـالصـبــيـــه الـجــد الأول ســّور الـمـجـد بـجـدار *** السـاس ثـابـت والـقـواعـد قــويــه سمعت أجـدوده علمهم عـم الأقطـار *** والمجـد ورث اجدود ما هو حـذيـه ولا زال لـه بـصدور الأجـواد تعـبـار *** لـه منـزلـه لـو فـرق الوقـت حـيـه كم شيخ يا سلطان عقب الفخر صار *** مجهـول بـيـن النـاس مالـه هـويـه عساك تسلم يا ذرى الضيف والجار *** الـلـه يـفـكـك مـن سـهـوم الـمنـيـه ثبـّت أشراعـك عـن عـواصف وتيار *** إلـى هـبّـت الـنكبـا ومعـهـا بـرديـه الشيـخ الأول مـن صمـاصيم طـيّـار *** وزميلـه ابـن غبيـن راعـي العطيـه يـدرون شمطان اللحا بـكـل الأخبـار *** لـكـم عـلـى كـل الـشـيـوخ أقـدمـيـه خيـبـر ورثـهـا جـدكم وأسس الـدار *** ساسـه عـريـق وعـزوتـه ولدعـيـه حكـم عـليهـا وحـاط خيبر بالأسوار *** زبـن الـدخيـل إلـى زبـن مـن جـنيـه حاما على الويلان في غلو الأسعـار *** وفـرق نخـل خـيـبـر بنفسٍ رضـيـه مكارمـه مـا تـنحصي حـيثهـا أكثـار *** الـجـد جـعــفــر والـمـعـامـق زكـيـه لكم بعرق المصطفى ساس وأصهار *** والـبيـت الأول عـزوتـه هـاشـمـيـه قـلت العلوم الواضحه ما بهـا أنكـار *** ولاني من أصحاب الحظوظ الهفيه وصلوا عـلى اللي للمخاليق مخـتـار *** المصطفى الهـادي رسـول البـريـه *- قال الشيخ صياح بن عوض بن نابت الخمعلي رحمه الله هذه القصيدة وذلك مجاراة لبيت من الشعر للقاضي والذي يقول : لا تبتحـل يالعـبـد لا صـرت مهمـوم *** أنــك تـنـام وخـالـقــك مـا يــنـامـي فقال الشيخ صياح هذه القصيدة : 61 الـبـارحـة عـدي عـلـيـلٍ ومسـمـوم *** وعد الجسد مرضان تسعين عامـي والعيـن عـيـا لا يـلـوّج بـهـا الـنـوم *** وقـلبي تقـل بالفـور والفـور زامـي لا تبتحـل يالعـبـد لا صـرت مهمـوم *** أنـك تـنــام وخـالــقــك مـا يـنـامـي رزقك على اللي سيّر البدر وأنجوم *** خـالـق نـهـار ومقـتـفـيـه الظلامـي خلاق ريش الطير يدرج به الحـوم *** معطيك شوف العين وقلب وفهامي هو محتفي بالنفس في دايـم الـدوم *** ألطف بهـا مـن عصبهـا والعمامـي لا تشتـمـت بـالحـظ والأمـر ملـزوم *** ربـك خـلـق فـيـك اللحـم والعظامـي ولا ينوكل شي عـلى غيـر مقسـوم *** لـو تمسكـه بـيـن أربعـك والبهامـي وأفطن ترى المكتوب يأتيك معلـوم *** لــو أنــك ابـلـم مــا تــرد الـكـلامـي يا ربعتي ضـدوا عـلى كـل عاصوم *** فـي ساعـة فـيـهـا تـقـوم الكـرامـي المرجـلة مـا تستـوي غـيـر بعـزوم *** وكـثـر المنـاوي مـا تفيـد الهلامـي تفـريق شوفـتكم عـن العـز حاجـوم *** وتـرى الفعـول الطيـبه لـه زمامـي حـاذور مـن يبـرم عـلى كـل بيـروم *** يضحـك لكـم بالسـن والقـلب دامـي يبسطك بالمهروج والخيـر وعلـوم *** وشفه عـلى خمة وريـدك اشمامـي ولا صار هنا كرعان وهنا لحم كوم *** ما يقبـل العفشات راعـي السنامـي * قال عبدالله بن دهيمش بن عبار هذه القصيدة مجاراة لقصيدة الشيخ صياح بن عوض بن نابت رحمه الله : 62 يـا شـيخ قـافـك كـنـه الـدر منـظـوم *** وضحت مقصود الهـدف بالتمامـي حيثـك خـذيت من التجـاريب تعلـوم *** وحملـت لفعـول المراجـل اوسامي ولا تنوصل طرق المراجل بلا هوم *** ولا يمـدح الـلي ما يخوض الكتامي وترى جناح الطير لا صار مكصوم *** ما يـدرك الصيدات لـو هـو اقطامي ولا أنـت يـا صيـاح حـليـاك صاروم *** يقـصر عن فعـولك خطات الغلامي مبطي لكم بالطيب عـادات واسلـوم *** من صلب لابـه مـا غشاهـم ملامـي قـلتـه وأنا ما قـلـت يا شيخ مثـلـوم *** وفـعـل المفاخـر ما حصيته تمامـي وعـن الخطأ ماني منـزه ومعصـوم *** وأهـل الحظـوظ يثمنـون أهتمـامـي بذلت جهدي وأجتهادي عـن اللـوم *** وعـنـد الـذي مثلك يـزيـد أحترامـي ولا ردي الـشـان بـالنـاس مـذمـوم *** شـفـه يـفـوز بـعـثـرتـي وأتـهــامـي خطـك وصلني بـه تـواقيع وأختـوم *** وأشكرك حيثك دون ربعـك اتحامي ويشره علينا بالقصص كل شغموم *** مـهـمـا حسبـنـا مـا نـعـد الأسـامـي وكل الحمايل ما قرضنا لها اسهوم *** ولا لي مع المخلوق قصد ومرامـي ومن باع حظه بالملأ صار مجـروم *** ولا خـيـر بالـلي مـا يعـز المقـامـي نعـد أفعـال جـدودهـم كـنهـا احـلـوم *** مجـدٍ قـديـم ومـاضي لـه أعـوامـي الــدور هـذا دور عـالــم وتـعــلــوم *** والـعـز صـار لشاطـريـن الـقـلامـي تـم الجـواب ولا بـهـا سـر مـكـتـوم *** لصيـاح أبـو غـالـب أوجـه كـلامـي ثـم الصلاة أعـداد مـن ادوا الصـوم *** عـلى شفيع الخلـق يـوم الـزحـامي * وقال الشيخ صياح بن نابت رداً على عبدالله بن دهيمش بن عبار : 63 سر يا قـلم بالبوك ثـم أكـتـب عـلـوم *** وأرسـل لأبـن عـبار مـني سلامي حي الجواب اللي مسجـل ومرسـوم *** لازم نـجـدد شـكـركــم كــل عـامـي لا صار ما بين العـرب لمسة خشوم *** الطيب أسطـا من خطات الحسامي ذكرك يشـد الـراس والقـول مفهـوم *** بـالـود مـا ذوّب عـلـيـه الـلحـامـي ولا خـطات الـلاش يبـنش وبـه زوم *** جمّـاخ يسـرد من بنـات الرهامـي واشكرك ضاهـر ما بها سـر مكتـوم *** مع الـقـبـايـل وانـشـره بـالكـلامـي يا بو مشعل عن الخطا دوم محشوم *** راعـي حميـة دون ربعـك أتحامـي *- قال االشيخ لشاعر يحيا بن خليفة بن رشدان هذه القصيدة يسند على عبدالله بن دهيمش بن عبار ويعدد مشاهير حمولة الرشدان من مشائخ الفضيل من الجعافرة من ولد سليمان : 64 سـلام يـا رجـلٍ بـطـيــبـه عـرفــنـاه *** عبـدالله الـلي لـه مـواقـف شهيـره تـحـيــة الإســلام لـلـقــرم مــهـــداه *** عـلى الـذي سجل أنسـاب العشيرة وبعد السلام أعطيه خـطي ويـقـراه *** ويـفهـم عـلى مكتـوبـنـا وأتعـبـيـره فـيـه الـدلـيـل مـوضـح كـل معــنـاه *** أرد الـعـدود وخـل عـنـك الحـفـيـره بعـض النسب يكتب ونـاس مخـلاه *** وش السبب يا ستـر ناقض جميـره مـدري خطـأ من الطبع ولا مـداراه *** ولا مـن الـلـي وهـمـك بـالمـسـيـره عايض أخو مبلش كيف أنت تنساه *** الـفـارس المـغـوار ستـر القصيـره عايض بن رشدان سوه على اعداه *** شيخ الفـضيـل وناطحيـن المغـيـره عايض راعي الحيزا جزيله عطاياه *** ريف القصير وعـد جـاره خشيـره وغصاب ابن رشـدان فعـلـه بيمنـاه *** مـع الشجـاعـة والحـبـابـة بصيـره غصاب أخـو مهـرة ربوعـه تـمنـاه *** فـي موقـف مـا فـيـه ينـدب بغـيـره ورشيـد بـن رشـدان يطعـن بشلفـاه *** سمي جنـازة يـوم صارت جـريـره صـارت جـريـره بـيــن ذولا وذولاه *** لولا أخو مهرة كان صارت كسيره وخلـف زبـون الحـرد يـوم الملاقـاه *** خلـف أخـو مزنـة فعـولـه عسيـره ومعتق أبن رشدان والمـدح يزهـاه *** ضـد العنيـد أن كـان نفسه شريـره ومطلـق بـن رشـدان يـوم المـثـاراه *** أخـو هـيـا بالكـون نـفسـه جـديـره وسـعـد ابـن رشـدان لـلـضـد مــاذاه *** عـلى المعادي لـه مواقـف ضريره وفرحان بن رشـدان عـزٍ لمـن جـاه *** زبـن الدخيل أن كان عميت مطيره وسـلامـة الـرشـدان نـعـم بـطـريــاه *** أخـو هـيـا لا صـار بـالـنـزل ذيــره وعـواد ابن رشدان وصفـه وحليـاه *** مثـل الجمـل لا هاج تسمع هـديـره وصلف يحوش البيض مابه مراواه *** تـرفـع لـه الـرايـات فـي كـل ديـره وعقيـل ابن رشـدان لا جيـت تنخـاه *** ثـم أعـتلا من فـوق حمـرا ضهيره هـــده ورده والـفـعــايــل امـسـمــاه *** نـاقـل خـويـه يـوم صـار بجـبـيـره ونهـار هـو وحمود مثـلـه وشـرواه *** لهـم عـلى الطـولات ميـزه وغيـره وعوض ابن رشدان يعرف بذكـراه *** يـبـيـن بالـمعـروف فـي كـل سيـره هـذي فـعـايـل لابـتـي مـا جـحــدنـاه *** آخـذ جزيـل القـاف وأتـرك حقيـره ومـن لا يـعـد الـلي بفعــلـه حسبنـاه *** مـا حصل الـلي بالهـدف يستشيره * قال عبدالله بن دهيمش بن عبار هذه القصيدة رداً على الشاعر يحيا بن خليفة بن رشدان : 65 سـلام مـنـي عــد مــزن دفــق مــاه *** من ديـم هـطـال المـزون الغـزيـره يا مـرحـبـا بالخط والـلي لنـا أهـداه *** والفكـر عـّبر مـن خـوافي ضميـره مكتوب اللي مجنا الصواريم مجناه *** من يحيا بن رشـدان زبـن العـثيـره والـلي يـنـوه للمؤلـف عـن اخـطـاه *** عـنـدي كلامـه مـن كـبـار البـريـره أفضـل مـن الـلي بالدياويـن يشـنـاه *** كـان الحسـد ولـع بـقـلـبـه سعـيـره الـلي عـطـانـا صـح بالخيـر نـجـزاه *** حيـث الغـلط يعـمي لبيب البصيره حيث النسب يا القـرم مابـه محابـاه *** وكـلـن عـلى رايـه يـقـرر مـصيـره والجهد اللي وسط الدفاتـر نشرنـاه *** تـعـاونـوبـه طـيـبـيــن الـســريـــره وإلـى وقـعـنـا بالخطـأ مـا قصـدنـاه *** لـو هـو قـدر مثـقـال حـبـة شعـيـره يفهـمنـا الـلي مثلـك سليمـه نوايـاه *** مـا شـوفتـك يا أبن خليفـه قصيـره لا شك من يخطي عن العوج تنهـاه *** وشرواك ما يقـطع حبـال الجريـره من شاف خملت صاحبه دوم يرفـاه *** وبـيـر الحـزازة ما يحـّرث طميـره ولا أنـت حبلـك يوصـل الجـم مـدلاه *** والحـق يـا مشكـاي كـلـن نصـيـره تـعــتـز بـالـطـيـّب وتـذكـر احـمـيـاه *** عـديـت سمحيـن الوجيـه السفيـره مـن طـاب يفـخـر في فعـايـل دنايـاه *** لـه الـفـخـر وعـلـوم ربعـه كبـيـره ملـزوم يـنصـف بـيـنهـم بالمسـاواه *** ويشوم عن بعض العلوم الصغيره ونعـم بالـلي عديت مبطي لهـم جـاه *** نالـوا فخـرهـم بالسيوف الشطيـره ما ينجحـد تـاريخـهـم كـيـف نـنـفـاه *** يشهـد لهـم بيـرق ملوك الجـزيـره من سـار منهـم رايـة النصـر تبـراه *** وكلـن عـيـونـه للمـراجـل سهـيـره يـوم الردي كوبان فعله عـلى أنثـاه *** عـنـد الحليـلـة حـاس ربـه مـريـره ربعك نهـار الكون شجعـان وارمـاه *** جـعـافــرة لـلـخـصـم دايـم نـحـيـره مهمـا وصفـنـا فعـلهـم مـا حصينـاه *** ويخبرك عن فعـل الحمايـل خبيـره المجد لـو عـديت ما نوصـل أقصـاه *** نـقـولـهـا بـيـن الخـلايـق جـهـيـره عايض ومعتـق مع سعـد يا حلـولاه *** ورشيـد وخلـف ما يطيع المشيـره وغصاب ومطلق ما تسوى سوايـاه *** وفرحان وصلف مبعدين المسيـره وسـلامـة وعـواد وحـمـود يـشــداه *** وعقيـل وعـوض للرفـاقـة ذخيـره ونـهـار وخـليـفـة ومحـمـد ذكـرنـاه *** وصياح من صلب الحمايل وغيـره ومنصور ابـن سعـد بعـد مـا زلهنـاه *** وعشوي منصوب القبيلة وأميـره وأرجـو السمـوحـة في كـلام بدينـاه *** مثـل النفـل فـاح الشذا مـن عبيـره يتبع التعديل الأخير تم بواسطة عبدالله بن عبار ; 07-04-2022 الساعة 10:10 AM |
|
|
|
|
07-02-2022, 11:56 AM
|
#8 |
|
صاحب الموقع
تاريخ التسجيل: Mar 2008
المشاركات: 10,350
|
تابع
قال الشيخ زيد بن عليق الرويضان رحمه الله هذه القصيدة يسند على عبدالله بن دهيمش بن عبار العنزي : 66 يا راكـب الـلـي كـنهـا يـوم تـنسـاب *** سيـل تحـدر مـن عـوالـي اجبـالـه فـجـّا نحـر وأذانـهـا كـنـهـا احـراب *** وخفهـا يشـادي مثـل صبـة ريالـه إلى أوجست من فوقها شال هنداب *** مثـل الغـزال إلـى جفل مـن خيالـه حمرا من العيرات محفوظة ضراب *** لا شـافـت الـزايـر تـزاود اجـفـالـه تـرعـى هيـت ما ساقهـا كـل جـلاب *** اليا ما طلع نابـه وهـي فـي حيالـه المـرو عنهـا لا أنتحـت تقـل نشـاب *** تـشبـه لشيهـان زبـن راس جـالـه حمـرا وتقـلب عينهـا تقـل مشهـاب *** ولا عـديـم وضـاري لـلـشـكـالــــه تلفي على منصاه والبـدر مـا غـاب *** حزت غياب الشمس وصلت مناله عبدالله الـلي بالمـواجيـب مـا هـاب *** عـز الرفيق وعـز مـن هـو عنالـه قـرم عـن الخطـار مـا يغـلـق البـاب *** المرجلـة والطيب هـي راس مالـه والمـرجـلـة مـا حصلـه كـل نصـاب *** الا لـمـن ثـقـل الـحـمـول أرتـكـالـه قـرم العيـال يـثبـت الـطيـب بطنـاب *** والمرجلـة مـا هـي تجي بالسهالـه الا لـمـن عـدا عـلـى راس مـرقـاب *** أمـا بـروحـه أو غـوالـي حـلالــــه أعـتـز بالـلي يفـتـهـم كـل الأوجـاب *** للـقــرم أبـن عـبـار كـز الـرسـالـه ولا الردي والله ما أرسل لـه اركاب *** ولا خـيـر بالـلي مـا يثمـن مقـالـه سوالفـه بانت مع أصحـاب وأجنـاب *** كلـن يـقـول ونعـم لا جـاء مجالـه تـمـت وصلـوا عـدد مـا هـل سحّـاب *** مزن مـن الغـربي يسوقه شمالـه * قال عبدالله بن دهيمش بن عبار هذه القصيدة رداً على الشيخ زيد بن عليق الرويضان رحمه الله : 67 حـي الـجـواب الـلي لفـا فيـه نجّـاب *** مهدى من اللي ماحكوا في خماله مهديه زيد الوايلي ريف الأصحـاب *** عـز الرفيق الـلي مـن البعـد جالـه ماله فخر بالطيب وش عاد لو طاب *** نسـل العـديـم الـلي قـليلـه أمثـالـه أبــوه قـبــلــه كـان لـلـضــد غــلاب *** يـوم الـمـراجـل جـاب حقـه لحالـه خـلا عـدوه طـيّـب الـفـعــل يـرتـاب *** نعـم بأخـو سلـمى اليـا صـار قالـه لا شك من عقب مثـل زيـد ما خـاب *** يحـيـون ذكـره بالمـراجـل عيـالـه الليث مدباس الـوغى حـامي الغـاب *** يـا الـلـه عسـانـا مـا نـدور بـدالـه أبـو محـمـد نـال تـقـديـر وأعـجــاب *** بالطيـب نفـخـر بـه ورب الجلالـه الـوايـلـي مـا هـو للأمـوال حـسّـاب *** تـنفـق يميـنـه دون تـدري شمالـه ريف الذي عضه من الوقـت كـّلاب *** مـن يزبنـه بالملـزمـة طـاب فـالـه والنعـم بالمنعـور عـريـب الأنسـاب *** بـالـجـود مـا وفـر حـلالـه ومـالــه ينفق ويعطي من عطا رب الأربـاب *** يـاعـل عـفـنيـن الـطـبـايـع فـدالـه أقـولـهـا ولانـي مـخـادع ونـصّــاب *** أتـرك سماج القول وآخـذ صمالـه أمـدح جنـاب الهيلعـي ليـس طّـلاب *** بلغـه ولا قـصـدي لـك الله ضلالـه جربت طيب الوايلي وقت الأصعاب *** كـم واحـدٍ عـنـد الـلـزوم أرتـكـالـه ترفع له الرايه على شـم الأهضـاب *** أبـو محـمـد نـفـتـخـر فـي افـعـالـه تـمـت وصلـوا عـدد مـا هـب هبـاب *** على الذي جاب الهـدى بالرسالـه * وقال الشيخ زيد بن عليق الرويضان رحمه الله هذه القصيدة يسند على عبدالله بن دهيمش بن عبار : 68 الـلـه مـن قـلـب تـلـوفــه طـواريــه *** لـوف الهبـايـب للغصون النبانيـب السـد بـاح وهيـّض القـلب خـافـيـه *** وعويت من زود العناعويت الذيب رقـيـت مـرقـاب صعـيـبـه مـراقـيـه *** رجـم تـعـلا بـعـالـيـات الـمـراقـيـب وجدي على اللي دوم قـلبي امعنيـه *** مالي من الخفرات غيـره مطاليـب لـو دلـهـونـي عـنـه مـانيـب ناسيـه *** الـلي سبأ عقـلي بحسن التعاجيـب غـروٍ جمـال البيض كلـه كمـل فيـه *** هو شف بالي من جميع الرعابيب أســج وأدلــه وأتــذكـر مـعــانــيــه *** غروٍ كمـل بالزين والعقـل والطيب وخـلاف ذا دن الـمـرفـع وعـطـنيـه *** مـن نـوع رنـج مكمـلٍ بالمواجيـب من معرضه تـوه لفـا الرنجٍ شاريـه *** يزمي إلى زمت سهال العـباعيـب إلـى تـحـرك يـعـجـبـنـك مـمـاشـيـه *** توحي خنين المرو خلف الدواليب خـلـه بـفـالـه ليـن يـوصـل مناهيـه *** ملفـاك أبـن عـبـار يبـدي بترحيـب عبدالـلـه الـلي كـل ما حـل طـاريـه *** قـرم مـجـرب مـاضي لـه تجـاريـب الشـاعـر الـلي يعـجـبـنـي مـبـاديـه *** أمشي وأفاخـر به بوسط الأجانيب الطيّب أرغب سيرتـه وأفتخـر فيـه *** لـو هو من الأجناب صدق بترتيـب ولا الـردي عـاداتـنـا مـا نـسـمـيــه *** اللي فعـولـه بـس شـذب العـراقيب خـلـه يـولـي جـعـل ربـي يـعـنـيـــه *** الطيـب كـايـد والمـراجـل متاعيـب بـالـلـه نعـوذ مـن الزمـان وبلاويـه *** عصر به الطليان يمشن مع الذيب قـافـي يـا أبـن عـبـار تفهـم معانيـه *** حيثك فهيـم ودارس وقـلبك البيـب اليا ضاق بالي جـيت يمـه وأناجـيه *** وأبدالي الضحكة وهرج التعاجيب وقـلـط دلال راعـي الـكـيـف يبغـيـه *** مـثـل الـبـطـوط مركيـات محاديـب وحـيـل تـقـلـط دوم مـا مـن راعـيـه *** وقول بلا برهان يا مسندي عيـب مـن نسـل وايـل عـارفيـن منـاشيـه *** ما هـوب رعديـد هروجه رباريـب مــن لابــة عـدوهــا دوم تـكــديـــه *** اليا جـاء نهـار والسبايـا جنـاديـب يثـنـون كـان الكـون نـادى مثـاريـه *** عدوهـم خفـراتهـم تشعـط الجـيـب كـم واحـدٍ خـلـوه تـنـهـش ثـنـاديــه *** راجن عليـه الصافنات المهـاذيـب والعذر فعل أجدادنا ما أقدر أحصيه *** من دور ابن كلثوم والزير لشعيب * قال عبدالله بن دهيمش بن عبار هذه القصيدة رداً على الشيخ زيد بن عليق الرويضان رحمه الله : 69 الـقـاف بسـم مـكّـون الكـون بـاديـه *** مبـداه فـي رب المـلأ عالـم الغيـب سـار القـلـم بالقـاف والفكـر يملـيـه *** رد الجـواب الـلي لفـوبـه مناديـب خـطٍ وصـل مـن زيـد يا الله اتحييـه *** سلام عـذيتـه عـن الشك والـريـب حـي الكتـاب الـلي لنـا زيـد مهـديـه *** القـرم أبـن عليق ريف الأصاحيب أبـو محمـد عـز مـن سـار نـاصـيـه *** شرواه ينصى بالسنين الشلاهيـب صيـد القروم اللي عـريبـه مجانيـه *** حـر ومـقـره عـالـيـات الشنـاخيـب النـادر الـلي حاضـره مثـل ماضيـه *** أبـوه أخو سلمى حصان المطاليب أبوه أخو سلمى على الطيب غاذيه *** ريـف الركـاب وللهواشل معازيـب كالحيد من جاله عن الشوب يذريه *** عـوايده ينطح عسيـر المصاعيـب عسى يـفـداه الـلي خبيثـه مهاجيـه *** الـلاش جعـلـه للنـكـد والعـواقـيـب وأنت الـذي مثلـك عليـه المشاريـه *** وأنت الـذي بالغانمـة لـك تجاريـب واليا بغيت أوصف فعـولـه وأحليـه *** ما سار بدروب الخطأ والمعـاييـب الـمـكـرم الـلـي دوم تـبـذل أيـاديــه *** كفه كما الهـداج مـا هـو جراجيـب عـز الرفيق وريـف ضيفه وعانيـه *** ما هو ولد عفـن عـلومه طباطيـب أشـكـر جنـابـه كـل مـا حـل طاريـه *** بمـواقـفـه تـدري جـميع الأعاريـب طـيـبـه تـبـيـّن للـبعـيـد وبـنـيـخـيـه *** وقافي بتمجيده زها فـيه وامصيب من صلب وايـل مـن بعـاد المداليـه *** من دور ابن كلثوم والزير وكليـب تـاريـخ مـجـد وبـالسجـلات قـاريـه *** لهم عـلى ظهـور السبايـا ملاعيب يا أبـو محمـد كـان عنـدك مـنـاويـه *** أجزم على ماتريد والدرب تغريب أن كان قـلبك مقصده شوف غـاليـه *** كـز لـوليـه يـالسنـافي خـواطـيـب كانـه يـريـد المـال بـالـمـال نشـريـه *** لاشك أهلـه أجـواد ماهـم جلاليـب وكانـه حصـل بالجـاه جاهـك يكفيـه *** لـو تطلبه يعطيك من دون تثريـب وأن كـان تـبغـيـنـا نـزوره ونـأتـيـه *** غـز اللواء ويأتون ربعـك جناديب البيـض مـن يطـرد هـواهـن يعـنيـه *** يا ما لعبـن بقـلوبنـا لعـب طرنيـب هـذا كـلامـي وأنـت تـفـهـم معـانيـه *** نظم القوافي يطرب القلب تطريـب * وقال زيد بن عليق الرويضان رحمه الله هذه القصيدة يسند على عبدالله ابن دهيمش بن عبار : 70 القاف هاض وقمت أسجل بالأسطار *** بلاي مـن هـم عـلى القلـب زادي من عقب ذا بدني من الهجن مذعار *** أشعـل يـقـرب نـازحـات الريـادي أشعـل كمـا هيـق مـن الحـس منـذار *** يقطع حقاريص الرسن بالعنـادي يلفـي عـلى قـرم عـلى الكـود صبـار *** عبدالـله الـلي بالفخـر لـه مبـادي مبـداه بالعـليـا ولـوهـي بهـا أخطـار *** عـز الرفيق وعـز من جـاه بـادي مـن حيـن تـلـفي قـلـط البـن وابهـار *** وصـيـنـيـة تـتعـب قـوي الأيـادي يا حيسفـا يالصيـرمـي مكـرم الجـار *** خـليتـنـي مـالـي صـديـق يــنـادي خـليـتـني بالـدار وأكـظـم بـالأعـبـار *** ولامـن صديق ولا رفيـق جـوادي ودي أشوفك وأبهج القـلب بأسـرار *** وأرتاح من هـم عـلى القلب زادي يا حـيـسـفـا عـطيـتـني صـدٍ وأدبـار *** وش جـاك عنـي تنتحي بأبتعـادي حـيـثـك مـن الـويلان حـمـايـة الـدار *** اهل السطر لا حـل يـوم الطرادي ويـلان يـوم الفعـل فـي ذيـك الأدوار *** لهـم عـلـى قـب السبـايـا مـعـادي ربعـك اليا شان اللغـى والدخـن ثـار *** وتعاقبـوا فـي صارمـات الهنـادي تسـقي اعـداهـا سـم بالموسم الحـار *** عـلـى قـدا ولا عـلى غـيـر قـادي لـولا مـحـبـتـكـم فـلا أكـز الأشـعـــار *** وأنا أحمـد الله مرغـدٍ فـي بـلادي * قال عبدالله بن دهيمش بن عبار هذه القصيدة رداً على زيد بن عليق الرويضان رحمه الله : 71 يـا مـرحبـا بـك يـا رسـول لـنـا سـار *** يحمل جواب فـيـه غـايـة مـرادي من زيد ابن عليـق صيروم الأحـرار *** أبـو محمـد قـرب مثـلـه أسعـادي يـا أبـو محـمـد يـا حجـا كـل مـحـتـار *** يا مسندي ماغبت عنكم اعمادي أحــور مـا بــيـن الــمـلأ تــقــل دوار *** يـدور شمشول من الـذود غـادي ودي أجـيك لـك دوم سجـه ومسيـار *** لا شـك يـشغـلـنـي لـوازم أولادي وبه نـاس تنصاني ولا تقـبـل أعـذار *** وتقول تلـقى الحـل عندي وكادي وأن قـلت مـالي بـه يالأجـواد مقـدار *** قالـوا متوهم في كلامـك وغـادي أمشي مع الـلي لـه حشيمـه وتعـبـار *** وأخـاف يلحقني شنـاه وسـوادي وأصبر على طول الوعد والأستنظار *** لجل الذي عاني من اقصا بلادي والـشـاهـد الـلـه دايـم تـقـل باحصـار *** من خلـق ربي كـل ليلـه هجـادي والـلي تخلـص لازومـه صـد بـأدبـار *** أقـفا بحفظ الـلـه ولا يـوم عـادي مـع ذا ولا تـاجـد مـن الـنـاس شكـار *** يـمـر مـا يسـلـّم وكـنـه مـعـــادي دون الكـرامـة نبـذل الجهـد باصخـار *** نجهـد وصيـور المـلأ للنـفـادي بالناس من يرقب على ضلع سنجـار *** وبهم الذي منزالهم وسـط وادي والمعـذرة حـيـثـك كـمـا الـوالـد البـار *** وأسمح خمالي ياعريب الجدادي *- وقال محمد بن زيد الرويضان هذه الأبيات يسند على عبدالله بن دهيمش بن عبار : 72 قـال الـذي يبـدع عسيـرات الأمثـال *** مـمـا لجـأ بالبـال عـدى الرجـومي وقعدت أعـدي في طويلات الأقـذال *** وأحس في كبدي لهيب السمـومي مـتـذكـرٍ مـلجـاي كـسـاب الأنـفــال *** أبــويـه الـلـي أذكــره كــل يــومـي أنـا انتحيت أسباب تغييـر الأحـوال *** وزادت عـلى قـلبي كثير الهمومـي أسند عـلى الـلي لأثقل الحمل شيال *** عبدالله اللي حـاش طيب السلومي القرم اللي عن مسلك الحق ما مال *** هو العوض نسل الرجال القرومي يشـدا هديـب الشـام شيـال الأثقـال *** مـن لابـة يـثـنـون فـوق القحـومـي ما هو عن الصاحب ميول ومختال *** عـن ربعـه يـدافع بصدق العلومـي والمعذرة يا القرم في تالي الأقـوال *** أنـا صغـيـر ولا بـلغـت الحـلـومـي * وقال عبدالله بن دهيمش بن عبار هذه الأبيات رداً على محمد بن زيد العليق : 73 جاني كتـاب مرسلـه شبـل الأشبـال *** محمـد سلايـل زيـد جعـلـه يدومـي يـا مـرحـبـابـه عـدد مـا هـل هـمـال *** ديـم يـهـل مـزون غـيمـه كتـومـي والـدك قـرم ولـلـصـعـيـبـات حـمـال *** عـلمـه شهيـر وللمعـانـي يرومـي يزبن عليه اللي حـداه أشهب الـلال *** زيـن الـنبـا عسى فـداه الرخومـي يفـداه هـيس غـايـتـه يجمـع الـمـال *** لـو كـان تعجـب سكبته بالهـدومي أسندت لي واشكرك يـا طيّـب الفـال *** قلبك على الوالد شفوق ورحومي والله لولا ظروف شغـلي والأعمـال *** لا أبات عنـد الصيرمي كـل يومـي عند أخو سلمى على ونسه وفنجال *** وسـوالـف تجـلي كثيـر الهمـومي هـذا كـلام الـلي بـنظـم الشـعـر نـال *** معه على القيفان رخصة عمومي يتبع |
|
|
|
|
07-02-2022, 11:59 AM
|
#9 |
|
صاحب الموقع
تاريخ التسجيل: Mar 2008
المشاركات: 10,350
|
تابع
قال عبدالله بن دهيمش بن عبار هذه القصيدة بالتضرع والدعاء وطلب الهداية من الله وقد تفاعل مع هذه القصيدة عدد من الشعراء : 74 يـا لـلـه يـا رحمـن يـا خيـر مطلـوب *** يــارب غــيــرك مـالــنـا رب ثــانـي يـالله يـا جالي صدى حـزن يعـقـوب *** عـقـب التـوجـد والـرجـاء والتماني يـدعي ودمع العـين بالخـد مسكـوب *** يـا رب يـا رحـمـن تـرحـم كـيــانــي جاه القميص وشم بـه ريح محبـوب *** وعـاد البصـر من يوم جته التهاني يـا فـارج الشـدات عن عبـدك أيـوب *** أطـلب نـجـوحي كـان صار أمتحاني في ساعـة يلفح على الوجه لاهـوب *** يـوم الحشر به واهج الشمس داني أجسامنا تجـزع مـن البرد والشـوب *** والـنـار مـا نصـبـر عـليهـا ثـوانـي يالـلـه لا تجعـــل لـنـا بالخطـأ ذنـوب *** نـطـمـع بعـفـوك يـا كثيـر الحسانـي يـا غـافـر الـزلات يـا قـابـل الـتــوب *** عــلـيـك يـا رب المـلأ صلـح شـانـي لك ابتهل تجعل مسيري على صوب *** وعـلى الصـراط المستقيم أتهدانـي عساي أكون من أهل الخير منسوب *** وأطـاوع الـلي عـن خـطايـه نهانـي نـويـت أوفـر لحيتي وأقصـر الـثـوب *** وأشوم عن لعـب الورق والأغانـي نويت أغض الطرف عن كل رعبوب *** وأكـف عـن شعــر التـغـزل لسـاني وأعرض عن الغايب ولوفيه شاذوب *** وأصفح عن اللي في كلامه هجاني والعـبـد مـا يلفـظ مـن القول مكتـوب *** يـا رب مـن ظلـم الـعـبـاد أتحمانـي أعـوذ بـالـرحمـن عـن كـل مغـضوب *** قــريـن ســؤ ولـلمعـاصـي دعـانـي أبليس أخـو مره عـلى الشر منـدوب *** يـا رب عـنـي تـقـعـلـه كـان جـانـي مـن طاع شوره عرضه كل عـذروب *** حـتـى يحـطـه فـي وضيـع المكانـي عصر الجهالـة زل والعـمر محسوب *** الـعــمــر مـهــمـا طـال لابـد فـانــي دنياك يـا لغـافـل بهـا الوضع مقـلوب *** تـرمـيـك مـا بيـن العـلا والطمانـي يـا مـا هفابـه مـن جماهيـر وشعـوب *** راحـوا وساقتهـم ظـروف الزمانـي مثـل السفينـة ساقهـا مـوج سالـوب *** يلعـب بهـا العاصوف دون الموانـي لاشـك مـن لا يـتـبع الحـق مـغـلـوب *** ولا يسهـج الواجـب لكـود الهـدانـي يـا حـميّـد الملفي بـالأضلاع لا تـوب *** ومـن بـان شيـبـه فاختـتـه الغـواني لا تخـاوي الا كـل طـيـب ومـنجــوب *** خـاوالفهـود ولا تخـاوي الحصانـي وأبعـد عن الـلي عنده الحظ مجلوب *** يضحـك عـليـك وتحسبـه معشرانـي تـم الجـواب وطيّـب القـول مرغـوب *** يخـتـم بـذكـر الـلـه وذكـره كـفـانـي وصلوا على من سار في كل ماجوب *** المصطـفـى نـزل عـلـيـه الـمـثـانـي *- وعندما أنتشرت هذه القصيدة أعتقد بعض الأصدقاء أنني قد أقـلعت عن نظم الشعر فقال الشيخ خلف بن ذيب بن جهبل أبو زهرة الخمشي هذه القصيدة مجاراة لقصيدة التضرع والدعاء : 75 يـا الـلـه يـا عـلام فـي كـل مكـتـوب *** أطلـب عن الـزلـة عسـاك أتحماني عـلـمٍ لـفـاني صـار للفـكـر سالـوب *** شوش ضميري عن كثيـر المعانـي يقول ابن عبار أريـد أقصـر الثـوب *** وأبـي أشبـك اللحـيـة لحـد الأذانـي مـن تـاب خلاق الملأ يقبـل الـتـوب *** يـتـوب عـن زلات لـفـظ الـلـسـانـي الدين يا ابن العـم طيّـب ومرغـوب *** ومن عرفـتي لك ما تحـب الهـواني ولا انت مبطي قيل بالطيب منجوب *** تفهـم وبيـن النـاس مسني وسـاني أفطن ترى الأيمان بالقلب مصبوب *** والعمـل يصلـح بالعـلـوم السمـانـي وأنت الذي لك جيد الشعر منسـوب *** والـقـاف يـبـنـا مـثـل بـني المبانـي بالقاف جزل ولا ذكر فيك عـذروب *** وجزل الشعـر يبقا لو العـمـر فانـي لا تـترك القيفان في سلم واحـروب *** ومن يـبـذر الإحسان للـزرع جانـي وكم واحدٍ شفته من إبليس مركوب *** لـو بـان ساقـه تقـل ساق أكرواني لا تقلد اللي إلى مشى تقل مرعـوب *** ولا تـأخـذ المقـصـد بتفسيـر ثـانـي وصـلاة ربـي عـدد مـا لـف دالـوب *** عـلى رسـولٍ صـار بـأعـلا مكانـي وقال الشاعر حميّد بن خلف الملفي هذه القصيدة رداً على قصيدة عبدالله بن دهيمش بن عبار : 76 يا الـلـه يا فـراج عـن كـل مـكـروب *** يـا عـالـم بسـر الـخـفـا والـبـيـانـي ومن بعـد ذكر الله نظمـت مسحـوب *** يهدى لأبـو مشعل عريب المجاني الشاعر الـلي بالقصايـد لـه أسلـوب *** عجبـت من قـافـه غميق المعـانـي يـقـول أوفـر لحيتي وأقصـر الثـوب *** ولا عاد أناظـر في رهيف الثمـاني أجـزم عـلى ما قـلت ما فيه ملعـوب *** وخـذ النصيحة من نحيطـر وبانـي ولا أنت مبطي ما ذكر فيك عـذروب *** من عـرفتي لـك للخطـأ مـا تـدانـي حـتى من التنبـاك ما ذقـت مشـروب *** تدي الصلاة ولا تركـت أرمضانـي وأظـن مـا يخـفـاك يالـقـرم ماجـوب *** ولا تصاحـب الا مطلقيـن اليمـانـي ولابك يا بو مشعل عذاريب وعيوب *** والحمد لله ما انت مشـرك وجـاني علمك يشرف مانت يالقرم مسبـوب *** والضيف تفرح به إلى جاك عـاني * ورد الشاعر خالد بن رمضان السويلمي على عبدالله بن دهيمش بن عبار : 77 يا الله يا مدير الهوا وكاشف النـوب *** يامن خلقـت أضلاع عبدك محانـي يا الـله جنبـنا الخطـأ وكـل عـذروب *** يـا رافعٍ نجـمـة سـهـيـل اليـمـانـي يا منبت الأشجار من شتل وأحبـوب *** يا رب لـلـدرب الصحيح أتهـدانـي ومن بعـد ذكـر الله سطـرت مكتـوب *** ما طاف في فكري لفظ بـه لسانـي ولا خير في هرجٍ على غير ماجوب *** ومن يترك الواجب يسمى هـدانـي يقول أبو مشعل نويت أقصر الثوب *** وأغضي عن اللي يكحلـن العيانـي عن التغزل والهجاء قال أبي اتـوب *** تـوبـت نصوح ومرتجي للحسانـي قافـك يا ابن عبـار بالسبك مصبـوب *** مثل الذهب في جيد عـذي الثماني طالبـك حيـث أنـك قـرابـة ومحبـوب *** عنـد الرفيـق وعنـد قاصي ودانـي درب التعصب جنبه وأهرب اهروب *** عـن التعصب يا عـريـب المجانـي أعطيك شوري كان لك فيه مرغوب *** مار أستمع نصيحـتي لا أتعصانـي الـديـن يا ابـن العـم للعـبـد مطـلـوب *** اللـه لـه الطاعـة عـلى المـودماني وطاعت ولي الكون له عـدة أدروب *** ممشاك أعـرف أنه عليهن ترانـي من طاع ربه عن سناالنار محجوب *** وأنـت الـذي لـلـعـايــزة مـا تـدانـي وأنـا نـخـيـتـك يـا بـعــد كـل زاروب *** أفـهـم جـوابـي يـا فهـيـم المعـانـي بالناس من يصمل وبالناس لاعوب *** فـيـهـم تـقـي وفـيـهـم الشـقـلبـانـي وبعض الملأ يالقرم يعطيك عرقوب *** مثـل العـزوم الـلي فصـخ للعنـانـي ومن خاب فعله بالمخاليق مسبـوب *** ولا بـد مـن تكدير صفـو الـزمانـي صـل وترحم وأنت يالقـرم موهـوب *** أمـا عـن الأشـعـار هـذا أمـر ثانـي نبغـيـك تـنـطح دونـنـا كـل مـذهـوب *** ترسي كما ترسي الحيـود المتانـي سورٍ عن الويلان مبني من الطـوب *** ويـفـدونـك الملسـون والهلقمانـي صلواعدد ما تكهف الشمس بغروب *** على الرسول أعداد نبت أقحوانـي * وقال عبدالله بن دهيمش بن عبار هذه القصيدة جواب لقصيدة خالد بن رمضان السويلمي : 78 مـبـداي بـالـلي يـطـلـبــه كـل طّـلاب *** رب الـمـلأ عـلام ســر الغــيــوبـي رب الملأ نـدعيـه فـي كـل الأوجـاب *** حين الصباح وحين وقت الغروبي بامره يسوق الموج بالهوج سحّاب *** وبـامـره يصرفهـا شمال وجنوبـي وبل المطر ينبت بها خضرالأعشاب *** ويحيي هواميد الشجـر بالخبوبـي يا الـلـه يالـلي مـن ترجـاك ما خـاب *** بحسناك يـا رحمـن تستـر عيـوبي يـا رب يـا تـايـب عـلى كل مـن تـاب *** يـا غـافـر الـزلات تـغــفــر ذنـوبـي ومن بعد ذكر الله نويت أكتب كتاب *** جـواب لـلي وجـه الشعـر صـوبـي جتني رسالة من عزيزين الأصحاب *** وهذا جوابي عن حضوري ينوبي خالـد بـدابـه وأرسله زاكي الأنساب *** يقول أهرب عـن التعصب هروبي وبديارنا ما مـن تعـصب ولا أحزاب *** أيـضاً ولا يـوجـد خـرافــه ولـوبـي مـا نـتـّبــع مـلـة مـخـادع ونـصــاب *** ولا نـستـمـع لـلي بـديـنـه لعــوبـي نسمع حديـث بـكـل منبـر ومـحـراب *** تخشع لـقـولـه قـاسيات القـلـوبـي يـا خـالـد السنة بـهـا خاطـري طـاب *** نويت أبا أقلع عن عواج الدروبي لا تـنتـقـدنـي كـان حفـيـت الأشـنـاب *** ولا تنتـقـدني كـان قـصرت ثـوبـي والـتـتـن تـركـتـه وأنـا كنـت شـرّاب *** نقصه عـلى اللي ينقـله بالجيوبـي والشعـر ناخـذ منه ما نال الأعجـاب *** قبـل يجـي نبع القـريحـة نضـوبـي نبحـث عن الحكمه ونختار ما صاب *** ونترك عجاريفه لخطو العجـوبـي شعـر الغـزل والـوجـد لـلزور نجـاب *** منشاه من نسـج الخيـال الكذوبـي وشعر الهجاء به يرتدع كل مغـتـاب *** حيـثـه مـثـل رد الـنـقـا بالحروبـي لكـن نـبي عـن الخطـأ نـقـفـل البـاب *** ولا ضاع لي عنـد الخلايق ذهوبي أبي أجتنب يا مسندي قشعت الـداب *** جـنبـتهـا ولا عـاد شفـتـه أيـدوبـي ومـن لا تـدرى مـزقــه طــوب ثلاب *** ومن يدعس الجمرة كلاه اللهوبي لا وفـق الله مـن يـجـرون الأسـبـاب *** ومن لا يدافع عـن حماه أمهزوبي واللي جلب حظه من الظلم ما هـاب *** يـبي النصـر لاشـك عـاد مغـلوبـي الـلـه يـزيّـن عـلمـنا عـنـد الأجـنـاب *** وعـساي عـند الغانمين أمحبـوبـي عـن داعي الشيطـان جنبـت مجناب *** وبعض الملأ شفته ركبهم ركوبـي كـم واحـدٍ لبلـيس قـاود وهـو شـاب *** حتى غـدا مـن الكبر عـودٍ أيحوبي غرقـان في دنيـاه والموت ما غـاب *** مـن بـاغـتـه خـلا مكـانـه أيهـوبـي والعـبـد مهمـا عاش يقـفـاه سرداب *** ينـقـاد لحتـوف المنايـا مغـصوبـي وآخـر مصير العـبـد مدفـون بتـراب *** في جـوف مظلم ما يجيه الهبوبـي وصلوا على المختار محمود الألغاب *** يشفع لنـا عـن حر نـار اللهـوبـي * وقال عبدالله بن دهيمش بن عبار رداً على قصيدة الشيخ خلف بن ذيب ابن جهبل أبو زهرة والشاعر حميّد بن خلف الملفي والشاعر خالد بن رمضان السويلمي : 79 سـر ياقلم بالطرس وأكتـب مكاتيـب *** فاض القريض وللقـوافـي نـظـمنـا بـديـت وأسندت المثايـل لأبـن ذيـب *** قـرم العـيال الـلي لـقـولـه فـهـمـنـا جـاني جـواب الوايلي ماكر الطـيـب *** خلف بعالي الصوت نادى وزهمنـا دام إتـبـاع الـحـق مـا فـيـه تـثـريـب *** عـن الـذي يخطـي عـلـينـا حـلمـنـا نعــوذ بـالـلـه مـن كـلام القصاصيب *** الـلي جـداهــم يـنهـشون بـلحـمـنا يـا خـلـف يكفـي هومـنا بـالعـراقيـب *** لويـن نـبـقـا فـي جهـلنـا وغشمنـا يـكفـي غـوانـا يا خلـف بيّـن الشيب *** هـذا الـوقـار الـلي بـه الله حـشمنـا أفطن ترى التسويف يالقرم مايثيب *** خبنـا وخسرنـا كـان ما الله رحمنـا تطبيـق سنـتنـا فـروض ومواجـيـب *** ونـبـيـنـا مـا غــشـنـا ولا ظـلـمــنـا مـا سـنـه الهـادي هلابــه وترحيـب *** نـعـفـي لـحـانـا وللشـوارب نهـمـنا والديـن يـا مشكـاي مابـه عـذاريـب *** ومـن فضل رب البيت حنا عـزمـنا نمشي مـع النسـّاك وأنصلح العـيـب *** وأن سـاعـد الرحمن حـنا ألتـزمـنا كـنـا لـدخـان الـسـجـايـر شــواريـب *** واليوم ربـي عـن شرابـه عصمنـا وكـنا لـبـالـوت الفـرنـجي لـواعـيـب *** والـيـوم عـن لـعـبـه لك الله شـمـنا وتركـت منطوق الغـزل بالرعـابيـب *** الحـمـد لـلـه عـن مجـالـه جـزمـنـا لـو كان ماني من حساب النواصيب *** ولا يـوم لـلـطـرق الـرديـة هجـمنـا كنـا نـنام إلـى الضحى دون تـرتيـب *** واليـوم لا نـادى المنـادي جـهـمنـا والعبد يخطي يافتى الجود وأيصيب *** لـو كـان صلـينـا ولـو كـان صـمنـا ما بـين ترهيب العـقـوبـه وترغيـب *** وعسى الولي مـن جنته مـا حرمنا *- وقال خالد بن رمضان السويلمي هذه القصيدة يسند على عبدالله بن دهيمش بن عبار : 80 هات القلم صياح وأحضر لنا النـوت *** هات القلم والبوك وأحضر دواتـه هات القلم يا مسندي وأكتب ابـيـوت *** قـافي كما الشهـد المصفى حلاتـه زامت بحور الشعر وغرقن اليخوت *** ربـانـهـن قـلـبـي يـجـر أنـهـتـاتــه واليـوم يـا صياح مـا ينفـع أسكـوت *** الـربـع كـلـن قـام فـي واجـبـاتــــه صـيـاح عـاونـي قبـل فـايـت الفـوت *** واللي طلبته يا فـتى الجـود هـاتـه احجز على ترنيد أسبق من الصوت *** جـديـدة الـتـصـنـيـع بـمـحــركـاتـه تـرنـيـدوا مسمـاه مـا هـيـب داكـوت *** حـديـثـة التصلـيـح بـمـواصـفـاتـه لـو تـنـرمي بســكـود ولا ابـتـريـوت *** اتــذوّب الـصـاروخ مـع ذبـذبـاتـه بيـن السمـاء والغيم يشوتهـا شـوت *** من حاز نوط العـرف مع جايزاتـه دونـك جـوابي نـاظـمه نـظـم ياقـوت *** وصلـه الـلي للمجـد كـرس حياتـه صياح هـاك الخـط بالضرف مكبـوت *** وصلـه اللي عـز القبـيلـة مـنـاتـه وصله اللي بالفهم والعـرف منعـوت *** عـبـدالـلـه الـعـبـار هـو منـتهـاتـه هـو شاعـر الويلان بشهود وأثبـوت *** الـوايـلي يشكـر عـلـى مـولـفـاتـه عـبـدالـلـه الـلي حـاز ثـلاثـة أبـتـوت *** شعر وشهامة والكرم من صفاتـه مـن لابـة عـدوهـم يـجـرع الـمـــوت *** وعـدٍ يـبـونـه مـا تـفـكـه احمـاتـه بالطيـب يـوم الناس ما تاجـد القـوت *** مـن ضـافهـم يشـبع ويملأ عباتـه تـاريخـهـم بالطيـب حافـل ومنحـوت *** على سهل وصخور صعبة طلاتـه ومـني تحيـه عـطـرها فـاح بخـبـوت *** مـع السـلام وشـكـرنـا مـرفـقـاتـه * قال عبدالله بن دهيمش بن عبار رداً على خالد بن رمضان السويلمي : 81 بديت باللي عـاد يونس مـن الحـوت *** من عـقب ما هو بالغياهب مبـاتـه ندعوه باسمه دوم بخشوع وأقنـوت *** من طاوعـه يقبـل دعـاه وصلاتـه ومـن بـعـد ذكـر الله سجلـت بكـروت *** رد الصديـق الـلي وصلنا اكلماتـه ما كز مندوبه على جموس وأفروت *** عـنـا لـنـا الترنيـد من حسن ذاتـه هرجـه صحيح وكل ما قال مسبـوت *** جـاني رسـولـه ثـم جتـني وصاتـه وأن جاله المكتوب ما طش مزتـوت *** مـا حـطـه الشغمـوم مع مهملاتـه مجناه من لابة لها حظوظ وأبخـوت *** دهـامشـة مـا يـقـربـون الشـمـاتـه ولا قلت هرجٍ يا فتى الجود ممقوت *** عسى يفـداك الـلي عـلومـه بهاتـه ثرثار ما يقدر على صمت وأسكوت *** وعـلى الـقـرابـه دوم يـرفع قـناتـه يزمر وضيع الشان والفعل سربوت *** وإلـى بـدأ الـلازم يشـابـه خـواتـه دايـم لـسـانـه بالـديـاويـن مـفـلــوت *** مـثـل الـمسجـل مـا تـمـلـل لـهـاتـه لا شفت زوله قلت مثل ابن شفلـوت *** وإلـى بخنتـه مـا صديقـك اسواتـه أعـوذ بالـرحمـن مـن كـل عـكـروت *** يشمت عـبـاد الـلـه والطيـب فـاتـه والضرس له مقلاع لاصار منخـوت *** لازم تـشـيـلـه مـا يـفـيـدك ثـبـاتــه والحنظلـة مـا ظنـتي تـنـقـلـب تـوت *** والغـرس يطلـع مثـل بـذره نبـاتـه ومجهودي المبذول يالقرم مفتـوت *** أجهـد عسى الشاني يوقف شناتـه مهـما بـذلـت الجـهـد لا بـد مذهـوت *** مـن ولـف أستهدف وتكثـر لغـاتـه لا شك ماني عـند الأجـواد مشمـوت *** والـثـور خـلـه مـا يـفـارق فـلاتــه وقال الشاعر حميّد بن خلف الملفي هذه الأبيات يسند على عبدالله بن دهيمش العبار : 82 بديت بسم المعتلي مجري الأفـلاك *** رب المـلأ المعـبـود والـي الدلايـل يا خـالـقي بالمـبتـدأ نلفـظ اسمـاك *** ومن بعد ذكرك هاض زين المثايل يا ابو مشعل بالطيب تطول يمناك *** جـمعـت مـجـد الطيـبـيـن الحـمـايـل الـلـه يفكـك من معـاويـق الأدراك *** مـجـدت ربـعـي كاسبـيـن الـنـفـايـل وش السبب يا الوايلي لا عدمناك *** تـهـمـل قصصنـا يا كريـم السبـايـل مـا دام حـنـا للقصـايـد عـطـيـنـاك *** والـلي نشـرتـه نعـتـبـرهـا جمـايـل نشـرت عـن ذولا وخـلـيـت ذولاك *** وعـنـاز تـقسـم يـالسنـافـي قـبـايـل * قال عبدالله بن دهيمش العبار رداً على حميد بن خلف الملفي : 83 يا حميّـد الملـفي نرحـب بشـرواك *** وحـنـا عـن اللابـة نشـرنـا القلايـل كب العلوم اللي بها كون واعـراك *** نشـر الفتن مـا جـاز والشـك زايـل سجلـت بالأنساب أصلـك ومجنـاك *** وعـنـاز فـصلـتـه بطـون وفصايـل وكـم واحـدٍ يالقـرم فـارس وفـتـاك *** مامـن وراء ذكـره بالأفعـال طايـل تـلـقـا حـفيـده يـدبـل الكبد حيشـاك *** مابه سـوى النمـة ونـقـل النقـايـل عندك خبر حطيت بالجيب مسواك *** ولا أريـد بالمخلـوق ذكـر الـدبايـل * قال الشاعر حميّد بن خلف الملفي هذه القصيدة يسند على عبدالله بن دهيمش أبن عبار وقد حذف بعض الأبيات التي تحتوي عليه من أطراء : 84 بديت بسم اللي عـلى الخلق رواف *** الـواحـد الـلـي كـلـنـا نـسـتـخـيـره ومن بعد ذكر الله سويت أنا القاف *** يقـولـه الـلي بـادعـه مـن ضميـره والقاف نظمه يبي ترتيب وأرهاف *** مثـل الجـواهـر يـوم توزن قـديـره قافي على كيفي وأنا أقول ماخاف *** وربعي هـل العادات عنـد المغيـره اللابـة الـلي بالـلـزم فـعـلهـم نـاف *** وعـدوهـم ارغـاه يـسـبـق هـديـره ومقدامهـم بالكـون نايـف ونـواف *** ودهـام نـعـم فـيـه شيـخ العـشيـره عــدوهــم يـبـقــا ذلـيــل وخــواف *** ولا همهـم هـرج الخبـيـث العثيـره يوم أنها بدور المغازي والأسلاف *** عـلـومـهـم عـنـد القبـايـل شهيـره هـذي علـوم ماضيه ليس تنشـاف *** الـخـوف راح وبـدل الأمـن غـيـره وأرسل لأبن عبار يا وي من قـاف *** عـبـداللـه الـلي عارف كـل سيـره عـز الـرفـيـق ولا أحـدٍ قـال بــلاف *** وعـز القرابـه والخوي والقصيره * قال عبدالله بن دهيمش بن عبار هذه القصيدة رداً على الشاعر حميّد بن خلف الملفي : 85 سـلام لـلـي يــمـنـا وجــه الـقـــاف *** حميـّد الملفـي عـسى الله يـجـيـره يـقـولـه الـلـي للـتـمـاثـيـل صـراف *** يصـوغ قـيفـان القـصيـد العسيـره يا بن الذي يفرح بهتاش الأضياف *** لا جـوه طـاويهـم بـعـيـد المسيـره يا شوق غرو قرنها تقل صفصاف *** يلعـب بـه الغـربي بجـال البحيـره الجادل اللي غرهـا بيض وأرهـاف *** من شافها صابه مع الوجد حيـره يا القـرم قيفانـك عـذيـات وألطـاف *** غـرفـت من نبع البحـور الغـزيـره مـدحـت ربعـك يـوم للخيـل رجّـاف *** كـم هجمـة بالكون حاسوا مريـره يـوم المراجل بالمشوك والأسياف *** تشهـد لهـم بالطيـب كـل الجـزيـره مدحتني واشكرك يا نسل الأشراف *** نطلـب مـن الله يالـزميل الستيـره شبهتني لـلي احتمى كـل الأطـراف *** شيخ سيوفـه يـوم تطعـن شطيـره هذاك صولاتـه من التنف لخسـاف *** يودع عـلى جمع المعادي جريـره والناس شـتى بالطبايع والأهـداف *** أدخل عـلى الله ما مسيري مسيره الواجب أنك تبدي المدح بانصـاف *** والمـدح مـن غيـر الفعايـل معيـره ولا فيه رجل غير معدود باوصاف *** والكذب يا حميّـد احباله القصيـره ولا تنعسف دنياك يا حميد اعساف *** أنشـد وتـلقـا العـلـم يخبـر خبيـره أفهم جوابي وأعرفه وأنت عـراف *** والطيب الـلي تشكر النـاس خيـره * وقال حميّد بن خلف الملفي هذه القصيدة أيضاً يسند على عبدالله بن دهيمش بن عبار : 86 سميت بسـم الله منشي الـرواعيـد *** محيي الخـلايـق والعظـام الهميـده ومن بعـد ذكـر الله نـبـدي بتمجيـد *** الـقـرم أبـن عـبـار حـيـثـه ولــيـده من ساس لابـة باللـوازم صنـاديـد *** أهـل المـراجـل والعـلـوم الـبعـيـده يا كاتـب التـاريخ يـا أبـن الأوالـيـد *** سـويـت كتـبـك لـلقـبـيـلـة عـديـده اهـل الحمية مثل عنتـر وأبـو زيـد *** وأهـل الشجاعـة والعلوم المجيـده كتبت عن وايل وبشر وضنا عبيـد *** تنشر لك البيضاء براس الجريـده ويفـداك هـلباج عـلـومـه سراميـد *** يقصر عن اعمالك ولا الطيب بيده وأرجوك تسمح يا زبون الرعاديد *** عجزت عن مدحك وأنا أريد أزيده قـلتـه وربـعي يعـرفـون العـواويـد *** وجدي ضويهـر لـه فعـايل حميـده يشهـد لنـا مذهـان وذعـار وعبيـد *** والكـل يشهـد للشجاع أخـو عـيـده جـاب المناسر مـن حلال الأكاريـد *** والنعـم بضـويـهـر يـضـد العـنـيـده ولا فـعـل فـيـاض مـابـه تجـاحـيـد *** فـيـاض خـصمـه باللـوازم يصيـده وصلواعلى محمد لكل العرب سيد *** مرسـال رب البـيـت يرشـد عبيـده * قال عبدالله بن دهيمش بن عبار رداً على حميّد بن خلف الملفي : 87 جـاني كتابـك بـه مـدايح وتمجـيـد *** وعـلـيـك مـردود الـقـوافـي نعـيـده يا مرحبابـه عـدد ما تخضر البـيـد *** وأعـداد ما يقطف غرايس حصيده يا حـميـّد الملفي قـريـت الأنـاشيـد *** وأعجبت في قولك ومعنا القصيده هرجـك عدل يالقـرم مابـه تـراديـد *** وأطلب لعـل سنين عمـرك مـديـده قـولـك تمـام ولا بهـرجـك مـنـاقيـد *** تـعـتـز بضويـهـر ونـعـم بحـفـيـده وحنـا بعد نجهد على الحق تجهيد *** ونبـحـث ونـدور العـلـوم الـوكيـده نفخـر بـأخـو بـتلا ونعـتـز بـمهـيـد *** ونـبي العـلـوم الطيـبـة والمـفـيـده ودايـم نعـدد مجـد الأبطـال تعـديـد *** وندرى البخت والحظ يوم الوعيده وأرجو عسانا نسدد القول تسديـد *** عـن نقد هرج أهـل العقول البليـده والوضع يا مشكاي يحتاج تمهيـد *** ولا قـلـت للـقـاري أعمـالي فـريـده أن كان قولي صدق هذااللي أريـد *** الـلـه يـثـبـت مـن مـشى بالعـقـيـده وكانه خطأ لابد يا القـرم مـانعـيـد *** وكلـن يعـبـر عـن مخـازن رصيـده يا سامعين القـول من دون تفريـد *** صلوا عـلى الهادي اعماله رشيـده يتبع التعديل الأخير تم بواسطة عبدالله بن عبار ; 07-02-2022 الساعة 09:44 PM |
|
|
|
|
07-02-2022, 10:27 PM
|
#10 |
|
صاحب الموقع
تاريخ التسجيل: Mar 2008
المشاركات: 10,350
|
تابع
*- أما الشاعر جريد بن عوض بن صحن الغضوري العنزي فقد كان بينه وبين زميله عبدالله بن دهيمش بن عبار عدد من قصائد المساجلات وذلك من خلال وجودهما في المنطقة الجنوبية في الأعوام 1388هـ وما بعدها قال الشاعر جريّد هذه القصيدة يسند على عبدالله بن دهيمش العبار : 88 يـا راكـب مـن عنـدنـا فـوق كنفيـر *** سـريـعـة الـمشـوار بـمـدرج القـار أسـرع من الـلي طالعـن الصقاقيـر *** ولا كما الـلي بيضهـا باوس الغـار تحـركت مـن عنـدنـا نوضت الطير *** وفي ربع ساعه واصله لأبن عبار وإلى وصلت القرم عطـه التباشيـر *** عـطه الكتـاب وبلغـه كـل الأسـرار أسـجـل المـكـتـوب يـمـك بـتحـريـر *** وأعطيك يـوم ونصف ليلة ابمقدار عجـل مـرده تـرى جـني حـواشيـر *** غـدالهـن عـنـدي مـوارد ومصـدار غـدالهـن وسـط الضمايـر محاديـر *** ودليت أسجـل بالقلم قدر ما اختـار بالبوك لكـم أصـور القـيـل تصويـر *** وأبدع غزيرالقاف من جم الأبحار مـا نـاخـذه يـا مـسنـدي بالـدنـانيـر *** ولا مكاسر بـه يا فتى الجود تجـار لا شـك نـاخـذ بـالـلـيـالـي تـعـابـيـر *** نـبـي انـتسلا مع تـنـاظيم الأشعـار إلـى نـويـت القـاف جـبتـه بتيسيـر *** الفـكـر يـمـلي والقـلـم يـشـر أشـار جاكم شعيب يطمـر الحـزم وايزيـر *** وادي الرمـةلا فـاض بايام الأمطار أرسل كلام الصدق ما هي معاذيـر *** والعـذر مـا يقـنع مـن الربع خطـار يا القرم ما نقبل هروج المصاخير *** والقيل ما قـلته على همش الأخبار متجمعـه عتبـان وعـنـوز ومطـيـر *** عنـدي شهود بكـل ما قـلت حضّـار وحنا هـل الطولات بالشـر والخيـر *** لـو جاني خطك ماحكي لك بالأنكار يا شـوق هنـوف تـربي الـدعـاثيـر *** أقسـم بـرب الـلي لـه الـنـاس زوّار لـو قـيـل خـطـك فـوق ولا تحاديـر *** حلفت لك غيـر أوصله وين ماصار أرسـلـت للمكتـوب جملـة مـداويـر *** مـن شانكم نعطي البلايس بالأذكار ويحرم عليه كود أسوق المخاسير *** ولا خير باللي من الرجاجيل مكـار * وقال عبدالله بن دهيمش بن عبار هذه القصيدة رداً على الشاعر جريد ابن عوض الغضوري : 89 ياراكب اللي دوم تمشي على انبير *** للجـو تصعد حين يضغط لهـا زرار بالجـو طارت تسبق الريح بالسيـر *** من نوع ميـق وتتسع لأربع أنفـار مـلاح ومساعـد وراصـد وشنفـيـر *** تمشي بسيد البوصلة وزن واعيار تروحت من عندنـا وقـتهـا عصيـر *** تحمل رسالة من يمين ابـن عـبـار جاني مـن جـريّـد جـواب وتعـابيـر *** حيه وحي الـلي كتب خـط الأسطار مرسل من جريـد عشيـر المناعيـر *** الغـضوري من عـزوة تاخـذ الثـار يـوم الـفـخـر بمصقـلات البـواتـيـر *** يـروون لـدنـات الـقـنـا وكـل بـتـار أدنـاهـم الـلـي بـالـلـقـا كـنـه الزيـر *** صنديـد بـاتع يـدحـر الخصم جبـّار يابن عوض ما قلت بالهرج تزوير *** لا شـك فكـري بالمخـاليـق محـتـار دونـك مـرد خطـوطكـم والأساطيـر *** ويفداك من يهمل وعـنده أستهتـار أهديك شوري كان تقبل من أيشير *** ولا أنت ترجع لك مباهيم الأشـوار حـنـا لبـعـضنـا بالـلـوازم منـاصيـر *** والرزق عند الله على الخلق قهـار قـلتـه وعندي لـك حشيمة وتوقيـر *** وأنا بالـلي شرواك يا القـرم فخـار أن جاك مني يا فتى الجـود تقصير *** أفطن ترى يمحا الذنوب الأستغفار الجـو تعصـف بـه زوابـع معاصير *** والهـرج يا مشكـاي للكبـد مسمـار أن كان سيلك يطمر الحزم وايزيـر *** جاك المحيط اللي بـه الموج هـدار جاك المحيط الـلي يشيل الشخاتيـر *** مـا ينطح موجـه وفوجـه إلـى فـار تسمع على جاله صريـر النواعيـر *** سيله عرمرم يقذف الموج بالطـار ودنيـاك هـذي بين ربح ومخاسيـر *** كم واحدٍ شاف الجفا عقب الأيسار نعـوذ بالـلـه من نفـيح الـزمهـريـر *** ونلـوذ بالرحمـن عـن واهـج النـار *وقد رد الشاعر جريّد بن عوض على زميله عبدالله بن عبار للمره الثانية يقول : 90 يا راكب الـلي ما يصلب بـه القـيـر *** صاروخ ما مثـله على الجـو طيـار صاروخ ياخـذ بالخضيرا مشاويـر *** يمـوح موحـات النـداوي اليـا طـار يمشي عدال ولا ايتيامن ولا ايديـر *** إلى مشى يوصل بعيدات الأمصـار من عندنا الصاروخ حـدر محاديـر *** وفي قضي لازم عـاني لأبن عـبـار يا مسندي عـطه الرسالـة بتفسيـر *** عطـه الكتاب وهات لي رد الأخبار وقـلـه لـفـانـي خـطكـم دون تأخيـر *** هرجك صحيح وكل قولك له أثمـار والشاهد الله ما حصل منـك تقصير *** أقـولـهـا مـانـي مـنـافــق وقــمّــار الـلـه يـفـكـك مـن جـميع العـواثيـر *** عساك ماقي يا فتى الجود وامجار حيثك فهيم وتصخر القاف تصخير *** وأنـا كـذلـك بـالـتـمـاثـيـل بـيـطــار مثل القطامي فـوق روس العناقيـر *** يـعـجـبـك بـالهـدات للصـيـد جـزار ولا الـردي لـو قـال يـفعـل معيثيـر *** أعنز على اللي فزعته سر واجهار ولا ياصل الحـروة كثير المشاويـر *** وبالكون ما يفزع على قب الأمهار والـرجـل مـا يمـشي بليـا تبـاصيـر *** والطير لـو مالـه جناحين مـا طـار والبـيـت مـا يـرفـع بـلـيـا كـواسيـر *** ولا ظـنتي تـبنـا عـمـارة بلا جـدار ومـن لا تـوقع يا فـتى طـاح بالبيـر *** طيـر السعـد بيّـن وللصيـّد صـقـار وحنين قـلبي حن خلج عـلى ضيـر *** أغـدن ولدهـن بـيـن وارد وصـّدار من عقـب ما نقطع فياض مزاهيـر *** ومن عقب نقل خميسة وأم شنكار اليـوم من عـقب البـداوة محاضيـر *** هيهات مـا تـقـل الـبـداوة لـنـا كـار * وقال عبدالله بن دهيمش بن عبار رداً على جريّد بن عوض للمرة الثانية : 91 يا راكـب الـلي ما مشى بالمواطيـر *** يـسيـر بـالـذرة مـسيـره إلـى طـار يمشي على الـذرة بحكمة وتبصيـر *** مركب فضا ما صار مثله بالأقمار يـحـمـل جـهـاز فـيـه آلات تصـويـر *** مركب أبلـو فوق سطح القمـر دار يمشي على الذرة بضغـط الأزاريـر *** مـن عنـدنـا مرسـل بتوجيـه رادار يحمـل رسايـل بـه قـوافـي وتعـبيـر *** صوب الذي يفرح إلى جوه خطار يا أبن عوض دنياك دولابها أيـديـر *** نـوب صعود ونـوب للقاع محـدار دنـيـاك هـذي فـانـيـه مـا بهـا خـيـر *** يلعـب بهـا يـا مسنـدي كـل عـيـار مـثـل فـكـاهـات الـتـمـامي ودرديـر *** ومـثـايـل حـديـجـان وأفـلام غـوار لـو كـان شيّـد بـه مبـاني وتعـمـيـر *** لا بـدهـا مـع طـول الأيـام تـنـهــار دنـيـاك ما دامـت لأبـو زيـد وبجيـر *** يا مـا هفـابـه من سلاطيـن وأمـار وجدي على اللي ينطحون الطوابير *** حـمر النواظـر لابتي نسـل عـقـار أهل الصخى والجود لا نوشح المير *** من مارثـة عـنـاز وافين الأشبـار أهـل الـدلال المـتـعـبـات الـمبـاهـيـر *** وأهـل بيـوت شامخـه تفرح المـار من دون شفي وادي الأمياه وسدير *** شمالي القلته وشـرقي من الطـار من دونهم حوران وهديب وصويـر *** بأقصى الحماد وكل ديره لهـم دار قـطعـانهـم ترتع مـن الخـور للـديـر *** ومن شرقي الحلة ليا حد الأغوار من ديرة الغشلة إلى التنف لضميـر *** ومـا حـده المنخـر إلى حد سنجار * وقال الشاعر جريد بن عوض الغضوري هذه الأبيات يتوجد : 92 يـا ناشـد جـريّـد تـرى شـاب راسه *** وروابـعـــه تــوه تـبـيـّن كـنـنـهــا وخطو الولد يمشي دروب الدناسه *** لـو هـو بضاعـة مـا يـربح ثمنهـا مـا عـنـده الا النـقـنـقـة والخساسه *** وسط المجالس كلمتـه مـا وزنهـا والشخـص لا بـده يـعـود لـسـاسـه *** والعـبـد فـي ممشاه يـومـر وينهـا عـزاه يـا قـلـبـي تـزاود اعـمـاسـه *** مثـل العسيف الـلي تنـوز برسنهـا الصبـر بـاح وزاد عـنـدي مقـاسـه *** والـروح شافـت مـا يـكـدر بـدنهـا يـبـوني أدرس ما عـرفت الدراسه *** قـلبي دروس المدرسة صد عـنهـا شفـاتـي الـلي مـا تـرجـك حساسه *** مـن نـوع جـمس موجـديـن ثمنهـا تلقـا المكينـة صـافيـه تـقـل طاسه *** والـبـلـف صـافـي مـا يكتـم دخنهـا أروح لـديـار الـطـرب والـونـاسـه *** الـديـره الـلي شـف بـالـي سـكـنهـا * وقال عبدالله بن دهيمش بن عبار هذه الأبيات مجاراة لقصيدة الشاعر جريّد بن عوض الغضوري : 93 ما ألوم أنا جريـد ولو شاب راسـه *** شاف العلـوم اللي القلوب اتغـبنها محـتـار من ناس تخـالف اجناسـه *** نـاس يحتـار بوصفهـا من بخـنهـا يا القرم كب أهـل الغشم والتياسـه *** الـلي عـلى الفاضي تقضي زمنهـا لعـب الورق ما فيه غيـر الفلاسـه *** يـا مـن تـدوّر سيحـت الـبـال منهـا الـلي مـن البالـوت يـبي الـوناسـه *** لا ضـاق بـالـه بالمجالس حضنهـا خطـو الولـد راحـت حياتـه خياسه *** أمـه تـحـسّـف بـالـغـذاوة لـبـنـهــا مـا يـنـفع المثـبـور زاهـي لبـاسـه *** لـو العـوارض بالـمـراهـم دهـنـهـا صافي الذهب ماظن يشبه انحاسه *** حيـث الجواهـر ما يبـور امعـدنهـا ولا يستفـاد من الـردي والهلاسـه *** ومـن خالـط الجربـا يصيبه درنهـا * وهذه الأبيات من قصيدة قالها جريد بن عوض الغضوري : 94 البارحـة مضيت أنا الليـل سهـران *** وقـلبي تهيـّض بالشقـا عـزتي لـه قـلب العنـا حيــران والمختفي بـان *** وأصخـر القيفـان مـا هـي هـميلـه مقـرنا بخـريص فـي غـربي العـان *** والقـلـب دايـم بـه هـمـوم تشيـلـه شفي باللي مرباعهم صوب عرنان *** وشربت من مـر الحدج حنضليله مقـرهـم بالـريش وأطـراف حلـوان *** ومقيضهم عـلى القـليب الطويلـه لي عشقة يا القـرم مع نجع ويـلان *** تتلي ضعون اللي ايحمون الدبيله * وقال عبدالله بن عبار رد على زميله جريّد بن عوض الغضوري : 95 يابن عوض كانك من الوجد هيمان *** أصبـر عسى الشدات ربك يزيلـه أصبر ومن يستعمل الصبر ربحـان *** عسـاك تـدرك شـف بالـك حليـلـه وأن كان شفك موقعه حول عرنـان *** أنـا شـفـاتي فـي حـدود السلـيـلـه بيـن الدخـول وبيـن ديـرة عظامـان *** بأيمن شعيب الهيل شرق التليلـه وش يجمع اللي صار بديار نجـران *** حتى الرسايل والخبر ما يجي لـه نـصـبـر ومـا دبـر ولـي الـمـلأ كـان *** ولا بد ما نشاهـد عـريـب القبيلـه * وقال جريد بن عوض الغضوري هذه الأبيات يسند على عبدالله بن دهيمش بن عبار : 96 لمحـلا وقـت الضحـى نـط مشـراف *** وآخذ براسه حول عشرة دقـايـق وأختار حزل الشعر وأصخر القاف *** وأجـنـب الـلي منطقـه غيـر لايـق الـوجـد شربني خبيثـات الأصناف *** ووجس بجوفي شب مثل الحرايق على وليفي صرت يا القرم ميلاف *** عـنده سلوك القـلب راحت علايـق يا عود ريحان على المي غـريـاف *** فـي ضـل بستـان ودونـه حـدايـق غـرو جعـل قـلبي عـلى حد ميهاف *** قـلبي غـدا مابيـن سـارق وبـايـق تكفـا يا أبـن عبـار دنـولي الـهـاف *** فـوقـه اثنين وثالـث الـربع سايـق قطاعت الفرجة وراء جر الأسياف *** وعـلى الشجـاعـة آخـذيـن وثايـق حيث أنت للمظمون فاهم وعـراف *** وافي شبـر في كـل سبع الطرايـق * قال عبدالله بن دهيمش بن عبار رداً على جريّد بن عوض الغضوري : 97 حي الكتاب وحي من ولـف القـاف *** لـك أحـتـرام يـا فـتى الجـود فايـق يا مرحبابـه عد من بالحـرم طـاف *** حـول المـقـام وبالركـون العتـايـق يامن شكالي من عذيات الأوصاف *** وأبـدأ عـلـينـا قـصـتـه والحقـايـق أن كان قلبك يا فتى الجـود ميلاف *** أمض وتـقـدم بالطلـب دون عايـق وحنـا معـك حضار في كل ميقـاف *** لـو دون مطلوبـك أقفـول وغلايـق نـزور واليهـا عـلى سلم الأشراف *** عـلى الشـريعـة مـا نـدور البوايـق عليك فـي منسب بعيدين الأهـداف *** ماهم من اللي يشاورون الرفـايـق خفـراتهـم تـأتي نزيهات واعفـاف *** مـا منهـن الـلي بـالأخـلـه تـهـايـق ولا ترى العوبا من البيض تنعـاف *** لـو حسنهـا فتـان والهـرج شايـق ولا بـد مـا يـأتـي للأرواح قصـاف *** المـوت مـا يـوفـر جـميع الخلايـق * وقال جريد بن عوض يسند على عبدالله بن دهيمش بن عبار : 98 يا راكب الـلي لا مشى ولـع النـور *** ويـنـوز بـالسـواق قـبـل أشتـغـالـه أسرع من اللي مرقبه راس عنقور *** ورقـا وحداهـا الليل تبغـي اعيالـه ونيت هـاف إلى مشى يسبق الفـور *** سـواقـه الـلي مـا بـلش بـالـدلالـه يلفي لأبـن عـبـار بالطـيـب مـذكـور *** قـرم إلـى عـدو رجـال الـشـكـالــه عـطـه الرسالـة يا ظنيني ومشكـور *** وعجـل لنـا بالـرد جـب لـي بدالـه وقـله زميلك يشتكي لـك من الجـور *** ومن لـه صديـق مثـلكـم ينشكالـه حيثك شبيه الحـر من ماكر اصقـور *** مثـل الجمـل لا حـده الحمل شالـه أرجوك ترسل لي نصيحة بها شور *** تـرى زمـيـلـك دوم مـشـدوه بـالـه أرسلت لك خط به رمـوز وأسطـور *** متهيّض من يـوم جـتني الرسالـه أرسل لك المكتوب لو دونك ابحـور *** والقلب من وجـدي كلا الهم حالـه * وقال عبدالله بن دهيمش بن عبار رداً على جريّد بن عوض : 99 يا راكب اللي ما وضع فوقه الكـور *** ولا شـد بالمـركـب منايـن احبـالـه ونيـت مـن ركبـه مكيـّف ومسـرور *** إلـى مشى يوصـل طـريـق عنـالـه يحـمـل قـوافـي كنهـا الـدر مـنـثـور *** من قـاف ابن عبـار ما هي عتالـه سلام يهدى مع شـذا الـورد بالبـور *** مـثـل النـفـل منبـوت قـفـر الحيالـه يهـدى عـلى اللي بالملازيم ممرور *** أبن عوض بالطيـب بانـت افعـالـه عسـاه عـن كـل المعـاييـب مسـتـور *** وأطلب ولي الكون يستـر خمالـه عسى الولي ياقـاه عـن كـل عاثـور *** ويحميه رب العـرش عـز الجلالـه وأن كان يا جريّـد تبي مني الشـور *** أحذر من دروب الغـوى والضلاله وأياك لا تصاحب من الناس مثبور *** ولا ترافق الخايب ضعيف الزمالـه وأصبـر ولا بــد الــيـالـي لـهـا دور *** وأفطن تـرى دنياك مثـل المحـالـه العـلـم يـودع خـامـل الـذكـر دكتـور *** والمـال خـلا الـلاش يفخـر ابمالـه * قال عبدالله بن دهيمش بن عبار يسند على جريّد بن عوض الغضوري : 100 يا راكب الـلي سافـر الفجر طـّراش *** يفـوق لمحـات البصـر بالـرماشـه يحمل بديع القاف من منبع الطاش *** لأبن عـوض مهديه قصدي نقاشه قـلـه زميلـك يشتكي كـثـر الأبـلاش *** مقصـود شفـه فـاز فيهـا عـكاشـه من ظيم بقعا يا فتى الجود منـداش *** والمرجلـة مـا كـل مـن جـد حاشـه واللي يدور الهـون للعـز ما حـاش *** العـز والطـولات صـارت اغـباشـه الله يخـون المـال يـرفع بـه الـلاش *** من كثر مالـه بالعـرب صار باشـه نسعى نبي من وافـر الـزاد نعتـاش *** وكلـن من المخلوق يـطرد معاشـه ونعـوذ بالرحمن من كـلمـة الـواش *** الـلي جموع الربع يرغب طشاشه * وقال الشاعر جريد بن عوض الغضوري رداً على عبدالله بن دهيمش بن عبار : 101 يا الله يا اللي تنبت العشب برشاش *** ورازق طيور ساكنه في عشاشـه تفـرج لمن قـلبـه من الهـم يجتـاش *** قـلبـه حزيـن وحـّرق الهـم جاشـه يـا الـبـاركـر خـلـك للأمـثـال نقـّاش *** البـال ضاق وجوهـر الفكـر ناشـه أعجل بـرد القاف من قبل الأغباش *** أكـتـب وهـزلات الـمـثـايـل تلاشـه وده لـقـرم بـالـمـسـايـيـر بـشـــّاش *** اللي بنا حرف الرساله عـلى آشـه يا مسندي حـذراك من كـل غشـاش *** عظم الهلامة ما لقي بـه عـراشـه أعنز على اللي يوم الأشناب كلاش *** إلى زعل يشفي الضمير ابمهاشـه يالقـرم قلبي صايبه خف وأخـراش *** خطراً على الهيمان يطوي فراشه ما ينعذل قلب على الشوق عطـاش *** يضرب كما التيـار والماص ناشـه أقفـوا بهـا بـدواً يقـودون الأدبـاش *** يـتـلـون بــراقٍ تـنـثــر أرشــاشــه بارض بها ريح النفـل ينعش نعاش *** تنثـر بـهـا بـرق الحبـاري رياشـه * وقال عبدالله بن دهيمش بن عبار يسند على جريد بن عوض : 102 يـا راكـب الـلي كـنهـا روج ميـراج *** وـنيـت هـاف وصمموها ابـاريـس ونـيـت هـاف ولا يـشـبـه لــلأدواج *** إلى مشى يسبق هبـوب النسانيس جـديـد مـثـلـه بـالـمـديـلات مـا داج *** عـوايـده قـطـع الـديـار المـراميس يـنـوز بالبـيـدا لـو الـدرب بـطـنـاج *** بطـل الصحاري ما تعثره تغـاريس يـمـد مـن نـجـران لـلــقـاع بـــواج *** يفوج عسرات العـروق الطعاميس ويمـر من غـرب السليـل والأفـلاج *** ليـل ونهـار يقـيس الـدرب تقيـيس سافـر سـريع لهضبة العـان نهـاج *** يلفي على الـلي يدركون النواميس وصل كتابي ريف من جاه محتـاج *** أبن عوض شوفه يزيل الهواجيس وقـله زميلك عـلتـه مـالـهـا عـلاج *** متحـيـّر وقـلـت عـلـيـه الـتـوانيـس هـام وبـلاه اللي ثمانـه كمـا العـاج *** عوده طري مع زمة العمر ماديس عـاقـل ولا هـو معشـرانـي وغنـاج *** البيض غيـره كـل أبوهن حماليس * قال جريّد بن عوض هذه الأبيات رداً على عبدالله بن عبار : 103 يا راكب اللي ما وضع تحتها صاج *** مركابها يجـلي جميع الحـواسيس عـلـيـهـا غـلام مـا تـونـى بـالأدلاج *** عباها بالممتاز من شيشة إدريس تلـفي عـلى الـلي للخصيمين فـلاج *** شره على اللي ما تعوذ من إبليس لا جيـت أبن عـبـار يلقـاك بحجـاج *** بشوش ما هـو من وجيـه معابيس ولا الـردي لـو هـو تـلبس بـديبـاج *** ماله عمل كـود الـردى والدنافيس اللاش مالـه مع هـل الجـود منتـاج *** يجمع عـليك الهـم هرجـه تناكيس يا مسندي نومي على العين ما لاج *** واهموم قلبي مسملات ومراميس قلبي على شوف النشاما به خلاج *** عـليهـم عـروق الضمايـر ميابيس أقـولـهـا مـا هـي حكـاوي ولجـلاج *** ولاني من اللي زلخهم بالمجاليس وصـلاة ربـي عـد مـا حـج حـجـاج *** عـلى النبي اعـداد ما شدوا العيس * وقال جريّد بن عوض يسند على عبدالله بن دهيمش بن عبار : 104 مـضى عـلـينـا يـالمعـنى قـدر حـول *** ولا جـت رسالـه يا بعـيـد المشافـه أن جاني خطك عن ثمانين مرسول *** مشتـاق للمكـتـوب عـجـل ازرافـه يا مسندي أسمح خطايه وأبي أقول *** قـول تـمـام ولا ذكـر بـه لـقـافــــه أسمـع كلام الـلي عـرف كـل دالـول *** جـرب تقـاليب الـزمـن وأنحـرافـه من شاعر ماهو من الناس مجهول *** يكفيـك عـن عـرفـه كلامـه وقافـه أجـزم على ما تريد والرزق مكفول *** الـرزق عنـد الـلي وسـاع طـرافـه الـلاش لا يعجبـك بالنـظـر والطـول *** يـده عـن الطولـه قصيرت مسافـه تـراه لـو يعجبـك في نظـرة الـزول *** دايـم قـبـيـلـه مـا عـلـيـه المخـافـه لا شفـت زولـه نـاعـم تـقـل بهلـول *** من النـوم والدلهه وكثـر المـرافـه متريّح ويفطر على الخبـز والفـول *** ولا هو على الطولات راعي كلافه * قال عبدالله بن دهيمش بن عبار رداً على جريد بن عوض الغضوري : 105 سجلت مردود القوافي عـلى طـول *** رد الـزمـيـل الـلي بـعـيـده أهـدافـه يابن عوض كثر الجفا غيـر مقبول *** لـكـن حـدانـي عـنـك بعـد المسافـه احسنت بالمنطوق يا صادق القول *** مظمـون هـرجـك ينّشر بالصحافـه الطـول مـا يرفـع هلابـيج وأخبـول *** أيـضـاً ولا ضـر الشجـاع النحـافـه ما كـل سيف مشذر الحـد مصقـول *** ولا كـل ضخـم من الخلايـق تخافـه كبـر الهياكـل مع خـراتيت وأفيـول *** والجسـم ما فـاد الجمـل والـزرافـه والناس يا جريّد لها الباب وعقول *** والـكـل مـنـهـم يـدعـي بـالـثـقـافــه من لا يحوزالمال والضان والشول *** يـمـد رجـلـه قــد طــارف لـحـافــه يا الله يا منـزل من المـزن هملـول *** يا رب يا مغيث الثـرى عـن جفافـه تلطف بحال للي من الوجد منحول *** عـده عـلى جـمـرٍ تلاهـث أرضـافـه النـاس تسمـر بـيـن دحـه ومفتـول *** وأنـا لـذيـذ الـنـوم عـيـنـي تـعـافــه صاد الضمير من الغنادير مجمـول *** اللي سوات الورس حمرة اشفافـه الـلي ثـليلـه فـوق الأمتـان مجـدول *** قـربـه مـنـاتـي وأبـتعـاده حسـافـه * وهذه القصيدة الألفية المربعة قالها الشاعر جريّد بن عوض عندما توقف زميله عبدالله بن دهيمش بن عبار عن المراسلة بسبب ظروف العمل فأرسل له هذه الألفية ولم يسبق نشرها : 106 الألف أولف بالمثـل وأشـرب اللـف *** والـلي يـراسلـني بـالأمـثـال وقّـف وأنـا خـبــره مـن ردنـا مـا تـكـلـف *** ومعـه على طرق المثـايـل شهـاده والبـاء بنيت من المثايـل طواريـق *** مـن مبهمـات بالضمـايـر مغـالـيـق نبي انتسلا بالمثـايـل عـن الضيـق *** هـات الـقـلـم والبـوك نـكتـب أفـاده والتـاء تـراني عقبكم يا أبـن عبـار *** دايـم عـلى كثـر الهواجيس صبـار يا ليـت تـدري عقبكـم بالـذي صـار *** عـدي مريض ولا حصل له عياده والثـاء ثـلاث شهـور أديـر الفكايـر *** وأقـول أبـن عـبـار عـني مـخـايـر وأنـا مـعـه فـي كـل قـاف امـسـايـر *** وقـف مـكـاتـيـبـه ولا هـي بـعــاده والجيم جبت من البحور الغزيـرات *** من جوهـر الأفكار نظمت الأبيـات القيل من صدري كما سيل موجـات *** قـافـي بـديـتـه حيـث لـي بـه أرداه والحـاء حـل القـيـل يـحـتـاج حـلال *** حـيث الجمل يصبر وللحمل شيـال ومن يدحم الهيات يوم أشهب اللال *** عـز الـلـه أنـه يـسـتـحـق القـيـاده والخاء خلا عـنـدي عـذابي وخـيّـم *** وعـزي لمـن هـمـه بصـدره تـلـيـّم والـحـظ كـان أنـي بـغـيـتـه امـكـيـّم *** هـذي اعـقوبـه جـاه ذنـب وصـاده والـدال ديـانـي عـلامــه عــلــيــــه *** مـا عـاد يرسـل لـي بـزرف هـديـه وأنـا عـمـيـلـه دامـت النـفس حـيـه *** ودي يـجـاهـدني وشـفـي اجـهـاده والـذال ذل أبهـا الشياطين تـذهــب *** وعيون من عاداك ندخل بها شـب وعـدوكـم نـرمـيـه فـي نـار تـشتـب *** حـتى يـتـوب ويـعـتـنـي بـالعـبـاده والـراء رميت الهـم والحـزن عـني *** من يوم جاء تقريب عشرين سني طـرايـق أهـل الـرمـز مـا يجهـلـنـي *** حـراً يـلـوف الـصيـد بـأول هـداده والـزاي زمـت وقـام عـزمي يــقـزا *** مـع الخطـوط الـطـايلات اجـرهـزا ولا الـردي مـذمـوم مـا مـنـه عــزا *** بـس ايتـقـلـب مثـل ضـب الحمـاده والسيـن ساسي كالجبـال الـرواسي *** أصنع صليب الراي من قـو باسي وأشوف أبن عـبـار يا نـاس نـاسي *** لا طـالـت الـمــدة يـقـل أجـتـهــاده والشيـن شـي خـابـريـنـه ومفهـوم *** وأبن عوض يا ناس ماهو بمليوم شـاف الفكايـر والتعاجيب فـي يـوم *** يوطـأ بـرجلـه فـوق شوك الكـداده والصاد صد الخصم وخـلا خصيمـه *** حـرام واللـه يا عـرب ذي ظليمـه تسمعـوا يا أهـل العـقـول الفهـيـمـه *** الــنــار نـــار وتــالـيـتـهــا رمـاده والـضـاد ضـدي لازم أنـي أضــــده *** وعـلـى مـهـايـيـف الـمـنـايـا أحـده والــدرب قــدامــه لــزوم نـــســـده *** حتى ايتشفق ما مضى مـن قـعـاده والطـاء طبعـي ما أطـيع الشرابيـك *** أصبر عليه يا عميلي وأنا أرضيك أنـا عـدو الـلي بـحـقـده أيـعــاديــك *** لـو كـان نار الحـرب يقـدح أزنـاده والظـاء ظهـر نجـم عـليـه وغـابـي *** وأنكف ما بين السماء والسحابـي وأنـا مـعـي ضـده وهـو مـا درابــي *** سطح القمـر لي منزل في أشـداده والعـيـن عيـت تـقـبـل النـوم عـيني *** وأجـاذب الـونـات قـلـبـي حـزينـي واخطوط ابـن عـبـار عيـت تجينـي *** عسى المطر يسقي غرايس بـلاده والغيـن غـابـن النجـوم المهـاديـف *** أشكي لك الأحوال يامكرم الضيف أشـوف لـي بالوقـت هـذا تصانيـف *** يـا طـارح الشـارة بـرمي الـركـاده والفـاء فهيـم القـلب يـدري بـحـالي *** حـالـي هـفـت يـا نـاس وعـزتالـي أفـرح اليـامـن القـمـر جـاء هـلالـي *** وأخـذت مـن فـوق العلامـة زيـاده والـقـاف قـرت بالـقـرار المـيـازيـن *** وأنا معيي ما أقبل الشور هالحين وعليك يا راعـي المكاتيب عاصيـن *** ولـو تـبـي مـثـقــال حـبـة رشــاده والـكـاف كـفـيـت الـمـكـاتـيـب عـنـا *** وضح لـنـا وش السبب يـا المعـنـا يا طيـب المعـروف وش جـاك مـنـا *** الـزرع جـاد ومـسـتـعـد بحـصـاده والـلام لميـت الشقـا فـي ضلـوعـي *** وقـلبي من الوجلا خطير يـزوعـي زادن همـوم القـلب من كـل نوعـي *** عـدي سـجـيـن مـقـيـد فـي احـداده والميم مـاج القـلب مـوج المقـامـي *** كـل ما ذكـرت خميسة والحـزامـي وامشـوك يشـظى صليب العـظـامي *** والــلـي يـعــاديــنــا نــدوّر نـكـاده النون نويت أقطع ولا أبي القطاعه *** حيـث المعنى من خيـار الجمـاعـه أهل الوفا والطيب وأهـل الشجاعـه *** وقصيرهـم يمشي بطـول أمـتـداده والـواو والـلـه مـا مقـامي امخـليـه *** اليـا بـار في زين التنافيق راعـيـه قـافـي عـلى سـاس طـوال مـبـانيـه *** مـاني مـثـل ثـور بـوسـط الـثمـاده والهـاء هموم القـلب قامت تلـوفـه *** من جـور وقـت كـاثـرات اصدوفـه فـيـه الـردي متسـاويـات اصفـوفـه *** يـضـحـك زمـانـه دب الأيـام عـاده والـيـاء يـا الـلـه بالحيـاه السعـيـده *** وعصـر الرخـا طالبك ياالله تعـيـده حـتـى نحـصـل كـل مـطـلـب نـريـده *** وكـلـن عـلى كـيـفـه ويتبع أمـراده * وقال عبدالله بن دهيمش بن عبار هذه القصيدة الألفية رداً على الشاعر جريّد بن عوض : 107 الألـف ألـفـيـن مـرحـبـا بـالـمـزرف *** أنــا عـلـى رد الـجــواب أتـشـرف والقيـل من صدري نقيتـه مصـرف *** مـن جـم فيضه مـا حصينا أعـداده والبـاء بديـت أدقـق القـاف تـدقيـق *** من خـوف لا تنقد عليه المخاليـق وإلى نظمت القاف بالحال ما يعيـق *** مـن قيـل أبن عـبـار عـبّـر افـواده الـتـاء تـرى رديـت لـك رد الأشعـار *** دونك مرد القيل يا وافي الأشبـار منظوم ابن عبار يحضر به أحضار *** مـيـراث جـده وارثـه عـن أجـداده والثـاء ثمـرت القيل بـوح السرايـر *** وهـرج فقـد معـنـاه يذهب خسايـر يا أبـو عوض ماني عليكـم مخـايـر *** وكلن يقول القـول حسب اعتقـاده والجيـم جـاني مـن قبلكـم جوابـات *** وأهـديـت لـك ردي سلام وتحـيـات وعبرت من مكنون فكري عبـارات *** ومن حاد عن خصمه يعده شراده والحـاء حيـرني جـوابـك والأمثـال *** دنياك هـذي يا فتى الجـود غـربـال لا تامـن الـدنيـا تـرى الوقـت ميّـال *** عسى الـولي يكفيـك شـر أضتهاده والخـاء خـل الـقـول مـعـنــاه قـيـّـم *** وأفطـن تـرى وقـت المغـره ايهيّـم وأنـا عــلى خـلـي كــذلــك مـتـيّـــم *** وعـزي لحـالي كـان طـال ابـتعـاده والــدال ديــانـك دهـتــه الــدهــيــه *** شاف الجفا من غيـر ذنـب وجنيـه يـوقف معـك بالضيق لو جتك سيه *** وإلـى حـداك الـظـيـم أنـخـه ونـاده والذال ذم اللي عمل صوج وأذنـب *** وأن كان مخطي كل عـله لها طـب ولا عـمـيـلـك مـا تـمــادا ولا ســب *** من صغر سنه ما ذكـر بـه اعـراده والـراء روم الـمـجـد مـابـه تـونـي *** ودنـيـاك هـذي مـا تـجـي بـالتـمني راعي المنـا مـا فـاد غـيـر الهـبني *** والشخص ما بين السعـد والقـراده والــزاي زمــانــك لـلأجــواد خــزّا *** وكـم واحـداً يا الـقـرم قـام ايـتـلـزا والـقـلـب مـا بـيـن المعـالـيـق فـّـزا *** كـمـا يـفـز الـلـي عـثـر بـه جـواده والسين سمج الهـرج مالـه مقاسي *** والـلي يعاند يا فتى الجـود خاسي جـاوب وأنا لـك كـني الحيـد راسـي *** والمـرجلـة تحـتـاج عـزم وجـلاده والشين شين الهرج به غم وهموم *** ولا يفلح الـلي حـط بالناس مثلـوم فاتن ثمان اشهـور والتـاسع التـوم *** والعـاشـر الحـالي عـلـينـا جـمـاده والصـاد صـدتنا الضروف العظيمه *** يـا مـا رديـنـا للخـطـوط الـقـديـمـه وأن جاني خطك لـه مكانـه وقـيمـه *** عـجـل بـرد القـاف وأبـي الـزيـاده والضـاد ضـديـدي هـجـومـه أصـده *** جـمعـت لـه يـا الـقـرم قـوه وعـده ومـن يعتدي يا مسندي خـاب سـده *** والـلي يجـاهـدنـا نـويـنـا أجـهـاده والطاء طالب سامك العرش ينجيك *** يا اللي على العدوان طالت أياديـك أنـت الـذي يا القرم ما فيك تشكيـك *** ولا كل من صادق وفاء في اوداده والظاء ظرفي حـال دون الجـوابي *** ولا خير باللي من خصيمه يهـابي ومـن بـاد حيلـه مـا يـنـط الـروابـي *** رقي الحزوم ايريـد عـزم وجـلاده والعـيـن عـاتـب بالرضى يا ظنيـني *** جنب غـثيث الهرج وأمش بيقيني جـاك الجـواب مسجـلـه فـي يمينـي *** مـا فيـه ظـلم ولا حكي بـه اربـاده والغـين غـرات الملأ كشفها حـيـف *** الصدق أخير من العلوم العجاريف دنياك ما ظني تجي لك على الكيـف *** ما وفرت من نقوة الغـوش سـاده والفـاء فهـمـت أقـوالـكم والمثـالـي *** وأنـا عـويـن الـلي بظيمـه شكالـي كـان أنـهـا بالـمـال مـا أكـن مـالـي *** وعندي على قولي لك الله شهـاده والقـاف قـافـك يالسنـافـي نيـاشيـن *** حيثـك فهيـم ولا تخفـاك القـوانيـن وأن كان حنا يا فتى الجود مخطين *** أرجـوك عطني عن خطاي الأفـاده والكـاف كـل اخـطـوطـكـم يـوصلنـا *** والــلـي لـفــنـا بـردهـن مـا اتـونـا لا شـك كـان أن الـعــلـوم أزعـلـنــا *** فكـري عـن الهزلات يلـزم احيـاده واللام لمني كان أهملت الرجوعـي *** وأنا بهـرج الحـق ماني جـزوعـي وأظـن بعض الهرج مالـه اسنوعي *** مــا قـــل دل ولا تــفــيـد الـنـكـاده والـمـيـم مـنـي جـاك رد الـسـلامـي *** مـرسـول مع تحـيـتي وأحتـرامـي يا أبن عـوض افهـم معـاني كلامـي *** الـسيـف مـا يـحـمـل بـلـيـا جـنـاده والنـون نبـدي فـي مـردك بسـاعـه *** فيـض الـروابع قـال سمع وطاعـه ومن كال لي بالصاع رديت صاعـه *** ومن يدعيني ديـن عـنـدي سـداده والواو واجـب صاحب القـدر نديـه *** وهرج الخطأ والعيب ماحب طاريه منظوم لفض القـاف نفهـم معـانيـه *** والخـصم ما نـقبـل تمـادي عـنـاده والهـاء هـذا القيـل نرسـل أزروفـه *** أفـهـم مـواضيعـه وميـّز احـروفـه قـلـتـه ونظـم الـقـاف مـابـه كلوفـه *** حيث أن بدعه يا فتى الجـود عـاده والـيـاء يـمـك مـرسـليـن الجـريـده *** سجلت لك يا القرم صفحة جـديـده نهديـك يا راعـي الخصال الحميـده *** قـافـي تـمـيـز جـمـلـتـه مـن أحـاده يتبع التعديل الأخير تم بواسطة عبدالله بن عبار ; 07-03-2022 الساعة 06:44 AM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
العرض العادي
|
|
الساعة الآن 07:04 AM.
 |
|
 |
