قال الشاعر منصور بن نايف الرويلي ( شاعر العليا ) هذه القصيدة يثني على زميله عبدالله بن دهيمش بن عبار :
جـاني اتصالـك بالـوفاء يا أبن عـبـار *** ومثـلـك تـلـبـّى دعـوتـه يـالـسنـافـي
وأنـا الـبـي دعـوتـك طـيـب واصــرار *** وافـي وأنـا مع طـيّـب الصيت وافـي
الـلـه يــديــمـك لـلـصنـاديـد الأخــيـار *** يـا شـامـخ فـي كـل قــمّــه يـشـافــي
رمـز عـنزه في ساحت الشعـر بيطـار *** لا صـار مـابـيـن الـرجـال اخـتـلافـي
والـيـا دعـتـنـا حاجـة المـاقـف الحـار *** أنـت السّنـد والـلي مضى منـك كافي
سجلـت تـاريـخ عـنـزه سـر واجـهـار *** ووقـفت فـي وجـه السنين العجـافي
مـن عـزوة يـثنـون كـان الـدخـن ثـار *** لاقـيـل يا أهـل الخـيـل مامن عـوافي
ولا أنـت مـثـل السيف والسيف بـتـّار *** أرخصت روحك وأكثـر الناس غافي
جمعـت قـو الـبـاس واللّطـف بالـجـار *** مـع الشهـامـة والـوفـاء والـعـفـافي
صيتـك ينومس بالفـخـر كـل الأحـرار *** للمنصفيـن الـيـا انـكـر الحـق هـافي
فـرحـتـك فـي فـرحـة طويلين الأشبار *** ومـدحـك يـجـمّـل بالـواقـيـف قـافـي
الـلـه يـزيـدك خـيـر وأيـمـان وأكـبـار *** ويـنـصـرك ربـي عـالـم بـالـخـوافـي
الـلـه يـحـفـظ لـك بـعـيـديـن الأنـظــار *** ويجعـل لهـم صرح من العـز ضافي
عـيـال حـر وقـدرهـم مـابـه انــكــــار *** مـن بـيـت عــز مـا عـلـيـه اخـتلافي

قال عبدالله بن دهيمش بن عبار هذه القصيدة رداً على الشاعر نايف بن منصور الرويلي شاعر العليا :
قـال الـذي مـن خـاطـره يـنـظـم اشعـار *** مـن جـم عـيـلـم وافـر الـنـبـع صـافي
جـتـني قصيده مـن سـلايـل هـل الـكـار *** مـنـصـور بـن نـايـف بعـيـد الهـدافـي
الـقـرم لـي عـنـده حـشـيـمـه ومـقــدار *** حـيثه شـريـف ومـن حمايـل اشـرافي
من ساس عزوة مجدهم فـوق الأكـوار *** مـجـدن تـلـيـد ولا حـصـاه الصحـافي
يـا مـرحـبـا مـلـيـون مـــرّه وتـــكــرار *** يـا خـلـفـة المنعـور ريـف الضـعـافـي
يـسلـم جـنـاب الـلي لـمجـهـودنـا شـار *** يشكـر جهـودي حيث قـصده انصافي
يـا شـاعـر العـلـيـا نـفـيـدك بـالأســرار *** حـيـثـك فـهــيـم وتـفـتـهـم كـل خـافـي
أحـيـد عـن حـكي الشـواميـت والـعـار *** وامشي عـلى وضح النقاء مع كشافي
ولانـي بـحـال أهـل المفاسد والأشـرار *** الــلـي هــدفـهـم لـلـحـقـايـق يـنـافـــي
الـلي عـلـى الـفـتـنـه يـبـثـون الأخـبـار *** يـوم الـفـهـيـم لـخـمـلـة الـربـع رافـي
بـيـت الـمـدر يحتـاج حـيطـان واجــدار *** وبـيـت الشـعـر يـلـزم رواقـه رفـافـي
والقصر الـلي مـا يمسكه ساس ينهـار *** لابـــد مـا تــذرى عـلــيـه الـسـوافــي
مـا يـحـتـكـم بـالـطـايــره كـود طــيّـــار *** والـسـفـن مـا تـرسـي بـلـيـا مــرافـي
ومن يجـحـد المعـروف خـايـن وغـدّار *** خاب وفـنـر حـظّـه مـن النـور طـافـي

يسلم منصور الرويلي
ويسلم ابن عبار

سلّمك الله يا راعي البويضا يالمصلوخي وشكراً على اطلاعك