ا

الحلقه الحادية والعشرون

308

قال عبدالله بن دهيمش بن عبار هذا المقطع من قصيدة اسند على الشيخ سليمان بن مهنا أبا الخيل :
يا أبـن مـهـنـا عـنـدنـا كـل الأخـبـار *** نسمع بـكـم يالـقـرم مـن يـوم كـنـّا
مـن يـوم كنـّا فـي زهاملينـا أصغـار *** أخـبـاركـم مـع كـل طـارش لـفـنـّــا
مبطي عـلى بـريـدة سلاطين وأمـّار *** مـن سـاس لابـه يـدخلـون المجنـّا
يـوم الحـرايب طبعهـم كعـم الأشرار *** الـحـق الأبـلـج يـأخـذونـه مـثـنّــــا
جدك حظي بالخيل مـن قـدم الأدوار *** بـاد الخـصـوم وبـالـمـراجـل تـكـنـّا
وشال اللقب في عـز وإجلال وإكبار *** شيخ شمخ عـن واجـبـه مـا تـونـّا
الـوايـلي مبـطي بـدرب الفخـر سـار *** يـوم السيوف مـن المعـادي تحـنـّا
يـا مـا تـعـلى فـوق زيـنـات الأكـوار *** بالغـزو مـا يـركب مـن الهجن دنـّا
الفارس لببس سذعـر الخيـل مغـوار *** عـوق الخصيم الـلي عليـه ايتجـنـّا

309

قال عبدالله بن دهيمش بن عبار هذا المقطع من قصيدة جوابيه رد على قصيدة
الشاعر فندي بن عوده بن داله :
الشكر لعيـال دالـه أهـل الأرياء السديـده
مدركين النعم مبطي حيث لهم الطيب عاده
قال مفلح لا تعـّذر الوعـد ملـزوم اريـده
من بعد عيد الضحيه ياجب عليك اعتماده
قلت ابشر وأتشرّف سوف نحضر للوعيده
الكرم والطيب طبعك وأنت من أهل الريادة
زرت وافين الخصايل واكرموني في بريده
واستمعت لقاف فندي حيث فن الشعر أجاده
شاقني منظوم فندي للزميل القاف أعيـده
قلت مردود القوافي دون نقص ولا زياده
أفخر بمنظوم فندي ياعسى أيامه مديـده
وأطلب المولى لعله يرفـل بعـز وسعـادة
من شغاميم الدوالـه يسلم القـرم الوليـده
يا عسى يفدا جنابه من دخل فكره بلاده
يا أبن عوده كـل مبنى يبتني يحتـاج مـيـده
كان هو ما صب ساسه بالعجل يسهل هداده
النهـر بالعذب يجري بس تسمع صوت ويده
منظره بالشوف يفرق عن سراب بالحماده
كل من يبذر بذار الغرس يجني من حصيده
لكن الخسران الأول من زرع شوك الكداد
والحجار الصم مهما تحتفظ بالماء صميـده
ما نبت زرع زرعته بالصخر صلب الصلاده
من نوى حوك المكايد بالنحر يرتد كيده
ومن يريد يثير فتنه يدعي الله في هجاده
حيث تاريخ القبيلة في سجلات الجريده
كل واعي كل مدرك بالنسب سلسل اجداده
افخر بفعل المكارم والرجل فعله رصيده
والجمر مهما تلضى صيوره يصبج رماده

310
قال عبدالله بن دهيمش بن عبار هذا المقطع من قصيدة :
عـن الـدروب الـعـايـزة دوم محتـاط *** والحـمـد لـلـه مـا شنـاني قصيري
أنشد من الخفجي إلى شرقي رهـاط *** وأنشد من الحرة لغـرب الصفيري
وأنشد من الوادي إلـى قبـلي الغـاط *** وأنشد كـذلـك مـن تـبـوك لعسيري
عن سيرتي يخبرك بالعلم من حـاط *** مـن كـان عـني يالسنافي خـبـيـري
ولا الحسود الـلي للأصحاب غـبّـاط *** هـذاك ظـالـم مـا يـحـبّـه ضـمـيـري
الـلي لسانـه يـبـتـرم تـقـل مسـواط *** يقذف لهب من فوه مثل السعيـري
لا تكترث بـه لو لـه صياح وعيـاط *** مـن فضل ربي ما يعـرقـل مسيري
واللي يقول أنـه لقى بكتبنا اغـلاط *** أنـا أعـتبـر تصحيحها عمل خـيـري

[/center][/color][/center][/center][/size]

311
قال عبدالله بن دهيمش بن عبار هذا المقطع من قصيدة :
شيـخ الـيـا لاقـى خصيـم خصيـمـه *** يرفع علـم نصـره ويحمل أوسامـه
شيـخ اليـا صـارت بـالأيـام عـيمـه *** يـكـرم إلـى شـح الـبخـيـل بطعـامـه
ولـو نـتـطـرق للأفـعـال الـقـديـمـه *** حـنـا هـل الأمجـاد وأهـل الشهامـه
وأن عميت مطيره وعادت حليمـه *** نقحـم نهـار الكـون اليـا عـاد زامـه
أولاد وايـل بـالأهـوال الـجـسـيـمـه *** لا هـاجـت الهـيـجـاء وكتـم كتـامـه
صفـو الهـبـوب مكـدريـن نسـيـمـه *** لأفعـالهـم يشهـد جـنـوبـه وشـامـه

312

قال عبدالله بن دهيمش بن عبار هذا المقطع من قصيدة :
أولاد وائــل مـا حـصـيـنا أخـبـــاره *** ولا أقـدر أعـد شيوخهـم والمخاتير
بالقحط كان الروض بادت أشجـاره *** وأعجف سنام اللي شحمها قناطير
ريـف الغـريـب الـلي لفـاهـم زيـارة *** عـز الهـواشل والوفـود المسايـيـر
بـقـبـالـهـم فـنجـال يـنـفـح ابـهــاره *** يـفـوح مـن صفـر الـدلال المباهيـر
وبـعـده سميـن الحيل فـوّح أكـتـاره *** هـذي عـوايدهـم إلـيا نوشح الميـر
طبـع الكـرم سلـم الحـمـائـل وكـاره *** مـن قـبـل تقـليط الـذبـايح بقصديـر
أهـل الشهامة والصخى والجسـارة *** جادوا كـرم مـا هـو تـملـق وتبذيـر
ستـر الهنـوف اليـا تكشف أخمـاره *** شـم الأنـوف النـافـلـيـن المـناعـيـر
راعـي الفخـر فـعـلـه يـرد أعـتبـاره *** وكل القبائـل مـا بهـم قـول تقصيـر

313

وقال عبدالله بن دهيمش بن عبار هذه الأبيات يسند على الشيخ عبدالله بن أورنس
ابن طراد السطام الشعلان 0
بـديـت بـاسـم مكـّون الجـن والأنـس *** رب الـمـلأ كـل الـخـلايـق خـلـقـهـا
وأسندت منظومي على نادر الجنس *** القـرم اللي علوم المراجل عـشقهـا
مـن طلعـته مـا سار بالمسلك الدنس *** سلم الجـدود أهـل الفضايـل لحـقهـا
المجد له موروث من شيخ وأبرنس *** مـفـاخـره متـسلـسـلـه مـا سـرقـهـا
عبدالله المجذوب من ماكـر أورنـس *** الـلي الصـوارم بالمخـالـب صفـقهـا
أبـوه حط الروح أرخص من الـبنس *** يرمس بهـا عـلى الخطر مـا فهقهـا
وأن قالوا الريع الفلاني ما هو ونس *** يـنصـاه وأبـواب المـدارك طـرقـهـا
وأن لاح فـوق الـلي تدبـل ابدفـرنس *** مشى عـلى حـدود الدول وأخترقهـا
كم قـايـد إلـى طالعـه ينخـنس خـنس *** قـاد الجـنـود وبالهـزيـمـة سـبـقـهـا
كان اعترض دربه كنس جرته كنس *** سـار بطـريقـه والمـراكـز محـقـهـا
وإلى ضبح ضوح البنادق تقل فـنس *** من ضرب اللي يفرا الثنادي فشقها
كم راس قـايـد دحـرجـه كنـه التـنس *** وأهـل المناصب مـا تحمـل جـوقهـا

314

وقال عبدالله بن دهيمش بن عبار هذا المقطع من قصيدة :
الـمـجـد يـدرك بالسيـوف المصاقـيـل *** والطـيـب مـا هـو فـي مـزايـيـن بـلهـا
وايـل مـداهـيـل الـبـداة الـهـواشـيــل *** كـان اخـتـفى محـصول نـاتـج سبـلـهـا
وايـل يـصـدون الـعـصـاه الـمـغـالـيـل *** لا نـقـضـت هـنـف الـعـذارى اقـذلـهـا
مـضـالـهـم يـوم المـراجـل مـفـاعـيـل *** كـم مـن حـلـيـلـه فـجـعـوهـا بـرجلهـا

315

وقال عبدالله بن دهيمش بن عبار هذه الأبيات عندما سمع شخص يقول أن بشر عنزة
من بشر بنو النمر بن قاسط :
يـا جـمـاعـه شـفـت منشـور نـشـر *** بالمجالس والمـواقـع والـقـروب
حـرّفـوا بـأنـساب مسلـم مـع بشـر *** والصقوا في وايـل أبوهم عيـوب
جـدنـا حـطّـوه بـشـر الـلـي حـشـر *** صـاده الجحاف في ديـرة رحـوب
هي نكت من شخص مزّاح وعشر *** أو سـوالـف كـنهـا ريـح الهبـوب
يالـلي نشـرت الخـبـر أسنـد وأشـر *** لـلـمـصـادر لا يـقـال أنـك كـذوب
الـجـد الـلـي كـلـنـا بـنسـلـه خـشـر *** أسد المشهور في شرق وجنوب
قـلـتـهـا والـهـرج بــه لــب وقـشـر *** ومن ترك جـدّه معيّـر ومهـزوب
[/center]
316
وقال عبدالله بن دهيمش بن عبار هذا المقطع من قصيدة :
وقلّه يا أبن عـلي تـرى الحقد موجود *** طبـع الحسـد من دور آدم قـديمـي
والـلي يحـط الحسد غـايـه ومقصـود *** من طاب فعله صار عـنده جريمي
مخـلـص ولا ذخـرت يالقـرم مجهـود *** ولا ينكر من الناس كود الغشيمي
317
قال عبدالله بن دهيمش بن عبار هذا المقطع من قصيدة :
أنـت الـذي شـرواك يـفـهـم لـحـــنّـــا *** صـادق ولـلـي يشـمتـونـي تـصدّيـت
وأخـبـرك هـرج المبغـضـه ما شطّنـا *** يـامـا سمعت مـن الهرابيد وأوحيـت
يـشـكـرنـي الـلـي بـالـحـمـيـه تـكـنّــا *** وعـلم الفخر ما يجحده طيّب الصيت
مـن فـضـل خـلاّق البـشـر مـا طـمنـا *** عـن الـعـلـوم الـلي تـفـشّـل تـعـلّـيـت
جـاراتـنـا طـول الـمـدى مـا شـكـنّـــا *** ولا يـوم فـي حـق الـقـرابـه تـرديــت
والـحـمـد لـلّـرحـمـن مـن يـوم كــنــا *** مـن طلعـتي مـا يـوم عـلـت وتعديـت
وش مقصد الـلي في كـلامه طـعـنّـا *** جـحـد جـمـيـع الـلي لـعـنّـاز سـويـت
مـن شـامـنـا لـحـدود ديــرة يــمــنّــا *** عـلـى ربـيـعـه فـي كـتـابـي تقـصيت
ولا زلـت أواصـل والبحـوث اتـعبـنـا *** صابـر ومن ظرف الزمن ما تشكيت
مــرفــوع راس ولـلـخـزا مـا اتـدنّــا *** شـربـت مـن نـهـر العـلـوم وترويـت
والـحـمـد لـلـه مـرغـديـن بـوطـنــــا *** بجهـود من لـم العـرب عـقب تشتيت

318
قال عبدالله بن دهيمش بن عبار هذه القصيدة :
افـتخـر بسـم القـبـيـلـه واكـتـفـي *** اسم عـنـزة بالنسب ذكـره كـفـا
والـذي سبـب عـنـادي واصلـفي *** مـا خبـرت اسمين باللّفظ اردفـا
الحقـايـق هـي مـرادي واهـدفي *** والغـلطـان احاججه عـنـد عـرفا
حنـا عـنـزة اسم ابونـا مـا خـفي *** اسـد المعـروف ما احـد لـه نـفا
مـا نـخـم العـلـم مـن كـل اهـلـفي *** حـنـا خلـفـت جـد مـا حنـا حلفـا
ما صنفّت القول بدع من اطرفي *** اصلنا صافي كـما العـذب بصفا
عزوتي هم ساس عزي وشرفي *** بالفخـر يكفي حديث المصطفى
جـارهـم عـن كـل مطلوب معـفي *** ولـو يعيـل الجـار ماقـالـوا أفـا
وضيفهم بارباعهـم شبـع ودفـي *** عـنـد مـن يـكـرم قـبـالـه لا لـفـا
والضعيف اليا تفـدوى مـا جـفي *** يوم كان الوقت به جوع وحـفـا
وكـل من قلبـه مريض ولا شفي *** لـو وجـد خكلات عندي مـا رفـا
لـكـن الـلي بـالـنّـدم زاد احسـفي *** منـكـر الجهـد الـذي عـم وضفـا
صاحـب الأنصاف يـوقـف بكنفي *** ومن مشى قـدّام مـا يرجع قـفـا
وأحمـد الله ما جحد جهدي وفـي *** كـود من ظـلم الـذي حظـه هـفـا
كـنت أبات الليل ساهـر ما غـفي *** مجتهـد بالبحث وأنبش ما خـفـا
ولا اكترث باللي يدورون اخلفي *** من فضل ربـي سراجي مـا طفـا

319
قال عبدالله بن دهيمش بن عبار هذا المقطع من قصيدة :
عز الله إني قمت في بـذل مجـهـــود *** وأرجو السموحة كان تلقون غلطات
واللـي ذكرتـه بالخلايـق لـه شهـود *** عن بـني وائل صدق ما هي دعايات
تاريخ ماضي مجدهم صدق مـاكود *** أمجاد ورث أجـداد مـبطي قـديـمـات
لابـة بنـي وائـل لهـا أقـسـام وافـنـود *** قـبائــل مـا تـنحصـي بـالـحسـابــات
وجميع مـا سجلـت من خلفـة العــود *** من صلب وايـل كلهم قـص وأثـبـات
بني وهـب وجلاس مـن جـد واجدود *** وعبـيـد وأولاد السهـيلـي عـمـارات
بشـر وضنا مسلم لهـم مجـد مشيـود *** عـنـاز سـتـر المحصنات العـفيـفـات
320

وقال عبدالله بن دهيمش بن عباررهذا المقطع من قصيدة طويلة 0
عـلم النسب يـورث تقـاليـد واسـلوم *** مـن جيلنـا الماضي لجيل بـالأصلاب
مـن نـوح لإبراهيـم بالكتب معـلـوم *** شـيب الرجـال تـعـقـب العـلـم للشـاب
به العرب تفخرعلى الفرس والروم *** صلة نسب ماهي عصابات وأحزاب
ومن ضيّع أصله بالعرب يلحقه لـوم *** دايـــم يـعـوث بـغـرتـه كـل هــّـزاب
وأظـن تضيـيـع النسب فـيه مثـلــوم *** ومن تـاه تصبح لابـته مثل الأجنـاب
تـسلسـل الأجـداد كـالعـقـد منـظـــوم *** والـديــن ما حـرم تـواليـف الأنـساب
والحمـد لـلـه مـا بـهـا سـر مكـتــوم *** والمصطفى المختار وصى بالأقـراب
لـو الـتفـاخر بـالنسب قـيل مذمـــوم *** والـلـه نهـى عـن التـنابـز بـالألـقـاب
ولا فـّضل الخـلاق قـوم عـلى قـــوم *** حيث البشر منشاه من طين وأتـراب
والطيـب مـا بين المخالـيـق مقسوم *** ومن طاب فعله نال تـقـدير وأعجـاب
ولا فيه مخلوق عن العيب معصوم *** غـيـر الذي يـذكـرعـلى كـل محــراب
وإن كان ما قولي بـالإسناد مدعـوم *** هـرج بـلا بــرهــان راعــيـه كــّذاب

الحلقة الثانية والعشرين

وهذا مقطع من قصيدة طويله : 321

يـالـوايــلـي يـاعــل تـفــداك الأنــذال *** كـب الـردي عـسى يصيحن بـنـاتـه
الخـايـب الـلي لكـلـمـة الحـق يغـتال *** يغضي عن الحق الجـلي من طغاتـه
يا صالح أبـي اخبرك يا طيّـب الـفـال *** الـراي واضـح مـا يجـوز افـتخـاتـه
قــام يـتـعـبّـث بـالـنـسـب كــل دجّـال *** وربــوعــنـا كـلـن يـغــط بـسـبــاتـه
عندك خبـر يوم الظعـن سـار رحّـال *** من الديـره الـلي مـا يحصرم نبـاتـه
ونــزل بـديـره نـبـعــهـا دوم شـّـلال *** كـل عـنـزي فـيـهـا يـعـرف نخـلاتـه
بـلغـت بالمعـقـول مـن يـطـرد الـلاّل *** أن عنـزة صرح الجبـل هـم سـراتـه
تـوضـيـح لـلـي كـان غـرر بـجـهـال *** وايــل ضـنـا عــنـاز عــاث بـرفـاتـه
تـاريـخـنـا مـاهـو سـوالــف بـجـوال *** هـذا الخـبـر والـكـل عـيـنـه مـراتـه
من حـيـث ما نقبـل بتاريخنا اهـمـال *** ومن حرّف التاريخ نيـبـس لـهـاتـه
يا محـرّف التـاريخ وايـل لـه عـيـال *** مسلم وبشـر من غصون اشجراتـه
أولاد وايـل شـامـخـه كـنـهـا جـبـال *** هـوج العواصف مـا تحـرّك حصاتـه
مـا أحـد ذكـر حرّج عـلى الجـد دلال *** ولا يـستـوي بـيـعـه ولا مـشـتـراتـه
الـجـد مـاهـو ثـوب نـقـداه تـفـصـال *** ولا ننتسب لـه مـن أجـل مكـرماتـه
كـل الـبـشـر تـنسـب لـلأجـداد والآل *** والمصطفى الهـادي نطبـّق وصاتـه
وضـع استعـارت جـد تحـتـاج حـلال *** تحـتـاج مـن يـنـظـر لـهـا بالتـفـاتـه
عـقب المشايخ مـن مـواريـث هـذال *** مجـد عـنـزه وتـراثـهـا هـم حـماتـه
مـا منهم الـلي لسامج الهـرج نقـّال *** نسـل الـذي تعـطـب خصيمه هـواتـه
واللي يطيب من المشايخ لنا ضلال *** ومن خـاب ما تشكل عـلينا امضاتـه
العوشزه مابـه عـن الشوب مقيال *** والـرس نضـحـه مـا يغـطي صفـاتـه

وقال عبدالله بن دهيمش بن عبار جواب لأبيات الحميدي يقول : 322

يا أبـو عـمـر بحـر المعـاني نغـوصه *** نبحـث عـن المحـار والـدر والحص
والـلـي تـقـل قـلـبـه تـقـدّه بـخـوصـه *** من الحسد في تاريخنا يخلف النّص
حـاول يـمـد الـيـد عـشـريـن بـوصـه *** لكـن يـا أبـن جـبّـار قـصيتـهـا قـص
كـشفـت خـبصـه يالسنـافـي ولـوصه *** جبت الصمال وقلت كانك عما بـص
وصارت علومه بالقصاص مخبوصه *** والظـاهـر أنـه كبّـر اللقمـه وغـص
أن كـان جـدّه تـبـرح الـدرب عـوصـه *** اليوم في بطن الثّرى مسكنه جـص
ومـن لا لكـد عـلى المـراجل قـلـوصه *** مهـمـا تعـلّـت رتـبتـه ينحسب لـص

قال عبدالله بن دهيمش العبار يسند على حمود بن ناجم العريفي السبيعي :

323

يا أبـو طلال أهـل الحسد ما تفـاهـم *** لا جيت تـقـل أنـي جـريـم لحديهـم
مـا أبـغـي مجالسهـم ولا منـتـداهـم *** مـا أريـد اقابلهـم ولا أريـد اجـيهـم
يا حمود قامـوا ضدنـا مـن عـناهـم *** فشلـت مساعـيهـم وكـلّـت أيـديهـم
وش قصدهم يا مسندي وش بلاهم *** وش حدهـم وشـو خطايـه عـليهـم
كان أنهـم ضـدي تـواصل خطـاهـم *** أعـرضت مابي بـالـكـلام أطـبـيـهـم
الـلي ظـلموني عـنـد ربـي جزاهـم *** مـا أريـد بالقـول الصريح أهجـيهـم
الـلي يـبـيعـون الـبخـت بـالـدراهـم *** خـابـوا وكـل المجـتـمـع يـزدريـهـم
يغضون بعيون الخجل عن أعداهم *** وعـلى القـرابـه كـل منهـم تـهيهـم
خاب وخسر وقت اللزّم من نصاهم *** وقـريـبـهـم مـن شـرهـم يـتـقـيهـم
ويـن الـرجـال الـلـي كـرام لـحـاهـم *** الـلـي سجـّل كـتـابـنـا مـا نـسيـهـم


قال عبدالله بن دهيمش بن عبّار هذه الأبيات :

324

تشكر يا أبن عـواد جـتني الحـونـك *** الـلـه يجيرك مـن صواديف وأعلـل
تـقـول بعـض النـاس لا يزعجـونك *** وقول من بعض السوالف خذ وخل
أطلب عسى المولى بستره يصونك *** أخـوك مـن كـثـر الهـرابـيـد مـا ذل
اشكرك حيثك ما نلقلب صبغ لونك *** صـادق ولا عـنـدك تـلـكـات وأحيـل
وأهل الحسد لو تجتهد ما يـبـونـك *** يجيـك واحـدهـم يـلاسـن تـقـل صـل
أهـل القـلـوب الحـاقـده يـنقـدونـك *** والحـقـد بـقـلـوب الحواسد تقـل سل
لاشـك صـدقـانـك يـذودون دونــك *** والحـيـد شـامـخ مـا يشبّـه عـلى تـل


وقال عبدالله بن دهيمش بن عبار هذه الأبيات مجاراة لقصيدة الشيخ الأطرق بن هذال في مزاين الأبل : 325

يعـيش أخـو بتـلا من أحـفـاد منديـل *** نسـل الـذي روس المعالـي نـزلـهـا
الـقـرم أبـن بـدر عـريـب الأخــاويل *** عـوج الهـروج التايحـه مـا حملهـا
قـاس العـلوم وحلـل الـهـرج تحليـل *** ولا يكترث بالـلي السوالـف نـقـلهـا
كـلام الأطـرق صدق مابـه تجـاهيـل *** وبالحلـم نـفسه مـا تسارع زعـلهـا
الـطـيـر يالـمنـعــور مـا كـدّر الـنيـل *** والناس تـفخـر في محاسن عـملهـا
غـوش عـنزه ريف البداة الهواشيل *** كان اخـتفى محصول نـاتـج سبلهـا
عـاداتـهـم صـد العـصـاه المـغـالـيـل *** لا نـقضت هـنـف العـذارى اقـذلـهـا
مـضالـهـم يـوم المـراجـل مـفـاعيـل *** كـم مـن حليلـه فـجـعـوهـا بـرجلهـا
يـوم الجنـب عـنـد أمهـات المخاليـل *** أولاد وايـل فـعـلـهـا مـا فـشـلـهــــا
قـطعـانهم تـرتـع مـن سلـوك للهيـل *** وحتى حـمى الحويان تفـلا بدغلهـا
مـن غـربي الحـره اليـا ديـرة ثميـل *** باجوا جميع حـزومـهـا مـع سهلهـا
المـجـد يـدرك بالسيـوف المصاقيـل *** والطيب ما هـو فـي مـزاييـن بـلهـا
كسب المـراجـل بالـرمـاح المنابـيـل *** الـلـي منـاعـيـر الـرجـال أيـهـبـلهـا
مبـطـي فـخـرنـا بالسنيـن المساميل *** عـادات أهلـنـا مـا نـدوّر بــدلــهــــا
يـامـا بـوايـل مـن نـوادر مـشـاكيـل *** مـا زايـنـوا بـالـنوق فـي محـتـفـلهـا
منهـم عقاب الخيل من خلفت شعيل *** مـا يـنـطـح كـان الـشـوارب فـتـلهـا
ومشعـان أبـن هذال يـوم المصاويل *** يـامـا صـوابـيـر الـمعـادي عـزلـهـا
وأبـن بـكر مشعـان ذيـب الرجـاجيل *** الـغـافـلـه مـا يـوم قـالـوا عـقـلـهــا
بـرجس غديرالموت فوق المشاويل *** اليـا عـثـا بالـقـوم يـرمـي بـطـلـهـا
وجملت ضنا عـنـاز ماهـم مساهيـل *** مـن جـالهـم مـظيـوم يـدلـه ويـلـهـا


قال عبدالله بن دهيمش بن عبار العنزي هذا المقطع من قصيدة بمناسبة في بني عطيه : 326

من كان حاضر سد عن كـل غـايـب *** عسى تـدوم أفـراحـكـم والمسـرات
والـنعـم والـلـه يـا اعـزاز الطنايـب *** نعـم بكـم يـا أهـل السلـوم القديمات
أنـتـم مـدابـيس الـوغـى بالحـرايـب *** صـيـد الـرجـال النافـليـن العطيـات
وعـضودهـم بالمعضـلات النـوايـب *** ساعدهم الأيمن شخوص العقيلات
واسنـادهـم يـوم السنين الصعـايـب *** نـقـوة شغـاميـم القـروم الخميسات
سـلايـل الـلي مـا بـنسـلـه شـوايـب *** مذكـور من عـقـبـه ثـلاث البديـدات
صافين من صفوة عـريب النسايب *** مـعـاز أخـو عـنـاز مـا فـيـه شكـّات
نفـخـر بـطـاري عـلمكـم يالقـرايـب *** يـا بـعـدكـم عـن الـعـلـوم الـرديــات
أهـل الـبـيـوت الشامخـة بالجـذايـب *** ما قطبـت عـن الهواشـل بـروقـات
ريـف الـبـداه الـلي بكـور النجـايـب *** أهـل المعـاني والـربـاع الفـضيـات
دايـم تـشـوح ردونـهـم لـلـركـايــب *** لاجـن هـجـافـا والمـزاهـب خـليـات
أول قـرى لـلـضيـف فـنـجـال رايـب *** مصبوب من صفـر الدلال العذيـات
وبـعـده عصيـب مـربيـات الجـلايـب *** عـيت الكباش المكرمات السمينات
بكـم أفتخـر واطـول والقول صايـب *** مـا هـو تـملـق بـالكـلام ودعـايـات
أقـولـهـا وأفـعـال ربـعـي عـجـايــب *** عـنـاز نـكتـب مـجـدهـم بالسجـلات
شجعان يـوم الـذود يحمى بجنايـب *** بالعصراللي سلمه مغازي وغارات
يـرعى دبـشهـم دوم بالقـفـر سايـب *** حامينه بحـدب السيوف الرهيفـات
أولاد وايـل مـا رضـوا بـالـغـلايــب *** كانوا على باشات الأعجام باشات
خـلفـت نـزار ومـن ربيعـة صلايـب *** يـا مـا بـرز حـكـام منـهـم وسـادات
ولا أحـط فـي بـاقي القبايـل معايـب *** الـلي بهم من سلم الأجـواد عـادات
كـانـت مـفـاعـيـل القبـايـل غـرايـب *** لـهـم بـعـركـات المعـامـع بـطـولات
والحمـد لـلـه زال عصـر الطـلايـب *** اليوم حكم الشرع فض الخصومات
حـكـم الـعـدل بـدد جـمـيع السبـايـب *** الـلي يفـرقـن الجـماعـة جـماعـات
صار بأمان الـلي من الخوف هايب *** وأدبـر زمان التفـرقـة والحـزازات
وتحـقـقـت للشـعـب كـل الـرغـايـب *** العـلم عـم ودور عصر الجهل فـات
فـي ضـل قـادتـنـا جـزال الـوهـايـب *** نـنعـم بأمن وفي كـرامـه وخيـرات
الـلـه يـكـافـيـنـا البـلا والـمـصـايـب *** ويـفـكـنـا مـن شـر كيـد العصابـات
وصلوا عـلى الـلي يذكره كـل تايـب *** المصطفى المختار في كل الأوقات


قال عبدالله بن دهيمش بن عبار هذه القصيدة رداً على الشاعر بدر بن صالح الفرحان الجلعودي : 327

أشكـرك يا بـدر عـلى نـظـم قـيـفـان *** حيثـك بـنـا في محفـل الـربع حييـت
الله يثيبك جيت من غـرب ظـهـران *** ورحبـت فـي لفـوت زميلـك وهـليت
دامك لشوفي يابن الأجواد شفـقـان *** أنـا بـكـلامـك يـالـزمـيـل استعـزيـت
يا بـدر غـايت منوتـك بـر واحسان *** ولـي الشرف لـديـاركم كـان سجيـت
أشكر نسل فرحان في كـل الأحيـان *** العـزوه الـلـي فـي لـقـاهـم تـهـنـيـت
أهل الكرم والجـود والقـدر والشـان *** عاداتـهـم ذبـح المهاجيـل والعـيـت
الشكـر والـعـرفـان لـعـيـال فـرحـان *** مـن مارثة جلعـود يا حي ما طريت
الـلابـه الـلي مـن صماصيم حـمـدان *** فخـذ العمايـر ساسهم كـان قـصيت
سلايل حضيري حـمـايـل وشجـعـان *** مرويـن حـد المرهـفـات المصاليت
حماية الريشا عـلى الخيـل فـرسـان *** يوم اللقاء عـوق العصاه الـزناتيت
رجـالـهـم صـنـديـد للخـصـم مــالان *** لا صار طعـن يـفتت العـظـم تفتيـت
وأعتـز في عـنـاز حضـره وبـدوان *** العـزوه الـلي مـا شنـوها الشواميت
من خيبر الحـرة إلى غـور بـيـسان *** ومن ديـرة البصرة اليامنطقة هيـت
داجوا بها الويلان بالسيف شامـان *** وعـلومهم بالطايلـه مثـل ما اوحيت
هذا جوابي وأبلـغ الشكـر الأخـوان *** الـلي احتـفـوبي يـوم للـديـره الفيـت
ثـم السموحة كـان بالقـول نـقـصان *** مشكـور يالمنـعـور بالـحـق وفـيّـت

الحلقة الثالثة والعشرون

وقال عبدالله بن دهيمش بن عبار هذا المقطع من قصيدة : 328

نسل العديم اللي تسلسل من غبيـن *** من صلب مبرك من سلايل دخيلان
من مارثـت شيخـان بشـر القديمين *** تاريخهم مشهـود مـن دور فدعـان
حـدا الثـلاث الـلي بـوائـل مسـميـن *** اللي لهم فـي سابق المجـد عنـوان
هـل الذبـيحـة عـنـد كـل العنـزتـيـن *** هـل الفخـر والجاه والقـدر والشان
مبطي من العصر القديم معروفيـن *** كـانـوا ولا زالـوا يروسون عـربـان
بالسلم مجلسهم بصـدر الـديـاويـن *** وبالحـرب تتبعهـم بـيـارق وسلفـان
امجـاد ماضيهـم عـليهـا بـراهـيــن *** وعـلم الفضيلة له مـواري ونيشان
واليـوم زاكيـن الضمائـر حشيميـن *** والحـمـد للـه مجـدهم مثـل ما كـان
فازوا بخف النفس والرفق والليـن *** ما منهـم اللي بـه ضغينة وعـدوان
للصاحب الداني كما الشهد حلويـن *** لكـن عــلى مـن يعـتـدي سم ثعـبان

قال عبدالله بن دهيمش بن عبار هذا المقطع من قصيدة : 329

مـن عـزوة عدوانهـم صابهم خرع *** من رازهم راسه عن المتن مجدوع
يوم النضا بالبيد تهـرع بـهم هـرع *** صالوا هـل الجدعا طـوابير وجموع
يوم العـرب تذرع فجوج الفلا ذرع *** مـا عـنـدهـم لمـدوّر الفـود مطـمـوع
كم فـارس كـرّع بوسط الثرى كرع *** وسط العـلابي صافحـه حـد لامـوع
عـدوهم سـم الحنش يجرعـه جرع *** كـم طاغيه جـبّـار خـضع لهـم طـوع
الـلاّبـه الـلي تـذبح الشقـر والـدرع *** للضيـف يـوم الباديـه تشكي الجـوع
واليوم زال الشر في حكم أبن درع *** شمل الشعوب بحكمهم صار مجموع

قال عبدالله بن دهيمش بن عبار هذه الأبيات من قصيدة : 330

عسى يـفـداه الـلي يجـلّـق اشـدوقـه *** سـوالفـه بـالـنـاس غـيـبـه ونـمّـات
منصور بن نايـف عـريـبـه عموقـه *** من ساس عزوه وصفوا بالبطولات
كم شيخ لابـه ما حصل لـه حقـوقـه *** غـدوا بذوده يـوم عـصـر القوامات
يـصـفـق بـكـفّـه يـوم قـفّوا بـنـوقـه *** جـداه يـجـذب بـالـمـعـالـيـق ونّـــات
كـم حـايـلٍ تـزهـى دبـاديـب طـوقـه *** قـفـوّا بهـا ومعهـا عشايـر وخلفـات
عـاداتـهـم قـهـر المـعـادي وعـوقـه *** سقم الحريب أن صارللخيل غارات
بـالـكـون يعـطـون المـعـادي لعـوقـه *** لا ثـارت العـلـيـا نـهـار الـمـثـارات
يرعـون من عـذرا إلى حـدود لـوقـه *** ومن ديرة الجوبه لغرب القـريـات

وقال عبدالله بن دهيمش بن عبار هذه الأبيات من قصيدة : 331

أنساب عـنزه وضّحت عبر الأجيال *** والفعـل مـابـيـن القبـايـل شهـرهـا
عـيـال وايـل مـابـهـم شـك واجـدال *** ماهـو بخيـت الـلي يجـرّب قشرهـا
يـوم القبايـل بـيـنهـا حـرب واقـتـال *** تـشرا صداقتها ويخشى خـطـرهـا
رجالهـم هـوشه اليـا هـاش بهـبـال *** كن السكر صاب العقـول وخشرها
ياما بضنـا عـنـاز فـرسان وأبـطـال *** وأعـلام لـو عـديـتهـا مـا احصرها
أتعبت لهم الحال وأرخصت الأموال *** وانسابهم بالطرس نرسم شجرها

وقال عبدالله بن دهيمش بن عبار هذه الأبيات من قصيدة :

مـن ساس عـزوه لهـم تعبـار *** عـوارف الـيـا حـصـل قـالـه
والطيـب لهـم هـدف واشعـار *** وبـهـم حـمـيّـه وزعّــالــــــه

وقال عبدالله بن دهيمش بن عبار هذه الأبيات من قصيدة :

غـثيـث مـن لابـه شريـفيـن واعـزاز *** أرداهـم الـلـي يـحتـفـي كـان زرتـه
أهـل البـويـضـا للعـدا غـش وانحـاز *** فـعـل الصقور من الروايه خبـرتـه

وقال عبدالله بن دهيمش بن عبار هذه الأبيات من قصيدة : 332

يـا مـرحبـا حيـيـت يـا طـيـّب الـفــال *** هـلا هلابـك يا أبن الأجواد يا حسيـن
لا هـنـت يالمنعـور يـا نسـل الأبطـال *** أهـل الفعـايـل يـوم عـصر الأكـاويـن
عساك يا ساس الفخر بأحسن الحال *** حـيثـك مـعـرّب من حـمـايـل مسمّين
بـربـاعـهـم يـوجـد مـعـامـيـل وادلال *** وينصاهـم المحتاج يوم الزمن شين
يا حسين مـا يخفـاك بالنـاس جـهّـال *** وفيهم يا أبـو عوده نشاما عزيزين
وفيهـم كمـا تـذكـر خسيسين وارذال *** بالكذب يغـرون الضعوف المساكين
لاشـك يـبـطــل كــل هــايـف ودجــال *** ويـزول كـيـد الضـاليـن المضـلـيـن

وقال عبدالله بن دهيمش بن عبار هذه الأبيات من قصيدة : 333

ربعـي ذرايـه بخطـو الليلـه الشلتـه *** هم ظلي اللي يردالشوب عن زولي
افـخـر بالاجـواد والعـاقـة تجاهـلتـه *** الخايب اللي على البلغات حنشولي
لـي الشرف والفخـر بالـلي تحملتـه *** أتعبت رجلي لأجل ربعي ومرحولي
مـن سب وايـل بقـول الحق جادلتـه *** اللي بسببهم وطيت الحظـف بنعولي

قال عبدالله بن دهيمش بن عبار هذه الأبيات من قصيدة : 334

بـديـت وأسندت القوافي عـلى فهيـد *** الـوافـي الصادق سلايـل إبـراهـيـم
أبـو عـبـدالـرحـمن نـسـل الأجـاويـد *** ساسه مـن قـروم الرجال الشغاميم
مجـنـاك من نسل الجـدود الأمـاجيـد *** وأخـذت منهم منهـج الطيـب تعليـم
مـن نـدي وشطي شخوص صناديـد *** ولهـيـلـم وراشـد صـقـوٍر صواريـم
من طويق أبن خميس ماهم رعاديد *** خـيـالـت الـبـلـهـا بـوقـت المـلازيـم
كـان انـتخـوا بكشور صيـد الأواليـد *** وثـار الكـتـام وعـتّـم الـجـو تـعـتيـم
وأن صال طابور الجذع كنّـه الحيـد *** ثـم أنـتخـوا بشميل عـنـد المجاهيـم
عـدوانهـم تقـفي مثـل شّـرد الصيـد *** شاف الـرّماه وهج مع ساقة الـريـم
واسنادهم وقت اللّقاء روس ومهيد *** وضنا فريض جموعهم كنهـا الغيـم
ونعـم بضنا مـاجـد الياصـار تهـديـد *** بـواسـلٍ مـثـل السبـاع الـمـضـاريـم
فـدعـان دوم ضعونهم تطوي البـيـد *** حمـر النواظـر جارهم ما شكا ظيـم
ودخيلهم تمضي سنينه كـمـا العـيـد *** ساس الفخـر زبـن الجنـاه المغاريم
يا فـهـيـد تستـاهـل مـدايـح وتمجيـد *** ثـنـاك أنـا أعتبره كـرامـه وتكـريـم
يا فهـيـد لـو زادت مكايد هـل الكـيـد *** مـن فضـل ربـي مالقـوبـي مـثـاليـم
والـلي يخـوض بلا دلايـل واسـانيـد *** رسول الأمـه حـرّم الـزيـف تحـريـم

قال عبدالله بن دهيمش بن عبار هذه الأبيات من قصيدة : 335

جـانـي جـواب الـلي يشيـد بتماديـح *** قافـه يشوق البـال مـاهـو بـروفـه
عـلي المريبـد طايـل البـاع زحزيـح *** يتعب عـلى الجزله ونفسه عطوفه
المكرم الـلي عـادتـه هـبّـت الـريـح *** شهـم وكـريـم وفيه لطف ومروفـه
عـرف الذي شرواه كسب ومرابيح *** نعـتـز فـي قـافـه ونـفـرح بشـوفـه
حيثـه من أصحاب الوجيه المفاليح *** اهـل الجموع الـلي كما صم طوفـه
كان أدبروا عصم الشوارب مدابيح *** رجـالـهـم يـنطـح خصيمـه بجـوفـه
عزوة مسيك اليا تعلّوا عـلى الفيح *** مـن منحـر العـايـل تحـنّي سيـوفـه
يـوم المغـازي والسرا والـمـراويـح *** عـدوهـم مـا لاق مـن شــد خـوفـه
قطعـانهـم تـفـلا بـقـفـر الصحاصيح *** مـرتـع لغزلان الظبى مـع خشوفـه
كـم فارس حطـوّه تـحـت الصلافيح *** بالسيف طشوا هامتـه عـن كتوفـه
الضيـف يـقـرونـه بعـيـت المفاطيح *** مـا مـنهـم الـلي يشمتونه ضيـوفـه
ودخـيلهـم فـي نـزلهـم نـام تشطيح *** يأمـن ولا يخشى غـريـمـه يحـوفـه
سـمـيـر جـاهـم والشليمي مـنـازيح *** والربـع جاهم يـوم شاف الحفوفـه
وقـصيـرهـم يـوم أدركـوه الـذوابيح *** فـداه الأسحم مـا خشي من حتوفه

قال عبدالله بن دهيمش بن عبار هذه الأبيات من قصيدة : 336

سـلام يـشـبـه ورد فـيـضـة قـبـاقـب *** ريـح الشـذا ينـفح عـبيـره اليـا قـب
يهدى لـلي من فوق شيب المحاقـب *** ربـعـه عـوايـدهم يدبون العـدو دب
قـبـل المـواتـر زاهـيـات الـمشـاقـب *** عـلى السبايا يـفـزع العـود والشـب
عوض تعـلّى فـوق عـالي المراقـب *** راعي البويضا من علوم الفخرعب
يـفـدا جـنـابـه كـل خـاسـي وعـاقـب *** ويفداه لاش ما يخشى عقوبة الرّب

الحلقة أربعة وعشرون

قال عبدالله بن دهيمش بن عبار هذه الأبيات من قصيدة : 327

حيـاالـلـه الـوافي سلـيـل الـمـغـاويـر *** عبـدالرزاق القـرم نـال احـتـرامي
يا راعي العشوى عسى فالك الخيـر *** يالمطـرفـي أهـديـك عاطر سلامي
مجناك من روس القروم المشاهيـر *** مـطـارفـه نـعـم الـرجـال الكـرامـي
يـوم النفـيشي مـا قـدر يدلج السيـر *** شالـوا غـنـم قصيرهـم بالـزحـامي
جابـوا شياهه مـن بعـيـد المشاويـر *** وأقـفى ضعـنهـم بالتـلاع المظـامي
وأفعـالهـم مـا تنحـصي بالتـعـابـيـر *** ستر العذارى مرودعات الوشامي

قال عبدالله بن دهيمش بن عبار هذه الأبيات من قصيدة : 328

يالـذايـدي يـالـلي مـن العـزوه خيـار *** ياكريّم الـلي مـن الـرجاجيل منعور
الـلـه يـحـرّم والـديـنـك عـلـى الـنـار *** مجدتني يا طـيّـب السـاس مشكـور
شـهـادتـك يـالـذايـدي تـاج واشعـار *** أفـخـر بـها واعتز يا صايب الشـور
حـيث أنت من لابة هل السّلم والكار *** دهـامشة تـدلـه بـهـم شمّخ الـخـور
ربـعـك محـددت الـجمل نسل عمّار *** نالوا مفاخرهم على السّرج والكـور
ولا اقدر أعـد افعالهـم حيثها كثـار *** تاريخهـم فـي صفحة المجد مسطور

قال عبدالله بن دهيمش بن عبار هذا المقطع من قصيدة : 329

نـويـت اكـز مـن القوافي كـزازه *** لأبن حسن نسل الرجال الكريمين
يلفي على اللي نفتخر في انجازه *** عبدالله اللي من حمايل عزيزين
حيثه سليل الـلي صعيب مهـازه *** من ساس لابه يدحـرون المعادين
عوق المعادي كان صابه نحازه *** عـزوة بـني هـزّان بالفعـل وافيـن
بـرك ونـعـام ديـارهم والمجـازه *** من عصر وايل والجدود القديميـن

قال عبدالله بن دهيمش بن عبار هذا المقطع من قصيدة : 330

قـلتـه وأنـا من لابـةٍ يـوم عصرهـا *** خـمس المعـانـي نافـليـن بمطـايـبـه
منهـا العـطيـة فـي جـدودك نعـدهـا *** أعـطـأ شـقيـر وسنهـا فـي قـرايبـه
ومنها منادي بالعشا بحزت القصى *** كـم حـايـل سـال الحمـر من تلايبـه
ومنها مقـام الـروم محـدٍ سبق بهـا *** كـم شـيخ لابـة ماكـنـيـن صـوايـبـه
بـواجـت الـديـرة ابـعـاد الـمـدالـــي *** ما فـيـه ريع الا مشوا فـي دعـايبـه
والخامسة لـهـم شـريـك بـوصفـهـا *** ونعـم الـرجـال الـلي تعـزز طنايبـه
مـعـانـيٍ مـا هـي خـفـيـه نـعــدهـــا *** كـانـت فـتـيـة ثـم لاحـت مـشـايـبــه
مفـاخـر الأجـداد نـفـخـر بـمجـدهـا *** وأحفـاد بعـض القـوم تـكفـأ حلايبـه
هـذا مضى واليـوم راحـت سوالـف *** تاريخهم ما نـلـت فـود بشقـاي بـه

قال عبدالله بن دهيمش بن عبار هذا المقطع من قصيدة في مفاخر القبيلة: 331

قـريـت قـافـه مـن خـتـامـه لـمـبـداه *** حكيم راي وصـافـي القـاف ناقيـه
أطلب عسى الرحمن بالخير يجـزاه *** الـعـادل المنصـف نـعـزه ونغـلـيـه
شـاد بعمـايلنـا عسى اللاش يـفـداه *** اللاش يجحـد مـا تطولـه مشـاريـه
الـلاش خـلـه يـنكعــم عـنـد عـذراه *** لو رام درب الطيب طاحت هقاويه
سلم على اللي منشأ الأجواد منشاه *** وسـلـّم عـلى كـل الحمـادا بنيخيـه
اللابـة الـلي عـلمهـم بـالـفـخـر فـاه *** عند العرب معروف تاريخ ماضيه
مـنـهـم نـوادر بـالـفـعـايـل مـسمـاه *** عسـاف وإبـراهيـم مبـطي مـداليـه
وحـمـود ومحـمـد بـطيـبـه ذكـرنـاه *** وعبدالعزيـز الـلي تشـرف مباديـه
عساف نال الطيب من طيب مجنـاه *** في عين صيد الـوايلي شـاد ناديـه
وكل القصارى طاب ساسه ومرباه *** شيخـان بالشقـة وشـادوا مبـانـيـه
وكـل الحمـادا حقهـم مـا هضـمـنـاه *** لا شك نقصر فعلهم كيف نحصيـه
قـلته ولا قصـدي لـك الـلـه محـابـاه *** ومن لا سمع للحق ماني مـداريـه
مـن عـزوة الـربـاع للخـصـم مـاذاه *** أولاد حسن مـرذيـة نضـوة الـتيـه
سلـقـا الـيـاثـار الـدخـن بـالـمـلاقـاه *** عـدوهـم بالـكـون تـكـثـر تـعـازيـه

قال عبدالله بن دهيمش بن عبار هذا المقطع من قصيدة في مفاخر القبيلة: 332

الـلـي يـذكـّرنـا عـلـى أفـعـال كسـار *** الـنـادر الـلي بالـفـخـر لـه فـعـايـل
أرجو السموحة وأقبلوا منا الأعذار *** ما تنحصي افعـال الرجال الأوايـل
نـسـيـت أبـن جـزاع أيـضـاً وشكـار *** أفـعـالهـم بالطيـب مـا بـه جهـايـل
ويا ما نسينا مـن المشايخ والأمـار *** حـمـايـة الـخـلـفـات يـوم الـدبـايـل
ماني لهـم يـا نسـل الأجـواد حـقـّار *** ولا لي مقاصـد يـوم سجلـت قـايـل
مـن فضل مولانـا مشاهيرنـا أكثـار *** ولا أقـدر أعـدد كـاسبيـن النـفـايـل
وأشكـر جناب الـلي يزود بالأخبـار *** عـن كـل مـنعـور كـريـم الـسبـايـل
راعي الحميا اللي على مجده أيغار *** والطيّب الـلي كاسـب عـلـم طـايـل
يظهـر ثـنـاه بطول باعـه والأشبـار *** ويرفـع مقامـه عن علـوم الرذايـل
حـاولـت أعـدد كـل فارس ومختـار *** ريـف الهجافى ومتعبيـن الأصايـل
عـديـت مشـوار وخـلـيـت مـشـوار *** وبذلت جهدي فـي جميع الوسايـل

قال عبدالله بن دهيمش بن عبار هذا المقطع من قصيدة في مفاخر القبيلة : 333

وأنـا لـلي شـرواك يـالـقـرم شـكـار *** نـبي الحقـيقـة مـا نـدور الملامـي
والـلي غـلـطـنـابـه نعـيـده بتـكـرار *** وحـنا هدفنـا يا فتى الجـود سامي
واللي يساعدنا عـلى صح الأخبـار *** هـو ذخـرنا وقت أقتراب الحزامي
ولا الـردي عـنـده شماتـه وعـيـار *** دايـم يـبـث الـفـايـهـه والـتـهـامـي

قال عبدالله بن دهيمش بن عبار هذا المقطع من قصيدة في مفاخر القبيلة : 334

الفاضـل الـلي لكـتبنـا جـاب سـيـره *** عـرف هـدفنا وفسر القصد تفسير
شـكـره لـمـجـهـودي نـعـده بـريـره *** عـسى فـداه الـلي يـدور المعـاييـر
حيثـه من اللي كان صارت جريـره *** لابـة هـل العـليـا حمـاة المعـاشيـر
نقـوة رويل أهـل الجمـوع الغـفيره *** والنعم يشمل كل خمس الصوابيـر
وأن شـدوا المركـب ودرهـم بعيـره *** خلـوا طـوابـيـر المعـادي شنـانيـر
يرعـون من شرق النفـود لسميـره *** ومـن ديـرة البلـقـا لبغـداد لضميـر
مـقـدمهـم الـلي للـمعـادي نـحـيـره *** زعيمهم مـن دور شعلان وغـريـر
الـلـي لـهـم وقـت الـلـوازم ذخـيـره *** الشيخ ابـن نايـف طويـل الأشابيـر
وقـت اللـزم مصيرهم مـن مصيـره *** يوم الشرور ويوم كسب الخواوير
ويوم انتهت عاهد صقور الجزيـره *** وعـز القـبيلة مـا خضع للجماهيـر
مـلاذ عـن حـر السـمـوم وهـجـيـره *** ستـر الرفاقـه عن مهونه وتحقير
وقبـل الختـام اشكـر جميع العشيره *** صيـد الحـمـايـل طيبيـن المخـابيـر
الشكـر يـرفـع بالحسـاس الجهيـره *** لـلي أكـرمـونـا يـوم جينـا مساييـر
وكـل الـسـمـيـه كـّثـر الـلـه خـيــره *** ونعـم بأهل زلوم وهديب وصويـر
الـلابـة الـلـي بـالـكـرامـة جــديـره *** مهمـا انفـقـوا ما حسبوا للمخاسير

قال عبدالله بن دهيمش بن عبار هذا المقطع من قصيدة في مفاخر القبيلة : 335

رايتهـم البيضـاء بـروس العـناقـير *** الـلابـة الـلي كـل منصف شكـرهـا
نـعـم بـكـل رويـل سـتـر الـغـنـاديــر *** اليا نقضت هنف العذارى شعـرها
وأن جاء نهـار فيـه صوال ومغـيـر *** وأن شلت القطعان فزعوا باثرهـا
منهـم ملـيح الـلي يـروي البـواتيـر *** وسـنـد الـلي قـب السبايـا ذعـرهـا
ولـو أبي اعـد من الرجال المغاويـر *** يـتـيـه فـكـري بالعـدد مـا حكـرهـا
يا ما بهم مـن عطـر الشلف تعطيـر *** شجعان يخشون العدا من خطرها
يـوم الطـراد ويـوم شلع الخـواويـر *** صديـق عينـك مـا يجـرب قشرهـا
صمع القلـوب وللحرايـب مساعيـر *** رب الملأ عـلى الأعـادي نصـرهـا

قال عبدالله بن دهيمش بن عبار هذا المقطع من قصيدة في مفاخر القبيلة : 336

يـوم جـينـا الـربـع مـا شفنـا الكـدر *** عـنـدهـم شـفـنـا كـرامـة وانـتـبــاه
ولـعـبـة الـدحـة وأحـاديـث الـسمـر *** والرجـال الـلى عـلى شوفـه شفـاه
الـرجـال أهـل الشجـاعـة والضـّفـر *** يــوم كـلـن بـيـرقـه يـرفــع الـــواه
أهـل العـلـيـا مـا يـهـابـون الخـطـر *** ويردعـون الـلي تـمـادا فـي خطـاه
جـمعـهـم بـالـكـون دايـم مـنـتـصـر *** وذودهـم مـا يـستـفـيـد الـلي غـزاه
مـن يـدور الـشـر يـبشـر بـالقـشـر *** والخصيم الـلي حـربهـم مـن عنـاه
هـقـوتـي مـا هـمـهـم عـلـم الـنــذر *** ولا يـهـابـون الـدروع ولا الـمشـاه
وفـي سنيـن العـوز وأيـام الـفــقــر *** يــوم شـح الــزاد لـلعــانـي غــنـاه
قـلـتـهـا ولانـي بـحـال الـلـي هـــذر *** ومـن حكى بالسوء عند الله جـزاه

قال عبدالله بن دهيمش بن عبار هذا المقطع من قصيدة في مفاخر القبيلة : 337

منصاك عـرعـر دار وافين الأشبـار *** أن يسر المـولى مع الفجـر جتهـا
تلفي عـلى البطحي بسجـة ومسيار *** مـتـعـنـيـه يـمـه وداره نـصـتـهـــا
مـن راس لابـة فعـلهـم مابـه أنكـار *** بجايده تخشى العـدا من أنخـوتهـا
وأن ثـارت البلهـا يبيعـون الأعمـار *** نعـم الرجال اللي الملامـة عـدتهـا
قـلته وأنا لك يا أبيض الوجه شكّار *** يا من أعـمالي بالوصايـف نعـتهـا
والمرجله يا القـرم من دونهـا طـار *** ولا كـل مـن يـبغـاه رجلـه رقـتهـا