قال الشاعر فارس بن زعل الضميني هذه القصيدة يثني على زميله عبدالله بن دهيمش بن عبار
بعد أن سمع القصيدة التي تحتوي على شرح :
جـبـت القـلـم والبوك ثـم بعـد سميـت *** سميـت بسـم الـلـه عـظيـم الفضايـل
انـا الـيـامـنـي نـويـت انـظـم الـبـيــت *** اخـتـار مـن نـظـم القصيـد الجـزايـل
قريحتي هاضت بـعـد كـل مـا اوحيـت *** هـروج نـاس بـيـن قـيـل وقـايــــــل
عـن لـم شمـل النـاس تسعى بتشتيت *** مـمـا تـحـوك قـلـوبـهـم مـن غـلايـل
حاولت اهـدي زايـد الغيض وازريـت *** استغـرب الـلي يـنـكـرون الجـمـايـل
والحـق مـا يخـفيـه هـرج الشواميـت *** الـلـي يـسـبـون الـرجـال الأصـايـــل
ولو تبذل المجهود للناس ما ارضيت *** ولـو مـا انـت عايل تبتلا بشر عايـل
لـكـن اليـامـنـك عـلـى الـخـيـر دلـيـت *** لا يـردك الــلـي يـشـعـلـون الـفـتـايـل
واختـرت مـن زيـن التماثيل واهديـت *** لـلـفـاضـل الـنـادر عـريـب الـسـلايـل
عـبـدالـلـه الـعـبـار يـا نـعـم مطـريـت *** افـخـر بـذكـر الـقـرم والـراس طـايـل
مـني سـلام لطـيـب الـذكـر والصـيـت *** عـبـدالـلـه العـبـار وافـي الـخـصـايـل
عـزالـلـه أنـك لـلـحـقـايـق تـقـصـيـت *** عـن كـل مـا عـدوا عـن أولاد وايــــل
وعـزالـلـه أنـك يا فتى الجـود سويت *** تـاريـخ يـقـرى بـيـن كـل الـقـبـايـــــل
بـكتـابـك الـلي يشمـل الحـي والمـيـت *** مـا قـلـت لـك قـولـن بـلـيـا دلايـــــــل
وعـزالـلـه أنك قلـت بالصدق وافـيـت *** واحـيـيـت ذكـرى طيـبـيـن الـفـعـايـل
سجـلـت بالتاريخ وابديت مـا اخطيـت *** احـيـيـت مــجــد لـلـجــدود الأوايــــل
وعـزالـلـه أنك قـلت وابدعت واقديت *** حـقــايــق يـقــنــع بــهــا كــل سـايـل
حـقـايـق مـاهـي سـوالـف سـرابـيــت *** لـولاك راحـت بـالـسنـيـن الـسـمـايـل
مشكـور يالمنعـور بالخـيـر واجـزيـت *** مـهـمـا حـكـوبـك نـاقـلـيـن الـنـقـايـل
ومهمـا كتبـت بسيـرة الشعـر وافنيـت *** مـا اعطيت حقـك يا عـريـب الحمايل
ادعـو لـك الـمـولـى ثـبـات وتـثـبـيــت *** عـلـى ثـبـات الـحـق والـشـك زايـــل
حـمـاك ربـي مـن شـرور الطـواغـيـت *** الـلـي عـلـيـك يـدورون الـفـشـايـــل
وصلات ربـي كل ما اصبحت وامسيت *** عـلى النـبـي عـداد رش الـمـخـايـل

وقال عبدالله بن دهيمش بن عبار هذه القصيدة رد على قصيدة الشاعر فارس بن زعل الضميني الولدعي

مبـداي بـالـلي عـالـم بكل مـا أخفيـت *** رب الـمـلأ محـيـي هـمـيـد الشتـايـل
الـخـالـق الـلـي مـا لـغـيـره تـرجـيـت *** نـعـوذ بـه مـن حـر صـلـوا المـلايـل
بـديـت بـاسـمـه ثــم لـلـقـاف رديـــت *** عـلى الـزميل الـلي بعـث لي رسايل
فارس سليـل ظمين علمـه كمـا اللّيـت *** مـن سـاس لابـه يقحمـون الدبـايـل
يـوم النـخـاوي والحـدا والمصاويـت *** بالعـصر الـلي بالناس صايل وجايل
عـزوتك الـلي يالقـرم فيهم تعـزويت *** نـاقـتـهـم الـمـلـحـا تـرود الخـمـايـل
ولادعـه كـانـك لـلأجـواد عــديـــــت *** فـازوا بـعـلـم المـرجـلـه والـنـفـايـل
ولادعـه يـوم الـمـزاهـب حـتـاحـيـت *** تـلـقـا حـمـيـل الـبـن مـثـل النـثـايـل
واشكـرك حـيثـك للحقـايـق تمـاليـت *** وجهرت في صدق العلـوم الصمايل
لـك الشـكـر يـالـولـدعي مـا تـرديـت *** وعـسـى فـداك مـفتـقيـن الخـلايــل
منصف ومن بعض العلوم اشمئزيت *** والمنصفيـن اليـوم صـاروا قـلايـل
بعـض الهدايـف من لغـاهـم تـوذيـت *** ولا أجاري اصحاب القلوب الهبايل
مهما حصل لي من نكـد ما تشكويت *** اصبـر اليـا ضاقـت وساع المحايـل
قـلـتـه وأنـا عـن واجـبي مـا تونيـت *** ذكـرت بـكـتـابـي جــميـع الـعـوايـل
وعـن الـلي عابوا عزوتي ما تغبيت *** كافحـت كـل أهـل الدّجـل والتحايـل
يـامـا عـلـى الـدار البعـيـده تـعـنيـت *** اجـمـع مـن تـراث القبيلـه حصايـل
العـزوه الـلي فـي فخـرهم تـبـاهيـت *** اكـتـب مـفـاخـرهـم ولانـي مسايـل
العـزوة الـلي فـي حـمـاهـم تـربـيـت *** زمّــلٍ يـدنّـى لـلـحـمـول الـثـقـايـل
من خيبـر الحـرّه إلى حـدود تكريـت *** داجـوا بـها الويلان فـوق الرحايل
من ديـرة الشنبل اليـا منطقـة هـيـت *** يرعون من حطيّن لأرض السلايل
يرعون في حـد السيـوف المصاليت *** حـدب الظهور المرهفات الصقايل
مشوا بطريق العـز فـي كـل تـوقيـت *** سـتـر العـذارى ناقضات الجـدايـل
والخاتامه على اشرف الخلق صلّيت *** شفـيعـنـا المخـتـار يـوم الهـوايـل

قال ماجد بن هزاع بن سنابل يسند على عبدالله بن دهيمش بن عبار :
تحـيـتي عـبـر الأقـمـار الصنـاعـيـة *** للـواتسـاب مـن الجـوال نـرسـلـهـا
لـرجـل المواقف والأعمال البطوليه *** ومامقـفـه بالقبيلـه ما أحـد يجهلها
عبدالله العبـار حيـه وثم حي طاريه *** تحمّـل حمول عـلى الغيـر ما اثقلها
وتعرض لأهل الحق واعمال كيديه *** واصدق دلايل عـن الـويلان سجلها
بـمـؤلـفـاتـه كـمـا احاديـث مـرويـه *** الناس كيف الصّدق والحق يزعلها
سيـرة بـطـل يستحـق الـثـنـاء زيـه *** جـمـع ثـقـال الحمول وهـو تحملهـا
والغـاوي الـلي يحاول يظهـر بغـيه *** قـوافــل الــغـي عــج لا يـوصــلـهـا
ومن حـاول يبـدل الحسنات بالسيه *** حـصـاد مـا يـبـذره بـالـعـب شايلهـا
والطبخـه الـلي طبخهـا ياكـلـه نيـه *** ومـن يفـتي الفتـوى يـورد دلايـلهـا
واللي بجسمه بى يصبر على الكيه *** والـلي حـبـالـه قصيـره لا يـنـزلـهـا
مـادام مـاهي عـلى الجـمّه رهاويـه *** يـدور مع النـاس حباله من يكملها

قال عبدالله بن دهيمش بن عبار هذه الأبيات مجاراة لأبيات الشاعر ماجد بن جزاع بن سنابل الضوي :
حـي البيـوت وحـي مـن كـزهـا لـيـه *** من شعر ماجد لـي الجوال وصلّها
رحـبـت تـرحيـب البـوادي بوسميـه *** هـلّـت من المنشأ سحايب مخايلهـا
أبـن سنـابـل مـن حـمـايـل حـماويـه *** من ساس عـزوة نافله في فعايلها
جـعـافـرة يـثـنـون لا صـارت الهيـه *** ونزولهم ما أحدن عن الدار رحلّها
بسيـوفـهـم يفـلون فـي كـل قـفـريـه *** وأرض المهابه يرتعـون بخمايلهـا
قطعـانهـم مـا جـفـلـوهـا الحـرامـيـه *** من حين شافوا لميع سيوف بأولها
يا أبـن سنـابـل تشـوف أيامـنـا ذيـه *** الـنـاس مـلـزوم يا ماجـد تجـاملهـا
بعـض الرجاجيل لـه غايات ملـويـه *** مـا نـزّل شخوص الرجال بمنازلها
مـع الأسـف عـنـده مشـاور دوينيـه *** وبتصـرفـه هـان القبيلـه وفشّلـهـا
وش فـاد الـلي أخلص لعدوانه النيّه *** وحالف اللي نيران الأحقاد يشعلها
اليـوم بعـض النـاس بالسـب مبـليـه *** وأهـل الجهل ما تفتهم لـو تجادلها