( من مايح بن عويجان إلى زميله عبدالله بن عبار )

مايح بن عويجان من الحسني من السلقا رجل وقور وشاعر مشهور ولكنه لا يحضر الاحتفالات ولا وسائل الأعلام وهو رجل رزين وعاقل وكريم نفس ومن أهل الشهامة ومن خلال ما يشاع من أكاذيب ضد أبن عبار من بعض الكذابين والظلمة وهو من شرفاء عنزة المنصفين أهل الضمير الحي ولا تأخذه الدعاية الكاذبة وليس له هدف عند أحد فقد عبّر بهذا الأبيات التي ارسلها عبر الواتسب :
قال الشاعر مايح عويجان الحسني العنزي يثني على زميله عبدالله بن دهيمش بن عبار :

لو تركبون الخيل يا عـيـال وايـل *** تـاريـخ ابـن عـبـار ما تاصلونـه
رجـل حكيـم ودوم بالطيب طـايـل *** الـواجب عـلى مـا فعل تشكرونه
عنده عـلى التاريخ عـلـم ودلايـل *** شـّيـن وكـاد وكـلـكـم تـعـرفـونـه
سجل لكم التاريخ وافي الخصايل *** وضح مسايـل غامضه تجهلونـه
العلم يبقى وصاحـب العـلـم زايـل *** وثبت لكم التاريخ وارسى ركونه
هـذي شـهـاده يا عـيـال الحمايـل *** مـني لأبـن عـبـار ربـي يـصونـه
الـوايـلـي دايـم عـلـومـه جـلايـل *** ودايم على الجزلات تسهر عيونه
حـكـيـم مـتـعـلـم بـكـل الـوسايـل *** عسى الـولي يكـفيه شـر المهـونه
أديـب وتشـهـد لـه جميع القبايل *** سيـفن مجـرب والعـرب يبخنونـه
كرس جهود في جميع المسايـل *** وحكايـة الـوجـهين مـا يلحـقونـه
تاريخـكـم خـلـوه عـنـد الحـلايـل *** الـلـي عـلـى جـوالـكـم ترسلـونـه
انـتـم مهـمتـكـم كتـابـت رسـايـل *** وتاريخ وايل صعـب ما تفهمونـه

قال عبدالله بن دهيمش بن عبار هذه الأبيات جواب للأخ مايح بن عويجان :
تعـيش يـا نسـل الـجـدود الأصـايـل *** الحـق طـبـعـك تحتـمي دوم دونـه
بالـحـق تـردع كـل مخـطي وعـايـل *** والمقـتـدي تـبقى سنـاده وعـونـه
حيث أنت شهم ولك معاني جـزايل *** تشفق على الجزله ونفسك حنونه
وأنا يا أبـو سلطان عن قـول قـايـل *** كتبت مجـد أهـل الفخـر يذكـرونـه
سجـلت تفصيل النسّـب والفـعـايـل *** وكافحـت بعـض القـوم لا يحرفونه
يبون كسب مـن الجـدود الهمـايـل *** وجـد عـنـزه فـي رايهـم مـا يبونـه
جـد عـنـزه يـبـون غـيـره بــدايـل *** والـزيـف بـوقـه للقـبـيـلـه وخـونـه
وأسندت قـولي بالعـلوم الصمـايـل *** وضحتها وسـود القـلـوب مغـبونه
ولاني بـحال الـلي يـدور الفشايـل *** الـلي عـن الـواقع يغمّض عـيـونـه
والجاحـد الـلي مـا يـعـد الجـمـايـل *** هـذاك مـثـل الـلي طـويلـه قـرونـه
واللي يا أبو سلطان حاك الدغايل *** حضّه ضعيـف وعـزوته يكرهـونه
الـلـه يخـون مـروجـيـن النـقـايـل *** الـلي العـلـوم الـغـانـمـه يـدفـنونـه

صح لسانك يابومشعل ولسان مايح عويجان على القصيدتين