يا قصيـر الباع يالهـزل السبـيقـي=لـو شربتـك مـي ما تقطع ظمـايـه
مـا ذكـرتـه مـا يـجـوز ولا يلـيـقي=لا تكـلّـم وأنـت مـا فيـك الـكـفـايـه
نـعـم أبن عـبّـار عبـدالله صديـقي=أبن عمي نعم من روس اصدقايـه
ما تفشّل رفـقـتـه نـعـم الـرفيــقي=أفـتخــر بـه بالـبـدايـه والنـهـايــه
من يبي يمشي مع القمرا الزريقي= لا يـزعـلـني ولا يـكسـب رضايـه
والردي لو قـال ما يقطع طريقي = مـا يـنـزل مـستـواه ومـستـوايــــه
الردي لـو قال قـولـه مـا يعـيـقي = والروايه سوها من أهـل الروايـه
من طمن ممشاه ما ينصر فريقي = من هدم مجـده ماهو كفو الولايه
لـو قبل جـده نعـم فـك الـوسيـقي = صار هـو اليـوم مـوقـع للـزرايـه
من تردى ليه من فعـلـه يضيـقي = يـذكـر بـفـعـلـه ولا عنـه الدرايـه
الذي مالـه سوى المجد العتيـقي = حـاضر بـس المهايـط والشنـايـه
الرد يماني عتلى شوفه شفـيـقي = ما بيده فقـري ولا عنـده غـنـايـه
نـام ولا فـاق جـعـلـه مـا يفـيـقي = ماتنومس بالـردي شين الـنـوايـه
أفتخر في صاحب الوجه الطليقي = ولايغيض الناس من بث الدعايه
من كلام اللاش صدري ما يضيقي=الردي لـو قـال ما كـدر صفـايه
الطفـاقـه طبـع للوجـه الطـفـيـقي= والكـلام الشين مـا يبحـث خـفايه
الجحش لا ضاق جدواه النهيـقي = والوشايه طبع لأصحاب الوشايه
ومن زعل مني لعله في حـريـقي = دام مـابـه خـيـر لـيـه ولسـوايـــه
وفي ختام القول منطوقي حقيـقي=مـن يحـب المـدح يفعل بالبدايــه

خلف بن خليف المحدى الغبيني

......



الرد

جاني المنظوم من قطف الرحيقي =نظـم قـرم يستحق أحـلا نبايـه
حي قـرم شاعـر وقولـه يشيقي=خلف اللي بالمراجل له هـوايـه
أبن محدى عندي أقرب من شقيقي=يفتخر بي وأفتخر به دون غاية
يفهم المنطوق والقـول الدقيقي =ما يداهن من تحدّث عن خطايه
الـغـراب الـلي بعشه لـه نغيـقي = لـه شبيه مـن الأوادم كـل بـايـه
من دخل بالموج مخطر بالغريقي=كان ربه ما لطف بـه بالرعايـه
والحقود اللي على الغره يويقي=ما غلي عندي ولا عنده غلايه
والسراب اللي لميعـه له بريقي=بالسهال القاحلـه مثـل المرايـه
لو هلكت من الظمأ ما بل ريقي=يا خـلف ما فيه للظامي سقايـه
لا تحيزم بالردي ما هـو وثيقي =خايب وعنـد اللوازم بـه اخلايـه
الردي مذموم لو ساسه عريقي = للجدود أهل المفاخر صار سايه
منـظـره يعجبـك بالقـد الرشيقي = زاهـي الهنـدام لا لبس العبايـه
ما صبر يالقرم من جلده رقيقي = يحسب أنـه مقـتدي لاشك تايـه
كـل حـاسد مـا يـقـر ولا يلـيـقي=شاقي بعوج السوالف له عنايه
لي كرامه عند من سده غميقي = ولا أتهم بقول من خالفت رايـه
سابق الأمجاد بالعصر السحيقي = مـا تفيـد الـلي تـمادى بالغـوايـه
مـن نـوى يلحق فخر جده لحيقي = الفخر والمجد يبغي لـه حمايـه
ومن على ماضيه ينحب له شهيقي = عاد راجع مثل الأسهم عند مايه
وترى اللي بدأ لفخر جده محيقي = مـا نـفع تمجيـد جـده بـالـقـرايـه

عبدالله بن دهيمش بن عبار


ارجو ان تسمح لي بالتنسيق


وصح لسانكم يا اعلام ورموز الشعر والنصح والارشاد