السلام عليكم
كيف حالك يابو مشعل
عساك طيب
عندي سؤالين بسيطة اذا تكرمت علي ( واسف لازعاجك )
الاول لو قلت انا انني من بني حنيفة بن بكر بن وايل من هل فيه احد يستطيع ان يثبت هذا القول او ينفيه من بطون الكتب ؟ يعني بصيغة ثانية يوم الامير سلمان قال انهم من بني حنيفة هل فيه شي يثبت او ينفي هذا ؟ (خصوصا وان ال سعود يقولون انهم من عنزة ولاسمعنا بانهم من بني حنيفة الا من فترة قريبة ) رغم ان الامير سلمان مازال يقول ( من بني حنيفة بن بكر بن وايل من عنزة )

السؤال الثاني ابو مشعل
قلت حفظك الله ان بكر وتغلب ليسوا من عنزة ، وحنا نعرف ان الناس مؤتمنون على انسابهم
فهل لانك ماوجدت شي يثبت انهم دخلوا في عنزة نفيتهم ؟؟ إذا كذا فالمفروض انهم يبقون من عنزة مالم نجد شي ينفي دخولهم بعنزة ، يعني حنا من طلعنا وحنا نعرف ان عنزة هي بكر وتغلب ، فالان المفروض اننا مؤتمنون على هذا النسب مالم نجد شي ينفيه
لان تصوري هو ان التعامل مع اي قبيلة يكون على احد شكلين
1- انها ثابته مالم يجي شي ينفيها
2-انها منفيه مالم يجي شي يثبتها
انت حفظك الله اعتقد انك تعاملت مع بكر وتغلب بالطريقة الثانية صح ؟ طيب على كذا لو قلت المضيان من عنزة ماهو نسبهم ؟ هل ننفيهم الى ان نجد شي يثبتهم ، ام نثبتهم حتى نجد شي ينفيهم ؟ الافتراضي هو اننا نثبتهم مالم يجي شي ينفيهم ، فكان الواجب علينا اننا نتعامل مع بكر وتغلب بالمثل ، والا لو مشينا على النفي حتى نجد الاثبات كان 99 % ننفيها

ماعليش يمكن تكون الاسئلة متلخبطة شوي والصياغة تخونني احيانا
ولكن لاملي ان اخذ العلم من منهله ولااصبح كخبط عشوى الذين قاموا بسبب (مرضي) في قلبهم بالتخبط يمنه ويسره حفظك الله من كل مكروه
وبيض الله وجهك مقدما