قصيدة الدكتور نايف العمري وجواب عبدالله بن عبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

11-16-2024, 08:32 PM

قال الدكتور الشاعر نايف عبدالله العمري هذه القصيدة يسند على عبدالله بن دهيمش بن عبار العنزي :

البـارحـه عـنـد الشـرف والمـكـانـه *** شـرفـنـي الـتـاريـخ مـمـا جـمـيـعـه
شـرفـنـي الـتـاريـخ والـلـه وأمـانـه *** كـنـه نـزل بـالـدار وايـل ربـيـعــــه
عـبـدالـلـه العـبـار عـقـل ورصـانـه *** الشهم ابـو مشعـل مكـانـه رفـيـعـه
تـنـال سـحـرٍ يـجـذبـك مـن بـيـانــه *** وأن حـدّثـك تلـقى الدقايـق سريعـه
ومن الأدب والشعـر سابـق بأوانـه *** تلـقى بـنـات الحـرف دايـم تطـيـعـه
في مجلسه علم النسب في حصانه *** وتلـقى عـن الشكـات سـد الذريعـه
لـبـيـت لـنـا ولـك الشـكـر وامتنانـه *** حيـث المـروة دوم عـنـدك طبـيـعـه
عـسى فـداك الـلي رضى بالطمانـه *** ويفـداك كـل الـلي عـلومـه وضيعـه

قال عبدالله بن دهيمش بن عبار هذه القصيدة جواب لقصيدة الدكتور الشاعر نايف بن عبدالله العمري :

حـي الـذي مـعـروف قـدره وشـانـه *** نـايـف يـنـوف ومـنـزلـه بالطـليـعـه
وجـه لـي المـنـظـوم يـسـلـم بـنـانـه *** لـه الشكـر نسـل الـرجـال الشجيعـه
حـي الجـواب الـلي لفـظ بـه لسـانـه *** قـافـه مـثـل نـبـت النفـل بالـوريـعـه
عـسـاه مـا يـشكـي جـوايـح زمـانـه *** وعـسى الـولي يكفيـه شـر الفجيعـه
رام الـعـلا الشغـمـوم والـرّب عـانـه *** وصل الهـدف والكـل يشكر صنيعـه
دكـتـور فـاهـم بـالـعـلـوم وتـقــانـــه *** مشهـور بالحكمـة وحـفـظ الـوديعـه
يا مكثـر الـلي من العـرب لـك مدانه *** حـيـثـك تطـبـب بالجـسام الـوجـيعـه
الـلـه يـزيـدك مـن فـضايـل احسـانـه *** الـلي ارسل الهـادي بحكـم الشريعه

الصديق الوفي الدكتور نايف بن عبدالله العمري أبو سلطان حصل انقطاع بيننا حوالي عشرون عام ثم زارني مشكور ولزّم لازم ازوره وهو ساكن في حي الملقا شمال الرياض ومع زحمة الرياض فقد جاء ورافقته واكرمني ولا يفوتني أن اشكره على الحفاوة والأكرام .