هذه الأبيات أهداء إلى الزميل الشاعر دغيّم بن فهد الخمشي أبو حمد لأنه اطلع على كتابات بعض الذين يشمتون دون
وجه حق فتصدّى وجادلهم وبيّن لهم الحقايق وهذا من انصافه ووفاءه ووقوفه مع الحق فقلت :

مشكـور حيثـك تـعـد الحـق يا دغيّـم *** رديـت كـيـد أهـل النمانيـم والغـيبـه
عـن الـرذيـلـه حضـرتـك دوم متيشّم *** اعتز وافخر باللي شرواك من طيبه
يا أبـو حـمد يا مسنـدي جـّونـا مغيّـم *** مـابـه مطـر صافي لـذيـذه مشاريبـه
لاشك عـجّـه بالفضاء فـوقـنـا مخـيّـم *** يـكـثـح عـلى صـاري تلابط دغاليبه
يـامـن تـحـلـل مبـهـم الهـرج وتـقـيّـم *** تفهـم علـوم البشر والوضع تدريبه
مـا يشمـت الا غشيـم وعـقـلـه مجيّـم *** والـلي حكابي بالخطأ ما نفض جيبه
أمـا غـريـر صـغـيـر الـسّـن وغـلـّيــم *** يسمع كـلام من أهـل الشّك والريبـه
ولا الـذي قـلـبـه مـن الـحسـد متظيّـم *** مالـه مراجل غير اللي غاب يسويبه
مـافـاد مـن يجـمع مـن الكـذب وايليم *** لا مـر ذكـره بالعـرب قـيـل والخيبـه
والهـرج الأقـشر يـغـث البال وايهيّـم *** ولا هـمـني حـكـي الحقـود وأساليبه

وقال عبدالله بن دهيمش بن عبار هذه الأبيات أهداء للرجال الذين شادوا بجهدي بعد أن سمعوا كلام واطلعوا على كتابات تضمن
جحود ونكران وتلفيق أقوال باطلة وقد وقفوا مع الحق وابطلوا الباطل حيث وصلت مقاطع عن طريق الزميل الشاعر دغيّم بن فهد
الخمشي صاحب الحمية العنزية وهؤلاء الرجال اشكرهم على انصافهم وتصديهم للذين تعرّضوا لي دون وجه حق :

يا أبـو حمد جاني كلام أهل الأنصاف *** أهـل الفخـر وأهـل العـلوم الطرايـف
لـك الشكـر واشكـر بعيديـن الأهـداف *** اللي اعلنوا شكري بلفض الشفايف
اثـني عـليهـم واجهـر المـدح بالقـاف *** نـوادر الـويـلان بـيـض الصحـايـف
الـلي ضمايـرهـم عـفيفـات وانضـاف *** الـلي لهـم فـعـل الجـمايـل وضـايـف
ماهم من أصحاب البلابل والأرجـاف *** ولا خمّـوا المضمون من كـل هايـف
صـافـيـن مـا فـيـهـم مـخـادع وبـلاّف *** ولا يسمعون القول من هرج زايـف
حيث الرجال اشكال والوان واصناف *** أنـواع يا دغيّـم مثـل ما انـت شايـف
وكـل العـرب لـهـم تـقـاليـد واعـراف *** والطيـب يـوجـد فـي جميع الطوايـف
فيهم شخوص وبه هذاليف واعـذاف *** وفـيهـم أهـل عـفّـه وفـيهـم هـدايـف
بهـم الـذي بـه تجتمع كـل الأوصـاف *** مثـل النـقي غانـم مـن الـربّـع نايـف
جـهـدي يثمـن عـنـد زاكين وأشراف *** وعند الصّدوق اللي من الرّب خايف
ما يجحدون اللي قضا العمـر طـوّاف *** صـابـر عـلى كـثـر التعـب والكلايـف
وجمعت اللي مع غيرهم ماهم أحلاف *** مـن مـارثـة عـنّـاز مـاهـم لـفـايـــف
لاشك الـلي صابه من المس خفخاف *** عـقـلـه يـشـابـه لـلهـدب بالسـفـايـف
يـا أبـو حـمـد خــلّــه يـولـي لـلأذلاف *** لا راح مـا نـبـدي عـلـيـه الحسـايـف
اليوم بعض الهرج من يسمعه عـاف *** منطـوق يـدعـي للأسف والحسايـف

هذه الأبيات وصلت عبر الواتساب من الشاعر محمد بن نايف بن شتيوي السلمي يسند على عبدالله بن دهيمش بن عبار يقول :

يا أبن عـبـار الـوقـت هـذا غـرابـيـل *** مـا عـاش فـيـه الا السفيـه وشبيهه
الـلي ما غير شماغ ورويس وزويل *** وشلـون يقـلـط مـع رجـالٍ وجـيـهـه
تـغـيـرت دنـيـاك يـا ذابـح الـحـيــــل *** هـذي حـقـيـقـه يـالـرجـال الـنبـيـهـه
اعطيت موجز دون شرح وتفاصيـل *** وأبـغي جـوابـك يا سـريـع البـديـهـه

قال عبدالله بن دهيمش بن عبار هذه الأبيات جواب لأبيات الشاع محمد بن نايف بن شتيوي السلمي :

يا محـمـد النـايـف فـداك الـدعـابـيـل *** لـك الشكـر يالـلي عـلـومـك نـزيهـه
هـذا الـزمـن غـيّـر سلـوم الرجاجيـل *** وهـب السّعد لأهـل الوجيـه الكريهه
واستفحـل المـذمـوم بالـقـال والقـيـل *** ولـو تـنصحـه يـزداد غـيـه وتـيـهـه
صـرنـا هـدف للصـايـعيـن المهـابـيـل *** وهـم عـمـلا السجان لابس بـريهـه