غـيـر الهـوى قـدّام عـيـني شـروقـه *** لـكـن بـقـلبي يـخـتـرق هـم وآهـات


يـقـولـه الـلـي كـل بـارق يـســوقـــه *** يجتـاح باحساسه جـميع المسافات


حـظـي يـا أبـن عـبـار قـلّـت وفـوقـه *** متحيّـرٍ بـأمـر عـلـى كـل الأجـهـات


الـعـيـن عـافـت لـلـكـرى مـا تـذوقـه *** عـيّـت تهـنـا بالكـرى بضع لحظات


اسهـر من طـلوع القـمـر لا شفوقـه *** مـاغـيـر اكـابـد عـبـرتـي والتنهات


وقـلـبي من الفـرقـا هـمومه تسوقـه *** وده يـرجـعـنـي عـلـى فـايـت فــات


يـكـفـخ كـفيـخ الـلي تـشّـده سبـوقـه *** لاشاف من راس الشواهيق غارات


عـلـى الـذي كـل الـمـزايـا تـلــوقـــه *** ساس العـرب سيد جميع الخوندات


حـلـو الـنـّبـا كـامـل بـفـنـه وذوقـــه *** حـبّـه مـجـرعـنـي مـن المر كاسات


يالـلـه عسى ورد الغـلا فـي خفـوقه *** وتثمر صحاري الحب جنه أواحات


لافـج فـي صـدر الشمـالـي افـتـوقـه *** كـنـه يحاكي صرخة الروح بسكات


طـيـفـه كـمـا مـزن تـرّزم حـقـوقـــه *** عــطــاه دايــم والـلـيـالـي مــديــات


غـيـره بـداخـل نـاظري طـاح سوقه *** قـلـبي تـعـلّـم فـي هـواه المـعـانـات


مـن ومضـت البـراق تلمح عـذوقـه *** وأن هـبّت النسمه بدعت الجزيلات


نبـض الغـرام الـلي تطاول عـروقـه *** عـزي قـتيـل الحـب والحـب مامـات


العشـق غـيـمـه والمشاعـر بـروقـه *** سحابته تسقي الـثـرى والمـجـرّات


راعي الهوى لاهام ما أحدن يعـوقه *** غـيـر الهجـر ما تقبله عـزّت الذات


لـو أن قـلـبـه مكتـوي مـن حـروقـه *** نـار الهـوى تستجدي الغيم قطـرات


حـلمي غـدا يصعـب عـليـه الحـوقـه *** أن كـان مـالـه لايـحـه بـالـسجـلاّت


يالـشـاعـر الـلي شامخـات طـروقـه *** من عادتـك حـل الأمـور الصعـيبات


عجل تـرى دمي جـمـد في عـروقـه *** ولا اعـتبـرني سالـك درب الأمـوات

قال عبدالله بن دهيمش بن عبار هذه القصيدة رداً على منصور بن نايف الرويلي شاعر العليا :


حي الجـواب الـلي ضميري يشوقـه *** من شاعـرٍ يرقى الحيـود الطويلات


قـافـه مـثـل ورد الخـمـايـل نشـوقـه *** لافـاح ريـحـه بالفـيـاض المريفـات


عسى يـفـداه الـلي يجـلّـق اشـدوقـه *** سـوالفـه بـالـنـاس غـيـبـه ونـمّـات


منصور بن نايـف عـريـبـه عموقـه *** من ساس عزوه وصفوا بالبطولات


كم شيخ لابـه ما حصل لـه حقـوقـه *** غـدوا بـذوده يـوم عـصـر القوامات


يـصـفـق بـكـفّـه يـوم قـفّوا بـنـوقـه *** جـداه يـجـذب بـالـمـعـالـيـق ونّـــات


كـم حـايـلٍ تـزهـى دبـاديـب طـوقـه *** قـفـوّا بهـا ومعهـا عشايـر وخلفـات


عـاداتـهـم قـهـر المـعـادي وعـوقـه *** سقم الحريب أن صارللخيل غارات


بـالـكـون يعـطـون المـعـادي لعـوقـه *** لا ثـارت العـلـيـا نـهـار الـمـثـارات


يرعـون من عـذرا إلى حـدود لـوقـه *** ومن ديرة الجوبه لغرب القـريـات


منصور يشكـي مـن تعـلّـق خـفـوقـه *** فـي حـب عسلوج البـني العفيفـات


الغـرو الـلي كـل الـوصايـف يفـوقـه *** هـي مطـلبـه ولا الـعـذارى كثيـرات


يـبـدي تـواجـيـده مـن فـراق شـوقـه *** عـساه فـي تـوفـيـق رب الـبـريـات


يـا زيـن والـلـه كـان عـديـت سـوقـه *** ولمحلا لا قـيـل هـات المهـر هـات


وعـسـى تـنـال الـلـي عـذيـه رنـوقـه *** وتعيش ماتشكي من الوقت ميلات


يـالـوايـلي صـدرك اليـا زاد ضـوقـه *** لا تشتحـن وأبـواب ربّـك وسيعـات


خـل الـعـبـايـر يـالـزمـيـل مـخـنـوقـه *** أصبر ولاتفيّض من الموق عبرات


لـعـل جـرح القلـب تقـطـب اشقـوقـه *** وعـسـاك تـرفـل بالهـنـا والمـلـذات


البيض فيهـن يا أبن الأجـواد بـوقـه *** يـا راعـي العـليـا هـواهـن متاهـات


جـمـيـل خـلّــنـه يـقــطـع عــلــوقــه *** وقيس الملوّح ذاق حسره ولوعات


وأبن الخـفاجي حـارب النـوم مـوقـه *** من وجـد ليلى يسهر اليل مـا بـات

قبل خمس وعشرين سنة قلت قصيدة التوبه التي مطلعها :


يالله يا رحمن يا خير مطلوب *** يارب غيرك مالنا رب ثاني


وقد جارى هذه القصيدة كلآ من الشيخ خلف بن ذيب بن جهبل أبو زهرة والشاعر خالد بن رمضان السويلمي والشاعر حميّد بن خلف الملفي وجميع هذه القصائد منشورة بديوان الوائلي ثم أنشدت شيله من قبل أحد المنشدين وقام الشيخ منصور بن إبراهيم بن مبارك العليان الشمري مشكوراً بالأهتمام بأعطاء المنشد هذه القصيدة وطلب منه أنشادها وأنشدها ثم قام إبراهيم بتوزيعها ثم جاراها أخيه الشاعر مبارك بن إبراهيم العليان :


قال الشاعر مبارك بن إبراهيم العليان هذه القصيدة مجاراة لقصيدة التوبه شعر عبدالله بن دهيمش بن عبار :


يالـلـه يـالـلـي فـارج الـضّـر لأيـوب *** يا معـطي محـمـد لـسبـع الـمـثـانـي


يا مخرج يوسف من البيـر مرعوب *** وانـجـاه من كيـد النساء وامتحاني


يا فـارج الكـربـات عـن كـل مكروب *** تـغـفـر ذنـوبـي دقـهـا والـسـمـانـي


كـل مـا جـرى للعـبـد باللّوح مكتوب *** مـن يـوم خـلـقـه مـا يـفيـد التمانـي


العـبـد فـي دنـيـاه مـا يحتمـل شـوب *** اسألـك يـوم العـرض تـرحم كيانـي


وتـرى المعاصي للمخاليق عـذروب *** ومـا قـدّر المولى عـلى العبد كانـي


من خالط الجرب على الحول مجروب *** والذيـب ما يمشي دروب الحصاني


وكلٍ عليه الوقت محصى ومحسوب *** والـنـاس بالـدنـيـا سـوات السواني


تمشي بـه المحّال والغـرب مسكـوب *** صـادر ووارد لـيـن جـاه الهـوانـي


حـتّى يجـيـه الـوقت والمـوت دالـوب *** أمـا عـلـى الـنـيـران ولا الجـنـاني


لا لاحـقـن يـعـمـل ولا يـقـدر أيـتـوب *** ضيـع شبـابـه بـيـن لهـو واغـانـي


اتـرك هـل الـنّمـه تـرى تجمع ذنـوب *** واتــرك كــلام فــلان ولا فــلانـــي


والنـاس بالدنيـا بهـا نقص وعـيـوب *** لاشـك تـمحـى بالعـمـل والتـفـانـي


وابعـد عن الـلي بالمواجيب مسبوب *** التـافـه الـلي سـافـل ومـغـلـطـانـي


بعض البشر كنّه من العـقـل مسلوب *** خـلا دروب الـعـز وأرخـى العناني


ماهو عـلى يمّه ولاهـو عـلى صـوب *** مـضـيـع الـداريـن والـعـمـر فـانـي


التافه الـلي بعـرض الأجـواد شاذوب *** راعي نميمه وأفـتـراء واهـذيـاني


مـا يـنـفـعـه لا سكـروا دونـه الطـوب *** لاصار لعراض الناس والناس جاني


واللي عمل للخير عن النـار محجوب *** ياخـذ صحيـفـة مـا عـمل باليماني


والحـر عـمره ما توالـف مـع خـروب *** والثور ما يمشي مماشي الحصاني


قـافـك يا أبـن عـبـار بالـورد مكـتـوب *** مثل الذهب ما خالطه صنف ثاني


مثل الذهب ما خالطه صنف مضروب *** تـرقـى سنـود ولا تـريـد الطـماني


من قبل لا تنوي عـلى قصرت الثـوب *** دربـك عـدال ولا مشيـت ادوراني


حافـظ دروب المجـد فـي كـل ماجـوب *** رجـل كـريـم وفـاهـمـن لـلـمعـاني


حـيثـك يا أبـن عـبـار بالناس محبوب *** تستاهـل التقديـر وايـضاً التهـاني


نرجوا لعلـك مـن هـل الخـيـر منسوب *** الـلـه يفكـك من صروف الزماني


واخـتـم بذكـر الـلـه وهو خير مطلوب *** وصـلاة ربـي فـي خـتـامـه كفاني

بـسـم الـلـه الرحـمـن للخـيـر جـلاّب *** سبحان ربـي هـو رفـيـع المقـامي


حـلال عـسرات الدعـاوي والأنشـاب *** ومشّـرف المسعى وبـاب السلامي


نطلب عسى الرحـمن يفتح لـنـا بـاب *** والـلي التجابك يالـولي مـا يظامي


نـبـغي نـخـط مـنـظـم الشعـر بـكتـاب *** يهدى للي أسمه من كبار الأسامي


حـيـثـه اليـا عـدو زحازيح الأقـطـاب *** هـو الأديـب مـوجـهـن لـه كـلامـي


يـالـقـرم يـالـلي للنـوامـيـس كـسّـاب *** أنـا أشـهـد أنـك مـا يطـولك ملامي


مرحوم يا عـودٍ لساس الفخـر جـاب *** الصيـرم الـلي مـثـل فـرخ القطامي


يا كاسـب الطـولات يا نـزه الأشنـاب *** تسبق عـلى فعـل المراجـل شمامي


اليا حلت الصعبات والظرف غصّاب *** يسطع كـمـا نـور يـزيـح الظـلامـي


من ساس عزوة مايهابون الأرهـاب *** لا هاب ولـد الـلّاش هـزل العظامي


من شافهم بالكون من جمعهـم هـاب *** بحـزم وعـزم وقـو بـاس ومقـامي


قـلـتـه ولانـي بمـدح الأجـواد كــذّاب *** والفعل يضهـر عنـد مس الحزامي


الـلـه يجيرك من صواديف الأسبـاب *** والطيب لأهل الطيب في كـل عامي


يا عنـوز يا ربعي عـريبين الأنسـاب *** حـمايـة العـطـفـه نـهـار الـزحـامي


انـتـم هـل الـعـادات فـي حـزم كــلاّب *** اهـل الفـعـول مـدلـهـيـن الجهـامي


والرجل كانه طـاب منصى للأجـنـاب *** تـنصاه نـاس مـن جـنـوب وشامي


والـلي يطيب لعـزوتـه درع وحجـاب *** يحسب من قروم الرجال الحشامي


فـدعـان بالهـيـه يـهـدون الأصـعـاب *** فـوق السبايـا مكاضمـات اللجـّامي


يـوم الليـالي شـهـب والـذيـب قـنّـاب *** حـريـبـهـم مـا يـهـتـني بـالمنـامـي


لـك الفـخـر بالمـدح يـا عـز الأقـراب *** لـك الـوجـب يالقـرم والأحـتـرامـي


حيث أنت من عزوه يفكون الأرقـاب *** لا جـاء لصعبـات الأمـور ابـترامي


ترى طرات العمر والراس مـا شـاب *** كسب المفاخر حين لبس الوسامي


هـذا وصلى الله عـلى سيد الأصحاب *** عـلى النـبي افضل صـلاة وسلامي