قصائد من شعر الرثاء والعزاء والمواساة منقوله من ديوان الوائلي
من مدونات ديوان الوائلي المطبوع بأجزاءه الأربعة وهذه القصائد تحتوي على مواعظ وعبر

* هذه القصيدة رثاء بصاحب الجلالة المغفور له أن شاء الله الملك فيصل ابن عبدالعزيز آل سعود طيّب الله ثراه قالها عبدالله بن دهيمش بن عبار : 1

يا عين زيـدي دمعـك اليوم زيـديـه *** عـلى الفـقـيـد الـلي فجعـنـا بفـرقـاه
هـلي مـن العبـرات يا عين وابكيـه *** العـاهـل الـلـي بالـفجـيـعـة فـقـدنـاه
الـكـل بـه مفجـوع يصفـق بايـاديـه *** نـنعـى ومعنـا سايـر النـاس تـنـعـاه
الشعـب يـنـدب بالأسى فـقـد غاليـه *** لـو ارتحـل تبقى على الدوم ذكـراه
كـل الوطن محزون من فقد راعيـه *** ذكـراه تـبـقــا خـالـده مـا نـسـينــاه
مرحـوم من عمـت علينـا حسـانيـه *** وش عـاد لـو كنـا بالأشعـار نـرثـاه
الـلـه يـرحـم شـامـخ المـجـد بانـيـه *** الـلي رفـع صـرح المعـالـي بيمنـاه
من كوثر الجنة عسى الرب يسقيه *** يـا رب تجـعـل جـنـة الخـلـد سكنـاه
الـمـوت لا بـد كـل حـي يــوافــيـــه *** العـبـد رزقـه والأجـل عـنـد مـولاه
عـمـر الفتى لـو قـلت طالـت لياليـه *** لا بــد مـن يـوم يـعـــود لـمــثـــواه
لـو يـنـفـدا فيصل بالأرواح نـفـديـه *** العـمـر دونـه نرخصه مـا انـتغـالاه
ليت اللي مثله سهم الأقدار يخطيـه *** العـاهـل الـلـي مـا يـوصـف حلايـاه
لا شـك تصريف الملأ عـنـد بـاريـه *** هـو الإ لــه ولا لــنـا غـيــره إيــلاه
باح العـزا والشعب باحت عـزاويـه *** وخالـد عـزانـا فـي زعـيـم فـقـدنـاه
خـلـيـفـة الفـيـصـل يـكمـل مـبـاديـه *** عسى الولي يحميه وايسدد اخطـاه
يمشي على منهاج فيصل بمـاضيـه *** ويـبني مفاخـر والـده قبلـه ارسـاه
ويسنـد عـلى شبـلٍ بعـيـده معـاديـه *** فهـد الفهـود وموطن الليـث مربـاه
فـهـد ولـي العـهـد نـفخـر بـطـاريـه *** سقم الحريب وذروة المجـد عـليـاه
والنايب الثاني عسى الرب يحميـه *** نطلب عسى المولى عن الشر ياقاه
عـبـدالـلـه الصنـديـد ربـه ايـقـويـه *** الباسـل الـلي كـل الأضـداد تخـشـاه
واشبـال مـقـرن باللـوازم عـوانـيـه *** سور الوطن عـند الملازيم واحماه
يا حـي والـلـه لا بـتـه هـم دوانـيــه *** انجـال ذاك الـليـث مثـلـه وشـرواه
من عال بالمصقول قصـوا عـلابـيه *** لطـامـت الـعـايـل نـهـار الـمـثــاراه
عـدوهـم غـلطان وإبليس مـغـويــه *** وصديقهـم يبـلغ عـلى غايـة امنـاه

* وهذه القصيدة رثاء بجلالة الملك خالد بن عبدالعزيز طيّب الله ثراه قالها عبدالله بن دهيمش بن عبار العنزي : 2

جـل الكريم الـلي عـلى الكـون دايـم *** يـبـقـى جلالـه خالـقـي والـمـلأ زال
يا الـلـه يا محـيي العـظـام الـرمايـم *** يا خالق الإنسان من طين صلصال
يـا رب مـن لطـفـك تهـون العظايـم *** ليـت القـدر يعـفـي شغاميم الأبطـال
عـنـا ارتحـل خالـد زعيـم الزعـايـم *** نبـكيـه فـي دمـع عـلى الخـد همـال
يـبكـونـه الشيخـان بـيض العمـايـم *** وعـلـيـه يبكـون الأرامـل والأطفـال
أبـو الثـكـالا والضـعـوف الـيـتـايـم *** زبن الدخيل اللي حداه اشهب اللال
عـساه يسكـن بـالجـنـان الـنـعـايــم *** بالـخـلـد ينهـل مـن نـقـاريح وازلال
دونـه نبيع الـروح مـن غيـر سايـم *** لــو يـنـفـدا خـالـد فـديـنـاه بـالحـال
لا شك أمـر مجـري هبوب النسايـم *** رب الـمـلأ الـخلاق بـيـديـه الآجـال
العــبـد مـالـه عـن صفيـح الـردايـم *** ولا بـد من رملٍ على الراس ينهال
مرحـوم يـا نسـل الملـوك الصرايـم *** عسى خـلفنـا عـقب خالـد بالأنجـال
أنـجــال لـيـثٍ لــه فــعــايـل قــدايــم *** ما مات نمر وفي عرينه له أشبـال
صرح الفخر يبقى على الـدوم قايـم *** بوجود أبو فيصل لمجد الفخر نـال
فـهـد خـلـف خـالـد بـكـل الـلـزايـــم *** فهـد الفهـود المقرني ذرب الأفعـال
نسـل الملـوك الـلي تـزيـل الـظلايـم *** فهـد نهـج منهـج زكييـن الأعـمـال
يـنـعـم بـعـدلـه كـل سـاجـد وصـايـم *** لأجـل الأعمـال الخيـرة يبذل المـال
وولـي عـهـده مـا بـفـعـلـه وهـايــم ** الباسل اللي باللقـاء ضـد مـن عـال
يعيـش أبـو مـتـعـب قـوي الـعـزايـم *** عضد الفهد عـند الشدايد والأهوال
نضـايـض المقـرن شمـوخ وعلايـم *** حاشوا عظيمات المفاخـر والأنفال
سـور الوطـن عـن لافحات السمايم *** مثـل الحيـود الـلي تـذرابـها جـبـال
مثـل السـراة شمـوخـهـا بـالـتهـايـم *** رواســي مــا هــزهــا كــل زلــزال
نـالـوا مـقـام المجـد فـوق الهـمايـم *** فـوق السبـايـا وأحـمـر الـدم شـلال
حـتـى تـعـلـوا فـوق بـرج الـنعــايـم *** أفعالهم تربـوا على وصف الأقوال
نالـوا عـلى صـرح المعـالي غـنايـم *** غـنايـم نـفخـر بـهـا عـبـر الأجـيـال
لـهـم الـفـخـر والـعـز والمجـد رايـم *** رام وسـعـى لـه بالـمـلازيـم فـتـال
بالسيف الأملح زالـوا أهـل النمـايـم *** حـاشى يحـاول خدعهـم كـل دجـال
عن غيرهـم مجـد الفخـر دوم شايـم *** يستاهـلـه مـن كـان للحـمـل شيـال
والـلـي يـعـاديـهـم جـداه الـهـزايـــم *** والسيـف يعـبـا مجـرديـنه للأنـذال
أنـجـال مـقـرن بـالـحـرايـب عـدايـم *** عـوق الخصيم وللهـواشيل مدهال
رضـيعـهـم نـال الـفـخـر بـالتـمـايـم *** مثل الصقر مرباه في راس ما طال

* وفي رثاء الأمير محمد بن عبدالعزيز رحمه الله قال عبدالله بن عبار : 3

يا الـلـه يا للي بالخـفاء دوم عــلام *** يا لواحد اللي شيّد العـرش تشييد
يا من خلقـت الكون فـي ستـة أيـام *** يا الله يا محيي الغصون الهواميد
يا مـن لـك عبـادك سجـودٍ وصيّـام *** يا مقـدر أعـمار البشر بالمواعيـد
يا منزل الأمزان من سحب وغمام *** أنزل على محمد حقوق الرواعيـد
مرحوم يا ريـف الأرامـل والأيـتـام *** يا مـن دخيلـك مـا تعـرض لتهديـد
من لاذ بـه دايم عـلى عـز وإكـرام *** تمضي سنينـه بالفـرح كنهـا العيـد
فرحت ضمير الـلي تنصاه منضام *** يزيـل عـنه الضيم والغبـن والكـيـد
الوايلي ساس الشجاعـة والأقـدام *** ليث الوغى له بالمراجل شواهيـد
بـالـكـون سيـفـه للمعـاديـن لـطـام *** حـليـاه عـنتـر بالملاقـى وأبـو زيـد
مضراب سيفه للعـدا حتف وإعدام *** غمقٍ صوابه يرمي المتن والجيـد
شذرات عينه يـوم تنظر للأخصـام *** كـن السـهـوم بنـونهـا والعـبـاريـد
الليث الأروع من صناديد ضرغـام *** ليـث الليـوث الـلي يضد الصناديد
الحـر الأشقـر مـن مـواكيـر غـنـام *** إلـى كـفـخ خـلا الحبـاري مـلابـيـد
ما ينمحي علم الفخر عبر الأعـوام *** ترفع له البيضاء على قمة الحيـد
شبل حَمَل جملتْ شهادات وأوسـام *** مفـاخـره ما هـي نحـايـل وتـقـليـد
منجـوب ساسه من صماصيم حكام *** مجد المفاخر وارثه سيد من سيد
سطـر لهـم التاريخ بسطور الأقـلام *** تاريخ صـدقٍ بالسـجـلات تـأكـيـد
مـن عـزوةٍ مـا طـاوعـت كـل نـمـام *** صفـوة سعـود مطوعين المعانيد
جـد الحـمـولـه بـيـّد الـتـرك ودهــام *** وحجـر اليمامـة ضمهـا للمليبيـد
سـاد وحكمهـا وحـرر الـدار بحسام *** كافح وحددها على الهجن تحديـد
وسادوبها أنجاله من الشرق للشام *** سقم الحريـب وللمعـادي لـواديـد
عنها أبعدوا شبح الظلاله والأوهام *** هـدوا صعبهـا والجنـاة المحاقيـد
بهـم ارتفع عـز العـروبـه والإسلام *** غصبٍ على عدوانهم والحواسيد
نطلب من المولى عسى عزهـم دام *** ريـف البلاد أهل الفخر والتحاميد
للمملكـة مـثـل الـرواسـي والأعـلام *** ساروا عـلى منهاج سنة وتوحيد
سور الوطن وحماه بالموقف الهام *** وهم نصرها لا صار بالأمر تعقيد
من ضمن غيري كلمة قلتها سهـام *** ما أقـدر أعـد أفعالهم مـار تجهيد
وأطلـب مـن الله بالبدايـة والإخـتـام *** يرحم فقيد الشعب نسل الأجاويـد

* وهذه القصيدة رثاء بالأمير محمد بن سعود الكبير آل سعود طيّب الله ثراه شعر عبدالله بن دهيمش بن عبار العنزي : 4

مرحوم من ساقه على القدر مـولاه *** تـمّـت سـنـيـنــه ثـم ربــه أخـتــاره
رب الــمــلأ خــلاق الأرواح نـــاداه *** ولـبى نـداء مـولاه يـسكـن جـواره
نطـلـب عسى ربـه يغـيثـه بحسنـاه *** وعسـى الكريـم أينجحـه باخـتبـاره
يا الـلـه تجعـل جـنـة الخـلد سكـنـاه *** وعسى الولي يحميه من حـر نـاره
وعسى الـذي قدم من الخيـر يلـقـاه *** زين العـمـل يجـني غـرايس بـذاره
يدعي له الـلي نـال طـائـل بمسعــاه *** سعــالـه بـجــاهــه ورد اعــتـبـاره
ويدعي له اللي زل بـه قـدم وأنجـاه *** أنـقـذ حـيـاتـه قـبـل يـصـدر قـراره
ويدعي لـه المعتـق إلى سـاق مـداه *** عقب الوهق واليأس جته البشاره
ويدعي له الـلي بـأول العـمـر ربـاه *** حتـى تـرعـرع والـتحـق بالـوزاره
ويدعي لـه الـلي قـلبـه جـور دنيـاه *** خـلاه عـقـب العـوز يسكـن عمـاره
ويدعي له اللي يشكي الفقر وأغناه *** وعـقب الفقـر خلاه صاحب تجـاره
ويدعي له اللي جـت تراقـل مطايـاه *** زال الدجى بظلمـاه وأشرق نهـاره
ويدعي له اللي حـده الوقت ثم جـاه *** واقفا مرفوع الرأس عقب الزياره
يشـهـد لـه التـاريخ مـا اظـن ينساه *** علمـه ظهـر بالنـاس مثـل الـمنـاره
حيـثه بـذل مالـه بالإحسان وأفـنـاه *** الطيـب والمعـروف سـلـمـه وكـاره
يعـطي ولـكـن مـا يحسـب عطـايـاه *** تـنفـق يـميـنـه دون تـدري يـسـاره
حـكيـم رأي وصـاحـي الفكـر يقـداه *** وتأخـذ من أرياه الرجـال استشاره
بالصـدق والإخلاص تبـرز أحميـاه *** مـا لان بـأسـه لـو تـلـيـن الحـجـاره
والخصم ما يقبل عجاريف عوجـاه *** ومـن نـاحـطه قـرب فـنـاه ودمـاره
والمعتدي طقه على الخشم وأدمـاه *** ومضراب سيفـه ما تضبـه اجبـاره
فيه الكرم والجـود من طيب مجـنـاه *** طـبـق سلـوم الـبـاديـه والحضـاره
الـقـاف يـقـصـر مـا يـعـدد مـزايـــاه *** مجـده يفـوق أعـداد رمـل الزبـاره
نفخـر بمـدح الليـث لـو مـا وصلنـاه *** ونبـكي عـلى فـقـد الفقيـد بحـراره
نطلـب لـه الرحمـة وبالشعـر نـرثـاه *** ونـهـل عـبـرات الـدمـوع بـغـزاره
ولـو ينفـدي محمـد بالأرواح نـفـداه *** وعمر الفتى لا بـد يحين احتضاره
وعسى عوضنا بالصقـور المضراه *** مـواكـر طـيـور الـسـعـد والـنــداره

هذه القصيدة رثاء بسمو الشيخ عيسى بن سلمان آل خليفه أمير 5
دولةالبحرين رحمه الله شعر عبدالله بن دهيمش بن عبار العنزي:

فاض القريض وخاطري هاض طيفه *** وبـديت أعبر ما طرالي من القـاف
الـعــمـر يـفـنـا والـلـيـالـي قـصيـفـه *** والموت سيـفـه للمخاليـق قصّـاف
مـا دامـت الـدنـيـا مسّـره وكيــفـــه *** ولا تبقي العود الخضردوم غرياف
لابـد مـا تـطـوى سجّـل صحــيـفــه *** وعـن المنايا ما نفع طب وإسعاف
قـالـوا رحـل عـز الـمـواطـن وريـفـه *** عيسى رفيع الجاه معدوم الأوصاف
أبـو حـمـد صفـوة خـلايـف خـلـيـفــه *** شبـل الأسود الي بعلـم الفخـرنـاف
شيـال صعبـات الحـمـول الـكـلـيـفـــه *** لاماج عن شيل الثقل عرو الأكتاف
عـنـده ثـقـيلات الـمحـامـل خـفـيـفـه *** يشيلها لـو هـي تعـادل جـبـل قـاف
عـن الـمـراجـل مـا يـحـب النـكيـفــه *** الوايلي يسبق على المجد مزهـاف
الـحــر وكـره بـالـجـبـال الـمـنـيـفــه *** مـا يستقـر إلا عـلى راس مشـراف
الهـيلـع الـلـي بـالعــوالـي رفـيـفــــه *** طـلعـه بعيـد وللجزيـلات خطّـاف
الصيـرمـي يـفـرى الثـنـادي نصيفـه *** مخـالـبـه مثـل الشناكـيـر عـكّـاف
مـرحـوم يا مكـرم نـزيـلـه وضيـفـه *** يـا نـادي الكــفـيـن لـلمـال متـلاف
هـداج تـيـمـاء مـا تـوقــف غـريـفـه *** مثــل الحيا به غيث للممحل الجاف
إلى مات الـلي مثلـه عليـه الحسـيفـه *** ولا الــردي لـو مات جعله للأذلاف
ملجأ لمـن جـرّب من الوقـت حيـفــه *** من يلتجي للوايلي ما شكا إخلاف
عيسى نديـم أهـل العـلـوم الطـريـفــه *** لاشـك مـا ايجـامـل منافـق وبـلاف
بـه تستعـز أهـل الـفعــول الشـريـفـه *** عنـده قدر صيد الحمايل والأشراف
الـطـيـب طبعـه والكـرم لـه وضيـفــه *** كـريـم سبلا للهـواشـل ومـضيـاف
يــوم المحول ويــوم شـح الرغـيـفـه *** يوم الطراقي ما تجد فرش والحاف
مـن جاه يـجلس فوق زل وقطيـفــه *** ويـذبـح لخـطاره مراديـم الأشعـاف
والحايـل الـلـي دلـلـوهـا بـكـتـيـفــــه *** يصخي بهـا لو هي نجيبه وميلاف
يزخـر بدسمين الشـوارب مضيـفـــه *** قصده كرم ما القصد تبذيروأسراف
وعـند الوغى يرهـب عـدوه بسيفـه *** عوق الخصيم إلى هبا كـل خّـواف
زبـن الأسيـر الـلي حـياتـه كـسيـفـــه *** إلى كبّلت يـمناه بقيـود وأكتاف
عـون الضريـر الـلي عيـونـه كفيفــه *** إلى صارت الأيام نحسات وعجاف
وأبـو الـيتيـم الـلي أحوالـه ضعـيفــه *** إلـى جار بـه وقته وحطه ابميهـاف
مـلجـأ الـطـريــد الـلي تـبـرأ حليـفــه *** من يزبنه ما يلحقه غلب واجحاف
ذخـر الـوسيـق الـلي تـعـذر رديـفـــه *** لا جت تواما هجنهم عقب الأنكاف
يـنـصـاه بـالشـدات مـن زاد حـيـفــه *** الباسل الـلي لـه مع الحـق ميقـاف
دانـت لـه البحـريـن مـثـل العسيـفـــه *** حكم عموم الشعب في عدل ونصاف
ومـن بـان شـره مزقـتـه القـذيـفـــه *** يكوي عدوه في مناسيب وأرضاف
طـب الجـروح إلـى تـزاود نـزيـفــــه *** والمعتدي من لطمته يرعف رعاف
جعل العوض بالشيخ نجله سعيــفـه *** الله يجيره من عواريض الأصداف
حمـد حـلي الشيخ فـي كـل صيـفــــه *** يـسير في منهاج سلمه والأعراف
حمد من أصحاب النفوس العـفـيـفـه *** ثقيل روز أن صار بالقـوم خفخـاف
الشيخ مـا جـتـه الـمـراجـل خطـيفـه *** ورث الجدود اللي يقودون الأسلاف
لابـة خـليـفـه مـا خلطـهـم هـديـفـــه *** من وايـل الكبـرى بعيديـن الأهـداف
مـن مـارثـت ربـاع مـاهـم لـفيـفــــه *** دانت لهـم كـل الطـوايـف والأحلاف
يروون شذرات السيوف الرهـيـفــه *** يوم اللنّقـا والسيف للروس قـطّـاف
أحمـد غـزا مرفـأ الخليج ورصيفـه *** خاض البحر يقـدا السفينه أبمجداف
يـقـدم وتـهـديـد العــدو مـا يـخـيـفـه *** خلا أعـداه قلوبهـم ترجـف أرجـاف
خـاض المعامع والحـروب العنيفــه *** يدحم عـلى الصابور والجمع زحّاف
أتـعـب اشـداد الـلي تمـوح السفيفـه *** يـوم القبـايـل بيـن غــازي وحـّواف
مشتـاه يـبعـد عـن محـاري مصيفـه *** غزوه من البصره إلى حد الأحقـاف
مثـل السباع الـلي تواصـل هـريـفـه *** تجري الحوايم خلفها تبي الأعلاف
عـن مجدهـم عـديـت نبـذه طـفيـفـه *** ولا هي أكثر من حصى برد ورواف
ومـن لايـعـد الـواقـعـي بـان زيـفــه *** قـلت الصمايل مابها غـش وأعـذاف
بـديـت أعـبـر والضمايـر نضيـفـه *** نحبهـم وقـلوبـنـا بـيـض وأنـضـاف
وصلـوا عـدد مـا طـار طير برفيفـه *** على الرسول أعداد ما طاف طـوّاف

* وهذه القصيدة رثاء بسمو الشيخ جابر العلي الصباح رحمه الله قالها عبدالله بن دهيمش بن عبار العنزي : 6

دمعـت حـزن هلت على فقـد جابـر *** القـلب بـه حسـرة وبالعيـن دمعــه
من عـاش صيوره يـزور المقـابـر *** ولا فـيه بالـدنيـا غـبايـط وطـمعـه
الكـل سـار بـمسلـك الـدرب عـابـر *** والـحـي لا بـد الـمـنـايـا اتـخـمـعـه
عسى الغمام اللي به المـزن زابـر *** يسقي ثرى قبـره رشاشه وهمعـه
أبـو عـلي نسـل الشيـوخ الأكـابــر *** نسل الـذي لهـم بـالأمـجـاد سمعـه
حـكـام يـدعـى بـاسمهـم بالـمنـابـر *** يخـطب لهـم بالعـز في كـل جمعـه
يـا الـلـه لا تـقـطـع لـلأجـواد دابــر *** أقطع نـما الـلي زاد ظلمـه وقمعـه
نسـل الحـمـايـل طيبـيـن المـخـابـر *** عـدوهـم شـلـت يـمـيـنـه بـزمـعــه
جابر على علـوم المراجـل مثــابـر *** له بالفخـر مبطي هقـاوي ورمعـه
حيثه عـلى الشدات والكـود صابـر *** الباسـل الـلي للمـنـاعـيـر شـمـعـه
مجـده عـريـق وبالـتـواريخ غـابـر *** يوم الشلافـي يجهـر العـيـن لمعـه
جـده صبـاح لغـور الأضداد سـابـر *** من ناطحـه يكسر طوابيـر جـمعـه
من صولـتـه خلا الصوارم قـنـابـر *** عـوايـده دحـر المعـادي وصمـعـه

* قال عبدالله بن دهيمش بن عبار هذه القصيدة في رثاء معالي الأمير خالد بن أحمد السديري رحمه الله : 7

يا عين هلي ساكـب الدمع يا عيـن *** ما أحـد يلومك بالبكاء لو تنوحيـن
معـك عـذر يا عين لـو كان تبكيـن *** هـلـي هـمـالـيـل الـدمـوع بـغــزارة
هـلي دموعـك مثـل وبـل الهماليـل *** عـلى الفقيد الشيخ صيد الرجاجيـل
خالد سليل أحمد صميدع وحلحيـل *** جـاه المصير وحـان موعـد نهـاره
سـمعـت نـعـي المملـكـة بـالإذاعـه *** تنعى السديري من رجال الشجاعه
علمـه فجع كـل القلـوب إستماعـه *** فـقـد الـذي مـثـلـه عـلـيـنـا خسـاره
ويوم أنتشر بالناس عـلم السديري *** عـبـرت عـن الـلي يكنـه ضميـري
فـقـده مصيـبـة والمـقـدر يـصيـري *** دنا الأجـل والمـوت حـل أحتضاره
نطلب عسى الله يجعل الخلد له دار *** مـع الصحـابـة والتـقيـيـن الأبـرار
المـوت حـق وخـاتمة كـل الأعمـار *** ولا أحـد يـرده حيـن يصدر قـراره
جـل الكريـم المعـتـلي رب الأربـاب *** رب الخلايق محصي الخلق بكتاب
رب الملأ مجـري مقاديـر الأسباب *** والكون يعـلم ما خـفي مـن اسراره
جــل الـولـي خـلاق كـل الــبــرايـا *** فـي قـدرتـه تغـشى العـبـاد المـنـايـا
بأمـره رحـل خالـد فـريـد المـزايـا *** وأخـتـاره الـرحمـن يسكـن أجـواره
الشعـب ينعـى فـقـد خـالـد جميعـه *** وتـنـوح مـن فـقـده روابي الوديعـه
ونجران صارت من فراقه فجيعـه *** تـبـكـي فـراق أمـيـرهـا فـي مــراره
رحـلت يا سـاس الوفـاء والأمانـه *** مـن روس لابـة للـصـوارم بـطـانـه
أنصار دين المصطفى هم أعـوانه *** قـاده ومـعـهــم بـالـقــيـاده جـــداره
يمشون في توجيه صقر الجزيـره *** الـحـاكـم الـلـي عـم فضلـه وخـيـره
رام المعـالـي يـوم كـانـت عسيـره *** حـتى بـنـا ملكـه عـلى نصـف قـاره
عبـدالعـزيـز الـلي بسيفـه حمـاهـا *** هـو الـذي أسـس حـجـرهـا وبناهـا
أمـن بـلاده وأرتـفـع مـسـتـواهـــا *** عـز الـبـلاد وقـادهـا لـلحـضـــــاره
أشبـال مقـرن هـم مقـر الـزعـامـه *** صـرح الفخـر يرقـون قـمة سنامـه
أهـل الوفاء والمرجلـة والشهامـه *** حكـامـنـا عـز الـوطـن وأنـتـصـاره

* قال عبدالله بن عبار رثاء بالأمير محمد بن أحمد السديري رحمه الله : 8

سميـت بسـم الـلـه عـليـم الخـفيـات *** مجـري نـظـام الـكـون بتصـرفـاتـه
يا اللـه يا منـزل عـلى الرسل آيـات *** يا للي فرض ركن الصيام وزكـاتـه
دعـاك يـونس بالـبحـور الغـزيـرات *** وموسى نصرته يوم يلقي عصاته
أنت الولي وأبواب فضلك وسيعـات *** عـبـدك دعـاك ولا تـخـيـّب دعـاتـه
بحسناك تسكـن من فـقـدنـاه جنـات *** وأنـت الـذي مـا تنحصي مكرماتـه
مـرحـوم يـا مـن للـديـاويـن زيـنـات *** حيث الشهامة والأدب من صفاتـه
مـرحـوم يـا راعـي الـدلال العـذيـات *** ونجـره ينـادي للهواشـل أصواتـه
نـهـدي هـاك الـروح الـزكية تحيـات *** مـع السـلام ورحـمـتـه وأبـركـاتـه
حـان المـقـدر والسنيـن محسـوبـات *** لا شـك مـا هـانـت عـلـينـا وفـاتـه
من فجعـتي بـه هـلت العيـن عبـرات *** وش عاد ما أيفيد الندم والشماتـه
نبـكيـه لـو حـنـا عـلى دربـه أمـوات *** نبكي زبـون الجـاذيـه مـن غـلاتـه
ما أحد يلوم الـلي عيـونـه سهيرات *** يـبـكـي ويـدعـي للفـقـيـد بصـلاتـه
فقـده خسـاره من كبـار الخـسـارات *** صيـد الرجـال الـلي فريـده صفاتـه
رحـل وخـلانـا بـلـوعـة وحـســـرات *** والكـل راحـل لـو تـمـادت نـجـاتـه
عـليـه وجـدي وجـد مـن جـر ونـات *** وجد الذي بالحبس يرجي بـراتـه
ولا وجـود الـلي غـدا فـي مـتـاهـات *** في صحصح المظماه يبست لهاته
ولا وجـود الـلي سطت فيـه طعنـات *** مخطـر من المضراب يفقـد حياتـه
ولا وجـود الـلـي نـفـوه الـقـرابـــات *** مطلوب والعـدوان تنـوي بيـاتـه
ولا وجـود الـلي صـدر بـه قــرارات *** في مهـلـة الجـلاد يكـتـب وصـاتـه
وجدي على أبـو زيـد زبـن الونيـات *** سيفـه تـهـاب أعـداه سلـة شبـاتـه
الزايـدي راعـي الخصال الحميـدات *** قـرم العيـال الـلي تـهـابـه اعـداتـه
وخـتـام ما قـلـنـا جـزيـل السـلامـات *** على الرسول المصطفى بمنتهاتـه

* وقال عبدالله بن دهيمش بن عبار هذه الأبيات في رثاء معالي الأمير 9
سليمان بن تركي السديري رحمه الله :

يا عين جودي بأزرق الدمع جودي *** وأبكي على ريف الهواشل سليمان
مرحوم يالـلي بالخصال أمحمـودي *** الزايـدي ساس الفضيلـة والإحسان
لأفعـال طـيبـه بالخـلايـق شهــودي *** مـن راس لابـة باللـوازم لهـم شـان
نسل السـدارى معـربيـن الجـدودي *** من صلب زايد من صماصيم بـدران
صنديد من روس الرجال معـدودي *** نطلب عسى لـه جنة الخلـد مسكـان
رام الـمعـالـي والمعـالـي سـنــودي *** فـعـايـله تـصعــب عـلى كـل كسـلان
وجـدي عليـه ولا يـفيـد الـوجـودي *** مالي جـدى كود التـوجـد والأحـزان
هيهات من طـب اللحـد مـا يعـودي *** ما عاد من لفـوا عـلى جسمه أكفـان
لـيـت المنـايـا مـا تجـي لـلفـهـودي *** تعـفـي النبيـل وتاخـذ النـذل كـوبـان
يا شيخ من فقـدك تبيـح السـدودي *** والشاهـد الـلـه بايـت الليـل سهـران

* قال عبدالله بن دهيمش بن عبار يرثاء الشيخ محروت بن فهد بن هذال شيخ مشائخ عنزة المتوفي عام 1388هـ رحمه الله : 10

يـا مـل عـيـنٍ حـاربـت لـذة الـنـوم *** طـار النعاس وصار بالقلب ولـوال
غابت أنجوم وغربت بعدها أنجوم *** حـتى النعايـم دوبحت والدجى زال
حان القدر وش عاد ما ينفع اللوم *** لاشك فقد أهـل الفخـر يشده البـال
العـلم اللي جاني من الربع مشئوم *** قالـوا تـوفى شيخنـا ذرب الأفعـال
أبـو زبـن عسـاه بالخـلـد مـرحـوم *** الـوايـلي شيخ الشيوخ أبـن هـذال
الباسل اللي يرخص العمر بالسوم *** يا ما جدع عن قب الأفراس خيـّال
المكـرم الـلي يذبح الحيـل والكـوم *** ديـوان بـيـتـه للـهـواشيـل مـدهـال
مبطي عـلى عنـاز مقـدم وزيـزوم *** مـفـاخـره تذكـر جـديـدات وأسمـال
صيته شهـر بين المخاليق معلـوم *** مثل العلم يزمي على راس ما طال
غير العرب تدريبه الفرس والروم *** تاريخهـم مـا ينمحي عبـر الأجيال
أبو زبن منجـوب من نسل شغموم *** الليـث كسـاب الفـضـايـل والأنفـال
شيخ المشايخ عاد مجد ابن كلثـوم *** ومجد المثنى حامي الخايف الذال
به من مزايا كليب عادات وأسلـوم *** وأحيـا أذكار الزيـر قهـار الأبطـال

* وقال عبدالله بن دهيمش بن عبار في رثاء الشيخ أورنس بن طراد السطام الشعلان أحد مشائخ قبيلة الرولة رحمه الله : 11

أبـدي بذكـر الـلـه وأدعـيه باسمـاه *** وألـوذ بـه عن معضلات الهوايـل
الـواحـد اللي كـون الكـون وأنشـاه *** يبـقى ولـي الكـون والكـون زايـل
العـبـد يـمـشي فـي تـدابـيـر مـولاه *** ولا بـد مـا تـردم عـلـيـه الـنـثـايـل
ياليت من جاب الخبر ليت ما ابداه *** ليت الخبرما صار صدق وصمايل
العـلـم شـاع ولـيـتـنـا مـا سمعـنـاه *** قالـوا توفى الشيخ وافي الخصايل
يالبيض سـون لـه مناحـه ومنعـاه *** وأبكن عزيز الجـار ذرب الفعـايـل
لا تبخـلـن بالـدمـع مع قـول ويـلاه *** لـو تـنـفـدا روحـه دفـعـنـا بـدايــل
مـار المقـدر سامك العـرش جـّراه *** دون الأجـل هيهـات ما حـال حايـل
لوكان مات أورنس ما مات طرياه *** فعـلـه تسولـف بـه جميع القبـايـل
الباسـل الـلي حصـل العـز والجـاه *** ونـال الكـرامـة والفخـر والنـفـايـل
المجـد مـن ساسـه ويبقيـه لـبـنـاه *** متـوارثـيـن الطيب مـن دور وايـل
بـالـفـعـل خـيـال الـنـعـامـة حلايـاه *** وعـليـه من وصـف المثـنى دلايـل
الشيـخ تشهـد لـه مـفـاعيـل يمنـاه *** لا هاجت الهيجاء يخوض الدبايـل
له قلب كنه قاسي الصلب ماأقساه *** مـا يـرتعـد لـو ينطحـونـه فصـايـل
من قو باس الليث ما يقرب أحماه *** يخشى لقـاه من العـرب كـل عـايـل
مثل المهند حين يسحب من أجواه *** إلـى ضرب يشفي القلوب الغلايـل
الحـر الأشقـر نـادر الصيـد يـفـراه *** ولا يعطـب الا المسمنات الجزايـل
مهـمـا وصفـتـه مـا تـعـدد مـزايـاه *** مـثـايـلـه بـيـن الـمـشـايـخ قـلايــل
عمره قضاه بكسب الأمجاد وأفنـاه *** يـوم الردي كوبان ما حاش طايـل
أبـو عـبـدالـلـه نفتخـر فـي حـميـّاه *** يـفـعـل كمـا فعـل الجـدود الأوايـل
مرحـوم يا شيـخ الجهامـة فقـدنـاه *** عسى عوضنـا بالشيوخ الحمـايـل

* قال عبدالله بن دهيمش بن عبار يرثاء الشيخ النوري بن مقحم بن مهيد ( مصوت بالعشا ) شيخ قبيلة الولد من الفدعان : 12

بسم الكريـم مكـّون الكـون سميـت *** الـواحـد الـمعـبـود رب المـقـاديـر
رب الملأ علام ما أعلنت وأخفيـت *** جـزل المواهب بأيده الشر والخير
يا خالـق المخلـوق بسمـاك ناديـت *** أنت البصير بدبرتي قبـل ما صيـر
نـاداك يـونس بالغـيـاهـب ولـبـيـت *** وأنجيت ابن يعقوب من غبة البير
يـا رب تـغـفـر زلـتـي كـان زلـيــت *** يـا خـالـق الدنـيـا عـليـك التـدابيـر
ومن بعـد ذكـر الله تفطنت وأمليت *** أبيات فكري صاغهـا عقـب تفكيـر
هـذا الكـلام الـلي بنظـمـه تـوريـت *** عبـره لمـن يسمع كلامـي وتذكيـر
يالـلي عـلى الـدنيا الدنيـة تشافيت *** حـذراك لا يغـريـك جمع الدنـانـيـر
يالآدمـي لـو بالـمنـاصـب تـرقـيـت *** لا بـد مـن بعــد المرابـح مخاسيـر
مهمـا استـوت دنيـاك مهما تعـليت *** لا بـد مـن بـعـد الـتعـلي مـحـاديـر
ترى القصور الشامخه والحوانيت *** تنهـار ما تـأمن عليهـا المعاصيـر
مهمـا زمانـك فـي نعـيـمـه تهـنيـت *** عقب السرور تعكر الصفو تعكيـر
مثـل الربيع الـلي بروضه تمشيـت *** لا بـد يذبـل مـن سموم الهـواجيـر
أغـنم زمـان اصبـاك قبل التوابيـت *** قبـل تـلـوح بعـارضيـك المغـاتـيـر
العبد لا بد لـو يطـول المـدى ميـت *** بالله نعـوذ مـن اللظى والزمهريـر
جاني خبر يا ليت للعلم ما أوحيـت *** قالوا توفى الشيخ ريف الخطاطير
لـو ينفدي في غالي الروح فاديـت *** لا شـك ما والله عـن القـدر تأخيـر
والـلـه يا لـو هـي بالتمـني تمنيـت *** أن الـمـنـايـا مـا تـجـي للمنـاعـيـر
حان القدر وش فايدت قول يا ليت *** مـرحـوم يا ريف البـداه المساييـر
خلفة مصوت بالعشا عالي الصيت *** الشيـخ قيـدوم الجمـوع الطوابيـر
الشيخ مصوت بالعشا مفني العيت *** ريـف الهجافى بالسنين المعاسيـر
مرحـوم يـا مـن بالمكـارم تـربـيـت *** عندك كرم حاتم وبـك هيبة الزيـر
الشيخ أبو ثامر ويا نعم ما أطريت *** النـوري الباسـل زبـون المقاصيـر
نسل الذي يوم الجفاء له تصاويت *** تسمع أنـداه إلى غلا الزاد والميـر
بيت الشيوخ الله يرفع هـاك البيـت *** أخـوان قطنـه بالمشايخ مشـاهيـر
وختامها على أشرف الخلق صليت *** اللي هـدي الأمه وزال الأساطيـر

* قال عبدالله بن دهيمش بن عبار العنزي هذه القصيدة رثاء بالشيخ الأمعط بن بدر العواجي رحمه الله شيخ قبايل ولد سليمان : 13

بديـت بالـلي يـبـدي الخلـق وايعيـد *** رب العبـاد الـلي لفضلـه انـراجـي
يا الله يا محيي الغصون الهـواميـد *** يا خـالـق الـدنيـا عليـك الفـراجـي
البـارحـة نـامـت عـيـون النـواويـد *** والقلب من وجده طـواه الخلاجـي
قلت آه ما وجدي على ناسع الجيد *** وش عاد لو خده تقل لون عاجـي
لا شك وجـدي يـوم قـلت التواجيـد *** عـلى الـذي عـلـمه لفـاني مفاجـي
أخـو ذكـر قـرم الـعـيـال الأوالـيـــد *** الـقـرم مـن فـقـده تعـكـر مـزاجـي
لا والله الا سـاكب الدمع مـا أيـفيـد *** وش عاد لو سيّل شعيب الفلاجـي
ولا تنفع الحسرة وكـثـر التـنـاهـيد *** والموت كانـه حـان مالـه علاجـي
الموت حق ولا عـن القـدر تصديـد *** وسهـم المـنـايـا ما يـرده سياجـي
ليت المنايا سهومهـا تعـفي الصيـد *** وتاخذ بدل منهم خطات الهباجـي
لـيـت الـمـنـايـا للـرخـوم الرعـاديـد *** اللي إلـى صـار اللـوازم أتجاجـي
مرحـوم يا مقـدم قبايـل ضنـا عبيـد *** أخو ذكـر نسل الشيوخ العواجـي
الشيـخ كسـاب الـثـنـاء والتحـامـيـد *** زبن الدخيل اللي من الظيم لاجي
الشيـخ أبـو صالح لفعـلـه شـواهيـد *** دايـم لضيفـه مسفهـل الحجـاجـي
أخـو ذكـر يـوم الـسبـايـا عـراجـيـد *** يثـني إلى ثـار الدخـن والعجاجـي
فـعـايـلـه مـا تـنحـصي بـالـتـعـاديـد *** وفعل النقا يبقا على الراس تاجي
ما يـوفي أفعـالـه مديـح القـواصيـد *** ولا ينتقص من قيمته كـل هاجـي
عسى العوض به بالقروم الأماجيـد *** نقوة هـل الجدعا فهود الزراجـي
أخوانه الشجعـان مـن دون تحـديـد *** وعـيـالـه الـلي للرفـاقـه محاجـي
الـكـل منهـم يـفعـل الطـيـب تـأكـيـد *** مـن شافهـم بـدل غـثـاه إبتهاجـي

يتبع

تابع

* وقال عبدالله بن دهيمش بن عبار هذه القصيدة رثاء بالشيخ رشيد بن محمد ( سعران) المجلاد شيخ قبيلة الدهامشة رحمه الله 14

صوت الحزين بهاتفي قـال أكلمـك *** عندي علوم وقلت عطني علومـك
قـال الخبـر يمكن يغثـك ويصدمـك *** ويسهـر عيـونـك مـا تلـذذ بنـومـك
مع القبيلة خذ من الحزن مسهمك *** غاب الزعيم رشيد كوكب أنجومك
قلت أبك يا موقي عبايـر مرازمـك *** وهـل العبايـر من سحايـب غيومك
يالسان وش اللي عن النطق بلمك *** بـلاك قـو الـفـاجـعـه مـن يـلـومـك
ملزوم منظوم الرثاء ينطقـه فـمـك *** لـو المـراثـي مـا تخفـف أهمومـك
أرث الـذي يـدرك مرامـك ويفهمك *** ويسـد بـاب الـلـي يـدور أثـلـومـك
اللي إلى جيته فـرح بـك وحشمـك *** وأن جيت له ملزوم يقضي لزومك
يا أبو محمد ليت ما شفت مأثـمـك *** تبكي عـلى فقدك أصحابك وقومـك
رب المـلأ يلطـف بحالـك ويرحمـك *** وفي جنة الفردوس يجعل قدومك
بالخـلد تسكن والحـواري أتنادمـك *** ومن سندس الجنة تفصل هدومك
ليت الولي من سهم الأقدار سلمـك *** وليت الزلايب يومهـم قبـل يومـك
حتف المنية عـقب سبعيـن داهمك *** ومن طلعتـك رمح المنايـا يهومـك
سيف العـدو مهما تلقاه ما أعدمك *** وتبيع عمـرك باللقا لمـن يسومـك
وتظلم عدوك بالخطـأ قبـل يظلمـك *** ما تقـبـل العيلات مـن كبـر زومـك
زومك على اللي بالعداوات قاومك *** للخـصم ضـد وللـقـرابـه أنعــومـك
تضد مـن حـاول يضدك ويـزحمـك *** أنت الشجاع اللي تهابك خصومك
من صافي الفولاذ مـولاك صممـك *** مـا ينكسر بـاسـك وقـوة عـزومـك
زبن الذي بالضيق يا شيخ يزهمك *** دونـه تفسر عن سواعـد أكمومـك
ثـنيـت لـه قبل العـدو يدمكـه دمـك *** والكـل بالجـولان يـذكـر هـجـومـك
كنـك تدافـع عـن دوانـي محارمـك *** وغرسات حيفا عدها من أكرومـك
ما أظن هبت من العدو لو تجشمك *** عـلى الهـزيمـة ما تـوجه يمومـك
فعلـك هـو اللي بالرجاجيـل قـدمـك *** وأورثـتهـا لـلي يحـقـق أحـلـومـك
أنجال من صلبك يشدون محـزمـك *** بالفعـل والحليـا عـليهـم أرسومـك
عـلمـتهـم بالـلي بـه أبـوك عـلـمـك *** والحـمـد لـلـه حافـظيـن أسلـومـك
بيت المعزة والفخـر عالـي السّمـك *** عليه بصمه من محابـر أخـتومـك

* وقال عبدالله بن دهيمش بن عبار يرثاء بالشيخ فواز بن راكان المرشد ويعزي أخيه الشيخ طراد بن راكان المرشد وأخوته : 15

سميت بسم اللي شمخ شم الأطواد *** مجـري سفينة نوح بأفلاك طوفان
خـلاق آدم مـن صلاصيـل وأجـمـاد *** رب العباد اللي خلق روح الإنسان
ومن بعد ذكـر الله نعزيـك يا طـراد *** وانعـزي الأنجـال مـن نسل راكـان
سلايـل المـرشـد شغاميـم الأجـواد *** خلفت بشير ومن نضايض سليمان
مضاحيه ساروا على سلم الأجـداد *** حصن الطلايب من قديم لهـم شـان
تمـلأ مكارمهم عـلى جيـل الأحفـاد *** ما غيـروا عاداتهـم عـبـر الأزمـان
راكان ساد وفي رفيع الفخـر شـاد *** يصعـد سناد وفوق راس العلا بـان
صينيتـه لـهـا مـقـايـس مـن الـزاد *** كوما من البل ثم عشرة من الضان
وبالمرجلـه راكـان للخصـم ضـّداد *** شهم وكريم ودوم يذكـر بالإحسـان
يا الله عسى لـه عـند مولاه مخلاد *** يا رب تجعـل منزله عـنـد رضـوان
وكان أرتحل فواز ما تفيد الأوجـاد *** لكن عـوضنـا في صواريم حـوران
ولا ظنتي من زال عقـب الفنـا عاد *** نطلب له الرحمة من الله وغفـران
ودنياك ما تأتي على شـف وأمـراد *** ولا باقـي الا الرب خـلاق الأكـوان
كل الملأ تمشي على الحوض وراد *** روح البشر يا طراد للموت نيشان
الـلـه يكفيكم مـن حسـد كـل حسّــاد *** ومن سبكم يطمـن مقامـه وينهـان
يفخـر بكـم مـن كان بالشعـر حمـاد *** وتشهـد لـه الأفعـال ما قـال بهتـان
لو يزعلون أهل الضغاين والأحقاد *** تاريخكم معروف في كـل الأوطـان
وصلـوا عـلى بالهـدى زال الألحـاد *** الهادي المبعـوث من نسل عدنـان

* قال عبدالله بن عبار يرثاء بالشيخ مرشد بن عايش الشريفي رحمه الله : 16

جـاني خـبـر خـرب مزاجـي وكيفـي *** عاد الكدر عقب الفرح والمسـرات
وقع الخبـر هيـّض خـيالـي وطيفـي *** وفاضت عبارات المراثي وعبرات
قـلتـه ودمع العيـن يـنـزف نـزيـفـي *** خطو الرجل فقده خسارة إلى مات
نبكي عـلى الشهـم العـديـم العفيـفي *** ما دور الخـملات عنـد القصيـرات
قـرم الـرجـال الـلي ضميره نظيفـي *** الـلي أهـدافـه بالـمـراجـل بعـيـدات
الـوايـلي شـتـاح كـسـر المـضيـفـي *** راعـي الدلال المكـرمـات العـذيـات
الـبـاسـل الـلـي لـلـرفـاقـه سعــيفـي *** مرشد عزيز الجار ستر الخونـدات
عسى الخـيـال الـلي لبـرقـه رفيفـي *** يسقـي ثـرى قـبـره بـدار القـريـات
بحسنـاك يـالـرب الكـريـم اللطيـفـي *** تغفر ذنوب الشيخ عـن كـل مافـات
العبـد يفـنـا عـقـب جـري وهـريفـي *** والعمر يمضي في دقايق وساعات
مرحـوم يالقـرم الشجـاع الشـريفـي *** مرشد سليل المجد نسل الشريفات
الـنـادر الـلـي بـالـلـوازم يـقــيــفــي *** يوم الحروب الطاحنة لـه بطـولات
مقـدم جمـوع الـلي سلفـهـم يخيفـي *** حمر النواظـر يـوم للخيل صـولات
كـواكـبـه داهـوم جـمـعـه عـنـيـفــي *** خامس جموع رويل يوم القوامات
عـز الـقـرايـب والصديـق الحليـفـي *** قصيرهـم مـا يشكي الظيم هيهـات
مـن يعـتـدي خـلـوه مـثـل العسيـفي *** وخلـوا خيوله للمحاريف طوعـات
لهم قرى الغوطة مقيض ومصيفـي *** ويشتون بالريشة وحول الدميثـات
مـن حـد تـدمـر للحسـا والقـطـيفـي *** ومـن ديـرة البلـقـا إلى حـد أبانـات
ومـن قبلي الشعبـة لشرقي طريفـي *** تـرعى بها العـليا عشاير وخلفـات
يتلـون عـقب غـريـر صفـوة منيفي *** الشيـخ ابـن شعـلان زبـن الونيـات

* قال عبدالله بن دهيمش بن عبار رثا بالشيخ زيد العليق الرويضان رحمه الله : 17

قبـل أبتـدي بالقاف وأنظـم قوافيـه *** ابـداه بسـم الـلي جـزيـلـه عطـايـاه
نـرجي ثـوابـه والمخـاليـق تـرجيـه *** رب المـلأ نخشى عـذابـه ونخشـاه
مـن طـاع ربـه والفرايض أيصلـيـه *** نـال الثـواب وخالقـه فـاز بـرضـاه
الرابح الـلي الله عـلى الحـق مهديه *** والخاسر اللي طاع لبليس واغواه
الـواحـد الرحمـن بـاسـمـاه نـدعـيـه *** نبي العفو عـن شيخنا اللي فقدنـاه
يامن على المخلوق تضفي حسانيه *** ألطـف بحالـه يالولـي وأنت مـولاه
أبـو محمـد ريـف ضيـفـه ونـاصيـه *** ليت أخو سلمى عاش والنذل يفداه
بـالـجـود مـا وفـر حـلالـه أيـنـمـيـه *** لا زال يندى من الصخى كف يمناه
جـاد وتـجـمـل يـوم ربـه مـعـافـيــه *** نطلـب عسى الجنـة مقـره وسكنـاه
والشاهـد الـلـه لـه عـلينـا مشاريـه *** عسى الكـريـم بجنـة الخـلـد يجـزاه
حان القدر والعبد وش عاد بأيديـه *** وأكبـر خساره يوم عـلم الخبـر فـاه
يعـذرني الـلي مـا تـمـكنـت أعـزيـه *** لومي على اللي عنده العلم وأخفاه
مـا يفـقـدونـه بـس دانـي بنـيـخـيـه *** عنـاز تجـزع مـن رحيـلـه وفـرقـاه
أبكيـه بـالـدم الحمر كيف ما ابـكيـه *** وأرثاه بالقيفان وش لون ما أرثـاه
حـزنٍ شكيتـه يـا ولـد زيـد نشكـيـه *** تـنعـاه يا محمـد وأنـا مـثـلـك أنعـاه
تغـليـه يا محمـد وأنـا مثلك أغـليـه *** عندي وعندك لـه كرامـة ولـه جـاه
لو مات ما يمحى عن البال طاريـه *** ما أنساه والله دام أنـا حي ما أنساه
ودنيـاك هـذي كل مخلـوق تسقيـه *** الموت حوض وتنهل الخلق من ماه
صحف المنايا خالق الكون يطويـه *** ومن طال عمره لازم المـوت يقفـاه
عـمـر الفـتى لـو طـال لا بـد تالـيـه *** خـام الكفن لازم عـلى الجسم يقـداه
مـن عـاش بالدنـيا تشيّب نواصيـه *** وغـبـر السنيـن تقـربـه مـن منايـاه
ومن يرتحل ماله مرافـق أيخاويـه *** غـيـرالعـمـل ما يعـمـل العـبـد يلقـاه
ومن عـاش بالدنـيا تغـره وتغـريـه *** خـسـران مـن غـره مبـاهيـج دنيـاه
لـو هـرفـت لـه يـوم لا بـد تشـقـيـه *** ولـو أستـقـر بـجـالهـا كـود تجـفـاه
طـرادهـا بـوسط المهـافي أتهـلفيـه *** ونـدمـان من يطـرد حطـام المهبّـاه
والـلي بـهـا مفـتـون تكثـر بـلاويـه *** تـعـززولـه مـن مـصـابـه وبـلـــواه
قـبـل يـدز بحـفـرتـه مـع عـلابــيــه *** يا ليت لـو صحح مسيـره ومسعـاه
وش فاد من كثر السفـر والمناويـه *** ما جـت لـه الدنـيا عـلى مـا تمنـاه
مثل السراب اللي الظهيرة اتسويـه *** ضحاح يزمي لك على راس زيـزاه
وأختم كلامي مثل ما ابـداه وأنهيـه *** وصلوا على اللي طـاع ربـه ولبـّاه

* قال عبدالله بن دهيمش بن عبار هذه القصيدة رثاء بالشيخ معضد بن خرصان الشامري وتعزية لأنجاله الشيخ حزام والشيخ فيصل رحمه الله : 18

الـبـارحــة مـانـاد جـفــني ولا نـــام *** أسباب علمٍ زاد هاجوس والأحزان
مات العريب الشامري نسل الإكرام *** الشيخ معـضد من شغاميم شيخـان
مقـدم بـني شـامـر للأبـطـال مـقـدام *** شيخ مسمى مـن مقـاديـم عـربـان
الشيخ اللي فقـده مصيبه عـلى يـام *** تـنعـاه مـعـد ومـن تـكـنى بقحطـان
كـل البشـر يفـنون والعــمـر مـا دام *** عسى الكريم ينزله عـند رضـوان
بأمـر الولي تجـري مقادير الأحكـام *** بتصريف خلاق الملأ عالي الشـان
يـاالـلـه يـالـلـي بـالـخـفـيـات عــلام *** تلهم ذوي المرحوم صبرٍ وسلـوان
وتـزيـل عـنـهـم شـر مـرات الأيــام *** يـا رب لطفـك وأنـت للخلـق رحمن
جعل الخلف بعد السلف فيك ياحزام *** أنت الخلف بأبوك يا نسل خرصان
مـا مـات عـود مثـلكـم عـقـب غـلام *** تحيـون ذكـره يا صواريـم حـوران
يشهـد لكـم بالمجـد تسطيـر الأقـلام *** وبخلاص جـدك شاهدٍ يـوم عجلان
راعي الركايب من مشاهير وأعلام *** مثـل القمـر بـه يهتـدي كـل تيهـان
مـن لابـة تـدحم عـلى الخـصم قـدام *** أولاد شـامـر بـالـمـلازيـم شجـعـان
شجعـان باللقـوات كـان السعـد قـام *** والنعـم والله كـل ما قـيـل عجـمـان
يـوم المـراجـل والفخـر فعـلهـم تـام *** ويشهـد بماضيهـم مفاعيـل راكـان
وصلوا على بالهدى يهـدي الإسلام *** المصطفى دينـه خـتـم كـل الأديـان

* وقال عبدالله بن دهيمش بن عبار يرثاء الشيخ فيصل بن معضد الخرصان الشامري رحمه الله ويعزي الشيخ حزام بن معضد : 19

يا حـزام في جـل المصيبه نعزيـك *** أنت الخلف باللي عسى الخلد له دار
ربـك عـلى جـل المصايب أيقويـك *** أصبر على الشدات يا وافي الأشبـار
يالقرم قلت القاف بالصبر أوصيك *** خـذ النصيحـة مـن كـلام ابـن عـبـار
عسـاك ما تشوف المكاره بغاليـك *** وعساك محمىٍ عـن العـوق وأمجار
جينا بحزنـك والفجيعـة انـواسيـك *** خــلـك عــلـى مـا قــدر الـلـه صـبـار
أنـت الشجـاع ولا بطيبك تشاكيـك *** وأنت الخلف ياحزام في مكرم الجار
الموت حق وماضي الأدوار ينبيك *** والعـمـر صيـوره معـرض للأخطـار
مرحـوم يـا مـن قـلـت للـرب لبيـك *** نـاداك لـجـواره وخـاويـت الأبـــرار
لـو تنفدي ربعـك بالأرواح تفـديـك *** دونـك تبـاع الـروح يا نسل الأخيـار
والخاتمـة نطلـب مـن الـلـه واليـك *** عساك ما تعرض على واهـج النـار

* قال عبدالله بن دهيمش بن عبار يرثاء الأسمر بن خلف الجويعان وفريح بن رحيّل الصخي رحمهما الله : 20

يا من يعزيني ترى القـلب مفجـوع *** عـلى الـفـقيـدة مـن خـيـار الرفاقـه
على أبو شايم هلـت العيـن بدمـوع *** وعـلى فريـح القـلـب زاد أحتـراقـه
سهـم المنايـا خـم الأثـنين بأسبـوع *** كيف الوسيعـة عنـدي اليـوم ضاقه
اللي غلاهم داخـل الجـوف مطبـوع *** غـاليـن والغـاليـن يصـعـب فـراقـه
لـو ينفـدون الـروح لا بيعهـا طـوع *** كلـه وفاء لأهـل الوفـاء والصداقـه
والله لـو هي في مصاويل وأفـزوع *** لكـود نـثـني دونـهـم هـوش سـاقـه
يجـونـك الـويلان زافـات وأجمـوع *** حـتـى أعـداهـم يـظـفـرون بـلحـاقـه
لا شـك أمـر الـلـه منـفـذ ومطيـوع *** والـعــمـر يـفـنـا كـان كـمـل غـلاقـه
المـوت حـق وبالمخاليـق مشروع *** والـلـي رحـل لابـد نـسـلـك مـسـاقـه
ليت المنايـا مـا تجـي طايـل البـوع *** ولا تأخذ الا الـلي من الغوش عاقـه
يا الـلـه يا رحمن يا مهون الـروع *** تجبـر عـزا اللي جايـر الوقـت باقـه
لاشك بهـم أعـزاي ما هو بمقطوع *** وحـبـل الرجـاء بالله قـويـه أحلاقـه
عسى ذراريهم لهم صوت مسموع *** وعسى لهـم فـي كـل طايـل علاقـه
وعسى يدوم العـز والراس مرفوع *** والـبـيـت مـا يـذري بـلـيـا رواقــــه
غـرست نمـاهم بالبساتين مـزروع *** والـورد مـثـلـه ورد تـثـمـر أوراقـه
والخاتمـة في خـاتمة كـل موضوع *** صلـوا عـلى الـلي ما بطبعه حماقـه

* وقال عبدالله بن دهيمش بن عبار يرثاء أخيه حمدي بن دهيمش بن عبار رحمه الله المتوفي 21
في صبيحة يوم السبت 22/10/1417هـ ويسند على صفوق بن حمدي بن دهيمش :

نشكي على الله جايح الحزن يصفوق *** نصبـر تجـلـد والضمايـر جـزوعـه
حاولت كظم الغيض والقلب محـروق *** جـض الخفـوق وجاوبنه اضلوعـه
أعول عويـل الـلي تهوبـل مع النـوق *** تـخـلج حـنيـن وكـل خـايع تبـوعـه
حـن الـفـواد ولايـعــه كـل مـعـلـــوق *** والفكـر هاجـوس الروابع تـلـوعـه
هاضت كوامن لاعج الوجد والشوق *** عـزي لمـن نومه على عظم كوعـه
والدمع من عيني على الخـد مدفـوق *** مفجـوع والناظـر تهاشـل ادموعـه
وش عاد لو دمعي تحـدر من المـوق *** فـي مهجتي حسره وبالقلب لوعـه
دنياي عـقـب غيبتـه صـابـهـا ضـوق *** وقع الخبر غـث الضماير شيوعـه
يشكى من اللي سبب الوهن والعـوق *** ولا عاد نرجي من سريره طلوعـه
من شفت تقريره بـه الـورم مرفـوق *** زاد الخـطر تحديـد حجمـه ونـوعـه
صابه خبيث العـل والجنـب مشقـوق *** ومـن حـر ما صابـه تكدر اطبوعـه
الـزاد عـافـه مـا يـمـالـح ولا أيـذوق *** والـلي يذوقـه من طعـامـه يـتـوعـه
ولا باقي الا هيكــل العظـم واعـروق *** والنفس في رجوا شفـاه امخدوعـه
نادى منادي داعي الحــق مـن فـوق *** جاه المصير وحان موعد أسبوعـه
جـتـه المنيـة والأجـل ليـس مفهـوق *** ومـن عـاش فنجال المنيـه قـدوعـه
والعبد لا بده عـلى الحـتـف مسيـوق *** ينقـاد مـا هـو باخـتـيـاره وطـوعـه
المـوت بـرقـاب الملأ كــنـه الـطــوق *** المـوت منجـل والخـلايـق زروعـه
المـوت ما وفـر مـن النـاس مخلـوق *** وكل البشـر سيف المنايـا يصوعـه
ما أظن يوجد بـاب ما قـيـل مطـروق *** ودنيـاك لـو تصفـي تـبـدل وقـوعـه
والعمر لو يزهر تقـل عـود زمـلـوق *** عـقـب الطـرى لا بـد تذبـل جذوعـه
والعـمـر كانـه زال مـا هـو بملحـوق *** وخـطـو الفـقيده يفـقدونـه ربـوعـه
واخـوي الـلي يـكـره الغـدر والبـوق *** قـرم العـيـال الـلي بـعـيـده رمـوعـه
ما يـوم بهـروج الخطأ قـال منطـوق *** وجـهـام ربـعـه مـا يفـرق نـجـوعـه
ودعـته بغـرفـة تقـل جـوف صندوق *** والنـفس بالـلي قـدر الـلـه قـنـوعـه
وسـط اللحد فـوقـه صلافيح طابـوق *** وصار العـزا فقد الأمل في رجوعـه
يا الله يا اللي غيـث مزنـه لـه بروق *** تسقي ثرى جرد السهل مع فروعه
نطلبـك يا مـن كـل مـا قـلت مصدوق *** يـا رب في يـوم الفـزع لا تـروعــه
نطـلب لعـلـه عن سنـا النـار معـتوق *** بالخـلد عـن ظامي عذابك وجوعـه
والحمد للمولى له أنجـاب وأعمـوق *** أنجال من عـقبـه تضافـر ادروعـه
ما بهم قاصر عن مواجيب واحقـوق *** درب المراجـل ما تخفاهم اسنوعـه
أنجالـه الـلي ما ذكـر فـيهـم أعـقـوق *** ولا ناشهم عرق القلوب القطوعه
ولا فيهم اللي بـه سفاهـه ومطـفـوق ** ولا فيهم الـلي قـيـل نفسه دنـوعـه
وصلوا عـلى من نـور الحق بشروق *** وضّح منـار الحق تضوي شموعه

* وقال عبدالله بن دهيمش بن عبار يرثاء الشيخ حمود بن شافي بن شامان شيخ قبيلة البجايدة من السلقا رحمه الله : 22

يا كريّم ابن خضير قافـك امسويـه *** مـن صافي النقـروح مابـه احثالـه
تبغـي عن العبرة ضميرك اتسليـه *** محـزون والمحـزون عـزي لحالـه
ما الـوم قلبـك لـو يجـود بمـراثيـه *** مـن فجعـته ما هو عن الشيخ داله
شيـخ الـيـتـامـا مـا تعـدد حسانيـه *** أجهـد عـلى فعـل المـراجـل ونـالـه
مقـدم هـل البلهـا بعيـده مـرامـيـه *** يحـري بكسـب الغـانمـه والجمـالـه
أبـو مـنـوخ مـن بـعـاد الـمـدالـيـه *** مشكـل ويـزهـاه الـفخـر والشكالـه
ما كـان طيـب حمـود بس لدوانيـه *** مـن جـاه في لازم بجـاهـه مشالـه
للخيـر يسعى وحقـق الله مساعيـه *** حـتى قـضى نحـبـه وتـمـت ليـالـه
ويـوم أستمع داعي المنيه أيناديـه *** لـبى نـدا الخالـق وشـدت رحـالـه
قـدامـه الـكـوثـر تجـارى سـواقـيـه *** يجـزاه ربه عـن محاسن اعـمالـه
رديـت لـكـريّـم بـالأشـعـار أجـاريـه *** وأرثـا سليـل المرجـلـة والبسالـه
النـادر الـلي حصـل الفـعـل بأيـديـه *** واللـيـث مـا ظـني يعـقـب أثـعـالـه
مجده عريق وحاضره مثل ماضيه *** مـا حـاد عـن تعـليـم جـده وخـالـه
كـل المراجـل حاشهـا فـي مماشيـه *** وعلـّم على فعـل المراجـل عيالـه
أدناهـم الـلي يحـتمـي دون عـانيـه *** يحماهم الـلـه عـن دروب الرزالـه
يا كريّـم المكـنـون بانـت خـوافـيـه *** وسجلت من نظـم القصايـد مقالـه
وأبن مسيـّب ما بخـل فـي قـوافيـه *** قـرم العيال الـلي بهـرجـه جـزالـه
قـريـت قـافـه وأعجـبني مهـاجـيـه *** وضح عن اللي في زمانـه جرالـه
صبر على الشملي وباحت عزاويه *** يـوم الـرجـل يعـوز جيـبـه ريـالـه
وصلوا على اللي طاع ربه وباريه *** المصطفى زال الجـهـل والضلالـه

* وقال عبدالله بن دهيمش بن عبار هذه القصيدة رثاء بالشيخ العلامة حمد بن محمد الجاسر رحمه الله : 23

الـلـه وأكـبـر ولـي الـكـون مــولانــا *** تـدور الأقــدار بسنـيــنـه وأيـامــه
الـلـه وأكبـر عليم الجهـر والنجـوى *** رب الخلايـق عـلينـا تنفـذ أحكامـه
الـلـه وأكبـر رضينـا بحكـم تـدبـيـره *** والعـبـد مـا قـدمـه يـلـقـاه قـدامــه
الـلـه وأكبـر مصيـر الـحي للبـرزخ *** لابـد الأكـفان ما تـقـدا على القامـه
الـلـه يحـمد عـلى المكروه لا غيـره *** نستلهـم الصبر من فضله وإنعامه
الـلـه وأكبـر سهـرت الليل ما نمتـه *** ولا تلـومون كـان الـليـل مـا نـامـه
الـلـه وأكبـر جدانـا الحزن والدمعـة *** مـن هـل دمعـه يلوم الله مـن لامـه
الـلـه واكـبـر فقدنـا شيخنـا الفاضـل *** الـنـادر الـفـذ بـالــتـاريـخ عـّلامــه
الـلـه وأكـبـر تـوفى الباحـث العـاقـل *** والعـلم يعـتـز فـي تخـليـد خـدامـه
الـلـه ربـي سـألـتـه يـلـطـف بـحالــه *** العـادل الـلي ما سلك طرق هدّامه
عـسى مـقـره مـع الأبـرار بـالـجـنـة *** يقبـل صلاته ولـي الكون وصيامه
قـلتـه وأقـدم لنجـلـه معـن وأحـفـاده *** واجب عـزاي لكل الربع وأرحامه

* وقال عبدالله بن دهيمش بن عبار هذه القصيدة يرثا شهاب الأحمد رحمه الله احد وجهاء قبيلة الفدعان : 24

البارحـة من هاجـس الهـم منصـاب *** والدمع من عيني على الخد سالي
ما نمت طول الليل حتى القمر غـاب *** بس أقتلب عـدي عـلى حـر صالي
العلم اللي جابـه من الغـوش نجّـاب *** محـزن وفجعـني عـلى فـقـد غالـي
مالي جدا ألا أقول مرحوم يا شهاب *** الـنـادر الـلـي مـن نـوادر خـوالــي
الـولـد يـنـعـونـه شـبـابـه وشـيّـــاب *** وضنـا فريض بشرقهـا والشمالـي
الـلي كـمـل بالمرجلـه كـل الأوجـاب *** الـلي مـقـامـه بالـرجـاجيـل عـالـي
عـوايـد الشغمـوم مـا يـقـفـل الـبـاب *** ولا صد عن ضيفه بعيـد المـدالـي
وعـوايـده نطـح الهـواشـل بترحـاب *** ويذبح لهم عيت الكباش الجزالـي
ألا وتخـشى سطـوته عصم الأشناب *** وجيـران بيتـه مـا لحقهـم خمالـي
من راس لابـة ما يهابـون الأسبـاب *** وقـت اللـزم يرسون مثـل الجبالـي
القرم أبوأحمد ريف ربعه والأقراب *** للخـصـم مـر وللأصـاحيـب حــالـي
قـلـته وتشهـد لـه شغاميـم الأجنـاب *** واللي سمع به من جميع الرجالـي
ليتـه يعـف الموت عن كل من طاب *** يعـفـي الكـرام ويكـتـفي بـالـنـذالـي
والخاتمه مرحوم يا ريف الأصحاب *** عسى العوض باحمد عديم العيالي
ونرجي من اللي من ترجاه ما خاب *** يشملـك بالرحمـة عـزيـز الجلالـي

* قال عبدالله بن دهيمش بن عبار هذه القصيدة يرثا سعود بن حمد البردي رحمه الله احد نوادر قبيلة الفدعان : 25

قـال الـذي هجس الروابع بـدت لـه *** غزر الدموع من المحاجر مسحهـا
نادى المنادي مـا قـدرت ألتفـت لـه *** مهمـا كتمـت الدمع عـيني فضحهـا
عـلى الفقيد الـلي عيـوني بكـت لـه *** فـقـده فجـيعـه والضمـاير جـرحهـا
والـعـبـد كـانـه حـان مـيـعـاد قـتـلـه *** الـروح بـسـهـوم الـمـنـايـا ذبـحهـا
مـات الـذي دنـيـاه مـا مـهــلــت لـه *** الـلي خصـالـه مـن عـرفها مدحهـا
أبـو حمـد مـا بـار يـوم أستـوت لـه *** بـيـبـان بـيـتـه لـلهـواشـل فـتـحـهـا
سعود اللي سـود الليالي طـوت لـه *** اللي المصاعب دون ربعـه نطحهـا
دنيـا الشقا كـان البنـادم صفـت لـه *** لابـد عـقـب الكـيـف يـظهـر تـرحهـا
من تضحكه تبكيه كان أضحكت له *** طـول الـزمن مـا يـوم داوم فـرحهـا
والعبـد بالـدنيـا كمـا غـرس شتـلـه *** لـو أخضـرت لابـد يحصـرم بلحـهـا
يـسـوح والـدنـيـا الـدنـيـه تـخـتـلـه *** والـرابح الـلي دوم نفسـه نصحـهـا
لو كان يدري بالخفا وش عبت لـه *** دنـيـاه صـد وكـبـهـا مـا شـبـحـهـــا
يا سعود لـو عمرك يعـود فـدت لـه *** أرواح ربـعـك كـل مـنـهـم سـمحهـا

* قال عبدالله بن دهيمش بن عبار يرثاء محمد بن يحيى البوهي الجعفري احد وجهاء قبيلة ولد سليمان رحمه الله : 26

عـلم سمعـتـه حـط بالقـلـب ولـوال *** يا ليت يا عايـد لي العلـم ما جيـب
يا ليت أبو عدوان بالشعـر ما قـال *** غدي الكلام اللي سمعناه مايصيب
سهم القدر مـا طـاع شاير وعـذال *** الموت برقـاب البشر ما بهـا ريـب
لـيـت الـمـنـايـا للـهـلابـيج الأنـذال *** ما تاخـذ اللي ينطحون المصاعيب
مرحوم من يدرك صعيبات الأنفال *** يـوم المراجـل يحتفـظ بالمـواجيـب
يقول أبو عدوان به خمسة خصال *** بمحمـد البـوهي قـليـل الـعـذاريـب
الأولـه بـالـجـود لـلـمـال بــــــــذال *** ريف الهواشل بالسنين الشلاهيب
والـثـانـيـة عـنـده مـعـاميـل ودلال *** يفرح بها اللي ما حناسه معـازيب
والـثـالـثـة فـيـه الحـمـيـة ولا زال *** يذكـر مع الأصحاب هـم والأجانيب
والـرابـعـة مـا قـيل للهـرج نـقـّال *** حاميـه عن حكي الخطأ عالم الغيب
والخامسة عنـد اللزم يبذل الحـال *** وإلى تطـاروا عادتـه ينفض الجيب
قـلته مثـل من قـال قبلي بالأمثـال *** ويستاهل التمجيد من يفعل الطيـب
الـلـه يعـوضنـا بـذربـيـن الأفـعـال *** اللابـة الأدنـيـن حصـن المـطـاليـب

* وقال عبدالله بن دهيمش بن عبار يرثاء عبدالله العلي المنصور الزامل من أهالي عنيزة رحمه الله : 27

علم سمعته غاضني وأبعـد الكيـف *** ولا ينفع المحـزون لو قـال ويـلاه
قالـوا توفى صاحبـك قـلت ياحيـف *** والـعـبـد ما داوم سـروره بـدنـيـاه
أديبنا المعروف من غيـر تعـريـف *** عبدالله الزامل عسى الخلد سكنـاه
عـز الله أنـه عادتـه يكرم الضيـف *** ما راح ضيفه عابس الوجه يشناه
وعـز الله أنـه مـا يهـاب التكاليـف *** أيضـاً ويـفـرح بالمسيّـر إلـى جـاه
تلقـا الـوقـار بمجلسه والسواليـف *** لـولا المشـاغـل زايـره ما ايتعـداه
وتـلقـا المهيّـل بالـدلال المهـاديـف *** والكبش لا جاء لازمه ما أيتغـالاه
طيبـه بـري مابـه تصنع وتزيـيـف *** بعيـد عـن فعـل الريـاء والمحابـاه
ولا دوّر البلـغـة بكـثـر التـواقـيـف *** شهم وعفيـف ومقنعـه مـد مـولاه
أبـو عـلي صـالات بيتـه متـاحيـف *** لـم الـتـراث الـلي يحفـظـه ويقـنـاه
حاشه وجابه من جميع الأطاريـف *** والـفـن مـن منتـوج فكـره ويمنـاه
يجمع نوادر ما توصف بتـوصيـف *** ماضي علوم الجيل يفخـر بذكـراه
عسى مـقـره بالبساتـيـن والـريـف *** يـنعـم ويـدرك كـل مـقـصـد تـمنـّاه
هـذي تدابيـر الزمـن والتصـاريـف *** يـزول جيل وجيل بالـدرب يـقـفـاه
المـوت يـدنـي والمنايـا خـواطيـف *** والكـل فـي دنيـاه تـقـفي مـطـايـاه
تـم الجـواب ولا تـفـيد التحـاسيـف *** على الذي لو غاب ما غاب طرياه
عسى عيالـه ما تجيهـم صواديـف *** عاشوا وداموا بأوفر القدر والجاه

* ومن شعر العزاء قال عبدالله بن دهيمش بن عبار يعزي أحد الأشخاص : 28

يجبـر عـزاك الـلـه يـا بنـت الأجـواد *** الصبـر مفتـاح الفـرج لا تـنوحيـن
ما لوم لو تشكين من حـزن واحـداد *** كله من أسباب الوفى تدمع العيـن
مات الرسول المصطفى خير الأفراد *** والـمـوت مـا وفـر خـتـام النبيـيـن
تمضي حيـات العبـد في كـد واجهـاد *** ودنيا الشقـا دايـم تـلـوّن تلاويـن
الــعـمـر صـيـوره عـقـب جـدتـه بـاد *** الـلـه يـكافـينـا غـثـا الهـم والبيـن
مـا دام محـمـود السـجـايـا لــه أولاد *** يجبـر عـزاك الـلـه وفيهم تعـزيـن
أمـر الـكـريـم ويـفـعـل الـرب مـا راد *** والكـل منـا لـرحمة الـرب راجيـن
مرحوم من حطوه في وسط الألحـاد *** عساه بالـفـردوس بيـن البساتيـن

* قال عبدالله بن عبار يرثاء زميله خلف بن عبيد الخمعلي رحمه الله : 29

البـارحـة جـانـي عـن النـوم لادود *** والقـدر صـار ولا تـفيـد التـواجيـد
قالوا خلف من دونه الباب مـردود *** وأصبح مقـره بالرموس الهواميد
الله يرحم صاحـب الطيـب والجـود *** عـسـاه يـنـعـم بالثـمـر والعنـاقـيـد
في ما مضى بزيارته كنت موعود *** مار القـدر يخلف جميع المـواعيـد
جيته بعرعر قيل لي غيـر موجـود *** ولا صح لي شوفه بحزم الجلاميد
ودنياك هـذي فـانيه ما بهـا خـلـود *** أقـفـت بعنتر والـزناتي وأبـو زيـد
دنيا الشقا ما بيـن سارد ومسـرود *** يـا مـا هفـابـه مـن كـرام الأوالـيـد
أيامهـا يأتي بهـا نحـوس واسعـود *** يوم عـزاء واليوم الآخر بها عيـد
فيها ليالي بيض وأيضـاً بهـا سـود *** نـوب فـرح وسرور وأحيان تنكيد
سهم القدر ماهـو عن العبـد مردود *** ترمي سهوم الموت مثل العباريد
وحـوض المنايـا للمخاليق مـورود *** وكثر البكا والنوح والحزن ميفيد

* قال عبدالله بن دهيمش بن عبار في رثاء الشيخ راشد بن ناصر الجدوع احد وجهاء مدينة الحريق رحمه الله : 30

عـلمٍ لفـانـي ليـت مـا جـيـب طـاريـه *** قـالـوا توفـى الشيخ زبن المداليـه
الفـاضـل الـلـي مـا تـعـدد حسـانـيـه *** فـقـده فجـيعـة خبـث الفكـر والبـال
راشـد نـبـغ بـالـمـرجـلـة والحـمـيـه *** مـرخـص حلالـه للـنـفـايـل هـديــه
عـنـده يـقـيـن أنــه يـزور الـمـنـيــه *** ما حالف الدنيا مثـل بعض الأنـذال
مرحـوم يالشهم الكريم أبـن جـدوع *** الـقـرم بـابـه للهـواشيـل مشـروع
شـاف الحيـاه الفانيـه كنهـا أسبـوع *** وبـدد حلاله ما تشافى عـلى المـال
يوهـب جـزيـل المـال يـرجي ثـوابـه *** يمشي على منهاج سلم الصحابـه
مـالـه فـنـاه ولا يحـســب أحـسـابــه *** عساه له عن واهج الشوب مقيال
مرحـوم يا شهـم الرجـال أبـو ناصـر *** عـز اليتيم وريـف من كان قـاصر
يـلجـأ لـه الـلي مـن زمـانـه محاصـر *** كـفـه كـمـا الهـداج لـلـمـال بــّذال
يا كثـر الـلي وقـت الملازيم يـنصـاه *** حـيثـه كريـم وتبـذل الجـود يـمنـاه
بـالـذكـر ولا مـنـزلـه مـا وصـلـنــاه *** من فضل خلاق الملأ بحسن الحال
مدحـت كفـو المـدح مـالي مقاصيـد *** لا شـك نفخـر فـي مديـح الأجاويـد
ومن حاش علم الطايلة والتحـاميـد *** ترفع له البيضا على روس الأقذال
عـلم الفخـر ما كـل مجـهـد يـطـولـه *** ما نـالـه الا الـلي يهـوم الـرجـولـه
الـنـادر الـلـي نـفـتخـر فـي فـعـولــه *** نعـم بخوالـه زاكـي العــم والـخـال
ساسـه تميـمي والخـوال الهـزازيـن *** نسـل القـروم النـافـليـن المسميـن
هـزازنـة من صلب وايـل عـريبـيـن *** تاريخهم ينبيك عن ماضي الأفعـال
كـم واحـدٍ لا زاد ظـيــمـه شــكـالـــه *** وقـت اللـزم يفـزع بجـاهـه ومالـه
والـيـوم سـلـمـه مـاسكيـنـه عـيـالـه *** مشموخ مجـده بالمعـالـي ولا زال
سلمه عـلى طـول المـدى ماسكـينـه *** وعـلى المكـارم جهـدهـم بـاذلـينـه
وكـل العــلـوم الـغـانـمـة عـارفـيـنـه *** نسل الـذي بـيتـه للأجنـاب مدهـال
يا الـلي عـن الأجـواد بالقـول نـاشـد *** لو زال راشد ما محى ذكـر راشـد
مجـلس أنجـالـه بالـرجاجيـل حـاشـد *** يحيون ذكـره بالفضايـل والأنفـال
يحـيـيـون ذكـره بالعـلـوم الحـمـيـده *** وتصبح مساميـل المفاخـر جديـده
ومن طـاب يـذكـر بالـديـار الـبعـيـده *** والمجد يبقا والفخر عبـر الأجيـال
الـلـه لا يـقـطـع ذراري هـل الـجــود *** والله يصبرهم على العسر والكود
زبن الذي من جايح الوقت مضهـود *** يـزبـنهـم المـظـيـوم لا حـده الـلال
قـدمـت شـعـري تـعـزيـة لـلـكـرامـي *** مع جـل تقـديـري لهـم وأهتمامـي
جـميعـهـم مـن دون ذكـر الأسـامــي *** وأهدي تحياتي عـلى كـل الأنجـال
والـمعـذرة يـا طـيـبـيـن الــفـعــايـــل *** قصرت عن تمجيد واف الخصايل
وضحـت منظـوم الـعـلـوم الصمـايـل *** ولا لي مقاصد يوم نظمت الأمثال
وأختامهـا صـلـوا عـلى سيـد النـاس *** الـلي أشـاع العـلم للخلـق نبـراس
عـد الحـجـار وعـد ذرات الأطـعــاس *** وأعـداد ما يمطر من الغيث همال

* وقال عبدالله بن دهيمش بن عبار هذه القصيدة رثاء بالشيخ راشد بن جدوع والشاعر لويحان العنقري التميمي رحمهما الله : 31

قـال الـذي كـنـه عـلـى جـمـر الأوقــاد *** كـن الوقـايـد شاعـله فـي فـواده
سهـران ليلي مـا هـوى جـفـني أنـواد *** ومن باح سده ما يطيق الوساده
ومـن بـه محسـه ما تـنـقـذ مـن الـزاد *** يجـزع من غبون الغثـا والنكاده
مـا قلت توجيدي عـلى غـض الأنهـاد *** ولا همني لـو عرضت كـل غـاده
وجدي عـلى نسل الحمايـل والأجـواد *** يالـلـه عساهم فـي مقـر السعـاده
راحـوا هـل الطـولات زاكيـن الأجـداد *** هـل الـمكـارم والفخـر والجـواده
خـذاهـم الـرحـمـن بـايـام الأعــيــــاد *** الروح زرع وحان موعد حصاده
وش عاد لو ننعى الأجاويد وش عاد *** الـخـلـق تـالـيـه الـفـنـاء والإبـاده
الـمـوت حـق وللـمخـالـيـق مـرصـاد *** مـار البخيـت الـلي ينـال الشهـاده
لا شـك مـا تـفـيـد الأمـاني والأوجـاد *** مـا قـدر الـمـولـى تـعــدى الأراده
مـرحـوم يا الـلـي لـلجـمـالات صـيّـاد *** وهـاب مـالـه ما خشي من نفـاده
الشيـخ ابـن جـدوع لـلـطيـب معــتـاد *** المحسن اللي عنـده الطيب عـاده
راعـي الكـرم يـدوم عـلمـه ولـو بـاد *** يرحمهـم الـلي يـرتجـونـه عـبـاده
وثـانـي فـقـيـدتـنــا مـفـكـر وقـصّــاد *** وقـدوة لنـا في منهجـه وأجتهـاده
الـلـي تـعــرفـه بـالأدب كـل الأفـــراد *** عبدالله لـويحـان من روس سـاده
عسى خـلفـهـم فـي شـغـاميـم الأولاد *** ولا خاب من يتبع مكـارم أجـداده
أسـلافـهــم كـانــوا مــقــــادم و رواد *** لـهــم بـتـاريـخ الحـمـايـل أشــاده
بـني تـميـم أهـل المفـاخـر والأمجـاد *** لهم المكـارم مـا حـصـينـا أعـداده
والخاتمـة صلـوا عـدد رمـل الأنـفـاد *** على الرسول أعـداد نبت الحمادة

* وقال عبدالله بن دهيمش بن عبار هذه الأبيات عـزاء ومواساة لأسرة الروسان بوفاة عايش بن عيد أبو الروس رحمة الله : 32

أصبر لعـل الله يا أبـو عيـد يأجـرك *** عسى ولـي الكـون يجـبـر نصابـك
كان الحزن كدر يا أبو عيد خاطرك *** أصبـر عسى مولاك يجـزل ثوابـك
أصبر على المقدور والرب يسترك *** أنت الخلف أنت العـوض والبقابك
أصبـر وشجّـع يالسنـافي ضمايرك *** اكظم غضب قلبك وأملـك أعصابك
وأنـت الـذي كـل الحمولة تناظـرك *** بالصبـر عـنـد الجـايـحـة يقـتـدابـك
ويا أبو فهد يا القـرم ربـك يصبرك *** صبرك عـلى حكم القدر واحتسابك
يا من فقد عايش بحزنـك نشاطرك *** مصـابـنـا يـا مسنـدي هـو مصابـك
جـينا نضم شعـورنا مـع مشاعـرك *** ولا الـمـقـدر مـا تـرده أصحـابــك
مرحوم يامن ماسلك مسلك الشرك *** بالحـل لك يدعـون جملت أحبابـك
نفسـك زكيـه دوم بالخـيـر تـأمـرك *** ونـزهـت عـن كـل المعايـب جنابـك
يالزاكي الـلي مـا تـناظـر قصايـرك *** ولا يـوم جـارك بالـمـذمـة حكـابـك
يا اللي بفعـل الخير طابت مخابـرك *** فعـل المـروه والصخـى يلـتـقـابـك
وإلـى لفـاك الـلي مـن البعـد زايـرك *** من زار بـيتـك قـلـت له يا هـلابـك
كنه بياض الشاش ناصع ضمايـرك *** عـنـد البعيـد وعـنـد داني اقـرابـك
يلطف بـك الـلي مطلع في سرايـرك *** نطلب عسى المولى يخفف عذابك
عـسـاه بـالـجــنـة ولـيّــك يـبـشـرك *** وعساك تحمــل فـي يمينـك كتابـك

* وقال عبدالله بن دهيمش بن عبار هذه الأبيات تعزيه للدريس والحويلا : 33

الـلـه وأكـبـر والـزمـن بـه عـبـايــر *** يا ما فجـع غـالي عـلى فقـد غالين
يـا الـلـه يـا الـلي مطـلع بـالسـرايـر *** يـا رب لا تـفـجع قـلـوب المحبـيـن
مهـمـا نعـبـر مـن خفـايـا الضمـايـر *** ما تنفع الدمعـة على محجر العيـن
فـي مهجـتي شبـت لهـوب السعايـر *** جـاني خبـر نسل القـروم المسمين
اكـتـب عـزاي لـطيـبـيـن الـعـشـايـر *** نسـل الحـويلا والدريس العزيزيـن
بفـقـد القـروم الـلي عـلينـا خسـايـر *** لا شك ما نملـك لـرد القضاء شيـن
والحتف دولابـه عـلى الخلـق دايـر *** مـن لا يجـيـه اليـوم يأتـيـه بعــدين
ما قـدر المـولى عـلى العـبـد صايـر *** من عاش وافاه القدر لو بعد حيـن
نعــزي ذويـهـم طيـبــيـن الخـبـايـر *** عسى الخلف باللي من الربع باقين

يتبع

تابع

قصائد الرثاء والعزاء والمواساة في الديوان غير المطبوع

وهذه القصيدة رثاء بخادم الحرمين الشريفين الملك فهد بن عبدالعزيزآل سعود رحمه الله شعر عبدالله بن دهيمش بن عبار العنزي : 34

يـالـلـه يـا رحـمـن تـجـبـر عـزانــا *** بالعاهـل الـلي المسلمين افجعـوبـه
نـدعـوك بـاسمـك يا معـليّ سمـانـا *** تضفي عـليـه المغـفـرة والمثـوبـه
يـا رب عـفـوك لا تـخـيـّب رجـانــا *** الطـف بحـال الـلي قـليـلـه عـيوبـه
الطـف بعـاهـلنـا وزعـيم ازعـمانـا *** تـقـبـل حـسـنـاتـه وتـغــفـر ذنـوبـه
قـايـد مـسيـرتـنـا وحـامي حـمـانـا *** حـرز الوطن لا صار للكون شـوبـه
يـقـهـر معـادينـا ويـعـز اصـدقـانـا *** ريـف الصحيـب وللمعادي عـقـوبـه
القـدر حـان وصـادق العـلـم جـانـا *** وما قـّدر المـولى عـبـاده رضـوبـه
والصبر في وقت المصيبـه جدانـا *** نصبر على البلوى ولو به صعـوبه
ومـن حـان يـومـه مـا يـرده بكانـا *** العـمـر يـبـلا والسـنـيـن محسـوبـه
مـرحـوم يالـلي بواحبـه مـا تـوانـا *** يـجـهـد عـلى عـز ومعـزة شعـوبـه
يـا مـا سهـر باسبابنـا مـن غـلانـا *** ويـا تـلـقـّى مـن الصعـوبـات نـوبـه
عدل القضاء الصنديد حاز برضانا *** ريـف البـلاد بشرقهـا مـع جـنـوبـه
يعـوضنـا بـاللـيـث مرهـب اعـدانـا *** قـروم الرجال الـلي طريقـه مشوبه
اخـوانـه مـن بعـد الـولي ملتجـانـا *** سقـم المعـادي والخصـوم مغـلوبـه
بعـد الولي هـم سورنا وهـم ذرانـا *** يا ما عفوا عن عاصي عقب توبـه
جـيـنـا نـبـايـعـهـم ونـعـلـن ولانـــا *** حيث الفخـر والمجد مبطي رقـوبـه
نسـل الـزعيـم الـلي رفـع مستوانـا *** الـلي الـيـا صار اللـزوم اعتـزوبـه
عبدالعـزيـز الـلي مـن الكيـد عـانـا *** يـوم أن نـار الحـرب والـع شبوبـه
بجهـود أبـو تـركي بـدأ العـز هـانـا *** حكمـه عـلى بلاده ربيع وخصوبـه
جـاهـد وأسـس بـالـجـزيـرة كـيـانـا *** وأنجـب ملـوك بالمسيـر اقـتـدوبـه
هـم قـدوة الأمـه سـبـايـب هــدانــا *** منهـم وهـم نص الكتـاب احكموبـه
زالـوا دواعي جـوعنـا مـع ظمـانـا *** وزال الكـدر والعـز ذعـذع هبـوبـه
وأن فـر دالـوب الـزمـان وحــدانـا *** هـم حيدنـا اللي نتجـه دوم صـوبـه
نـطـلـبـك يـا رب الخـلايـق عسانـا *** مـا نـفـقـد الـلي كـل خـيـرٍ سعـوبـه
وعسى ضناهم هـم مـقـادم ضنانـا *** يـصـونهـم مـولاي مـن كـل حـوبـه
رب الـعـبـاد مـن المحـبـه عـطـانـا *** نحبهـم والنفس مـا هـي مغصـوبـه
يـا مـن نـشـد عـنـا نـفـيـدك تـرانـا *** ارواحـنـا لـقـادة وطـنـا جــلــوبـــه

قال عبدالله بن دهيمش بن عبار العنزي هذه القصيدة رثاء بفقيد الأمة العربية والإسلاميه الملك عبدالله بن عبدالعزيز طيّب الله ثراه : 35

من حـان يـومه ما يفيـده طبيبـه *** ولا أحـد يـردّه يـوم تـأتي اسبابه
سـهـم المنـايـا كـل حـي يصيـبـه *** ولا يوم عاد اللي تنوشه حـرابـه
ومـا قـدّر الرحمن مـابـه غـليبـه *** ماحاد عنه المصطفى والصحابه
يا الـلـه يالـلي الكون تعلـم بغيبه *** يا منزل الماء من غمام السحابه
تغـفـر لمن فـقـده عـلينـا مصيبه *** يا رب تـجـعـل فـي يمينـه كتـابـه
عاهلنا أبو متعب عسى الله يثيبه *** عسى ولي العـرش يجزل ثوابـه
عساه يسكـن بالجـنـان الـرحيبـه *** يافـارج الشـدات خـفـف حسابـه
الـيـوم كـل الشعـب يـنعى حبيبـه *** الكـل منهـم جـايح الحزن صابـه
حـزت لفانا العـلم ساعـه رهيبـه *** شعب الجزيره يجبـر الله انصابه
شعبه من الحرقه جروحه عطيبه *** مـاحـد يلـومـه لـو يشلّق ثيـابـه
مـالـوم قـلـب الـلي تـزاود نحيبـه *** عـبّـر بالـلي كنّه ضميره وجابه
على الذي ما يـوم بـار بصحيبـه *** الـلي جـمع عـفه ولطف وحبابـه
العاهـل المحبوب مـا داس ريبـه *** يطمع بعفو الـلـه ويخشى عذابه
نبت على الأنصاف والعدل شيبه *** عـدل المناهج مـن بـدايـة شبابه
الحاكم الـلي يشكر الشعب طيبـه *** ذخـر المواطن بالفخـر يقـتـدابـه
والـلـي يجـيـه بمجلسه يحتفيبـه *** عنده جميع الشعب مثل القـرابـه
حـلال عسرات الأمـور الصعـيبه *** تخضع له الشجعان قدر ومهابه
الـوايـلي نسـل الجـدود العـريـبه *** مـا زال نذكـر بالمنـابـر خـطـابـه
مادامكم في خـيـر ماهي غـريبـه *** يقـولـهـا لشعـبه ويشكـر جنـابـه
عقب الفجيعه بالظروف العصيبه *** سلمان في وقت الحرج يعتزابه
خليفـته سلـمـان شعـبـه رضيبـه *** الكـل فـي سلمان يـبـدي اعجابـه
الجود طبعـه والفخـر من نصيبه *** والطيب سلمه والصخى يلتقابـه
سلـمـان بالقـالات يفـلج طـليـبـه *** من صغر سنّه بـه نبوغ ونجابـه
ومقرن شبيه السيف ما ينهويبه *** عز الوطن ماخاب من هو هقابه
الحـر الأشقـر مـاكـرّه بالجـذيـبه *** راس الجبل يصعد معالي هضابه
والنـايـب الثـاني يمينـه عـطيـبـه *** ضد الـذي أمن المواطن عـثابـه
من عال أبن نايف محمد حسيبه *** وضع عـلى كـل الـدوايـر رقـابـه
نسل الزعيم اللي يضادد حريبـه *** عبدالعـزيـز الليـث يـوم المجابـه
حـد الوطن عـذّي جوانب شعيبه *** صنديد ما يقـرب خصيمه لغـابـه
المقرني من ساس عزوه صليبه *** مـن لابـة آل سعـود يا نعـم لابـه
وعند الختام القول نرسل نـديبـه *** فيض المشاعـر نرسلـه بالنيابـه

أبيات رثاء في صاحب السمو الملكي الأمير سلطان بن عبدالعزيز 36
آل سعود رحمه الله وأسكنه فسيح جناته :

يا رب تـرحـم فـاعـل الخيـر سلطان *** بحسناك يـا خـلاّق آدم مـن الطيـن
يا رب تجعـل منـزلـه عنـد رضـوان *** يا خالـق المخلـوق يا ناصر الديـن
يا رب تجعل لـه مع الحـور مسكـان *** في جـنـة الفـردوس يسكـن بعلّيـن
يشفع له اللي فارضٍ خمس الأركان *** المصطـفى الهادي أمـام المصلين
نـدعـوك يامـن للمخـالـيـق رحـمـن *** ترحـم فقيـد الشعـب يـارب يا معين
سلطان فـقـده عـم شعبـه بالأحـزان *** جميعهم مـن جـايح الحـزن بـاكيـن
سلطـان مـع لطفـه للأخصام مـالان *** لطـيـف بالصاحب وضـد العـنيديـن
سلطان يذكر دوم في فعل الأحسان *** أبـو الـيتـامـا والضعـوف المساكين
سلطان ريف الجار به دين وأيمـان *** دوم أيـتهجـد والمخـاليـق غـافـيـن
سلطان سلطان السعد طيـر حوران *** إلـى شهـل تـلـبـد جـميع الشياهيـن
سلطان نـال الجـاه والقـدر والشـان *** وملك قلوب الناس في فعله الـزين
سلطان يعطي دوم في سـر وأعلان *** دايـم بـفعـل الخيـر ينفـق ملايـيـن
سلطـان كـفّـه بالصخـى تـقـل هتان *** فيه الكرم والعطف واللطف واللّين
سلطان ريف اللي من القـل حيـران *** عـز الـوفـود اليـا تـنصّـوه عـانيـن
سلطـان طـيـبـه لـه دلايـل وبـرهـان *** فعـايلـه ما هـي هـقـاوي وتخـمين
سلطان للمعـروف والطيـب عنـوان *** كـل الخلايـق بـالـكـرم لـه مـقـرّيـن
سلطان أبـو خـالـد سـلايـل كحيـلان *** منشاه من صلـب الملوك العريبين
سلطان من عقبه عـزانا لـه أخـوان *** وأنجال من صلب الفقيدة سلاطين
عـقبـه عوضنا في صناديد مرخـان *** نـقـوة أسـود وبالحـرايـب عطيبين
آل السعود اللي على الحـق ميـزان *** نسل الملوك بمنهج الشرع ماشين
عاش الملك للشعب ملجأ ومـزبـان *** هو ذخرنا لاصار وجه الزمن شين
وأخـوانـه الـلي بالملمـات شجعـان *** وحكـامـنـا الأبطـال عـوق المعادين

أبيات رثاء في صاحب السمو الملكي الأمير سلطان بن عبدالعزيز آل سعود رحمه الله وأسكنه فسيح جناته : 37

مرحـوم يا مـن يـتـصـف بالرجـولـه *** الـبـاسـل الـلـي لـلـمـراجـل تـهــيـا
نطلـب عسى الجـنـة منـازل حلـولـه *** فـي ضـل خـلاّق الـخـلايـق تـفـيــا
سلطـان عـنـوان الـفخـر والبـطولـه *** سلـطـان سـاس المرجـله والحميـا
مـدح الـزعـيـم الـفـذ كـلـن يـقـولــه *** مـن كـرم جـوده كـن حـاتـم هـنـيــا
النـاس فـي فعـل الجميـل شهـدولـه *** شهم وبشوش بكـل مـن جـاه حـيـا
سلطـان لـه بالمجـد صولـه وجولـه *** الحـاكـم الـمأمـون طـلـق المـحـيّـا
الـمـقـرني يـتـعـب عـلى كـل طـولـه *** حـتـى بـلـغ مـجـده مـقـام الـثـريــا
مجـده تسلسل مـن عريـن الشبولـه *** نسـل الزعيم اللي على المجد عيـا
سلطان نجد اللي الرجال اخضعولـه *** ساوى الصقـور الجارحـه بالحديـا
مـا حـصـل العـليـا بـليـن وسـهـولـه *** يـوم السـبـايـا عـجـهـا لــه غـبـيّـا
يـتـعـب جـواده بـالـمـسيـر وذلـولـه *** على النقا المكشوف مـاهـي غشيا

* وهذه الأبيات رثاء بصاحب السمو الملكي الأمير نايف بن عبدالعزيز آل سعود ولي العهد وزير الداخلية رحمه الله شعر عبدالله بن عبار : 38

كـل الـبـشـر صـيـورهــم لـلـتـلايــف *** والعـمـر يمضي بين حـزن وسعـاده
الـمـوت حـق ولا تـفـيـد الـحسـايـف *** وعـمـر البشر يوقف على حـد مـاده
مـن كـان بـالـدنيـا الـدنـيـه تـكـايـف *** سهـم المـنـايـا مـا سلـم مـن هـجـاده
يـالـلـه يالـلي بـحـال الأجـواد رايـف *** شـعــب الـبـلاد أرحـم فـقـيـدة بــلاده
أجـبـر عـزا حـزن القلـوب اللهايـف *** نــطـلـبـك يـا رحـمـن صـبـر وجـلاده
حجم المصيبة خلّـت القـلـب هـايـف *** وضـح الـنهـار اعـتـم وكـتّـم سـواده
حـنـا فجعـنـا فـي عـديـم الـوصايـف *** لاشــك لـلـمــولــى بــخـلــقـــه أراده
نايـف بفعـل الطيـب والمـجـد نـايـف *** حــرٍ يـلـوف الـصـيـد بـاول هــــداده
تشهد على الأفعال بيض الصحايـف *** سـبـع الـرجـال الـلي زهـتـه القـيـاده
مـودع ثـقـيـلات المحـامـل خـفـايـف *** والشعـب بـعـد الـلـه عـليـه أعتمـاده
فـي كـاهـلـه يحـمـل ثـقـيـل الكـلايـف *** بـالـعـدل مـنـهـاجـه طبـيعـه وعـاده
مـن هيبتـه خـلا الصعـايـب عسايـف *** لا شـافـه الـمجـرم تـصيـبـه شـراده
خـلا الـمـعـانـد عـن نـويـه يـسـايـف *** عــن الغـوى والطـيش يـلـزم حيـاده
نايـف بطش فـي كـل سارق وحـايـف *** ومـن روّج الآفـات حـاده وصــاده
مـن مـارس الأرهـاب للخيـر عـايـف *** كـان انتحى عـن مسلك الحـق بـاده
شعـب الوطـن للأمـن خابـر وشايـف *** والـكـل يـرقـد مـهـتـنـي فـي رقــاده
مـلاذ مـن لافــه مـن الـظـيــم لايــف *** ملجـأ الضعيف أن شاف ظلم ونكاده
مـهـمـا تـلـفّـظ بـالـمـديـح الشـفـايـف *** أفــعـال نـايـف مـا حـصيـنـا اعـداده
مـن يمدحـه مـا قـال بـه هـرج زايف *** رمـز المـفـاخـر وارثـه مـن اجـداده
لا يـفـرحـون الـحـاقـديـن الـهـدايــف *** يخسى المـعـادي مـا يحقـق امـراده
الــدار فـيـهـا مـعـطـريـن الـرهـايــف *** سـقـم الـحـريـب الـيـا تبيـّن عـنـاده
رحـل ومن فضـل الـولي لـه خـلايـف *** الـعــز بــأخــوانـه وجــمـلـة أولاده
الـلي لـهـم فـعـل الـرجـولـه وضايـف *** مــا يـركنـون لـنـاعـمـات الـوسـاده
نـسـل الـمـلـوك مـزبنـت كـل خـايـف *** معـهـم عـلى كسب المعالـي شهـاده
بجهـودهـم لـمـوا جـميـع الطـوايـف *** والـحــق مـبـطـي تـابـعـيـن ارشــاده
الـلي أودعوا شعـب الجزيره ولايـف *** يقضـون في شرع الولي هم اسناده
واعـلومهـم عـنـد الخلايـق طـرايـف *** فــوق الـمـعـالـي يـطـلبـون الـزيـاده
نـذكــر ثـنـاهـم كـل مـا هــب طـايــف *** من مقـرن الأول على الشعب ساده
نـالـوا فخـرهـم فـي زمـان العـطايـف *** يــوم الـرجـال الكـل يشعـف جـواده
يـا مــا تـعـلـوا مـومـيـات الـسـفـايـف *** يـوم النضا والعـوص يكرب شداده
والـيــوم نـنـعـم فــوق زل وقـطـايــف *** الخـيـر عـم وزال عـصـر الـقـراده

هذه الأبيات من شعر عبدالله بن دهيمش بن عبار العنزي رثاء بالشيخ 39
صالح بن عثمان بن شتيوي الرميح المصلوخي رحمه الله :

أصبـر عـلى ما قـّدر الـلـه يا رميح *** بالصبـر سلـوى للقلـوب الحـزيـنه
العـيـن تـدمع والضمايـر مجـاريـح *** ومن احتسب رب الخلايق عـوينـه
الـعـمـر يـفـنـا والـمـنــايـا ذوابـيـح *** ولا ينتظـر لحظه الـيـا حـان حينـه
نـاخـذ بـدنـايـا الـدنـيـه مـشـاويــح *** وحـوض الـمـنـايـا كـلـنـا وارديـنـه
مالـوم من عينه دفـق دمعهـا سيح *** ولالوم من تبكي على الشيخ عينه
مرحـوم يـامـن غـيـبتـه الصلافيـح *** عــز الـلـه إنـا بـغـيـبـتـه فـاقـديـنـه
حيثه من قـروم الرجال الزحازيـح *** فـقـده عـلى الويلان غـلب وغبينـه
الـلي يـقـلـط بالصيـاني مـفـاطـيـح *** ولا يذبـح الا مـن الكباش السمينـه
ينفـق حلاله بالمساء والمصـابـيح *** ولا يكترث لـو كان تفضى الخزينه
ينفـق كـرم مـا هـو تملـق وتبجيح *** ولا طاع عـن فعـل الكـرم عـاذلينـه
شهم وبشوش وعادته هبت الريح *** اليـا طالـع الهـاشل تبهـلـل جبـينـه
يتعب عـلى نيـل الفخـر والتماديـح *** مـن راس لابـه مـجدهـم وارثـيـنـه
يبهـج جـليسه بـيـن جـد وتمازيـح *** وضميره ابيض ما يعرف الضغينه
لـه مجـلس مـا غـلـقـه بالمفـاتـيـح *** مـن حـل بـه يـلـقـا وقـار وسكـينـه
شيخ قضى عمـره عـبـاده وتسبيح *** والـلـه وكـيـل الـلي تمسك بـديـنـه
يطلب من الله والي العـرش تنجيح *** بـيـوم تزوغ ابـه العقـول الرصينه
مالـه عـلى الطـرق الرديه مراويح *** ولا سـار قـدمه بالـدروب المشينـه
يا الـلـه يـا مجـري هبوب اللوافيح *** لطفـك وعـفـوك يالـولي مرتجـيـنه
يا عـالم بغـيـب السرايـر ومـا بـيح *** تعـلم جهـر عبـدك وخـافي كـنيـنـه
يالله عسى صالح عن الحق مازيح *** عـنـد السـؤال تثـبـتـه فـي يـقـيـنـه
يا رب نج الشيخ مـن صالي الفـيح *** واجعـل كتـابـه يحملـه فـي يـمينـه
وعـساه يـنهـل مـن زلال النقـاريـح *** الكوثر الـلي اهل الرضى شاربينه
عسى الخلف باهل الوجيه المفاليح *** هاك الأشبال اللي ربوا في عرينه

قال عبدالله بن دهيمش بن عبار العنزي هذه القصيدة رثاء بالعمدة قيران بن مسّدح عمدة عنزة رحمه الله : 40

ياحيف يابحـر الصخى مفني المـال *** قـرم الرجال الـلي كريمـة اسبـالـه
راعـي الكـرم يا ليت تفـداه الأنـذال *** بـالـجود فـّدع فـي غـوالـي حـلالـه
أوّل الـيا جيـته تجـد حولـه أضـوال *** والـيـوم يـرقـد بالـعـنـايـه لـحـالـه
من عقب ما هـو للهواشيل مدهـال *** الـيـوم يـبـي الـعـافـيــه عـزتـالـــه
يا عامـر أرسل لـك رسالـه بجـوال *** عطـني خبـر رد الجـواب بعجـالــه
عطني خبر يالـقرم يـا طيّب الفـال *** عـن حـاتـم الويـلان وشلـون حالـه
سبحان رب الكـون بيـديـه الآجـال *** الـواحــد الـرحـمـن جــلا جـلالــــه
الحـمـد للمولى عـلى كـل الأحـوال *** حيث الجـزع عند المصيبه جهـالـه
لـكـن عـن العبـرات مـا فـاد عـّذال *** وش حيلـت المفجوع والقلب والـه
ما اظن ينفع لو جرى الدمع شّلال *** لـكـن فـراقـه مـا نطـيـق احـتـمـالـه
بديت اعـزي عـزوتي ملتجأ الـذال *** عـنـاز فـي شـرق الـبـلاد وشمـالـه
بالراحل اللي صار مضرب للأمثال *** الـمـكـرم الـلي طـيـّب الـعـلـم نـالـه
الـلي لبـني وائـل غـدا في وضـلال *** بـالجـاه مـن عـنـده قضيـه مشـالـه
يحـل صعـبـات القضايـا والإشكـال *** يـا مــا ويـا مـا حــل قـيـران قــالـه
غيـر الكـرم والجـود للحمـل شيّـال *** كـم واحـدٍ عـن متنـه الحمـل شالـه
عـلم الكرم لـو زال قـيـران مـا زال *** مـا ينـتهي مجـد الفخـر بارتحـالـه
حاتم نخوض بسيرته عبر الأجيال *** لا زال بـالـتـاريـخ تـذكـر اعـمـالــه
ما جاد في ذبح الفرس كـل خـيـّال *** لـكـود حـاتـم يـوم ضـيـفـه عـنـالــه
وقيران طيبه بالكرم مابهـا اجـدال *** مـن شـاف مـداتـه تـهّـول هـوالـــه
شـد الـرحـال وكـل مخلـوق رحـّال *** والـحـي لا بـد الـمـنـيــه تـطــالــــه
يـالـلـه تـوسـع لـه بـمثـواه مدخـال *** نطـلب لـه التـثبـيت حـزت سـوآلـه
والحمـد للمولى لـه اخوان وعـيال *** الـلـه يبيحـه والخلـف فـي انجـالـه

تابع

تابع


قال عبدالله بن دهيمش بن عبار العنزي هذه القصيدة رثاء بالشيخ راضي ابن عبدالرحمن الراضي أمير قصيبا سابقاً رحمه الله : 41

مبـداي بـالـلي لأمـره العـبـد طـايـع *** رب الخلايـق لـه سجـدنـا وركعـنا
جـل الـولي كـل الـمـلأ لـه صـنـايـع *** هـو البـديـع الـلي خلقنـا وبـدعـنـا
نـعـوذ بـالـلـه مـن كسـاد البضـايـع *** الـواحـد المعـبـود حـلـمـه وسعـنـا
سهـم الـقـدر فـّرق نـزول ونجـايـع *** هـو المصيـر وعـنـد ربـي سـنعـنـا
يـا عـيـال راضي يـا كـرام الطبايـع *** فـقـد الفـقيـد الـلي فجعـكـم فجعـنـا
بي حزن لو هو بالصخر ذاب مايع *** رحـيـل ريـف الجـار زاود وجـعـنـا
رحـل ومن فقـده لـنـا الحـزن لايـع *** لـكـن صبرنـا وبالمصيـر اقـتـنعـنـا
عسى الولي يخفف مصاب الفجايع *** طعـنـا لأمـر رب العـبـاد وخضعنـا
الـروح بـاجـسـاد الـخـلايـق ودايـع *** الـلي خـلـقـنـا ربـنـا ولـه رجـعــنـا
وكــل الـخـلايـق لـلـمـنـايــا قـلايـع *** وعـن المـقـدر حـرصنـا مـا منعـنـا
مـا يـرجـع الغـاليـن نـوح الربـايـع *** ولا ظـن ينـفع حزنـنـا لـو جـزعنـا
لـو تـنفـع الفـزعـات للـروح بـايـع *** لاشـك مـا رد القـضـاء لـو فـزعـنـا
مـن حـان يـومـه مـا تـفيـد الذرايع *** والمرتحـل مـا نـرجعـه لـو شفـعنـا
مـن نـزل لا بـده عـن الـدار زايــع *** وطـول الأمـل بالفـانيـه مـا نـفـعـنـا
دنـيـا الشقـا تـشبـه سـرابٍ بخـايـع *** كـالـلال بالبـيـدا ضحاحـه خـدعـنـا
نسعى بـهـا ويسعى بهـا كـل سايـع *** نـبي الخـلـود بجـالهـا مـن طمعـنـا
تـرسـل علينـا مـن غـثـاهـا طلايـع *** لا شـك مـن لــذاتــهـا مـا شـبـعــنـا
يـأتي زمنهـا شيـن وأحيـان رايــع *** مـا مـن جـدا لـو زاد فـيهـا ولـعـنـا
تمضي بـهـا سمـر الليـالي سرايـع *** تـبـلا ونـجـني بالعـمـل مـا زرعـنـا
من عاش بالدنيا يشـوف الفضايـع *** لابـد نـنـزل بـالــوطـا لـو طـلـعـنــا
جانـا الخبـر والعـلـم بالناس شايـع *** العـلـم شـاع وليـت لـه مـا سمعـنـا
مـا نـمـلـك الـقــدره لـرد الـوقـايــع *** لـكـن رحيـل الـطيبـيـن ايـخـرعـنـا
يـا رب يـا مـهـدي البشـر للشرايـع *** أنـك تـسـنـع دربـنـا كـان ضـعــنــا
تلطف باللي صيته مع الناس ذايـع *** لـو ارتحـل لا زال طـاريـه مـعـنـــا
لـه جـفـنـة يشبـع بـهـا كـل جـايـــع *** يـا مـا عـلى عـيت الذبايح جمعـنـا
مـضـافـتـه مـا طـبـهـا كـل صـايـــع *** لا جـيـب عـلمـه للخضيرا رفـعـنـا
راضي بـفعـل الغـانمـه لـه صنـايـع *** شهـم وكـريـم ويفـتهـم كـل مـعـنـا
أنـجـب صـوارم يصعـدون الـرفايـع *** سلايـل أبـو دحيـم فـيـهـم رمـعـنـا
مـن مـارثـت هـدلان مـاهـم نـزايــع *** مـهـمـا نـعـدد مجدهم مـا استطعنـا
هم العوض مـا نفـقـد المجـد ضايـع *** الـكـل مـنهـم بـالـمـراجـل تـمـعـنـا

قال عبدالله بن دهيمش بن عبار هذه الأبيات رثاء بالشيخ عثمان بن ناصر الصالح رحمه الله وعزاء ومواساه لأنجاله الكرام : 42

سهـم المـنـايـا عـلـتـه كـاد طـبـّه *** ومن حان يومه ما يفيده طبيبه
سيف الأجل من حان يومه يجبه *** ولا حـيٍ ألا صار تحت النصيبه
هـذا المصير وتالي العمـر خـبّـه *** والخلـق خـلاق الخلايق حسيبه
الـمـوت حـق وكـلـنـا نـحـتـسبـه *** لكـن مثـل عـثمان فقـده مصيبـه
مـرحـوم يـا شـيـخ تـوفـاه ربــّه *** عثمان أبوناصر عسى الله يثيبه
نطـلبـك يا رحـمن تجـعـل مطبـّه *** يسكن بجـنـات النعـيـم الـرّحيبـه
الفاضـل الـلي مـن وقـاره نحبـّه *** رب الملأ حاميـه ما داس ريـبـه
نـزه الشوارب مـا تطوله مسبـّه *** شهم وعفيف ولا مشى بالمعيبه
كـل يـوم عـنـده للمسايـيـر شبّـه *** في مجلسٍ مابه نميمـه وغـيبـه
فعـل أبو ناصر كل منصف ينبـّه *** وعلم الفخر معـروف كلن دريبه
الشيخ فعـل المـرجـلـه مـا يكّبـه *** يـحـل عسرات الأمـور الصعـيبه
من شاف فعـله بالمكارم عجبّـه *** نبراس عـلم ولـه كرامـه وهيبـه
العـلـم مـمـدوح السجـايـا تعـّبـه *** رايـد معـارف بالشباب ومشيبـه
وان اعتلى صرح المنابر خطبّه *** يلفـظ تعـابـيـر الهـروج العجيبـه
خـط بـسجـلات العـلـوم وكـتـبّـه *** للخيّـر يرشد والخـطأ مـا يجيبـه
شيخ بنا من شامخ المجـد قـبّـه *** ومن يصعد العليـا نفاخـر بطيبـه
صـرح الفخر لـوّح عليه وركبّه *** وخـلا الطمان لمن تردى نصيبه
الحـر الأشقر منـزله فـوق تـبّـه *** مـا يـوكـّر ألا في عـوالي جذيبـه
الـوايلي عـلـم الفخـر نـال غـبّـه *** من عـزوةٍ من نسل وايل عريبه
مجناه بدري من صماصيم صبّه *** مجاذبه من صلب مشجع صليبه
الشيخ اللي نال الفخر مـا رسبّه *** أنجب صوارم منهجه تقتدي بـه
جـاب القروم الـلي تراثه تضبّـه *** والمرجله ما هي عليهم غـريبـه
وصوا بعضهم مقصد الشيخ لبّه *** أدنـى أنجالـه مـن يسـد بمغـيـبه
الـكـل مـنـهـم لـلـمـراجـل تـنـبّـه *** ناصر ومحمد ما أهدافه قـريبـه
وخالد سلك درب الكرام ورغـبّه *** وعبد الإله مـن الزمول المنيبـه
وبندر على الوالد بوصفه مشبّه *** قرم ٍ مجـرّب باللزم نعـتـزي بـه

* قال عبدالله بن دهيمش بن عبار العنزي هذه الأبيات تعزية للرجل الفاضل فهد بن عثمان السناني بوفاة والدته رحمها الله : 43

ماجـور يا راعي الخصال الحميـده *** فـهـد أبـو عـبـدالإلـه إبـن عـثمـان
عـسى تـدوم أيـام عـمـرك سعـيـده *** ويجبـر عـزاك الله يـا ذرب الأيمان
قـريت مضمـون الخـبـر بالجـريـده *** لـك العـزاء يا عـالي القدر والشان
وعسى الولي يغفر خطايـا الفقيـده *** ويجعـل مقـر الـوالده عند رضوان
مع النفـوس الطـاهـرة والشهـيـده *** نطلب لها من والي العرش غفران
تـم الجـواب وفـي خـتـام القصيـده *** نـرفع عـزانـا لكـل ما عـقـّب سنـان

* هذه البيات قالها عبدالله بن دهيمش بن عبار رثاء بالشيخ عبدالكريم بن ثامر بن طراد الملحم شيخ قبيلة المنابهة رحمه الله : 44

مـرحـوم يـا شيـخ رحيلـه فجـيـعـه *** شيـخ مـع الشيخـان مـثـلـه قـلايـل
اليـا عـدوا الشيخان هـو بالطليعـه *** عـبـدالكريـم الشيخ نـسـل الحمايـل
فـعـل المـراجـل والكـرم لـه طبيعـه *** شيـخ مصيّـت مـن صنـاديـد وايـل
عـمـره عـلى كسب الجمايـل يبيعـه *** راعـي العـلـوم الطيبـات الجـزايـل
عـبـدالكـريـم الكـل يشكـر صنـيـعـه *** عـريـب من نسل الشيوخ الاصايل
بيتـه عـتيـق مـن البيـوت الـرفيعـه *** جـده حـمى الشنبـل بحـد الصقايـل
لـه لابـةٍ مـثـل الحصـون المنـيـعـه *** خـلـفـة مـنـبـه مـن خـيـار القبـايـل
شيـخ ضـنـا عـنـاز عـنـده جميعـه *** يـعـدهـم مـن عـقـب مـزيـد سـلايـل
يـعـمـل لـربـعـه كـل مـا يستطـيعـه *** مـا هـو مـن الـلي يفتقـون الخلايـل
ليت الفنـاء لأهـل الدجـل والخديعه *** كـبـار النـفـوس مسوديـن الفوايـل
ليـت الفنـاء لأهـل العلـوم الشنيعـه *** سـود القـلـوب مسيـسن الـدغـايـل
قـشر المخـابـر جـعـلهـم للقـطـيعـه *** بـادوا ولا عـنـهـم عـريـب مسايـل
نـنتدب شغـامـيـم القـروم الشجيعـه *** يـالـلـه تـجـعـل للحـمـأيـل عـقـايـل
مـرحـوم يالـلـي للـرفـاقـه شريـعـه *** الـقـدر حـان وما على الكون زايـل
عـساه يـسكـن بالجـنـان الـوسيعـه *** بـيـن الغـصون اليانعـه والخمـايـل
عسى الـنبي يـوم القيـامـه شفيعـه *** ويحـمـيـه ربـه مـن جحيم الملايـل

قال عبدالله بن دهيمش بن عبار العنزي هذه القصيدة رثاء بالفقيد الشيخ مشهور بن هايل الزيد الشعلان رحمه الله : 45

الـجـوف نـاح وجـاوبـتـه القـريـات *** واعتم سماء عرعر وحزم الجلاميد
وطريف هل من الدمـوع الغـزيرات *** يـبكي على شيخ من رويـل صنديـد
الـنـاس تـعـمـل بـالـعـيـاد أحتـفـلات *** وحـنـا فجعنـا بشيخنـا بسنة العـيــد
صيحن بعالي صوتكن يـا عـنزيـات *** وأبكـن على مشهور بن هايل الزيد
مـا يـفـقـد المنعـور بـس الـرويـلات *** كـل عـنـزة تـبـدي عـلـيـه التواجيد
من قال أنا جلاسي وكـل العـمـارات *** وبني وهب وأيضاً قبايل ضنا عبيد
كلن على مشهـور يـبـدي حسافـات *** والـكـل مـنهـم يصفـق الأيـد بـالأيـد
بـوداعـة الـلـه يـا مـعـز الـقـرابــات *** يا مـن بـه النخـوة وسيلـه وتعـويد
مات الذي عن واجب الربع ما بـات *** يلفـونـه أصحـاب القضايـا مـواريـد
لـه مع بـني وايـل مواقـف كثيــرات *** ما اقدر أحددها بالأوصاف تحـديـد
يـا مـا ويـا مـا بـاج بـعـد المسافـات *** يطوي لحل المعضله صحصح البيد
مشهـور زبـن الـلي بـزنـده كلبشات *** كانـه نخى مشهور والساق بـه قيد
ما يلتزم عن واجبه صمت واسكات *** ولا يحـرج العـاني بكثـر التـنـاشيـد
والـكـل يـذكـر فـزعـتـه لـلـدويـمـات *** يـوم خنسوا بعض المشايخ ملابـيد
فـزع وجابه من ضواحي عكـاشات *** الـديـره الـلي بـه ضـبـيح البـواريـد
والكره فـرج كربته عـقـب ضيقـات *** يسعى حثث عن المواجيب ما ايحيد
عندي شهادة يـوم تـدى الشهـادات *** قـلـت وعـلى قـولي دلايل وأسانـيـد
ما يوم أبـو فيصل تعـرض لشمّـات *** من يـزبنـه يقـضي لـزومـه بتجهيـد
يـنـجـب لـحـل المعـضلات المهمات *** يحـل عـقـد المعـضلة عـقـب تعـقيـد
كـم مـن قـضـيـه حـلـهـا بـالـوزارت *** مشهور وصلها عـلى منتهى الميـد
قـلتـه وأنـا مـا يـوم جيـتـه لـعـازات *** لكـن سمعـت الـلي بتمجيـده ايشيـد
قـالـوا كـريم وعـادتـه يـذبـح الشات *** ويـتعـب عـذيـات الـدلال الـبـغـاديـد
أشهد بحـق الـوايـلي سـامي الـذات *** ومـن جـاد يستـاهـل مدايح وتمجيد
ولا الردي ما هـو خساره اليـا مات *** لـيـت الـمـنـايـا للعـفـون الـرعـاديـد
لـيـت الفـنـا لـلـي مـن الكـبـر قـنـّات *** خـايـب ويفخـر بالعـظـام الهـواميـد
وليـت الفـنـا لـلي تعـود عـلى هـات *** مـا يـمشي ألا بـالـفـواتـيـر تـسـديـد
وليـت الفـنـا لمفـرقـين الجـمـاعـات *** الـلي عـلى شخوص القبيله محاقيد
وليـت الفـنـا لأهـل العلـوم الرديـات *** الـلـي فـعـايـلـهـم مـكـايـد وتـنـكـيــد
وخـتـام منظـومي تـضرّع ودعـوات *** عـسى الفـقيـد بجـنـة الخـلد تخليـد
عـسى مـقـره بالجـنـان الـوسيـعـات *** في جنـة الفردوس ينعـم مـع الغيـد

وقال عبدالله بن دهيمش بن عبار هذه الأبيات القلائل رثاء بالشيخ المرحوم بنية بن نصير شيخ قبيلة النصير المرعضي الرويلي : 46

نشكي عـلى رفـّاع سبـع السمـاوات *** الخالـق الـلي يـبدي الخلـق وايعيـد
وقـايـع الـدنـيـا مـصـايـب ونـكـبـات *** بـادت شغـاميـم الـرجـال الأمـاجـيـد
عـلـم لـفـانـا حـط بـالقـلـب حسـرات *** والـمـوت دايـم لـلبشـر بالمراصيـد
مرحوم يا ريف الركـاب المشيحـات *** لا جـن هجافـا فـي لـيالـي جويـريـد
الشيخ أبـو مـانـع معشي المجيعـات *** بـنـيـه ابـن نـصيـر نسـل الأجـاويـد
شيخ مصيّت من شيـوخ النصيـرات *** الـوايـلي سـقـم العـصـاة المعـانـيـد
أبـوه قـبـلـه يـوم عـصـر القـوامـات *** مضراب سيفه يرمي المتن والجيد
ستـر العـذارى يـوم للذهـن روغـات *** مـن يـزبنه كـنـه زبـن قـمـة الحيـد
وأفعـال ربـعـه فـي زمـان البـيـاتـات *** لا صـار بالسـربـه مبـارز وتهـديـد
لا عطـفـن فـي تـالي الـذود خـلـفـات *** يـثـنـون دون مـغـذيـات المـفـاريـد
يا الـلـه عـسى بـنـيـه مـقـره بجنـات *** أطلـب عسى لـه عند ربـه مجاويد

وقال عبدالله بن عبار رثاء الشاعر متعب بن عيسى العنزي رحمه الله : 47

عمر البشر يمضي دقايق وساعـات *** في قـدرة الـلـه حـدد العـمـر تحديـد
دامـه محـدد فـي ثـوانـي ولحـظـات *** عن موعده ما ظن ينقص ولا يزيـد
جاني خبر متعب وأنا شرق سيهات *** والشاهد الـلـه كان عـنـدي مواعيد
وعـزيـت حالـي بالعبايـر والأبـيـات *** وروابع وأفـكـاري حـدور ومسانيد
مـرحوم يا مـن مـا وطـأ درب زلات *** يحشم عـن فعـول الـردى والمناقيد
متعـب أبـن عيسى لطيـف العبـارات *** شاعر ويحسب من كبار القواصيـد
قـرم العيـال الـلي خصالـه حميـدات *** يحسب اليا عـدوا شخوص الأواليد
شبـحـه بـعـيـد ولا مـبـاديـه هـزلات *** مـا تـنحـصي فـضـايـلــه بالتعـاديـد
الـلـه يـبـيح القـرم عـن كـل ما فـات *** قلته وكثر النوح والحزن مـا يـفيـد
رثـيـت متـعـب بالـبـيـوت القـلـيـلات *** ولا أظـن توفيـه الطـوال السراميـد

قال عبدالله بن دهيمش بن عبار هذه الأبيات رثاء بالشيخ عبدالعزيز العبدالمحسن التويجري رحمه الله : 48

المـوت يـودع كـل مخـلـوق جـاثي *** ولابـد للأنسان مـن سكن الأجـداث
حـاولـت أنـظـم بالفـقـيـد المـراثـي *** لـكـن تلعـثـم مقـول الشعـر وانـلاث
عبدالعـزيـز الشيخ بالطيـب عـاثي *** نـدي كـف لـكـل مـن يـزبـنـه غـاث
يـاقـل الـلي مـثـلـه تجيـب الأنـاثي *** مـن لابـة مـاهـم منـاحيس وأخبـاث
تـواجـره مـبـطي فـخـرهـم وراثي *** مـجـد الكـهـول معـقبـيـنـه للأحـداث

قال عبدالله بن عبار في رثاء عايد بن ضافي وحليان محارب رحمهما الله : 49

يا حيف يا قرم العيال أبـو عـدوان *** عـايـد زبـون الجـاذيات أبـن ضافي
الجعفري من ساس عزوة سليمان *** شاعـر شجـاع وطايـل الشبـر وافي
ويا حيف فجعنـا الزمن في حليـان *** أبـن مـحـارب مـن سـلايـل سـنـافـي
الخمعلي مشهور من روس نبهان *** أهـل بـيـوت لـلـهـواشـل مـلافــــــي
وشلـون نـدلـه والـرفـاقـه بنقصان *** ما لاح بالخاطـر مـن الحـزن كـافي

وقال عبدالله بن دهيمش بن عبار هذه القصيدة رثاء بالشيخ صالح بن الأمعط بن بدر العواجي شيخ قبائل ولد سليمان ورئيس مركز بيضاء نثيل رحمه الله : 50

البشر عـمـره دوامـه مستحيـل *** وكـل خـلق الله مصيره للـزوال
كـل جيل من البشر يقفـاه جـيـل *** والسعـادة في خواتيم الأعـمال
ووجودي وجد من تعول عـويل *** يـوم دم حـوارهـا بالقـاع سـال
أو وجود الـلي من العلـة نحيـل *** صار جسمه ناحـلٍ مثل الخـلال
مافتني صاحب الطرف الكحيـل *** أيـضا ولامقصدي منصب ومال
كـل توجيدي على القـرم النبيـل *** صالح الشغموم عنا اليوم شال
أرتدت ثوب العزاء بيضاء نثيل *** نـاحت وحـّزن سهلها والجبـال
تنتحـب وديـانهـا تشكي رحـيـل *** شيخ شمل الولد محمود الخصال
يرحم الله صاحب القدر الجليـل *** يا عسى الجنة مقر أبـو طـلال
يرحم الله صاحب الباع الطويل *** نال مشموخ العلا صعب المال
يرحم الله شيخنا ريف الهـزيـل *** طيّب السيره اليـا جالـه مجـال
رحم الله صاحب الروز الثقيـل *** شيخ يحسب من صناديد الرجال
يرحم الـلـه عـز ربعـه والنزيل *** يشملـه في رحمته عـز الجلال
يالله اسقه من حياض السلسبيل *** من شراب الكوثر العذب الزلال
وصبر العوجان مزبان الـدخيـل *** أخوتـه وأحفظ عمامه والعيـال
وكان زال الليث يوجد لـه مثيـل *** نحـمد المعبود عقـب لـه اشبال
زاكي الجدين ينجـب مـن سليـل *** جـاه طيبه من عمامه والخوال
نسل شيخ بالعـرب جنسه قليـل *** أمعـط السرحان بطل من ابطال
عادتـه يـكـرم اليـا بـار البخـيـل *** مـا تـغـالا عن عـوانيـه الـريـال
وعادتـه يقـدم اليـا هاب الذليـل *** طـال راسه من فعـل يمناه طـال
شيخ لابه تروي حـدود الصقيل *** طبعهـم دحر المعادي كان عال
يوم شاهد في زمان الربع ميـل *** موقفـه وقت اللزم مابـه جدال
منصبه شيخ لضنا عبيد وكفيل *** من بلد خيبر اليا قرن الشمال
كـل يـوم بـربعـتـه مثـل الفصيـل *** يذبح القعدان والعيت الجـزال
فعل الأمعـط بالـرفـاقـه لـه دليـل *** ما نسينا موقفـه ذرب الفعـال
أخو ذكر لـه عـلى اللابـه جميـل *** والثناء ما يجحده ولد الحلال

قال عبدالله بن عبار هذه القصيدة رثاء بالشيخ هزاع بن مناحي الحمادي رحمه الله : 51

جـت رسالـة في خبـر للقلب خـارع *** وافجعـتني بالخـبـر والسـد بـاحـي
فـات لـيـلي ساهـر ولـلهـم أصـارع *** بس أسوهج مثل مكسور الجناحي
الحـزن فـي كـل بـيـت وكـل شـارع *** يا حسافـه يـوم كسر البيت طـاحي
يـرحـم الـلـه مـن تـوفى بالأضـارع *** مـن شيـوخ رويـل هـزاع المناحي
الحـمادي فـي مجـال الطيـب بـارع *** بالكـرم مشهـور فـي كـل النـواحي
طبـع أبـو ممدوح للجزلـة ايسارع *** دوم يسعى بـيـن ربـعـه بالصلاحي
باب أبو ممدوح طول الوقت فـارع *** بالمساء تلفي ضيوفـه والصباحي
منزله للضيف مثـل الروض مـارع *** يلتقـابـه ريـف والعـذب القراحي
مثل عشب الدوح بفياض المشارع *** خاطره يشعر بغبطـة وانشراحي
نـفخـر بماضيـه والفعـل المضارع *** ما حصى طيبـه سجلاّت الطلاحي
مـن قـبـيلـة خصمهـم للمـر جـارع *** يوم عصر الحرب وسنين الكفاحي
هـم طـوال البوع وطـوال المـذارع *** منهـم المنعـور والقـرم الشناحي
والجمايـل غـرسهـا مثـل المـزارع *** مـا تـبـذر لكـود بالـقـاع الـبـراحـي
ومن دنـا يومه يجيه الموت هارع *** البكـاء مـا يـفيـد ولا فـاد الصياحي
ليت الموت لباب خطواللاش قارع *** ليت لـو روحه فـدت طيـر الفلاحي
ليت اللي يطحر من النعمة ايتـارع *** يسلم الطيّـب وهـو يـمـحـاه مـاحي
الـردي لـو كـان مفـتـول المـذارع *** مـا سوى قرشين لـو طوله شناحي
يـقـمح الـلي بالردى كوبـان دارع *** ضاع منـه السلم وأيدينه اشحاحي
الـزمـان الـروس خـلاهــا كــوارع *** والهبيلة صـار هـذا اليـوم صـاحي

وقال عبدالله بن دهيمش بن عبّار رثاء بالشيخ هزاع بن محمد الحمادي : 52

وجدي على اللي من الرجاجيل مفراص
حـيـثه مجـرّب بالـمـراجـل ومـبـخـوص
لا جـاء لـزومـه مـا تـضـجّـر ولا حــاص
قـرم العـيـال الـلي بـه الـمـدح منصـوص
الشيـخ أبـو مـمـدوح بالـمـرجـلـه غـاص
هـزّاع ريـف الـلي من الوقـت مرصوص
طـبـعـه كـريـم ويـبـذل الـجـود بـخــلاص
يـكـرم ولا طيـبـه مـع الـنـاس مخصوص
حــرٍ يـشـبـب بـالـهـــدد كـل قـــنّــــــاص
مـن ضـرب كـفـه منحـر الخـرب مفروص
مـن لابـة لا صـار بــه ضـرب رصّــاص
حـريـبـهـم مـا إيـلام لــو هــج مـرخـــوص
الـمـوت حـق ولا مـن الـمـوت مـخـلاص
لاشك مـا يفـقـد سوى قـروم واشخوص
لـيــت الـمـنـيــة والــفـنــا لـكـل لـــوّاص
المسرف الـلي مـن الـرجـاجيـل منقـوص
الـلـي هــذاريـمـه تـخـامـيـن وأخـــراص
الحـقـد كـبـده بـالـغـثـاء مـاصـهـا مـوص
مـا يـفـهـم الـمـقـصـد ولـلهـرج خـبـّاص
قـلـبـه خـبـيـث وهــرجـتـه كـلـهـا لــوص
هـذاّر بـالـمـجـلـس ولا عـنـده اقـصـاص
قـلـبـه عـليـل ويـرتـقـص تـقـل مقـروص
الـلـي قـهــوتـه تـالـي الـلـيـل بــقــلاص
فـاسـد ويـفـخـر فـي فـعـايـل هـل العـوص
كـوبـان هلـوس والسبب يـبلـع أقـراص
خـاب وخسـر وأصبح يلـوّج تـقـل صـوص

يتبع

تابع


وقال عبدالله بن عبار هذه الأبيات رثاء بالشيخ غازي بن رشاد الحريميس رحمه الله : 53

تلويـن يـا دنيـا الغـثـا والهـواجـيس *** دايـم تقـلّـب مـابهـا شخص لازي
أحيـان نـلهـي بالطـرب والتوانـيس *** نوب سرور ونوب حـزن وتعازي
عـلـم لـفـاني عـمّس الـبـال تعميس *** رسـالـة الـجـوال عـبـر الجـهـازي
مرحوم أبو سامي سلايل حريميس *** يرحمك رب الكون يالشيخ غـازي
مرحـوم يالـلي مـا بساسك هلابيس *** بالخـلـد خـلاق المـلأ لـك أيجـازي
مرحـوم يا حـواّش عـلـم النواميس *** حيثك عزيز ومن رجـاٍل اعـزازي
من روس لابه تتعب الخيل والعيس *** يـوم الحروب الطاحنة والمغـازي
أن جاهم الـلي مـا تعـوّذ من إبليس *** يـعـود منهـم بالفـلـس والمخـازي
عـقـاقـرة ضـد الطـغـاة المنـاحـيس *** مـا راعـهـم بالكـون كـل أنتهـازي
يـوم السبـايـا بالفـوارس كـراديس *** والخيـل ترجـف بالسهل والنوازي
بـواسـل مـثـل الأسـود المـعـابـيس *** لـهـم بـجـزلات الـفـعـال امـتـيـازي

قال عبدالله بن دهيمش بن العبار هذه الأبيات رثاء بالشيخ بداح بن محمد العبود معرف جماعته في حريملاء رحمه الله وهو الهزازنة الذين مع الظهران من قبيلة السهول : 54

يـا الـلـه يـا خـلاّق بالجـسم الأرواح *** رب الوجود اللي عـلى الكون ماجود
يالـلـه يـالـلي لـبـوب الأرزاق فـتـّاح *** أنـت الكريم مصّرف البيض والسود
طـالـبـك يـا رب الـمـلأ تـرحـم بـداح *** عـز الـرفيـق الـوايـلي خـلـفـة عبـود
أبــو مـحـمــد لـلــمــراديـــم ذبّــــاح *** ريف النضا موصوف بالفهم والجود
بـه طبـع يشعـر بالسعـادة والأفـراح *** يـفـرح الـيـا زاره هـواشيـل ووفــود
راعي الـدلال الـلي بـها الـبـن فـوّاح *** ينفـح بـهـاره باشقـر الهيـل والعـود
والنـجـر صـوتـه للمسايـيـر ضـبّـاح *** يجذبـك صوتـه بالمساء يـبعـد النـود
مـن روس لابـة لابـدأ صوت صيّـاح *** عـاداتـهـم عـنـد اللقـاء فـكـت الـذود
هـزازنـة لـهـم عـلى الخـيـل مشواح *** لاصـار بالسربـه طـوابيـر واحشـود
نبكي عـلى خـطـو الـوليـده اليـا راح *** ولا الـردي كوبان مـا عـنـه منشـود

وقال عبدالله بن عبار هذه أبيات رثاء بالوالدة رحمه الله : 55

يـا محـل العـفـو لـطـفـك يا لـطـيـف *** أرحـم أرحـم وأنـت رحـمـن رحـيـم
يالولي أعطف عـلى العبد الضعيف *** أنـت ربــي وأنـت مــولاي الحـلـيـم
يالـولـي مـالـك شبـيـه ولا وصـيـف *** العـفـو يا صـاحـب الفضل العـميـم
مالـنـا غـيــرك معـيـن ولا سـعـيـف *** يا مـهـيـمـن يـا عـزيـز ويـا كـريــم
أرحم الـلي صار في منـزل مخـيـف *** بـالـلـحـّد مـثـواه بـالـبـرزخ مـقـيـم
طالبك تعـفـو عـن العـبـد الضعـيـف *** وتـسـكـنـه يـا رب جـنـات الـنـعـيـم
في هـجـوع الـلـيـل قـدامـك نـقـيـف *** فـي ديـاجـيـر الـدجـى والـكـل نـيـم
رافـعـن كـفـي ودمـعـي لـه نـزيــف *** يالـولي لأمـي دعـوت من الصميـم
بالجـنـان اجعـل لـهـا قـصـرٍ منـيـف *** وأحمهـا يـا رب من صلـو الجحيم
حملهـا فـي كاهـلي مـا هـو خـفـيـف *** حيـث حـق الـوالـده شانـه عـظيـم
ما نسيت الموقـف الصعـب الكـليـف *** يـوم كـنـت بـحـضنهـا طـفـلٍ يتـيـم
كيف أبي أنسى فضلها ياناس كيـف *** مـا نـســيـتـه لا ومـولاي الـعـلـيـم
ويوم صارت بالنفق تحت الرصيـف *** داخـل الأسـوار فـي حـي الـنـسيـم
احـتسـب والـحـزن لـفـوادي ولـيـف *** والقـدر من محـيي العـظم الرميـم

هذه الأبيات من شعر عبدالله بن دهيمش بن عبار رثاء بالرجل الفاضل يوسف بن راضي القراري رحمه الله : 56

العـذر منـكـم بعـيـد ولا أقـدر أجيكـم *** والصابر المحتسب يؤجرعلى صبره
حـتـى ولا صـح بالجـوال أعـزيـكــم *** كـل ما نويـت أتصل تمنعـني العـبـرة
يالربع فـي جـل المصايب نـواسيكم *** وأنا أدري العـبـد آخـر منـزلـه قـبـره
يوسف فقيـدة ولكـن العـوض فيـكـم *** مبطي نعرفه بفعـل الطيب وأنخـبـره
أنجبكم الـلي عـلى الجـزلـه مـربـيكم *** يا كبـر قـدره رفـيـع الشان يا كـبـره
عسى اللـه يعينكـم في فـقـد غـاليكـم *** ونصاب من يفقده عـلى الولي جبره
تجـلـدوا وأصبـروا ربـي يـقـويكـم *** وجـميعنـا نخضع لقـدر الـلـه ودبـره
نطلب عسى الله لدرب الحق يهديكـم *** مهما صفا الوقـت لابـده مـن الغبـره

قال عبدالله بن دهيمش بن عبار هذه الأبيات عزاء ومواساة لأنجال الرجل الفاضل يوسف بن راضي القراري رحمه الله : 57

بالقوافي قـلـت عـقـب الصمت كلمـه *** من مشاعـر خاطري صغت العبـاره
بالكـريـم الـلـي يـشـد الـراس عـلمـه *** أبـو راضي ريـف ضيفـه عـز جـاره
يوسف الشغمـوم سلـم الجـود سلمـه *** عـادتـه يـفـرح الـيـا جـيتـه زيـــاره
مـا يغـظلم من وسع صدره وحـلمـه *** ولا تـكـدّر خـاطــره مــن طــب داره
الـكـريـم الـلـي قـهـوتـه دوم ولـمـــه *** تـنـعـش الخـرمان فـي بـنّـة بـهـاره
يـبـتـرم حـولـه مـن الأنـجـال غـلـمـه *** جـاهـزيـن لخـدمـتـه رهـن الأشـاره
مـا وجـد بـه عـايـزه مـن دار ثـلـمـه *** كـم مهـجـل بـالصـحـن قـلّـط فـقـاره
الصـخـي مـا يـفـقـدونـه بـس زلـمـه *** أشهد أن فـقـده عـلى اللابـة خساره
صارت الـدنيـا عـقـب فـرقـاه ظـلـمـه *** أنــدبـه وأرثـاه وأشـعـر فـي مـراره
ذكـريـاتـه فـي ضـمـيـري لاح فـلـمـه *** وأطلـب المـولى يـاعـل الخـلـد داره

قال عبدالله بن دهيمش بن عبار هذه الأبيات رثاء بالفقيد موسى بن محمد المشعان والفقيد معيض بن عبدالله العفري والفقيد حرّان بن عشوي البدري الأشجعي رحمهم الله : 58

القـدر يجـري والحـوادث شنيـعـه *** نعـوذ بالـلـه مـن عظيـم المصايـب
فقد الرجـال أهـل الفضايل فجيعـه *** ننعى ثـلاثـة من شخوص القرايـب
القرم موسى الـلي أهدافـه رفيعـه *** يـدرك علـوم الطيب والراي صايب
وأبـو فهيـد معيض عـنـده طبيعـه *** شهـم وكريم بـكـل مـن جـاه طايـب
والأشجعي حـران يشكـر صنيـعـه *** كـفـّه يـجـود الـيـا هـبأ كـل خـايـب
الـكـل مـنهـم يـعـتـبـر بـالـطـليـعـه *** والـكـل منهـم مـا يهـاب الصعايـب
ماهـم من الـلي يقبلون الهـزيـعـه *** لاصـار مـابـيـن الخصوم الطـلايـب
أهـل المعـانـي والـربـاع الـوسيعه *** بـربـاعهـم لـلضيـف فنجـال رايـب
وفـطح الصياني للنشامـا شـريعـه *** فيها من أنواع المطاعـم عجـايـب
يا حيف يا قروم الرجال الشجيعـه *** يا حسرتاه اليـوم تحـت النصايـب
يالـيـت لـو كـان الـفـنـا والقـطيعـه *** لأهـل الرذيله والعـفـون الـزلايـب

* قال عبدالله بن دهيمش بن عبار هذه القصيدة رثاء بالرجل الفاضل حران بن عشوي البدري الأشجعي رحمه الله والرجل الفاضل معيض بن عبدالله العفري رحمه الله والرجل الفاضل موسى المشعان رحمه الله : 59

من حـان يومه ما نفع طـب وانعـاش *** ولا يرجعه سكب الدموع الطشايش
العمر مـثـل العشب في مدفق الطاش *** لابـد يـذبـل ثـم يـصـبـح حـشـايــش
والـمـوت لـرواح المخـاليـق قـشّـاش *** وسهـم المنـايا لكـل مخلـوق نـايش
والعبد ما يقـدر عـن المـوت ينحـاش *** ولافاد خوف أهـل القلوب الخرايش
لـو كـان في قصرٍ مثـل ضلع عكّـاش *** عـليـه يسطي لـو يـصـك الـدرايـش
وآخر مصير العبد رقعه مـن الشاش *** وسـط المقـابـر والحـفـور النـبـايش
ليـت الصخي فخـر القبيله لـنـا عاش *** حـران الـلي لعلـوم الأجـواد حـايش
الـمـكـرم الـلـي بـالمقـابـيـل بـشّـاش *** مـن فـرحتـه بالضيف يذبح رشايش
لا جاه ضيف من الفرح تقل مهتاش *** يبسم طـرب من نشوة الجود شايش
حـران مـا خـلا الـبـهـم يـبلـغ كبـاش *** ضانه لجـب مـا صـار عـنـده لكايش
خـوالـه رمـالات مـن ربـع هـتّــــاش *** ضـد العنيد الـلي من الـزوم طـايـش
والجـد بـدري من معطـرت الأنمـاش *** مـرويـن حـد المـرهـفـات العطـايش
يامـا جلسنا في مضيفه عـلى فـراش *** لـو مـات كـنـّه بـيننـا اليـوم عـايـش
ومعـيـض بـوجـيـه المساييـر بشّـاش *** نـال الفخـر يـوم المـراجـل غبـايش
الـيــا لـفـالـه تـالـي الـلـيـل طــــرّاش *** فـرحت ضمير اللي على البن دايش
شملان ربـعـه تقهـر الجـمع لاغـاش *** ستـر الـعـذارى لابـسـات الغـوايـش
وموسى برز بالمرجله رابـط الجاش *** أبـو محمـد مـا ضـلـوعـه هشـايـش
مـن عـزوة الفدعـان حامين الأدباش *** خـصيمهـم شـاف النـكـد والـبـلايش
لـيـت الفـنـا للهيس والـنـذل والّـلاش *** دحـوش الـرجـال السافلين القلايش
خطو السفيه لـلـي مخـادع وغشّاش *** الـلي بـصدره مـثـل سـم الـهـوايـش
وخطو الذي ينفخ ويجمخ على ماش *** فـاسد ويـفخـر في عـظـام الـولايش
والغـادر الـلي لشمـل عـنـاز طشّاش *** على الفلس وسط المجالس ايرايش
لـيـت المـنـايـا تـفـتـك بـكـل خـفّـاش *** وتقضي على أهـل البلبلة والقرايش

قال عبدالله بن دهيمش بن عبار هذه الأبيات رثاء بالشاعر عبدالله بن مسيّب الجروان رحمه الله وأسكنه فسيح جنّاته : 60

قالـوا أنـه مـات عبـدالـلـه مـسيّـب *** قـلـت ذكـر القـرم حـي ولا يـمـوت
الـردي يـنسـى ويـفـقـد كـل طـيّـب *** مثـل أخـو بقشه وأخو بتلا محروت
والعديم الـلي مثل حضرت غـريّـب *** ولا أبـن ريـمـان ولا شـوق نـــوت
الـفـنـاء لـيـتـه لـلـي ذكـره يـعـيّـب *** السفيه الـلي مـثـل خـطو الخـفـوت
لـو يـبـوح بـغـايـتـه غـيبـه قـريّـب *** وأن حـرثتـه يشبه لطعس المروت
ولا أبـو هـزاع عـلى الطيـب شيّب *** ونـال بـعـلـوم الفـخـر كـل النـعـوت
بـه حـميا وعـن لـزومـه مـا تغيّب *** سمعته غطّت على اصحاب البشوت
لو تصيحه كـل عذراء وكـل ثـيّـب *** مـا يـرد الـلـي تـسـجـّى بـالـتـخـوت
أطـلـب الـلي لا طلـبتـه مـا يخـيّـب *** أطـلـب الـلـه بـالسجـود وبـالـقنـوت
يـا عـسى يـعـل قـبـرّه كـل صـيّـب *** يسـقي القـيـعـان حـولـه والـخـبـوت
عـزوتـه وقـت اللـّزم جمعه يهيّب *** كـان سمعـوا مـن يـنـاديـهـم بصـوت

قال عبدالله بن دهيمش بن عبار هذه الأبيات رثاء بالشيخ خلف بن ثاني الضبيب رحمه الله : 61

نطلب الله يبيحك يا أبو عبدالعزيز *** أشهد أنك فقيده عـلى كـل القبيلـه
يا خلف لو رثيتك بالكلام الوجيـز *** لابد القدر صايـر ما باليدين حيـلـه
ما ألوم الرفاقه في نواح ونشيـز *** حيث فقدك خساره لك أعمال جليله
دمع عيني تحدر مثل عقد البريـز *** كـل منا حزين وفـي فـؤاده غـليلـه
يوم دور المصاطر منزله تقل ميز *** مشتهر بالبشاشه والخلاق النبيله
عقبّ أنجال سبعه كل منهم يجيـز *** خلف الجـود باقي دام عقّب مثيلـه
من مواكر نوادر ما خلطهم لزيـز *** الحـرار الصوارم يـدركون النفيلـه
من قبيله عزيزه كان شب الوزيز *** كـان نـار الحـرايب ولّعـت بالفتيله
ينطحون المشّوك كان جاله رزيز *** نسل حنتوش عزوه طيبين الفعيله

قال عبدالله بن دهيمش بن عبار هذه الأبيات في رثاء الأديب سليمان الفليّح رحمه الله : 62

الـقـدر صـايـر مـالـنـا فـيـه طـاقــه *** والنفس لاجاء يومها مالها اعتاق
ولا حـي ألا الـمـوت يـفـتـل وثـاقـه *** لـه عهـد من رب الخلايق وميثاق
الـمـوت حـق وكـل مـخـلـوق ذاقـه *** ما وفره لو كان في راس شوهاق
نـنـعى الأديـب المتـصّف باللـبـّاقـه *** فقد أبوسامي تنجرح منه الأعماق
أبن فـليّـح مـن شخـوص الـرفـاقـه *** مرحوم يا سليمان يا نـزه الأخلاق
القـرم الـلي فهـمـه تـوسع نـطـاقـه *** تبكيه صفحات الجـرايـد والأوراق
الـلي عشق فعـل المراجـل عشاقـه *** شجاع فـي كـل المواقـف وصـدّاق
يا طـول عمـر الـلي انتمنى فـراقـه *** ويا قصر عـمر اللي لملقاه نشتاق
الحتف الـلي خـلاق الأرواح ساقـه *** لـيـتـه فـتـك في كـل غـادر وبـوّاق
ليت الأجل يسطي عـلى كـل عـاقـه *** ليـت الـذي يرحـل منـافـق ومّـلاق
ليـت السفيـه الـلي بعـقـلـه حمـاقـه *** يردم على قبـره صلافيح وأطبـاق
أسـم القبـيّـلـه يحـمـلـه بـالبـطـاقـه *** لاشـك ينفـح ضدهـا مـلي الأشداق
مـراجـلـه يـسـعـى يـدور الـلقـاقــه *** ماهـوعلى الطولات والطيب سبّاق
الخايب الـلي البيـت مـّزق اشقاقـه *** والبيت ما يذري بلارفاف وارواق
الـلـي عـلى ربـعـه تـزاود خـنـاقـه *** وأن جاله الملزوم عن واجبه ماق

قال عبدالله بن دهيمش بن عبار العنزي هذه القصيدة رثاء بالشيخ سعود بن محمد الفرحان الأيدا رحمه الله : 63

مـرحـوم يا شيخ رحـل يـوم الأثنيـن *** فـي قـدره المحـتـوم بـديـار الالـمـان
أدعـوا معي يا أهـل الـنقّى يـالتقيين *** عـساه يحـضّى عـنـد ربّـه بـرضـوان
شيـخ رحـل عـساه يـسكـن بـعـليـن *** وعسى عوضنا فـي انجاله والأخوان
عسى العوض به بالرجال العزيزين *** من بـدر أبن مطلق نـوادر وشجعـان
أكـتـب تـعـازي للشخوص العـريبين *** وتـرجمت مكنـون المشاعـر بقيفـان
وكـل القبيلـه بـأبـو مشعـل مـعـزيـن *** مـا يفقـدونـه بـس ربـعـه والأعـيـان
حـزن رحـيـل سعـود عـم العنـزتيـن *** عـزوة بـنـي وايـل شبـابـه وشيـبـان
هـو قـايـد الفـوج الثـمـان وثـلاثيـن *** مقـدم هـل الملحـا لـه الـقـدر والشان
سعود فـي يـوم الحـرج موقـفه زين *** الـكـل يشـهـد فـي مـقـامـه بـنـجـران
جوه الرجال اللي على قصد ناصين *** وقـف وقـام بـواجـبـه قـدر الأمـكــان
فرحت ضميـر الـلي تنصـوه عـانيـن *** مثل الجبل عن لافح الشوب مـزبـان
سعى لهم بأخلاص يوم الـزمن شين *** نـثني عـليه ونشكـره باسـم فـدعـان
شيـخ وتسلسـل مـن مشايخ مسميـن *** مـشايـخ مـن دور مـسعـد وحـمـدان
وأبـوه قـبـلـه لـه سـلـوم وقـوانـيــن *** حـب الـقـبـيـلـه وارثـه ورث جـــدّان
الشيـخ مـاهـو بـس لـلـربـع الأدنيـن *** عــنّـاز عـنـده كـلـهــم تـقـل يـديــان
سـاس الـكـرم ذبّـاح كـوم البـعـاريـن *** صينيته تـنـدى مـن الـنيـب والضان
الـوايـلـي سـمـوه أبـو الـمـسـاكـيــن *** عاشـوا عـلى مـيـره أرامـل ويتمـان
يـعـرف مـراحـه عـنـد كـل البداويـن *** فـيـه العـظـام مـرجمـه تـقـل ضلعـان
يوم السنين اللي بهـا البـدو مخـليـن *** والـكيـل يـوزن بـالـعـنابـر بـمـيـزان
من شاف جـوده قـال عـنـده مـلايين *** مـن كثـر مـا يذبح هـرافـي وقـعـدان
لاشـك يـبـذل لــو رصـيـده ريـاليــن *** وينفق كـرم مـا مقصده مدحت فـلان
مـا يـنثـني مـهـما تحمّـل من الديـن *** بالطيب تشهـد لـه حـواضـر وبـدوان
وفـرحـان بالتـوحيـد خاض الميادين *** الكـل يـذكـر بـيـرق الـشيـخ فـرحـان
لـلـمـعـركـه قـاد الـرجـال الميـامـيـن *** بـالكـون يـوم القـوم لـلـقـوم عـدوان
مع الزعيم الـلي حمى حـوزة الديـن *** عبـدالعـزيـز المقرني نسـل مـرخـان
والـنـعـم بـالـيـديـان زبـن الـمجـلـيـن *** عـاداتـهـم دحـر الـعـدا يـوم الأكوان
أهـل الكـرم والجـود حـمـر السكاكين *** وبـيـوتـهـم يشبـع بـهـا كـل جـيعـان
مـن مـارثـة مطـلـق كـعـام المعاديـن *** الشيخ عـقّـب مـن مجانـيـه شيخـان
أخـوان بـقشـه فـي زمـان السلاطين *** خـزاّمـة الـلي حـط بالـمتـن تـيـجـان
أخـوان بـقشـه طـاهـرين وشريفيـن *** صفـوة حمايـل مـن مـقاديـم عـربـان

هذه الأبيات المتواضعه عزاء ومواساه لأنجال المغفور له بإذن الله الشيخ علي بن عطالله الطويلعي الشيخ عطالله بن علي 64
والشيخ الدكتور حسين بن علي والشيخ نواف بن عطالله الطويلعي شعر عبدالله بن دهيمش بن عبار العنزي :

يا حسين لا تجزع ترى القدر محتوم *** أصبـر عـلـى مـا قـدره رب الأربـاب
الـعـبـد لـو طـالــت لـيـالـيـه لـه يــوم *** ومن حان يومه مـا تشافيه الأطباب
الـمـوت حـق ولـلـمـخـالـيـق معـلـوم *** أنـه مـقـدّر والمـنـايـا لـهـا اســبـاب
حتـف المنايا يـرمي الخـلـق بسهـوم *** وآخـر مصير العبـد مدفـون بـتـراب
يابو عـلى نطلب عسى أبوك مرحوم *** في جنّـة الفردوس يدخل بلا حساب
عسى عـن الـزلات والذنـب معصوم *** وعن اللظي يا عل له حرز واحجاب
نطلب عسى ماهو من العفو محروم *** يلطـف بـه الـلـي لـلـمخـالـيـق تـوّاب
رب المـلأ يـقبـل صلاته مـع الصـوم *** ويروف بـه في جاه طـه والاصحاب
رب العـبـاد الـلي عـلى الخلـق قيـوم *** الواحـد الـلـي مـن تـرجّـاه مـا خـاب
مـرحـوم شيـخ عـادتـه يـذبـح الكـوم *** يـوم السنين الـلي بهـا شح وأجداب
مرحوم يامن مـا لحق شخصه اللّوم *** مـن شبّـتـه لـلمـجـد والطيـب طـلاّب
مرحـوم يامن مـا نسي عـزوتـه دوم *** ولا ضيعه مـربـاه في وسط الأجناب
مرحوم يامن مـا رضي بسـر مكتـوم *** الغوش وصاهم على حفظ بالأنساب
ربّـى مـع الـعـتـبـان دحّـارت الـقــوم *** لـطّـّـامـت الـعــايـل الــيــازام حّـراب
وأنجـب لـنـا رجـال صناديـد وقـروم *** عـلى المـراجـل كملّـوا كـل الأوجـاب
الحـر ينجـب مـن مـجـانـيـه صيـروم *** دايـم يشبب مـن قـنص بـه بمخـلاب
الـطـيـب خـطّـه لـلأجـاويـد مـرسـوم *** مبطي لهم من عرق الأجواد مجذاب
الـكـل مـنهـم بـالفـضـيـلـه لـه سلـوم *** افـعـالهـم بالطيـب تـدعـو لـلأعجـاب
نــوادرً مــاهــم هــلابــيــج ورخــوم *** دامـوا لـنـا ريـف الـرفاقه والأقـراب
يعـزون من عـزوه لها باس وعـزوم *** طـوالـعـه لا صـار لـلـحـرب شـبّـاب

قال عبدالله بن دهيمش بن عبار هذه الأبيات رثاء بالشيخ أورنس بن متعب الهذال رحمه الله : 65

جاني خبر من هوله الراس دايخ *** فجـر سموع اللي آذانه مصاميخ
الـلـه حسيب السافلين الـوصـايخ *** الـزمره الـلي مابهـم مخ ومخيخ
جـرح الضماير ما تـفيده صبايخ *** يغور بالمهجه مثل حامي الصيخ
ليت الفناء لأهـل القلوب الدرايخ *** أهـل التكبّـر والنفـوس المـزابيخ
خطـو الـذي لمعورج الهرج لايخ *** اللي عن الجزله عيونه مفاضيخ
لـو الخـبـر جانـا عـلى موت بايخ *** مـاهمنـا فـقـد الـرخـوم المتاويخ
لاشك مات اللي على المجـد نايخ *** بالطيب يصعد عاليات الشواميخ
أورنس بن متعـب حفيد المشايخ *** النـادر الـلي عقبّه شيخ من شيخ
يا حيف قصر العـز حيطه شلايخ *** مضيف أخـو بـتـلا تحطم بتفخيخ
مضيفهـم مـاهـو مضيـف الكلايخ *** ديوان ذربين الشيوخ الطخاطيخ
ساسه مثبـت داخـل القـاع صايخ *** مضيف اللي لجدود جـده تواريخ
غلطان الـلي لخوان بـتـلا يشايخ *** مامنهم اللي طوخ الراس تطويخ
لاجـن هجـافـا والسفايف طـرايخ *** من جودهـم تتعب يدين الطبابيخ
على الصياني صاخن الـزاد فايخ *** وتبرك عـليه الـلي ذراها منافيخ
وان صار لحراب الشلافي نجايخ *** سيف أخو بتلا يبتخ العنق تبتيح
الحـر مـا صيـده جـراد وجخـايـخ *** والنمر ما راعه صوافر وتكخيخ

قال عبدالله بن دهيمش بن عبار هذه الأبيات في رثاء فقيد عنزة الشيخ سلطان بن زبن بن محروت الهذال رحمه الله : 66

نطلب عسى الـلـه يرحم الشيخ سلطان *** أبن زبـن شيخ الشيوخ أبـو فـواز
عسى مقـر الشيخ فـي خـلـد واجـنـان *** وعساه ضمن اللي بزين العمل فاز
مـرحـوم يـا شـيـخ تـكـنّـى بـالأحـسان *** حيثـه كريـم ومـن ثـقيليـن الأرواز
سلطان نسل شيوخـنـا عـبـر الأزمـان *** مـا منهـم الـلي عـن مباديـه ينحـاز
فـي فـقـده نـعـزي عـيـالـه والأخــوان *** فـقده جلـل ولخاطـر الغوش حـّزاز
ونـرفـع تـعـازيـنـا لـمسلـط وجـدعـان *** وجـديع وأعمامـه شريفين واعزاز
ونـعــزي بـفــقـده ســلايـل عــديـنـان *** والتـعـزيـه تشمـل عـلى كـل عـنـاز
الشيخ مـن تـرثـت مشايخ وشجـعـان *** الكـل مـنـهـم بـالـكـرم للفـخـر حـاز
الـلـي يــرود بـيـوتـهـم كــل جـيـعـان *** ساس الكـرم مـا عـابـهم كـل هـمّـاز
حـمايـل وعـنـد الحـمايـل لهـم شـان *** باقصى الشمال وفي بلد نجد وحجاز
الـكـل مـنـهـم بالـمـواثـيـق مـا خـان *** من ساس عزوه بالمفاخر لها انجاز
بهـم الكـرم بهـم الشجاعه وشيخـان *** وقـت القـصا يـلجـأ لهـم كـل معـتـاز
كانـوا ولا زالـوا يـروسـون عـربـان *** مـن حـد تركيـه إلـى حـدود الأهـواز
ومن خيبـر الحـرّه إلى حـدود لبنـان *** شيوخ المشايخ جمعهم دوم ما يهاز
أخـوان بتـلآ أهـل مضايـف وديـوان *** مـا داج بـه راعـي نـمـايـم وجـنـبـاز
لهـم الفخـر والمجـد من دور حبلان *** يشهد لهـم مـن شـال بالكـف عـكّـاز
وأن هاجت الهيجا بحـزات الأكـوان *** مصقـولهـم لـرقـاب الأخصـام جـّزاز
يـوم اللقـاء يشهـد لهـم كـل مـيـدان *** في صهـوة الـلي لا نهـم فارسه نـاز
قـلتـه رثاء والكـل شارك بالأحـزان *** عبـر الـوسايل نرسل الشعـر بجهـاز
عبّرت عـن مكـنـون فكـري بقيفـان *** وسجلت منظومي من الشعر بأيجاز

هذه القصيدة من شعر عبدالله بن دهيمش بن عبار رثاء بالشيخ فارس بن محمد بن فرحان الأيداء قائد الفوج الثامن والثلاثين بالحرس الوطني 67
وشيخ شمل قبائل ولد علي من بني وهب من ضنا مسلم من عنزة رحمه الله وأسكنه فسيح جناته :

جـانـا خـبـر مكتـوب عـبـر الـرسايـل *** رحـيـل شـيـخ مــن مـقـاديـم وايـــل
فـارس بـن مـحـمـد زعـيـم الـقـبـايـل *** عـسـاه يـمسك فـي يـمـيـنـه كـتـابـه
كـل عـنــزة تــعـز فـارس وتـغـلـيـــه *** وكل عنزي بالشيخ فـارس نـعـزيـه
مـا يـفـقـدونـه بـس دانـي بـنـيـخـيــه *** كـل الـقـبـيـلـه عــزوتـه والـقـرابــه
الـشـيـخ فـارس تـفــقـده كــل عـنــاز *** اهل الشمال ومن سكن نجد وحجاز
حـيـث أخـو بقشه من ثقيلين الأرواز *** فارس سليل أهـل الصّخى والمهابه
فـارس زعـيـم وبـالــمـلازيـم فـارس *** للمرجلـه والـجـود والـطـيـب دارس
المـوت حـق ولا عن المـوت حارس *** ومن حان يـومه سهم الأقدار صابه
مرحوم أبو خالد عسى الخـلد له دار *** نطلب عسى المولى يجيره من النار
وعـسـاه يسكـن مـع تـقييـن الأبـرار *** مـع الـرسـول المصطـفى والصحـابـه
يا حـيـف يا شيـخ الجهامـه فـقـدناه *** مـالـوم مـن يـذرف دمـوعـه ويـنعـاه
نـطـلب عـسى الجـنـه مقـره ومأواه *** مولاي فـي عـطفـه يـخـفـف حسابـه
نــرفــع تـعــازيــنــا لـكـل الـسـمّـيـه *** والـعـزوه الـلـي عـصـبـة لـه دنـيـــه
وأخـوانـه أهـل المـرجـلـه والحـميـه *** وعـيـالـه الـلـي مـا خـلـطـهـم زلابـه
وأخـص كامـل عـزوتـه نسل حمدان *** المطلـق والـلي يشملـه اسـم يـديـان
وبني وهب عـلي وشرعب ونـبهـان *** وبـشـر وجـلاس الـكـل للشيـخ لابـه
أنـا أشـهـد أن الشيـخ فـقـده فـجيعـه *** عـسـاه يـسكـن بالـجـنـان الـوسيعـه
بـالـدرجـات الـعـالـيـه والـرفـيــعـــه *** نـدعـي وعـلى الـلـه قـبـول الأجـابـه
غـيـر الـدعـاء ما عندنـا من وسيلـه *** حـل القـضاء مـا يملـك العـبـد حـيلـه
لـكـن نـعـزي بـه جـمـيـع الـقبـيـلـــه *** وكـل عـنـزي مـولاي يجـبـر نصابـه
مـع الأسـف طالـت عـمـار الـردييـن *** الـلي هـدفـهـم تـقـسـم الـنـزل نـزلين
يـسعـون بالـنـمّـات وسـط الـدياويـن *** وقـصـر القبـيلـه يجهـدون بـخـرابـه
يـا لـيـتـهـم بــادوا وعـاش الـولـيـده *** فـارس عـلـى كـل الـقـبـيـلـه فـقـيـده
وصـف الفعـايـل مـا تحـيطـه قصيـده *** مـهـمـا مـدحـت الـوايـلي لا غـرابـه
الـشيـخ فـارس مـوقـفـه مـا نـسيـتـه *** بالخيـر فـي كـل المجالـس جـزيـتـه
الـنــادر الـلـي يـرفـع الـراس صيـتـه *** فـيـه الشجاعه والصّخى والصلابـه

وقال الشاعر كريم بن عايد الذايدي هذه القصيدة رثاء بالشيخ فارس ومجاراة للقصيدة الرثائية الموضحه أعلاه : 68

اسـوأ خـبـر نـقـراه عـبـر الـمـوايــل *** رحــيــل رمـز مـن صـنـاديـد وايـــل
الشيـخ فـارس مـن شـيـوخ هـوايـل *** اقـفـت لــدرب الـحـق عــنــا ركــابـه
نـعـزي الـيـديـان والـمـوت سـنّــــه *** عـسـى مــقـر الـشـيـخ دايـم بـجــنّــه
الشيـخ أبـو خـالـد رحـل دون ظـنّـه *** مـا مـات مـن خـلّـف مـكـانـه ذيـابـــه
اخـوانـه وعـيـالـه سـنـد لـلـقـبـيــلـه *** افـعـالـهـم قـبـل وفـاتـه جـزيــلــــــه
هـم العـوض نـعـم الـرجـال الأصيلـه *** الـلاّبـه الـلـي لـلـصـعـيـبـات لابـــــه
عـز الـلـه أن الشيـخ أكـبـر خـسـاره *** مـن قـبـل فـقـده قـاد فـوج الجـساره
ضــد الـمـعـادي يــوم ولّــع شــراره *** والفـوج يـجـمـع لابـتـه والـقـرابـــه
عـلى الحدود اركوا قذايـف ونـيـران *** غـدابهـا الحوثي مثـل طـيـر بـرمـان
يـشهـد عـلى كـل المهـمـات نـجـران *** وصارت عـلى عفاش اكـبـر طـلابـه
الشيخ مـن دون الوطن قـدّم الـروح *** شيخ عـلى كـل المـواجـيـب ممـدوح
فـعـل أبـو خـالـد للمهـمـات مشروح *** وايـل تـفـاخـر بـه وتـبـدي اعـجـابـه
والـمــوت حـق وكـل نـفـس تــذوقـه *** والـعــبـد لابــده يـصـفـي حــقــوقـه
وينهـي مـن الدنيـا مشاغـل طـروقـه *** يا الـلـه بحسن الخاتـمـه والـرحابـه
رثـيـت شـيـخ جـعـل ربـي يـبـيـحـــه *** وفـي كـلـمتي دونـت فـيـهـا نصيحـه
والنفـس عـلى فـقـد فـارس جـريحـه *** شيـخ السعـد والمـرجلـه والمهـابـه
قـلـتـه وأنـا بـالـقـلـب مـثـل الـوقـايـد *** أنــا وربــعـــي ســربــة أولاد ذايــد
دهـامـشـه لـلـهـرش حـطـوا حـدايـد *** عـدونـا عـنـد الـلـقـاء مـا نـهــابــــه
أولاد وايــل كــلــهــم تـــاج راســي *** مشـاعـري تـشهـد وبـاقـي احساسي
ويـلان لا ثـار الـوغـى والـحـمـاسي *** عـدوهـم جـرح الـهـزيـمـه سـطـابــه

قال عبدالله بن دهيمش بن عبار العنزي هذه القصيدة رثاء بالشيخ ناصر بن عبدالله بن عطية رحمه الله وأسكنه فسيح جنّاته : 69

لا حـان يـوم المـنيـه تـدنـي اسبابـه *** ولا فيه مخلوق كـود الموت يغتالـه
الهاتف الـلي وفات الشيخ لي جابـه *** سمعت مظمون الخبـر عبر جوالـه
يا حيف يا ريف الهواشل فجعنـابـه *** وفـقـد الغوالي يفجع الغافـل الـداّلـه
الشيخ ناصر رحيله يفجـع أصحابـه *** نطلب عسى الجـنّة مـقـرّه ومنزاله
لـيـت الـمـنـايـا تـحـل بـنـذل وزلابـه *** تعفي النبيل وتاخذ الهيس واشكاله
عـلـم الفـقـيـده لـيـتـنـا مـا عـلمنابـه *** لكن عـوضنـا بفقـد الشيخ بانجالـه
فـيـمـا مضى كـانـه لفانـا فـرحـنابـه *** والـيـا دعـانـي مـن بـعـيـد اتعـنّالـه
واليـوم غـاب وطوّل الشيخ بغـيابـه *** ومن يرجي اللي نزل بالقبر عـزّاله
يـا ربـعـنـا كـيـف الـمـنـام اتـهـنـابـه *** والقلب ما فاته من الحـزن ولوالـه
صبراً جميل ومن صبـر خالقه ثابـه *** ومن أبـتـلا رب الملأ يلطف بحـالـه
يا مكثر اللي يغلون الشيخ وأحبابـه *** فـي كـل منبـر سليل المجـد يدعالـه
يا عـل قـبـره يـهـل المـزن بـتـرابـه *** وياعـل خـلاّق البشر يقبـل اعـمالـه
فـي فـقـده نـعـزي دوانيه وأقـرابـه *** ونخص اللي مجد الفخر والعلا ناله
حاكم قطر عسى الولي يجبر نصابه *** الشيخ أبن ثـاني نعـزيـه في خـالـه
عـزالـلـه أن أبـو عـبـدالله انـعـزّابـه *** نـعـزي نـفـوسـنـا ونـعـزي عـيـالـه
من عرف ناصر بطيبه يبدي عجابه *** يمدح بفعل الفخر ما هو لأجل ماله
ابـن عـطـيّـه للـرجـاجـيـل مـهـزابـه *** في عـرفـتـه نفخـر ونعـتـز بأفعالـه
لا جـالـه الضيف بالترحـيب هـلابـه *** الـوايلي يـفـرح بضيـفـه اليـا جـالـه
مثـل النـداوي يشـل الصيد مخلابـه *** مـن مـاكـر صقـور للجـزلات قـتّالـه
أنا أشهد أنـه رفيع الشان مـن لابـه *** تـورّث المرجـله من ماضي رجالـه
يمشي عـلى منهـج جدوده وشيّابـه *** الشيخ شكر الثناء والمدح يـزهالـه
من عـزوة تفلج اليا صارت طـلابـه *** هـم ملتجـأ العـاني اليا كبرت القالـه
من نسل وايـل عريب الجـد مجذابه *** الطيـب مبطي هـم مقـرّه ومـدهـالـه
وأن كان شب لموقـد الحـرب شبّابه *** أنـصـار للحـاكـم بـحـلّـه وتـرحـالـه
مـع أبن ثـاني عـمود البيت واطنابه *** نعم الزعيم اللي الزباره حمى جاله
بالعـز يشبـه عـريـن اللّيـث بالغـابـه *** مصيـون مـا طـبّـه سنانير وثعـالـه
رجالهم يمشي على الموت ما هابـه *** يـوم العـرب كانت هـجـاّنـه وخيّالـه

هذه الأبيات من شعر عبدالله بن دهيمش بن عبار رثاء بالشيخ عوده بن حييان رحمه الله ويسند على الشاعر حسين بن علي البوبلي : 70

يـا حسيـن عـوده كـل منـا يـعـزّابـه *** فقده يا أبن علي علينا اكبر مصيبه
من فقد عوده عسى الله يجبر نصابه *** عـقـب الفجيعه جايح الهم يسريبه
الـلـه يصبّـر أنجـال الشيـخ واقـرابـه *** صبرالجمال اللي على الكايد منيبه
دمع العيون الـلّي من الموق سكّـابـه *** هيهات ما ترجع الغايب من الغيبه
نطلـب لـه المغـفـره ونـعـزي الـلاّبـه *** رب الـمـلأ يغـفـر خـطايـاه وايثيبـه
يا الـله طلبتـك يالولي خفف حسابـه *** يالواحد اللي خافي السر تدري بـه
نطـلـب عساه بيمينه يحـمـل كـتـابـه *** رضوان مع جـمع الصحابه يحييبه
أبـو عـبـدالـلـه شموخ المجد عدابـه *** هـو الـذي تضرب الأمثال في طيبه
نـزه الشوارب ما ذكـر فـيـه معـيابه *** ألا عـلى فعـل المكـارم نـبـت شيبـه
عـلمه تبيّن عـنـد الأجناب واصحابه *** وفعـل المراجل مـا تـغـرّه مواجيبه
لا جـالـه الضيف رحّـب بـه وهّـلابـه *** مـع لـفـوتـه يلهـج لسانـه بترحيبه
شهم وكريم ولا خسر مـن تهقوابـه *** من جـود كـفّه غالي المال يصخيبه
مـا خـيّـب الـعـانـي ولا رد طــلاّبـــه *** ولا همّه العوز حتى لـو فـرغ جيبه
ديـوان قصره بـنـاه وشّـرع أبـوابـه *** ديـوان عـوده ديوان العـز والهيبـه
يشهد له الترمس المعمور واهضابه *** والمجلس اللي سر من كان يلفيبه
الـلـه يـعــلـم كـم وافــد تــعـشّـابــــه *** وياكـم حاشي للمسايير يـقـري بـه
العـيـت يشكي من الأرهـاق قـصّابه *** ومن مر طرقي بيت عوده معازيبه
والـبـن فـي مجـلسه مـا مـل صبّابـه *** رايـب ولا يحـتـاج خـثـره وترويبه
مثـل القطـامي يشل الخرب مخلابـه *** الصيرم الـلي جـزيل الصّيد يحريبه
مرحوم يا عودٍ نجب عـوده وجـابـه *** عـرق الفضيله ينتبـه مـن مجاذيبه

قال حسين بن علي البوبلي الجبوري هذه القصيدة جواب لقصيدة عبدالله بن دهيمش بن عبار : 71

البـارح الـجـفـن نـومـه مـا تهنـابـه *** النـوم عـيـت تـجـي يـمي منـاديـبـه
جفني جفاه الكرى وانا افهم اسبابه *** مـن هاجٍس بالضماير قـام يـوميبـه
النـوم بـيـني وبـينـه صارت حـرابـه *** اختـرت عـنه السهر والنوم ماليبه
اقـوم واقـعـد واخـتم القاف وابـدابـه *** واليا ختمـت القصيد اعـيـد ترتيبـه
ماهو طـرب شاعـٍر والقاف غـنّـابـه *** الا مشاعـر ضميراً جـت محاضيبه
لـولا يـقــيـنـي بـرب نـّـزل كـتــابــه *** والصبر مـع قـوة الأيـمـان ندعـيبه
أنكان بعض الرجال انهارت عصابه *** لكـن يشد العـزوم ويجحد الـلي بـه
يالـلـه يالـلي خـلقـت الخلق بانسابه *** من كـل الأصناف تعـلم سرّه وغيبه
يدعيك عبدٍ سجد لك وسط محرابـه *** يـبـغـاك يالـلـه تـلـبي لـه مطـالـيـبـه
الطـف بعبـدٍ نصاك وفارق احـبـابـه *** تغـفـر ذنوبـه وترحم ضعفه وشيبه
عوده رحل جعل ربي يرحم تـرابـه *** ياعـل عـوده جـنـان الخـلـد يلفـيـبـه
لا والـلـه الا تـنحّـى واقـفت ركابـه *** غيبت عـمـر غايب الغيبه هي الغيبه
ابـو عـبـدالـلـه جـزيل الفعل يعنابه *** شيـخ وفـعـلـه مـع العـالـم نـمـاريبـه
طيب وحبابه ودين وراي وامجابه *** مـفـراص لا كـبـرت الـقـالات نبـديبه
من دون ربعه اليا حلت بنا طـلابـه *** يـرد راس الـمـعـادي مـع عـراقـيـبه
لياحضرفي حضوره يحسب حسابه *** وأن غاب ترجع له القالات واتجيبه
لاشك كـثـر السوالـف مـابهـا ثـابـه *** ابـو عـبـدالـلـه قـلـيـلاتٍ عـذاريـبــه
من بعـدها يا ضميري حضر الجابه *** وين انت ياللي تودي العلم واتجيبه
دونـك جـوابي لأبـن عـبـار تنصابـه *** مـن يـدك ليـديـه لا تـقـعـد توصيبه
جـانـا خـطـابـه ومظمونـه دريـنـابـه *** يا مـرحـبـابـه هـلا والفين ترحيبـه
سـاق القـوافـي لـنـا والقاف عـزابـه *** الا وحـنـا لأبـو مـشـعـل نـعـزيـبــه
شـاعـر قـبـيـلـه ولـه بالعـلـم بـوابـه *** شاعـر وراوي وصيتـه ذايع طيبـه
بـيـت القبيـلـه بجـهـده ثـبّـت اطنابـه *** عسى الـولي يذكره بالخير وايثيبه
ومدحك لعـوده ما تبغي شي تجزابـه *** هـذا وفـاك وغـلاك يـبـيـن الـليـبـه
دنـيـاك يـا مـسـنـدي يـفـتـر دولابـــه *** لو سانعت يوم ما تصفي مشاريبه
ما داومت للنبي من قـبـل واصحابه *** وملوك وعروش وديارً عوى ذيبه
وصلوا عدد من دخل بالبيت يسعابه *** عـلى رسول هاجـر من مكه لطيبه

يتبع

تابع

قال عبدالله بن دهيمش بن عبار هذه القصيدة رثاء بالشيخ منصور بن حمد المالك رئيس ديوان المظالم سابقاً رحمه الله يسند على محمد المالك : 72

يا محـمـد مـا تـنعى شقيقـك لحـالـك *** ينعى معك من سايرالشعب جمهور
مـفـجـوع مـن فـقــده وحـنـا كـذلـك *** الكـل مـنـا بـمـوقـه الـدّمـع مـنـثـور
نـال الجميع الـلي مـن الحـزن نالـك *** والمبتلي يجبر عـلى الصّبر مجبور
أصبـر عـلى مفـارق فـقيده غـدالـك *** ما كل ساعات الزمّن فرح واسرور
الـقـدر حـان وكـل مخـلـوق هـالــك *** والعـبـد مـهـمـا عـاش لابـد مقـبـور
مـرحـوم يالشيخ الوقـور ابن مالـك *** أبـو عبـدالـلـه طيّـب الذكـر منصور
يا شيـخـنـا نـعـزي بـفـقـدك رجالـك *** اخوانك اللي من نسل عود مشهور
وعسى الولي يجبر خواطـر عيالـك *** فقـدك فجع من عـزوتك كـل منعـور
وعساك تـثبت حـيـن يـبـدي سوالك *** وياعـل قبرك دوم يسطع بـه النـور
نـطـلـب ولـي الكـون يلطـف بحالـك *** وعساك بالفردوس تنعم مع الحـور
ونـطلـب لعـل الخـلـد يا شيـخ فـالـك *** حـيثـك تـقي ودوم بالخـيـر مـذكور
الكـل يـلـهـج مـن ضـميـره دعـالـك *** يطلب لك الغـفران بحساس وشعور
الـوقـت الـلي طـيلـة حياتـك مضالك *** صفحـات مجـدك بالسجّلات منشور
عـلى التـقّى يا شيخ طابـت اعمالـك *** صوب العلا ممشاك ما تنزل حـدور
شـهـم وكـريـم ولا تـشـح بـحـلالــك *** والـلي سعى بالخيـر للناس ماجـور
يـامـا مـن أصحـاب القضايـا عنالـك *** بالحق تقضي له ويرجع لك الشور
ينصاك مـن ضاقـت عـليـه المسالك *** تعـبى لحـل المشكله وأنـت مشكور
يـامـا بـديـوان الـمـظـالـم شـكـالـــك *** من شاكي ياشيخ محرج ومضرور
بـك أنتصـر والنـاس تـذكـر افعـالـك *** رفعت عـنه المظلمه وأنتهى الجور
سـرت وعـلـى رب الـعـبـاد اتـكـالـك *** وأخلصت لـلي يراجعـه كـل مامـور

قال عادل بن مطلق الخالد يرثاء الشيخ نايف بن محمد الفرحان الأيداء شيخ شمل قبيلة ولد علي ورئيس الفوج الثامن والثلاثين بالحرس الوطني : 73

مـات الكـلام ولا بـقـي للـعـزاء بـوح *** الا قـصـيـده مـن دمـوع الـمـواجــع
حتى الخفوق اللي له أيـام مجـروح *** اصبح على صوت الحزن والفواجع
والموت يقبض روح تبكي لها روح *** تنوح نوح اللي على الغصن ساجع
ليته رحـل واقـول يرجع لـو أيـروح *** لـكـن رحـيـل المـوت مـاقـيـل راجـع
مرّت ليال وهاجس الشّعر بـه فـوح *** يسري عـلى طاريـه لـو كـان هـاجع
بـدايـة الـدنـيـا نـهـايـة لــهــا نــوح *** والعمـر رحلـه واطيـب الفعـل نـاجع
نايـف حصد ذكـر مع الناس ممدوح *** اقــفــا وخـلّـد سـيـرتـه بـالـمـراجـع
عساه بالفردوس ينزل بهـا صروح *** والقبر روضه وطاهـر القلب ضاجع

قال عبدالله بن دهيمش بن عبار هذه الأبيات مجاراة لأبيات الشاعر عادل بن مطلق الخالد في رثاء الشيخ نايف بن محمد 74
الفرحان الأيداء شيخ شمل قبيلة ولد علي ورئيس الفوج الثامن والثلاثين بالحرس الوطني رحمه الله

عـادل كـلامـه بالـقـروبـات مـشـروح *** يـرثـا الـذي فـاضت لفـقـده مـدامع
نـايـف رحـل والـعـبـد لابـد مـطـروح *** فـي عـل ولا فـي حـروب ومـعـامع
يالـلـه يالـلـي تـعـلـم الـسـر والـبـوح *** أنـت الــذي يـا رب عـالـم وسـامـع
يا خالقي تجعل خطأ الشيخ مسموح *** أدعـوك يـا مـولاي بالـعـفـو طـامـع
نسل الـذي بابـه عـلى الـدوم مفتوح *** الشيخ الـلي عـلمه مع الناس لامـع
كم من قعـود بمقـدم الضيف مذبـوح *** والـزاد مـن فـوق الصياني صوامع
لـهـوب نـاره بالـدياجي لـهـا ضـوح *** مـع الـكـرم لخشـوم الأضـداد قـامـع
عـز عنزه ما يستمع شـور مـريـوح *** الباسـل الـلي لشـمـل عـنّـاز جـامـع

قال عبدالله بن دهيمش بن عبار هذه الأبيات رثاء بالشيخ نايف بن محمد الفرحان الأيداء شيخ شمل قبيلة ولد علي رحمه الله : 75

نطلب عسى الله يرحم الشيخ نواف *** الفارس الـلي عـن جواده ترجّـل
يومه دنـا والموت للـرّوح خـطّـاف *** واليـا دنـا وقـت الأجـل ما تـأجـل
حان الأجل ما ينفع علاج واسعاف *** وغاب ورحل عـنا النبيل المبجّـل
سليل شيـخٍ مكتمـل كـل الأوصـاف *** تـاريـخ مـجـده بالسّجـلـه مسجـل
يديان من حـمدان قـادات الأسلاف *** كان اعتلوا سرج الجواد المحجّل

هذه القصيدة من شعرعبدالله بن دهيمش بن عبار العنزي في رثاء الشيخ 76
عبدالله بن محيجين بن راشد الراشد والشيخ الشاعر حجاب بن عبدالله بن
نحيت ويسند على الرجل الفاضل منصور بن إبراهيم العليان الشمري :

منصور نـاح بعـالي الصوت نـحّـاب *** نحـيـب من يبكي عـلى فـقـد غـالي
يصيح ودموعـه عـلى الخـد سكـاب *** ويـقـول مـن كـثـر البـكـا عـزتـالي
قلت العلوم وقال نوحي لـه اسـبـاب *** والشّرح ماله يا أبو مشعل مجالي
أخبرك أنا يالقرم ابكي على حجـاب *** الشيخ الـلي يصعد بروس المعالي
أبن نحيت الـلي بفعـل الفخـر طـاب *** شيـخ ومـقـامـه بالـرجـاجيـل عـالي
شهـم وكـريـم وحافظ كـل الأوجـاب *** تـمـدح افـعـالـه بـالـكـلام الصمـالـي
ما لوم من يفقد عزيزين الأصحـاب *** مـا يـفــقـدون الا بـعــاد الـمـدالـــي
كـوارث الـدنيـا عسيـرات واصعـاب *** وأنا أدري أنك بالعزا ما انت سالي
وأنـا بعـد مثلك فـقدت أغـلا الأقراب *** الشيخ أبـو راشـد كـريـم السبـالي
عبدالله الـلي عن بلـد عـزوته غـاب *** سـلايـل محـيجـيـن قـرم الـرجـالي
المكـرم المشهور عـريـب الأنسـاب *** ساسه معـرّب من عمام وخـوالي
برز بعلم الطيب من يـوم هـو شاب *** حـمـاه ربّـه عـن دروب الخـمالي
مفـاخـره ما تنحصي مـالهـا حساب *** فـاز وتـفـوّه بـالـعـلـوم الجـزالي
الكـل يمـدح طـيّـب الفـعـل باعجـاب *** شهم وكريم من العذاريب خـالي
نطـلبك يـا الرحـمن يا رب الأربـاب *** تغـفـر خـطاهم يا عزيز الجـلالي
وآخـر مصيـر العبـد مدفـون بتـراب *** والعـمر يـقفـاه الفـنـا والـزوالي

قال عبدالله بن دهيمش بن عبار العنزي هذه القصيدة رثاء بالشيخ أنور بن فواز الشعلان رحمه الله وأسكنه فسيح جناته وهو من المشائخ الذين يشيدون بجهدي وله معي مواقف مشرفه : 77

استمعت لعـلـم يطـعـن بالصميـم *** أنتشر بالمجتمع عـبـر الوسايل
قالـوا أنـور حـل بجوار الرحيـم *** حان يوم الشيخ عـريب السلايل
لازم ارثا الوافي الشهم الحشيم *** الأمـيـر الـلي عـليـه لـه جمـايـل
أنـور الشغمـوم لضيـوفـه نـديـم *** كـل مـا جيتـه يسوي لـي ولايـم
يـا ضـنـا عـنـاز فـقــدنـا زعـيـم *** أنـور الفـواز محمـود الخصايـل
أحزنوا يا رجال وأنعن يا حريم *** وأطلبو رب الملأ يا عيـال وايـل
يـدخـلـه ربّـه بـجـنـات الـنـعـيـم *** يرفـق الأخيار مع بيض الفوايل
يا ولي الكون عـفـوك يا عظيـم *** ترحم الصنديد حـواش النـفـايـل
أشهـد أن الشيخ منهاجـه سليـم *** صعـد العليـا وحصّل كـل طـايـل
وأشهد أنـه شيخ مقدام وعديـم *** بالشجاعه والرجولـه لـه فعايـل
وأشهد أن الشيخ عفيف وكريـم *** بالصخّى ينفق حلاله ما يسايـل
وأشهد أن الشيخ مفتكـر وفهيـم *** يعتبر نقوه من عـيـال الحمايـل
وأشهد أن الشيخ متواضع حليم *** صافي النيه والـلي مثلـه قلايـل
وأشهد أنه راجح العـقـل وحكيم *** ما يقول القول من دون الدلايـل
شهـد للصاحب وعـلقـم للخصيم *** الشجاع القـرم عوق لكل عايـل
من مشايخ مجدهـم يذكـر قـديـم *** بالمفاخر فعلهم صدق وصمايل
باللقـاء يشهـد لهـم كـور الهميم *** وبالطراد شهودهم قب الأصايل

قال عبدالله بن دهيمش بن عبار هذه الأبيات رثاء بالشيخ عبيد بن ثاني بن ضبيب رحمه الله وأسكنه فسيح جنّاته : 78

مات النبيـل الـلي اشتهـر بالشهامه *** عـبـيـد أبـو مـتـعـب ولـيـه اخـتـاره
ولامـن جـدى ألا نـودعـه بالسلامه *** ونـطلـب لـعـل الخـلـد سكـنـه وداره
وش عـاد مـا فـاد الأسف والنّدامـه *** أنـا اشهـد أن فـقـده عـليـنـا خساره
مرحـوم يـا رمـز الـذكّى والفهـامـه *** يامـن بـرع بالـمـرجـلـه والشـطـاره
كـبـيـرنـا الـلي نـقـتـدي فـي كلامـه *** مـن يرغـب الـراي السلّيم استشاره
ما سـار أبـو متعـب بـدرب الملامـه *** الطيـب والمعـروف سـلـمـه وكـاره
مـن جـاه يـبشـر بالـهـلا والـكـرامـه *** عـون الرفيق ولا شكـا مـنـه جـاره
قـرم الـرجـال الـلـي عـزيـٍز مـقـامـه *** عـنـده عـلـى حـل الـمعـاني جـداره
الـنـادر الـلي مـن الرجاجيـل هـامـه *** عـسى العوض باللي يسير بمساره
نعـزي مـتـعـب بـالـفـقـيـد وعـمـامـه *** ونـعـم سـايـر عـزوتـه بـالـعـبــاره

قال عبدالله بن دهيمش بن عبار يرثا الشيخ إبراهيم بن سليمان بن محمد الخطيب رئيس كتابة عدل بريدة سابقاً 79
رحمه الله يسند على سعادة المهندس عبداللطيف الخطيب أبو نواف وكيل أمين مدينة بريدة بالقصيم :

يا أبـو نـواف ألـلـه يـرحـم إبـراهيـم *** الشيـخ مـمـدوح السـجـايـا فـقـيـده
الشيـخ الـلي ربـعـه تجـلّـه بتعـظـيـم *** حـيـثـه وقـور ولـه مـزايـا عـديـده
نطـلـب عـسى لـه عـنـد مولاه تكريم *** الـلي حـفـظ ديـنـه وصـان العقيده
مـضّى حـيـاتـه فـي دراسـه وتعـليـم *** تـقـي ونـقـي وأيـام عـمـره سعيده
مـنـذ الطـفـولـه مـا ذكـر بـه مثـاليـم *** ربّـه مـن عـلـوم الفضيـلـه يـزيـده
صالـح ومصلـح والعـمـل بالخواتيـم *** والنـاس للنـفس الـزكـيـه شهـيـده
مالـوم مـن دمعـه سـوات المـرازيـم *** عـلى النبيـل الـلي سمعـنـا حميـده
عـليـه سمحيـن الخـواطـر مكـاظـيـم *** الشيخ الـلي تـنـعـاه كـل الـبـديـده
الشيـخ مـن حاضـاه مـا يلحقه ظيـم *** ويشهـد عـلى قـولي نوادر بـريـده
القـدر حـان وسـلّـم الـروح تـسلـيـم *** وعند الولي خير العمل هو رصيده
نـرسـل عـزانـا لـلـقـروم الشغـاميـم *** آل الخـطيـب أهـل الفعـال المجيـده

توفي قبل أيام الرجل الفاضل بشاره بن غنام بن ضويهر الغضوري رحمه الله وكان من اعضاء قروب عنزة للتراث والقصص وبعد وفاته كتب 80
مدير القروب ( بشارة بن غنام الضويهر غادر المجموعة ) تذكرت أنه غادر الدنيا ففاضت قريحتي بهذه الأبيات وهو من أعز الأصدقاء :

نطلـب ولـي الكـون يـرحـم بـشـاره *** ابـن ضويهـر حيـث غـادر قـروبـه
اخـتـاره الـرحـمـن يـسـكـن جـواره *** جـتـه المنيـه والـرجـال افجـعـوبـه
بـشــاره الـغــنـام فــقــده خـســاره *** كـثـرت حـسـنـاتـه وقـلّـت عـيـوبـه
مـا نـاقـر الصاحب ولا غـث جـاره *** يـبي الأجـر مـن خـالـقـه والمثوبـه
يا الـلـه عسى الجـنـه مقـره وداره *** يـا رب يـا رحـمـن تـغــفـر ذنـوبــه

قال عبدالله بن دهيمش بن عبار هذه الأبيات بالشيخ عبدالعزيز بن طراد بن فندي الملحم رحمه الله : 81

مرحـوم يا عبدالعـزيـز ابن فاضـل *** يا نايـب الويـلان بديـار الأشـوام
الشيخ الـلي يـعـبـأ لحـل المعاضـل *** زبـن الـدخيـل وملتجأ كـل منظام
قطـر النـّدى من كفـه الجود ناضل *** ساد وحمل للمرجله تـاج ووسام
أبـوه قبلـه ريـف مـن جـاه هاضـل *** وجـدّه يهابونـه صنـاديـد الأروام
الـوايـلي مـن ساس عـزوة أفاضل *** سلايـل الملحـم عـزيزين واكـرام
يـامـا بهـم مـن كـل بـطـلٍ منـاضل *** مـن مـزيـد الأول مشايخ وحـكّـام
يسقـون للعـدوان لـب الحـنـاضـل *** بأيام كان المجـد في رمح وحسام

قال الشاعر حمد بن سالم الضوي الجعفري هذه القصيدة في رثاء بالشاعر بشير بن سماح الجعفري رحمه الله : 82

1لموت غيّـب فقيـد الشعـر واقـفـابـه *** والياس داهم ربوع الدار واجتاحه
والـحـزن قــدام بـيـتـه نـوّخ ركـابـه *** خيّم ظلامه على الجمهور والساحه
رحـل بـشيـر السمـاح وربّـه أولابـه *** ولا تنسي سيرته لو طال مرواحه
مـن الدعاء لـه ومن خـلاّقه الجـابـه *** لا عين نامت ولابـه نفس مرتاحه
جعله مع محمد المرسول واصحابـه *** في منـزل من ذهب قفله ومفتاحـه
مـن يـدخلـه مـا يعـذّب بـه ويشقابـه *** قصـرٍ ركونه بريح المسك فـواحـه
وما قدّر الـله على أية حال نرضابه *** ولا يحـيي الميتين صـراخ ونياحـه
ومن مات خلفه ولـد ممشاه يمشابه *** تبقى رجـال الوفاء للصعب نطّاحـه
يا الـلـه بصالح عـمل نسلم وننجابه *** بيـوم تجـي شوبتـه للوجـه لفّـاحـه

قال عبدالله بن دهيمش بن عبار هذه القصيدة مجاراة لقصيدة حمد بن سالم الضوي الذي يرثى بها الشاعر بشير بن سماح الجعفري رحمه الله : 83

يا حـمـد الضـوي فقـدنـا مـن اللاّبـه *** سبعـه عليهم عيون البيض نواحـه
الكـل منهـم يـا حـمـد مـا أحـد عـابـه *** والـكـل منهـم للعـلا تـبعـد شبّـاحـه
والكـل منهـم يـحـق الشعـر يـرثـابـه *** لكن ذكراهم تدمي القلب باجراحـه
الـكـل مـن فـقـدهـم تـوتّـر اعـصابـه *** والـلي فـقـد مثلهم تـلاشت افـراحـه
منهم بشير اللي سهوم القدر صابه *** يعـيش راثـيـه وصح لسان مـداّحـه
يا رب تلطف بالـلي غـطـوه بترابـه *** الـلي وقع في برزخ القبـر مطياحـه
تحت اللّحـد فارق دوانيـه وأحـبابـه *** يـاعـل مسكانه فـي دارٍ بـهـا واحـه
نطلب عسى رضوان بالخـلـد حيّابـه *** يشرب من الكوثر بليله ومصباحه
يـاعـل فـردوسها يستنشق اطـيـابـه *** ويحضا بخنة عبير المسك ورياحه

كتب فيصل الفداغي الشمري ابو فيصل هذه الأبيات رثاء بالرجل الفاضل حمود بن عماش بن عناد الحسيه رحمه الله يقول : 84

ياهـاتـف الـطـيّـب عـلامـك تخـفـيّـت *** ويـن الـذي بالعيـد غابـت شموعـه
وين الكريم اللي مع الناس له صيت *** وين أبو ضاري وين منزل نجوعه
يـاعـل بـجـنـات النعـايـم مـلـك بـيـت *** ولا بـهـالـدنـيـا تـعـرفـه ربــوعــــه

وقال عبدالله بن دهيمش بن عبار هذه الأبيات مجاراه لأبيات فيصل الفداغي ابو فيصل رثاء بأبو ضاري حمود الحسيه : 85

لـو قـول لـيـت يفـيـد لا اقـول يالـيـت *** المـوت مـا يـفـتـك بجنسـه ونـوعـه
لـيتـه فـتـك بـالـسـافـليـن السرابـيـت *** خطـو الـردي يـا عـل بـقعـا تـلوعـه
مرحـوم يامـن عـادتـه يـذبح العيـت *** الطيّب سلمه والـكـرم مـن طبـوعـه
الـلـي يـرحـب فـي قـبـالي الـيا جيـت *** والبـن الأشقـر مـع حلاوي قـدوعـه
شـفـت الرجـال محـّزنـه يـوم عـزّيت *** ولا الـوم الـلي منهم تناثـر دمـوعـه
عـلى الـذي مـا عـذربـوه الشواميـت *** التقـرم الـلي فـقـده فـجيعـه وروعـه
حـمـود مـات وكـل مـن فـوقهـا ميـت *** والعـبـد مـاهـو بـاختيـاره وطـوعـه

ثم قلت هذه الأبيات رثاء بأبو ضاري حمود الحسيه الجار الذي كل يوم مجلسه تدهله الرجال من أهل البطين وغيرهم ورغم أنه يعاني من امراض فأنه عند الوجار والدلال كل يوم وقلت : 86

العـمـر طـار أن كـان حـتـت اكروتـه *** أخـف من الريشه عـلى سطح تـنـده
دنـيـاك بـادت مـن يـلـبّـس بـشـوتــه *** زالـت بـنـي غـسّـان ومـلـوك كـنــده
حـمـود مـات وفـجّـع الـرّبـع مـوتـــه *** والـحـزن عـم بـكـل عـزوه وفــنــده
مرحـوم الـلي دايـم يحاضي قـهـوتـه *** تـلـقـا الـرجـال بمجلسـه دوم عـنـده
كـريـم مـا يـوفـر طـعــامـه وقــوتــه *** عـن الـكـرم والـجـود مـا بـاد زنـــده
الـلـي الـعـلـوم الغـانـمـه مـا تـفـوتـه *** يشري خياش البـن مـن سوق بنـده
مـع قـل مـالـه مـا يحـسـّـب سحـوتـه *** يـجـود وعـيـالـه حــزامــه وسـنــده
يـا كـثـر مـا نسمـع يـرحّـب بـصوتـه *** طـبع ابـو ضـاري للمسـايـيـر يـنـده
جـدّه ابـن حـسـيـه يـطـبّـق اسمـوتـه *** الـبـاسـل الـلـي يـحـتـمـي كـل ونــده
الـلـي نـهـار الـكـون تـسمـع نخـوتـه *** زبـن الدخيل أن صـار للغوش حنده
رجـالـهـم يـرسـي ويـقـوى ثــبــوتــه *** دولـة بـنـي عثمان مـا هـاب جـنـده

قال عبدالله بن دهيمش بن عبار هذه القصيدة رثاء بالشيخ صالح بن فريح العقاب العواجي رحمه الله وأسكنه فسيح جنّاته : 87

حـان المـقـدّر والمنايـا لـهـا اسبـاب *** فـي حكم الـلي عـلاّم باسرار غيبـه
ولا حـيٍ ألا يــبــدل ثــيـاب بــثـيـاب *** وما قـدّر الرحمن عـبـده رضي بـه
لابــد يــوم الـعـبـد مـدفـون بـتــراب *** ولابـد مـاتـركـز عـلـيـه الـنـصيـّبـه
ولا يفقـد ألا الـلي بعلم الفخـر طـاب *** ولا الـردي لـو مات ما أحـدٍ دريبـه
يا حيف يا أبن فريح يا خلفة عقـاب *** يا صالح أبـو سعود فـقدك مصيبـه
والله ما ألـوم الـلي محزّن ومنصاب *** يكتم غـضب وجروح قـلبـه عطيبـه
ولا الوم من دمعه عـلى الخد سكّاب *** الـلي عـلـى صـالـح تـزاود نـحيـبـه
رحـيـل صالح فـجّـع الكهـل والشاب *** حيـثـه مـن الـلي يـنعـبي للصعـيبـه
لـه قـدر بصدور الـرفـاقـه والأجناب *** ولـه احتـرام ولـه وجـاهـه وهيبـه
شروى جنابـه تـفتخـر فيـه الأقـراب *** جمع الشمـل فـي عـزوتـه يعـتنيبه
الـكـبـر مـا يـعـرفـه ولا قـيـل هـزّاب *** ولاهـو من اصحاب العلوم المعيبه
ارثــاه واعـزي عـريـبـيـن الأنسـاب *** جميع الـلي مـن عـزوتـه يعتزيـبـه
ولا كنت ناسي يوم يعرب لي اعراب *** يشيد بي مـن حسن ذاتـه وطـيـبـه
منصف وينطق صادق القول بأعجاب *** فكـره نـقي مـن كـل شكّه وريـبـه
ولاهـي غـريـبـه حـيـث ربـّوه شيّـاب *** هذي من أبـو سعود ماهي غريبه
أنـعـاه وأشـاطـر بالأحـزان الأصحـاب *** وأطلـب عسى رب الخلايق يثيبه
الجسم غـاب وطيّـب الذكـر مـاغـاب *** ذكـراه تحـفـظ بـالـصـدور الرحيبـه
أنـجـب صوارم كملّـوا كـل الأوجـاب *** نسل الفوارس من معامق عـريبـه
مـن مارثـة سعدون وعقاب وحجاب *** لهـم فعـل كـل الـرجـال اتحكـي بـه
سلايـل الـلي مـن المعادين مـا هـاب *** نـال الـفخـر يـوم الليالـي عـصيبـه
عـقـاب عقـاب الخيل للطّرش جنّـاب *** يـرتـع بـريضـان الـديـار الخصيبـه
افـعـالـهـم تصعـب عـلى كـل حـسّـاب *** لهـم مـواقـف يـوم تـذكـر عجيـبـه

قال عبدالله بن دهيمش بن عبار هذه الابيات رثاء بالفقيد الفريق عبيد بن غثيث الموينع رحمه الله واسكنه فسيح جناّته وإنا لله وإنا إليه راجعين : 88

يـامـل قــلـب كـن وسـطـه حــريـقـه *** يكـوي لهـبهـا مهجـتي والمعـاليـق
مـافـاد عـبـرات الحـزيـن وشهـيـقـه *** ولا ينفـع المفجوع بالكـف تصفيق
مـات الـذي درب المراجـل طـريـقـه *** ابـن غـثيث عبيد من عـزوة زريـق
نسـل الرجـال أهـل الفـعـال العتيـقـه *** يـوم المفاخـر بالـرمـاح المـزاريـق
نسل الرجال أهـل الأصول العـريقـه *** خلفـت موينـع حافضيـن المواثـيـق
نـور الأمـل مـا عـاد يـلـمـع بـريـقـه *** مـن يـوم قـالـوا بالعنايـه ولا يفيـق
انـا اشهـد أن الموت حـق وحقيـقـه *** الـمـوت مـا وفـرّ جـميـع المخاليـق
مـابـيـن لـحـظـه بالـزمـان ودقيـقـه *** يقيف نبض القلب مع نشفت الـريق
جـتـنـا الـعـلـوم الصادقـه والوثيقـه *** والكـل مـنـا صـدّق الـعـلـم تـصديـق
مـات الـذي مـا يـوم بـار بـرفـيـقـه *** والكـل مـنـا خـاطـره يشعـر بـضيـق
لا جـالـه الـمـلـزوم كـنّـه شـقيـقــه *** جمايلـه مـن والـي العـرش تـوفـيـق
فـريـقنـا يـا حـي مـن هـو فـريقــه *** مـواقـفـه تـفـرح قـلـوب الـمشـافـيـق
مـن جـاه حـملـه كايـد ولا يـطيـقـه *** شالـه عـلى متونـه عـريب المعاميق
نطلـب عسى قبـره رياض وحديقـه *** وعسى الدخول بجنة الخلد ما يعيق

قال عبدالله بن دهيمش بن عبار هذه الأبيات رثاء بالرجل الفاضل صيّاح بن دعاس الضوي الجعفري رحمه الله وأسكنه فسيح جنّاته : 89

العـلـم الأقشـر بالـرسايـل قـريتـه *** صيـاح وافـتـه المـنـيـه بـسكـتـه
نـايـف نـعى فـقـد الفقـيـد ونعـيته *** حـل المقـدّر والوعـد حان وقـتـه
صيـاح مـن هـول الفجيعـه بكيته *** ودمع المحاجـر ينهمر ما مسكته
وكل عنزي ينعاه من طيب صيته *** دايم عـلى درب المراجل احركته
هـو الـذي مـا قـال جـاره شنـيتـه *** يـا حيسفـا لـيـت المنيـه اتـركتـه
مرحوم يالـلي يحتـفي كـان جيتـه *** يـكـرم ومالـه مـا تلاشت ابركتـه
أبي اطلب اللي طايعه ما عصيته *** والمسلك الـلي يغضبـه ما سلكته
يالـلـه يا حـامي مـن الفيـل بـيتـه *** يامن بعـال الكون عرشك سمكته
رحماك بالـلي في جوارك خـذيته *** أنـت الـذي كـل النـواصي ملـكتـه
أدعـوك يالـلي كـل داعـي عطيته *** بالخلد مع سكن الصحابه شركته

تابع
* وقال عبدالله بن دهيمش بن عبار هذه الأبيات تعزيه للدريس والحويلا : 90

الـلـه وأكـبـر والـزمـن بـه عـبـايــر *** يا ما فجـع غـالي عـلى فقـد غالين
يـا الـلـه يـا الـلي مطـلع بـالسـرايـر *** يـا رب لا تـفـجع قـلـوب المحبـيـن
مهـمـا نعـبـر مـن خفـايـا الضمـايـر *** ما تنفع الدمعـة على محجر العيـن
فـي مهجـتي شبـت لهـوب السعايـر *** جـاني خبـر نسل القـروم المسمين
اكـتـب عـزاي لـطيـبـيـن الـعـشـايـر *** نسـل الحـويلا والدريس العزيزيـن
بفـقـد القـروم الـلي عـلينـا خسـايـر *** لا شك ما نملـك لـرد القضاء شيـن
والحتف دولابـه عـلى الخلـق دايـر *** مـن لا يجـيـه اليـوم يأتـيـه بعــدين
ما قـدر المـولى عـلى العـبـد صايـر *** من عاش وافاه القدر لو بعد حيـن
نعــزي ذويـهـم طيـبــيـن الخـبـايـر *** عسى الخلف باللي من الربع باقين

تابع