قصايد مساجلات بين منصور الخضع وعبدالله بن عبار وضحوي الجبيلة - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

12-30-2025, 08:22 PM

قصايد مساجلات بين منصور الخضع وعبدالله بن عبار وضحوي الجبيلة ومحمد بن مونس اللمبع وحسن سماح

قال الشاعر منصور بن حواس الخضع هذه القصيدة يسند على عبدالله بن دهيمش بن عبار :
يـالـلـي تـمـعــدن خـل عــنـك الـتـمـعـدن *** الـرّق لـلـي مـغــدنـه فـيـه شـبـشـار
انـذك عــن نــجــر الـمـعــانـي الـيــا دن *** يكسـرك كسـرن يـبـحـل لـكـل جـبـار
انـذرتـكـم مـا يـنـفـع العـطـر يـا مـصـن *** واعطيتكم عـن الخـطأ نصـح وأنـذار
خل النسب واهل الحسب وانت ابن من *** لا تـصـبـح لجـرف يـهـلـفـيـك حـفـار
وانــهــج تــمـرغ وانـتـبــه لا تـوهــــن *** واحـذر تشابط حيص منيـب يا حنـار
ولـو تـسـتـحـي يــردكــم فـارق الـسّـن *** ولا تـطـبـي مـن خـستـك لأبـن عـبـار
ويـنـك اويـن الـعـيـلـم الـعـذب يـا شـن *** يا وجـه ذيـخ اليـا اروح الذيب هـرار
يا فـارسـن مـع ذيـلـهـا لـلـفـرس عـن *** باسـم عنـزة لا تـدخـل بـكـل مضـمـار
خـل الـفـروسـيـه وشـف عـالــم الـفـن *** يـا عــل فــمـك يـسـكـرونـه بـمـزمـار
وعـن عـنـزة واخـبـارهـا لـلـمـلأ صـن *** مـثـلـك يـعـيـبـهـا بـنـشـرات الأخـبـار
يا شـاعـرن مدعـوم شعـرك من الجـن *** دعـمـك مـن البـارح لـه الـذيـب دوار
والذيـب سلـطـة من السمـاء للمجـنـن *** يـشـبـع جـراه ويـشبـع الـوالـد الـبـار
جـاك الـيـقـيـن وكـان رديـت بـالـظــن *** جـمـيـع بـارد وجــه اكـويـه بـالـحــار

وقال عبدالله بن دهيمش بن عبار هذه القصيدة جواب لقصيدة الرجل الفاضل الشاعر
منصور بن حواس الخضع أبو عبدالله مع الشكر الجزيل :
حـي الــذي عـن الـمـواجــيـب مـا كــن *** منصور ابن حـواس محمـود الأذكـار
أبـو عـبـدالـلـه دوم مـا خـاب بــه ظـن *** حيثـه عـريب الساس من خلفت أمـار
مـا غيـره عـن مسلـكـه هـن ابـن هـن *** ولا هـو عشيـر لـكـل هـايـف وثـرثـار
اخـبـرك يـا منـصـور يـا مـسنـدي لـن *** لـن الـتـفـت يـالـقـرم لأقـوال الأشـرار
الـلاّش يا منـصـور لـو تـنصحـه عـن *** عـن الخـطـأ مـن خستـه زمجـر وثـار
الـلـه عـلـيـم أنـه عـلـى عـنـبـره حــن *** مشتـاق يـبـغي مـسكنـه داخـل الـغـار
المـعـتـدي يـتـرك جـنـونـه إذا اسـجـن *** شين الضمير اللي بدرب الغوى سار
والظـالـم الـلي إبليس ساقـه ولـه قـن *** مـالـه مـع الأجــواد قـيـمـة وتـعــبـار
مـن عـقـب مـا جـرّب لعـاويـز ومحـن *** اصبح يسب النـاس كـي يجلي العـار
مـا ذاد عـن عــنّـاز يــوم أنــه طـعــن *** يثني على الـلي لعنزة سبب الأضرار
كـشـفـت زيــفــه ثــم مـن عـلّـتــه ون *** الـلـي عـبـث بـأنـسـابـنـا كـنـه الـفـار
مـن عـقـب مـا سبـب شباشيـر وأفتـن *** هـج وطـفش مخـذول ولـديـرتـه نـار
بـالـزيـف والـتـزويـر وبـكـذبـه ابـخـن *** حـقـايـقـه وضـحـتـهـا للمـلأ اجـهـار

وقال محمد بن ضحوي الجبيلة مجاراة لقصيدة منصور الخضع وعبدالله بن عبار:
يـا راكـب الـلي لا مـشى بـالـخـلا كـن *** مسـار خـطـه بـالثـرى سـيـل جـرار
وإذا بــالــقــار صــوت الـجــرس رن *** كـل المـواتـر مـا تجيبـه عـلى القـار
جيبـن جـديـد وصـاحـبـه للسفـر حـن *** من طلعته ضاري على قطع الأسفار
يلـفـي لمنصـور الخـضـع قـبـل يلفـن *** بـيـوت جـزليـن القـوافـي والأشـعـار
وانـا لـمـا قـلـتـه يـا منصـور ممـتـن *** ولا زود انـا بالشعـر عـلى ابن عبـار
الشاعـر الـلي لا كتـب يخرس الجـن *** شعـره عـلى قـذرين الألسن تقل نـار
سـيـف مـجـرب بالمـواقـف ولا مـن *** جـتـنـا بـيــوتـه كـنـهـا سـيـف بـتـار

قال عبدالله بن دهيمش بن عبار هذه القصيدة جواب لقصيدة الشاعر محمد بن
ضحوي الجبيلة مع الشكر والتقدير لجميع اعضاء قروب عنزة للتراث والقصص:
قـم يـانـديـبـي شـغـل الـمـوتـر وغـن *** اعتل صهات الجيب من نوع فكسار
اليـا مشـا يطـوي سمـاهيـد واشـطـن *** من عندنـا سافـر على الربع مسيار
لأبـن ضحـوي يلـقـاه بـمهـيّـل الـبـن *** وقـولـت هـلا والكبش جـابـه لجـزّار
فـي ربعتـن ريـح العويـدي بهـا خـن *** والـربـع عـنـده بـالـتـعـالـيـل سـمّـار
أهـل التـراث الـلي عملهم لهـم سـن *** سـنّـة فـخـر عـاداتـهـم عـبـر الأدوار
عـزوة جلاس الـلي بـه المدح يزهن *** وعزوة وهب وعبيد واشبال عـمّـار
عـاداتهـم نـطـح الـركـايـب اليـا جـن *** عـلـيـهـن الـلي كـادهـم لـث الأكـوار

وقال الشاعر محمد بن مونس اللميع الدهمشي هذه القصيدة مجاراة لقصيدة الشاعر منصور بن حواس الخضع الرويلي وقصيدة عبدالله بن دهيمش بن عبار :
قــال الــذي قــافــه نـزيــهٍ مـحـصــن *** قافـه يصبـه صـب من قلب ولسان
يــقــولـهــا نـصـيـحــة مـابــهـا مــن *** نصيحـة تهـدى لكـل عاقـل وفهمان
نـصيـحـتي لـلي بـالأنـسـاب يـطـعــن *** واقول خاف اللي خلق انس والجان
ومنصـور ابـن حـواس ابداعـه بفـن *** وعـز الله انـه مـن طويليـن الأيمـان
شـاعـر عـلى الـقيـفـان يـعـنهـا عـن *** وترفع لـه البيضاء عـلى كل ميـدان
وابـن الخضـع الـلي بقـافـه تسلطـن *** شاعر ولـه سلطه على كل شيطان
وجــه لأبـن عـبــار قـافـه عـلـى أن *** وقـال الحقايـق كـلهـا دون نقـصـان
ابـن عـبـار الـلـي لـه القـاف يذعـن *** شاعر وعلى التاريخ فاهم وسلطان
وعـز الـلـه انـه لـلـتـواريـخ يـتـقـن *** اشهـد ويشهد لـه هل العـز والشان
ما هـو من الـلي عرفهم كله مصن *** هـرج عـلى مـاقـيـل تـلـفـيـق فـتـان
واشوف انـا نـاس بـلا علـم تلسـن *** تاريخهم معروف من ماض الأزمان
تاريخهـم اسـود مـن الـيـل وادكـن *** ولا عـنـدهـم لـكـود كـذبـن وبـهـتـان
اقـول خافـوا خالـق الأنـس والجن *** تـوبـوا لـرب البـيـت خـلاق الأكـوان
واحذر على الأنساب يا هيه تطعن *** ترى الجزاء في يوم روغات الأذهان
يـوم بـه المخلـوق يا نـاس يـفتـن *** يـوم المرضعة تذهل من هول ما كان
وصلاة ربـي عـد ما الخلق تذعـن *** عـلى الرسـول اعـداد مـا هـل هـتـان

قال : عبدالله بن دهيمش بن عبار هذه القصيدة جواب لقصيدة الشاعر محمد
ابن مونس اللميع الدهمشي :
حـي البيوت الـلي من الدهمشي جن *** ارسلهـن المنعور من نسـل لمعـان
محمـد ابـن مـونـس للأشعـار يـوزن *** قـرايـضـه بالقـاف تـرجـح بـالأزان
مـثـل الجـنيـه الـلي صليلـه الـيـا دن *** يـسـر مـن يـسـمـع دنـيـنـه بـالآذان
الـلـه يجيـرك مـن غـرابـيـل وامحـن *** يالـلي تعـد الحـق من دون جحـدان
أنـت الـذي فـيـك الـمـدايـح يـقـالـــن *** اشكـر جـنـابـك يا سـلايـل كـحيـلان
يـا أبـن مـونـس الـمـراجــل تـفـنــن *** حيثـك نبيـل مـن الـرجاجيـل ديقـان
لـولا الـذي شـرواك مجهودي ادفـن *** استنكروه الـلي عـلى قـلوبهـم ران
وصالـح المـدح بحضرتـه مـا يكفـن *** حيـث أن جـده من مقاديم عـربـان
مـن عـزوة يـوم الـسبـايـا يـصـولـن *** تشهـد لماضيهـم شغـاميـم سلطـان
عن جمع ربعـه خيـل الأضداد يقفن *** مثـل القطيع اليا عثـا فيـه سرحـان
فـهـمتـم الـلي بـيـن الأجـواد يـفـتـن *** يــدرد ولا عـنــده دلايـل وبـرهــان
قـام بتشجـيـع أبـو لغـاصيـم ووجـن *** اللي وصف عناز في وصف حقران
الـلي بضميره عشش الحسد وانجن *** صابه كمـد من طيّـب العلـم نغـران
الـلي هجم وش جاه في هجمته شن *** غـاره علي وحط الأصحاب عدوان
الـلي يـبـوح بـقـول سـامـج ومنـتـن *** ينفـخ شدوقـه كنـه الضبـع بخـران
هـو يـحـسـب أنـه بـوش ولا اكلنتن *** ذاك الرئيس اللي يروس المريكان