أهداء إلى سعادة العميد أنور بن طلب الصخيري المصلوخي

هذه القصيدة من شعر عبدالله بن دهيمش بن عبار شكر وثناء لسعادة العميد : أنور بن طلب الصخيري المصلوخي مدير شرطة القريات حالياً حيث كان في شرطة النسيم بالرياض وله مواقف مشرّفه من التواضع وحل ما يستطيع حلّه من القضايا والوجاهات

نـويـت أبـوح بـمـا يـكـنّـه ضمـيـري *** وأثني على اللي سيرته خير سيره
أنـور ابـن طـلـب حـفـيـد الصخيـري *** الـنـادر الـلـي مـن كـرام الـعـشيـره
لـه طـبـع بافـعـال الـمكـارم جـديـري *** شهم وبشوش وبـه حميه وغـيـره
حيـث بقـطـاع الأمـن عـيّـن مـديـري *** الـلـه مـن اشـرور الخلايق يجيـره
الـقـرم أبـو خـالــد مـقـامـه كـبـيـري *** رقـي عـميـد وفـيـه فهـم وبصيـره
أنـور حـلـيـم وبـالـقـضـايـا خـبـيـري *** يـحـل صـعـبـات الأمـور الـعسيـره
مـن جـاه ناصي لـه عوين ونصيري *** شـرواه يـذخـر بـالـلّـوازم ذخـيــره
فضلـه عـلـي ولـه جـمـايـل بـغـيـري *** والـيـا بـدأ عـنـدي لـزوم استشيره
وقف معي وأوصى الزميل المطيري *** خالـد من أصحاب الوجيه السفيره
للطّيـب يسـعى وللـردّى مـا يسيـري *** الـعـاقـل الـطـاهـر نـقـي الـسـريـره
مـن طـاب يـبـقى للـرفـاقـه سفيـري *** ويجهـد لحـل عـقـود حبـل الجـريـره
من يحتـري سعـيـه يجـيـه البشيري *** يفـزع مع الـلي ما بجـرمـه معيـره
ماهو من الـلي عـن لـزومـه ينيـري *** يفـداه الـلي ما ترجي الناس خيـره
نسـل الكريـم الـلي لضيفه عشيـري *** والجـار كـنـه فـي حـلالـه خـشـيـره
جـده قـوي البـاس عـلـمـه شهيـري *** فـيـاض يـذكـر لـلـمـعـادي نـحـيـره
هـو الشجـاع الـلي لـربـعـه أمـيـري *** الـفـارس المـقـدام عـز الـقـصـيـره
كالحيد يـذري عـن سموم الهجيـري *** يـفـرح بـه الـلي شـح زاده ومـيـره
من ساس عـزوة بالـزمان الخطيري *** أولاد حـسـن يـنـطحـون المـغـيـره
نـالـوا فـخـرهـم بالحسام الشطيـري *** بسيـوفـهـم يـرعـون فـي كـل ديـره
وأن كـان جاهم من عـداهم نـذيـري *** حـريـبـهـم دوم الهـزيـمـه مـصيـره
زبـن الـدخيـل وفـزعـة المستجيري *** يـوم القبـايـل بـيـن نـصـر وكسيـره

المكرم جناب مؤرخ قبائل ربيعة الأديب عبدالله بن عبار حفظك الله ورعاك وصح لسانك وبنانك على هذه القصيدة العصماء بمن يستحقها وأنعم وأكرم ..