قال عبدالله بن دهيمش بن عبار العنزي هذه القصيدة تخص مواضيع القدح والسب في الوسايل الحديثة وما حصل من ظلم وعدوان وكذب وافتراء :
بـسـم الكـريـم مـكـوّن الـكـون مـبـداي *** رب المـلا لعـطـفـه ولـطـفـه تـأمـلـت
يـا الـلـه يـا عـالــم بـسـري ونـجـواي *** يا خـالـقي كـبّـرت بـاسـمـك وهـلـلـت
اطـمـع بـعـفـوك يالـولي وانـت مولاي *** عـلـيـك يــا رب الـخــلايــق تـوكـلـت
طـالـبـك يـالمـعـبـود تـغـفـر خـطـايـاي *** وتمحا الذنوب اللي على كاهلي شلت
يـا الله عـلـيـك اصـلاح ديـني ودنـيـاي *** أنـت الـذي اعطيـت بالـمـد واجـزلـت
يـا رب مـا غـيـرك مـلاذي ومـلـجــاي *** أنـت الـذي لـيــديـن الأشـرار كـبّـلـت
رفـعـت لـك يـا مـالـك المـلـك شـكـواي *** وأطـلـب لـعـلّـك لـلمـطـالـب تـقـبـّلـت
بـك يا ولـي الخـلـق مـا خـاب رجـواي *** بـك استغيـث ولـك خضعـت وتذللـت
يا الله عسـاي ابلـغ عـلى غـايـة منـاي *** انـت الـكـريـم ولا لـغـيـرك تـوسـلـت
يا رب تنصــرني عـلى جـملـة اعـداي *** يـا رب تكعـم كـل زمـره بـهـم فـلـت
نـعــوذ بــك مـن كـل شـامـت وشـنّـاي *** الـلـي يـكنـون الحسـب لـو تـجـملـت
والـلي مـرامـه والهـدف يخلف الـراي *** مـانـي رهـيـن أمـره ولا لـه تنازلـت
يالـلي تريـد جحـود جـهـدي ومسعـاي *** مـواقـفي مـا تـنجـحـد لـو تجـاهـلـت
أفـطـن تـرى مفهـوم قصدي ومعـنـاي *** صرّحـت بالـواقـع وبالحـق جـادلـت
مجهـد بخدمـة عـزوتي ساس مجنـاي *** بالـمـدح والتمجيـد يا مـا بهـم قـلـت
مـن أجلهـم طول الـزمـن رايح وجـاي *** ياما قطعت دروب واقـفيت واقـبلـت
نـوب عـلى الـلي كنـهـا الـذيـب عـدّاي *** عـن غـرفـة السواق ما يـوم حولـت
وأحيان أجوب من الفيافي على حذاي *** انطـح هجيـر القيـض مـا فـيـه قيلـت
خـمـسـة عـقـود ولا تـونـت مـطـايـاي *** مسرع أبـي وصـل الهدف ما تمهلت
كـل يوم عند شخوص الأجواد ملفـاي *** وفـي كـل ليـلـه بالمجـالـس تـعـلـلـت
مـن جيـت لـه يـكـرم قـبـالي وملـقـاي *** ويفرح بـي الـلي في مضيفه تفضلت
عـلى الشحـم والهيـل والبـن والشاي *** وربـاع تـسـعـد كـان فـيـهـا تـوهـلـت
مـا جيـت ابـي مبلـغ احطّـه ابمخبـاي *** لكـن عـلى عـلـوم المـراجـل تمرجـت
من صـرت مـا طمنت راسي وعلبـاي *** ولا يـوم خـدعـت الـرفيـق وتحيـلـت
اجمع نسب عناز مـن مطلـع اصبـاي *** وابحث عـن جـذور القبيلـه ولا زلـت
لاحـظـت يـكتـب بالنسـب كـل خـطّـاي *** وجـزمت لمواصل مسيري وصمّلـت
ومجدت الـلي يفـرح بهـم كـل نصّـاي *** وتـاريـخ مـا ضيهـم كتبتـه وسجلـت
اسبـاب حرصي من دواعـي احميـاي *** واليا غلطـت أن جاني الصّح عـدّلـت
ربـعي ضنـا عـنـاز عـضـدي ويمنـاي *** ذكـرتهـم مـا منهـم الـلي لـه اهملـت
هـم محـزمـي وسنـاد راسـي ومركاي *** مجهـد بجـمع امجادهـم مـا تكاسلت
جملـة نـوادر عـزوتي ترغـب ارضاي *** واللاش غايـة فرحتـه كانـي اخملت
يـوم الـقـبـايـل بـيـن صـايــل وغــزّاي *** كلـن يقـول بساعـة الكـون سـبّـلـت
الـيـا حـدى يــوم الـلـقـاء كــل حــدّاي *** كم فارسٍ يخشى العدو سيفه الصّلت
يـا الـلـي تـبـي ودك تـسـوي سـوايـاه *** مـا توصل المقصود لو كان حاولـت
ريـّح ضميرك ما انت يا صاح وييـاي *** صابـر عـلـى كـثـر التعـب مـا تمللت
أنـا وصلـت الميـد فـي سـرع ممشاي *** وأنـت انعثـرت وبـاد حيلك وهرقلـت
دايـم عـن دروب الخطأ تقصر اخطاي *** والحـمـد للمولى عـلى مقصدي نلت
وأن سرت اميـز ويـن مخباط موطاي *** عـلى القدا عن مسلك الدرب ماعلت
والـلي بـهـرج الـزور قـادح وهـجـّاي *** لا يـفـكّـر انـي مـن كـلامـه تفـشّـلـت
والـلي يهـذرم بالجهـل قـلـت لـه بـاي *** حـكي المجـادل عـن مجـالـه تحولـت
يالـلي بسـمـاج الهـرج بايـع وشـراي *** نـطـقـت بالبـاطـل وللـنـاس ضـلـّلـت
مـثـل الـذي فـي مظـلـم اللـيـل سـراي *** بارض عفاش معكرشه مابها زفلت
مـهـنـتــك دايــم بـالـمـخـالـيـق زراي *** وغـيـر الأثـم والذنب ما اظن حصلت
أن طعتني عالج تـرى العقـل بـه داي *** تلقى الخلـل بالجمجمـه كـان حـلـلـت
انـصـحـك يـالـلـي بالـخـرافـات هـذّاي *** وشـلـون لأنـسـاب القبيـلـه تخـيّـلـت
كـنـّك ابـن سـيــريـن لـلـحـلـم حــزّاي *** ولا لـدغـفـل راسـخ الـعــلـم مــثّـلـت
العلـم عنـك ابـعـد مـن حـدود لا هـاي *** كـيـف عـنـزة سـتـة كيـانـات شكّـلـت
يـامـن غـديـت لشـمـل عـنـاز شـظـاي *** فــرّقــت عــزوتــنـا ولـلـجــد بــدلـت
واصبحـت مـتحـدث وبـالـزور حـكّـاي *** وتسـرد كـلام لكـل غامـض تـوصلـت
مـا لـلـقـيـط أن كـان هـو مـات نـعـاي *** قـدحـت فـي جـد الـقـبـيـلـه وعـزلــت
وحضيـت بالتشجيـع مـن كـل حضاي *** حيثك خثعت ومـع حليف الخطأ ملـت
شجعك اللي في صاحب الصّدق هزاي *** جـازوك حـيـث لـجـد عـنـاز رزلــــت
خـلـك تـكـون بـخـيــر دنـيـاك لـهــاي *** متـرّيح وينـفـخ عـلى راسـك اسبلـت
وصلـوا عـلى الـلي يذكـره كـل قـراي *** يـشـفـع بـيـومٍ مـن أهـوالـه تـهـولـت