ا

القصايد الثلاثة التي أطلق عليهن اسم شيخات القصيد لرجال من عنزة

* القصيدة الأولى من شعر الشيخ مشعان بن مغيلث بن منديل الهذال العنزي شيخ وشاعـر وفارس عاش في أواخر القرن الثاني عشر الهجري وأوائل القرن الثالث عشر الهجري وقتل في الشماسية بالقصيم سنة 1240هـ وقبره بالشماسية وله الكثير من الشعر كتب من شعرة المؤلف خالد الحاتم في كتابه ( خيار ما يلتقط من شعر النبط ) ولكنه لم يتحاصا على شعره ومن خلال بحوثي عن قصص وأشعار رجال من قبيلة عنزة لجمع تراثها فقد جمعت من قصائد الشيخ مشعان عدة قصائد وبعض قصائده غير مدونة في كتاب وجمعتها من رواة القبيلة ومن غرر شعـر الشيخ مشعان هذه القصيدة وقد أطلق عليها اسم ( الشيخة ) نسبة إلى الشيخ مشعان قالها بعد أن اقحطت ديار عنزة في نجد ورحلوا إلى الشمال وتجولوا فترة من الزمن ثم عاد مشعان بعد أن تلقى قصيدة محمد الزناتي التويجري التي ارسلها ماجد بن عريعر ومطلع قصيدة التويجري :
نـجـد تـهـضم بـالـبـكـاء لـلعـمـارات *** ترجي الفزع من سربة أولاد وايل
والقصيدة منشورة في كتابي قطوف الأزهار أما قصيدة الشيخ مشعان فقد ذكر بها مواقع وأحداث يقول :

يا للـه يا مـديـر الـهـبايب والأ دوار *** شانك عسى تصريف شانك لنا خير
يـا الـله يـا عـالـم خـفيـات الأسـرار *** يا معتني بالخلـق والـي المـقاديـــر
قلتـه ونـوم العين عـن جفنهـا طـار *** والقـلب كنه فـوق حـامي المجاميـر
من هاجس بالقلب مـا نـمـت سهّـار *** نـادي نذيـرات الهـواجيس وانـديـر
ونـديـر حـيـلات بالاريـاء وتـبصـار *** وأرجي من الباري عساها مسافير
لـولا شفاتي فيـك يـا نجـد ما أحتـار *** فـكـري ولا كـثـرت عـلي التـفاكـيـر
نجــد الـعذيـه دارنـا مـابـهـا أنـكــار *** لوحـدنـا عـنهـا المحـل والمداهيــر
كـنـا بـنـجـد ديـارنـا مـثـل الأســوار *** نأمـر ونـنهـا نحمي الجـار وأنجـير
حامينها فـي لابــة تسـقـي الأمـرار *** عـدوهـم شـاف الـنكـد والمخاسيــر
سـارن بنـا الزرفـات بـقبـال وأدبـار *** من الغوطة الفيحا إلى غشلة الديـر
مـابـيـن مسـنـادٍ ومـابـيـن مـحــدار *** يـا مـا قـطعـنا بـدربـنا من مشاويــر
يـا مـا تـعـلـيـنـا عـلـى قـب الأمهـار *** وعـيـرات الانضى كنهـن السنانـيـر
يهـومن هـوماتٍ بعـيـدات وأعسـار *** وكم ذيـرن مـن غـافـل مـا بعـد ذيـر
وكم فاجن العدوان غـرات وأجهـار *** ويا مـا تنحـوا عن نحاهـن مدابـيـر
ظـعـايـنٍ حـطـن مـلــك بـسـنـجـــار *** وبنـن على الخابـور زيـن الدواويـر
وتواهلـن الـزور حـصن لهـن كــار *** ومن البطين اليـا الـرهـا والمعاميـر
وكتن مع الحاوي وداجن بالأمصار *** وخذن خفـارتـهـن بـفكـر وتـدابـيـر
حطن على السلمان طيحات الأمطار *** وصارت لهن خضرا ولينه محادير
وأقفـن وكالـن مـن شثاثـا بالأسعـار *** وحـطـن لمـلـوم المسّمى مصـاديـر
ومـرن علـى رجـم الهـيازع وسنـار *** هاجن وماجن ثم داجن على ضمير
راجن على الشنبل وداسن الأخطـار *** وجـابـن حـلال المحمرة والمسامير
ثـم أنـتحـن مـع كـفـة الـشـط عـبـار *** ثـم أنتـون مـع روس هاك العناقيـر
بـقطعـان ينـون الخطايـط والأقـفـار *** يـطيـرن جـول الحـبـاري المخاميـر
قـطعــانـنا تـرعـى زمـالـيــق نــوار *** اليا ما غـدى فوق الأباهـر قـناطيـر
بالقيـض تـفـلا بالهـواري والأزوار *** ومرباعها الوديان وقت المخاضير
نعتاض عن دار عليها الزمـن جـار *** ديـد العسـل فـيهـا تعـيش المفـاقيـر
في ديره يجري بها شطوط وأنهـار *** والتـمـن المجروش ملي الجواخير
مثـل المسوح اللي ترزّم على حوار *** دار مريـه بالشـتاء تسمـن الضـيـر
نــجــد جـفــتـنـا وكـل دار لـنـا دار *** ما هـي معافـه ميـر جوع ومداهيـر
نـروم مـن زيـن الـمنـازل ونـخـتـار *** ونستـارد الـخـوة بـحـدب البواتيــر
جـانـا الخـبـر يا لابـتي ولـيـت الدار *** حـلـوبهـا الأجـنـاب هـم والبـقـاقـيـر
حتى نخونا الـلي عـلى نجد حضّـار *** وجتنا رساله من زبـون المقـاصيـر
من ماجـد بـن عـريعـر حـر الأوكار *** يـقـول حـل بـداركـم ..... و........
الشيخ اللي حيّف على البيض بلغار *** يـقــول ولـيـت داركـم يـا لمناعـيـر
أولاد عم ومـا حـذانــا لــهـــم جــار *** وحـنـا عليهـم نحمي الجار وانجيـر
أولاد عــم ولا بـنـا قــول شـبـشـار *** وشـيـخٍ لـنـا عـنـده جــلال وتـقـديـر
ولابــد مــا نــاتــي لــبـانــات زوار *** باسـلاف عجلاتٍ تـعـدّى المضاهيـر
وجينـاه مثـل السيل طمّـام الأوعـار *** اليـامـا غـدت عنـه البوادي شعاثير
وهــج المعـادي مـا لـقيـنـاه بـالـدار *** زبـن على الحـرة وذيـك الشناخيــر
وين أنت يالـلي تايهه منك الأبصار *** جيناك حولـه من شثاثـا وأبـا القيـر
خـلـن فـوق الشبك عـج الرمـك ثـار *** وحلـوا هـاك اليـوم خـز المعـاشيـر
وأركـن على ورد الدجاني لهـب نار *** وغـدوبهـا الويلان مثـل المـداويـر
وشـدن وحطـن الثمامي بـالأيـسـار *** وخلن على العدوان مثـل المعاصير
باغـي عليهم صايـر مثـل ما صـار *** ذبـح الشفـايـا وأغـتنـام الخـواويــر
وأبـا ......أصـبـح مـقـيـم ولا ثـــار *** وجابـن حـلال المحمـرة والمسامير
كسـيـرة مــا قـط ذكــرت بــالأذكــار *** فيها القـلايـع مثـل روس الخنازيـر
صحنا عليهـم صيحـة باللقـا الحـار *** حـتى جبرنـاهـم عـن الــدار تجبـيـر
حنـا شبات الحرب لا صار ما صار *** وتـوايـقـن بـيـن الحنـايـا الـغـناديـر
حنـا الـذي تـرجـع لنـا كـل الأشـوار *** الـيـا صار بالـقالات شّـوار وأمشير
حنـا بـنـي وايـل بـعـيـديـن الأخـبـار *** الـيا تـلاقـوا بـالجـمـوع المشـاهيـر
حنـا أهـل الجمـع المسمى اليا سـار *** مركاضنـا يشبع بـه الذيـب والطيـر
وصلاة ربي عـد مـا بـالسـماء طار *** وأعداد ما وردت ظوامي على البير
على الرسول المصطفى سيد الأبرار *** نـور العـباد الـلي يشيـع التباشـيـر

( وهذه قصيدة محمد بن مقحم الصقري المسماه الشيخة وقصّته مع جاره )
هذه القصيدة اعجب بها الأمير محمد العبدالله الرشيد وتمنّى أن قائلها شمري وسماها شيخة القصيد وسبب القصيدة نزل عند قبيلة الصقور رجل من أحد القبائل وكان مطالب بدم من قبل جماعته ومن عادة الرجل الغريب عندما يحل في قوم يجاور شخص من رجال القبيلة ويكون بحماية هذا الجار خاصة ورجال القبيلة عامه وقد نزل هذا الرجل في جوار الشاعـر محمد بن مقحم النجدي من المكيتل من الجلال من الصقور من عنزة المتوفي في حدود عام 1260هـ تقريباً وبعد مضي مدة من الزمن ترعرع للرجل أبن سيء الأخلاق فتأذى منه النجدي وحاول أن يتلافى ما بدر منه ولكنه أستفحل أمره فصعب على مقحم أن يقتل أبن جاره وطرت على باله فكره أن يستحث كبار جماعته الصقور لكي يقومون بزيارة لغريم جاره لعله يعفي عنه ويقبل الديه ومن ثم يرجع لجماعته ويتخلص من شر أبن جاره وفعلاً تم ذلك بحيث قاموا وجهاء قبيلة الصقور بزيارة غريم جارهم وأعفى عنه مقابل ديه دفعوها الصقور وعاد لجماعته وسبق وأن نسبت هذه القصيدة لمقحم الصقري ثم أتضح أنها لأبنه محمد وقال :

يـا الـلـه يالمعـبـود يـا والـي الأقـدار *** يا فـارج الشـدات لـو هـي كليـفـه
أنـت الـذي تـعـلـم خـفـيـات الأسـرار *** معـيش الخلنـد الـلي عيونه كفيفه
يـا رب يـا رحمـن عـاون هـل الكـار *** يا معاون العـبد الضعيف وسعيفـه
الـلي مـجـالـسهـم بـهـا بـن وأبـهـار *** ونجـر يصوت للهواشـل رجيـفـه
الـلي صيـانـيهـم وسيـعـات واكـبـار *** ومفـطحـات الحيـل للضيف ضيفـه
تـقـليـطهـم للضيـف قـعـدان وأبـكـار *** وحيـل الغنم وقت السنين الحفيفه
حنا كما المشخص اليا طـب مـا بـار *** بالـوزن يـرجح بالدراهـم صريفـه
حـنـا لـك الـلـه نشعم الـنـار بـاوجـار *** ولا نـنـزل ألا بـالـديـار الـمخـيـفـه
وحنـا لك الـلـه من بعيديـن الأخبـار *** والنفس ما نلحق هـواهـا حسيفه
وحنا لك الـلـه دوم نبعـد عـن العـار *** ولا نقبـل العـيلات لـو هي طفيفـه
وحـنـا لـك الـلـه لـلمعـاديـن جـنـزار *** والجـار مـا نجـفـاه لـو بـان حيفـه
وحـنا لـك الـلـه مـن قـديـم لـنـا كـار *** عـن جارنـا ما قط نخـفي الطريفـه
نـرفى خـمالـه رفـيـت العـش بالغـار *** ونـودع لـه النفس القـويـه لطيفـه
الجـار مـا نـذكـر خـمالـه ولـو جـار *** وجاراتـنـا عـن كـل عـايـز عـفيفـه
ما زارهـن مـن يـبغي الحيـف زوّار *** ألا ولا عـنـهـن نـدس الـغـريـفــــه
وعن المهونه والردا جارنـا مـجـار *** وبرباعـنـا يـلـقـا ونـاسـه وكـيـفـه
والجـار لـه قـيمـة وحشمـة وتعبـار *** نضحك حجاجه بالعـلـوم الظـريفـه
نـبـغـي أن كـانـه بـدل الـدار بــديـار *** وقـام أيتـذكر ما حصل مـن حليفـه
يـعـد مـا شافـت عيـونـه ومـا صـار *** والـكـل فـي جـاره يـعـد الـوصيفـة
جـار عـلـى جـاره بـخـتـري ونـّـوار *** وجـار عـلـى جـاره صفـاة محيفـه
ولا بـد مـا تـذهـب تـواريـخ وأذكـار *** والطيـب يشـرى بالعمار القصيفـه
الطـيـب نوهـاتـه صعيبات واعسـار *** مبـطي لدسمين الشوارب وضيفـه
نكرم سبال الضيف في غلو الأسعار *** يوم أن خطو اللاش شح برغيفـه
يـا مـزنـة غـراء مـن الـوبـل مبـدار *** بـرقـه جـذبـني مـن بـعـيـد رفـيفـه
هـلـت مـن الـقبـلـة هماليـل الأمطـار *** من سيلها الـوادي غدالـه وحيفـه
تنـزل عـلى الـوديان من ديـم مدرار *** وتصبح بهـا ريضان ربعي مريفه
صبح المطر فاحت بها ريح الأزهـار *** وتخـالـف النـوار مثـل القـطـيـفـه
تـرعـابـهـا قـطـعـانـنـا سـر وأجهـار *** تقطف زهـر مرباعها مـع مصيفه
قـطـعـانـنـا مـا تـرتـع بـدمـنـة الـدار *** تـرعى زمالـيـق الفياض النضيفـة
ترعى بحـد السيف قصاف الأعمـار *** في ضل مروين السيوف الرهيفـه
فـي ضـفـة الـلـه ثـم جـبـر وجـبــار *** خـيــالــة يــوم الـمـلاقــا عـنـيـفــه
ترعى من البكري الـيـا خشم سنّـار *** مـا حـده الـوادي لـرجـم الحـتـيفـه
تسمن بها العـرا مـن الـذود معطـار *** غـبـوقـة الخـطـار عجـل عـطـيـفـه
يـبني عـلـيـهـا بـنيـت الـلبـن لجـدار *** عقب الضعف صارت ردوم منيفـه
أن سوهجوا عنها معاميس الأبصار *** حـنـا نـرد الـلـي يـبـيـهـا نـكـيـفــه
حـلـويـن للصـاحـب وللخصم جنـزار *** وعـدونـا لـوهـو بـعـيـد نـخـيـفـه
ما هي سوالف مسرد عقب مـا نـار *** مـع العـرب يشبـه لخطـو الهـديفـه
الصبر مفـتـاح الفـرج عـنـد الأذكـار *** ومن لا صبـر تصبح حوالـه كسيفـه
خطـو الـولـد مثـل البليهي الـيـا ثـار *** زود عـلى حملـه نقـل حمـل أليفـه
يشـدا هـديـب الشـام حمـّال الأقـطـار *** الـيـا زودوا حملـه تـزاود زفيفـه
وخطو الولـد مثـل النداوي اليا طـار *** صيـده سمين ولا يصيـد الضعيفـه
وخطو الولد فعله على موتت النـار *** صـفـرٍ عـلـى عـود تضبـه كتـيفـه
وخطو الولد كوبان ما يقـرب الحـار *** لا نـافـع نـفسـه ولا مـنـه خـيــفـه
وصلاة ربي عـد ما أخضر الأشجار *** على الرسول اللي علومه شريفـه


القصيدة الثالثة التي أضيفت للقصائد التي اطلق عليها اسم الشيخة هي قصيدة الشاعر محمد بن حسين الدسم الدوامي السبيعي وسبب الاسم لما فيها من الحكم والمواعظ من تجارب الحياة حيث عاش محمد الدّسم حتى بلغ المائة سنة وقد نشر بعض أبياتها البحاثة الأردني روكس بن زايد العزيزي في كتابه معلمة التراث الأردني ونسبها لغير صاحبها وسبق وأن نقلت جميع قصائد محمد الدسّم رحمه الله من الراوي مطلّق الدوامي رحمه الله ونشرت معظم شعر محمد في كتابي ( المجموعة الكاملة لقطوف الأزهار ) وهذه القصيدة قالها نصيحة لأخيه أبو زعزوع يقول :

يا أخوي لك عنـدي وصـاة مصيبـه *** ترى وصاتي تلمس العقل وتصيب
تـرى وصـاة أخـوك مـابـه مـعـيـبـه *** ما دام أخـوك مكمل العقل وامنيـب
لا بــد أمــوت ولا ذرى تـتـقـي بــه *** وأخشى تـوازى للدروب الضنابيب
سـمـر الـلـيـالـي مـا تـعـلـم بـغـيـبـه *** ولا يعـلم الا صاحب العـلـم بالغيـب
ودي تـحـّرص عـن بـلا كـل ويــبـه *** ويصير بـك عـرف وكمال وتأديـب
ولا الـمـقـدر صـار مـا يـنحـكـي بـه *** مـا ينمحي هـذا مـن الـلـه مكاتيـب
افـهـم وصاتـي كـان قـلبـك يصيبـه *** تـطلعـك مـن كـل الأمـور الحـراديـب
أول وصاتـي بـالـفـروض الأديـبـه *** صـوم وصـلاة وأد كـل المـواجيـب
وثـاني وصـاتي للأمـور الصعـيـبـه *** أصبر وبأمر الله تهون المصاعيب
جـرح عـبـي لـه مـا يكلـف طبـيـبـه *** ولا فـيـه شـي الا مضالـه تجاريـب
وثـالـث وصـاتي تـلعـةٍ يـنعـدي بـه *** تـلـقـا عـلـيـهـا بـيـنـات المسـاريـب
والـلي عدابـه ذيـب من بطـن ذيبـه *** ولا واحـدٍ عـدابهـا غـيـر هـو ذيـب
تـرى هذاك العـرف مـن غير ريبـه *** راعـيـه مـا يطلـب ولا لـه مطاليـب
ورابع وصاتي كثـرة الهـرج خيبـه *** هـرج بـلا معنـاه مسموج وايخيـب
لا صـار مـا عنـدك عـلـوم غـريـبـه *** وسط الرجال ترتب الهرج تـرتيـب
وخامس وصاتي خفة الرجل عيبـه *** من كثر الدوجات يركض له العيـب
أن كـان مـا عـنـدك لـوازم تجـيـبـه *** تنحر لزومك كان ما جـاك واتجيـب
وسادس وصاتي لك معـزه وهيبـه *** عليـك بسفن البـر حرش العـراقيـب
ولا يعجبـك زبـد الغـنـم والـرويـبـه *** ترغب لحوش الضأن وتخلي النيب
راعي الغـنم يشيب مـن قبـل شيبـه *** والـبـل معـزة تجـلي الهـم والشيـب
إلـى اشلهـب الوقت لـو هـو حليبـه *** يـوصلـك لـديـار الهنـا والتعـاجيـب
وسابع وصاتي كـان صابتك سيبـه *** وتقـدر عـلى كثر الثمن والمطاليـب
بنـت الحمـولـة والأصيـل العـريبـه *** الـلي اقـتـنـاهـن نـال لـذة وترغيـب
والـلي اقتـنا بنـت الـردي والهليبـه *** أصبح بـهـم وجنـب الـربح تجنيـب
والعـوز يـرث لـك مـذلــه وريـبـــه *** أردى الرجال الـلي يسمونه السيب
عـليـك بالسقـمـة ولـو هـي تعيـبـه *** مـا دام بـك حـيـل تـنـط الـمـراقـيـب
تـرى كـثـيـر الـمـال كـلـن حـبـيـبـه *** ينقال له فت جاي لو ما فعـل طيـب
ومن قـل مالـه صار شنٍ أروي بـه *** لـو كـان طيّب يكثـرن بـه شواذيـب
وثامـن وصاتي علمهـا ينحـري بـه *** تـرى الدروب الفاسدة فعلهـا ريـب
درب الـدنـس والعـايـزة والقـريـبـه *** تـرى هـذيلـن مـن كبـار العـذاريـب
ثـنتيـن مـن داخى عليهن احكي بـه *** والعلـم يضهر من أذان الأعـاريـب
مداخي على عرضه مثل شق جيبه *** ومداخي على وجهه تعيبه معاييب
وتاسع وصاتي عـن مناقـر شريبـه *** لا صار ماهو من وساع المساريب
خـلـه ويـلـقـا بـالـمـوارد لـعـيـبــــه *** عـنـد الـمـوارد يكثـرون اللواعيـب
ومـن دوّر العيـلات غـربـل نصيبـه *** احسب حسابه من حساب المذاهيب
ومن تـرك الشيطان حقه غـدي بـه *** ومن هاب طبات الملاعيب ما هيب
عـن واحـدٍ يـبـلاك أو تـبـتـلـي بـــه *** حـديــكـم يـنـاحـر ديـار الأجـانـيـب
وعاشر وصاتي كـان حلت مصيبـه *** وبـلاك ربـك وابتـلـوك المغـاضيـب
أحـذر تـمضي مـا تـسـمى غـلـيـبـه *** أمض وتبيّن عـن لحاق المشاعيب
أزبن عـلى حصن الرجـال الصليبه *** الـلي يـحـلـون الـعـقـود المنـاشيـب
الـلي زبـنهـم مـا يـجـي لـه طـليـبـه *** عـده بعيطـا عـن سمـوم اللواهيـب
ومن غيرهـا عندي وصايـا عجيبـه *** لا فـكـر الفـاهـم يـصيـب المتـاريـب
الـكـل مـنهـن يـوم تـفـطـن صعيـبـه *** والـكـل مـنـهــن يلحقـنـك مشاعيـب
عـنـدي وصـايـا لـلـعـقـول اللبـيـبـه *** لـلي يضـمـه بالضلـوع المحـاديـب
الضيف ضيف الـلـه وصابه حبيبـه *** أستقبل ضيفك في تهـلي وترحيـب
قـلـط لـه الميسور ومـا هـان جيبـه *** وأحلف عن المذخور دين المعازيب
وخـويـك الـلي بـالـخـلا تـبـتـلي بـه *** خـيـال ولا فـوق عـوج المصـاليـب
أو من مشى رجـلي ولا لـه نجيـبـه *** أو عـورة يـبـلا بـهـا عـالـم الغـيـب
أصبـر وراعي الصبر مشكور طيبه *** عنـد اللي يدور الفخـر والمراتيـب
وقصيـرك الـلي واجـبـك تعـتني بـه *** وصابـه الـلـه لـه كرامـه وتوجيب
حـقـه عـلـيـك تـزود الـقـدر هــيـبـه *** اليـاما يروح بزود حشمة وتوجيـب
والعـبـد لا بـد مـا كتـب لـه يصيـبـه *** والـلي تجنب تايح الرمي ما صيـب
الـشـيـوخ والـحـكـام زمـل مـنـيـبـه *** بهـم عمـار وقضي لازم وتخـريـب
مـا ينومـن من شـان منهـم حليـبـه *** عقـب الصداقـه ينقلب كنـه الشيـب
أهـل خـفـايـا وغيـبهـم مـا دري بـه *** يتحـدرجـون بـدون عيـب وتذنيـب
عـشـرانـهـم أهـل الـعـلـوم العجيبـه *** وصدقانهم مـرويـن حـد المغـاليـب
وأن كـان مـا حـدا الـثـلاثـة تجـيـبـه *** مالك بهـم والدرب شرق وتغاريب
خـويـهـم مـا يشتـهي نـفـض جيـبـه *** حكـاي وجهيـن يـقـص العـراقيـب
هــذي يــوديــهــا وهــذي يـجـيـبـه *** وهـذي يسويها بين صدق وتكذيب
واللي حكى بين الصحيب وصحيبه *** مخرب ويخرب بين ناس اصاحيب
سـوالـفـه دايـم نـمـيـمـه وغـيـبـــه *** ولا يستحي كوبان من كلمة العيـب
راعـي الـنـقـيـلـي لا تـوارد قـليـبـه *** خـل الردي ما فاد قربـه ولا ايثيـب
حذراك لا تـنـزل جـوانـب شـعـيـبـه *** وبالك تحطه ياأبو زعزوع بالجيب

ونضيف في هذا الموقع قصيدة الشاعر عدوان بن راشد الهربيد الشمري دفاعه عن حقوق الشعراء من الشيوخ والفرسان ولها قصّة معروفة وهي جواب لكلام سمعه من رجلين من قبيلته عندما نصحهم بالمسير لديارهم بعد أن توغلوا في ديار بعيدة عن ديارهم وقال اسماعيل وسعيد ( كل شاعر زاروبة ) وهو شاعر حكيم وهذه القصيدة يعدونها من شيخات القصائد وبها رد اعتبار للشعراء وهو يثبت أن ليس كل شاعر ( زاروبة ) والزاروبة هو الرعديد الخواف الذي يرجف بالقوم ويحطم عزائمهم وقد ذكر أربعين شاعر من المشائخ والفرسان كنموذج لبقية الشعراء وقد أخذته الحمية بالدفاع عنهم بالحق رحمه الله وهذا الرجل جميع الشعراء مدانين له بالشكر والعرفان قال :

المجلس الـلي بـه إسماعيل وسعيـد *** ينعـاف لـو انّـه عـلى الكـبـد غـالي
إسماعيـل ماسمته سموت الأجـاويـد *** وسعيـد مـا داجـوا عـليـه الرجـالي
غيّا لـك الضمران والفـرس يا سعيـد *** يا جعـل ما لحميض الأطعاس تـالي
يا سعيـد هـرجـك بـه مغيـر وتراديـد *** تـوقّ من الهرج الرخيص الجمالي
هـرجٍ عـلى اكتـاف العـذارى مناقـيد *** ولا يطيّـب الصبيـان كـود الفـعـالي
أنــا بــلاي مــزهّـبــيـن الــبــواريــد *** أهـل الـسـيـوف مـيتّميـن العـيـالي
أخـاف مـن قـوم تـجـيـنـا مــواريـــد *** تـضـيـمنـا يـا سعـيـد بـالاحـتـمـالي
اخـاف مـن قـوم تـجــيـنـا عـراجـيــد *** تبني عـلى روس الندف له ظلالي
مـا بـيـن شمطـان اللحـّى والأوالـيـد *** نـقـوة عـيـالٍ فـوق مـثـل السـلالي
مركاضهـم يا سعيـد مـابـه تصـاديـد *** ذبـاحـة الـطـيّـب نـهـار الـقـتـالـي
يا سعيد لـو تضرب على دارة الديد *** بشلفـا تسـلّ الـروح لهـا اشتعالي
بـديـار قطعـان البقـر مـرتـع الصيـد *** ماعندك اللي عن أحوالك يسالي
ذرب ٍ جوابك يا فتى الجود يا سعيد *** عن قـولـةٍ ثـري سعيـد استزالي
عمّيـت بالسّايـة جـميـع القـواصيـد *** مـا قـلـت بالشعّـار طامـن وعالي
عميـت نـمـرٍ والمهـادي وابـو زيـد *** عزّ الضعن حبس الكمين الهلالي
ومشعـان والطيـار وعقاب وعبيـد *** وعبدالله المصطور فـرز العـيالي
والعسكري ومصيخ وهديب ورشيد *** وحسين حـمّـاي الركـاب التوالي
وجمل وابن حثلين والفـغم وفهيـد *** وعنتـر اليا ما عادل الشيل مالي
وصعب من الصيداد سقم الأضاديد *** وبرجس دلال معبّسات الشمالي
وعـرار وعميـر هـل الكـود والكيد *** وبريـك محـيي بالركاب الهزالي
وحطاّبٍ اللي بالصحن ينفض الغيد *** وساجـر مسوّي للذلول النعالي
ورميزان هو والعرفجي ذاك ويزيد *** وابن سميراللي بقرن الشمالي
وابن دعيجا الـلي كمـا بيتـه الحيـد *** وسعود ابن سعود راعي العمالي
وشـايـع مصلح بالفـلاة المـفـاريـد *** وجارد ملـفّي بالشخيـل الجـلالي
ومغير بن غازي ونومان يا سعيد *** زبن الحشور اليا اعتلاه الجفالي
والاشمل الـلي مـن منـاه التحاميد *** ومطلـق مطبّـق بالغـديـر الزلالي
وجـديـع نحّـار السمان المصاعيـد *** وفـهـد زبـون مجنفرات المتالي
حتّى الشريف اللي يقولون ياسعيد *** مودع مع الدعثور مثل الغزالي
وجريسٍ الـلي كرمتـه كنّهـا العـيـد *** وحاتم بعد معطي العطايا الجزالي
ربـعٍ بهـم يا سعيـد صـدرٍ وتوريـد *** وفـهـقٍ وتقـليـطٍ وفـتـل وفـعـالي
يا سعيد انـا ثنـواي دون الأجاويـد *** أهـل الصحاف ومتعبين الـدلالي
عشرين مع عشرين لنقص ولازيد *** وافين من غير القصيد الفعالي
حتّى انت مابك عن ربوعك مقاعيد *** وانـا بعـد مثلك عـلى قدّ حالي
وصـلاة ربّـي عـد مـاهـلّ من عيـد *** على شفيع الخلق عدّ السهالي

وقد عد الشاعر عدوان الهربيد أربعين شاعرا بين شيخ وفارس لكي يوضح لسعيد وإسماعيل أن ليس كل شاعر زاروبه .

صح لسان الشعراء العايشين
ورحم الله الشعراء المتوفين
ولاهنت على النقل الوافي ..



الرابعه الملحمه الوائليه للاسمر الجويعان

وهي بقلم الاخ سعود العنزي

الملحمه الوايليه.... للاسمر الجويعان


يالله يامشفـي الجـسـوم العليـلـة=ياللي خلقت من العـدم كـل وجـدان
خلقـت مخلـوق وعينـك تخيـلـه=مابين كاف ونـون كونـت الانسـان
أنـت الـذي رزق الخلايـق كفيـلـه=يارافع سمـك السمـاء دون عمـدان
أدعوك بـأ سمـاك العظـام الجليلـة=يالجـود لمأجـود ياجـزل الاحسـان
ياواحـد ماغيـر عفـوك وسيـلـه=لقدرتـك عبـدك فقـيـرا ومـنـدان
أحمـدك يالمعـبـود لـيـه قبيـلـه=ربعي هل الجدعـا سلايـل سليمـان
قصيرهـم ظـل المـعـزة مقيـلـه=يمشي طويل الرأس من غير حقـران
أن جاء نهـارا ساعـة بـه طويلـه=ملكادهم يشبع بـه الذيـب سرحـان
الخيـل بالفرسـان يرهـق صهيلـه=غاب اليقين وحاضـر كـل شيطـان
ربعـي مرويـن السيـف الصقيـلـة=جعافـرة عنـد القبائـل لهـم شـأن
ياما ارملـوا بافعالهـم مـن حليلـه=وساعدهم الايمـن خلايـف عليـان
اللي جهـل يسمـع عقـاب وجيلـه=ينبيك عنهم حاضـر الفكـر فهمـان
هـرج صحيـح واضـح لـك دليلـه=محمـد الاحمـد بعثـهـم بـديـوان
ذاك السديـري ماعلومـه هزيـلـة=حـرا تربـى بالمعـالـي ورفـعـان
ماولـف الا ضـو ذكــر حكيـلـة=قول على قـول تقـول العـرب كـان
لـولا أجـواد النـاس مالـه عقيلـه=تاريخ عـوق الخيـل شيبـا وشبـان
خيالنـا لـو تسـألـون الكحيـلـه=تشهد لنا صمك الرمك والخفـي بـان
مـن لابـة تزبـن دخيـلا يجيـلــه=دخيلهم عن واهج الشمـس ينصـان
أولاد وايــل كاسبـيـن النفـيـلـه=والهرج مايثبت علـى غيـر برهـان
هـل الفعـول الطيـبـة والجزيـلـه=وايل لهم بالمجـد منـزل ومسكـان
عـدوهـم يسقـونـه الحنضليـلـه=يجرع من العلقـم قراطيـع ويهـان
يـوم البـرى رده عميـل لعميـلـه=الجمع يزبـر والوغـى بينهـم حـان
نشت بهـا سحـب المنايـا المخيلـه=بمصقـلات الهنـد ومـزرج الـزان
الموت يزجـر واحمـر الـدم سيلـه=وربانهـا قـب تصاهـل بفـرسـان
تلاحمـت بيـن الخصيميـن خيـلـه=الخيـل تنهـم والعرينـي بالايـمـان
معـاركـا دارت رحـاهـا مهيـلـه=تصرخ بها خضر النمش واللغا شـان
خيالنـا تـاطـا الحـوافـر قتيـلـه=اليا سمك عج الرمك خلف الاضعـان
اليـا عثـا بالخيـل فعلـه فصيـلـه=سيفـه الهامـات المناعيـر ديــان
ملكادنـا يشفـي الطنـا والغليـلـه=تشهد لنـا جـرد السبايـا بالاكـوان
وذيقـار شاهدنـا وغيـره مثيـلـه=ارامل المنـذر حماهـا ابـن شيبـان
المنذريـه يــوم جتـنـا دخيـلـه=حنـا زبنهـا يـوم لـوذات الاذهـان
جتنـا تسوقهـا الـبـلاوي ذليـلـه=وعدنا لها مجد الشرف بعد الاحـزان
حنا كسرنـا جيـش كسـرى وفيلـه=وعما نـوى حنـا جزينـاه حرمـان
حنا هـا الجمـع الـذي ينعنـي لـه=نكسر جحافل غازيـا شـن عـدوان
ماننهـزم عـن حقـنـا مستحيله=وحنـا نفـرق بيـن خـل وخــلان
حريبنـا يجـرع قراطـيـع ويـلـه=يشكـي غلايـل فعلنـا راح ندمـان
بالمعركـة نجـزاه بأشنـع سحيلـه=نكسـب مفاخيـر المعـارك بميـدان
عبرت عـن عصـر ورثنـاه نزيلـه=يوم الفرس والسيف وعنـان وسنـان
والنـاس كـل صـاع حـق تكيـلـه=ماهـي مذمـة للفبـايـل وبهـتـان
كـلا علـى حملـه صبـورا يشيلـه=اثبت على ماقلـت والفعـل سلطـان
أفعالنـا عـنـد الـمْـورخ نبيـلـه=كـلام ابـن كلثـوم يثبـت بوكـدان
الـيـا نـوانـا جـاهـلا نعتنلـيـه=وبجهلنا نجهـل علـى كـل جهـلان
اليا انهضـم راع الضلـوع الهزيلـه=تلقـى فعايلنـا جزيـلات وسـمـان
اجموعـنـا بالـحـرب ماينقويـلـه=دسنـا رواسيهـا وسدنـا بالاوطـان
سدنا الجزيـرة ونعـدل ميـل شيلـه=وحنـا جعلنـا كـل قاسيـا لـيـان
من شرقـي البحريـن لحـدود نيلـه=نامر وننهى مانـداري بهـا أنسـان
وايـل سلاطيـن العـرب تنتميـلـه=ومنا كليب اللـي قطـع رأس حسـان
ومنا بطـل ذي قـار مزبـن دخيلـه=وحتى عمر والزيـر بالاصـل ويـلان
ومنـا المثنـى قـاد جنـد بسيـلـه=جيش عرمرم يـوم تحطيـم الاوثـان
يـوم سهومـه مثـل وبـل الرفيلـه=والسيف من سفك الحمر ذاك رويـان
ومنا الملـوك اللـي خطاهـم ثقيلـه=اسياد تعرب مـن قديمـات الازمـان
ستـر العـذارى ناقضـات الجديلـه=ماعقبه مفـرن علـى الحـق عيـان
أفعالهـم شـر الضغانيـن تزيـلـه=تقضي علـى حاسـد وظالـم وفتـان
المقرنـي مـن عــزوة نعتزيـلـه=عـن الجزيـرة زاح ظلـم وطغيـان
عبدالعزيـز اللـي قمـع كـل عيلـه=رام المعالي واعتـلا المجـد بمكـان
حتـى بحـد السيـف جـوه صفيلـه=وسبع الخلا من الخوف مايقرب الضأن
هـو الـذي شكـر الثنـا يستويلـه=تنشر له البيضـا علـى راس مابـان
ومنا الصباح اللي بهـم عـدل ميلـه=بطرافهـم يعيـش عايـب وعجـزان
نفوسهـم بالمـال ماهـي بخيـلـه=صبـاح والاسـرة مجاذيـب عقبـان
ومنـا الخليفـة عـز مـن يلتجيلـه=هل الصخا والجود عطبيـن الاطعـان
شيـوخ لهـم بالضـد حيـل وحيلـه=حكـام بالبحريـن لهـم الهـواء زان
ومنا مصـوت بالعشـاء كـل ليلـه=يزهم بعال الصوت لمن كـان جيعـان
اللـي يصـوت بالسنيـن الوخيـلـه=بيتـه ينـادي بالكـرم كـل الاحيـان
ومنا الدريعي يـوم يسحـب صقيلـه=سيفه يشيل الراس من فوق الامتـان
لعيـون حصـه مايمصـه نجيـلـه=ماعاد يتلى الخيل مهـرة ولاحصـان
ومنا عقـاب الخيـل مـرذا الاصيلـه=ومسكت الورع العجي وابـن هـزان
هزازنـه والمـدح فيـهـم نحيـلـه=ان جاء نهـار فيـه رجـف ورنـان
وجديـع ابـن هـذال مابـه جهيلـه=وساجر مسوي للنضا سبـت صفيـان
وبرجس غدير الموت حامـي الدبيلـه=وابا الشيـوخ ليـا توشـح بشامـان
وكنعان يعجـب خفـرة ينتخـي لـه=وابن سمير اللي وراء ضلع حـوران
ومنا اخـو جحلـه فارسـا ينوحيلـه=تعرف ملا كيـده ليـا طـار الايقـان
والسيل يجري مـع مجـاري مسيله=وقولا بلا فعلا طعـن فيـه مشعـان
وهـرج بـلا صـدق قليـل حصيلـه=والهرج ماقل دل وذكره قبـل راكـان
والهرج يكفـي عـن كثيـره قليلـه=ماقلـت زود فـي كلامـي ونقصـان

قال الشاعر محمد النجدي في شيخته:

الا ومــع ذلـك لـك الله لـنــا كـار=عن جارنا ماقيل نخفي الطريفه
ونرفى خـمـاله رفـية العش بالغار=ونودع له النفس القويه ضعيفه

وقال الشيخ خلف الاذن:




وجدي على الشعلان وسامة الدال=اسباب وكاف الحـمـر مـن كردها
اللي الـيـاركـبــوا على كل مشــوال=كم سابقن بالكون عاقوا جهدها


وقال الشيخ النوري ابن شعلان:




مزه وكزه عن خطــات السـلاقي=يقلـط على البارد وينزح عن احــوك
مايـنـبـكــي حــي وزاه الفراقي=ولايـــنكـره بعـد الرفاقه اليا اوذوك


وقال محياء ابالروس الدهمشي:




الضيف بالخبراء يقلط على الراس=ولاداوروا جـــاراتـهــم بالــدنافـــيس
هـم بالقـصيم وبالرياض ابن دواس=واهـل الحـريـق وبالشمال السناعيس

وقال ساكر الخمشي:



مبداي باسم اللي له الصبح ينقاد=يابـــادي ذكــره عـلــى كــل بـادي
تقـبــل دعــاوي واحــد قبلها صاد=حيث الدعاء يذكر مجـادع هوادي


وقال ابن مهلهل الشعلان:





لاشفت ضول الناس بالك تعسه=لاجنبك شر المخاليق خله
ولو عندنا من غيب الايام رسه=الادمي مصلوح نفسه يـدله

وقال محمد بن هذال:



يازيــد ابن مـنــديـل ابـي اوصيك بالهـدى=ترى الـهـدى للـدين مــركز عـموده
واوصيك بالـضـيـف الـذي وان لــفــت به=ظـلـمـاء وولـد اللاش بحـالي رقوده
قــل يامرحـبـا ياضـيـفـنـا جـوف بـيـتـنا=والاجـواد تـقـري ضيـفها من وجـوده
واوصيك بالجــارات ياكــاســب الـثـناء=الاجــواد مـاتـجـعـــل ذراهـا وقــوده
جـــاراتـنــا يازيـــد مـثــــل امـهـــاتـنــا=الــوالدات اللي رضـعــــنـا ديــوده


وقال الشيخ محمد بن سمير:


يابـيـه مـانعطي دخيلن نصانا=لو تجتمع كل القـبـايل والاروام
وحنا عذاب اللي تمثنى رشانا=ماقـف نكد طول الليالي والايام



وقال سلطان ابن جلعود الدهمشي راعي سميراء:




وصية خذها اليانفخة الصور=الـشـح مايودع ضعيـفـن سمينا
والمال مايدفن مع الناس مقبور=ولاينـفـد الامـوال مـد الـيدينا
ومانـفــدت يمـنـاك قدام لك نور=واللي تخـلـف فرض للوارثينا