[size="6"]الأخوين حمد الضوي والرجال العنزي شاكراً ومقدراً مشاعركم نحوي أما الشيخ الأمعط رحمه الله فهو يستحق كل ماقيل به وسبق وأن قلت :

ولا الحصان اللي خرشك برهيمه *** الشيخ أبو صالح عدته الملامه
شيـخ نـهـار الكـون يلـطـم لطيمـه *** يسهـر عـدوّه مـا تـهـنـا بمـلامـه
شـيـخ اليـا لاقـا خصيـم خـصيـمـه *** يرفع علم نصره ويحمل وسامه
شـيـخ اليـا صـارت بالأيام عـيمـه *** يكـرم اليـا شح البخيـل بطعـامـه

ومن قصيدة قلتها بالشيخ صالح بن الأمعط رحمه الله عندما من الله عليه بالشفاء قلت :

يـزول شـّرك يـا زعـيـم الـقـبـيـلــه *** والحمـد لـلـه يـوم طبـت وتعـافيـت
يـا عـل عـنـك البـاس ربـي يـزيلـه *** وياعل يحميك الولي حامي البـيـت
يا أبـو طـلال الـلي فعولك جـزيـلـه *** الكـل يفرح يـوم مـن غيبتـك جيـت
مـاجـور يـا نسل الشجـاع وسليلـه *** الذيب الأمعط طيّب الذكـّر والصيت
أبـوك شيخ ومـن تضايق يجـي لـه *** أخـو ذكـر علمه مثـل ساطع الليت
أخـو ذكـر يـوم الـزمـن مـال ميـلـه *** ما قـال من كثـر الهواشل تـوذيـت
ما غاض بيتـه من ضنا عبيـد ليلـه *** يمشي بلازمهم ويذبح لهـم عـيـت
اليـا وقـع حـمـل العـبـيـدي يشيـلـه *** جـمـّع نزايع لابـتـه عـقـب تشتيت
عـساه يـنـعـم بـالجـنـان الظـلـيـلـه *** وأنـت العوض بـه للقبيلـه تـولـيت
تحجون من قـلـت عـلـيـه الوسيلـه *** أبــوك وأنــت ولابـتـك مـا تـرديـت
حيثـك من اصحاب الأخلاق النبيله *** مـا يـوم عـن لازم عـوانيـك كـنيـت
تتعب على الطوله وعـلم الفضيلـه *** وتشوم لصروح العـلا مـا تخـفيـت
وتـشيل صعبـات الحمـول الثـقيلـه *** لـو ثقل حملك مـا ذكـر يوم جضيت
مقـدم هـل الجـدعـا حـمات الدبيلـه *** بالمرجله والطيب يا نعم ما طـريت
شجعـان بسروج المهـار الأصيـلـه *** واليا لفيت بيوتهم حـي مـا الفـيـت
عـاداتهـم كسـب الفـخـر والنفـيلـه *** صانوا شرفهم عن ملام الشواميت
يـوم المراجـل بالسيـوف الصقيلـه *** يـروون حـد المرهفـات المصاليـت
قـبـلي ابـو شـايـم ذكـرهـم بـقـيـلـه *** يفخر بهم بالملحمه مثل ما اوحيت
الـمـجـد واسـع والـقـوافـي قـلـيلـه *** ومهما ذكرت افعالهم مـا تحاصيت