السلام عليكمحيَّاكم الله يارْجال
<b>

• عطني ياهاب الريح من وقتك شوي
  واسمع كلامي كان مابه كلوفه
  
  سخر جهودك في رضا الواحد الحي
  والفرض لاتغفل من اول صفوفه
  
  لا تمنع الناصح ليا قال ياخي
  خذ مايفيد وزايد الهرج طوفه
  
  لا تطرد المقفي ولاتشاور العي
  قدّام ياكلك الندم والحسوفه
  
  ترى حكيم الشور ياخذ ويعطي
  نفسه من الراي الدناوي عيوفه
  
  ولا تقرب الشبهه ولاتخاوي السي
  عليك باللي طيباتٍ وصوفه
  
  من رافق الطيب شرب صافي المي
  ومن رافق الهافي جفا الما كفوفه
  
  ولا تنكر المعروف لو انه شوي
  من قدّم المعروف رد معروفه
  
  وادمح خطا الطيب لياصار مخطي
  واقبل معاذيره وقدر ظروفه
  
  ولا تنهر المحتاج لاجاك مبلي
  خسارةٍ في فعل خير مخلوفه
  
  واطلق حجاجك لقبل الخاطر وحي
  بشاشة الطيّب كرامة ضيوفه
  
  ترى الكريم معان بالخير مرهي
  من يترك الماجوب جعله ذلوفه
  
  لا تقطع الرفقه ولو حبلها لي
  حبل الرفق من يفلته بان خوفه
  
  رجلٍ بلا ربعه من الناس مجفي
  لابد صكات الليالي تحوفه
  
  لاصار في عينه مايشوف البشر شي
  ترى البشر في عيونها ماتشوفه
  
  ومن عوده حظه على بارد الفي
  لابد لفحات ا لسمايم تلوفه
  
  ومن ساقته نفسه على سكة الغي
  صعبٍ عليه ليا تمادى نكوفه
  
  ترى الليالي تطوي ايامنا طي
  يالله بحسن الخاتمه والمروفه
  سعد بن جدلان

  
  
  

</b>

السلام عليكم..

الغـيـب ما يعـلم لكن العقـل ساس الاخـتراع

ليا اشتغل عقلك عرفت الناس وش فقلوبـها


وان كان منته مستـفيد من الدماغ الا الصداع


ما غيـر حـظ الصيدلية ما تبـور حبـوبـها






لا صرت ما تتعب على والنعم قدر المستطاع


صدت ولفت لك ظهرها واعطـتك عرقوبـها


واليا تملكـت الكـرم والحـكـمة وطـول الـذراع


لا تـشغـلك نـفسك تراك اعطيتها ما جوبـها


والواحـد اللى لا كـريـم ولا حـكـيم ولا شجـاع


مفروض يعطي ثوبه الحرمه ويلـبس ثوبـها
سعد بن جدلان

السلام عليكم..حياالله الشيوخ وجلسا الشيوخ وحمى الشيوخ..
المثل طالت عماركم يقول ( والله إن تُرُومين الرصاص ياعومة)..
والفارس / الشيخ محمد بن بريم آل منيع الأكلبي، راعي الثلاث المورَّخه( الكريم الظفر الشجاع) وقلَّ أن تجتمع ولو أتت إحداها في رجال إستحضرت معاني الأخريات،،؟
كانت الفرس تكز من ضرب الرصاص عند قوايمها وكان الشيخ يخاطب فرسه ويقسم عليها بالله إن ترومه ، والروم هو المحبة بالغصب حتى تألفه ولا تستنكره أو تهابه