حفظك الله أديبنا الفاضل والبسك لباس الصحة والعافية ,,,

لم تكتب ولم تذكر إلا ما هو عين الصواب ويلامس الجرح وهي معاناتنا جميعاً نسأل الله أن يعجل الفرج ويريحنا من
بعض شيوخ المفطحات؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أعطى أحد مشايخنا قطعة ارض للوالد حفظه الله في أحد القرى وعلى مايقولون البدو راح الوالد وسيسها يبي لا توفر معه قرشين يبنيها بيت شعبي تضف عايلته توفي هذا الشيخ الله يرحمه ويسكنه الجنه وحسب النظام الفاشل تولى أخوه
من بعده دفت القياده وبعد فتره جاء واحد من الجماعه للوالد وقال: ماشاء الله يابو عبدالله أشوفك ضبطت هال بيت
تفاجاء الوالد وقال : أي بيت ؟؟؟؟؟؟؟؟
قال الرجال :اللي بارضك اللي بالقرية الفلانية !!
قال الوالد: والله لا بنيت ولا عندي علم كان أرضي ماخوذه ومبنية!!!
راح الوالد وشاف الأرض لقا البيت قائم وصاحبه عنده وأكيد من الربع ويوم قاله هذي أرضي حلف بالله ماعنده علم وأن الأمير هو اللي معطيه أياها .
راح الوالد للأمير وشرح له الوضع وكان رده الموجع والذي ينم عن عدم المبالاه والأحساس وعدم وجود الضمير وأنعدام العدل وو و و و الخ .!!!!!
(( والله عاد أنا عطيتها الرجال ولاني راجع في كلامي بس ابي أدوّر لك بدالها بالمخطط بسعر مناسب ))
يعني أخذ أرضه وبيبيع عليه غيرها سالفة اللي يوخذ منهم ويباع عليهم لاحول ولا قوة الا بالله
أسئلكم بالله هذا يصلح شيخ ؟؟؟؟؟؟؟
طبعاً الوالد طوّل الله عمره من الشيبان الأولين أستحى وقال : الحلال حلالك يابو فلان قام ومنعنا من الكلام أو الشكوي وراحت الأرض والمصيبه إنا سمعنا أن هالشيخ بايعها بيع !!!!
وش رايك يأبو مشعل هذا نموذج من شيوخنا

تصحيح للأسم (عبدالله العزام من أبنا عزام بن رشيد بن عمري من الفضيل من الجعافرة)
والقصة صحيحة والوالد لازال موجود وحلف ماعاد يسكن القريه والشيخ لا زال موجود ...