لأجـل خـدمـة عـزوتي قـمـت بـهـمّـه *** الـقـبـيـلـة شـمـلـهـا حاولـت الــمـه
ومـن تـخـبـط بـالنـسـب كـلـن يـذمّـه *** والجـواهـر مـا تـشـابـه لـلـنـحـاس

فـي مـهـمـتي الحـمـايـل شـجـعـوني *** بالرجـال الصيـد مـا خابـت ظنـوني
مجـتـهـد وأسـعى ولـو مـا كلـفـوني *** مـا بذلـت الجهـد من أجـل الطفاس

الفـجـر سافـرت مـن أرض الريـاض *** فـي لـزوم اريـد لـلـوجـه البـيـاض
مـا حصـل عنـدي تضجّـر وامتعاض *** غـيـر تفكـيـر المشاعـر والحساس

أول الـرحـلـة عـلـى ديــار الـجــدود *** خـيـبـر بـلاد الـسـواقـي والـسـدود
هـي بـلـد عــنـاز والـعـالـم شـهـــود *** فيها قريـة بشر مع وادي الجلاس

وفـي مـديـنـة الـعـلا زرت الـعـذيـب *** والحـجـر ديـرة مـقـزيـن الحـريـب
عـزوة الشجعـان والساس العـريـب *** بـني وهـب ساسهـم يا نـعـم ساس

ومـغـيـرا وأبـو زرايـب والـعـشـاش *** وقـرى خيبـر دار مرويـن النمـاش
بـه حـمـايـل طـيبـهـم مـابـه نـقـاش *** مـن رجـال كـرام فـيـهـم قــو بـاس

ومـن بعـد ذلك نويـت أبـي المدينـه *** حيـث فيهـا من ضنـا عـنـاز عينـه
والـديـار الـلـي ربـيـعـة نـازلـيـنـــه *** في عسيـر وفـي بلـد بيشه رماس

لـلـنـسـب يـلــزم مـعــرفـة وأطــلاع *** مـن ايران اليا الخليج اليـا البقـاع
ومـن بـلـد دار الـمـنـامــه والـرفـاع *** ومـن عمـان اليا قطـر وديار ياس

زرت الخـبـر والحـسا شـرق الـبـلاد *** ويـم رفحـا والحفـر اطـوي الوهاد
وبـدنـه وطـريـف بـحــدود الـحــمـاد *** مسكن اللي شوفهم يجلي العماس

والـجــزيـره زرتـهــا ديـرة ربـيـعــه *** وبالشاميـة دجـت بـديـار وسيـعـه
والحوايق زرتهـا وخضت الشريعـه *** وحـلـب الشهباء بـلاد ابـو فـراس

وبالـيـمـن وعـمـان يـوجـد جـاليـات *** وفـيـه بـديـار الـعـراق مــكـونـات
وبـأرض تـونـس والجزايـر عينـات *** وحتى مصر من ربيعـه فيه نـاس

والـمـغـرب ولـيـبـيـا فـيـهــا نـزايـع *** وفـي بـلاد التـرك من وايل طلايع
حـافـظيـن انـسابهـم مـثـل الـودايـع *** مـا تـغـيّـر عـنـدهـم حتّـى اللّبـاس

والـمـجـازه زرتـهــا وديــرة نـعــام *** مع حريـق رشيـد بـه نسل الهمام
ولـيـلـى والـهـدّار بـه عـزوة اكـرام *** وأهـل بريك لساسهم فيهم حماس

وكـل ربـيـعي نـويـت أوصـل ديـاره *** من خليج عـمان لحـدود الـزبـاره
جملت أهـل البادية وأهـل الحضاره *** من ربيعة مـا تجـد فيهـم خـيـاس

وسديـر من الحاضره فـيهـا بـدايـد *** مـن ضنـا عـنـاز صافيـن الحـدايـد
وبالقصيم من الرجال أهـل العـوايد *** مـن بـلاد الـرّس اليا دار الشماس

ودجت في ديـرة سميـرا والشعيبـه *** والفويلـق تسكنـه عـزوه عـريبـه
وحايل الـلي من سكنها شاع طيبـه *** دار عـزوة طيـبـهـم مـالـه مـقـاس

وهجـرة أبن سويلم وبـيضـا نثـيـل *** وأرض الشملي بـه بـني وايل نزيل
وجيـت ديـار الولـد مزبـان الدخيـل *** من هـل الجـدعا شديديـن المـراس

وجيـت تـيمـا ثـم وجـهـت المسيـرة *** مـتـجـه صـوب الجـهـرا والحفيـره
لـلـحـرار السـود مسـراح العـشيـره *** والمـرابـد جـزتـهـا وقـت الـدماس

وبـعـدهـا عـلـى بــلـد مـديـن تـبـوك *** فـي طـرفـهـا الـحـد مابيـن الملوك
ديـرة الـلـي مـا بـمـنسبـهـم شـكـوك *** مـن نـسـل مـعــاز لـلأجــواد راس

دار أخـو عـنـاز مـن عـزوة عـطيـه *** مـن قـديـم عـلومهـم مـاهـي خفيـه
أصلهم واضح كمـا شمس ضحويـه *** كـم فـارس يجـدعـونـه بالـمـحـاس

وبـعـد ذلـك لقـريـات المـلـح سـرنـا *** عـنـد ربـع فـي مجـالسهـم سهـرنـا
كـرمـونـا حـيـن وصلـنـا وحضـرنـا *** منـهـم الـلي بالكـرم مـالـه اجـنـاس

جيـنا خـوعـا والأضارع والـرديـفـه *** واصفـان رويـل بـه عـزوه شريفه
وأبـو عجـرم شفت ضلعانـه منيـفـه *** والشقيـق تحيط بـه حـمر الطعاس

ودومـة الجنـدل وصلناهـا ضحويـه *** وسكاكـة الجـوف فيها من السميه
صـويـر وقـارا وثــم شـويـحـطـيــة *** وهديـب وهدبـان في تلـك الحناس

والـعـمـاريـه وخـوعـا والـرفـيـعــه *** ديـرة الـلي مـن القبـايـل بالطـليعـه
مـن نسـل زايـد مضـاربـهـم فـنيعـه *** من عاداهم يشرب من السم كـاس

مـا يضعـضع هـمتي مـن قـال لكـن *** كـل مـوقـع فـيـه لـعـنـزة مـسـاكـن
مجتهـد وامشـي عـلى كـل الأماكـن *** كـم دجـت بمـوحـشٍ مـابـه ونـاس

اتـشـرّف يــوم زرت عــيـال وايــل *** قابلـت الشيّـاب وشخوص الحمايل
اسـتـعـز بـعـزوتي والـراس طـايـل *** مجـدهـم مـوروث مـا فـيـه التبـاس

كـل مـرجـع بـه بـني وايـل شـريتـه *** وكـل مـا كتـب عـن العـزوة قريتـه
فـي رفـوف المكتبـه وقـتي قضيتـه *** سـاهـر بـالـلـيـل مـا جـانـي نـعـاس

كـل منصـف يفتخـر بالـلي عـملتـه *** مجهـد وحملي عـلى المتنين شلته
بالبشـر عـاقـل وبـه بالنـاس فـلـتـه *** ولا يـهـمـني الـثـعـالـب والبسـاس

جـمــلــة الأجــواد لـيـه يـشـكــرون *** ولا يـنّـزل قـيـمـتي هـرج الـعـفـون
عــادت الأنــذال دايــم يــجــحــدون *** هـكـذا طـبـع المنـاحـيس الخـساس

بـالـفـخـر سجّـلـت بالعـزوة مـلاحـم *** سبـب تأسيس الموالف والتـراحـم
عـزوتي شجعان في وقـت المزاحـم *** كان طبول الحرب دقت لـه اجراس

خـابـوا أهـل البلبلـه وأهـل الحماقـه *** اصبحوا عدوان من عقب الصّداقه
والـذي يـسـعـى بـتـفـريـق الـرفـاقـه *** مثل اللي يوطى على شوك الهراس

ومـن يسـب النـاس عيبـه يكشفونـه *** ينخـفـظ قـدره ويـبشـر بـالـمـهـونـه
مـن نصيحـة نـاصـحـه يـزداد كـونـه *** كـفـوه الـلي فـي مـدق العـنـق داس

الـلـي عـيّـب جـدنـا أصـبـح مـقّــــدر *** كـل مـا جاء قـوم بالمجـلـس تـصّـدر
فـي تـزيـيـف انسابنا سنّـدر وحــدّر *** هـافـي الـضـميـر يـبـشـر بـالـفـلاس