أبن هذال ومعه مسلط الرعوجي ومعهم قله من الحبلان من العمارات يتقاتلون مع الظفير في عيينة ابن معمر
.................................................. ........................................
كان ابن هذال ومسلط الرعوجي قادمين من ابن عريعر بالاحساء ولما اقبلوا على العيينه وكان نازل فيها ابن صويط فطمعوا الظفير بهم لقلة عددهم وارادوا اخذهم فصارت المعركة بينهم وانتصر ت عنزه وشربوا من الماء بالقوة وقد منعو عنه واصيب شيخ الظفير وقتل احد شجعان الظفير
وقال مسلط بعد النصر في هذه المعركة القصيده الاتية:
صاح الصياح وقربوا كل مشوال ____ المال يحدى والملابيس دونه
التسعة اللي عنزوهن مع الجال ____ والريع قدام العرب يشرفونه
ودك تبدل خيلهم يابن هذال ____ النذل عن ركب الفرس تفردونه
بيعوا عباته لام بنته بسروال ____ومن ذل هاك اليوم لاترتجونه
قلته وأنا كاسي حصاني كما الشال ____ ورمحي بدفة شيخهم يمشعونه
ابن صويط اللي خبير بالافعال ____ اللي كست خيل المعادي طعونه
والمنشرح من ضرية الورع مهتال ____ والقاز رعيان الغنم يسهجونه
خلي دماغه بين الامتان همال ____ لعيون من كن المطارق قرونه
والعود ينطح ذربة الجمع لامال ____ هذاك عذره عند تالي ظعونه
وان كان تذكر يا فتى الجود جفال ____ جبناه في روس القنا ماتجونه
ورى مطيحه ثعلوهن بالاكفال ____ خذ الرماح وراح يمشي بهونه
الإهداءات
02-08-2012, 02:12 AM
العرض الشجري
