ما لوم ' فمك ' لو نزف منه الدم=حتى على الصملات دمك رهاوي
كنه نزل يشهد .. على انك مسلم=الي حمى الدستور من كل غاوي
' يا صوت الامة '.. لا تضايق وتهتم=معك المشاعر كلها والدعاوي
لله درك .... ما هقيتك تألم=وأنت لمحبة كل هالناس حاوي
منك تلاميذ المدارس تعلم=معنى ' المواقف ' يا بعيد الهقاوي
وعليك ' سراق ' الملايين تلتم=يبغون راسك و انت نجم سماوي
هدوا مسعّرهم وكالوا لك الذم=واكملت دربك بين ' نابح ' و عاوي
أغنيت ' كتّاب ' بشتمك أدسم=و أفقرت تجار ' تبوق ' البلاوي
لاأنت بولد خال ولاأنت بولد عم=لكّن وسط القلب ما لك مخاوي
ولي نزل من ' لثتك ' ما هو بدم=مسك حمر يقول ما أنت بـ' فداوي'