02-16-2025, 07:39 AM
|
رقم المشاركة : 2
|
 معلومات
العضو |
|
|
|
إحصائية
العضو |
|
|
|
المكرم الفاضل فرج البلاز العياشي الدهمشي وفقك الله وشكراً لك على نشر القصص والقصائد في هذا الموقع وبخصوص القصيدة التي مطلعها :
عـديـت في مـرقـبي واللـيـل ممسينـي *** بديار غـرب لعـل السيل مـا جـاهـا
فقد نسبت لعدة شعراء وهي ثلاثة قصائد القصيدة الأولى ينسبها الكثير للشاعر سعيد بن ثعلي الروقي العتيبي حيث امضى وقت في الشمال وقال :
عـديـت في مـرقـبي واللـيـل ممسينـي *** بديار غـرب لعـل السيل مـا جـاهـا
اضحك مع اللي ضحك والهم طاويني *** طيت شنون الطلب لا وشلوا مـاهـا
وراك مـا تـزعجــين الـدمـع يـاعـيني *** عـلى هنـوف جديد اللبس يـزهـاهـا
هـبت هبـوب الشمال و بردهـا شينيِ *** مـا تـدفـي الـنـار لـو حنـا شعلناهـا
مـا يـدفـي الا حـشـا مـريـوشة العيني *** والـى عطشنـا شربـنا من ثـناياهـا
ابـوعـيـون الـى سـلـهـم تـنـاجـيـنـــي *** ياقـرد عـيـن المشقى كيف يقـواها
يا شبـه وضحى تمطرح بين ذوديـني *** وردت عـلى عـقـلـة والورد ما جاها
ياعـل مـن لامـني فـي كامـل الـزيـني *** بمخباط صمعا جليل الفخذ يشظاها
جعـلـه حسيـر كسيـر وراكبـه ديـني *** وأتـلا حلالـه ذلـول راح يطـلاهـا
والقصيدة الثانية مشابهة لقصيدة ابن ثعلي وقد نشرت في كتاب ( من تراث النجديون
وعلاقاتهم في البحر صفحات مطوية من تاريخ الغوص الجزء الثاني ) تأليف عبدالله
عبدالعزيز الضويحي والقصيدة تنسب لجده الشاعر ضويحي الهرشاني المولود عام
1840م والمتوفي عام 1907م قالها وهو في سيلان :
فـي وسط سيلان لي اليـوم شهـريني *** مـن بيـن ناس يضيق البال بلغاهـا
مـتى يقـولـون مـن سيـلان مـاشيـني *** والنـوخـذه عـدتـه لـلسفـن دنـّاهــا
يا طيـر يا طير يا رفـض الجناحيني *** ياللي بروس الهضاب الشقر مجناها
عيـنـت لـي بـأسفـل الديـرة وليفيني *** واحـد تـحـودر والاّخـر زاد يـقـفاهـا
واحـد لطيف الحشـا ومبيسمه زيني *** والثاني الـلي يـجـر القلـب بعـراهـا
اللي صفتلي عن الأدنى والأقصيني *** مصيونة عن عـربها تقصر خطاهـا
القصيدة الثالثة تنسب للشاعر سلمان سويلم الصريمطي الزبالي البلوي وقد عاش في الأردن وفلسطين يقول :
مـديـت يـوم الأحـد مصباح الأثنـيني *** كـل الممـاشي عـليه مـا حسبنـاهـا
قطعت ممشى الركايب فوق رجليني *** أقبل عـلى حـزوم والأخرى اتعداها
لانـمـت قـامـت هواجيسي تصحيني *** حيث المغيبه بعـد ما فات ما اقواها
غابت الشمس ولامعي مـاء يكفيني *** الـدرب كـايـد ورجـلي بـادت حذاهـا
وأطلـب عسى الله بلطفه مـا يخليني *** خلاق كل البشر مـن رزقـه اعطاها
يوصلني الـلي لهـا عامين ترجـيني *** تشتاق لي والخبـر مقطوع ما جاها
لـو عالجـتني عـن الأوجـاع تـبريني *** كـل الـدواء عندها والعين تجـلاهـا
قـالـت مقاسيم حـالـت بـينـك وبيـني *** تـصـد عـنـي وأنــا ودي مـلامـاهــا
وأن قلت ياعشقتي وشلون تنسيني *** لو كان تنسى تراني ما أقدر انساها
هـايمـت مـن حـبـها والـلـه معنيني *** تـزعـل عـلـيـه وأنـا دوم اتـرضاهـا
من عقب انابالسهل والماقع الزيني *** نطحت كمخه وأنامن قبل ما ارقاها
لـومـي عـلى الـلي بمطلوبي يمنيني *** وبعـض التماني تـرى نصبر بلياها
وقد تلافيت البيوت المكررة
|
|
|
|