تابع
كتب لي أحد الأخوه يذكر أنه حصل نقاش في أحد القروبات حول جهدي
للقبيلة واختلفت الأراء أحد يشكر الجهد وأحد ينكر الجهد وقال الشاعر :
حمد بن سالم الصنعا الجعفري هذه الأبيات يثني على جهدي: 1505
سر يا قـلم وانظم حروفي بالأبيـات *** للشـاعـر الـلي نـال فـخـر القـبـيـلـه
مني لأبو مشعل على القاف عجلات *** بـيـتيـن فيهـن شكـرنـا والـجـزيـلـه
يا مـوثـق التـاريـخ وسـط السجّـلات *** وأفـنيت عـمـرك بالبحوث الطويله
حـيـثـك لـنـا مـرجـع وفـيـر الـدلالات *** بـصـمـت يـمـينـك يالبناخي دلـيلـه
كـنـتـم ولا زلـتـم بـراس الـطـويـلات *** تاريخكـم يالقـرم مـا أحـدن يـزيلـه
مـهـمـا كـتـبـنـا مـن قـوافي عـذيـات *** ومـهـمـا نـقـدّم فـي جـزاكـم قـليلـه
مـع وافـر التـقـديـر واعـظـم تحيـات *** وانـتـم عـلـى ما قيـل فخـر القبيلـه
قال عبدالله بن دهيمش بن عبار هذه الأبيات جواب لأبيات الشاعر حمد بن سالم بن صنعا الجعفري : 1506
تسلم يابن سالم وأنا اشكرك بالذات *** حـيثـك مـن الـلي يكسبـون النفـيلـه
يا حـمـد نـصـدر بالحقايـق بـيـانات *** ونحـيـد عن لفـظ العـلـوم الهـزيـلـه
عـنـد الـذي شـرواك لــيـه كـرامـات *** صيد الـرجـال أهـل الهداف النبيلـه
والجاحـد الـلي صار بالهـرج شمّات *** حـكـي النـمـايـم مـا يـبـرّد غـلـيـلـه
يـثـني عـلي الـلي شبـوحـه بعـيـدات *** ولانـي بحـال أهـل العقول الضليله
من فضل رب الكون ما فيـه غلطات *** ومن يـدعـي بالكذب مالـه وسـيلـه
مـا جـيـت مـتـرفـد ولا درت قـطـات *** الـلـه حسيب الـلي يـدور الفـشيـلـه
لـك الشكـر يا سليل جـروح *** يسلـم جنـابـك يا أبن صنعـا
حيثـك كريـم وبعيـد اشبوح *** عسى الـلي شرواك ما ينعا
قال عبدالله بن دهيمش بن عبار هذه القصيدة يثني على الرجل الفاضل
رشيد بن مطر الممرح بن موينع أحد وجهاء قبيلة السبعة : 1507
يا رشيد بن مطـر بـك المـدح يـزدان *** لـي الشّـرف أثـني عـلـيـك بـمقـالـي
يـدوم عـزّك بالفخـر يـا أبـو سلطـان *** حـيثـك فـهيـم وكـل هـرجـك صمالـي
والـلي علومـه دوم جـزلات واسمان *** يصعـد عـلى العـليـا ويـرقى المعالي
مـن عادتـك تفـزع اليا جـاك حـيـران *** تـبـذل جـهـودك كـان جـالـك مجـالي
تجهد على كسب الفخـر قدر الأمكان *** وأنـت الـذي بالوصف قـالـوا مثـالي
مـا رافـقـوك مـن الهـذاليـف سفهـان *** ولا عـاشروك الـلي عـملهم ضلالي
لاشك لـك مـن خيرة الغـوش صدقان *** بالصّـدق والعـفـّه وطـيـب الفـعـالـي
محبوب عـند الناس حضره وبـدوان *** بتوفيـق مـن ربّـك عـزيـز الجـلالـي
ولـوما فعولك طيب ما صار لك شان *** فـرضت قـدرك عـنـد صيـد الـرجالي
للـمـرجـلـه بـالـبـيـت شـيـدت ديـوان *** يـلـفي عـلـيـه الأجـنـبـي والـمـوالـي
يـامـا لـفـاه مـن المسـايـيـر ضيـفـان *** مـن لاذ بـه مـسـرور بـالـه وسـالـي
يـزهـاه صنع السيـف ودلال رسـلان *** ويـزهـاه منسوج الكـنـب والـزوالـي
ويامـا ذبحـت مـن الهـرافي لضيفان *** ما قـلـت أبـي أوفـر حـلالـي ومـالـي
عـسى فـداك الـلاّش والـنـذل كـوبـان *** الـلـي جـمـيـع عـلـومـهـم هـمـلالـي
أنـا أشهـد أنـك صاحي الفكـر فهمـان *** نـزيـه عـن هـرج الخطـأ والجدالـي
أنتم احفاد زريـق من عـقـب شيخان *** خـلـفـة مـويـنـع مـن بـعـاد المـدالـي
مـن مرشد الممرح بواسل وشجعـان *** أجــواد نـسـل أجــواد أول وتــالــي
خالـك محـمـد عـادتـه فـعـل الأحسان *** نـال الفخـر لـوهـو صعيـب المنـالي
أن مـا تصـافـوا لابـتـه بـات سهـران *** يـبـذل عـزيـز الجـاه والـجـاه غـالي
نطلب عسى له عند رضوان مسكـان *** يـنهـل مـن العـذب القـراح الـزلالـي
هذه القصيدة قالها الشاعر خالد بن دواس الممرح مجاراه على شهادة
عبدالله بن دهيمش بن عبار في حق العم محمد الممرح وذكره لبعض
من علومه وعلوم مجلسه الغانمه وأيضاً عندما ذكر مناقب العم محمد
الممرح رحمه الله وحبّه لجماعته واقاربه وهذه الأبيات عبارة عن شكر
وتأكيد وأستشهاد لما قاله الشاعر عبدالله بن عبار : 1508
كـلام ابـن عــبـار صـدٍق وبــرهــان *** صـاغ البـيـوت الـوافـيات الجـزالي
خطّت يمينه في هـل الطيب عـنـوان *** حيـثه مـن الشعّـار وشـم الـرجـالي
يـعـرف هـداد الحـر من هد شيهـان *** ومن هو ربى في ماكرالطيب عالي
القـرم أبـو مشعل مع العرف فهمان *** سطّـر شمـوخ العـز لأهـل الـدلالـي
طاف البلاد وطاف الأمصاروأوطان *** وجـاب العلـوم الـواكـده والصمالي
سـطّـر مـن التاريخ فـي مجد ويلان *** ونـوّه عن الـلي لعالي المجد طـالي
ذكـر من الماضي مفـاعيـل شجعان *** عـلـم يــورث فـي صـدور الـعـيالـي
فخـر العـرب وأمجـادهـا بكل ميدان *** تـسابـقـوا الـويـلان صوب المعـالي
كـلـن يـدور الطيب والسوق مليـان *** سوق المـراجـل مـا يـطـبّـه اسـفالي
مشكور في جهدك ومذخور باذهان *** يجزيـك رب العـرش بجـزل الكيالي
وماهـي غريبه لا ذكرنا أبو سلطان *** قـرم يـحـوز الـطـايـلـه بـكـل جـالـي
مـا حـط دون الطيب حاجز صلجان *** ولا صك بـاب الـدار صبـح ولـيـالـي
مجلسه عامـر ما خـلي مـنه شفقان *** لـمـبهـرات فـوحـهـا دوم صــالــــي
مجلسه عـامـر ما خلي منـه جيران *** وينصـونـه العـرّاف وأهـل المقـالي
مجلسه عامـر لا خلت منـه الأركان *** حـي بـحس راعـيـه والـرّب والـــي
مقصد هـل الضيقات من كـل بحلان *** ومـن ضامته دنيا وبـه الوقت مالي
منصى هل الطولات وشيوخ واعيان *** واهـل الفكر واهل العقـد والحلالي
رافـع لـواء الممرح ومقصود بـبنان *** مكـمـل مسيـر الـخال بـأول وتـالي
قد قاله أبن الذيب في ماضي الأزمان *** قبـل العمـام يسال طيـب الخـوالي
وهـو كيـف متلحف وبفـراش دفيـان *** يـوم الخـوال الـعــــم يـا هــمـلالـي
محمد الممرح راعي الصيت والشان *** اليـا ذكـرتـه بـالـرحـم والـوصالـي
زرع لـه الـلـه فـي ثرى قـلبه احسان *** وحـب البنيـخـي والقـرابـه نـزالي
يـنشـد عـن عـروقـه اليـا كـان ماكان *** لـو بـآخـر الـدنيـا يـاتـيـه ارتجالي
وأذكـر شـهـادة حـق بلسـان حـمدان *** يـوم أرسـلـه يـم الحسا بـالسوالـي
أسـأل عـلـى دواس يـا عـقب سودان *** أمــانـــة بــرقــابــنــا لــلــزوالــي
عـسـاه بـالـفـردوس بـجوار رحمـن *** فـي جنـة تحـت العـروش الضلالي
أوجـزت مـا قلتـه مـن دون نقـصان *** فـي حـق ربـعـي طيـبيـن الخصالي
ربعي حمول الخيـل لا صرت بلشان *** سـقـم المعـادي باللقـاء والـنـزالـي
نسـقي خصيم الـدار لا صـار ظميان *** كاس المهونه يشربه بطعـم حـالـي
واخـتـامهـا عـذراً إذا كـنـت غلطـان *** الـقـاف هـيضـني وجـيـت بمقـالــي
قال نايف بن سعود الغضوري يسند على عبدالله بن دهيمش بن عبار : 1509
سـلام من شاعـرٍ مـالـت بـه ظـروفـه *** والـلي يـبـيـه بـمـراده مـا تـهـيـالـه
سـلام يـا شـاعـرٍ لـو عـد مـعـروفـــه *** لـه كفتـن ميّلـت بطـويـق وجـبـالـه
يشـّرف عـيـال وايـل لحـظـة وقـوفـه *** في جزل الأشعار والأخلاق وافعاله
اقـولـهـا والعـرب مـاهـي بـمكـلـوفـه *** كـلـن بعـرفـه عـلى عـقـلـه يـورالـه
الطرقي اللي سرى يمك شف حروفه *** والسر خـلـه مجـود واكـرب حبالـه
نصيت شـرواك والأتـعـاب مخلـوفـه *** يا معـرب الجـد من عـمه ومن خاله
يفداك اللاش لا غـره بالـزمن شوفـه *** دايـم يسوق الأعـذار لـمـن تعـنـالـه
يابن دهيمش وفيـت وجتـك مردوفـه *** مـا تقـبـل العـذر للمحتاج واحـوالـه
فـزعـتـك دايـم تـبـل كـبـود ملـهـوفـه *** ينخـاك ابن عم وارسلها لك ارساله
قال عبدالله بن دهيمش بن عبار رد على نايف بن سعود الغضوري : 1510
الله يجيرك من غثا الوقت واصدوفه *** يا نايف الغضوري مـاني لكـم زالـه
لاشك يا مسندي وقـتي بـه أحـفوفـه *** يفداك من شح يا أبن العود في ماله
وش حيلتي كان الزمن جـرّد سيوفه *** من يشتكي لوعـته مـا ينسمح بـالـه
منصاك مابـه عن بـني جلدته نـوفـه *** ألا الـذي سبـب احـراجـه وغـربـالـه
السمعه الـلي حـملهـا تتعـب اكتوفـه *** مثل الحمل يبرك به الحيص ماشاله
يا مكثـر الـلي يكتـم الهـم في جـوفـه *** الكـل يشكي نـكـاد الـوقـت وأهـوالـه
بالناس من وقـتـه تـوطـاه بـظلـوفـه *** وخـلاّه ما يقدر عـلى عيشة عـيـالـه
مـا يـدرك الطايله مـن قـل مصروفه *** وأن راد مقصد حداه العسر ما نـالـه
ومن باد حيله ما قـدر يقمز الطوفـه *** نطلب عسى رب الملأ يلطف بحـالـه
لاشك مانبدي على الماضي حسوفه *** العبـد يعـرف يا أبن الأجواد منـزالـه
مـا صـار بالبصـره وبغـداد والكوفه *** كـمـا تـشـاهـد يـفجـع الغـافـل الـدالـه
مقاطع من الشعر : 1511
قال الشاعر سعد الحشحوش عبر تويتر يثني على زميله عبدالله بن عبار:
ذاك الحفل تستاهله يا أبن عبـار *** حـفـل تكـرّم بـه معـزه ونوماس
ألـفـت تـاريـخٍ لـلأجـيـال تــذكـار *** شاعر ربيعه فعلكم يرفع الراس
وقال عبدالله بن عبار مجاوباً سعد بن حشحوش :
يا سعد الحشحوش يا نسل الأحـرار *** يالباسل الصنديد يا صلب الأمراس
حيث أنت من عزوه لهم بالفخر كار *** عزوة هل الجدعا بهم قـوة البـاس
وقال منصور عبر تويتر يسند على الأبن نايل :
أبـوك سـيـف الـعـزوة الـوايـلـيــه *** سلم عـليـه وبلغـه صدق الأشواق
هـو الشريف الـلي عـلـومه نقـيـه *** يفداه من يلطع من الكاس ما فاق
وقال عبدالله بن عبار مجاراه لأبيات منصور :
مشكـور من صاغ البيوت العذيـه *** نوّه عن المجهود مخلص وصدّاق
منصور بأذن الله عـزومـه قـويـه *** يـا عـل يـفـدونـه دنـيـيـن الأخـلاق
وقال عبدالعزيز العنزي :
ياعـل يفـدونـك هـلابيـج واعـذاف *** واللي يعصى أمه ويرضي حماته
وقال سما الشمال :
وفـيـت بالجـوهـر يـوازن الـقـاف *** ومـن الـدرر دوم تـاخـذ حــلاتــــه
وقال الشاعر حامد بن عناد اليمني :
صدقت يالمحبوب من كل الأطراف *** يالشـاعـر الـلي مـا لحقنـا جـزاتـه
جـمـايـلـه تسمع وتـذكـر وتـنشاف *** عـن الـقـبـيـلـه مـاخـذتـه الـفـتـاتـه
وقال شاعر آخر :
انت الأديب اللي قصيدك شهادات *** دافعت عن حق القبيله تقل ذيب
فيك الوفاء فيك أنت كل المروات *** رجل تعرف اليوم كل المواجيب
وقال محمد المحدى الغبيني :
مشكور يا محمد على نظم الأبيات *** يـدوم عـزك يا سلايل هـل الطـيـب
حـمـدان مضراب المثـل بالعطيات *** علمه تسولف به هل الفطر الشيب
قال عبدالله الهقاش :
مـا يـعـلـم صـاحـب الأهــواء والـعـنـجـهـيـه
هذي ناس يا أبو مشعل بالدروب الها ملاوي
لو يكون الحق واضح ما مشوا غير الخطيه
المرض بنفوسهم والحقد من ضمن البلاوي
الرد على الزميل عبدالله الهقاش
يا سمي بعض الأوادم فيه خبث وقلب نيه
واللي له أهداف قشرا ما تجي له بالمناوي
نعتزي بأخوان نـوره ما يخذلون السمّـيه
هم سندنا وهم ذرانا وهم عريبين العزاوي قال منزل أبو طلال :
يا محمد هذا جمّلنا ** عبدالله دوم مجملنا ** عند القاصي بل الداني
ردوا عليه يا اخواني
هذا نبراس القبيله ** يجمع ربعه بتعليله ** أبو مشعل مابه حيله
يقدم ذناب الخرفاني
هذا خصاله ما تنعدي ** يا خلفة أبوي وجدي ** جاء للرجوله متحدي
شيال حمول ثقيله
قال الشاعر بشير غنام بن ظويهر الغضوري هذه القصيدة يثني على عبدالله بن دهيمش بن عبار : 1512
سـمـيـت بـسـم الـلـه مـبـدا كــلامـي *** رب خـلـق في قـدرتـه كـل مخلـوق
هـو الـمـلاذ ودوم فـيـه اعـتـصامـي *** سبحـان ربـي يجـري الـدّم بعـروق
يـا الـلـه يا جـابـر كسيـر العـظـامـي *** أنـت الذي فيك الرجاء دوم موثوق
يا منـطـق عـيسى بـمـهـد الفـطـامي *** وبريت مريم من هل الظّلم والبوق
بـدأ الـكـلام ويـخـتـمـه بـالـسـلامـي *** في قـدرت الـلي عـالـم بكل منطوق
وأخرج لها من جوف خضرالنوامي *** حلوا الرّطب يسقط على القاع من فوق
ومـن بـعـدها نـبـدأ المعـاني شمامي *** من خاطٍر يبدع من الشعر طاروق
ياصلك مـني يا أبـو مشعـل سـلامي *** وأزكى تحياتي بـها الشكـر مرفوق
يا طـيّـب السيـره رفـيـع الـمـقـامـي *** عـبـدالـلـه العـبـار يـا حـي منطـوق
نـفـخـر بـفـعـلـك عـنـد كـل الأنـامي *** رجل المواقف لك مواجيب واحقوق
نـرفـع لـك البـيـضا بـفعـلك وسـامي *** عسى يمينـك مـا يجـي كفها العوق
قـلتـه وأقـولـه مـع مـزيـد احتـرامي *** وقولي ومدحي يابن عبار مسبوق
جهودك تقدرهـا الـرجـال الحشامي *** الـلي يحطـونـك عـلى روسهم فـوق
مـوقـفـك يشهـد يـوم شـد الحـزامـي *** عـن القبـيلـه كـمـم افـواه وحـلـوق
تـدافـع وشعـرك مثـل وقع السهامي *** والمعتدي يرجع على الوجه مصفوق
في كل موقف يا أبـو مشعل تحامي *** مـن طيب راسك موقفك غير مسبوق
مـالـك مـنـافـس بـالقـبـيـلـه تمـامي *** معروف راعي الأوله مانت ملحوق
مـتـحـيـزم دون الـقـبـيـلـه حـزامـي *** وفي كـل ماقف تاخـذ الحق مطبوق
بالشعر ملهم يا أبـو مشعل الهامي *** وأنت الحسام أن صار طارق ومطروق
هـداج لـو زادت عـلـيـه الـظـوامــي *** يـزود لـو صفّت وورده تقـل طـوق
عـدن روي مـنـبـع غـزيـر الجمامي *** تضرب بـه الأمثـال مع كـل مخلوق
فـيـك الـحـمـيـا يـا شـبـيـه القـطامي *** وسم عـلى كـبـد المعادين مسحوق
عـمـلـك سـامي وأنـت بالفعل سامي *** سطـّرت تـاريخ رفـع روسنـا فـوق
بـنـيـت صـرحٍ لـلـقـبـيـلـه وقـامـــي *** ويبـقى غـليـل القـلب بالغل مخنوق
أولـيـت لـلأنـسـاب كـل اهـتـمـامــي *** ووثـقتهـا يا طـيّـب الفـعـل والـذوق
والـزمـت نـفسك بالحقيقـه الـزامـي *** جهدك يعادل جهـد كسرى وفاروق
لأجـل الـقـبـيـلـه كـلـهـا بـالـتـمـامـي *** ولفـّت كتـب لشوفها يـطرب الموق
يامـا مضالك مـن شهـور وعـوامـي *** بتأليـف تـاريخ بالأنسـاب مـوثـوق
قـدرك كـبـيـر ولا يـجـيـك الـمـلامـي *** لـك عندنا تقديـر واجـلال واحـقوق
تسلـم لـنـا يا أبـن الـرجـال الكـرامي *** كتبـك عـن الأنساب كـنـز بصندوق
أنـسـاب وايـل محـتـميـن الجـهـامي *** الـلي لسمع افـعـالـهـم نندفـع فـوق
مـرويـن حـد المـرهـفـات الحسامي *** يـوم الشلافي كـنهـا مـلامـع بـروق
دخـيـلـهـم دايـم بـعـالـي الـسـنـامـي *** يـنـام لـو حـمـلـه مطاليب واحقـوق
وعـدوهـم مـا يـهـتـنـي بالـمـنـامـي *** من هـمهم قـلبـه من الغبن محروق
أولاد وايـل يـوم وقـت الـزحـامـــي *** قـطعانهم تـرعى زهـر كـل زمـلـوق
سـتـر الـعـذارى لابـسـات اللثـامـي *** تـاريخهم فـي قـمّـة المجـد مرمـوق
والحـسـد شـر ومـن كـبـار الأثـامي *** من خـلقـة آدم دايـم الحسد ممحوق
والظـلّـم لـلـظـالـم عـذاب وظـلامـي *** الـلـه وراه وكـل مـطـرود مـلـحـوق
يرميـه رب الكـون من غـيـر رامي *** وتسـوقـه الأقـدار لـنـهـايـتـه سـوق
يا ليتـني مـا شفـت بعـض الأسامي *** من الفريق الـلي بنـوا للحسد سوق
وأقـبـل تـحـيـاتـي وجـل احـتـرامـي *** وسلام مـني بأطيـب العـود مسيوق
قال عبدالله بن دهيمش بن عبار هذه القصيدة رداً على قصيدة الشاعر بشير بن غنام بن ضويهر : 1513
مـبـداي بسم الـلي لـه العـبـد صامي *** منبت اثمار الغيـد بغصون وعذوق
خــلاّق آدم مــن أديــم الــعــدامـــي *** من طين تربه للعباد أصل واعموق
منزل على موسى صنوف الطعامي *** من يطلبه من فضل الأنعام مرزوق
منجـي سفينة نـوح من موج طـامي *** زام وزما يصفق على كل صعفوق
غـطّى الصحاري والجبـال الـزوامي *** يجـري كـما التيار في ليل وشروق
مـولاي خــلاّ الـنـار بـرد وسـلامــي *** منهـا خـليـل الـّرب نـاجي ومعتوق
ومن بعد ذكـر الـلـه بدعت النظـامي *** من صافي النقروح ماقيل مطروق
جــواب قــرٍم مـا بـقـافـه أوهــامـي *** من خاطره ماهـو مزيّـف ومسروق
بـشـيـر قـافـه مـثـل مـزن الغـمامي *** عذب القراح اللي من الغيث مدفوق
حـيثـه معـرّب من خـوال وعـمامي *** من عـزوه تحشم عن الغدر والبوق
منجـوب من شايب عـطاه الرحامي *** يوم العصور الماضيه يحمي النوق
دايـم بـمشـمـوخ الـعـلا لـه مـرامـي *** كنّـه جبـل عـرنان أو ضلع ساحوق
الـوايـلـي عـن واجـبـه مـا يـنـامــي *** دايم يعشق الطيب والطيب معشوق
لا بـار بالـصاحـب خـطـات الغـلامـي *** ريـف المقل اليا بـدأ بالزمن ضوق
وأن جوه اللي فوق الركاب الهمامي *** قـدّم لهـم عيتا عـلى مـيـر مسلوق
يـصـب مـن فـوق العصيب اليـدامـي *** مريوك مـع حـب اللّقيمي ومرقوق
تـسلـم يـا أبـن غـنّـام جـعلـك دوامي *** حفظك رب الكـون من كـل مطفوق
الحـر يـفـرق عـن طيـور الحـمامـي *** نـادر صـوارم مـا يـشبّـه لـغـرنـوق
مـا يشبـب القـنـاص فـرخ النعـامـي *** مـا هـد لـو يحـط لـه وكـر واسبوق
يا أبن ضويهـر مـن يصيبـه تعـامي *** مـقـول لهـاتـه بالنـمانـيم مـطـلـوق
الـلي أعـلنـوا يا أبن الكرام اتهـامي *** من لا شهـد شهادة الحـق مطقـوق
ومـن قـال للظـالـم يجـوز انظـمامي *** ودّه يقيـدني ويـفـرض عـلي طـوق
مفـتـون في شيـن اللّـغى والشتامي *** لـكـن جـداه يـكـرر النفـخ فـي بـوق
فـي مـا مـضى يالقـرم كـني محـامي *** والراس من كثر المصادم به فلوق
والـلي لجهـدي يا أبن الأجواد كـامي *** قلبه ملي بالحقد مع ظلم واعقوق
لـو كـنـت عـنـد مطـيـريـن العسامـي *** بـرقـا عـتيبه مع بـني عمهـم روق
قـدري مـثـل مـسـتـور ولا الـزلامـي *** مـا نـم بـي مـن عزوتي كـل نقنوق
لكـن يـا أبـن غـنّـام مـدري عـلامـي ** مع أجتهادي صرت بالغدر مدروق
وش السبب يرمون صوبي سهامي *** مـاعـاد للأنصاف أشفـق ولا أتـوق
قـام أيـتـزرى بـي خطات الخـمامي *** وقـام أيتجـلّـق كـل منحوس بشدوق
شمس الضهيره ما حجبها الكتامي *** والنـاس شتّى وبالنـّقى بينها فروق
شـبـحـي بـعـيـد ولا تـبـدد احـلامــي *** دامي بعـز ولا نـدى الوجه مهروق
خـطـو العظامي مـا يحـب العصامي *** وده يـربّـط سـايـر الـنـاس بـربـوق
حـرف الغـلط يجدع بـقـعـر الـدرامي *** ولا يربح الـلي للخطأ حـدّه الشوق
وين الـرجـال الـلي هـدفـهـم أمـامي *** عـون الرفيـق وللمعـاديـن خـازوق
راحـوا مقـديـن السلـف والجهـامي *** من دونهـم حـالـت صلافيح طابـوق
الـلي رقـى جـده شـعـفـت السنـامـي *** اليوم ينظـر صوب الأقـدام بـدنـوق
أنظر ترى العاصوف شال الخيامي *** وبـيـت القبيـلـه يالسنافي بـه فتـوق
وقصر المعـزّه كـان صابـه هـدامي *** مابه ذرى وضلال والسور مشقوق
العشب مهـما أخضّر يصبح رمامي *** ولا دامـت الدنيـا لجدعان وصفـوق
مـعــمّــر أردنّـــه عــبــاريــد رامـي *** وصدّام عند الفرس بالحبل مشنوق
هذه الأبيات من الهجيني قالها عبدالله بن عبار مسنده على الشاعر
فهيد الملاّش بمناسة أهداء ديوان شعره ( عندما ينضج الغيم ) :1514
الـيـوم جـانـي ديـوان فـهـيـد *** مـشـكـور يـا خـلـفـة عـويّـد
يالـقـرم تـستـاهـل التـمـجـيـد *** أبـدعـت بـالـمـنـطـق الجـيّـد
الــقــاف مـا تــردده تــرديــد *** وفـي كـل الأعـراف متـقـيّـد
حـيـثـك من العـزوه الـزهـيّـد *** عـن الـمـواجـيـب ما تـحـيّـد
الـلـه يـجـيـرك مـن الـتـنكـيـد *** ومـن كيـد الـلي جورها يبيّد
وقال فهيد هذه الأبيات مجاراه لأبيات زميله عبدالله بن عبار : 1515
بـوركـت يـا رمـزنـا والحـيـد *** فـرحـت بشوفك وأبـي اعـيّـد
كـلـي شـرف يـا بعـيـد الميـد *** بـشـهــادتـك وأنـت مـتـسـيّـد
لـكـن مـجـاراتـكـم لـي كـيــد *** هــوّن عـلـى خــيّــك وهــيّــد
وش جـايـب الـجـاده للسّيـد *** وقــصــرٍ لــعــز الأدب شـيّــد
وقـدام أبـيـاتـك أحـس بـقـيـد *** مـن فهيـد أرجع عـلى فهيّـد
وقال عبدالله بن عبار رد على فهيد بهذه الأبيات : 1516
يـا فـهيـد جـاك الخبـر تأكيـد *** نـفـخـر بـالـلّـي مـثـلـك ونـيّـد
رديـت كـاش ولاهـو تقصيـد *** تحـضـر كـمـا يحضـر جـريّـد
لاهـنـت يالـقـرم يـالـصنـديـد *** يـالـلـي عـلـى شـوفـي تـعـيّـد
أنــا الـخــلايـا تـبـي تـجـديـد *** لـو مـرنـي صـيـد مـا اصـيّــد
نـفـخـر بـطـاري عيال عبيـد *** مـن رازهـم طـاح مـشـلـيّــــد
قال فهيد الملاّش يسند على عبدالله بن عبار : 1517
الـلـه يـعـزك عـزيـز الـشــــان *** يا مـعـرّب السـاس يـالـطـيّـب
سـلـمـت يا شـاعـر الــويـــلان *** تـبـعـد مـدى وتـاصـل قـريّـب
يـا بـيـرق بـأوسـط الـمــيـدان *** حـاضـر وتـفـعــل ولا تـغـيّـب
جــيـد ومـفـراص لـلـقـيـفـان *** قـولـك قـبـل تـنـطـق يـهـيّـــب
ومـنـابـت الـشـعـر والأوزان *** وسـمٍ غـشى ديـارنـا وصـيّـب
تـزهـر يا أبو مشعل الوديان *** وطـفـل القـريـحـه بـك يشيّـب
قال عبدالله بن عبار مجاوباً الشاعر فهيد الملاّش : 1518
تعـيـش يا شـاعـر الفـدعـان *** مـا أنـت الذي لـواجـبـه سيّـب
أصـدرت منظـومك بـديـوان *** بـكـتـاب مـا سـمّـي كــتــيّــــب
مشكور يا خلـفـة الشجعـان *** الـلـه لـهـقـوتـك مـا أيـخـيّـــب
ما دام ساسك من الرهطان *** مـدحـي بـشـرواك مـا أيـعـيّـب
بـك نفتخـر يا نسل مشعان *** شـاعـر وشـغـمـوم وحـبـيّــــب
لـك عـزوٍة تحـمي القطعان *** عـن غـارة عـضـيـب وغـريّـب
قال الشاعر عيد بن محمد بن العيد الدهمشي أبو فواز يثني على
عبدالله بن دهيمش بن عبار : 1519
هـلا هـلا يـا مـرحـبـا يـا أبـن عـبـار *** يا شاعر الويلان من ساس ويـلان
شاعـر قبـيلـة عـز يا وافـي الأشبار *** شـاعـر قـبيلتنـا أي والـلـه كحيلان
وافـي وكـافي مـا عملتـه ومـا صـار *** تفخربربعك وأنت من راس عربان
حيثك كسبت المرجله ياأبن الأخـيار *** سجـلـت تـاريـخ القبـيـلـة بالأيـمان
يـا مسلسل الأنسـاب يا طـيـب الكـار *** الطيب لك يا طيّب الساس عـنـوان
فـيـك الحـميـا وأنـت بالشعـر بيطـار *** الـكـل يـذكـر فـزعـتـك يـا بـلـيـهـان
منصا ومنخـا ما تهاب من الأخطـار *** حـيثـك لسفن الشعـر قـايـد وقبطان
ربّان شعر وخضت به موج الأبحار *** تغـوص بالغـبـه وتـجـيـب مـرجـان
في بحر علم العرف في ذيك الأدهار *** بـذلـت مجهودك عـلى بر واحسان
الفـت مما ابديت في طرس واسطار *** أنسـاب ولـفـتــه وتـاريـخ عـربـان
حيثك بذلت الجهد في عزم واصرار *** بتـاريخ وثـقـتـه ولا فـيـه نـقـصـان
ومن راسك المرفوع مطنوخ بافكار *** ومجهود مضني متعب كـل وجـدان
ودافعـت عـن مجد القبيلة بالأشعار *** وكـل عنـزه خدمتهم طـول الأزمـان
اخـذتـهـا بالصّبـر لـو أنهـا اعـسار *** مهما تعـّرض من صعايب وما كان
روضتها وعسفتهـا والصعب سـار *** ورضت الصعايب كلها وانـت ذيبان
وهذا سبب من ينتحس منك وايغار *** واستسلمت لك نوخت دون عصيان
نقحـتهـا ونـقيتهـا بـهـون وايـسـار *** وبـعـد النّظـر وصفك وثقلك بميزان
وفـيـك الـوطـنيـة لـدولـتـك بـاكـبـار *** ويسرتها مرجـع لمن كـان غـلطـان
حكم تسلسل من لخ قـرون وادهار *** دولة هل العوجاء من أحفاد مرخان
وأنـت الذي يشهد لك الكـل واكـثـار *** وأنـت الـذي سجّلت بالشعـر ديوان
وصديت عن عنّاز بالشعر الأشرار *** وحاميت عن حضـر القبيلة وبدوان
وتستاهـل التمجيـد والمـدح باشهار *** سبقت من جـاراك ولـرب لـك عـان
وكـل القبـيلـة تفتخـر بأبـنهـا الـبـار *** علمك ضهر يالقرم في كل الأوطان
تبدع ولا أنـت أبـدع الأشعار محتار *** تـصـوغ جـزلات المعـاني بـقـيـفـان
أبي السموحه منك وابدي لك اعذار *** وارجي من الرحمن عفواً وغفران
وصـلاة ربـي عــد زخـات الأمـطـار *** عـلى النبي سيد البشر نسل عدنان
قال عبدالله بن دهيمش بن عبار هذه القصيدة جواب لقصيدة عيد بن
محمد العيد الدهمشي أبو فواز : 1517
يا مـرحبـا يـا عـيـد مـلـيـون تـكـرار *** هـلا يـا أبـو فـواز يـا عالـي الشان
جـاني جـوابك فـيـه عـبـره وتعـبـار *** منطوق قـرم مـن الرجاجيل فهمان
أبـي احتفظ بـه طـول الأيـام تـذكـار *** واشكرك يا عز الخوي سر واعلان
أنـت الـذي تـفهـم مبـاهيـم الأسـرار *** فكرك سليم ولا أنت بالشعـر بحلان
مجـدتني يا ريـف من جـوك خـطّـار *** وأفخر باللي شرواك ياطير حوران
تعـيش يا أبن عـيـد يا حـر الأحـرار *** حيث أنت نـادر من صواريم عقبان
تشيد في جهدي وتجهر بـه اجـهـار *** يـفـدى جنـابـك كـل جـاحـد وخـوّان
الخايب الـلي لصاحبه يـبي الأضرار *** خطو الذي من طيّب الفعـل نـغـران
يسيـر مـع مقـصد خـبيثين الأشـوار *** لاشـك رفـقـتهـم مهـونـه وحـقـران
قام ايتبجّح مـن بـه الخـزي والـعـار *** هـو يحسب أنه تايه البصر سلطان
الحـسـد ولّـع فـي مـعـالـيـقـه الـنـار *** يشمت وهـرجه خايـب السد بهتـان
ينشر مع أصحابـه شنيعات الأخبـار *** كذوب وأصحابه يا أبن عيـد كذبان
والشاهد الـلـه باذل الجهـد باصخار *** ونلت من اللي مثلك تشكر وعرفان
ومـن يزرع المعروف بالنّـذل خسّار *** أنا اشهد أنـه يا أبـو فـواّز خسران
الـلـه يـجـازي كـل خـايـن وغـــــدّار *** لا تـأمـنـه يـلـدغ كـمـا لـدغ ثـعبـان
لـك الـشكـر يالدهمشي عـد مـن زار *** طـاف بحـرم مـكّـة ودوّج بالأركان
ولاهي غـريبه منـك يا مكـرم الجـار *** حيثك من الـلي فعلهم بالفخـر بـان
عـزوة محددت الجـمـل يـوم الأكـدار *** يوم العرب كانت حناشل وغـزوان
دهـامشه لهـم الفـخـر رمـز واشعـار *** مـقـدامهـم جـزاع والشيخ سعـران
مشعان أخو جحله صميدع ومغـوار *** ياما نحى عـن مرتع الـذود فرسان
الـغـافـلـه مـا جـفّـلـه كـل مـن غــار *** من دونها نمرٍ على الصيد ضرمان
والشيخ أبـن قـنفـذ وجلعـود وذعار *** عـلـم الفـخـر يشمل سلايـل ضبيان
والنعم في ربعك أن كـان الدخـن ثـار *** مقدامهـم عمعوم برجس ومشعان
ربعك اليا ركبوا على قحص الأمهار *** عـوق العديم اليا تناخـوا بعـوجـان
قـلتـه وأنـا مـن ساس بوّاجـت الـدار *** حمرالنواظر من ضنا عبيد فدعان
داجوا عـلى الزرفات في كل الأقطـار *** يامـا ويـامـا سلّفـوا قـدم الأضعـان
وقال عيد بن محمد العيد يثني على عبدالله بن دهيمش العبار : 1518
ياعـم يا أبـن العـم يـا عـزوة أبـطـال *** نـادر حــرار رجــال كـافـي اوافــي
يا شاعـرنـا الغـالي معـزتـك بالحـال *** وأنـت المـقـدّر يا عـمـيـد القـوافـي
تقديـر شخصك مع وزينات الأثـقـال *** وأنـت القطامي في طـويـل النوافي
مهما مدحت وشدت ماوفيك بأقـوال *** شـيـخ المـعـانـي كـلـهـا والتـكـافـي
ومدحك يا أبو مشعل نعدّه والأفضال *** وأنـت محـل المـدح نـقدن وصافي
تـاريـخ وثـقـتـه صـحـيـح بـالأفـعـال *** وشديت بـه فـي كـل بـدع احترافي
بحرف المعاني صغت زينات الأمثال *** ودلايـل الـمـعـنـا بـرسـم اتـصـافـي
تـاريـخ مـوثـق حـفـظـتـه لـلأجـيـال *** إلى الأبـد باقي انـشاء الـلـه وكافي
وأنـت الـذي تمدح بعجلات الأرسال *** واشيـد بـك وامـدح بكـل اعتـرافـي
للمـدح تستاهـل ويـعـمل لـك أحـفـال *** وفي مهرجان المدح فـوق الكتافي
تحـمل عـلى الأكتاف من كل رحمال *** وهـذا قـليـلـن مـن كـثيـرن يـشافـي
والمـعـذره كـانـي مـنـقّـص بمكـيـال *** وارجـوك تعـذرني بجهـر وخـوافي
وصـلاة ربـي عــد مــاهــل هــمّــال *** عـلـى النـبي عـدّة افـواج الطـوافي
وقال عيد بن محمد العيد أبو فواز هذه الأبيات يهني زميله عبدالله بن
دهيمش العبار بحلول شهر رمضان المبارك : 1519
يا ابـو مشعل مبروك شهر رمضاني *** وأنـا اتشّرف فـيـك واقول مبـروك
وانـت لـنـا شاعـر عـطيـب اليـمـاني *** شاعـر لنـا نـلـت المعـالي ونـادوك
لا كـبـرت الـقـالـه افـحـلّـه ضـمـاني *** عندك ولا تحتاج ضبطٍ ولا صكـوك
الصّـك عـنـدك والـسنـع والـبـيـانـي *** لكـل القبيله أنت محامي بلا اشكوك
وتاريخـك الـلي فـوق بارفع مكـانـي *** امـوثـقـه واجـيـالـنـا مـا تـنـاسـوك
قال عبدالله بن دهيمش بن عبار هذه الأبيات مجاراه لأبيات الشاعر
عيد بن محمد العيد الدهمشي أبو فواز : 1520
يا عيـد منظومك عـلى الفـور جـاني *** عبـر الأثير الخط اسرع من الهوك
يـسلـم جـنـابـك يا عـريـب المجـانـي *** دامـك تبارك لـي وأنا أقول مبروك
عـساك تكسـب بـرمضـان الحسـاني *** وتدعي لأمك يا أبن الأجواد وأبوك
تـثـنـي عـلـي بـطـيـبـات الـمـعـانــي *** من حسن ذاتك تعتبرني كما أخـوك
جـاك الجـواب الـلي لفـظ بـه لساني *** يـاعـل عـزّك دايـم الـدّوم مسـمـوك
ورد عيد بن محمد العيد الدهمشي للمرّة الثانيه يقول : 1521
تسلـم يا أبـن عـمي وخـطـك لفـانـي *** خـطـن مـطـرّز بالمعـاني ومحبـوك
ومـنـك انـتـعـلّـم لـلـجـزال السمـاني *** وفـرضـت نـفسك عـز ماهـم تبنوك
تصهل كما يصهل خطات الحصاني *** شـاعـر قـبيلـة بكـل الأمـداح سمّوك
وراس العـلـم أنـت العـلم بشمخاني *** شامخ عـلى العـليـا قـدايـمـك دلّـوك
وموروثك الـلي من قـديم الـزماني *** تاريخ فـوق الأرض ماهو بمصكوك
تاريـخ يضمـن بالحقايـق ضـماني *** ومخضرم ومعـك الوثايق بـلا شكوك
يتبع