تابع
قال الشاعر ناجي الصقار هذه القصيدة يسند على عبدالله بن دهيمش بن عبار
بعد أن قرأ بعض المواضيع التي كتبت ضد أبن عبار وكان قد صدّق الذين
يطعنون بتلفيق الباطل ثم عرف مقصدهم وقال يعتذر : 1485
عـبـدالـلـه بن عـبار يـــا طيب الـفـال *** ما نـامت العين وخطابــك زجـرها
قـمـت اتقـلـب عن يمين وعـن شمال *** عـلّ وعسى عـيني تجافي سهرها
لكـن مقـامك عـالي وفـــوق الجـبـال *** حـرّم عـلـى عـيـني تـنـام وأمـرهـا
تسهـر ليـالي مـا تقـول السّهـر طـال *** وجسمي عـليـل اليوم لكن عـذرها
واجـب عليها لـو تدهـور بـي الحـال *** تـقـرا جـوابـك مـا يفـارق نـظـرهـا
من يوم شاعت بالخفا بعض الأقوال *** مـن زوّر الأنـسـاب والـي نـشرهـا
مـن زمـرةٍ سـارت بـدربٍ بـه وحـال *** وحـالي تـبـّدل يـوم سـرت بـأثرها
بــانت مـسـاويـهـا ولا بــــد يـنـقـال *** مـا لـوم ابـن عـبـار يـوم إحتقـرها
هــذا كــذوب وذا مـنـافـق ودجــــال *** وهذاك ساكت عن جريمه حضرها
فيهم أوايل وأشهــد ان فيهم رجـال *** ومنهـم كسب أمجـاد لكـن خسرهـا
ومنهم تـمـادى بـالـخـطـايا ولا زال *** ومنهـم وقـع بالحـفـره الي حفـرها
ماهُم بــلا ذمــه ولا فـيـهـم أنـــذال *** كـلٍ حـصـد مـن زرعـه الي بـذرهـا
ما جابهم أبليس في شـر الأعـمـال *** لـكـن غــواهُـم للـنـمـيـمه وذكـرهـا
معذور أبـن عـبار لا شـاف محتـال *** خـان الأمانـه والـحـقـيـقـه نـكـرهـا
يـهـدم قـصـورٍ شيّـدوها من رمـال *** ويفضح نوايا السوء والي ضمرها
من نـاجي الصقـار لا جـاك مرسال *** سـاعـة نـدم يزرع ويقطـف ثمرها
جيتك يابـو مشعـل وبرقبتي عـقـال *** منك السموحه والقصص في عبرها
جيت أعتذر وابريك من سو الأفعال *** بعـض الفتن ما يـنـتـدارك خطرها
قال عبدالله بن دهيمش بن عبار جواب لقصيدة الشاعر ناجي الصقار : 1486
حي الجواب وحي من صاغ الأمثال *** حيـه عـدد رمـل الديار وشجـرهـا
مـن نـاجي الصقّـار كسّاب الأنـفـال *** يـا عـل بـقـعـا مـا يصيبه ضررهـا
لـك الـشكـر يا زاكـي الجـد والخـال *** حيثك عرفت الـلي القبيله غـدرهـا
لا تطيع الـلي هـرجه درابيك طبّـال *** شرواك تلفيـق العـلـوم ايخصرهـا
كانـه شمتني صاحب القيل والقـال *** وكـل العـلـوم الهابطـه مـا ذخرهـا
يشهد لي اللي من الـرجاجيل عقّـال *** الـلي مثـل نـدف القطاني شعـرها
قـلتـه ولا زال الحمايـل لـهـا أنجـال *** لكـن بعـضها أمجـاد جـدّه قـبـرهـا
الناس فيها عـفون وخـباث وأرزال *** وفيـها حمايـل نفـتخـر فـي فـرهـا
بالنـاس مـن يـدرك وبالنـاس جهّـال *** وأهل الحسد ما تاجد اللي شكرها
النـاس يا ناجي بهـا أنـواع واشكال *** مـا عـاد نميّـز شيخهـا من نـفـرهـا
وبالناس يا نـاجي سنـانيـر واثـعـال *** قـشر المبادي من عـرفها حـقـرهـا
والـلي بتحريف النسّب وهّم الضال *** وجحـد تـواريخ الـرجـال اتخبـرهـا
أنساب عـنزه وضّحت عبر الأجيال *** والفعـل مـابـيـن القبـايـل شهـرهـا
عـيـال وايـل مـابـهـم شـك واجـدال *** ماهـو بخيـت الـلي يجـرّب قشرهـا
يـوم القبايـل بـيـنهـا حـرب واقـتـال *** تـشرا صداقتها ويخشى خـطـرهـا
رجالهـم هـوشه اليـا هـاش بهـبـال *** كن السكر صاب العقـول وخشرها
ياما بضنـا عـنـاز فـرسان وأبـطـال *** وأعـلام لـو عـديـتهـا مـا احصرها
أتعبت لهم الحال وأرخصت الأموال *** وانسابهم بالطرس نرسم شجرها
وهذه الأبيات نشرها عبر تويتر الأخ الذي رمز لاسمه م العنزي يقول : 1487
يا حـبني للشعـر لا صـار محبوك *** مـن شاعـر دايـم يجيـب الجميله
يروم صعبه والهـزل دوم متروك *** هـذاك ابـن عـبـار رمـز القبـيلـه
شعره جميل ولابها ريب وشكوك *** يارد عـلى الشّرد ولا احـد مثيله
يطرب مسامعنا ويطرب له ملوك *** قولـه صمال ولا يقـول الهـزيلـه
يحـوز الأفضل كنه مختم صكـوك *** فـوق الجـزايـل مـا نـدور بـديلـه
لوينصرف شعره من بنوك بشيوك *** شعـره كثيـر ونقـدته مستحيله
وهو الذي دربه على العز محيوك *** يفدونه الهلباج وأهـل الفشيلـه
جـاتـك قـويـه وقـافيتها عـلـى أوك *** واشوفها في حق وجهك قليله
وقد جاريت الأخ م العنزي بهذه الأبيات : 1488
حي الجواب وحي ما يلفظه فـوك *** حي الصديق الـلي اتشرّف بقيله
الله يعـز الـلي عـلى الطيب ربـوك *** الـوالدين أهـل التـقّى والفضيلـه
أبشر ترى قافي منـزه وأنا أخوك *** ما يـوم حطيته لك الـلـه وسيـلـه
أكتب عذيات القوافي عـلى البوك *** أتـرك ضعيف القاف وآخذ جليله
نختار جزل القاف والهزل متروك *** ولا خيـر باللي ما علومه جزيله
بيت القبيله يا بن الأجواد مسموك *** ورمز القبيله من يحوش النفيله
يفداك يا طيـر السعد كـل صعـلـوك *** سود القلوب أهل النفوس العليله
بعض العفون اللي اليا طبت سبوك *** من حسدهم لأهـل الخلاقه نبيلـه
واضاف احد الأخوه يقول :
عبدالله العبار يا كثر ما اطروك *** وقافك يا ابو مشعل بعز القبيله
قبيلة مـا بعـزهـا ريـب وشكوك *** رديـهـم بالطيـب حـاز النفـيـلـه
قال عبدالله بن دهيمش بن عبار هذه الأبيات يوضح نسب قبيلة الحازم : 1489
حـنـا الـحـازم مـا نـشـك بـنسـبـهـم *** سـلايـل الـلي عـقّـر الخـيـل تعـقيـر
وحنـا غـضبنـا مـن دواعي غضبهم *** ولا نخـبـر بالأجـواد عـيب ومعايير
وحـنـا لـك الـلـه مـا كـنينـا حـسبهـم *** ننصف ونذكـر فاعل الخيـر بالخير
من دور عصر جـدودنـا مـا هـزبهـم *** الـلي عـلى العـزوه يـدور المحاقير
والكـاتـب الـلي فـي كـتـابـه كـتـبهـم *** يسند عـلى الـلي يحملون البواكيـر
الـعـود الأول فـي عـروقـه جـذبـهـم *** مبطي لـهـم مـنـا حشيمـه وتـقـديـر
يـامـا انتصـرنـا بالحـروب بسبـبهـم *** وياما فـزع منهـم جموع وطـوابيـر
عـقـاقـرة معـروف عـصبة عـربهـم *** الجـمـع واحـد يـوم شـل المنـاسيـر
من ساس عزوه خصمهم ما غلبهم *** عـزوة عـيال العـود صيد المناعيـر
كان أنتخوا بالعـود مـا احدن قربهم *** بالمعتـرك يـروون حـدب البـواتـيـر
يا سعـد يـوم المعـضلـه مـن نجبهـم *** ارداهـم الـلي ما يجي مـنـه تقصير
قال ملفي العامر هذه القصيدة مجاوباً زميله عبدالله بن عبار : 1490
جـتـك القـوافي تعـتـزي من جنبهـم *** تلـفـي لأبـن عـبـار راس المشاهيـر
لـو تـكـثـر الـعـدوان لا مـا حسبهـم *** قـولـه صمال ولا هـروجـه اساطيـر
يـنـدب ويلـقى عـز مـن هـو نـدبهـم *** حـمـايـة الساقـات وأم المصـاغـيـر
ربـعي وربـعـك روس قـوم حطبهـم *** يـوم الـنـشـامـا لـلـمنـايـا مــداويــر
مـا كـنـت الخطـوه بهـم من طربهـم *** يـوم المنـاطـح كالأسـود المـغـاويـر
يأمـن بـهـم أقصى طـوارف عربهم *** ودخـيـلـنـا يامـن شـرور المحـاذيـر
والجـرب حـنـا الـلي نـداوي جربهم *** ونركي على العايل شطير المناشير
نفتق بـهـم خـلـه ونـعـرف اسربـهـم *** ونسوقهـم بالفعـل سـوق المظاهير
والـعـود مـن طـاريـه زادت اكربهـم *** ثابت وساسه حـي من دون تزويـر
ينشد عن الجـلفـه ومن هـو سربهم *** ويلـقى العـلـوم الـلي تـدق الأزاوير
حـازم من الفدعان مـا أحـدن شذبهم *** عـقـاقـره يـمـنـاك بالشـر والخـيـر
وقال مبارك بن عليان الشمري هذه القصيدة يسند على عبدالله بن دهيمش العبار : 1491
يا الـلـه يالـلي لخملـة الـعـبـد سـتـار *** يا رب مـا كـنّـه ضـميـري عـلـمتـه
ومن بعد ذكر الله بـديت انظم أشعار *** من خاطـري قـلـت القصيد ونظمته
قـم يـا نـديـبـي وأتـجـه لأبـن عـبـار *** مـن فـوق جـمس يطربـك لا نهمته
تـلـفـظ شكـامينـه مـثـل واهـج النـار *** يوصـل بعيـد الـدار لامـن دحـمـتـه
مـتعــّود لـقـطـع الفـيـافي والأقـطـار *** عـلـيـه قـرم يـنـفـعـك لا خـدمـتــــه
تـلـقـا الـدلال مـراكـيات عـلى الـنـار *** وتقـلـط عـلى كـبش كبيـره شحمته
قـرم مـن الـويـلان لـلـحـيـل جـّـــزار *** مـا داس في مجلس جنابـه رخمته
ومن الكـلام الطيـب صايـر لكـم كـار *** فـعـلـن قـديـم مـن جـدودك لـزمتـه
الـشـاعـر الـلـي بـالتماثـيـل بـيـطـار *** لـو مـا يـرد الـقـاف بـالـحـال لمـتـه
عطه الجواب وهات لي رد الأخبـار *** متعـوب بالممشـا ودربـك فـهـمـتـه
وش حيلتي لا صرت بالحيل محتار *** بالـلي تـغـيّـر فـي كـلامـه وصـمـتـه
ضيعت يوم الماء عـلى حلق الأبـار *** حـبـل الـمـوده بـيـنـنـا مـا حـسمـتـه
والـله لو أنه من وراء ضلع سنجار *** لـو ينقـطع حـبـل الـمـوده لحـمـتـه
وأعرف ترى من حط بالقلب مسمار *** من كـثـرة الحـرمـان قـلبي دهـمته
أعطيه عن حالي بعض موجز أخبار *** لوهو مجـرّب بالهـوى ما صدمتـه
أقـطـع عـلى شانـه بعـيـدات الأسفـار *** لـو شفـت حـالي يالسنافي رحمته
يـلـبـس سـواد وداخـلـه تـقـل جـمـار *** الصـوره الـلي فـي خيالي رسمتـه
ما أقدر عـلى بعـده ولـو كنت صبّـار *** والـهـوه الـلـي بـيـنـنـا مـا ردمـتـه
ماني ولـد عـفـن مـن الـغبـن صبّـار *** وحـبـل الـمـوده بـيـنـنـا مـا هـدمته
كتمـت مـابي خايـف هـرج الأشـرار *** يـبـيـن لـو أنـي بـغـيـت وكـتـمـتـــه
وش قولتك بالـلي عليه الزمن جـار *** عـطني الجـواب وفزعتك لا عدمته
وختامها صلـوا عـلى سـيـد الأبـرار *** نـبـيـنـا الـهـادي بـذكـره خـتـمـتـــه
قال عبدالله بن دهيمش بن عبار هذه القصيدة رداً على قصيدة الشاعر مبارك بن عليان : 1492
يا مـبـارك عـليـان يا نسـل الأحـرار *** فـرصت جوابـك يالـزميـل اغـتنمته
مالي جـدى ألا اكـرر القـاف تـكـرار *** الـراء حـرفـه مـن خـيـالي خصمته
من كثـر ما جاني عـلى قـاف عـبّـار *** يامـا كتبت مـن الحـروف وطخمته
لـكـن تـقـول أنـي بالأشعـار بـيطـار *** وتقـول كـانـه مـا أرسـل الـرد لمتـه
ونـويـت أشـد من السريعات فكسار *** جـاهـز مـجهـز والـدريـول زهـمتـه
العـالـم الـلـه يـوم يسرع مـع الـقـار *** مثـل العـزوم الـلي بسوطك رشمته
قـلـت استـعـد وقـال حاضر للأسفـار *** مشتـاق لـلسجـات والـلـيـل نـمـتـه
قـلـت أسـر لبريـده قـبـل فـج الأنوار *** مشي الفجـر يعجـبك كانـك جهمتـه
تـلـفي مـبـارك ريـف مـن جـاه زوّار *** أخو منصور الـيا عـرفتـه حشمتـه
وأن جاك يا مبارك كتابي والأسطـار *** كـز الخـبـر أن الخـطـاب استـلمته
سـلايـل عـلـيـان زاكـيـن واخـيـــــار *** بالصدّق طاري مدحهم ما زعـمتـه
مـن شـمّـر الغـلـبـا بعـيـديـن الأذكـار *** أدخل على الـلـه حقّهم ما هضمته
رجـالـهـم يـفـرح الـيـا جـوه خـطّــار *** يـوم الـردي لا ضيف تـارم عـلمته
يا مبارك كان أنك من الوضع محتار *** بالخل اللي من جملة البيض رمته
عـنـدي نصيحه كـان تقبل بالأشـوار *** دامـه جـفـاك وصـد كيـف أحترمته
شف العوانس يا فـتى صارن اكثـار *** أخـتـار عـمهوجـه تسّـرك اطخـمته
وأيـاك لا تجهـل تـرى الـزيـن غـرار *** شفّـك تـنـالـه كـان قـلـبـك حـكمتـه
فيما مضى العاشق من الوجد ينهار *** والـيـوم قـلّـت يالسنافـي اطـعـمـتـه
كـانـوا يجـوبـون الفيـافي والأقـفـار *** والـبـر تـعـرف قشعـته مع رضمته
واليوم بس أشباح من دونها أسوار *** مثـل الحفـاد الـلي بـدربـك عـقمتـه
قال عبدالله بن دهيمش بن عبار هذه الأبيات من ذكريات الصبى : 1493
البـارحـه عـدي عـن النـوم محجـوز *** القـلـب هـام وصايبه غش وانحـاز
لـولاي أبـّرد لـوعـة القـلـب بـكـروز *** شـب بضميري شبّت النـار بالقـاز
قلب العنا ما يطـربـه صـوت فـيـروز *** صوتٍ يهفه عاصف الريح بجهاز
قالوا تجوز وقلت وشلون أبي أجوز *** عن ذكـر ربعٍ لي شريفين واعزاز
الـلاّبـة الـلي طبعـهـم ثـقـلـت الـروز *** فـي ساعـةٍ مـا فـيـه عـاذل وحجّاز
وجدي على شوفة هل المجد والفوز *** حمر النواظر ريـف من كان معتاز
ربــي قـلـعـني يــم ذالــف وهـامــوز *** بأرض القعافز كل يوم أسمع العاز
يا قـلـب هـيّـد كـل ديـرة بـهـا عـنوز *** ما فيه غـربـه وأنت مابـيـن عـنّـاز
وجدي على الـلي كنها مطرق اللّوز *** والـخـد طـرس مـعـلـقـيـنـه ابرواز
مـا تـرتـدي ملبس بـناطيل واجنـوز *** مـصيـونـه ولا نـاظـرت كـل غـمّـاز
العنق عنـق الـريـم والـزول مركـوز *** بالحسن عن بعض الغـنادير تمتـاز
قال الشاعر مبارك بن إبراهيم العليان هذه القصيدة مجاراة لقصيدتي الموضحه أعلاه : 1494
البارحـه تـقـل أتـقـلّـب عـلى قـزوز *** الـنـوم مـا قـرّب لعـيـنـي ولا جـاز
كن بضميري مـلّـة الجـمـر ملهـوز *** مــن واهـج كـنـي بــتـنـور خـبّــاز
من غـرتـه دنياه بس يجمع كـنـوز *** يــوم مـن الأيـام تـلـقـاه مـعـتــــاز
أن ادبرت تعطيك من لوعـته جوز *** وأن اقـبـلـت خـلّـتـك بالحيـل تمتـاز
النـاس تحسب للـرجاجيـل وتـروز *** رجـل فـهيـم ولا عـن الحـق ينحـاز
ورجل غبر كنّه من إبليس مكزوز *** التـافـه الـلي بعـرض الأجواد نبّـاز
ورجـل فهيـم وللمهـمات محجـوز *** تلـقـاه لامـنـه غـذى الـبـوم والـبـاز
ورجـل كـلامه بس نمّات ورمـوز *** يـا لـيـت ربـي يـقـلـعـه لـم الأحـواز
والجرذ جرذ ولو يقدّم لـه المـوز *** وبعـض البشر لا دبـروا دبّـة الـقـاز
يارب تسترنا عن الناس والعـوز *** وتجعـل هـقاويـنـا بعـيـدات واعـزاز
من فاز بالجنه فهي مطلب الفوز *** ولا بـالـهـدنـيـا دنـيـه ولا فـــــــــــاز
قال الشاعر مبارك بن إبراهيم العليان هذه القصيدة مجاراة لقصيدة التوبه
شعر عبدالله بن دهيمش بن عبار : 1495
يالـلـه يـالـلـي فـارج الـضّـر لأيـوب *** يا معـطي محـمـد لـسبـع الـمـثـانـي
يا مخرج يوسف من البيـر مرعوب *** وانـجـاه من كيـد النساء وامتحاني
يا فـارج الكـربـات عـن كـل مكروب *** تـغـفـر ذنـوبـي دقـهـا والـسـمـانـي
كـل مـا جـرى للعـبـد باللّوح مكتوب *** مـن يـوم خـلـقـه مـا يـفيـد التماني
العـبـد فـي دنـيـاه مـا يحتمـل شـوب *** اسألـك يـوم العـرض تـرحم كيانـي
وتـرى المعاصي للمخاليق عـذروب *** ومـا قـدّر المولى عـلى العبد كانـي
من خالط الجرب على الحول مجروب *** والذيب ما يمشي دروب الحصاني
وكلٍ عليه الوقت محصى ومحسوب *** والنـاس بالـدنـيـا سـوات السواني
تمشي بـه المحّال والغـرب مسكـوب *** صـادر ووارد لـيـن جـاه الهـوانـي
حـتّى يجـيـه الـوقت والمـوت دالـوب *** أمـا عـلـى الـنـيـران ولا الجـنـاني
لا لاحـقـن يـعـمـل ولا يـقـدر أيـتـوب *** ضيـع شبـابـه بـيـن لهـو واغـانـي
اتـرك هـل الـنّمـه تـرى تجمع ذنـوب *** واتــرك كــلام فــلان ولا فــلانـــي
والنـاس بالدنيـا بهـا نقص وعـيـوب *** لاشـك تـمحـى بالعـمـل والتـفـانـي
وابعـد عن الـلي بالمواجيب مسبوب *** التـافـه الـلي سـافـل ومـغـلـطـانـي
بعض البشر كنّه من العـقـل مسلوب *** خـلا دروب الـعـز وأرخـى العناني
ماهو عـلى يمّه ولاهـو عـلى صـوب *** مـضـيـع الـداريـن والـعـمـر فـانـي
التافه الـلي بعـرض الأجـواد شاذوب *** راعي نميمه وأفـتـراء واهـذيـاني
مـا يـنـفـعـه لا سكـروا دونـه الطوب *** لصار لعراض الناس والناس جاني
واللي عمل للخير عن النار محجوب *** ياخـذ صحيـفـة مـا عـمل باليماني
والحـر عـمره ما توالـف مـع خروب *** والثور ما يمشي مماشي الحصاني
قـافـك يا أبـن عـبـار بالـورد مكـتـوب *** مثل الذهب ما خالطه صنف ثاني
مثل الذهب ما خالطه صنف مضروب *** تـرقى سنـود ولا تـريـد الطـماني
من قبل لا تنوي عـلى قصرت الثـوب *** دربـك عـدال ولا مشيـت ادوراني
حافـظ دروب المجـد فـي كـل ماجـوب *** رجـل كـريـم وفـاهـمـن لـلـمعـاني
حـيثـك يا أبـن عـبـار بالناس محبوب *** تستاهـل التقديـر وايـضاً التهـاني
نرجوا لعلـك مـن هـل الخـيـر منسوب *** الـلـه يفكـك من صروف الزماني
واخـتـم بذكـر الـلـه وهو خير مطلوب *** وصـلاة ربـي فـي خـتـامـه كفاني
هذه الأبيات اهداء للرجل الفاضل منصور بن إبراهيم العليان من حاضرة شمّر
في حويلان بالقصيم وهذا الرجل سبق وأن دعاني لكرامه ولم يخبرني بأنه
ينوي عمل تكريم وقد استاجر صالة المقصورة في بريدة وأحضر قناه وشعراء
وعمل تكريم مشّرف علماً أن الكثير من رجال عنزة الأوفياء أرادوا أن يعملون
تكريم ورفضت ولكن هذا الرجل قام بهذا التكريم دون أن يخبرني وهو من
كرماء الرجال وقد حفظ قصائدي وكذلك أخوانه الكرام يحفظون قصائدي ومن
لاشكر الناس ما شكر الله وقد اثنيت عليه بعدة قصائد وقلت هذه الأبيات : 1497
ياقرم يا منصور منك اشتكى الموس *** وعذّبت جزّار المقاصب من الذّبح
طول الزمن لأجل الكرم تنفق فلوس *** منك الشريطي حصّل الفود والربح
لك خشم يا منصور يستاهل البـوس *** يا فاعـل المعـروف يا مبعـد الشبح
حـيثـك كريـم وبـك شهامه وناموس *** اشكـر جنابك كـل ما يشرق الصّبح
عسى الولي يحميك من كل منحوس *** سود القلوب الـلي تهارف لها نبح
أنـت الـذي بك عزوتك ترفع الروس *** وأبوك نجره طول الأيـام لـه ضبح
أبـوك لبس مـن التّـقى خيـر ملبوس *** يكبح جماح النفس عن غيها كبـح
الشاعر مبارك بن إبراهيم العليان هذه الأبيات مجاراة لأبيات عبدالله بن
دهيمش بن عبار الذي يمدح بها منصور العليان : 1498
الطيب لأهل الطيب يذكر ومحسوس *** رد الثناء لـلي شكرنـا عـلى الـذّبح
شهادتن لـو تـنـوزن وزنهـا فـلـوس *** شهـادة الطيّـب هـي الفـود والربّح
تـذكـر فعـل منصور عـز ونامـوس *** من دوّرالطولات يمشي على الضّبح
دربـن مشاه العـود بالعـز مـتـروس *** ينـومس الضيفان لـو يطـلع الصبّح
البـن بالمجلس مجهـز ومحـمـوس *** وحـنـا عـلى دربـه لنـا بالوفاء شبح
احدن بالهادنيا على العز ممسوس *** تـمسّـه الـطـولات مـا يـقـدر الـكـبـح
ما نطيع من فكره مغيّب وملحوس *** ما هـمنـا الثـرثـار والـلي لـهـم نـبـح
قال الشاعر راضي بن سعد بن صليبي الضوي في حفل العليان : 1499
تـوكـلـنـا عـلى الـلـه جـل شـانـه خـالـق الأنـسـان
هو الخالق هو الرازق هـو الـواحـد هـو المعبـود
وبـعـد ذكـر الـلـه الخالـق بديـت بهاجس القيفـان
دخـيلـك يا هاجـوس الشعـر لا تذخـر عن المنقود
يطـيـب الشعـر والشاعر بحـفـلـة محـزم عـلـيـان
لـو أن منصـور مـا يكـفـيـه بطيبـه شعـر مـعـدود
فعـول القـرم مشهـوده مـا يلحـق وقـفتـه نقصان
عـلى مـا تـقـدمـه يمنـاه من فعـل الكـرم محـمـود
يا أبـو إبراهيم فعـلك بالوفاء والطيب لـه عـنوان
يشوش الراس من طيبك ويفخر بك عريب جدود
حـفـيـد لـلـطـنـايـا والـطـنـايـا لـفـعــلـهـم بـرهـان
سـنـاعـيس لـهـم تـاريـخ يـوم الـفـعـل بـالـبـارود
لـهـم مجـد مسطـر يـوم وقـت الفـعـل بـالـمـيـدان
تـوارث مجـدهـم مـاهـو جـديـد والـعـبـاد شـهـود
وميـقـافـك ومـعـروفـك ومـجـهـودك لـوايـل بـان
وتكـريـمـك لشـاعـر وايـل اللـيـلـه فـخـر مسنـود
هـذا عـبـدالـلـه دهيمش لـو نسجّـل عـنـه ديـوان
لا يـمكـن نـوفـيـه حـقّـه مـهـمـا نـبـذل المـجـهـود
هـو الشاعـر هـو الـراوي هـو التاريخ والـربّـان
هـو الـلي سجّـل الأنساب من وقـتي ألـيـن العـود
ومـن لا يعجـبـه قـولي يـطـق الـراس بالجـدران
ما يجحـد موقـف الطيـب يكـود الحاسد المقـرود
مضّى عـمـره عـلى شـان القبـيلـه دايـم سهـران
مـن الـلي غـيـر عـبـدالـلـه تـقـدّم قال أنا موجود
نـسـب وايـل بفضـل الـلـه ثـم وقفتك شانـه شان
واللي ما يشوف ميقافك ما يعرف نقصها والزود
وصـلّى الـلـه عـلى محمد عـدد ما هـلّت الأمـزان
شفيـع الخـلـق فـي يـوم يـشيّـب هـولـه المـولـود
وقال عبدالله بن دهيمش بن عبار مجاراه لقصيدة راضي بن سعد : 1500
يا هلا ومرحبـا براضي كـلامـه يشبـه المـرجان
يشابـه للذهـب مسبوك لحزاّت اللّـزم مرصـود
يا أبـن سعـد حفظك الله هـلآ يا خـلفة الفـرسان
حشيم وجدك صليبي شجاع بيوم عـصر القـود
وقـفتك ماهي غـريـبه وربعـك عـزوة سليمـان
لـهـم جـمـعٍ يـعـتـزابـه بـيـوم بالمـيـدان حـشـود
وأنت شرفني حضورك بحـفـل خـلـفـة عـليـان
حفل منصور واخوانه من أصحاب الكرم والجود
ونعـم في خلفة إبراهيم مشاهيرٍ من القصمان
أبـن مـبـارك لـه مفعـول بزمان الجـفـاء والكـود
عزيز وشهم ومعروف عند الحضر والبـدوان
أهـل القصيم تشهـد لـه كـريـم ولـه فعـل مشهود
من أهـل البـر والأحسان يسير بمنهج الـقرآن
حـلـيـم وسيـرتـه عـطـره ويـذخـر بالليال السـود
سليـل الجـود عـاداتـه يجـود ويـكرم الضيفان
بشـوش ولا قـفـل بـابـه ديـوانـه بالـنـبـا مشيـود
عفيف وشهم ومـديّـن ولا يشكـونـه الجيـران
وسـلـم الـطـيـب مـن والـد يـعـقّـب ورث للمولود
ونعم بخلفة عـليان كرام وعـرضهم منصـان
السنـاعـيس مـن عـبـده طـنـايـا وعون للمضهود
وأنا مدان لـلّي حـط كرامه حشو مع خرفـان
غـزيـر الـزاد بصحونه ويعـلـوه الشّحـم مـنـضـود
هاك الصالات تشهدله ويشهد مطبخ السلمان
أبـد مـا عـد مصـروفـه ولا فـكّـر بـصـرف نـقـود
تكـلـّف في مصاريـفـه ولـكـن الكـريـم مـعـان
حـلـف بالخـالـق الـبـاري لـزوم يـنـفّـذ المقـصـود
عـزم ربعه وصدقانه لحفله وأحضر الأخوان
اخـوانـه بالكـرم مـثـلـه كرمهـم ليس هـو محـدود
قال الشاعر راضي بن سعد بن صليبي الجعفري أبو سيف هذه القصيدة
يثني على زميله عبدالله بن دهيمش بن عبار : 1501
مساك الـلـه بالسعد والخيـر والنـور الجميـل
يا حاضرين الحفل نور الحفل بالحاضر كمل
حضوري الليله بحفلة شاعر الويلان ما مثله مثيل
افخر واجيب من الشعر ما طاب بحروف وجمـل
في حفلة قايم عـليها الـلي عـلى الجـزلـه وكيـل
أبن شتيوي لا بغا الجـزله عـلى الجـزله صمـل
غالي على اسمه له نصيب من الغلا فوق المثيل
لأنـه يشيـل الكـايـده مـا شـالـهـا ضهـر الجـمـل
وربـعـه حـزامـه بـيمنـاه والفـعـل للسائـل دلـيـل
سلمـات عـنـد الأزمـه يشيلـون ما شـال الـزّمـل
نفخـر بهـم يـوم أنهـا بـيـن العـرب جيشٍ وخيل
يـوم القشر عـنـد الـديـار والبـل ومنبـاع الثّمـل
ومـن بـعـد هـذا مـرحـبـا يا شاعـراً مالـه مثيـل
شعره كما غيث من المنشأ على الأرض انهمل
يا مـرحـبـا ترحيب بـك ينساق سوق السلسبيل
يا شاعـرا مجـده عـلى الساحه تـعـلا واشتمـل
ضيـف وغـالي عـنـدنـا فـي كـل يـوم وكـل ليـل
شـال الثقيلـه يـوم غـيـره للثـقـيـلـه مـا احتمـل
الحـق ذكـره حـق مـا يخـفـيـه لـكـود العـلـيـل
الـلي عجـز لا ياصل المشراف يقصع بالقـمل
مـا يجحـد جهـودك يا عـبـدالله ياكـود الهبيـل
لا فـاعـل فـعـلـك ولا جـنبـك لأكـمـال العـمـل
جابهت يـوم مجابه الشّعار في نقض وفـتيـل
من دون ربعـك كـل يـوم مـا تـكـل ولا تـمـل
وحـطيت للضايع عـن الأنساب تبيان ودليـل
تبقى عـلى مـر الـزّمن ما فـيـه شي محتمـل
مـبـيـن الأنـسـاب للأجـيـال جـيـل بـعـد جـيـل
من غـيـر عبدالله جمع كـل العوايل والشّمـل
واللي يبي ينكر صاحب المعروف والفعل الجميل
ودك يقـضي العـمـر بـيـن النـاس مقلول وصمـل
قال الشاعر راضي بن سعد بن صليبي الضوي الجعفري يسند على
زميله عبدالله بن دهيمش بن عبار : 1502
الـلي مثـل مبـداك مـا يلحقـه خـوف *** كلن لجهدك يا أبيض الوجه شايـف
شاعـر ولك مبـدأ موثـق ومعـروف *** ومبـداك يـنبي عـن كثـيـر الكـلايـف
جهدك يابو مشعل عن الغيربه نوف *** مـا يجحـده رجـلٍ من الـلـه خـايـف
وقفت يوم أن الشعر ضربت سيوف *** ميقـاف ما يوصف بمثـلـه وصايف
ودونـت للـويـلان تـاريـخ مكشـوف *** تـاريـخ للـويـلان وسـط الصحـايـف
حـطيـت نـفسك لـلمهـمـات مكلـوف *** كـلايـفٍ يـا طـيـبـهـا مـن كـلايــــف
واللي حذفك قصيّر العرف والشوف *** هـديـفـه وتـركـض وراه الهـدايـف
وسوالف ماهي عـلى حق منصوف *** تطـيـر لاهـبـت هـبـوب العـصـايـف
والـلي سـوالفهم كما ناعـم الصوف *** يا لـيتـهـم جـابـوا لأهـلهـم نـوايـف
لا يزعجونك لوغدوا جمع وصفوف *** مثلـك جـبـل ما يـزعجه كـل حايف
مـا حافهـم مـن قاسي ايامهـم حـوف *** ولا عندهم غير الشكاوي وضايف
جواب عبدالله بن دهيمش بن عبار رداَعلى زميله الشاعر راضي بن سعد بن صليبي الضوي : 1503
جاني قرايض خطها القـرم بحروف *** راضي أبن سعـد علـومـه طـرايـف
عسى الولي يحميه من كل صادوف *** رب العـبـاد الـلي بـالأحـوال رايـف
اشكرك ثم اشكرك يا صافي الجـوف *** بالشكـر مـا يـوفيـك لفـظ الشفايـف
يا أبن صليبي لـك جمالـه ومعـروف *** وشكر الثنا لشرواك ماهو حسايف
كافحت في هرج الخطأ كـل هذلـوف *** الـهـايـف الـلـي منطقـه دوم زايـف
لأجل القبيله كنت ألوف الوطن لوف *** واليوم صرت من المشاويرعايـف
صبرت يا راضي ولو عندي ظروف *** ولا ينجح الـلي نـام فـوق القطايف
خمسين عـام أقـلّـب الكتب بـرفـوف *** وتشهـد لمجهودي جميع الطوايـف
وأنكرني الـلي يلتغـف تقـل ملهـوف *** حـاك المكايد مـار صارت خـفايـف
حـيثـه يحسب أنـي مقـيّد ومكـتـوف *** وده يـفـوز بـعـثـرتـي وايـتـكـايــف
وقف معه من كان بالظـلم موصوف *** لاشـك زال الـظّـلـم تـعـمـيـم نـايـف
قال عبدالله بن دهيمش بن عبار يسند على راضي بن سعد بن صليبي : 1504
راضـي دعـاني وأرسـل الـخـط لـيـه *** ورفـيقـنـا عـن حـفـلتـه مـا نـغـيبي
الصـاحـب الـغـالـي حـقـوقـه عـلـيـه *** مـلـزوم الـبـي دعـوتـه واستجيـبي
نـويـت اسـاهـم فـي قــوافـي نـقــيـه *** وارسـلـت قـافـي بالتهـانـي نـديبي
ارسـل بـديـع الـقــاف مـني هـديـــه *** لـلـنـادر الـقـرم الـفهـيـم الـلـبـيـبـي
سـكـن بمـنـزل بـه مـجـالـس فـضيـه *** عسى يتهنـا بـه فسيـح ورحـيـبـي
الـلـي نـفـل فـي قـول يـا الـلـه حـيّـه *** يشفق عـلى الطولـه ويزداد طيـبي
شـبـحـه بـعـيـد ولا اهــدافــه دنــيــه *** أبـن سـعـد شغموم ما هو حضيبي
بـه شيـمـه وعـفّـه وبـه حسـن نـيـه *** سفـر المحيـا مـا ىحجاجه غضيبي
يـحـمـيـه رب الـكـون مـن كـل سـيـه *** ويصونـه الـلـي للخـلايـق رقـيـبي
وعـسـاه يـنـعـم بـالـحـيـاه الـهـنـيــة *** الصافي الـوافـي خـلايـف صلـيـبي
نسـل الشـجـاع الـلي عـزومـه قـويـه *** الحـيـص شـيـّال الحمـول المنيبي
مـن ذربـة أهـل المـرجـلـه والحـميـه *** مـا مـنهـم الـلي بـالـلّـوازم يخيـبي
ولا ذكـر مـنهـم مـن يبـوق بـخـويـه *** الـكـل منهـم مـا يـخـون الصحيـبي
الاسـم راضـي حـيـث نـفسـه رضيـه *** واخـذ مـن مسمّـاه أوفـر نصـيـبـي
عـلي المـضـوي جـاب مـثـلـه وزيـه *** ضـواويـه خـالـيـن مـن كـل عـيبي
عـلي نسـل محـمـود تـشعـل ضـويـه *** نـال الفخـر فـي شبـّتـه والمشيـبي
عـقّـب حـمـايـل كـل مـنـهـم حـلـيـــه *** عـدوهـم منهـم صـوابـه عـطـيـبـي
ساسه عـريـب وعـزوتـه جـعـفـريـه *** والنّعـم بالعـرق العـريـق العـريـبي
وأن صـار مـن عـوج الطلايب قضيه *** مـن روس لابـه يفلجـون الطليبي
بـهـم الـكـرم والـجـود والأريـحـيــــه *** مـن ضافهـم يلقـا شتيـل وعصيبي
وبـربـاعـهـم صـفـر الـدلال الـعـذيـــه *** مـع رايـب الفنجال ما هـو سريبي
وقـصيـرهـم مـا جـاه مـنهـم خـطـيـه *** ولاهم من الـلي يطردون الشريبي
الـلـي زبـنهـم عـدهـم لـه سـمـيـــــه *** أهـل السـلـوم مـدلـهـيـن الغـريـبـي
يـثـنـون دون الـلـي جـواده رديـــــة *** الـلي بحـومـات الـوغـى مستريـبي
عـصـر القـنـا والسيـف والبنـدقـيـه *** مـا راعهـم وقـت المعـامع حـريـبي
تـشـهـد لمـاضيـهـم سـروج العـبـيـة *** قحص المهـار مـلافخـات السبيـبي
يـوم النضـا تجـفـل جـفـيـل الظـبـيـه *** لا ثـارت الجـدعـا لـقـاهـم صعـيـبي
افـعـالـهـم مـا تـنـحـصـي قـيـدنـيـــه *** مهـما نقـول مـن النعـوت ونجـيبي
والـخـاتـمـه مـنـي جـزيـل الـتـحـيّــه *** لـلـي تـعـنـا مـن بـعـيـد وقـريـبـــي
وصـلـّوا عـلى سـيـد الـعـبـاد ونـبـيـه *** اعـداد مـا يـومي جـريـد العـسيبي
يتبع