[CENTER][SIZE="6"] تابع
قال محمد سوعان الربيّع هذه القصيده تحتوي على بعض الحكم : 1357
كلام بعض العـرب مؤلم ويزعـجـني *** وانا على شان بعض الناس طنشته
هــرجه يسـمّ الضماير ثـم يخرجنـي *** عن طور صبري اناطنشت دردشته
بعض الحكي يزعل ويجرح ويحرجني *** وجرح الكرامه ابد ما يوم عايشته
هذا الذي عن بعض الازوال هججني *** ولو كان منهم غزيرالرزق ماحشته
شوفة ردي النسب ما يـوم تبهجني *** ابغض حضورالردي واكره مناقشته
مابيه لو هو على الغارب يحججني *** ولـو كان عمري من الانذال طرشتـه
مـابيـه انـا حـزة اسـقامي يعـالجني *** ولا اذكر اني بضيق الـوقـت بـلشتـه
النفس عـيّت معه تمشي وتدمجني *** هـذا الـوكـاد الـلي بالاشعـار كـيّشتـه
ورزقي على الله ولا شكّ يخالجني *** وايمان نفسي عـلى مـا صار جيشتـه
يـاعـل ربـي مـع الابـرار يـدرجني *** هـذا الامـل دايـــم ولا يــوم هـمـشـتـه
قال عبدالله بن دهيمش العبار هذه الأبيات مجاره لأبيات الشاعر محمد بن سوعان الربيّع : 1358
أسباب مـا هيّض شعـوري وهيجني *** المـقصـد الـلي يا محـمـد تـنـاوشتـه
الـلّاش مـا ودي لـك الـلـه يهـرجني *** والبس لا تـأمنه كـان أنـت هارشتـه
ومـن كـان قصده يا محـمد يبرهجني *** كم واحـد حاول خداعـي وخـيشتـه
والخايـب الـلي بالسوالف تـولجـني *** ما يـوم شتـمتـه بـعـرضه ولا نشتـه
واللي مرامه بحكي الـزور يسمجني *** العـيـب يـوجـد بجـيـبـه كـان فتشته
والحمـد لـلـه خبيث الطبع يسهجني *** والفـار ما يطهـر ولـو كـان روشتـه
من باع حظّه قليل الفود وش يجني *** دنياك هـذي كـما المقناص والكشته
مـن يتبـع العـدل ما قـادوه للسجني *** والطـيّب يسامـح ولـو كان هـاوشته
من خـلقت الدنيا بهـا جاني ومجني *** والخبل يطعـن صاحبه كان حـرشـته
مبطي تلاشى زمان الخيل والهجني *** اليوم عصرالذي يسحب طرف بشته
كتب محمـد بن سوعان الربيّع اليوم الاحد 9 من شعبان 1440 هجري
تشرفت وبرفقة بعض الاخوان الاعزاء والاكارم امس السـبت بزيارة
وديه الى الاخ العزيز والاديب والمؤرخ الشاعر المعروف عبد الله بن
عبار العنزي في منزله في مدينة الرياض وقمنا بجوله تفقـديه ممتعه
في مكتبته الخاصه والجامعه للكثير من الكتب الثريه بالادب والتاريخ
والمعرفه والتي تضم بين جنباتها كنزاً وموروثاً من المراجع التي تهـم
قبيلة عنزه والقبائل الاخرى وكتب التاريخ النادره بالاضافه الى دواوين
الشعر التي الفها ابو مشعل على مدى اربعين عاماً عسى الله يعطيه
الصحه والعافيه وطول العمر وفي نهاية الجوله قام مشكوراً باهدائنا
نسخ قيّمه من آخر مؤلفـاته النادره وهذه ابيات اهداء متواضعه
اتمنى ان تليق بشخصه الكريم اقول : 1359
سـلام الـلـه عـلى قـرمً تـسرّه جـيـّة الـزوّار
كريمً النفس ابو مشعل فتح للضيف ديوانه
انا اعـني طيّب المبـدا عريـب الجـد ابن عـبـار
ادب واخلاق واسـلوب التواضع يمتـلك شـانه
شـهـد له قاصي وداني شهـد له عالـم الاشعـار
عـلـم شامخ له ايـردد جـزيـل الشـكر بالـوانـه
عـلـم في عـالي الـقـمه تـلـفـت يـمـه الانـظــار
تسـطـراســمه بسـيـره نبيـله صعــب نســيانـه
خـدم موروثـنـا الشـعـبي بـعـزم وقـوةً اصـرار
أليـن اصبح ركـن فـاعـل تمـيّـز بيـن اركانـه
نـذرعـمره لاجل ربعه ولاهاب الخطر واحتـار
نقـل هـمً يـفـوق اطـويـق والحـره وضـلعـانـه
تـفـاخـربـه بـني وايـل قـبيـلـة ربعــه الاحـرار
الاول ماله منافس زعـيـم الشــعـر والحـانــه
وانا افـخـر بالذي مثـله واكـررغــايتي تـكرار
واحيي فارس الكلمه ابو مشـعـل وعنــوانـه
وصلاة الله عـلى الهادي نبي الامــه المخـتـار
نبيً عـانه الوالي على أهـل الشـرك عـدوانـه
قال عبدالله بن دهيمش بن عبار هذه القصيدة مجاراة لقصيدة الزميل
محمد بن سوعان الربيّع مع الشكر الجزيل : 1360
هـلا يامحمد السوعان هـلابـك يا عزيـز الجـار
عسـاك بـحـفـظ مـولانـا ولي الكـون سبحـانـه
محمد عرفه يشّرف حـماه الـلـه مـن الأشرار
لبيب ومن قـرأ شعـره طرب من عذب قيفانه
أحب الوافي المنصف أحب الصفّوه الأخيـار
الـلي شـرواك يا محمـد يـعـد الحـق بلسانـه
يشرفني كـلام الـلي صدح بالجهد لي شكّار
رفيع الشان من عـزوه نشيد بمدح عربانه
لك التقدير حيث أنك فهيم وبالشعـر بيطـار
محمد ينتهج سلمه عـلى عـادات شيبانـه
جمعت كتاب للعزوه يـدل التايـه المحتـار
بذلت الجهد والناقد يجب تقديم برهانـه
كتبت الصّدق والواقع ولقمت الحسود أحجار
كـما خابـت ظنون الـلي يكيـد بغـدر وخيانـه
ترى نسب بني وايل عليه من الحصون جـدار
شبيه طويق مـا يمكن يـهـز الـريح حيطانـه
تسلسل من نسل عامر حسب ما تذكر الأخبـار
بحثت جـذور والمصدر سبق وضحت تبيانـه
قال عبدالله بن عبار العنزي هذه القصيدة يسند على الشاعر صالح بن رضيمان الجبوري : 1361
يا أبـو بـدر تبغيني أمدحك مـن شان *** تـحـطـهـا أبـرواز وسـط التصاويـر
أبي أبتدي بالمـدح وأعـلن به أعلان *** لأجـل طلبك أصخّـر القاف تصخيـر
ماني بمدحـك يابن الأجواد خسران *** وآسمح وسامح كان لاحظت تقصير
يابو بدر لو كنت في عصر الأكـوان *** تـروي شطيرات السيوف البواتيـر
تـشـل مـن ذود المـعـاديـن قـطـعـان *** وتحـذي من جـلال النيـاق المغاتيـر
لـكـن زمـان اليـوم يا طـيـر حـوران *** كـمـا تشاهـد صـار بالـوقـت تغـيير
لاصـار مـا عـنـدك من المال ميلان *** بالمجتمع لابـد تـشـوف المـحـاقـيـر
لو كفّك أكـرم مـن هماليـل الأمـزان *** مـا تـدرك الـطـولـه بـلـيـا دنــانـيــر
وش فايده لا صرت طيّب وفـقـران *** مـادام مـا تملـك مـن المـال قـطميـر
من يمدح المفلس يقولون غـلطـان *** ومـن قـل مـالـه مـا تجيـه المسايير
عـزاه لـلي مـركبـه حـوض نـيسان *** قـرنـبـع ولـو بـنشرت مالهـا سبيـر
والنعـم بـك يا صالح أبـن رضيمـان *** يالشاعـر الـلي مـن كبـار الشواعير
يابـو بـدر تبدع مـن الشعـر قـيـفـان *** الــذ وأحـلا مــن حـلـيـب الـمباكـيـر
وأنت الذي قـافـك تقـل نظم مـرجان *** وأن كان صغت البيت مافـيه تكسير
تبـدع قصيد ولا أنـت بالنظم بحـلان *** واليـا القيته ترفع الصوت واتـزيـر
ولا تـمـدح الا الـلي يشابـه كحيـلان *** ساس الكرم والجود ريف الخطاطير
تـثـني عـلى الطيـّب وتـسب كـوبـان *** ولا تـسـب إلا الـرخـوم الـمـعـاثـيــر
أنـت الـذي شرواك مـا غـث جـيـران *** شاعـر ولابك شـر لاشك بـك خـيـر
شوق الهنوف اللي تقل ريم غـزلان *** بـنـت الحمايـل من خـيـار الغـناديـر
من ساس عـزوه بالملازيم شجعان *** مـن نـسـل جـبـر مقحمين الطوابيـر
وشاوشه وزيـود وعـيـال شـرمـان *** وسـلايـل شبـيكان صفـوة مناعـيـر
منهم أبن حيـيـان وأيضـاً مطـيـران *** والمـدحـل ونسل الأفينس مشاهيـر
ويـامـا بربعـك من نـوادر وفـرسان *** وياما بهـم من فارس يشبه الـزيـر
سلقا اليـا حـان اللقاء واللـغّي شان *** بسيوفهـم يـقـرون عـوج المناقيـر
رد الشاعر صالح بن رضيمان الجبوري على قصيدة عبدالله بن عبار : 1362
باثنين من شهـر اربعـه قمت فرحان *** بـعـد الصـلاه ولا بعـد غـرد الطيـر
كـلـمـني المـنـعـور والكـيـف لـي زان *** قال القصيده جاهزه والهدف غير
وتـفـجـر الجـوال مـن نـظـم الألـحـان *** يوم أبتدى الشاعر بجـزل التعابير
شاعـر ضنـا عـنـاز بالفعل والـسـان *** الـوايـلي نـطّـاح وجـه الشـواعيـر
في وقتنا الحاضر وسب مضى وكان *** تشهد عـلى قوله جميع الجماهيـر
وسط المسجّـل والصّدى تقـل بركـان *** يركي عـلى كبد المعادي مسامير
كاشعـر أبـن كـلـثـوم أوشعـر حسّان *** سحـر البـيـان يكسّر العـظم تكسيـر
مـن حـطـني شـاعـر وطـيّـب وفـنـان *** قلت الشهاده منك تكفي عن الغير
ربـه حمـاه مـن الـدواهي والأحـزان *** والـلـه يفـكّـه مـن جحيم وزمهرير
جعله طهور وعافية وأجر وأحسان *** ما قدّمت يمنـاك خـيـر عـلى خـيـر
الـلي نـواك بـشـر مـجـرم وفـلـتــان *** ارفـع مقامـك عـن كـلام الخنازيـر
الـلي يجـازي راعي الطيب حـقـران *** خـلّـه عسى يـرمـيه رب المقاديـر
يـا مـرحـبـا كـلّـه مـعـزّه وصـفـطان *** يالـلي بدعت القاف حشمه وتقديـر
بـعـداد مـا رحّـب كـريـم بـضـيـفــان *** وأعداد ما داجوا عسوس ومداوير
واعداد ما ركبوا عـلى الخيل فرسان *** يـوم البداوه والضعّـن والمضاهير
ماغرّد القمري على خضر الأغصان *** وما طاف بالبيت العتيق المفاقيـر
يـرجـون عـفـوه بالعبـايـر والأكفـان *** ما ينعـرف رعـيـانـهـا والمشاهير
قصيدتـك وصلـت وأنـا قـبـل شفقـان *** وحنا عـلى شوفك نسوق التباشير
وقريحتي هاضت عـقب وقـت الأذان *** والـرد عـنـدي والمـعـاني مبـاكيـر
أنتـه علمنا الـوايـلي طـلـق الأيـمـان *** فـخـر القبيله كـلهـا وشيخ وأمـيـر
والله لا اشيلك فوق راسي والأمتـان *** وافخر واماريبك على الشر والخير
والـلي نـواك بشـر ملعـون وامهـان *** هـذا وضيع وبس ينهق كما العيـر
الناقصه من نـاقـص العـقـل نقصان *** أنـا اعـتبـرهـا لـه مهـونه وتحقير
مـادام تـمشـي مـشـهـا يـا كحـيـلان *** لا تـلـتـفـت للنـاس حبّـاي ومغيـر
الناس ما رضيت على نسل عدنان *** اطهـر بشر خلوه شاعـر وبه زير
ما قـل دل وقـالهـا الـشيـخ راكـان *** لا تـستـمع لمـزور الهـرج تـزويـر
سـويـت بالتأليـف عشرين ديـوان *** والفايـده مـا غـيـر سـوق الفـواتير
لـك القـروم شهـود والنذل زعلان *** ولا نستمع لمـزوّر الهـرج تـزويـر
أترك ضعيف النفس مبغض وفتّان *** واللي وقـف ضدّك عطيناه تحذيـر
تمت يابو مشعل على نظم اللأوزان *** وأزكّى التحايـا يا عشير المناعير
قال الشاعر صالح بن رضيمان العنزي هذه الأبيات في حفل لجنة التنمية : 1363
يـا ولـد عـبـار شـرّفــت مـوقـعـنــا *** مـرحـبـا باسـم الأهـالي وسكـانـه
وأثني الترحيب باللي حضر معـنـا *** عـد مـا يكتـب من الشعـر قيفـانـه
يـالأديـب الـلـي بـشـعـره تـمتـعـنـا *** يـطـرح الـفـكـره تعابـيـر وجـدانـه
الـكـلام الـزيـن لـلـخـيـر يـدفـعـنــا *** والسعـودي دايـمـاً مـرتـفـع شانـه
الـتـكـاتـف والـتـراحـم طـبـايـعـنـا *** والكـرم والجـود والمجـد عـنوانـه
خـوة الإسـلام والـحـب تـجـمعـنـا *** كـل واحـد مـع زمـيـلـه وجـيـرانـه
يا أبـو مشعل من جهودك تمتعنـا *** فـيـك دار الـتـنـميـه بـان بـرهـانـه
محمد الصالح على الخير شجعنا *** اشـهـد أنـه ثـبّـت الـدار واركـانــه
كـل مخـلـص للنواميس يـرفـعـنـا *** ريـس اللّجنـة مع اعضاء واعيانه
كملـّت عـد القصيـدة عـلى المعنـا *** من خواطـر شاعـرٍ هيّض اشجانه
قال عبدالله بن دهيمش بن عبار هذه القصيدة جواب لقصيدة الشاعر صالح بن رضيمان العنزي : 1364
حي الـذي بـدأ بالترحيب واسمعنـا *** أبـيـات من نظمـه جـزيلـه ومليانه
أبـو بـدر مـبـطي بـقـافـه تـولـعـنـا *** جزل المعاني عليه الناس ولهـانـه
يامـا قـرينـا من القوافي وطـالعـنـا *** وياما سمعنا من الشيلات بالحانـه
لاشـك شعـره لا سمـعـنـاه فـرّعـنـا *** ما تسمع ألا قول صح الـلـه لسانه
القرم أبو مشعل دعانا وطـاوعـنـا *** شرفـني المنعـور بحضور ديـوانـه
علم أبو مشعل نفتخر به ويرفعنـا *** يا مكثر الـلي بالثناء يشكر احسانه
لولا نـوادر ربعنـا بالعـرب ضعـنـا *** من طاب علمه بالفخـر علمنا زانـه
جمع الشمل مابين الأحباب ينفعنـا *** واليوم كـلن حـارتـه كنهـا اخـوانـه
نـعـتـز بملوكنـا وسلمان مـرجعنـا *** الحاكم الـلي عـزنا والشرف صانـه
والحمد لـلـه بريـف الخـيـر ربعـّنا *** من فضل ربي مالك الملك سبحانـه
قال خالد بن صتان الفليتي رحمه الله هذه الأبيات عبر الواتسب يثني على
زميله عبدالله بن عبار : 1365
عـبـدالـلـه الـف مـن رزيـن الــرواتــي *** انسـاب وايـل بالمواقـع والأزمـان
تـرفـع لـه الـبـيـضـا عـلى النـايـفاتـي *** أديـبـنـا يـكـرم جـنـابـه ويـنـصـــان
مـن لابـة بـالـطـيــب مـثـل الـفـراتــي *** قصيـرهم يحشم جنـابـه ولا ايـهـان
سـربـة مـصـوت بـالـعـشا بالمـبـاتـي *** هـده ورده والـعـطيـه بــلا اثــمــان
قال عبدالله بن عبار مجاره لأبيات خالد بن صتّان الرويلي :
تــعـيــش يـا قــرم كــلامــه ثـبــاتـي *** خـالـد رفـيع الشان مـن نسل صتّـان
مـن سـاس لابـه تـنـقـذ الـجـاذيـاتـي *** زبـن الدخـيـل اليـا تـنـاخـوا بعـليـان
مـا قـصـروا يـوم الـفـدا بالـحـيـاتـي *** يثنون في يوم الوغى دون الأضعان
أشـكـرك يامـن خـص بـالمـدح ذاتي *** بـالـرد لـك مـنـي تـشـكـر وعـرفـــان
كتب خالد ستان الرويلي أبو أنس : 1366
عـزالـلـه إنـا مـثمـنيـن حـمـيـاك *** والكامل الـلـه وأنـت بذلت مجهود
قبـل توتـر والنـت حثيت بخطـاك *** وذكرت مجد اللي لهم حظ وسعود
عسى الولي من سؤ الأيام ياقاك *** ويجعل حياتك كلها سهود ومهـود
قال عبدالله بن عبار هذه الأبيات جواب لأبيات الشاعر خالد بن صتّان الفليتي الرويلي :
مشكور يا خـالـد عسى الـرّب ياقاك *** يالشهـم يالمنعـور يـا مـاكـر الجـود
أن شـاد بالمجهـود مثلـك وشـرواك *** مـا هـمني لـو يـجـحـده كـل مقـرود
أهـل الحسـد والحـقـد لابـد تـشـنـاك *** ما يـذكـرون الحـق وقـلوبهـم سـود
قال الشاعر أحمد بن عبدالله بن دهيمش العبار هذه الأبيات موجهه لوالده : 1367
وصيتني بالطيـب يا راعـي الطيـب *** وشفـني كبرت ولا نسيت الوصيه
مشيت مثلـك في دروب المواجيـب *** وبـعـدت زيّـك عـن دروب الخطيـه
نصحتـني لا ينطـق لسانـك العـيـب *** يلحـقـك مـن مـنـطـق لسانـك أذيـه
وأن شفت من دنياك ظلم وتعاجيب *** اشتـك عـلى الـلي مطـلع بالخـفيـه
وأحـذر تـغـرّك دنـيتـك بالمـلاعيـب *** مـا دامـت الـدنـيـا لـخـيـر الـبـريـه
ومن لا يـودك يقلعه عـالـم الـغـيـب *** مـاهـو حسافـه لـو تـجـيـه المنيـه
وعساك تسلم مـن جميع اللـواتيـب *** وياعـلـنـا نـجـزاك باحسن جـزيـه
أفـخـر بـذكـرك عنـد كـل الأصاحيب *** ويـفخـر بـذكـرك ربعـنا والسميـه
لو استطيع أخذت من راسك الشيب *** وقـدمـت لـك بـاقـي حيـاتي هـديه
جواب عبدالله بن دهيمش بن عبار رداًعلى نجله أحمد : 1368
تعـيش يا مـرسـل بـيـوتـك منـاديـب *** يـا صـايـغ القـيـفـان لا جـتـك سيّـه
الـلـه يفكـك مـن شـرور المغـاضيب *** وأطـلـب ولـي العـرش يبـقيـك لـيـه
حـمـاك ربّـك مـن جـميع الشواذيـب *** وعـسـاك تـنـعـم بـالسنيـن الهـنـيـه
مـالي عـلى مـا قـلـت يالقرم تعـقيب *** مـا دمـت سـايـر بـالـدروب القـديـه
خلك على ما قلت لـك طـاهـر الجيب *** وأحــذر تــدنّـى لـلـعــلـوم الــرديـه
أبـيـك تبّـقـى يالسنـافي كـمـا الـذيـب *** وأبــيـك دايــم لـلـعــدو سـم حــيّــه
وأبـيـك تستـرنـي بـوسـط الأجـانيـب *** ولا خـيـر بـالـلي مـا يحشّم خـويـه
وعند اللزوم أصبر كما يصبر هديب *** شـال المحـامـل بـالعـزوم الـقـويـه
وأخلص لدين الـلـه ولأمر المعازيب *** ولا تستمع لأهـل العـقـول الغـبـيـه
قال المستشار القانوني سعود بن فهد الحريري هذه القصيدة يثني
على عبدالله بن دهيمش العبار : 1369
سلام يا رمـز عـنـزه وقـت الاخطـار *** سلام يا راعـي الـوفـاء والحـمـيـه
عبدالـلـه دهيمش ابـو مشعـل البـار *** حـكـيـم وقـتـه بـالـعــلـوم الـنـقـيــه
عـبـدالـلـه الـعــبـار والـجــد عــبـار *** والـيا اعـتـزى لـه عــزوة وايـلـيـه
شاعـر محنـك فـذ صمـصام بـيطـار *** راسي مثـل ضلـع لهـدا مـع خـويـه
غـوّاص بـالـغــبّــات ربـان بــحــار *** مـع الـرشـا مـتـعـب سـوانـي دلـيــه
بـيـته لعصمـان الشوارب عـلى كار *** بــدلال صـفــر لـلـنـشـامـا مــلــيـــه
لا ضـافـه الـطـرقـي مـسـيـر ودوار *** طـلـق الحجـاج ونـار للضيف حـيـه
يضحك حجاجه ضحكة تجلي الأكدار *** وماجـوب ضيفـه من كباش وثنيه
ريـف الـرجـال متعـبـت كـل مشوار *** صـادق وفي ذرب النفوس العصيـه
افـنـا حـيـاتـه بحـث والـفـعـل جـبـار *** وعـن ربـعـه الـويلان كافح سـريـه
عـلى النـقـا مـاهي سواليـف ثـرثـار *** تـاريـخ لـلـويـلان صبـح وعـشـيـه
الـوايـلي قـافـه مثـل قـطـف الأثمـار *** مـا يـنـطـق ألا بـالـعـلـوم الـعــذيــه
دواس ظــلـمـا سـابـر كـل مـغــمــار *** حـيثه كـمـا الخـيـال فـوق الـعـبـيـه
قـلتـه وفـاء حشمـة معـرب ومقـدار *** ولا انـت قـدرك بـالـنـجـوم العـلـيـه
قال عبدالله بن دهيمش بن عبار هذه القصيدة جواب لقصيدة المستشار
القانوني سعود بن فهد الحريري : 1370
حيـيت يـالمـنـعـور يـا نسـل الأبـرار *** يا سعـود أبـن فـهـد زبـون الـونيـه
أنـت الحريري من صواريم الأحرار *** مـجـنـا القـطـامي مـاكـره صيرميـه
لــقـبـتـنـي يـالـقــرم إمــيــر شـعّـار *** والمـعـذره هـذا الـلـقـب لـيـس لـيـه
راع اللقـب معروف في كل الأقـطار *** أحـمـد بـن شـوقـي عـلـيـه الكـنـيـه
حتى لـو أني قمت في بعض الأدوار *** فـي واجـبـي يالقـرم نـحـو السميـه
شـعّـارنـا صفـوة شغـاميـم واخـيـار *** ماهـم من أصحاب العـلـوم الـرديـه
وأهـل الشعـر من ربعـنا منهم أمـار *** والـكـل تـعـرف صيـفـتـه والمـزيـه
من خاب جاب لعـزوتـه قول معيـار *** ولا خـيـر بأصحاب النفوس الـدنيـه
خطو المسمّى بار غادي البخت بار *** مع الأسـف يا سعـود جـوده عـلـيـه
أغــراه شـرّاي الـضمـايـر بـديـنـار *** وصادق عـلى مظمـون ظلم وجـنيـه
شـاهـد مـعانـات القـبيـلـه ولا غـار *** يـسـوع مـع ربـعـه يـدور الـعـطـيــه
حـيثـه تسمّى فـي طويليـن الأشبار *** وطـمـر مـفـاخـرهـم بـقـاع الـهـبـيـه
طـاع الذي لـظهور الأجـواد عـقـار *** الـلـي لـعـب بـأهـل العـقـول الغـبـيـه
يالمستشارأبـغـيـك تـعـطيني اشوار *** وش مقصد الـلي قـام ضـدي دعيـه
قال سعود بن فهد الحريري يثني على زميله عبدالله بن دهيمش العبار : 1371
سـلام مـثـل المسك وعلومه الطيـب *** يلـفـي لأبـو مشعـل كـريـم السبالـي
الـوايـلي راعـي الوفـاء والمواجيب *** حـراً عـلى روس الشواهيق عـالي
عـبـدالـلـه الـعـبـار ذيـب ولـد ذيــب *** تـاريخـه ابـيض نـاصع بـالـمعـالـي
ارسـلـت لـه جـزل الفـرايـد مناديـب *** وجـاوبني استـاذ الفـكـر بالجـزالـي
ابـيـات تـحمـل لـه وفـا مابهـا ريـب *** حـيثـه مـن الـلي يستحـق الغـوالـي
مـن دافـع حـمـيـا كـتـبنـا المكاتـيـب *** لـلي وقـف وقـفت شـرف بالمقـالي
ارسـى لـنـا تـاريخ مـا يـقبـل العـيب *** تـاريــخ لـلـويـلان مـابــه جـدالـــي
وجاني جـوابـه دون حاجـة مناديب *** من راسـه لـراسي عريـب الخوالي
يشكي من الـلي رحبوا دون ترحيب *** يـوم أن ابـن عــبـار شـال الثقـالـي
مكـذبـيـن الـفـعـل والـبـحـث تكذيـب *** ومـبـدلـيــن الـعــلـم بــأول وتــالـي
يالوايلي فعلك كما الشمس ما تغيب *** عـنـد الـقبـيلـه واضـحـه بـالكمـالي
مـرقـاب لـلـويـلان فـوق المراقيـب *** ويصعب على غيرك يجاوب سؤالي
يـوم أنهـا بمقـّضب الحلـق تقضيب *** دافع عـن أهـل نجـد واهـل الشمالي
عندك على حدس القواميس تعريب *** من كنـز فـكرك مـا تجيـب الخيـالي
مكسب لنا من بين روس المكاسيب *** وقـدرك مـع الويلان ثـابـت وعـالي
وقال محمد البويليد العواجي هذه القصيدة يسند على عبدالله بن عبار : 1372
عسى الـلـه يبـيّض وجـه عبدالـلـه العبـار
قضى العـمـر بأنساب المطاليـق يجمعهـا
وقف ماقـف أهـل الطيب في سيفـه البتـار
ويـميـن الـعـدو لامـدها غـيـر يـقـطـعـهـا
يــرحــب ويـفــزع كـل مـاجـولـه الــزوار
ويـمـيـنـه عـلـى الـمـدات دايـم مـطبـعـهـا
نـحـطّـه وسـام لـعـزوتـه بالـلـّزوم اشعـار
وتـرى هـرجـة العـدوان مقـفور نسمعها
نـقـدر جـهـوده والـزمـن مـا صـفـى دوّار
ولـكـن فـعـولـه طيـبـهـا طـيـب مـنـبعـهـا
وأنـا شـفـت عـالـم يالـلـه الـواقي الستـار
نسـت وجحـدت نـاس مـن الخـيـر تنفعها
هـذولا هـلايــم مـالـهــم عـنــدنـا مــقــدار
ولـو كـبـرت الأسـمـاء فـلا راح نتـبعـهـا
وأنـا قـلت بـك من ضمن مـا قالوا الشعـار
عـساهـا تـجـمـل يـوم الأجـواد تسمعـهـا
جواب عبدالله بن دهيمش بن عبار على أبيات محمد البويليد العواجي : 1373
وصلـني كتـابـك يـا سـلايـل عـزيـز الجـار
قـرايـض بـيـوتـك بـالسجـلات نـطبـعـهـا
أبي اشكرك يالمنعـور حيث أنت لي شكّار
مـن الـعـزوه الـلي قـمّـة المجـد موقـعهـا
صنـاديـد لا جـاهـم طـوارف خـبـر وانـذار
الـيـا جـفـّلـت قـطـعـانـهـم مـن مـراتـعهـا
تناخـوا هـل الجـدعـا وكـدر العجاجـه ثـار
واليـا لايـعـوا سربـه تـرى البيـن لايعهـا
أقـولـه وأنـا يـالـقـرم مـستـغـرب ومـحـتـار
مـن الـلي الشكاوي ضـد ربـعـه يوقـعهـا
تـغـيّـر وغـرربـه هـاك الـهـايـف الـغـــدّار
يـريـد عـنـزه مـن منبـت العـرق يشلعـهـا
حمايل وهـب وجلاس وعـبيـد مـع عـمّـار
يـغـيّـر نـسبـهـا بـالـمـزاعـم ويـخـدعـهـا
تـنـكـر لمجهـودي وطـبـع الـنـكـور أنـكـار
بـدأ الظّـلـم والـعـزوه تـفـتّـخ بأصابعـهـا
هذه القصيدة ارسلت عبر القروبات للشاعر مشاري الغامدي الملقّب سفير
الحرف مهداه آلى عبدالله بن دهيمش بن عبار العنزي وقد ورد بها أسم ا
لشاعر عايد بن رغيان الوردة الشراري والشاعر هايل بن عبدالله الرويلي
الملقّب ( الحوت ) يقول مشاري : 1374
رحـلـة هـبـوب الـود بالقـلب مرسول *** تـحمـل لأبـن عـبـار شـكـر وثـنـائي
في حظن أعمى واكثـر الناس لاحول *** مـشيـت بالـدنـيـا وأخـذت اكـتـفـائي
به ناس تجرح ناس والهرج مشلول *** مـات الأدب وانهـد صـرح الحـيـائي
صوتن على الجيران من غير مدلول *** يـرمـي حصانـتهـم بمـكـر ودهـائـي
ولـلـوالـديـن السيـف بـيـديـه مسلول *** وجـودهــم مـافـيـه غـيـر الـعـنـائـي
فـا الـلافـتـه يـا شـاربـيـن الـبـنـادول *** تشخيصهـا يحـجـب مـرور الهـوائي
مـرّه غـيـاب ومر صحوه على طول *** وبعض الصحاوي في رحيل انتهائي
الشيخ نجـله صار راعـي ومجـهـول *** والأمـعـة تـرفـع جـنـاح الـعـبـائــــي
شعـّار واقـعـهـم مـوسيقـات وطبـول *** في جـدولـه محـضـور قسم النسائي
ما الـلاّم لـو قـلنـا تماثيـل أبـا الهـول *** شفـت السراب وضـاع فـيه الروائي
لـو قـلـت يالعـبـار بشهـور وفـصول *** مشـاكسيـن نـجـوم تـوهـج ضـيـائـي
سـر بالظـلام ولـك محيطات وتـلـول *** مـسـاحـتـك هـي تـسـتـحـق الـولائـي
فـي نهـجـك لعـايـد رغـيان محصـول *** الـعـنـصـريـة جــثـهــا بـأنــتـهـائـي
والحـوت هـايـل مملكة شعـر واقـول *** شـق البحـر مـاهـو بشـاعـر بـدائـي
تـذوب مـن نظـرتـك وتـروح محلول *** أهـل الـوجـيـه الـداكـنـات الـغـثـائــي
ثوب العـرب ما يلبسه هـامـل القـول *** حـتى الـرسل في مـدرجات السمائي
البـوصلـة تـأشيـرهـا غـيـر مجهـول *** لأهـل العـقـول الـراجـحـه بـرتـقـائي
والـغـرب مـالـه عـنـدنـا أي مـدلــول *** الـنـاكـريـن الـقـول وأهـل الـوشـائي
جسر المسيب صار واقـعـه مـغسول *** وذيـب يجـر عـواه صـار انـطـوائـي
على صدى صوت رضخ شاطي الول *** فـي صدرهـا شـلال يـروي ضمائي
جرتني لبحـرن مـن الخـوف مـذهـول *** تسبـح بصوتي وسكنت في شقـائي
كل أميرات الجن تحرس لهـا سطـول *** سحـر الخـلـود بشعـرهـا الأكتسائي
شاعـر يجـابـه منـبر الغـرب ويـقـول *** ما يشرب الشيطان حوض ارتوائي
قال عبدالله بن دهيمش بن عبار العنزي هذه القصيدة جواب لقصيدة الشاعر مشاري الغامدي : 1375
جـتني قـرايـض كـنها الشهد معسول *** مـن شاعـر مـاهـو بـقـولـه مـرائـي
قيـفان جـزلـه مـابهـا فتـوق وخـلـول *** قـريـت مـنـظــومـه ونـور مـسـائـي
الغـامـدي قـافـه كـمـا نـبـع شـهـلـول *** وأنـا مـن الأشعـار قـطّـر وعـائــــي
من حيث خـلا مـوقـف البيت مقـفـول *** ولا عـاد بـاقـي مـا أشيـل بـغـنـائـي
ولـو أعتقد عـذري عن الـرد مقبـول *** أخمـرت عـن رد الـزمـيـل بـغـطـائي
هـذا الجـواب ومنكـم العـفو مـأمـول *** تـجـاوزوا يـا ربـعـتي عـن خـطـائـي
كـزيـت قـافـي بالـقـروبـات مـحمـول *** يوصل معاني صغتها مـن انـشـائـي
يوصل سفير الحرف مرسل ومنقـول *** ويـبـوح لـه عـبـر الجـهـاز بـغـلائي
القرم الـلي عن طاري العيب مكفول *** مـا نجـهـلـه لـو بـيـنـنـا البـعـد نـائي
نـعـم بمشاري مـن قبيلـه لهـا فعـول *** قـبـل يسـن الشرع حكـمـن قـضـائي
والنعـم في غـامـد اليا ضـوّل الضّـول *** رجـالـهـم بـالـكـون مـثــل الـفـدائــي
الأزد من يـوم العـرب تسرج خـيـول *** عـاداتـهـم شـن الـهـجـوم الـوقـائـي
يـامـا ويـامـا عـطـروا كـل مـصـقـول *** أفـعـالـهـم كـانـت حـديـث الــروائـي
يالغامدي قـولك عن الوضع معـقـول *** لاشك ما دفق بأرض الأصباخ مائي
النـاس كـلـن يا فـتى الجـود مشغـول *** مـع الأسـف مـا يـسمـعـون لـنـدائي
حـيـث البشر فيهم مناحيس وخـبـول *** حـديـثـهـم وسـط المجـالـس هـرائي
مثل الزمن يأتيك بـه ريـف ومـحـول *** والطقس بـه بارد وطقس استـوائي
مـا كـل بـيت مـن الرجاجيـل مدهـول *** ولا كـل من حـاز الكـرم صار طائـي
واليـوم الـلي كـفّه عن الفعل مشلول *** يـقـول كـل الــقـوم تـمـشـي ورائــي
وأكثر مهاجيهم مـثـل غـثـرب الثـول *** وقـت الـلّـزم هيهـات تـذهـب هـبائي
المدح يزها اللي عن الشعب مسئول *** الـلـي لـهـم بـالصّـدق أعـلـن ولائـي
سور البلد وحماه بالعـرض والطـول *** تـاريـخهـم معـروف مـابـه خـفـائـي
نسل الزعيم اللي كسب مجد مدبـول *** وطـبّـق حـديـث التـرمـذي والنسائي
يتبع
آخر تعديل عبدالله بن عبار يوم 07-11-2022 في 11:07 AM.
|