تابع
* أما الشيخ النوري بن هزاع بن نايف الشعلان شيخ قبائل الجلاس من عنزة فهو شاعر مجيد بالأضافة إلى منزلته في رئاسة القبيلة ومن شعره هذه القصيدة في القهوة يقول :

قم سوما يصبغ على الصين ياعيد *** وأستدن اللي مثل البطوط الهدافي
أحمس وزينها عـلى كيف ما ريـد *** بـدلال مـا عـنهـن سنـا النـار طافـي
ودق النجـر حسـه يجيب الملابيـد *** يجـلي نـواد الـلي مـن النـوم غـافي
تـأتـيـك دكـلات الـقـروم الأوالـيــد *** ويـكـثـر عـلـيـنـا قـوكـم والـعـوافـي
ادغـث لها حفنه من الهيل لا تزيد *** والـزعـفـران وروكـه يـالـسـنـافــي
وسقهـا لذربيـن الرجـال الأجاويـد *** وصبـه لـلي يثـني خـلاف المقـافـي
الـلـي يـروي حـربـتـه بالمطـاريـد *** لعيون من قرنه عـلى المتن ضافي
بنـت الشيـوخ مخـضبين البـواليـد *** حـريـبـهـم لـو هــو بـعـيـد يـخـافـي
وأثنه على اللي وأن لفوه المعاويد *** ريـف النشامـا والـركـاب الهجـافي
يضحك حجاجـه لا لفـوه المسانيـد *** لا يا بعـد خـطـو الكـذوب الهـلافـي
وحنـا إلى صرقع ضبيح البواريـد *** عـدونـا تـسـفـى عـلـيـه الـسـوافــي
وأن لبس المركب بريش الهداهيد *** وصـار المقـامع دون حـم الشعافي
نـاخـذ على جمع المعـادي ملاكيـد *** ونمشي على وضح النقا بالكشافي
وأن درهم الصابور مامن تصاديد *** كـم فـارس صـارت اعظامـه تلافـي
مركاضنا يشبع بـه الضبع وأيعيـد *** والنسر اللي بطنه من الجوع هافي

وقال الشيخ النوري بن هزاع الشعلان هذه القصيدة ولها منسابة :

نطيـت راس مشمـرخـات العـنـاقي *** والقلب يلعب بي مثـل لعـبة الـدوك
يـا الـلـه يـا فـتـاح بــوب اغـلاقــي *** تـفـكنـي مــن لابــةٍ هـرجـهـا زوك
البارحـة كـني عـلى عـظـم سـاقـي *** اقـالـب الجنبيـن عـدي عـلى شـوك
ونيـت ونـت غاضـب البـال شـاقي *** طريـح قـوم وبينهـم طـاح مشبـوك
وقـع طـريـح مخـضـب بالسنـاقـي *** هـبـيـت يـا دور لـلأجــواد دامـــوك
ولا غـريـق بـغــب مـوجٍ غــراقـي *** ينخا وعمره بيـن الأمواج مـدروك
مـا يـنعـي حـي وراه الـفــراقـــــي *** ولا ينكره بعـد الرفاقـه إلى اغثـوك
لـمـحـلا مـزت سـبـيـل الـعــراقــي *** أصفـر يجيك بلوذت التتـن مفـروك
قـم سـو فنجال تـرى البـال ضاقـي *** فـنـجــال يـجـلـي كـل هـم وداكــوك
ودلال بيـض مـا غشاهـن حـراقـي *** وصينيـة يركض بهـا مثـل مبـروك
وفـنجـال بـن مـقـيـّس بـالـقـنـاقـي *** مـا حـط مع بنـه ولا الهيل مشروك
الـيا انـطـلـق يـشـدا لـدم الـفـلاقـي *** صبـه لدسمين الشوارب اليا جـوك
صبـه لمـن يثـني خـلاف السبـاقـي *** فـي ساعـة تلقـا بهـا الكـل مزنـوك
عـلى الـذي مـا يـتـقـي بـالـمتـاقـي *** يثـني ورا الصابور والعج مسموك
صبه وعـده عـن خطـات الهـلاقـي *** يقلط على البارد ويقصرعن أحوك

ومن شعر الشيخ النوري بن هزاع الشعلان هذه الأبيات في التوجد :

يا أجواد واعنزي وأنا أدور كليت *** يا اجـواد عـنـزي مـا تبيـّن خبـرهـا
عنزي عليها من هاك النزل حليت *** في مجمع السيلين مـا أحـدٍ ذكرهـا
نطيت أناالمرقاب ياجواد واشفيت *** وتـبـيّـن الـلـي متـقـي فـي شجـرهـا
فطـن عـليـه شـف بـالـي وونـيـت *** وقـلبي عـليـها بيـن الأضلاع يـرهـا
وأن مـا تهـيـا مـن ثمانـه ترويـت *** يا اجـواد عـيني مـا يبطـل سهـرهـا
ونيت ونـت حـي يبكي عـلى ميـت *** ونت كسير الساق مـا أحـدٍ جبـرهـا

وقال الشيخ النوري بن شعلان وهو في سجن الأتراك يسند على سعود :

الـبـارحـة نـوم الـمـلأ مـا يجـيــني *** والعين عيت تقبـل النـوم يا سعـود
صبـرٍ جـمـيـل والـلـه الـمستعـيـني *** الـلي جابـونـي بالأمانـات واعهـود
يا راكـب مـن فـوق طلـق اليمينـي *** ماوصفوا مثله من الجيش مشدود
يسبـق شـريـط التـيـل للمنـتـويـني *** وإلى شبكته بالرسن يطلـب الـزود
وش علمكـم يا ربـوعنـا مرتخيني *** لـومي على خالد وممدوح وحمـود
مشرف ومتعب هرجهم ما يجـيني *** يا طـراد أنا قـلبي من الهـم ملهـود
نخـيـتـكـم يـا طـراد فـك السجـيـني *** كيف انحبس وعيال وايل تقل طود
ويـن الرفاقـه ويـن حـبس الكميني *** عاداتكم يا يا عزوتي نطحت الكود

وقال الشيخ النوري بن هزاع الشعلان عندما كان في سجن الأتراك ينخى أبن عمه الشيخ ممدوح بن سطام الشعلان فيقول :

يا راكـب مـن عنـدنـا فـوق مـرزام *** تجفـل الـيا شافت خيـال الرجـومي
أمــه شـراريــه وأبـوه لــبـنـي لام *** يـشـدا ظـلـيـم روّح الـعـصر يـومي
عليـه من يوصل كلامي من الشام *** يلـفـي لـشـيخ والـنـشـامـا ركـومـي
يلفي على ممدوح من نسل سطـام *** الـلي عـلى قـالـت رفـيـقـه يقـومـي
حـليـاك مـثـل الحـر للـصيـد لـطـام *** تـاخـذ بـثـاري يـا بعـيـد الـعـلـومـي
لـوهــني مـن قـلـط الـريـش قــدام *** وبنـا بيوت الحـرب مثـل الحـزومي
وإلى كدوا ربعي تقل عسكر انظـام *** بطـرافـهـم مـثـل رعـيـد الغـيـومي

وهذه الهجينية من شعر الشيخ النوري بن هزاع الشعلان عندما كان في سجن الأتراك يسند على الشيخ طراد السطام :

يـا ونـتـي بـالـحشـى ونـــه *** في ديـرة التـرك يا طـرادي
عـيـني مـن الـنـوم منجـنـه *** مـا تقبـل النـوم يا اجـوادي
وهـمـوم قـلـبـي إلـى جـنـه *** فـي ظلـمـة والسفـر غـادي
قـلـبـي كـمـا بـايـد الـشـنــه *** تـنـثـرت عـقـب الأصمـادي
دنــوا لــنــا حــرةٍ كــنـــــه *** مــنــوة غــريــب ومــدادي
عــمــلــيــةٍ قــايــم فـــنـــه *** ومـن البحـر تمسي الوادي
يـا ربـعـنـا مـا بـهـا ظـنـــه *** الــلــه كـــريـــم وعـــوادي

وقال الشيخ النوري هذه الهجينية يتوجد :

لـي فاطـرٍ يـوم أقـول أبـهـا *** تـقـطـع رهــاريــه داريــــه
مـن نسـل شعـلان نـاجبهـا *** وعـليهـا وسـم الـعـواجـيـه
تـزهـا الـميـارك مـنـاكـبهـا *** حــمـرا هـمـيـمـه شـراريـه
ما أهبلك يا الـلي تعـذربهـا *** مـا شـفـت مـرواحـهـا بـيـه
أدور خــلــي ومــذهــبـهــا *** مـن شـان عـيـن الـنـداويـه
يـا مـا احـلا يـوم الاعـبهـا *** والصـدر بـه بـيـض كـدريـه

وقال الشيخ النوري هذه الهجينية في مطلع شبابه :

من وقـفت التـرف بالبـابـي *** قـلـبي بـحـامـي لـهـايـبـهـا
أقـفيـت يـا زيـن الأعـذابـي *** والعـيـن مـا النـوم صايبهـا
يـا مـا أحـلا نـطـت النـابـي *** وتـوقـيـفـة فـي جـذايـبـهــا
تـرى السلف خيل وأركابي *** وكـتـبـانـهـا مـع مـراكـبهـا
مـفـزاعـهـم فـك الأرقـابـي *** عـلى الـعـدو ضـاع مـدبـهـا
كـم مـن سبيـق ومـرعابـي *** تـأتـي ولا شـيـف راكـبـهــا

* أما الشيخ نواف بن النوري بن شعلان حاكم الجوف سابقاً فمن قصائده هذه الأبيات في الغزل وهي تنسب
لكنعان الطيار كما تنسب لبصري الوضيحي ولكنها للشيخ نواف يسند على أبو علي :

يتبع