تابع
* وهذه قصيدة لشاعر من قبيلة الحازم قالها بعد مناخ بينهم وبين أحد القبائل في مكان يسمى أبا القير برواية سالم العماوي الحازمي رحمه الله
المسعد الـلي ما حطـب نـاره القيـر *** ولا ذاق مـر الحنظـلـة فـي لسانـه
أوطـأ وعـدي واطـي لـي مسـاميـر *** يـا ربـعــنـا ويــن الـبـلاد الـلـيـانـه
غـاروا عـليـنـا بـس ربـع معـايـيـر *** وأقفـوا بـزينـات اللبـن مـن مكانـه
شـدوا على شعو سوات المعاشيـر *** أقـفـن مـع الخـايـع لهـن كنـتـوانـه
عطوهـن الغلمـان لوح الشـوابـيـر *** اليـامـا غـدت جنـوبهـن خـربقـانـه
والصبح صبحـن سـوات السنـانيـر *** والكـل منهـم عـرطـت فـي عنـانـه
وشدوا عـلى مثـل النعـام المناعيـر *** شغـل النصـارى حـافظيـن أوزانـه
ومـلـقـط الـعـربـان مثـل المسايـيـر *** صبت ذهـب ماهـم حديد ارهبـانـه
ينخـونهـم نخـي السقـاه الحـواديـر *** لحـقـوا حـلايبهـم عـلى حـد عـانـه
وصاروا عيال العود مثل المداويـر *** طـالعهـم الـلـي ضـاري لـلعــيـانـه
وأقفـوا عن الخلفات مثـل الشنانيـر *** ولـولا البحـر كلن ذبح فـي مكـانـه
* وهذه أبيات للشاعـر أبـو غمارة يمدح الشيخ خليل بن حاكم المهيد :
راكـب مـن عـنـدنـا حمـرا ضهيـره *** مـن بنات التيه من هجـن رهـايـف
روحـت مـثـل الـنـعـامـة مستـذيـره *** ضفـت الجنحان بالريش الخفايـف
سلـم عـلى اللي تمـركى بالجـزيـره *** ما تزحزح لو تجي سبع الطوايف
أخو جازي شيخ من راس العشيره *** عـادتـه عـن لابـتـه نـقـل الكلايـف
شيخ نسـل الشيخ نـطـاح المغـيـره *** مزبـن المظيوم واللي جـاه خايـف
* أما الشاعـر بشر بن غازي الشمري فقد تعرض لظروف في حياته ولجأ إلى الشيخ مقحم بن مهيد مصّوت بالعشا شيخ الفدعان من عنزة وشكاله ظروفه بقصيدة طويله منها هذه الأبيات يقول :
أبـدي بـــقـيـل بـيـّن لـلـفـهـيـمـيــن *** مـا بـه غـلـط كـلـه بـدرب العـدالـه
من بشر بن غازي جوابه غدا زين *** نزه الشوارب عن دروب الرزالـه
يا مقحـم ابن مهيـد جينـاك عـانـيـن *** نـبي العـلـوم الطـيـبـه والجـمـالـه
جيناك يا أبن مهيد بالعمـر ناصيـن *** زبـن المجـنـا الـلي تـزبـن بـحـالـه
من عـقبكـم مـالي صديـق يحـاكيـن *** أنشد غـريـب الـدار وشي حـوالـه
يا شوق غـرو من بنـات الشعاليـن *** وامحصنه راعي الهـوا مـا حكالـه
بنـت الـذي يحمي عـقـاب المقفيـن *** بـنـت الـشـيـوخ معـربـيـن خـوالـه
الـزول مطرق حور عوده بها لين *** يا حـظ من هي يا أخو قطنه حلالـه
الله عطاها الحسن يا شيخ والزين *** عـز الـلـه أنـه تستـوي لـك خيـالـه
مقحم دخيل الـلـه يعوذه من العيـن *** يـعـلـهـا مـن راس مـال عــيــالـــه
فـي جـاه رسـل عـنـد ربـه حبيبيـن *** عـسـاه دوم بـعــز والـخـيـر فـالــه
ويـا نـاشـدٍ عـنـا تـرانـا قـحـاطـيـن *** وصلب العـرب مـنـا نـعـده غـيـالـه
من صلب لابـه ما تطيع المشيرين *** رجـالـهـم يـجــزم لــو أنـه لـحـالـه
عنيت لك يا شيخ من لوعت البيـن *** والـلي يشوف الضيم يتـرك عيالـه
أنـا الـيـامـنـي تـبـيـّن لـي الـشـيـن *** والسيف داثـر مـا تجي في ضلالـه
أنـا سـلايـل مـبـعـديـن الـمكـامـيـن *** وإلـى جـفـتـنـا الـدار نـلـقـا بـدالــه
حناعلى الناموس والصدق قاسين *** نصبر إلـى ركـب الـرشـا بالمحالـه
دايم على المعروف والخير مهدين *** واللي ما يهدي خيـر يوخـذ حلالـه
يتبع