تابع

* أما الشاعر أبو سيّار صعفق بن صفوق بن سليمان من ضنا عربان من الخرصة من ضنا ماجد من الفدعان فهو شاعر من اشهر شعراء الفدعان وله قصائد
كثيرة انطوت في صدور الرواة وقد ذكرت ما حصلت عليه من شعر الذي يجاز نشره ومن شعر صعفق أبا سنون هذه القصيدة بالشيخ خليل بن حاكم المهيد :

قـال صعـفـق مـا يقولـه كـل بصيـر *** أسمـعـوا يـا فـاهـمـيـنـه بـالـتـمـام
لا الـتـزم لـه حـاضـرٍ مـا يـستعـيـر *** وأن حكـالـه كـلـمتـه عـلى الـمـرام
راكــب الــلـي فـوقـهــا دل كـثـيـــر *** بـنـت حــرٍ كـنـهـا روج الـنـعـــــام
كنـهـا الـلي يـوم تـعـرض للصديـر *** بـنـت أصـيـل يـنسرى لـه بـالظـلام
أركـبـه يـا الـقـرم وأقـده بالـمسيـر *** وأن وصلـت الشيخ خصه بالسلام
أبـو مطشـر نعـم في زبـن القصيـر *** نـدعـي لـه بـالـحـشيـمـة والـكـرام
ربـعـه الـفـدعـان بـالـيـوم العـسيـر *** شـيـخـهـم خـلـيـل زيـزوم الجـهـام
أخـو الجـازي صلهـا وقـت المغيـر *** مـن صوانيـع الضحى بأكبـر عـلام
أخوالجازي مروي السيف الشطير *** لا أختـلـط حـس الفـرنـجي بالكتـام
والـعـدو خـلـوه بـالـقـريـه فـقـيــــر *** وضنـا مـاجـد شلعـوا حتى المقـام

وقال صعفق بالشيخ النوري بن مهيد :

راكـب الـلي كـنـهـا روج شـيـهـانـه *** كـدلــك وأبــن عـلـيــان راكــبـهــا
يـا فرج سلّـم على الشيخ وأخوانـه *** خـطـتــه قـلــه لــزوم يـجـنـبـهــــا
مـا حكى بالكـذب ولا كثـرت اديـانـه *** ولا بـدت لـه قـالـة كـود يـطـلبهـا
ولا يـدور البـلـف بطـراف عـربانـه *** لابــتــه دايــم يـعــذي جـوانـبـهــا
مـثـل سـم الـداب يـضـرب بنيـبـانـه *** مـن يـعـضـه مـا تحـمـد عـواقبهـا
كان رب البيت عـاده عـلى أوطانـه *** حـلـفـكـم يـا قـوم لا بـد يـخـربــهـا

وقال صعفق هذه القصيدة يمدح الشيخ النوري بن مقحم المهيد :

قـال أبـو سـيـّار فـي قـول هــذابــه *** كلمتـه بالشيخ عـنكـم مـا قصـرهـا
ووجودي وجـد مـن غمق صـوابـه *** مع مـدق الساق وعظامـه نثـرهـا
من أمور الـلي ابتـدا يجمع حـزابـه *** والجريـدة بـاسمكـم قـام ونشـرهـا
شـاره يـبـي الـريـاسـة والـنـيـابــه *** فاوض المندوب والقـربـه نـكـرهـا
أودعـوا بكـداش بالخـمسة قـرابـه *** شطروا يا طير شلوى عن خطرهـا
راحـوا الـلي مـثـل فـريس الذيـابـه *** والمشايخ عقبكم ما أحد اعـتبرهـا
وديـرة مـا أنتـم بهـا مـالـه مهـابـه *** عـقـبكـم يـا عـل ربـي مـا عـمرهـا

وقال الشاعـر صعفق أبا سنون الخريصي الفدعاني هذه القصيدة يسند على الشيخ خليل الحاكم أبن مهيد أبو تركي
والشيخ عبدالعزيز بن مذود القعيشيش والشيخ عبيد بن صالح بن غبين الملقب ( الذيب العرج :

قـال أبـو سيّـار فـي نظـم المبـادي *** وأن تـكلـم كـلـمتـه مـا قـيـل عـدهـا
راكـب اللي ما شدوهـا بالشـدادي *** مـن وكـالـة فـرت مـفـهـوم عـددهـا
تـلـفي بيـت مثـل طـارٍ بالـحمـادي *** أبـو تـركي مـيـدهـا وآخـر وعـدهــا
ربعتـه تسمع بهـا حـس المنـادي *** والمراجـل مـن صغـر سنـه عبـدهـا
وأزهم أبو دهام لا صـار العنـادي *** كـان قـال الـروم يـلحـقـهـا جـهـدهـا
وأزهم بالذيب العرج ذيب المعادي *** زلـزل بـاتـع تـحـدر مـن رعـدهــــا
طير شلوى يـوم يضرب بالثنـادي *** والمراجل من صغـر سنّـه عـبـدهـا
يـا شبـّاب الـنـار حـنـا لـه وقـادي *** يـا شـبّـاب الـنـار زد الـنـار زدهــــا
لابـتي هـي جوهـرة كـل البـوادي *** بـالـمـلاقــا ضـدهــا جـّرب نـكــدهــا

* وهذه القصيدة للشاعر عزيّر الناهي أبن حنيان من قبيلة الساري من ضنا فريض من الولد من الفدعان
قالها يمجد بعض فرسان ضنا فريض بعد حدوث أحد المعارك :

الشيـخ جـانـا بـالـطـوابـيـر صـّوال *** ثـمـان جمـوع ومـدبـه مـا ضفنهـا
جـانـا وربـعـه كـلهـم نـقـوة رجـال *** مـن فـوق سـرد مـا تغـالـوا ثـمنهـا
ومعهـم سراحين على الكون عيّال *** وباقي البـوادي مـا عـرفـنـا لحنهـا
وربـعـنـا بالقـيمـة ثـمـانـيـن خـيـال *** ولا مـن فـزوع مـرتـجيـن زبـنـهـا
لكن عيال العـود جـازوا من المـال *** والكـل تـرك هـجـمتـه جـاز مـنـهـا
جتهـم جـموع صايلـه كنهـا جـبـال *** المسعـد اللي ما حضر غاب عنهـا
محسن صفقهـم صفقة النجم للجال *** والروح لـو هـي غاليه ما ضمنها
وفارس شلعهـم يشلع الخيل عمـال *** مـن فـوق قـبّـى لـلـوازم خـزنـهــا
نصر من الله صابهم خرش واجفال *** والكـل مـنهـم قـام يـربـع رسنـهـا
أقـفـن بهـم هـرّاب عجلات الأزوال *** الياما قطعن حوران والشيخ ينهـا
يـا مـا كسبـنـا خـلـفهـم كـل مشوال *** سـرد مع الصابـور ضـافي كبنـهـا
يتبع