اخوي العبدلي : فعلا الوضع بغزة يدمي القلب قبل العين ... فوالله ان القلب يتفطر لحال اهل غزة
وما بيدنا غير الدعاء ...
وانا حبيت انقل لكم هذة القصيدة .........
تعال قولي كـم عـدد هالمسلميـن
مليون .. مليونين .. خمسة .. ملايين ؟
ياأخي حرام اللي يصيـر بفلسطيـن
وأحنا نشوف الوضع كل ماله يشيـن
اللي نشوفه قتل .. تخريب .. تهجيـر
إرهاب .. إستيطان ..تدمير .. تفجير
وأحنا ولا ننطـق بكلمـة ولا نغيـر
في عيونهم أموات .. بالإسـم حييـن
ياأخي نساء .. شيوخ .. أطفال رضع
يبكـون وينـادون ماحـد يسمـع
نبغى صلاح الدين يرجـع ويفـزع
والمعتصم يسمع وينصـر فلسطيـن
صحيح نبغى يكون للحـال تبديـل
نترقب الأخبـار فـي صبـحٍ وليـل
نشوف غبن وظلم والدمعـة تسيـل
من بعدها نهتف بـعاشت فلسطيـن
ونوحد الأصوات عـذراً فلسطيـن
ياأخواننا في الدم والعـرف والديـن
هذا الـذي تقـدر عليـه الملاييـن
كل ما يسوء الوضع قلنـا مساكيـن