الله يرحم حال الذين ينادون ولا يسمع نداءهم وما حصل ويحصل هو على هذه القبيلة فقط وسبحان من جعل هذه القبيلة التي هي أول قبيلة عربية وطئت بلاد اليمامة وهي القبيلة النجدية الحجازية المشهورة وهي القبيلة التي منها الملوك والحكّام ومع ذلك يجد منها من تمر عليه مثل هذه الحالات سبق وأن طرق هذا الموضوع في قصائد ومخاطبات وصلت المسئولين وهذا مقطع من قصيدتي التي رديت بها على قصيدة الشاعر ذيب بن بقّان الصقري فقلت :
دنـيـاك يـجــري دورهـا تــقــل دولاب *** وكـل الخـلايـق بـالـوعـايـد أتلهيـه
الـزيـر مالـت بـه وأبـو زيـد وذيــــاب *** مـا يـنطـح تـيـارهـا مـن يـنـاحــيـه
ما صار مثل ضروفهم عبـر الأحـقـاب *** وحـق القـرابـه مـا يخـلي بنيخيـه
( نـازح بـدون) اليـوم للـربع معـيـاب *** عسى الولي يضفي عليهم حسانيه
يا ذيــب هـذا غـلـب والغـلـب غــّلاب *** وش لـون كلن حـق الأجواد مهفيه
وين الشيوخ اللي يشيلــون الأوجـاب *** لـو جـو معـزبهـم طـلبـهـم يـلبــيـه
مـا يصلـح التكشيخ بـبشـوت وثـيــاب *** الـوضع يـبي الـلي يحـلـه وينهيـه
يا ذيب صـارت ضدهـم كــلهـا أحـزاب *** ومن به حميه واقـع الأمـر يعـنيـه
صاروا بوسط بلادهـم مثـل الأجـنـاب *** وديارهم بأرض القصيم وضواحيه
وأملاكهم خيبـر وهـذيـك الأشعــــاب *** من زوعة قريضة وهم وسط واديه
يشهد لهـم مشعـان وجـديع وعـقـاب *** وضريح قاعـد والرعوجي حـواليـه
يـوم الـدبـش يحـتاج حـامـي وجنّـاب *** كـلـن يـحـالفهـم ويـتـرك عـوانـيــه
يوم الجفاء داروا عن القحط مهـراب *** مـا خانـوا الحاكـم ولا هـو مكـاريـه
البـدو بالصحـراء يـدورون الأعشاب *** والـكـل منـهـم بـاذر الغـيـث يـتلـيـه
ودتهـم الـقـطـعـان لـلهـيـل وصــواب *** ومـن يتبع البـل لـلـمـفـالـي أتوديـه
يـتلـون ريـف الـذود بـالقـفـر عــزاب *** مـا همهـم غيـر الحداء والمـداويـه
والحضر راحـوا بيـن عامل وجـــلاّب *** والـكـل تـرّك غـرسته مـع سوانيـه
راحـوا يدورون المـرازق بالأتـعـــاب *** لـديـار تـدمـر والزبـيـر وحــراويـه
بضمير وأرض الشام وديـار سحــاب *** حتى مصر والهند ساروا بأراضيه
وش عاد لو داجوا على كـل الأقطـاب *** الـماء كـما قـالـوا يعــود لـمجاريـه
تـفـرقـوا يـوم الـبـلـد صـارت تــراب *** ومن عاد شاف اللي يسره ويرضيه
زال الوهق وأريف بلدهـم بالأخصاب *** والـدار فـيها الخيـر تجـري سواقيه
مـســوح يــروي درهــا كــل حـــّلاب *** صارت عطوف ويابس الكبد ترويه
بجهود مـن غـرس بـهـا كـرم عـنـاب *** حقق أهـداف الشعب وأعتـز راجيه
صقر الجزيرة حارب أعـداه ما هـاب *** واصـل كفاح وعـاد مجـده وماضيه
وحـد جـزيرتـنا عـلى خـيـل وركــاب *** بالسيف الأملح كل مشرك أيـصفـيه
بالسيـف يـردع كـل عـابـث ونهــاب *** حـكـم بـعـدل وحـقـق الـلـه مساعـيه
شهـر صقيل السيف قطـاع الأرقـاب *** سيف العدل ماهو على الظلم حانيـه
الساطي الـلي لـه بالأضداد مضـراب *** مـن عـاوده زومـه بحــده يـداويـــه
مضـراب سيفـه ما تشافـيه الأطـباب *** حـده شـطيـر ومـن تـعـاوج يـذكـيــه
يا ما جـزر بـه مـن منافـق ونصــاب *** ومن طاغـيه جبـار وإبليس مغـويـه
شره على اللي صايبه كبر وأعجـاب *** من ثـقـل نـفسه مـا تـمكـن أتحاكيـه
مـن خـالـف السنـة يحـطـه بسرداب *** ومـن يقتـرف جنحـة بذنـبه يجازيـه
طوع طواغيت الحواضر والأعـراب *** صنـديـد مـا جـامـل عــدوه أيـداريـه
دق الأفاعي وأنتـزع شوكـت الــداب *** وخلا الحنش مـا عـاد بالسم يـوذيـه
كف المغازي وأنتهى شلح الأسـلاب *** وخـلا العشـايـر تـرجهـن بـمـفـالـيـه
وكـلـن مخـيّر بيـن سفـره ومنسـاب *** من جاع له يشبع ومـن عـال يكويـه
ما ربح مـن يأخذ عن الحق مجنـاب *** مصقـول أبـو تركي يصافـح علابـيه
والـدار غيـره مـا بغـت كـل خـطــاب *** جـاهـا الـزعيم الـلي بغـاهـا وتـبغـيه
ومن ساد من نسله للأمجـاد كسـاب *** حيـث أبـو تـركي للمكارم أمـوصيـه