يافهد الكون في عيني ضاقت أنـواره
احبتي السلام عليكم ورحمة الله وبركاته وبعد
اقدم لكم هذه القصيدة وهي إحدى محاولاتي الشعرية ( بعنوان يافهد ) اتمنى أن تنال إعجاب الجميع .
يافهد بي ضيقة بالـصدر كنها شراره = ولعـت بالقلب وخـلت الهم لـي مخاوي
جريت أنا الونات وذقـت طعم المرارة = وبي عـلة في حنايا القلب ومالها مـداوي
يافهد الكون في عيني ضاقت أنـواره = وأصبحـت بـدنيا العنا كما الـذيب عاوي
يافهد دمعي على الخدين مثل الحرارة = من لهبها بـداخـل العين مـانيب قـاوي
الهم باني له بأقصى الضماير عـماره = نحّـل بجسمي وصرت من الـفكـر خاوي
آه من ليل لأقبل علي وأسـدل أستارة = أشوف الـفرح والحزن في حياتي متساوي
اعد ساعات بأول اليوم وآخر نـهـاره = وأقـول الله يصبرني على كـثر الـبلاوي
امشي مع الخلان وقلبي كـاتم أسراره =وشـلون ابسلى وجـروح قـلبي نـداوي
أبصبر عـلى بلواي وبرجي البشـارة = من ربـي الـمعـبـود وأنـابه رجـاوي
دمتم بصحة وعافية
|