تابع
ومن قصائد فيصل الجميلي هذه القصيدة قالها يتوجد على أخيه هجرس الذي قتل بلدغ حيه فيقول :
يقـول الجـميـلي والجـميلي فيـصـل *** وأنا موقفٍ والدمع جـاري وحايـم
وقفت وعاج الربع لي روس ضمّـر *** ونصفيـن منهـم عـاذلٍ لـي ولايـم
يا راعي القبر الـذي فـوقه الحصى *** عساك فـي خـلـد الجـنـان النعـايـم
جـنيـت الجـنـايـا ثـم خـليتـنـي لـهـا *** عـلى الدار مضهود كثيـر الجرايـم
أبـكي عـلى هجـرس إلـى ما ذكرتـه *** تـزيـد عـبـراتـي بكـثـر الهضـايـم
الا وأخوي عند أزغـر العيـن جالـه *** قريص الأفـاعي دافـقـات السمايـم
لـيـتـه كـفـانـي شـر بـقـعـا ولـيتـني *** كـفـيـتـه قـبـور مـظلـمـات هـدايــم
يا موت خذني مثل ما خذت هجرس *** يـارب تـلحـقـني بـراعي العـزايـم
ولا تـقـل هـو قـاد السبايـا ولا غـدا *** عـقـيـد ويـتـلـونـه كـبـار العـمـايـم
أخـوي مـا يـجـزا بـجــزواه غـيـره *** ولا بـات مضيوم على الضيم نايـم
تصوم رحي البدوا لا غاب هجرس *** وتفطر إلـى جـاء هجرس بالغنايـم
حشـاش لا حـشـوا ورواي لا رووا *** وغـزاي وأن دنـوا بـكـار هـمـايـم
وشجاع بالميدان في حومت الوغى *** وريـف لـربعـه بالسنيـن العـظايـم
تهومنا العدوان من عقـب هجـرس *** كـلـن يـثـاري بـالـديــون الـقـدايـم
واستنوا العدوان من عقب هجرس *** كمـا أستن بالبيـداء قـوي القوايـم
أبكي على عضدي وزندي وساعدي *** موري جموع القوم سود الهزايم
وقال فيصل الجميلي هذه القصيدة عندما قيّد راحلته بقيد نكث فانقطع وذهبت الذلول فقال :
يـقـول الجميـلي والجميـلي فيصـل *** والـراس مـن لـوي الـعـمـايـم بــاد
يـبـيـد الـفـتى مـا بـيـن يـوم وليـلـه *** الـعـــمــر يـنـقـص والأيــام تـــزاد
الأيــام بــادنــي وبــادن هــجــرس *** وشــداد بــادنــه وبـــادن عـــــــاد
نـهـاره ولـيـلـه ذا لـهـذا طـــــروده *** غــدن بــلــذاتــي وهــن اجــــــداد
محى الله يا صبيان مخلي قـلوصـه *** مـن الـعــقـل ولا بـالـيـديـن قــيــاد
محى الـلـه قيد غـرني من زمـالـتي *** منـايـن واتـري حـدا المنـايـن بـاد
تناوشتها وأنـا من المـوت خـايـف *** وإلـى أن اخطاها عن اخطاي بعـاد
أنـا سبب قـتلي عـلى الماء حمامـه *** مـخـضـبــةٍ ورقـــاء ربـــــوت واد
أنـا كـل مـا خـايلـت بالعيـن مـربـع *** إلــى أنـــه قـبـلـي لـلـرجــال مــراد
إلـى قـلـت هـذا مـربـع مـا يجـونـه *** إلــى ذيــك أثـرهــم درس وأجــداد
أنـا صـادرٍ عـلـقـت دلـوي بمنكـبي *** وخـلـيــتـهـا لـلـي يــطــول الــمــاد
وأن كـانـت الـدنـيـا مـثـلـهـا لــنـــا *** عــزي لــكـم يـا الــلـي لــهــا وراد
وأن مت حطوني عـلى جال منهـل *** عـذي الـجـبـا دب الـلـيـال ايـــــراد
وحطوا عـلى قبري ثمان الصفايح *** يـبـيـد الـزمن ورسومـهـن مـا بـاد
بـاغـي إلـى مـرت عـلـيـه ضعايـن *** ضعـايـن واهـلـهـن قـاصديـن بـلاد
يقولون قبرراعي الجود والصخى *** وراعي الصخى دب الـزمـان ايعـاد
ومن شعـر فيصل الجميلي هذه القصيدة يسند على أخيه حماد صاحب البديع ويتوجد على ديرته ويتذكر أيام صباه ويشكي من الكبر والعجز وقد
تجاوز المائة سنه ويذكّر بمكارم الأخلاق ويعتـز بأفعاله الطيبه فيقول :
يقول الجميلي والذي بات ما غـفـا *** عينه غمر رمش المواقي دموعها
عـلى ديـرة بـيـن الـوطـاه وخرطـم *** لعـل الحيا والسيل يسقي جذوعهـا
سقاهـا الحيـا مـن مزنـة عـقـربيـه *** تحدر مسيله من عـوالي فـروعهـا
اقمنـا بهـا خـمس وتسعـيـن حجـه *** وصبرنا على ميلاتها مع اهزوعها
لـو كـان مـا سـويـت فيـهـا تجـاره *** أخيـر الليـالي لـيـلـة فـي ربـوعـهـا
لمـحـلا قـولـي لـلأصحـاب سلـفـوا *** وعيراتهـم مـا حـط عنها نسوعهـا
عـلى قـروة من حمـد ربي عبيتهـا *** تـداوي بها الربع المراميل جوعها
يدعاعليها الضيف والجاروالخوي *** واسلوم أهلنـا ما خفتـنا اسنوعهـا
ذا ضـاهـرٍ مـنـهـا وذا داخـل بـهــا *** وذا قـاعـدٍ يبي العشا من طلـوعهـا
الشيمـة الشمـاء بـنـا مـا تـغـيـرت *** تضوي لـنـا عبـر القدايم اشموعها
قـلـتـه وأنـا مـا بـقـت للجـار غـره *** ولا حـرمتـه في تالي الليل أروعها
لـك الـلـه مـا عسيتهـا طـول ليلـهـا *** الا بـمـصـامـيـح كـبـار قـطـوعـهـا
الا بصحـون فوقهـا السمـن سايـل *** يقطرويذرف من طوارف انطوعها
ترقـد عليهـا الـلـه وأمانـه بنومهـا *** وخيار المعاني قـد بنينـا شروعهـا
فـلا لاطـمٍ جــاري بـكـفـي تـعــمّــد *** ولا صوبه البنـدق نشبب اقموعهـا
وأن داس مـنـا تــايــه الـراي زلـه *** نشوم عـن الـلي هضايم ضلوعهـا
وخــلاف ذا يــا راكـب عـيــدهـيــه *** عمليـة صـك السرى مـا يصوعهـا
سـرهـا وتـلقـا مـن عـزانـا قـبـيـلـه *** جميليـة جمـع العـدا مـا يـروعـهـا
مـلـفـاك حمـادٍ ذرى هـاشـل الخـلا *** لا حـكـرت حضر القـرايـا زروعهـا
قـله تـرى الرجلين مني قـد انحنت *** والأذنين مني قـد تـدانـا اسموعهـا
وشلت العصا عقب القنا ياهل النقا *** وابـرابـهـا اقـدام كـثيـر اوقـوعـهـا
فـلا ضـدنـا تـالـي زمـانـه نـضـــده *** والكبد عافـت عقـب هـذا قـدوعهـا
أبـكي عـلى حـالي وابـكي رفـاقـتي *** وابكي نزول فـرق الـلـه انجوعهـا
نفوس مضرات عـلى العـز والنقـا *** ولا خـربـت عسر الليالي اطبوعهـا
لا شافـت الـزاد الخـبـيـث تـرفـعـت *** ولا بـد لها من شبعة عقب جوعها
وختام القول أقول لك يا أخي أن قبيلة الجميلات عرفتهم معرفة تامة وجالست رجالهم عشرات المرات وسجلت أشرطة شعر من رجال مسنين أنطوت صحفهم وهم متفقون على أنهم من عنزة وكتب هذا النسب في جميع مؤلف صدر وكذلك كتبهم أبن لعبون وغيره وإذا يوجد عندك مصادر فأحضرها وأقنع رجال الجميلات قبل أن تقنع أبن عبّار أو أعط القوس باريها