هذي أبيات وصايا لابني منصور أصلحه الله وأصلح أبناءكم كتبتها هنا لعلها تحوز على إعجابكم مع أني مقل بالشعر ومبتليه بلوه:-


هذي وصاةٍ ياولدي لك من الراس
------------من خبرة الدنيا وواقع دروسه

الحكي يامنصور لازم على ساس
------------من قبل لايطلع كلامك تسوسه

اخير من كلمة تخليك تنحاس
------------تصبح قضية بالمجالس وحوسه

الضيف لامن جاك من ساير الناس
------------لاتكون لك نظره بوجهه عبوسه

وجارك لياشفته بهمٍ وهوجاس
------------ارخص اموالك لاجل تطرد هجوسه

احذر تحط المال بالوقت مقياس
------------ترى الكريم اللي يرخص فلوسه

خلك كريم بعزة النفس لاباس
------------من اللي يندي بقشر الوقت موسه

المال يجذب لك من الناس اجناس
------------فيهم صحيح وفيه ناسٍ هلوسه

ابعد عن النمام لو زان مجلاس
------------حلون لسانه بالمجالس وسوسه

وابعد عن اللي فيه شكٍ ولولاس
------------ودربٍ مشابه جنبه لا تدوسه

خلك مع اللي خوته ترفع الراس
------------اللي افعاله باينه ومحسوسه

وخلك بحلمك للاجاويد نبراس
------------شجرة وفاء بين العباد مغروسه



اخوكم
احمد بن محمد الحريميس
ابو منصور

صح لسانك ابومنصور الله يخليه لك وعساه نافع وبار لك وتشكر على ماذكرت من السلوم الطيبه .
بس يبو منصور لاتضيع الاوليد وتخليه مايحفظ ماله وبس يوكل خلق الله وعقب تراهم مايبحرون به من يخلصن فليساته راحوا عنه ماكنهم يعرفونه . وهلحين والله اقرب مالك غلاك بمالك واذا انت فقير محد سئل عن احوالك

هههههههه مشكور ابو منصور تراي امزح

صح لسانك يابو منصور أبيات رائعة وأنت أروع منها .. أسأل الله الكريم ان يصلح لك ذريتك وسلم لنا على منصور واخوانه وكل عام وأنتم بخير ..

اقتباس : المشاركة الأصلية كتبت بواسطة متعب الفققي [ مشاهدة المشاركة ]

صح لسانك ابومنصور الله يخليه لك وعساه نافع وبار لك وتشكر على ماذكرت من السلوم الطيبه . بس يبو منصور لاتضيع الاوليد وتخليه مايحفظ ماله وبس يوكل خلق الله وعقب تراهم مايبحرون به من يخلصن فليساته راحوا عنه ماكنهم يعرفونه . وهلحين والله اقرب مالك غلاك بمالك واذا انت فقير محد سئل عن احوالك هههههههه مشكور ابو منصور تراي امزح

صح بدنك يا ابو عبدالله واشكرك على المرور الرائع والله يسمع منك ويحفظ ابناءك ويصلحهم ويجعلهم بارين بك


تحياتي لك

اقتباس : المشاركة الأصلية كتبت بواسطة الرجال العنزي [ مشاهدة المشاركة ]

صح لسانك يابو منصور أبيات رائعة وأنت أروع منها .. أسأل الله الكريم ان يصلح لك ذريتك وسلم لنا على منصور واخوانه وكل عام وأنتم بخير ..

صح بدنك يالرجال العنزي واشكرك على المرور الرائع مثل روعتك اللهم امين وذريتك ايضاً والله يسلمك من كل شر وكل عام وانت بصحه وعافيه

تحياتي لك

ابو منصور

صح الله لسانك وبارك الله فيك على القصيدة الرائعة

صح لسانك يابومنصور ويتربون بعزك
بارك الله فيك

اقتباس : المشاركة الأصلية كتبت بواسطة منصوربن عبدالرزاق الفاعور [ مشاهدة المشاركة ]

ابو منصور صح الله لسانك وبارك الله فيك على القصيدة الرائعة

اخي منصور صح بدنك وفيك بارك والروعه هي مرورك العطر

تحياتي لك

اقتباس : المشاركة الأصلية كتبت بواسطة ممدوح الميهوبي [ مشاهدة المشاركة ]

صح لسانك يابومنصور ويتربون بعزك بارك الله فيك

صح بدنك يا ممدوح والله يسمع منك واصلح لك ذريتك وفيك بارك واشكرك على المرور الرائع

تحياتي لك

بارك الله بكم ياخي
القصيدة رائعة ومن عبق الماضي الاصيل
وفقكم الله تعالى