السلام عليكم ورحمة الله وبركاته

في يوم احد الاعياد المباركه اتوا اصدقاء الشاعر عويد حريران العنزي يباركون له في يوم العيد ورد عليهم بقصيده..
((واستئذنا من الشاعر عويد حريران العنزي لنشرها واشترط ان تكون في منتديات الشاعر عبدالله بن عبار))
اترككم مع القصيده ...

قالوا العيد وقلت هو جارنا عيد
قالوا مبارك قلت منهم عياله

قالوا لي لا لا عيد كل الاجاويد
وكلن نهار العيد منسر باله

وعيدي مثل عيد شرد من الصيد
اللي مع البيدا سريع اجتواله

عيدي مع اللي فوقهم نامت البيد
شفي بهم والعيد مالي وماله

نوبن يصير العيد همن وتنكيد
للي معيد وسط بيته لحاله

يجيك يومك يالوجيه المقاريد
بجسمن ويومن مايبدل بداله

أذا طوى سبع السماوات في أيد
والارض واهل الارض على شماله

تبت يد الظلام والحبل بالجيد
وعز الرسول اللي وفا بالرساله

أذكر وفا من خوة حسين لعبيد
يقطع لها ردنه ويرمي نعاله

وسلامتكم...

بيض الله وجهك ووجهه وصح لسان شاعر عنزه الشاعر المبدع عويد حريران العنزي

صح لسان الشاعر عويد حريران . ماذا بيدنا لو بكيفنا ابقينا مانحب ونعيد معهم كل الاعياد ولكن سنة الله في خلقه . صدق الشاعر. العربي ( ونفسي التي تملك الاشياء ذاهبة* فكيف ابكي على شى اذا ذهبا)

تركي عايض العنزي بيض الله وجهك ومشكور على ايراد هذه الكلمات

لاهنت أخوي تركي على الرائعـــه الي قدمت لنا

وصح لسان شاعرها وتسلم يد ناقلها

تقبل تحيااااااااااتي

أحسن الأختيار الأخ تركي بن عايض كلام جميل من رجل نبيل صح لسان شاعرنا عويد حريران

قصيده جزله من الوزن الثقيل التي تستحلهذه القصيده الجميله ق التقييم بالمراتب العلياء لأن الشاعر عويد حريران العنزي الشاعر الفذ الذي أمتع من حوله بقيده الجميل الذي طال ما سمعناه طلبنا المزيد من القصائد
كما أشكر الناقل لهذه القصيده الجميله كما أشكر أخي دهام القائم بنشر كل ما يخص الشاعر الكبير عويد حريران فله من الشكر والتقدير

تركي عايض العنزي

بيض الله وجيهكم .. ولاهنتم جميع.. ويستاهل الشاعر عويد العنزي .
اسعدني مروركم الكريم ..
وازداد الطرح تألقا" بتواجدكم .
....لكم مني كل التحيه والتقدير ...