 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
10-18-2010, 01:49 AM
|
#1 |
|
عضو منتديات العبار
تاريخ التسجيل: Oct 2010
المشاركات: 1
|
قصيده الوجد من الابن الى الجد
كل ليلـه احتريهـا لـي تغيـر كـل ليلـه حالي الي ماتغير لو يصيـر العمـر زايـل مابقى من هالليالي غيـر دمعـي والفتيلـه كل ماتظلم بعيني بالجـروح اشعـل فتايـل ماصفى غير الزهق والهم والذكرى الطويله والشعر والقاف ليـه والمعانـي والمثايـل وش لقيت من السعـاده اه يابـن القبيلـه كل ماسالني سؤالا عدنـي مانـي بسايـل والصحيح اني مجـرد واحـد مالـه دليلـه واحد من خلق ربه لا لشـي صـار طايـل شبهرتبي كل عيـن حاسـده جـردا ذليلـه واذ مرتني كل نفـس مالهـا حتـى فعايـل قلت اخر وقت هـذا ذل بـه راع الطويلـه كانه اللي مايعز شيـوخ وعيـال الحمايـل الهروج نبوت صبخا ماتفك مـن الفشيلـه من غدت صدر المجالس ترتكي فيها السفايل الزمن قطاع واهس حيـل شلفاتـه قتيلـه يشعم بنار الثبور ويطفـي بنـار الزحايـل والهداني لاتفاخـر ماعليـه مـن الرذيلـه مايرده هافي اصله ماخشى قـول الفشايـل اما انا عندي كلام ان كـان مابـرد مليلـه وسط قلبي مايبرد حرهـا صافـي الزلايـل صفحت التاريخ قشرا بس كلمتهـا جميلـه لان فيها من الهوايل اهول من الي هوايـل اسال كحيلان عنها واسال سيـوف صقيلـه كم هفت فيها قبايل واطلعـت فيهـا قبايـل كل مايؤدي صميل العلم اشرب من صميلـه لين اغبق مقرص الفعل من سنـم الرحايـل بس انا ليه معاها وقفـت ن ماهـي قليلـه ليله فيها جدودي سولفولـي عـن ذهايـل قالوا سمعنا و سولـف للرذيـل وللرذيلـه لاتضايق ور فعلك لو زمانـك صـار مايـل قلت ياجدي عليل وروحـي بوقتـي عليلـه صارت عيال الرخوم تزاحم عيال الاصايـل وقتنا ماهو بوقتـك وقتنـا يـرزم هديلـه خج قلبي بالطعون وخـج عينـي بالنكايـل قال والله ماهقيتـك غيـر طـلاب الجليلـه والمهنـد والسبايـا ماتجيـب الا الجلايـل والعصنصل لو يعمـر مايطـول الا مثيلـه النخل بدري يطولـه لاغـدا للنـوف نايـل والنفايـل مادهلهـا غيـر جـلاب النفيلـه والنفيلـه ماجلبهـا غيـر دهـال النفايـل والمعرب ماتهمـه كلمـه العفـن الهزيلـه ومايخاوي للشكايل غيرمن مثلـه شكايـل تغتنج له كـل عنقـا هايفـه قـد وكحيلـه مايعسف بنت الشيوخ الا ولد شيخ الجمايل كل ماتنادي يجيهـا قبـل حتـى تحتريلـه لاجلها زنده فراش ولاجله تنقـض جدايـل قلت يادحـام وينـك ليـت للدنيـا بديلـه كان ابدلهـا بوقتـك ماتخيـر بـه بدايـل والله اني غير اقود الخيل واخذهـا ذهيلـه لين نمسي بالشعيب ونصبح بيضاء نثايـل قال تقدر تذبح اذبـح قلـت ياجـدي ثقيلـه قال تقدر تصبر اصبر قلت ماعندي صمايـل قال وين السيف عنك قلـت بيديـن نبيلـه قال وين الخيل منك قلت تصهل لي صهايـل قال طيب لاتحير والكد الشقـراء الاصيلـه وطوح الصوت بجهاره وانخ وين عيال وايل مشكلة وقت خذلنـي ان مالـه بـي حيلـه كل ما طيحني انظر عز لجـدودي واخايـل ثم افز من القهر واقوم لـو رجلـي زميلـه واتنا خا عنـد حالـي لاتكوبعـك الرزايـل ياولد ما للنشامـى باالوغـى الا زغرتيلـه عقبها التاريخ يشـرح للبشركـل الدلاايـل الشاعر / صفوق بن شامان المعجل
|
|
|
|
10-22-2010, 10:29 PM
|
#2 |
|
عضو منتديات العبار
تاريخ التسجيل: Sep 2010
المشاركات: 10
|
صح لسانك
بن معجل على ماكتبت قد قرأتها قبل مضي والله اعلم 6سنوات وحقيقة لا اجاملك اعجبت فيها فهي من العيار الثقيل قلت يادحـام وينـك ليـت للدنيـا بديلـه وليت تسرد لنا كيف مات دحام (رحمه الله) متابع قلمك |
|
|
|
10-25-2010, 08:27 AM
|
#3 |
|
صاحب الموقع
تاريخ التسجيل: Mar 2008
المشاركات: 10,349
|
الأخ صفوق بن شامان بن معجل شكراً لك على هذه القصيدة الرائعة
وقد ذكرتني بأحد قصائدي التي منها قولي على تقلبات الدنيا : من يفتكر وش صارمع شاة الأعجـام *** أمسى ملك وأصبح عن العرش مخلوع يـوم الـتجأ مطرود عن ديرته شـام *** عاف العـذارى والعـماهيج والخوع نـكـبـات بـقـعـا بـددت مـجــد صـّدام *** عقب الفخامه صار بالسجن مجدوع ما صح له عـن واقع الأمـر مهـزام *** ولا عاد لـه في عودة المجد مطموع نـعــوذ بـالـلـه مـن تـقـالـيـب الأيــام *** دايـم تـقـلب كــل حــزة عـلـى نــوع دنـيــا الـغـثـا تـشبـه تمـاثيـل الأفلام *** من هرّفت له يوم تطوي له اسبـوع يــوم بـهـا تـصبح عـماليـق الأقـزام *** ويوم الشناح الهيلعي صار مربـوع يوم بها تسمر عـلى صوت الأ نغـام *** ويـوم تبات من الغضب تقل مفجوع احـيـان يـدفــق فـائض الـزاد بـدرام *** واحيان يشوون القدايـد من الجـوع احـيـان تـلبـس شـال واشماغ بسّـام *** واحيان مـا تملك على ثـوب مرقوع أن سانعـت لـك ترتـدي فـاخر الخـام *** وأن عاضبت تلبس درافيل وارثوع عصر الفـرح والكيف والبسط مادام *** لابـد مـا تـشـرب مـن الـمـر قرطوع التعديل الأخير تم بواسطة عبدالله بن عبار ; 10-25-2010 الساعة 08:44 AM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
العرض العادي
|
|
الساعة الآن 07:20 PM.
 |
|
 |
