هذه القصيده قالها الشاعر الكبير/ مساعد بن مفرح العنزى نيابه عن فخذ الجعافره من عنزه وعلى راسهم الشيخ صالح الامعط العواجى شيخ شمل مشايخ قبائل ولد سليمان من عنزه (غفر الله له)

والشيخ منصور بن سعد الرشدان وهى شكر وعرفان لقبيله النوامسه على ماقدموه من جهد مادى ومعنوى

وشيخهم مساعد بن حنس بن نومس تجاه قضيه الاخ معزى بن سليمان الرشدان

ياراكب اللى لامشى يطو الأبعاد=يطوى مسافات الديار الطويله
من دار وايل يمشى الصبح مداد=وعلى طريقه سار والله كفيله
يلفى لدارٍ وسطها الطيب منقاد=عيال نومس محتمين الدبيله
وان ثار عج الخيل ضدوا للاضداد=بالرمح والا يوم دور الفتيله
لهم على جمع المعادين ملكاد= عدوهم يقضى بروحا عليله
نوامسه بالملزمه فعلهم زاد=نرفع لهم بيضاء براس الطويله
انتم هلا المعروف والفعل شهاد=جيتوا لنا محداً وقف عن زميله
والشيخ ابن حنس على الطيب معتاد=ماشى على درب الوفاء والنفيله
طيب اوله بالطيب مسكن وميعاد=مساعد عريب الجد راع الأصيله
شاركتم المسرور بايام الأعياد=وكلاً دفع قصده من عرض القبيله
أنتم من الويلا ن مربا وميلاد=واللي حكى بالزور نترك سبيله
صالح تكلم كلمته كلها أوكاد=ويسند بها عن قول قولن حكيله
يوم الذلول اللى سبقت داخل الماد=قال العواجى كلنا ننتميله
وهذا دليلاً واضحاً للملا ساد=ويلان من ويلان دم وفصيله
يوم الحفل محداً فى افعولكم شاد=والمدح فى من مثلكم يستويله
والله ماهى محقريه يالاجواد=وانتم فعلتو للفعول الجزيله
حنا سهينا سهوة ماهى أعماد=نبى السموحه يالرجال الفضيله
صديقك اللى شاركك يوم الأنكاد=هذاك خصّه لاتدّور بديله
والا الردى لو هو ولد عم مافاد=ان جاك والا راح ماحدا دريله
وربوعنا الويلان صارو لنا اسناد=كلاً دفع مايقتدر من حصيله
ويلان لامنه حصل كون وطراد=وبيض العذارى فرعن للجديله
تجيك فزعتهم مثل خيل الاكراد= واللى تعرض دارهم عزتيله
ياما قطعو امن دار وبلاد لابلاد=يمشون فيه فى جموعا ثقيله
ولياحتجتهم بالمال ماعدوا اعداد=وقضيه الرشدان اكبر دليله
قالو تفضل وان نقص مره تعاد=حنا لكم وان صار بالدهر ميله
قاموا بها الويلان فى جمع وافراد=ونام السجين الى سهر كل ليله
من عقب ماهو داخل السجن يقياد=مابين هاجوسا وهما يشيله
الله عجل بالفرج وانها الاحقاد=وصارت اموره كلها له سهيله
والله رحيما غافر الذنب لعباد=مافيه مره حاجتن مستحيله
وصلاة ربى عد ماهل رعّاد= وأعداد ماهل المطر من مخيله

ملاحظه .المقدمه والقصيده كتبه كما وردت بخط يدا الشاعر وسوف نورد ان شاء الله قصائد الشعراء الذين قاموا بالرد على الشاعر الكبير والقدير مساعد مفرح العنزى

والله وسبعين نعم يا أبو مساعد بك وبالعزوة اللي تنتمــي لها عز وفخر وبمثلكم والله يا بنآخي نعتز ونشيد ..

أخير من أللي تبتر يمينه يساره ..

وصح لسانك ولسان الشاعر مساعد بن مفرح وننتظر المزيد من جنابك العزيز ..

من حصّل شي يستاهله والعلم الطيب يحق بأهله ومشكور الشاعر على هذه الرائعة ويستاهلون عيال نومس لأن الرجال يبين فعلها بالمواقف والملزمات

المعادن ماتبين الا بالمواقف والشعر الجزل النابع من القلب تقراءه وتحسه
صح الله لسان الشاعر وبيض الله وجيهكم

اخى الكريم ابو عبدالعزيز والنعم بك وبحضورك المشرف

لانك رجل تستحق التقدير والاحترام

ابن دوهان لك منى الشكر والتقدير والله يجملنا

ولاعليك زود انت وربعك وموقعكم الذى يرفع الراس

شكرا لمروك العطر

وتحياتى وتقديرك لكم

ابو مشعل انت تستاهل الطيب والله يكثر من امثالكم لانك قضيت جل وقتك للبحث عن العلم الغانم والطيب لايستغرب من اهله

وحبيت اخبر الاخوان واذكر ابو مشعل بهذه الابيات المقطتفه من قصيده طويله للشاعر الكبير والموارخ القدير عبدالله العبار يقول فيها ابو مشعل والقصيده قبل عشرون سنه تقريبا

ياما مضى ليلى على الطرز سهار=ابحث ودهـوام الدجـى ماغفيتـه
مانى من الى بالملاعيـب سمـار =والقلب عن كل الملاهى عضيتـه
بين المراجع عادتـى تقـل دوار =ابحث عن اللـى فاتنـى ماوليتـه
كله عن الى مقصده يبغى الاضرار =حط الكـداد بكـل درب مشيتـه

تقبل احترامى وتقديرى

الاخ القدير مشعل العبار صح بدنك


اشكرك جزيل الشكر على مرورك العطر واقدر جهودك


ولايستغرب الطيب من اهله لانك ابن عبدالله الذى تحمل الصعاب من اجل القبيله

نتمى لك التوفيق

يستاهلون والنوامسة رجال مواقف وهذي ماهي غريبة على عنزة العريقة

ابا وائل الويلي

اشكرك جزيل الشكر

وانت من اهل الطيب


ولايستغرب الطيب من الطيبين مثلك وشرواك



اشكر مرورك الجزل واقدر لكم ماتقومون به من جهود تجاه هذا المنتدى الشامخ

صح لسانك يالغالي

تقبل مروري