من قصص وأشعار قبيلة ولد سليمان من ضنا عبيد من بشر من عنزة
من مدونات الجزء الخامس من قطوف الأزهار التي تحت الأعداد
* الشاعـر الفارس محمد بن شعيل العواجي عاش في منتصف القرن الثاني عشر الهجري تقريباً وهو من دهاة الرجال ولمحمد قصيدة قالها يسند على أخيه سعيّد بن شعيل العواجي حيث حضر سعيّد طلابة من طلايب البادية ويسمونها قاله وعندما بدأت الحجج قال سعيّد :
هـذي الـبـل نـفكهـا من عـدونا *** يا ما كسرنا دونهـا مـن رماح
وقال محمد أثناء الطلابة ويسمى عوجان الطلايب :
أخـوك يـا سعـيــد اليـا صـار قـالــه *** أبـرك لـقـوم حـتى الـوي سبـالـهـا
وإلـى قـسا راس الخصيم فـلنت لـه *** وأحبي لـه مع سهلةٍ ما درى لهـا
أنـا عـوجـان أبـو الـطـلايـب محمـد *** عـوق الخصيم وحجتي ما ينـالهـا
لا كـبـرت الـقـالات انـا زبـونـهـــــا *** عوج الطلايب مثلي اللي ارتكالهـا
والـيـا استهلـت حجـتي واستهملـت *** مـا يهـمـني جهـالهـا مـع عقـالهـا
وقال عنه أحد الشعراء من قصيدة لا يحضرني منها ألا قوله :
هـذا مـحـمـد مـاضـيــات حـكـايـــاه *** كلـن دري غـيـر القـلـوب الهبـايـل
اليا اكترب حبلـه ضحوك لمـن جـاه *** واليـا أرتخى دوّر عـليـك الفشايل
* أما ملعب بن محمد بن شعيل فله قصائد أندثرت في صدور الرواة ومن شعر ملعب هذه الأبيات :
يهدونني يبـون أخـلي حـقـوقي *** يـبـونـي مـع الـنــايـميـن أنــام
خطو رجل يرضيه اللي تنهزره *** ويـفـرح الـيـا لـيّـن لـه الكـلام
وخطو الرجل كنه الثور الأدرع *** يطلع له من بين الكتوف سنام
ولا أنا مثل السيف لالمس حده *** غيـر اللحم يقص صلب عظـام