شــامخ شموخ اطويق - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-21-2017, 03:41 PM

شـامخ شــموخ اطـويـق

اهــداء الى الاخ وابن العم العزيز خلف بن عارف السمير وذلك لمواقفه الطيبه
التي لاتستغرب من ابو عامر اتمنى له الصحه والعافيه وطول العمر ....

ســـلام يــا نـبـع الـــوفــا والــذرابـه = ســلام يـاللي تـطــرب النفـس طـريـاه
اعـني خـلـف عـارف زبـون المهـابـه = ليـثً جســر كـل الصعيبات تخـشـاه
قــرمً عـلى الشــيمــات يتعـب اركـابه = من صغر سنه مااخلف الُـوقت ممشاه
حــرً عــن الـعـانيـن مـاصـك بـابـه = وليـا فعـل معـروف سٓــرٌه ولا اطــراه
يـرجي رضـى ربــه ويـبـغـا ثـوابــه = اما كـلام الناس ما أفـقــر ولا اغنِــاه
وشـعـاد لــو الــوقـت كشــر ابنــابــه = شـامخ شـموخ اطـويـق حـــنـا عـرفنـاه
ودنـيــاك يـا نســل المنـاعــيـر غــابـــه = ‎امــا تــعـــز المــرء ولاّ تــوطــاه
والـفـقـر مـابـــه للنـشــامــا مـعـــابـه = واللـي خـلق عبـده فــلا اظـن ينسـاه
ويـن انـت عــن حـجـرف سليل. الذيـابه = يـومــنـهـم خـلــــوه لابــــةً دنــــايـــاه
يــوم الفتــى كـســبــه ورزقــه انـهــابـه = جـاه المـُدد مـن والي العـرش واعطــاه
جــاتـه تـزاحـم يــوم حـظـه ســرابــه = ذودً وســم بارقــابـهــا ميسـم اعــداه
ســاقـه لــه المـعـبود منشـي ســحابــه = جــزل العـطــايــا دون مـنّــه عـطــايــاه
ومـا كــل قــرابــه يابــو عــامـر قـرابـه = ولا كـل صـديـقً. لا تـضايقـت تنصـاه
واللـي مثـل شــرواك قـربـه اكســابـه = مثـل الـذهـب غــالـي مـبـيـعـه ومشــراه
وشـــعـاد لــو بــرق العـبـي اتشــابـه = الــفـرق واضـح بيـن ذولا وذولااه
احــدً عـلــيك ان غــاب يثـلــم غـيــابـه = واحـدً تـســاوت غـبـــتـلـه ومـلــفـــاه
وبعـض الحـكي يـا فـلان ما يـنـحـكـابه = عيــب وفشـيلـه. وأولــه يـشــبـه اتـــلاه
النـفـس قشـــرا والخطـــأ ينـلــقـابــه = وكم نفس خيّـر جالـهـا ابلـيس واغـــواه
لـكـٰن عــريب السـاس يـكـرم اشــنـابـه = عــن مســتـوى نـاسً يـغـثـك امســمـاه
وجـيـهً تُجـيـب هـمــومــنـا والـكـُـئــابـه = وياليــت الـردي عـنـا هـوى البُـعـد ينحاه
حـيث الخـطــا من دور عـصر الصحـابه = مـوجـود بـنفــوس البشـــر والمـعــانـاه
والصبـر حـكـمـه والتـضـجـر خـيـابـه = ‎والصـدق نــور وفـيـه للنـاس منجــاه
محمد بن سوعان الربيّع