ألنوري أبن شعلان عزوبه رويل
عزالله أن مثله علينا فقيده

شيخ ولدشيخ من شيوخٍ حلاحيل
قدره ملاحم ماتكفي قصيده

مقدم هل ألعليا من ألي يوفي ألكيل
با الطيب وألمعروف زايد رصيده

يهلي بهم لاجو لبيته مقابيل
نهار له يلفون هو يوم عيده

وليا جلس بين ألرجال ألمشاكيل
متواضع وراعي مواقف فريده

وأن جاه من يشكي ألدهر وألغرابيل
قال أستريح وأبشر بما تريده

شيخ ألفعايل ماهو شيخٍ ردي حيل
وبعض ألمشاكل تنتهي من عبيده

وجده وأبوه معروفينٍ على ألخيل
بتاريخهم لهم مواقف فريده

وسلالة ألشعلان جيلٍ بعد جيل
شيوخ فعل وبالمواقف عنيده

فواز في ختمه يسنع رجاجيل
وكم حاكمٍ لبى له ألي يريده

بورقته يكتب أن حاملها من رويل
هذي جواز في أقطار عديده

وألقول مثبت مايتحمل لتأويل
ومن شكك بقولي يراجع بريده

تجيه من عبدالعزيز ألمراسيل
وفزعته للشريف فزعه أكيده

ولورنس جاه ومن قبل جاه موزيل
ماهي علومٍ عابره في جريده

وألشعلان تعني ألخيل ومنسف وهيل
وعدوها وقت ألحراب تبيده

الشاعر عوض صالح العطيفي

يستاهل النوري رحمه الله وصح لسانك يا أخ عوض