هذي الرساله بنصها من الشاعر سالم اليامي:

بسم الله الرحمن الرحيم

تلقينا خبر جمع قبيلة عنزه لمبلغ 35 مليون ريال في وقت قياسي لاعتاق رقبة ابنهم عبدالرحمن.. وبحكم علاقتنا وخوتنا لبعض مشايخ واعيان قبيلة عنزه العزيزه .. من الواجب علينا تهنيتهم باكتمال المبلغ واقول باسمي واسم ربعي صبيان يام كافه بيض الله وجيهكم وكتب الله لكم الاجر يااولاد وايل .. وتقبلو مني هاذي الابيات المتواضعه التي لاتوفيكم حقكم وانما هي مشاعر اخ لاخوانه.. واعذرونا على القصور
--------------------------------

قدر الديه خمسه وثلاثين مليون
ياالي جمعتوها بوقتٍ قياسي

بعض الدول في مافعلتو يعجزون
وياتي لهم بين السلوك التماسي

من وقفة الويلان معجب وممنون
وعلى فعول اهل الوفا شاش راسي

الي لماانهم قالو القول يوفون
اهل العزوم ملينة كل قاسي

شيلو لحون الفخر ياالي تدحون
وقومو العب الدحه بلحنٍ حماسي

وتفاخرو باالطيب وبليس ملعون
وارسو كما ترسي السفن في المراسي

انا اشهد ان من حقكم لوتباهون
وانتو كعام الي براسه عطاسي

سالم عبدالله ابن ظهيره ال فروان اليامي/ تبوك 1436/11/13

وهذا رد فهد عبدالعزيز المسيكي العنزي على قصيدة الشاعر سالم اليامي :

جتنا رسالة طيّب الساس بلحون
عن عد قول الحق ماهو بناسي

من روس ربع ٍ بالملازيم يمشون
يـام العريـقه ماعليـهـا التباسي

اهل الكرم واهل الوفا مايخونون
يذكرهم تاريخ العرب ،والسياسي

اهل الشجاعه والسطر مايتونّون
هم نجدة المنضام وقـت المـآسي

عـدوّهـم ناير عن الـموت بالكـون
واللي ثنى مجدوع وسط المحاسي

قلتـه وربعــي بـالمعـامــق يعــذّون
اسبعه سباع ٍ بالضحى والدماسي

من عقب وايل هم ذرى كل مغبون
بالفعل ماهـو بانتخــاب الكراسي


فهد المسيكي العنزي 14 / 11/ 1436

صح لسان الشاعر عبدالله بن ظهيرة اليامي والشاعر فهد المسيكي على الأشادة بفعل من يستحقون الأشاده