قصيدة بمناسبة أجتماع قبيلة الخمشة في مدينة الشملي بتاريخ 22شعبان عام 1430هـ
قال عبدالله بن دهيمش بن عبار العنزي هذه القصيدة بمناسبة دعوة عيال عودة بن داله الخمشي لجتماع قبيلة الخمشة بمدينة الشملي :
لي الشرف بحضور حفل أبن داله ** رغم الظروف لدعوة الربع لبيت
حـفـل الـكـرام الطـيـبـيـن أعـنـالـه ** ما هي حسافه صوبهم لـو تعنيت
حيث الضمير لشوف الأجواد واله ** القـا الكرامه عندهم كل مـا جيـت
نسل النبيـل الـلي تشّرف افـعـالـه ** عوده على راس النبا يشمخ البيت
كيـف النشامـا يـنـوجـد فـي دلالـه ** فنجـال مـا كيفـه ارقـيلـه وباكيـت
وساروا على منهج طريقه عيالـه ** أدناهم اللي قيل يا نعم ما اطريت
عـيـال عـوده يـدركـون الجـمـالـه ** صيدالرجال اللي لهم بالفخر صيت
مشكور مـن يجمع عواين رجالـه ** تجـمـعـوا كـل الـرفـاقـه بـتـوقيـت
عـزوة هل الجدعا نحضر احتفاله ** العـزوة الـلي فـي لـقـاهـم تهنيـت
مثل الجبل يذري عن الشوب جاله ** الـلي بهم وقـت الشدايد تعـزويت
وأن جاهـم الجاني يـدور الـدخالـه ** دخيلهـم مصيـون مـا قـال ذلـيّـت
المـدمي المطلـوب صفـوا بـجـالـه ** مهما بلغ جرمه يقولون ما اخطيت
والضيف ياخـذ واجـبـه في كمالـه ** يقلط عـلى عيت الكباش العناتيت
مـا منهـم الـلي صـد للضيف زالـه ** يـوم العدول من المكايل مباحيـت
وقـصيـرهـم يـدلـه ويـنساح بـالـه ** مهما يطول الـوقـت ما قـال مليّت
قصيرهـم لـو عـال يـرفى خـمالـه ** يحشم جنابـه عن كلام الشواميت
وأن جاهم اللي من الزمن باد ماله ** قـالـوا تبشّر بالـرفـد يامـن أبليـت
الكـل يـنـفـق مـن غـوالـي حـلالـه ** يوم الزمن جافي قبل يطلع الزيت
والـلي يحالف جمعهم طـاب فـالـه ** يـقـول نـلـت بـعـزهـم مـا تـمنيـت
هـم ملتجأ الـلي غيّر الوقت حـالـه ** صفوة صناديد الرجـال الـزناتيت
خصيمهـم مـفـلـوج فـي كـل قـالـه ** حظك ردي ياللي عليهم تهقويـت
مـا يـوم حـطـوا للمحـامي وكـالـه ** بالسيف الأملـح ذلـلـوا كـل نتنيت
أعـني مـدابيس الـوغى بالصيالـه ** أهل الحميا اللي لطاريهـم أوحيت
أهـل الصخى والمرجلة والبسالـه ** يوم النخاوي والحدا والمصاويت
لا ثـارت الجدعاء بعصر الجهالـه ** نالوا فخرهم بالسيوف المصاليت
سـلايـل سلـيـمـان نـعـم الـسـلالـه ** أفعالهم ما أحصيه لـو كان عديت
يوم الفخـر فوق النضى والخيالـه ** فرحت ضميرك كان بالجـد ناديت
الـلي يـنـاطـح جمعهـم مـن هبالـه ** يـقـفي بحسرات النـدم والتناهيت
واليوم في حكم الشرف والعـدالـه ** لموا طوارف شملنا عقب تشتيت
أطلـب من المولى عـزيـز الجلالـه ** الـلـه يثبتهـم عـلى الحـق تـثبيـت

يا نعم والله في كل من ذكرت واطريت

يستاهلون أهل الجدعا ولا هي غريبه عليهم فعول الرجاله

وصـح لسانك وبنانك وإعتلا شآنك أخي أبو مشعل

ودمت وأدامك الله بعفوه ورضوانه وسترنا وإياكم بستره فـوق الأرض وتـحت الأرض ويـوم العرض.

اخـوك
أبـو عبدالعـزيـز

جزاك الله خير على حسن وأشكرك على مشاعرك الطيبة نحونا

يعيك العافيه
على الموضوع
مع تحياتي
ابـــــن الـــــمرتعـــ

ـد

ومليون نعم بالخمشة


وصح لسانك يابو مشعل وعزالله انهم كفوو ويستاهلون




لاهنت يا عم


سعد

الاستاذ / عبدالله العبــآر


صح السسسآنك يآبــو مششششعل


والخمششه قبيله تستآهل وهنيئن لهم في حضور ابو مشششعل


وقصيده جزله من ششاعر عودنآ على الجزل دائــمن


فلأ تعرمنا يآ بــو مشعل من جديدك


وتقبل مروري وودي



ممدوح البديوني

يعطيك العافيه اخوي ونعم فيكم