جيت ابي انام ولاقبلني منامي=مانام من دكّه هواجيس وشطون
سمعت هرج مروجين الكلامي=اللي جداهم بالحمايل يحشون
وش لون ينسى جهد عالي المقامي=ماكنت اصدق ماسمعته يقولون
مايجحد المعروف غير الخمامي=والا حقودٍ طاع خايب وملعون
عبدالله العبار يبقى سنامي=مهما يقول اللي به الحقد مشحون
الحر مايخشى هديل الحمامي=يحوم فوق اللي تعلّوا يحومون
قظا حياته للقبيله محامي=يكوّي وجيه اللي للصيّاخ يحمون
النور عن وجهه يزيل الظلامي=والطبع محفوظٍ على الحق مضمون
من حط بلسان المسولف لجامي=من صد ثرثارٍ على الكذب ملسون
اشعارنا حطوا عليها الوسامي=وامجادنا لولا ابو مشعل يضيعون
ركبوا خيول اوراقهم والقلامي=ولهم من افعال القبايل يحطون
اللي حفظ تاريخنا بالتمامي=تنكر جهوده ليه يالربع وشلون
ولف تواريخٍ عليها البهامي=بصمات لمشاهد حضارات وضعون
تاريخ من ولف سعود الامامي= اللي ذكر تاريخ طامي وطوسون
ال السعود عنوز قبل الف عامي=ماولفه وليم قبل ترجمة جون
صار يتلاعب بالحقايق حرامي=يسرق على كيفه والاعلام يدرون

الشاعر/ سليّم كسار المضياني

الله يبيّض وجهك يا راعي الصبحا وعادتك وأمثالك الوفاء والوفاء من شيم الكرام وأقسم لك بالله أن بعض الرجال الذين يتنكرون ويجحدون ليس عندهم ما يتمسكون به ألا البحث عن المثالب ونحمد الله أن الرجال المنصفين في هذه القبيلة كثرة وأن أهل التنكّر والجحود قلّة والحقيقة يا أخي أن الصحيح يبقى وما سواه يزول ومن الغريب أن الرجال الذين ليس لديهم أطلاع صاروا يصدقون دون التأكد وهذا خلل في مصداقية الرجل الذي له كيان أن ينزلق مع أقوال من له هدف ولكن الحقائق كفيلة بأن تبين والله المستعان

الشاعر/ سليّم كسار المضياني
بيض الله وجهك على هذه القصيده الجزله وكل ما قيل بالشاعر والأديب عبد الله العبار من شكر وثناء فـ هو قليل بحقه ولا يصح الا الصحيح واللي ماهو صحيح يطيح 0 الف شكر لك على ما عبر به ضميرك الصريح ومشاعرك الصادقه 0

الشاعر سليم بن كسّار المضياني، أولاً نرحب بك أجمل ترحيب بين بني عمومتك وفي صرحك وموقعك فيا أهلاً وسهلاً بك وما أنت بضيف بل معزّب ومن أهل المكان .

وصح لسانك وبنانك على هذه الأبيات التي تصف لنا بعض ما تعاني منه قبيلة عنزة في هذا الزمان، ولشديد الأسف أن بعض أبناءنا أصبح معول هدمٍ لا بناء في صف القبيلة ومفرحاً لمن يشفي قلبه تفرّق وتشتت أبناء قبيلة عنزة وتسلطهم على بعضهم البعض..

حيّاك الله وبيّاك وكثّر الله بالحي مثلك يا بنآخي ..

اخوي الشاعر/ عبدالله ابن عبار



صح بدنك ياابو مشعل وماسوينا الا الواجب ولا يجحد جهودك الا ناكراً للجميل



تحياتي وتقديري لك

الشاعر القدير
سليّم كسار المضياني

صح لسانك مدد بلا عدد وبيض الله وجهك على كل حرف كتبته
لقد قمت بالواجب بارك الله فيك وكثر الله من امثالك
في زمن كثر فيه المنكرون والجاحدون للجميل
سلم فكرك الراقي



انقى تحيه

تسلم اخي سليم المضياتي وابو مشعل يستاهل كل خير واشاده وكل نزيه شرواك لاينكر جهوده تجاه اهتمامه بتاريخ وانساب قبيلة عنزه والذود عنها في كل محفل وهو الذي ساعد بجمع شمل اقسامها واعلامها وجد واجتهد ونقصح وافصح عن كل قبيله بفروعها واقسامها واليوم اي شخص من الشباب يستطيع ان يعرف اي قسم من اقسام عنزه وهذا يستوجب من الي شرواك الاشاده واظهار الثنا ادامك الله ورعاك

صح لسانك وبيض الله وجهك

الشاعر سليم كسار المضياني

أهلا وسهلا بكم في هذا المنتدى الطيب المبارك و المتخصص في النسب والأنساب وكل ما يخص قبيلة ربيعة عامة وعنزة خاصة

وصح لسانك واعتلى شانك

قصيدة رائعة ومعبرة

وأبو مشعل بذل جهود جبارة في حفظ تاريخ وتراث وتفرعات نسب ومجد وكل مايخص قبيلة عنزة

أبو مشعل لم يترك شاردة ولا واردة تخص عنزة إلا وحفظها وأعماله وبحوثه في خدمت القبيلة هي التي تمدحه والتي تواصلت حوالي خمسة عقود مضت تقريبا ولا يزال حفظه الله وأمده بالصحة والعافية وطول العمر يعطي المزيد في خدمت هذه القبيلة .

وهو يستاهل الاشادات الطيبة وأهل لها .