قصائد جديده

قال عبدالله بن دهيمش بن عبار هذه الأبيات وهي نخوة
لرجال القبيلة لتكملة دية سلطان بن عايد بن ودي الفدعاني نسأل الله ان يفك قيده :
يا جـماعـه افـزعـوا ما فيـه صـده *** اخرجـوا سلطـان من قيـد الحديـد
ابـن عايـد ينتخي في عـقـب جـده *** نـصـرت المنـظـام باليـوم الشـديـد
يا جماعه ما بقي من الوقـت مـده *** ومن تعزوى بعزوته ما هو وحيد
دوم خـلـوا بـيـنـكـم الـف ومــوده *** ومـن يفاخـت لابـتـه ما هـو سعيد
يـوم كـان الـوقـت بـه هــده ورده *** تبذلـون الـروح مـن دون الفـقـيـد
قـالهـا الـلي بالنخـاوي بـاح سـده *** ما ذخـر مجهـود والمـولى شهيـد
يذكـر الـلي ما اهتنا بنوم المخـده *** يـنتـظـر سلطـان تكميـل الـرصيـد
واحمد الـله من عيـال العـود بـده *** عـن مواجيـب القـرايـب ما تحيـد
وينكم يا جلاس يا حمول الأشـده *** ويـن وهـب ويـن ما خلـف عبـيـد
وين عقب سهيل عـز اللي يحـده *** وقـتـه القاسي يجـد منهـم عضيـد
عـزوة الـويـلان دايـم مـسـتـعـده *** في زمـان الضيـق ما تذخـر جهيد
الفخـر مبـطي ضـنـا عـنـاز قـده *** طيبهـم صرحـت بـه صـدق واكـيـد
للقـرايـب ريـف والعـايـل تضـده *** تـدرك الطـولـه ويـزهـاهـا الحـميد

قال عايد بن علي المصربي عندما سرق سبعين شاه من غنمه في شهر
رمضان الماضي الله يخلف عليه :
يـا جـرح قـلبـي وانـا المـجـروح *** والـدمـع مـن الـعـيـن مـنـهـلـــي
مـا هـو عـلـى واحـد مــمــلــوح *** بـنـات الأشــعـل يــروالــــــــــي
لـقيـت جـرتهـن بـوسـط السـوح *** واشـكـي لـلـي فــوق مـتـعـلـــي
والـلـه لا انطـحهـم قـدام نـطـوح *** واشـفـي مـن اجسـامـهـم غـلي
الـلـي كـسـيـر والـلـي مـجــروح *** والـجـرح مـا يـقـاس بـالـمـلــي
ويـطـيـح الـلي شـالهـن مـذبـوح *** حـتـى شـيـاهــي يــعــودن لـي

قال عبدالله بن دهيمش بن عبار هذه الأبيات مجاراة لأبيات عايد :
يـا عـايـد اصـبــر وخـل الـنـوح *** وخـلّـك عـن الـهـم مـتـسـلــي
اصـبـر وقـل لـلـزمـن مسمـوح *** والـعــمـر يـا عــايــد مــولــي
حـيثـك صبـور وبـعـيـد شـبـوح *** فـاهــم وبـالـصـبـر مـتـحـلــي
والـلـه مـا لـومـك بكثـر البـوح *** بـالـلي الحـرامي لـهـن شـلـي
مـاجــور يـالـطـيّـب الـمـمـدوح *** عـادتـك ضـيـفـك بـه تـهــلــي
عسـى يـعيضـك خـلاق الـروح *** الـلـي لــه نـصـوم ونـصـلـــي

وقال عبدالله ن دهيمش بن عبار هذه القصيدة يثني على الرجل الفاضل خلف بن
نزال القرش أبو فهد وهو من الرجال المنصفين الذين يقولون كلمة الحق وقد
سجل مقاطع حول موضوع السطو على شجرة قبيلة عنزة مشكوراً :
يا خلف يا عـز الخوي يا ابـن نـزال *** يا ابـو فهـد الـلـه يـكـثّـر امـثـالـك
أنا اشهد أن مجناك من ترثت رجـال *** شـيـابـك الـلـي ورثـوا لـك دلالـك
شـهـم وكـريـم ونـادي الـكـف بــذّال *** يا فرحت اللي من ظروفه شكالك
لـك الشكـر مـدبـول يا طـيّـب الـفـال *** الـلـه يجمل يا ابن الأجـواد حالـك
وعساك تبقى دوم في احسن الحـال *** واطلب ولـي الكـون يصلح عيالك
انـت الـذي عادتـك تصدح بالأقـوال *** تتبع حديـث الحنبـلي وابـن مـالـك
قلت الصحيح ولاانت طامع ولا ذال *** لـلـي يـقـدم جـهـد تـرفـع عـقـالـك
دايـم تقول الصدّق يا نسل الأبطـال *** صريـح والقـول الصحيـح يحلالـك
ذكرت الـلي سويت يا ذرب الأفعـال *** يا الله عساها في محاسن اعمالـك
الـلـه يجيرك من صواديف الأهوال *** يـقـولـه الـلي من ضميـره دعالـك
يا القرم من زهرت شبابي ولا زال *** لا زلـت مجـهـد يالسنـافـي كـذلـك
اطوف واسعى وابذل الجهد والمال *** واطـوي سماهيـد الديـار المهالـك
يامـا وياما دجـت بطعوس وجـبـال *** وياما مشيت بدرب صعب المسالك
كـل يـوم لـي بـديـار عـنـاز تجـوال *** اجـمـع نـسـب وايـل بـكـل الممالـك
حتى وصلت الميد وانجزت الأعمال *** واحـمـدك يا لـرحمـن جـلا جلالـك

قال الشيخ الشاعر يحيا بن خليفة الرشدان هذه الأبيات يثني على جهد عبدالله بن دهيمش بن عبار :
جهـدٍ بذلته يا ابيض الوجـه مشكور *** مـا ينجـحـد يـا طـيّـب الـفـال لـلـه
مضى لمجهودك اربع عقود مذكـور *** مـا فـيـه جهـداً بـان ومنافسن لـه
واليوم ما نطاوع بكـم قـول مغـرور *** والحـق مـا يجحـد ويـعـرف محلـه
والـلي سـعى للـزور ويـدور الـزور *** لـو عـاش بـالـدنيـا حـيـاتـه مـذلـه
والـلي شهـد بالحـق يشكر وماجور *** ويـعـيـش بـالـدنـيـا سـعـاده وفـلـه

وقال عبدالله بن دهيمش بن عبار هذه الأبيات مجاراة لأبيات الشيخ يحيا ابن خليفه الرشدان :
يا ابن خليفه عشت يا صائب الشور *** أنـت الـحـمـيـا لـك عـقـيـده ومـلـه
سمعـت منطوقـك وانـا منـك مسرور *** مـن عـال للـطـّرق السليمـه تـدلّـه
منعـور تنجـب من صماصيم منعـور *** جـدك عايض عقـد البلايش يحـلـه
مجناك من عزوه مثل شامخ الطور *** ذخـر الـرفـيـق ولـلـمـعـاديـن عّـلـه
من مارثـت رشدان مبطي لهـم دور *** شيـوخ الفضيـل ولا يحملـون زلّـه

قال عدالله بن دهيمش ن عبار هذه الأبيات يبارك لحفيده وليد بن مشعل بمناسبة
تخرجه والحصول على شهادة عليا في هندسة بترول من امريكا :
جـعـلـه مبـارك يا حفيـدي تخـرجـك *** وعسـاك يـا ولـيـد دايـم بـتـفـويـق
ربك مـع الـلي نالـوا المجـد يدمجك *** وعساك تصعـد عاليات الشواهيق
رب المـلأ يفـرح ضميـرك ويبهجـك *** واطلب من الرحمن رفعه وتوفيق
واطلـب لعلـك ما تجـد شي يحرجـك *** حيثك كما الصيرم طليق المسابيق
فعـلـك يشـرف مـا يهينـك ويسمجـك *** وحققت كـل اهداف والدك تحقيق
تصبر على الغربه ولا هي بتزعجك *** حـتى رجعـت بحفظ رب المخاليق
حيثـك وجيـه ومنهـك الطيب منهـك *** ابيـك لي مذخور في حزت الضيق
تبقى كمـا سهيـل اليمـاني تـوهجـك *** وتشمخ كما ابانات ولا كما طويـق
اتعـب عـلى العـليـا وكمّـل برامجـك *** حيثـك نبيل ولا انت مثل المطافيق
فـاهـم وتفلج بالطلـب من يحاججـك *** وتـدل فـي ممشـاك كـل الطواريق
قلته وانا في صادق القول اهـرجـك *** بـك افتخـر ما هـي مزاري وتعليق

صح لسانك يا أبو مشعل والدال على الخير كفاعله

تابع القصائد الجديدة

قال : الشاعر محمود بن عبدالله العبار هذه القصيدة يسند على والده عبدالله بن دهيمش بن عبار :
أبــوي كـافــح كــل مـن عــاداكــم *** وبالشعر وعلوم الأنساب اعجوبه
شكـم خشم الـلي ما لقى لـه شاكم *** ضـد الـذي حـط الأنسـاب لـعـوبـه
يـشيـل حـمـل بـكـاهـلـه مـتـراكـم *** وبيض القلـوب يمجـدون اسلـوبـه
تكـرم عـن سلـوم العـفون لحاكـم *** عن قـول شين الهـرج قولوا توبه
يا الـلي تبون الشر يا ما اغباكـم *** لبـس الـعـرايـا مـا سـتـركـم ثـوبـه
بمسلسـل التمثيـل وش دهـواكـم *** كـلـن يـريـد التـغـلـبي مـن صـوبـه
اسـعـوا وخـلـوا لعـنـزة مسعاكـم *** وخـلـوا بـكـم لـعـيـال وايـل حـوبـه
كـلـن بتحـريـف النسـب يشناكـم *** وذكـر المصـادر بالنسـب مطلـوبـه
وحنـا بفضل الـلـه بضـل الحاكم *** مـن خـالـف السنـه يـنـال عـقـوبـه
قال عبدالله بن دهيمش بن عبار هذه القصيدة جواب لقصيدة الأبن الشاعر محمود بن عبدالله العبار :
يـا سـامعـيـن استـغـفـروا مـولاكـم *** رب العـبـاد العـبـد يمحـا ذنـوبـه
يـقـول الـلـي صـبـحـكـم ومـسـاكـم *** بالـواتساب ارسـل لـكـم منـدوبـه
بـالـحـال يـا مـحـمـود ردي جـاكـم *** عـن رد قـافـك مـا اتـونى بنـوبـه
أن كـان رب الـكـون لـي خـلاكـــم *** مـا أظـن الاقـي بالزمان صعـوبـه
يـقـولـه الـلـي حـبـكـم واغـلاكــــم *** أبـوكـم الـلـي دوم مـا بـرتــوبـــه
يـامـا بـذل مـجـهـود فـي مـربـاكـم *** ومن طابت اخلاقه عطي ماجوبه
اسـعـوا لـفـعـل الخـيـر في دنياكـم *** وصيروا كما اللي نارهـم مشبوبه
قصيـركـم والصاحـب ان خـاواكـم *** والـضـيـف كـانـه زاركـم حـيـوبـه
عسى الـردي نسل الـردي يفداكـم *** يـسـتـاهــل الـتـهـبـاه ثـم الـكـوبـه

قال الشاعر معيض بن راكح المرعضي الرويلي ابو جابر يسند على عبدالله بن دهيمش بن عبار :
يا شـاعـر الـويلان يا سيـف عـنـزة *** ياللي على حقوق النشامى ما تعيل
الشعـر شعـرك وانـت راسك مركزه *** والـلي يعـرفـك يـم حـقـك مـا يميـل
هضمة حقـوق النـاس اكبـر معجزه *** وانـت ابن عـبـار كالسيف الصقيل
والشـهـادة يـا ابـو مشـعـل مـنـجـزه *** مـن قـبـل دور المنـافـق والهـبـيـل
تـاريـخـك اكـبـر مـن امـور مـلـفـزه *** يعيش راسك وانـت بالـوزن الثقيل
انـت مـثـل الحـيـد صعـب الهـزهـزة *** يشهـد التـاريـخ وهـذا اكـبـر دلـيـل
قال عبدالله بن دهيمش بن عبار هذه الأبيات جواب لأبيات الشاعر معيض ابن راكح المرعضي الرويلي أبو جابر :
مـرحـبـا وحـي الـبـيـوت الـمـوجـزه *** مـن رجـل يستاهل الشكـر الجزيـل
قـاف ابـو جـابـر كمـا الـلي يـكـنـزه *** الـذهـب عـنـد الـرواجـح لـه مشيـل
عـاش الـلي عـلـم الفضيلـه يـحرزه *** ابـن راكـح نـعـم بـالـقـرم الــنـبـيـل
مـا مـن الـلـي بـالـمـعـايــب يـلـمـزه *** لـه عـزيـز الجـاه والـقـدر الجـلـيـل
مـن قبيلـه عوق الـلي ابليـس نغـزه *** اهـل العـليـا ضـد مـن بـاق العميـل
والـلـي شيطـانـه مـع العـلبـا تـمـزه *** من يـلاقـى جـمعـهـم يـرجـع ذلـيـل

قال الشاعر محمد بن عايد بن دوهان الرماحي هذه الأبيات يثني على زميله
عبدالله بن دهيمش بن عبار :
يا أديبنا يا الـلي بـك الحـق منصـور *** يفـدا جنابـك من هـو للحـق عايـف
تـاريـخـنـا مـا يـقـربـه كـل مـغــرور *** ولا يزحزح الويلان هرج الهدايف
يا بـيـرق الـويـلان بالـعـز مـنـشـور *** عـبـدالـلـه العبـار يـرقى النـوايـف
يا مـؤرخ الويـلان مشكـور مشكـور *** عـسى فـداك الهـامـليـن العـذايـف
سيف عنزة صمصام بالحق مشذور *** انـت الـذي بالطيـب يالقـرم نـايـف
عـبـدالـلـه اللي سطر المجد بسطور *** عـنـاز سـاس المجـد ماهـم لفايـف
قال عبدالله بن دهيمش بن عبار هذه الأبيات جواب لأبيات الشاعر محمد بن
عايد الدوهان أبو عبدالعزيز :
محمـد ابن عايـد من الربـع منـعـور *** نسل الـذي يـروي حـدود الرهايف
دوهان ما راعـه من التـرك طابـور *** ارخص بغالي الروح دون العفايف
بالسيف دق العـلج في مشّـة الـزور *** وارداه يـوم أنـه يسـوق العطايـف
والخفرة الـلي من نسل جـد مشهور *** أودع دمـاغ الـلي نهبـهـا شظايـف
وكـل السرية حادهم مع هـك القـور *** هوهـا ولا هـو من المعادين خايف
يا محمد يا زين النبـا مابـك قصـور *** يسلم جـنابـك يا وسيـع المضـايـف

مساجله جديده
قال : الشاعر صالح بن عبدالله بن دهيمش العبار هذه القصيدة يسند على والده عبدالله بن دهيمش العبار :
راكب الـلي لا سرى في طريـقٍ جـرهـدي *** تقصر دروب المسافه وحيله مـا يبيـد
كـل ما شديـت عـزمـه مـع الـدرب يغـدي *** يقطع الفرجه وعزمه مع البيدا عنيـد
في ظـلام الليـل لا صـار خشمـه مـبتـدي *** مثل نجم سهيل لا شفت نوره من بعيد
اذكر الـلـه لا نظرته تعجب بشكل البـدي *** تحسب انه عقد لؤلؤ مـا هـو من حديد
جيـب تويوتا مـن الشرق دوب مـوردي *** لا درج بيـن المواتر هـو الجيب الفريـد
ينحـر ديـارً حـدتـني لهـا الضيقـه حـدي *** فيها شاعر باللوازم عن لزومه مايحيد
والدي ليـه معين وهـو ذراي ومسنـدي *** النشاما يمدحونه صاحب الـراي السديد
والدي هو تاج راسي افخر وفيه اقتدي *** فاهم وعاقل حكيم عارف ونهجه رشيد
ذاك ابن عبار أبوي عسى يفداه الردي *** وايـلي ما بـاد عـزمه دوم بالشده عتيـد

قال : عبدالله بن دهيمش بن عبار هذه القصيدة جواب لقصيدة الشاعر صالح بن عبدالله بن عبار :
وصل منظـوم القوافي من نقاريح ولدي *** شاعر جاد المعاني بارع بجزل القصيد
ارسل جيب اليا تحرك يشبه لذيب يعدي *** النديب الـلي بعثتـه بالعجل جاب البريد
بالعجل خطك وصلني واستلمته في يدي *** ياعسى يسلم جنابك يجعل يومك سعيد
صالح حليم وكريم وطيّب اخلاق وهدي *** فاهم وعقله رصين ليس خمل ولا بليد
شاعر يتبع طريقي يمسك الدرب بعـدي *** والشعر ورث الجدود عندنا ماهو جديد
كل ساري يقتدي بسهيل أو نجم الجدي *** في ظلام الليل عتمه تاه في دجى شديد
صيرم الحرالقطامي اشهد انه له شدي *** شف بال اللي قنص به كل ماهده يصيد
ذاك صالح لا نخيته بالعجل جاك يحدي *** صالح وجملة اخوانه الردى عنهم بعيد
كانهم طابوا عيالي طاب حظي وسعدي *** اعتبرهـم رصيدي غيرهـم مالي رصيـد
كنت اكدح حتى شبت وباد حيلي جهدي *** كنت أربي كل منهم من بدأ عمره وليـد
وآخـر القول اطلب كل يومي مع غـدي *** الولي رب الخلايق موهب الرزق العبيد