في ذكرى اليوم الوطني السعودي الرابع والتسعين - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

09-22-2024, 09:54 PM

في ذكرى اليوم الوطني السعودي الرابع والتسعين

يحتفل الشعب السعودي في ذكرى توحيد المملكة هذه الذكرى تسعد كل مواطن فهي
تذكّر الشعب بالموحد الملك عبدالعزيز بن عبدالرحمن بن فيصل آل سعود موحد هذا
الكيان الشامخ الذي جمع شمل الأمة طيّب الله ثراه والجميع يفتخر ويعتز بهذا اليوم
المجيد أعز الله مملكتنا الحبيبة وقادتها وشعبها وقلت هذه القصيدة في هذه المناسبة :

باليـوم الـلي فيـه الموحـد جـمع شعـبـه *** كـل الطـوايـف سليـل المجـد وحـدهـا
عـبـدالعزيز الشـرع بالحكـم يشـرع بـه *** سـيـرة أبـو بـكـر والـفـاروق جـددهـا
الـمـال لـضـعـوف الـفـقـارى تـبـرّع بـه *** حـتى الـيـتـامـا والأرامـل يـسـاعـدهـا
يدعي لـه من يدخل المسجد ويركع بـه *** وأم الـيـتـامـا تـرتـفـع لـلـولـي يـدهـا
زال الظروف اللي لشعب الوطن صعبه *** اشـرق قـمـرهـا والـديـاجـيـر بـددهــا
صـان البـلـد ما يقـدر الخصم يطمع بـه *** وأهل الطغى عن دار الأجداد يطردها
عقب التناحر واشباح الخوف والرعبه *** جـمـلـة أيـادي دعـاة الـشـر قـيـدهـــا
الـيـوم زانـت بـه الـعـرضات والـلّـعـبـه *** الشّعـب طابـت لـه الأفـراح واسعدهـا
عـاش أبـو فـهـد حـامي البيت والكعبـه *** تفخر به اللي على الأخلاص عودهـا
حـل القضـايـا لمـن تـنصّـاه يـسـرع بـه *** لـه سيـرتـن كـل الـقبـايـل تـمـجـدهـا
حاكـم وطن مـن حـدّه الجوع يشبع بـه *** بالـدار الـلي من يلحقه ضيم يقصدها
كـل الوطـن مـن بـاذر الخيـر يزرع بـه *** سـلـمـان حاكمهـا وسـلـمـان قايـدهـا
ومحمـد الـلي شامـخ المجـد يطـلـع بـه *** شبـات سيفـه عـلى العـدوان يزندهـا
السيـف الـلي جـده الصنـديـد طـوّع بـه *** كـل العصـاة الباسـل الليـث جاهدهـا
رسـّخ الأمـن الـلي المـواطـن تمتّـع بـه *** هـو ذخـر سكّان الجـزيرة ومسندها
والجـذع الـلي سادات مقـرن تفـرّع بـه *** صفـوة ربيعـة مـن نـوادر بـدايـدهـا
مـنـذ الـقـدم تاريخ آل سعـود نسمع بـه *** افـعـالـهـم كـل الـتـواريـخ تـسـردهـا

مع تحيات أدارة موقع قبائل ربيعة عامة وعنزة خاصة وكافة الأعضاء والرواد .