هذه القصيدة موجهها عبدالله بن عقاب الشّن الخمعلي العنزي إلى الشاعر والمؤرخ والأديب الفاضل : عبدالله بن دهيمش بن عبار الفدعاني العنزي ومحاولة جحود مواقفه وما أفناه من عمره للتعريف بقبيلة عنزة لمن يجهل تاريخها المجيد والدفاع عنها بلسانه وقلمه بكل تفرعاتها وأصولها العريقة عبر التاريخ :

الـنـوم عـيـني عـافـته يا أبن عـبـار *** لـقيـت شـي يـذهـل العـقـل وايـهيـل
دوبـي دريت أن الأفـاعي لهـا بـغـار *** تـنفـث سمـوم ولا وراهـا محاصيـل
لوهم كثـار وبعضها اجسامها كـبـار *** أهـل الخـطـأ دايـم تـدّور مـحـابـيــل
ونعـوذ بالـلـه حق مـن صالي الـنـار *** لبعـض أمـور فـيه تضـرب تـمـاثيـل
ونعـوذ بالـلـه من بعض حكم الأقـدار *** وبيتـه حماه من أبرهه راعي الفيـل
وبعض الأمور الـلي بها العقل يحتـار *** بعـض كبـار القـوم بعـقـول جـهّـيـل
لـوهـم سـلايـل لابـة شيـوخ وأحـرار *** عـز عـنـزة حـطـوه في غـبّة النيـل
أهـل اجـتـمـاع صـار مـا جـمعهم بـار *** للـتّـفـرقـه عـلى الفـتـن والـبـلابـيـل
عـلـى الأمـور الـهـيـنـة دمـهـم فــار *** واستشهدت نظراتهم بردت الحيـل
لوهـم خلايف قـوم يهدون الأعـمـار *** وأمجـادهـم بالسيف ماهي براطيـل
وتبع الوكـر عـالـه عـلى كـل صقّـار *** مـا صار من هـدّه صوايـد مهازيـل
اقولهـا بالصّـدق فـي سـر واجـهـار *** وفـعـل هـل الطـولات غبن الأراذيل
مـذمّـة أهـل الـدون بـالـلي لهـم كـار *** لكن النهـار بشرقـتـه يـدحـر اللّيـل
وينهم عـن الويلان في كـل الأقـطار *** خـلايـف الـلي باللقاء ترذي الخيـل
معهـم بطايق مؤسفه مالهـا اصـدار *** ومن هالزمن عانواغبون وغرابيل
وصدق الوفاء فيهم مواثيق وشعار *** لحكامنا الـلي مجدهـم عـانق سهيل
آل الـسعـود وجـمـع خـليجـنـا صـار *** عـز لقبـايلـنـا وعـلى اعـدائنا ويـل
وحـكـامـنـا حـمـايـة الــدّار والـجـار *** عـز عـنـزة عـن زايد الغبن والميل
وحنا برجاء الله ثـم من عدلهم سـار *** عـزّة هـل السّنـة ودحـر الأبـاطـيـل
تنخـاهـم الـويـلان يـوم الـزمن جـار *** لـهـم الولاء وبالعـز سوق الفناجيل
الـعـلـم لا جـاهـم فـرحـنـا بـالأخـبـار *** لأجيال راحـت عـز ولحاضر الجيل
آل السعود الـلي لـهـم طيـب الأذكـار *** الـعـز لـهـم ورث فـخـر ومـنـازيــل